बीना दास  हिन्दी देवनागरी में पढ़ें।

bina das
bina das
poora nam bina das
janm 24 agast, 1911 ee.
janm bhoomi krishnanagar, bngal (azadi se poorv)
mrityu 26 disambar, 1986
mrityu sthan rishikesh, uttarakhand
nagarikata bharatiy
prasiddhi svatntrata senani
dharm hindoo
jel yatra 'bharat chhodo andolan' ke samay bina das ko tin varsh ke liye nazaraband kar liya gaya tha.
shiksha bi.e.
any janakari 1946 se 1951 tak bina das bngal vidhan sabha ki sadasy rahi thin. gandhi ji ki nauakhali yatra ke samay logon ke punarvas ke kam men bina ne bhi age badhakar hissa liya tha.

bina das (angrezi: Bina Das ; janm- 24 agast, 1911 ee., krishnanagar, bngal (azadi se poorv); mrityu- 26 disambar, 1986, rishikesh, uttarakhand[1]) bharat ki mahila krantikariyon men se ek thin. inaka rujhan prarambh se hi sarvajanik karyon ki or raha tha. 'punyashram snstha' ki sthapana inhonne ki thi, jo nirashrit mahilaon ko ashray pradan karati thi. bina das ka sampark 'yugantar dal' ke krantikariyon se ho gaya tha. ek dikshant samaroh men inhonne angrez gavarnar stanali jaiksan par goli chalaee, lekin is kary men gavarnar bal-bal bach gaya aur bina giraftar kar li geen. 1937 men kangres ki sarakar banane ke bad kee rajabndiyon ke sath bina das ko bhi riha kar diya gaya.

parichay

krantikari bina das ka janm 24 agast, 1911 ee. ko british kalin bngal ke krishnanagar men hua tha. unake pita beni madhav das bahut prasiddh adhyapak the aur netaji subhashachandr bos bhi unake chhatr rah chuke the. bina ki mata sarala das bhi sarvajanik karyon men bahut ruchi leti thin aur nirashrit mahilaon ke lie unhonne 'punyashram' namak snstha bhi banaee thi. brahm samaj ka anuyayi yah parivar shuroo se hi deshabhakti se ot-prot tha. isaka prabhav bina das aur unaki badi bahan kalyani das par bhi pada. sath hi bnkim chandr chatarji aur mejini, geri valdi jaise lekhakon ki rachanaon ne unake vicharon ko nee disha di.

krantikari gatividhi

kalakatta ke 'baithun kaaulej' men padhate hue 1928 men saiman kamishan ke bahishkar ke samay bina ne kaksha ki kuchh any chhatraon ke sath apane kaaulej ke phatak par dharana diya. ve svayn sevak ke roop men kangres adhiveshan men bhi sammilit hueen. isake bad ve 'yugantar' dal ke krantikariyon ke sampark men aeen. un dinon krantikariyon ka ek kam bade angrez adhikariyon ko goli ka nishana banakar yah dikhana tha ki bharat ke nivasi unase kitani napharat karate hain. 6 faravari, 1932 ee. ko bngal ke gavarnar stenali jaiksan ko vishvavidyalay ke vidyarthiyon ko dikshant samaroh men upadhiyan bantani thin. bina das ko bi.e. ki pariksha poori karake dikshant samaroh men apani digri leni thi. unhonne apane sathiyon se paramarsh karake tay kiya ki digri lete samay ve dikshant bhashan dene vale bngal ke gavarnar stenali jaiksan ko apani goli ka nishana banaengi.

giraftari

6 janavari, 1932 ko dikshant samaroh men jaise hi gavarnar ne bhashan dene prarambh kiya, bina das apani sit par se uthin aur teji se gavarnar ke samane jakar rivalvar se goli chala di. unhen apani or ata hua dekhakar gavarnar thoda-sa asahaj hokar yahan-vahan hila, jisase nishana chook gaya aur vah bach gaya. bina das ko vahin par pakad liya gaya. un par mukadama chalaya gaya, jisaki sari karyavaee ek hi din men poori karake bina ko nau varsh ki kadi qaid ki saza de di gee. apane any sathiyon ke nam batane ke lie pulis ne unhen bahut sataya, lekin bina ne munh nahin khola.

rihaee

1937 men pranton men kangres sarakar banane ke bad any rajabndiyon ke sath bina bhi jel se bahar aeen. 'bharat chhodo andolan' ke samay unhen tin varsh ke liye nazaraband kar liya gaya tha. 1946 se 1951 tak ve bngal vidhan sabha ki sadasy rahin. gandhi ji ki nauakhali yatra ke samay logon ke punarvas ke kam men bina ne bhi age badhakar hissa liya tha.

dehavasan

desh ko azadi dilane vali aur vir krantikariyon men gini jane vali bina das ka 26 disambar, 1986 ee. men rishikesh men dehavasan hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 548 |

  1. Bina Das-The unsung patriot (hindi). . abhigaman tithi: 21 joon, 2014.

snbndhit lekh