राज्य सभा  हिन्दी देवनागरी में पढ़ें।

bharatiy snvidhan ke pravartan ke bad 'kaunsil aauph stets' (rajyasabha) ka gathan sarvapratham 3 aprail, 1952 ko kiya gaya tha. isaki pahali baithak 13 mee, 1952 ko huee thi. isaki adhyakshata tatkalin uparashtrapati daau. sarvapalli radhakrishnan ke dvara ki gee thi. 23 agast 1954 ko sabhapati ne sadan men ghoshana ki ki, ‘kaunsil aauph stets’ ko ab rajyasabha ke nam se jana jaega.

gathan

snvidhan ke anuchchhed 80 ke anusar rajyasabha ka gathan 250 sadasyon dvara hoga, inamen se 12 sadasyon ke nam rashtrapati dvara nirdeshit kiye jate hain tatha shesh 238 ka chunav rajy tatha sngh rajyakshetron ki vidhan sabhaon ke sadasyon dvara kiya jata hai. rajyasabha men rajyon tatha sngh rajyakshetron ki vidhan sabhaon ke lie avntit sthan ko snvidhan ki chauthi anusoochi men antarvisht kiya gaya hai. is anusoochi men keval 233 sthanon ke sambandh men ullekh kiya gaya hai, jisase spasht hota hai ki, vartaman samay men rajyasabha ki prabhavi snkhya 245 (rashtrapati dvara namit sadasyon sahit) hai. ve 12 sadasy jinhen rashtrapati dvara rajyasabha ke lie namit kiya jata hai, unhen sahity, vigyan, kala tatha samaj seva ke kshetr men vishesh gyan ya vyavaharik anubhav hona chahie.

rajyasabha ka svaroop

snvidhan ke anuchchhed 80 ke anusar rajh‍yasabha men 250 sadash‍y hote hain jiname 12 sadash‍y rashh‍trapati dvara namit aur baki 238 log chauthi anusoochi men janasnkhya ke adhar par rajyon se chune jate hain. amerika ki sinet men sabhi rajyon ko barabar pratinidhitv milata hai aur 1913 ke 17ven snshodhan dvara vahan pratyaksh nirvachan ki paddhati lagoo ho gayi hai. anuchchhed 84 ke tahat bharat ka nagarik hone ke alava rajh‍yasabha ki sadasyata hetu nyoonatam ayu 30 varsh tay ki gee jabaki nichale sadan lok sabha ke lie yah 25 varsh hai. snvidhan ke anuchchhed 102 men divaliya aur kuchh any varg ke logon ko rajyasabha sadasy banane ke lie ayogy ghoshit kiya gaya hai. jan pratinidhitv qanoon ki dhara 154 ke anusar rajh‍yasabha sadasy ka karyakal 6 varsh ka hota hai. har 2 sal men isake ek tihaee sadash‍y sevanivritt ho jate hain isalie rajh‍yasabha kabhi bhng nahin hoti.

rajyasabha nirvachan ki chunavi prakriya

rajy sabha men sadasyon ka chunav rajy vidhan sabha ke nirvachit sadasyon dvara dvara kiya jata hai jisamen vidhan parishadh ke sadasy vot nahin dal sakate. namankan phail karane ke lie nyoonatam 10 sadasyon ki sahamati avashyak hoti hai. sadash‍yon ka chunav ekal hash‍tantaraniy mat ke dvara nirdharit kanoon se hota hai. isake anusar rajy ki kul vidhanasabha siton ko rajyasabha ki sadasy snkhya men ek jod kar use vibhajit kiya jata hai phir usamen 1 jod diya jata hai. ise is tarah samajhen ki uttar pradesh men kul 403 vidhayak hain aur 11 rajyasabha sit hain jinhen 12 (11 + 1) se vibhajit karake phir usame 1 jodane par 34 ki snkhya ati hai jo vahan chunav jitane ke lie nyoonatam voton ki snkhya hogi. vidhayak variyata ke anusar apana vot dete hain aur pahali variyata ke nyoonatam vot jise mil jate hain vah vyakti vijayi ho jata hai. isake pashchat yadi sadasyon ke lie voting hoti hai to sabase kam vot milane vale ummidavar ke voton ko doosari variyata ke anusar any ummidavaron ko transaphar kar diya jata hai. yah silasila tab tak chalata hai jab tak ummidavar vijayi nahin ho jae. isilie chunav hone ki sthiti men vidhayakon dvara any variyata ke maton ka mahatv bahut badh jata hai.

apratyaksh chunav

rajyasabha ke sadasyon ka chunav apratyaksh roop se hota hai. rajyon ke pratinidhiyon ka chunav rajyon ki vidhanasabha ke sadasyon dvara anupatik pratinidhitv paddhati ke anusar ekal snkramaniy mat dvara kiya jata hai tatha sngharajy kshetron ke pratinidhiyon ka chunav us dhng se kiya jata hai, jise snsad vidhi banakar vihit kare. rajyasabha men keval do sngh rajyakshetron- yatha rashtriy rajadhani rajy kshetr dilli tatha pandicheri, ke lie sthanon ko avntit kiya gaya hai. in rajy kshetron ke avntan men rajyasabha ke sthanon ko bharane ke lie nirvachakaganon ko gathit karane ke sambandh men lok pratinidhitv adhiniyam, 1950 ki dhara '27-k' men snsad dvara us dhng ko vihit kiya gaya hai, jisake anusar pandicheri sngh rajyakshetr ke lie avntit sthan ko is sngh rajy kshetr ke vidhan sabha ke sadasyon dvara chune gaye vyakti se bhara jaega tatha dilli ke sambandh men is dhara men kaha gaya tha ki, "dilli sngh rajyakshetr ke rajyasabha sadasy ka chunav mahanagar ke parishad ke nirvachit sadasyon dvara kiya jaega, lekin dilli men vidhanasabha ke gathan ke bad sthiti men parivartan ho gaya hai".

avadhi

rajyasabha ka kabhi vighatan nahin hota. isake sadasy 6 varsh ke lie chune jate hain. isake sadasyon men se ek tihaee sadasy pratyek doosare varsh padamukt ho jate hain tatha padamukt hone vale sadasyon ke sthanon ko bharane ke lie pratyek doosare varsh chunav hota hai. yadi koee sadasy tyagapatr de deta hai ya usaki akasmik mrityu ke karan koee sthan rikt hota hai, to is rikt sthan ke lie upachunav hota hai.

adhiveshan

rajyasabha ka ek varsh men do bar adhiveshan hota hai, lekin isake adhiveshan ki antim baithak tatha agami adhiveshan ki pratham baithak ke lie niyat tithi ke bich 6 mah ka antar nahin hona chahie. samanyataya rajyasabha ka adhiveshan tabhi bulaya jata hai, jab lokasabha ka adhiveshan bulaya jata hai. parantu snvidhan ke anuchchhed 352, 356 tatha 360 ke adhin apat kal ki ghoshana ke bad tab rajy sabha ka vishesh adhiveshan bulaya ja sakata hai, jab lokasabha ka vighatan ho gaya ho.

padadhikari

rajyasabha ke nimnalikhit padadhikari hote hain-

sabhapati

bharat ka uparashtrapati rajyasabha ka paden sabhapati hota hai. yah rajyasabha ki karyavahi ke snchalan tatha sadan men anushasan banaye rakhane ke lie uttaradayi hota hai. sabhapati rajyasabha ke naye sadasyon ko pad ki shapath dilata hai. uparashtrapati dvara karyakari rashtrapati ke roop men kartavyon ke nirvahan ke dauran rajyasabha ke sabhapati ke roop men upasabhapati dvara dayitvon ka nirvahan kiya jata hai.

upasabhapati

rajyasabha apane sadasyon men se kisi ko apana upasabhapati chunegi aur jab upasabhapati ka pad rikt hota hai, tab rajyasabha kisi any sadasy ko apana upasabhapati chunegi. is prakar chuna gaya upasabhapati, sabhapati ki anupasthiti men usake karyon ka nirvah karata hai. 14 mee, 2002 ko snsad dvara parit vidheyak ke anusar upasabhapati ko kendriy rajy mntri ke saman bhatta dene ka pravadhan kiya gaya hai. up sabhapati nimnalikhit sthiti men apana pad rikt kar sakata hai-

  1. jab vah rajyasabha ka sadasy n rah jay.
  2. jab vah sabhapati ko apana tyagapatr de de.
  3. jab tak vah rajyasabha ke tatkalin samast sadasyon ke bahumat se parit snkalp dvara apane pad se n hata diya jay, lekin aisa koee snkalp tab tak prastavit nahin kiya jaega, jab tak ki is snkalp ko prastavit karane ke ashay ki kam se kam chaudah din poorv soochana n de di gee ho.
  4. jab sabhapati tatha upasabhapati donon anupasthit hon, to rajyasabha ke sabhapati ke karyon ka nirvahan rajyasabha ka vah sadasy karega, jisaka nam rashtrapati nirdeshit kare aur rajyasabha ki baithak men vah vyakti sabhapati ke karyon ka nirvah karega, jise rajyasabha ki prakriya ke niyamon dvara ya rajyasabha dvara avadharit kiya jay.
  5. rajy sabha men upasabhadhyakshon ka ek painal bhi hota hai, jisake sadasyon ka namanirdeshan sabhapati, rajy sabha dvara kiya jata hai. sabhapati aur upasabhapati ki anupasthiti men, upasabhadhyakshon ke painal se ek sadasy sabha ki karyavahi ka sabhapatitv karata hai. lok sabha ke viparit rajyasabha ka sabhapati apana istipha upasabhapati ko nahin balki rashtrapati ko deta hai.

tika tippani aur sndarbh

snbndhit lekh