सी. सुब्रह्मण्यम  हिन्दी देवनागरी में पढ़ें।

si. subrahmanyam
si. subrahmanyam
poora nam chidambaram subrahmanyam
janm 30 janavari, 1910
janm bhoomi koyambatoor
mrityu 7 navambar, 2000
nagarikata bharatiy
prasiddhi 'harit kranti' ke pita
vidyalay presidensi kaaulej, madras aur madras vishvavidyalay
shiksha bi.es.si aur qanoon ki digri (1932)
puraskar-upadhi 'oo thant' shanti puraskar, 'vai.es. chauhan puraskar,' 'bharat ratn' (1988)
vishesh yogadan inaki behatar krishi nitiyon ke karan hi bharat khadyann utpadan men atm-nirbhar ban paya hai.
any janakari 1946 men si. subrahmanyam snvidhan sabha ke sadasy chune ge aur 1952 tak sadasy rahe. 1952 se 1962 tak arthath das varsh tak ve nirantar rajy sarakar men mahattvapoorn padon par rahe. ve rajy ke vittamntri, shikshamntri aur vidhimntri rahe.

chidambaram subrahmanyam (angrezi: Chidambaram Subramaniam, janm- 30 janavari, 1910, koyambatoor; mrityu- 7 navambar, 2000) bharat men "harit kranti ke pita" kahe jate hain. jab bharat ko azadi prapt huee, us samay desh men khadyann utpadan ki sthiti badi shochaniy thi. kee sthanon par akal pade. bngal, bihar tatha udisa men anek log bhukhamari ke shikar hue aur kal ka gras ban gaye. jab si. subrahmanyam ko kendr men krishi mntri banaya gaya, tab unhonne desh ko khadyann utpadan men atmanirbhar banane ke lie anek yojanaen kriyanvit kin. unaki behatar krishi nitiyon ke karan hi 1972 men desh men rikaaurd khadyann utpadan hua. si. subrahmanyam ki nitiyon aur kushal prayason se hi aj desh khadyann utpadan men poorn roop se atmanirbhar ho chuka hai.

janm tatha shiksha

subrahmanyam ka janm janavari, 1910 ko koyambatoor zile ke 'polachi' namak sthan par hua tha. prarambhik shiksha ke bad madras men unaki uchch shiksha huee. unhonne presidensi kaaulej, madras se bi.es.si ki digri prapt ki aur bad men madras vishvavidyalay se 1932 men qanoon ki digri prapt ki, parntu 1936 tak ve vakalat prarambh nahin kar sake. jab unhonne vakalat prarnbh ki, tab tak unaka sambandh svatntrata andolan se ho chuka tha.

svatntrata senani

desh ko svatntrata dilane ke lie ki ja rahi unaki gatividhiyon ke karan hi ve giraphtar bhi ho chuke the. is prakar unaki ruchi svatntrata andolan ki taraf badhati gee aur ab vah poori tarah azadi ke sipahi ban gaye. 1942 ka 'bharat chhodo andolan' ek aisa mahattvapoorn padav tha, jab sambhavat: kangres ka koee bhi mahattvapoorn neta jel se bahar nahin raha. si. subrahmanyam bhi giraphtari se n bach sake. is prakar koyambatoor zile men mahattvapoorn kangres neta ke roop men inaka prabhav badhata gaya. koyambatoor kangres samiti ke ve adhyaksh chune gaye aur isake sath hi tamilanadu men kangres ki kary samiti men bhi unhen mahattvapoorn sthan mila.

krishi mntri

jis samay desh svatntr hua tha, khadyann utpadan ki sthiti atyant shochaniy thi, parantu aj bharat khadyann utpadan men poori tarah se atmanirbhar hai. desh ki svatntrata se poorv bharat ke anek sthanon par anek bar akal pade aur bngal, bihar tatha udisa men anek log bhukhamari ke shikar hue, parantu svatntrata ke bad aisa koee avasar nahin aya, jab desh men akal ki sthiti paida huee ho. jab si. subrahmanyam kendr sarakar ke krishi mntri bane to unhonne desh ko khadyann utpadan men atmanirbhar banane ke lie ek aisi yojana ka vikas kiya, jisake karan desh ke kisanon men aisi jagriti aee ki ve achchhe bij aur khad ka behatar dhng se upayog karane lage. unake mntritv kal men hi khadyann ki nee kismon ka vikas kiya gaya. is kal men hi vibhinn prakar ke urvarakon ka kisanon ne upayog karana shuroo kiya. is kary ki prashnsa nobel puraskar vijeta daau. narman boralag ne bhi mukt kanth se ki hai.

daau. boralag ka kathan

si. subrahmanyam ki krishi nitiyon ke karan 1972 men khadyann ka jo rikaaurd utpadan hua, is ghatana ko 'harit kranti' ki sngya di gee. krishi niti men apake yogadan ke lie daau. boralag ka kahana hai ki "si. subrahmanyam ki door-drishti aur prabhav ke karan krishi sambandhi yah mahattvapoorn parivartan hua. kisi bhi kary ke lie jo rajanitik nirnay lie jate hain, unako lagoo karane ke lie poorn prayatn 1964-1967 ke us kal men hua, jab si. subrahmanyam rajanitik paridrishy ko badalane ke prayatn kar rahe the.

kebinet mntri

1962 men lokasabha ka chunav jitane ke bad si. subrahmanyam kebinet star ke mntri banaye ge. inake adhin ispat mntralay tha. 1963-1964 tak ispat ke sath-sath khan aur bhari injiniyaring mntri bhi rahe. phir 1964 se 1965 tak ve khady aur krishi mntri rahe. 1966-1967 men unake mntralay ke sath samuday vikas aur sahayogita vibhag bhi jod diya gaya. unaka yah kary atyant mahattvapoorn tha. unhonne jahan achchhe bijon ki badhiya kismon ka upayog karane par bal diya, vahan kisanon ko is or bhi prerit kiya ki ve khad ka bhi aur adhik prayog karen. isaka parinam yah hua ki 1960 ke dashak men desh khady utpadan men atm nirbhar ho gaya.

any mahattvapoorn pad

1946 men ve snvidhan sabha ke sadasy chune ge aur 1952 tak sadasy rahe. is prakar dhire-dhire si. subrahmanyam ji ka samajik aur rajanitik jivan adhik vyast hota gaya. 1952 men ve tamilanadu vidhanasabha ke sadasy chune ge. sadasy hone ke sath hi unhen pradesh mntrimndal men sammilit kiya gaya. 1952 se 1962 tak arthath das varsh tak ve nirantar rajy sarakar men mahattvapoorn padon par rahe. ve rajy ke vittamntri, shikshamntri aur vidhimntri rahe. unhonne is das varsh ki avadhi men rajy ki shiksha ke vistar tatha vikas ke lie mahattvapoorn kary kie. tamilanadu ki ginati kuchh aise rajyon men ki jati hai, jahan sabase pahale prarambhik praimari shiksha bachchon ke lie ni:shulk arambh ho gee.

antarrashtriy khyati

is prakar sarakar men aur sarakar se avakash prapt karane ke bad jo kary si. subrahmanyam ji ne kie, unake karan unaka nam antarrashtriy jagat men bhi phaila. shri subrahmanyam prachar madhyam se door rahane ke bavajood adhikadhik antarrashtriy khyati prapt karate ge. faravari, 1990 men unhen maharashtr ka rajyapal niyukt kiya gaya. tin varsh tak is pad par rahane ke bad ve 'bharatiy vidya bhavan' namak snstha ke adhyaksh bane. is pad par rahate hue unhonne anek mahattvapoorn pustakon ki rachana ki.

puraskar

si. subrahmanyam ko tulasi phaundeshan ke atirikt 'oo thant' shanti puraskar diya gaya. rashtriy ekata ke lie kary karane ke karan unhen 'vai.es. chauhan' puraskar se sammanit kiya gaya. phir unhen sarvochch bharatiy samman 'bharat ratn' se 1988 men sammanit kiya gaya.

nidhan

7 navambar, 2000 men subrahmanyam ji ka nidhan hua. ve is shatabdi ke aise mahanh vyaktiyon men se the, jinhonne apana sampoorn jivan kisi adambar aur prachar ke bina bitane ka nishchay kiya tha. desh ko azadi milane ke bad bharat ke vikas aur audyogik pragati ke lie bahut si yojanaen banin tatha unaka jor-shor se prachar bhi kiya gaya, kintu ek yojana aisi bhi thi, jisake sambandh men n to adhik logon ne vichar kiya tha aur n usake sambandh men prachar. yah yojana bahut hi shantipoorn dhng se is prakar age badhi ki janata usake parinamon se stabdh rah gee thi. yah ek aisi mahanh krantikari yojana thi, jise 'harit kranti' ke nam se jana jata hai aur jisaka poora shrey si. subrahmanyam ko jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh