अटल बिहारी वाजपेयी  हिन्दी देवनागरी में पढ़ें।

atal bihari vajapeyi vishay soochi
atal bihari vajapeyi
Atal-Bihari-Vajpayee.jpg
poora nam atal bihari vajapeyi
janm 25 disnbar, 1924
janm bhoomi gvaliyar, madhy pradesh
mrityu 16 agast, 2018
mrityu sthan nee dilli
abhibhavak pndit krishn bihari vajapeyi aur shrimati krishna devi
pati/patni avivahit
nagarikata bharatiy
parti bharatiy janata parti, bharatiy janasngh
pad bharat ke 11ven pradhanamntri, videsh mntri
kary kal pradhanamntri-16 mee 1996 – 1 joon 1996 aur 19 march 1998 – 19 mee 2004; videsh mntri- 26 march 1977 – 28 julaee 1979
shiksha snatakottar
vidyalay gorakhi vidyalay, viktoriya skool (ab rani lakshmibaee kaaulej), di.e.vi. mahavidyalay
bhasha hindi, angrezi
puraskar-upadhi padm vibhooshan, bharat ratn
snbndhit lekh sushasan divas
dharm hindoo
vishesh javaharalal neharoo ke bad inako desh ka doosara stetsamain kaha gaya.
any janakari atal bihari vajapeyi ne vigyan aur takanik ki pragati ke sath desh ka bhavishy joda. unhonne paramanu shakti ko desh ke lie avashyak batakar 11 mee, 1998 ko pokharan men panch paramanu parikshan kie.
adyatan‎

atal bihari vajapeyi (angrezi: Atal Bihari Vajpayee, janm- 25 disnbar, 1924, gvaliyar; mrityu- 16 agast, 2018, nee dilli) ka nam bharat ke sarvadhik lokapriy pradhanamntriyon men liya jata hai. narasimha rav ke bad 1996 men atal bihari vajapeyi matr 13 din ke lie hi pradhanamntri bane. isake bad 1998 men hue chunavon ke madhyam se vah dobara pradhanamntri bane. is karan 1996 aur 1998 ke madhy bane do pradhanamntriyon-ech. di. devagauda tatha indr kumar gujaral ko age sthan diya gaya hai. tatpashchath atal bihari vajapeyi aktoobar, 1999 men pun: pradhanamntri bane aur yah karyakal unhonne atyant saphalatapoorvak poorn kiya. isake poorv vah aprail, 1999 se aktoobar, 1999 tak karyavahak pradhanamntri bhi rahe.  

snkshipt parichay

  • 25 disnbar, 1924 ko gvaliyar men janm hua. angrezi raj ke khilaf bharat chhodo andolan (1942-45) ke daur se rajanitik saphar shuroo kiya.
  • rashtriy svaynsevak sngh ki patrika nikalane ke lie vakalat ki padhaee chhodi.
  • bharatiy janasngh ke snsthapak shyama prasad mukharji ke nikat rahe. 1953 men kashmir masale par mukharji ke andolan ke dauran vah unake sath the.
  • shyama prasad mukharji ki jel men asamay mrityu ka vajapeyi par gahara asar pada tha. usake bad janasngh ki kaman snbhali.
  • bhajapa ka udar chehara kaha gaya. pichhali sadi ke antim dashak men bhajapa ko rajaniti ke kendr men lane men aham yogadan diya.
  • 1957 men pahali bar lokasabha pahunche.
  • sarvadhik samay tak gairakangresi pradhanamntri rahane vale ekamatr rajaneta hain.
  • bharat aur pakistan ke bich talkh rishton ko sudharane ka prayas kiya. 1999 men lahaur bas yatra ki.
  • char dashak tak vipaksh men rahane ke bad 1996 men pahali bar pradhanamntri bane, lekin 13 din tak hi rah pae. 1998 men doosari bar 13 mahine ki sarakar jayalalita ke samarthan vapas lene ke karan giri. 1999 men tisari bar pradhanamntri rahe aur karyakal poora kiya.
  • 1998 men pokharan parikshan karake dridh netritv ka parichay diya aur vishv ko bharat ki paramanu kshamata ka ahasas karaya.
  • javaharalal neharoo ke bad inako desh ka doosara stetsamain kaha gaya.
  • inaki sadagi, naitikata aur uchch adarsho ka loha vipakshi bhi manate hain.
  • rajaniti men amooly yogadan ke lie bharat sarakar ne inhen bharat ke sarvochch nagarik samman bharat ratn se sammanit kiya. isake atirikt ye padm vibhooshan se bhi sammanit hain.

janm evn parivar

atal bihari vajapeyi ka janm 25 disambar (bada din) 1924 ko lashkar, gvaliyar men hua tha, jo ki madhy pradesh men hai. 'shinke ka bada muhalle' men janm lene vala yah balak kitana bada bhagy lekar paida hua. inake pita 'pndit krishn bihari vajapeyi' adhyapan ka kary karate the aur mata 'krishna devi' ghareloo mahila thin. shri vajapeyi sntan kram men sataven the. inase bade tin bhaee aur tin bahanen thin. vah bachapan se hi antarmukhi svabhav ke the, sath hi kafi pratibha sampann bhi the. atal bihari vajapeyi ke bade bhaiyon ko 'avadh bihari vajapeyi', 'sada bihari vajapeyi' tatha 'prem bihari vajapeyi' ke nam se jana jata hai.

vidyarthi jivan

atal bihari vajapeyi ke pita pndit krishn bihari vajapeyi shikshan vyavasay se sambandhit the, is karan inhen kee sthanon par rahana padata tha. lekin atalaji ki arambhik shiksha 'badanagar' ke 'gorakhi vidyalay' men sampann huee. badanagar men inake pita pradhanadhyapak ke pad par the. is vidyalay men atalaji ne athavin kaksha tak ki shiksha prapt ki. vakta ke roop men inhen isi vidyalay se pahachan prapt huee thi. jab vah kaksha panch men the tab pathyetar gatividhiyon ke antargat unhonne pratham bar bhashan diya tha. lekin badanagar men uchch shiksha vyavastha n hone ke karan atal ji ko gvaliyar jana pada. inaka namankan 'viktoriya kaaulejiyat skool' men hua. nauvin kaksha se intaramidiet tak ki padhaee atal ji ne isi vidyalay se poorn ki. is vidyalay men rahate hue unaki vad-vivad sambandhi pratibha ko uchit pravah prapt hua. vah vad-vivad pratiyogitaon men pratham bhi ae. mahatma ramachandr vir dvara rachit amar kriti "vijay pataka" padhakar atal ji ke jivan ki disha hi badal gayi.

intaramidiet karane ke bad atal ji ne 'viktoriya kaaulej'[1] men snatak star ki shiksha grahan karane ke lie pravesh liya. snatak star ki shiksha hetu unhonne tinon vishay bhasha par adharit lie jo snskrit, hindi evn angrezi the. atal ji ki sahityik prakriti thi, jisase vah tinon bhashaon ke prati akrisht hue. kaaulej jivan men hi inhonne rajanitik gatividhiyon men hissa lena arambh kar diya tha. shuroo men vah 'chhatr sngathan' se jude. narayan rav tarate ne inhen kafi prabhavit kiya, jo rashtriy svayn sevak sngh ke pramukh karyakarta the. gvaliyar men rahate hue atal bihari vajapeyi ne rashtriy svayn sevak sngh ke shakha prabhari ke roop men apane dayitvon ki poorti ki. kaaulej jivan men unhonne kavitaon ki rachana karana arambh kar diya tha. inaki sahityik abhiruchi usi samay kafi paravan chadhi. inake kaaulej men akhil bharatiy star ke kavi sammelanon ka bhi ayojan hota tha. is karan se kavita ki gaharaee samajhane men inhen kafi madad mili. 1943 men vajapeyi ji kaaulej yooniyan ke sachiv rahe aur 1944 men upadhyaksh bhi bane. gvaliyar ki snatak upadhi prapt karane ke bad atalaji kanapur a ge taki rajaniti vigyan men snatakottar star ki shiksha prapt kar saken. vahan unhonne em. e. tatha elel. bi. men ek sath pravesh liya. choonki snatak pariksha inhonne pratham shreni men uttirn ki thi, is karan inhen chhatravritti bhi prapt ho rahi thi. kanapur ke di. e. vi. mahavidyalay se inhonne kala men snatakottar upadhi bhi pratham shreni men prapt ki.

vyavasayik jivan

shikshak pita ki sntan hone ke karan atal ji shiksha ka mahattv achchhi tarah se janate the. is karan pi. ech. di. karane ke lie vah lakhanoo chale ge aur vaqalat ki padhaee sthagit kar di. padhaee ke sath-sath vah rashtriy svayn sevak sngh ke karyon ka bhi sampadan karane lage. lekin atalaji pi. ech. di. karane men saphalata prapt nahin kar sake, kyonki patrakarita se judane ke karan inhen adhyayan ke lie samay nahin mil raha tha. un dinon 'rashtradharm' namak samachar patr pndit dinadayal upadhyay ke sampadan men lakhanoo se mudrit ho raha tha. tab shri atal bihari vajapeyi isake sah sampadak ke roop men niyukt kie ge. pndit dinadayal upadhyay is samachar patr ka sampadakiy svayn likhate the aur akhabar ka baqi kary atal ji evn inake sahayak karate the. lekin sahi mayane men atal ji hi isake sampadak the. atal ji ke ane ke bad 'rashtradharm' samachar patr ka prasar kafi badh gaya. aise men isake lie svayn ki pres ka prabandh kiya gaya. is pres ka nam bharat pres rakha gaya tha.

atal bihari vajapeyi snyukt rashtr sabha men bhashan dete hue

kuchh samay ke bad 'bharat pres' se mudrit hone vala doosara samachar patr 'panchajany' bhi prakashit hone laga. is samachar patr ka sampadan poorn roop se atalaji karate the. desh azad ho gaya tha. kuchh samay ke bad 30 janavari 1948 ko mahatma gandhi ki hatya huee. nathooram godase ka sambandh rashtriy svayn sevak sngh se hone ke karan bharat sarakar ne rashtriy svayn sevak sngh ko pratibandhit kar diya. choonki 'bharat pres' bhi rashtriy svayn sevak sngh ke prabhav kshetr men thi, isilie bharat pres ko band kar diya gaya. lekin atal ji ko ab patrakarita men atyant anand ane laga tha. is karan vah ilahabad chale ge aur unhonne 'kraisis taims' namak angrezi saptahik ke lie apani sevaen dena arambh kar diya. parantu 'kraisis taims' ka sath 'kraisis' rahane tak hi tha. jab rashtriy svayn sevak sngh par laga pratibndh hata to vah 'kraisis taims' bhi guzar gaya. atal ji pun: lakhanoo laute aur unake sampadan men 'svadesh' namak dainik patr nikalana arambh ho gaya. thode hi dinon men jahan 'svadesh' lokapriy hua, vahin atal ji ke sampadakiy bhi kafi sarahe ge aur charcha ka kendr bane. lekin lagatar hone vali hani ke karan 'svadesh' ko bnd kar dena pada. tab atal ji dilli se prakashit hone vale samachar patr 'vir arjun' ka sampadan karane lage. yah dainik evn saptahik donon adhar par prakashit ho raha tha. 'vir arjun' ka sampadan karane hue ek patrakar ke roop men inhen kafi pratishtha aur samman mila. at: rajaneta se poorv atal ji ko ek kavi aur patrakar ke roop men manyata prapt ho gee thi.

rajanitik jivan

'rashtriy svayn sevak sngh' (ar. es. es.) hindutvavadi vicharadhara ki pramukh snstha hai lekin bharat sarakar ki nazar men vah alagavavadi vicharadhara ka poshan kar rahi thi. is karan ar. es. es. par kee prakar ke rajanayik pratibandh laga die ge. aise men ar. es. es. ne bharatiy janasngh ka gathan kiya jo rajanitik vicharadhara vala dal tha. bharatiy janasngh ka janm sngh parivar ki rajanitik snstha ke roop men hua, jisake adhyaksh daau. shyama prasad mukharji the. atal ji us samay se hi is snstha ke sngathanatmak dhanche se jud ge. tab vah adhyaksh ke niji sachiv ke roop men dal ka kary dekh rahe the. is karan unhen janasngh ke sabase purane vyaktiyon men ek mana jata hai. bharatiy janasngh ne sarvapratham 1952 ke am chunavon men bhag liya. tab usaka chunav chihn 'dipak' tha. chunavon men bharatiy janasngh ko koee vishesh kamayabi prapt nahin huee, phir bhi daauktar shyama prasad mukharji rashtriy hit men kary karate rahe. us samay bhi kashmir ka mamala atyant snvedanashil tha. daauktar shyama prasad mukharji ne atal ji ke sath jammoo-kashmir ke logon ko jagarook karane ka kary kiya. vah kashmir ke hinduon ko apane adhikaron ke lie jagrat kar rahe the. lekin sarakar ne ise sampradayik gatividhi manate hue daauktar mukharji ko giraphtar karake jel men thoons diya. daauktar mukharji ki 23 joon 1953 ko jel men hi mrityu ho gee. tab janasngh ke samarthakon ne unaki mrityu ko ek gahari sazish manate hue ise hatya qarar diya.

doosara am chunav

ab bharatiy janasngh ka kam atal ji pramukh roop se dekhane lage. in par rajanitik rng poori tarah se havi ho chuka tha. tabhi doosara am chunav a gaya. 1957 ke in chunavon men bharatiy janasngh ko char sthanon par vijay prapt huee. atal ji pahali bar balaramapur sit se vijayi hokar lokasabha men pahunche. 1957 men lokasabha chunav hetu atal ji ne tin sthanon se namankan patr dakhil kiya tha. balaramapur ke alava unhonne lakhanoo aur mathura se bhi parche bhare the. balaramapur ek riyasat thi. jisaka azadi ke bad uttar pradesh rajy men vilay kar diya gaya tha. vahan rashtriy svayn sevak sngh ka achchha dabadaba tha. 'pratap narayan tivari' ne yahan janasngh ke lie dridh adhar taiyar kiya tha. choonki balaramapur kabhi riyasat thi, is karan rajavadon ka bhi yahan dabadaba tha. rajavade kangres se naraz the, kyonki azadi ke bad ve apana svatntr astitv banaye rakhana chahate the. yahi karan hai ki balaramapur ki sit kangres ke bajae janasngh ki jholi men chali gee aur atal ji pratham bar lokasabha men pahunche. vah is chunav men 10 hazar maton se vijay hue the. lekin atal ji baqi do sthanon par har ge. mathura men vah apani zamanat bhi nahin bacha pae aur lakhanoo men sadhe barah hazar maton se parajay svikar karani padi. donon sthanon par kangres ke ummidavaron ki vijay huee thi. us samay kisi bhi parti ke lie yah avashyak tha ki vah kam se kam tin pratishat vot prapt kare anyatha us parti ki manyata samapt ki ja sakati thi. bharatiy janasngh ko 6 pratishat vot prapt hue the. in chunavon men 'hindoo mahasabha' aur 'ramarajy parishadh' jaisi partiyon ki manyata samapt ho gee, kyonki unhen tin pratishat vot nahin mile the.

atal bihari vajapeyi aur amerika ke rashtrapati jimi kartar

kashmir mudde par vichar

atalaji ne snsad men pahunchane ke pashchath kashmir mudde par apane vichar prakat kie aur snsad ne unhen behad dhyan se suna. atal ji ne kaha ki 'kashmir ka mamala 'snyukt rashtr sngh' men nahin bheja jana chahie tha, kyonki vahan se koee samadhan nahin prapt hoga. bharat ko apane star par hi prayas karake pakistan ke adhikar vale kashmir ke vishay men sochana hoga.' atal ji ka yah anuman aj bhi saty hai ki snyukt rashtr sngh ne kashmir samasya ka samadhan aj tak nahin khoja hai. atal ji ka tark tha ki kashmir men pakistan hamalavar tha, at: rashtr sngh ko tvarit karravaee karani chahie thi. kashmir ka mamala snyukt rashtr sngh men bhejana ek aitihasik bhool thi. bharat ko chahie tha ki vah hamalavar ko apani zamin se hata deta aur isake lie avashyak sainik karravaee karata.

1962 ke am chunav

atalaji ne snsad men apani ek alag pahachan bana li thi. 1962 ke am chunav men vah pun: balaramapur ki sit se bharatiy janasngh ke tikat par khade hue lekin unaki is bar parajay huee. is chunav men kangresi ummidavar ko 1052 voton se vijay prapt huee. atal ji ki snsad men prashnsaniy kary karane ke bad bhi jit nahin huee. yah chunav is karan bhi vivadaspad raha ki kangres pratyashi ne uchit-anuchit sabhi prakar ke paintare apanae the. is chunav ke dauran sampradayik sauhardr bhi bigada. is karan bhayavash hazaron hindoo nariyon ne apane matadhikaron ka prayog nahin kiya. 1962 ke chunav men janasngh ne pragati ki aur snsad men usake 14 pratinidhi pahunchane men saphal rahe. is snkhya ke adhar par rajyasabha ke lie janasngh ko do sadasy manonit karane ka adhikar prapt hua. aise men atal bihari vajapeyi aur pndit dinadayal upadhyay rajyasabha men bheje ge. choonki rashtrapati hi rajyasabha ka paden sabhapati hota hai, is karan sarvapalli radhakrishnan sabhapati the. unhonne atal ji ko rajyasabha ki pratham dirgha men baithane ko anuprerit kiya. atal ji ne rajyasabha men bhi apane dayitvon ka nirvahan yogyata ke sath kiya. is karyakal ke dauran rashtrapati daauktar rajendr prasad aur pradhanamntri pndit javaharalal neharoo ki mrityu huee. atalaji ne anoothi bhasha-shaili men unhen shraddhanjali arpit ki. donon shraddhanjaliyon ko rajyasabha ke patal par surakshit rakha gaya.

chauthe am chunav

chauthe am chunav 1967 men sampann hue. atalaji pun: balaramapur ki sit se pratyashi bane. unhonne kangres ke pratyashi ko lagabhag 32 hazar voton se haraya. apane is karyakal men atal ji ne yah sabit kar diya ki vah dharmanirapekshata ke poorn samarthak hain tatha dharm aur rajaniti ka sammishran nahin chahate. kahira men ayojit hue islami sammelan ke bare men unhonne kaha ki antarrashtriy star par mazahabi kattarata ka poshan nahin hona chahie. aise sammelan vishv bndhutv ke adhar par hone chahie. atal bihari vajapeyi ne mazahabi adhar par gut banane ki pravritti ko khataranak bataya aur bharat sarakar ko bhi is bare men agah kiya. 'dhara 370' ke antargat kashmir ko jo vishisht darja pradan kiya gaya tha, unhonne usaka bhi virodh kiya aur 'dhara 370' samapt karane ki mang ki. isake atirikt unhonne bharat sarakar se yah mang ki ki kashmir men rozagar ke sadhan upalabdh karae jaen aur shiksha ke star men vriddhi ho.

isi prakar videshi rajaniti bhi atal ji ka pasndida vishay thi. jab amerika ne viyatanam par hamala kiya to unhonne bade kade shabdon men ninda ki. viyatanam ko lekar snyukt rashtr sngh ki khamoshi ko bhi atal ji ne apana nishana banaya. unhonne is yuddh ka parinam bhi ghoshit kar diya tha. atal ji ne kaha tha ki viyatanam ki janata apani svadhinata ke lie lad rahi hai aur amerika use yuddh men tabah karake apana upanivesh banana chahata hai. antat: ameriki faujon ko vahan se jana hi hoga. is mudde par unhonne satik bhavishyavani ki thi. us yuddh men vakee amerika ko parajay ka samana karana pada aur viyatanam yuddh aj bhi amerika ke lie ek dag ki bhanti hai. yahi nahin, amerika ki janata ne bhi bad men viyataman yuddh ka kada virodh karana arambh kar diya tha.

kavy ki rachana

atal ji panchavi lokasabha men bhi pahunchane men kamayab rahe. sanh 1972 ka lokasabha chunav unhonne grihanagar yani gvaliyar se lada tha. balaramapur snsadiy chunav ka unhonne parityag kar diya tha. is samay shrimati indira gandhi desh ki pradhanamntri thin. lekin joon, 1975 men indira gandhi ne apatakal lagakar vipaksh ke kee netaon ko jel men dal diya. unamen atal ji bhi shamil the. unhonne jel men rahate hue samayanukool kavy ki rachana ki aur apatakal ke yatharth ko vyngy ke madhyam se prakat kiya. jel men rahate hue hi atal ji ka svasthy kharab ho gaya aur unhen akhil bharatiy ayurvigyan snsthan men bharti karaya gaya. lagabhag 18 mah ke bad apatakal samapt hua aur chhathavin lokasabha ke gathan hetu chunav ghoshit hue. jab vipaksh ke neta jel men bnd the, tab bhi unamen vaicharik mnthan hua.

videsh mntri

(jagajivan ram[2], mohan dhariya[3], jimmi kartar[4] aur atal bihari vajapeyi[5] (baen se daen)

apatakal ke karan vipaksh sngathit hone men saphal raha. phir lokasabha chunav sampann hue, lekin indira gandhi chunav nahin jit sakin. sngathit vipaksh dvara moraraji desaee ke pradhanamntritv men janata parti ki sarakar bani aur atal ji videsh mntri banae ge. unhen videshi mamalon ka visheshgy bhi mana jata tha. unhonne kee deshon ki yatraen kin aur bharat ka paksh rakha. atal ji ki videsh yatraon ke karan moraraji desaee ne inhen toka tha ki kabhi-kabhi desh men bhi raha karo. atal ji ne pakistan ki bhi yatra ki. unhonne tatkalin fauji shasak jiya-ul-haq se vartalap ke dauran 'farakka-gngajal' bntavare ka masauda tay kiya. isake atirikt bharat aur pakistan ke madhy rel seva ki bahali bhi tay ki gee. atal ji bngladesh ke sath bhi gngajal ke vitaran par samajhaute ki disha men badhe. unhonne videsh mntri ke taur par bharatiy anu shakti ke sambandh men niti spasht ki aur anu oorja ko bharatiy avashyakataon ke lie zaroori bataya. atal ji ne nepal ke videsh mntri ke sath vyapar aur paragaman ki nee niti ke sambandh men bhi charcha ki. 4 aktoobar, 1977 ko unhonne snyukt rashtr sngh ke adhiveshan men hindi men sambodhan diya. isake poorv kisi bhi bharatiy nagarik ne rashtrabhasha ka prayog is mnch par nahin kiya tha.

rajyasabha ke lie chune ge

janata parti sarakar ka patan hone ke pashchath 1980 men ne chunav hue aur indira gandhi pun: satta men a geen. isake bad 1996 tak atal ji vipaksh men rahe. 1980 men bharatiy janasngh ke ne svaroop men bharatiy janata parti ka gathan hua aur isaka chunav chihn 'kamal ka phool' rakha gaya. us samay atal ji hi bharatiy janata parti ke shirsh neta the. pradhanamntri shrimati indira gandhi ki hatya ke pashchath 1984 men athavin lokasabha ke chunav hue. sahanubhooti ki lahar kangres ke sath thi. yahi karan hai ki vipaksh ke anek diggajon ko parajay ka munh dekhana pada. atal ji bhi gvaliyar ki apani sit bhi nahin bacha pae. lekin 1986 men inhen rajyasabha ke lie chun liya gaya. phir samay ne palata khaya aur vishvanath pratap sinh ke karan kangres ko satta se bahar jana pada.

lokasabha bhng

aise men bharatiy janata parti ne rashtriy morcha ko bahar se hi samarthan pradan kiya. lekin 13 march, 1991 ko lokasabha bhng ho gee aur 1991 men ne chunav sampann hue. sampoorn chunav prakriya ko do charanon men hona tha. chunav ke pratham charan ke bad tamilanadu men rajiv gandhi ki hatya hone aur dvitiy charan ke matadan men kangres ko sahanubhooti ka labh milane se pi. vi. narasimha rav kangres ke pradhanamntri niyukt hue. inaka pradhanamntritv karyakal poorn hone ke bad 1996 men pun: lokasabha ke chunav sampann hue.

pradhanamntri pad

1996 ke chunavon men bharatiy janata parti sabase bade dal ke roop men ubhari. snsadiy dal ke neta ke roop men atalaji pradhanamntri bane. unhonne 21 mee, 1996 ko pradhanamntri ke pad evn gopaniyata ki shapath grahan ki. 31 mee, 1996 ko inhen antim roop se bahumat siddh karana tha, lekin vipaksh sngathit nahin tha. is karan atal ji matr 13 dinon tak hi pradhanamntri rahe. unhonne apani alpamat sarakar ka tyagapatr rashtrapati daau. shnkaradayal sharma ko saunp diya.

karyavahak pradhanamntri

karagil men yuddh ki jo sthitiyan banin, vah nishchay hi ghor laparavahi ka karan thin, lekin sachchaee samane nahin a saki. agale chunavon men en. di. e. ki sarakar bani. usane un aropon ki nishpaksh janch karane men koee dilachaspi nahin dikhaee aur sabhi saval samay ki gart men dafan ho ge. atal ji ki sarakar doosari bar ek mat ki kami se bahumat ke jaduee ankade tak nahin pahunch paee aur usaka patan ho gaya. sarakar girane ke lie vipaksh ne rajaniti men prachalit vaidh-avaidh sabhi paintare ajamae, lekin koee bhi parti sarakar banane ki sthiti men nahin thi. at: aprail, 1999 se aktoobar, 1999 tak atal ji karyavahak pradhanamntri rahe.

tisari bar pradhanamntri

chunav ke pashchath en. di. e. ko spasht bahumat prapt hua aur 13 aktoobar, 1999 ko rashtrapati shri ke. ar. narayanan ne atal ji ko pradhanamntri ke roop men pad evn gopaniyata ki shapath dilaee. is prakar atal ji tisari bar pradhanamntri bane. vah pahale ke do karyakal poorn nahin kar pae the. bhajapa hindutvavadi parti hai, lekin vah dharmanirapekshata ka siddhant bhi svikar karati hai. bhajapa men anek muslim log bhi sammilit hain. lekin bhajapa ka vishvas raha hai ki hinduon ko apani parti se jodakar rakhana hai. is karan vah un snvedanashil muddon ko hava sadaiv deti rahi jo hinduon se sambandhit the. isamen ayodhya sthit 'ramajanm bhoomi' par mandir banae jane ka bhi mudda tha. yadyapi atal ji us sima tak bhajapa ke sath mane jate hain, jahan tak hindoo rashtr ka saval ata hai, lekin vah jan bhavanaen bhadakane ki niti ke samarthak kabhi bhi nahin rahe.

atalaji pradhanamntri ke roop men yaqinan behad yogy vyakti rahe hain aur neharooji ne apane jivanakal men hi yah ghoshana kar di thi tathapi adavani ji ko is bat ka shrey avashy diya jana chahie ki unhonne atal ji ko pradhanamntri ke roop men pracharit kiya. adavani ji ke is athak shram ko nishchay hi yad kiya jaega ki unhonne atal ji ke lie samarthan jutaya. bhajapa ki hindutvavadi niti se vot batorane ka kary bhi unhonne kiya tha. rajaniti men sthayi mitrata aur shatruta ka koee bhi sthan nahin hota. pradhanamntri banane ke bad atalaji ke samane sampoorn desh aur usaki samasyaen thin. vah bhajapa tak simit nahin rah sakate the. vah snvaidhanik maryada se bndhe hue the. yon bhi atalaji naitik vyakti rahe hain. isake alava en. di. e. ke prati bhi unaka uttaradayitv tha. adavani ji chahate the ki ram mandir ka masala sulajha liya jae. lekin atal ji janate the ki en. di. e. men shamil any dal isake lie taiyar nahin honge. vah vivadaspad pradhanamntri nahin banana chahate the. vah dooragami parinamon ka akalan kar rahe the. yahi karan hai ki adavani ji ke sath unake vaicharik matabhed ho ge.

thos kary

atal bihari vajapeyi aur roos ke rashtrapati vladimir putin

atal ji ki en. di. e. sarakar ne panch varsh ka karyakal avashy poorn kiya, lekin isake lie atal ji ko kafi papad belane pade. en. di. e. snyojak jaaurj farnadiz ne bhi isamen sakaratmak bhoomika ka nirvahan kiya tha. en. di. e. ke sabhi ghatakon ka panch varsh tak ek sath rahana bhi kisi chunauti se kam nahin tha. atal ji ke tritiy pradhanamntritv kal ki visheshataon ko snkshipt roop men is prakar samajha ja sakata hai-

  • shri narasimha rav men arthik sudharon ki jo niti arambh ki thi, use atal ji ne jari rakha. unhen is niti ke sakaratmak tathyon ka gyan tha. vah use is karan kharij nahin karana chahate the ki vah kangres ki arthik niti thi. aisi niti se arthavyavastha ke sudhar ka labh inaki sarakar ko bhi prapt hua aur sarvahara varg bhi arthik roop se sampann hua.
  • shri atal ji ne sntulit videsh niti ka palan karate hue apani paramanu niti ko spasht kiya. amerika aur usake mitr deshon ne pokharan paramanu visphot par ankhen avashy tarerin lekin atalaji ne spasht kar diya ki bharat agala paramanu parikshan nahin karega. vah paramanu bam ka upayog tabhi karega jab usake viruddh aisa kiya jaega. bharatiy paramanu karyakram chin tatha pakistan ke virodhi ravaiye ko dekhate hue banaya gaya aur sari duniya bhi bharat ke is bhay ko samajhati thi.
  • arthik vikas ke lie atalaji ne 'svarnim chaturbhuj' yojana ka arambh kiya. isake antargat vah desh ke mahattvapoorn shaharon ko lambi-chaudi sadakon ke madhyam se jodana chahate the. isaka adhikansh kary atalaji ke karyakal men poorn hua. isase jahan am vyakti ki yatra suvidhajanak huee, vahin vyaparik aur qarobari gatividhiyon ko bhi protsahan mila.
  • atalaji ne padosi desh pakistan ke sath sambandh sudharane ki disha men sadaiv pahal ki, yadyapi pakistan ne kabhi bhi apane vadon ko poorn nahin kiya. karagil yuddh isaka spasht udaharan hai. unhonne pakistan ke sainik shasak paravej musharraf se bhi batachit ki thi.
  • ameriki rashtrapati bil klitnn ke bharat agaman par amerika ke sath bharatiy sambandhon ko sudharane ki disha men kary kiya gaya. atalaji ne pakistan ke apadasth pradhanamntri navaj sharif ki rihaee ke lie bil klintan se varta ki taki padosi desh men prajatntr ki hatya n ho sake. is sajha prayas se hi navaj sharif ki rihaee sambhav ho saki.

vibhinn upalabdhiyan

atal bihari vajapeyi aur amerika ke rashtrapati jaaurj bush

19 march, 1998 ko ne chunavon ke madhyam se atal ji pun: pradhanamntri bane. is samay sadan men bharatiy janata parti (bhajapa) sadasyon ki snkhya 182 thi. telugudesham, trinamool kangres aur jayalalita ki e. aee. di. em. ke. ne bhajapa ko samarthan diya. aprail 1999 tak atal ji doosari bar pradhanamntri pad par rahe. inaka karyakal is bar 14 mahinon tak raha. dvitiy karyakal men atalaji ne pradhanamntri ke roop men nimnalikhit upalabdhiyan hasil prapt kin-

  • atalaji ne vigyan aur takanik ki pragati ke sath desh ka bhavishy joda. unhonne paramanu shakti ko desh ke lie avashyak batakar 11 mee 1998 ko pokharan men panch paramanu parikshan kie.
  • atal ji ne bharatiy suraksha ko mahattv diya aur desh ko paramanu bam se lais kiya. desh ki svatntrata aur samprabhuta ka nara diya.
  • paramanu bam bana lene ke karan amerika aur usake mitr rashtron ne bharat par pratibndh laga diya. lekin atalaji ne pratibndhon ki paravah n karate hue bharat ko svavalambi rashtr banane ki disha men kary kiya. unhonne spasht roop se kah diya ki bharat ki arthavyavastha mazaboot hai aur unhen arthik pratibndhon ki koee bhi paravah nahin hai.
  • atalaji ne pokharan men jay javan, jay kisan ka nara dekar apane samast irade duniya ke samane zahir kar die ki bharat bhi ek paramanu sampann desh hai. apani svatntrata ko qayam rakhane ke lie use bhi paramanu bam banane ka adhikar hai.
  • atalaji ne pradhanamntri ke roop men 'bren dren' (yuva pratibhaon men videsh gaman ki abhiruchi) ko rokane ki zaroorat bataee. unhonne yuvaon ka ahvan kiya ki ve matribhoomi ki seva par dhyan den.
  • atalaji ne senaon ka manobal ooncha uthane kary kiya. sath hi paramanu karyakram ki adhar shila rakhane vali bhootapoorv pradhanamntri shrimati indira gandhi ko bhi unhonne dhanyavad diya. atalaji ke lie rashtrahit dalagat rajaniti se sadaiv oopar raha. atalaji ko udaramana hi kahana chahie ki unhonne vipaksh ki upalabdhiyon ko bhi saraha.

matr chaudah mahinon ke karyakal men atalaji ne pradhanamntri ke roop men svayn ko saphal sabit kar kiya. unhen pata tha ki vah sajha sarakar ke roop men kam kar rahe hain aur bharatiy janata parti ke pas poorn bahumat nahin hai, is karan unhonne apane bhashan men spasht kar diya tha ki shayad yah karyakal bhi poorn n ho pae. phir yahi hua bhi. isake pashchath e. aee. di. em. ke. ki jayalalita ne sashart samarthan dena chaha lekin atalaji ne ise svikar nahin kiya aur unhen pradhanamntri pad se tyagapatr dena pada. us samay koee bhi parti kendr men sarakar banane men saksham nahin thi. is karan sitambar-aktoobar ke madhy chunav karae ge aur is samay tak karyavahak pradhanamntri ka dayitv atalaji ne hi sambhala. lekin usaki charcha karane se poorv unake dvitiy karyakal men hue karagil yuddh ka vivaran diya jana prasngik hi nahin varanh atyavashyak bhi hoga.

karagil yuddh

roos ke rashtrapati vladimir putin aur bharat ke poorv rashtrapati abdul kalam ke sath atal bihari vajapeyi

kashmir ke karagil kshetr men samarik mahattv ki oonchi chotiyan bharat ke adhikar kshetr men ati hain. un durgam chotiyon par shit ritu men rahana kafi kashtasadhy hota hai. is karan bharatiy sena vahan shit ritu men nahin rahati thi. isaka labh uthakar pakistan ke rashtrapati paravej musharraf ne atnkavadiyon ke sath pakistani sena ko bhi karagil par qabza karane ke lie bhej diya. vastut: pakistan ne sima sambandhi niyamon ka ullaghnn kiya tha. lekin usake pas yah surakshit bahana tha ki karagil ki chotiyon par to atnkavadiyon ne qabza kiya hai, n ki pakistan ki sena ne. aisi sthiti men bharatiy sena ke samane badi chunauti thi. dushman kafi oonchaee par tha aur bharatiy sena unake asan nishane par thi. lekin bharatiy sena ne apana manobal qayam rakhate hue pakistani fauj par akraman kar diya. ise 'aaupareshan vijay' ka nam diya gaya.

bharat ko vijayashri

bharatiy sainikon ne than liya tha ki ve karagil se pakistaniyon ko khadedakar hi dam lenge. bharatiy sainikon ne vilakshan virata ka parichay dete hue pakistani sainikon ko charon or se gher liya. beshaq karagil yuddh men bharat ko vijayashri prapt huee lekin amerika ke hastakshep ke karan bharat sarakar ne pakistani sainikon ko hathiyaron sahit nikal bhagane ka mauqa de diya. pakistan ko samarik mahattv ki chotiyan khali karani padin aur bharat ne pakistani sainikon ki zinda vapasi ko svikar kar liya. vastut: yuddh ke bhi kuchh niyam hote hain. bharatavarsh ne unhin niyamon ka palan kiya tha. lekin is yuddh men jahan bharat ki jit ka sehara atalaji ke sir par bndha, vahin kee any baten bhi pramanit hueen. jin bofors topon ke nakara hone ki bat shri rajiv gandhi ke pradhanamntritv kal men vipaksh evn bhajapa karati thin, vahi topen karagil yuddh men behad kamayab aur upayogi sabit hueen. sena ke uchch adhikariyon ne kaha ki bophors topon ke karan hi karagil men bharatiy sena ko shighr kamayabi mil paee thi varana yuddh lamba khinch sakata tha. bophors topon ko lekar rajiv gandhi par jo arop lage, vah is prakar anshik roop se dhul ge. bad men nyayapalika ne bhi svargiy rajiv gandhi ko is mamale men klin chit pradan kar di.
pradhanamntri atal bihari vajapeyi ki sarakar par laparavahi ka arop laga ki jab 1998 men pakistani sainikon ne karagil par shit kal men ghusapaith ki thi to bharat ka khufiya tntr samay par isaka pata nahin laga saka. is par khufiya tntr ne spasht kiya ki use is bat ki janakari thi aur usane sarakar ko soochit kar diya tha. tab vipaksh ne sarakar ko nishana banaya ki aisi ghor laparavahi ka uddeshy kya tha? kya uddeshy yah tha ki yuddh jaise halat paida karane ke lie sarakar intazar kar rahi thi, taki yuddh men vijay ka labh agami chunavon men prapt kiya ja sake?

musharraf se varta

atal bihari vajapeyi aur pakistan ke rashtrapati paravej musharraf

pradhanamntri atal bihari vajapeyi ne pakistan ke rashtrapati paravej musharraf ko agara men shikhar varta ke lie amntrit kiya. atalaji chahate the ki vartalap ke madhyam se donon deshon ki samasyaon ka nirakaran kiya jae, lekin paravej musharraf ke vyaktitv ko samajhane men bhool kar baithe. paravej musharraf ne shahi yatra ka anand to uthaya lekin samajhaute ki rah hamavar nahin huee. paravej musharraf ne bharat sarakar ko poorv soochana die bagair hi agara ke ilektranik midiya ko snbhashan jari kar diya, jisase bharat ki alochana huee. is snbhashan men bharat ka paksh bhi nakar diya gaya aur kashmir ke mamale ko adhik pechida banakar pesh kiya gaya.

atnk ka saya

pakistan dvara samarthit atnkavad ke karan bharat men anek prakar ki samasyaen utpann hueen. pakistan yah achchhi tarah se samajh chuka tha ki bharat se yuddh karake jitana usake lie sambhav nahin hai. is karan usane atnkavadiyon ke bal par nee yuddh niti ka vikas kiya, jisase kashmir ke avam ko sadaiv pareshaniyan bhogani padin. aktoobar 2002 men atnkavadiyon ne jammoo-kashmir vidhanasabha par atmaghati hamala kar diya. vajapeyi sarakar ka khufiya tntr is bar bhi atnkavadiyon ke mnsoobon ka poorvanuman nahin kar paya. pakistan besharm ki bhanti muskarata raha aur bharat sarakar ki prashasanik kshamata par prashnachihn lag gaya. itana hi nahin, 13 disambar, 2001 ko bharat ki snsad par atnkiyon ne hamala karake sabako ashchary men dal diya. desh ki rajadhani men snsad par hamala kiya jana bharatiy itihas ke lie bakee behad sharm ka din tha. atnkavadi bhari suraksha ke bavajood snsad parisar men gola, barood aur hathiyaron sahit pravisht ho ge. lokatntr ki sabase badi snstha par kiya gaya hamala pakistan samarthit atnkavad ka hi hissa tha. is hamale ke tahath bharat sarakar ne kafi shor-sharaba machaya aur kootanitik dabav banane ke lie antarrashtriy biradari ka dhyan bhi akrisht kiya. lekin jo apani raksha svayn nahin kar pata, usaka sath bhala kaun deta hai?

bharat ne beshaq snyam se kam liya, lekin avashyakata thi kade qadam uthane ki. parantu atalaji is hamale ka maqool javab dene men viphal rahe. is sambandh men vipaksh chahata tha ki vajapeyi sarakar pakistan ko isaka javab yuddh se de, lekin sarakar ne simaon par bhari tadad men senaon ki tainati kar di. yuddh ke badal avashy mndaraye, lekin barase nahin. paramanu shakti donon deshon ke pas hain. is karan yuddh ki ashnka donon deshon ke nivasi bhayabhit the. ve log yuddh nahin chahate the. yah atnkavadi karravaee lashkare taiyaba ne ki thi, jisaka pakistan men poshan ho raha tha. snsad par hamala karane vale panch atnki the aur panchon ko hi mar giraya gaya.

bhrashtachar ke arop

en.di.e. sarakar par bhrashtachar ke anek arop lage the. inamen sarvadhik charchit tha-tahalaka kand. tahalaka dvara bhajapa sadasyon sahit sena ke anek adhikariyon ko ghoos lete hue kaimare men qaid karake sarvajanik roop se usaka ti. vi. chainal par pradarshan kiya gaya tha. tab bhajapa adhyaksh bngaroo lakshman aur raksha mntri jaaurj farnadiz ne istifa de diya. lekin bad men jaaurj farnidiz ko pun: raksha mntralay de diya gaya. isase jaaurj farnadiz ki chhavi par aisa dag laga ki phir kabhi bhi dhul nahin paya. usaki kali chhaya bhajapa aur atalaji par bhi padi. snsad ka satr ahoot kie jane par vipaksh ne jaaurj farnadiz ko lekar sadan ka kee bar bahishkar kiya. en. di. e. ka karyakal samapt hone tak yahi sthiti bani rahi.

chunavon men parajay

bhajapa aur en. di. e. ko yah prabal vishvas tha ki janata unhen pun: avasar pradan karegi. unhonne chamakadar bharat (shaining indiya) aur bharat uday (indiya raijing) ka chunavi nara diya tha. unhen mugalata tha ki en. di. e. ne bharat ki tasvir badal di hai. en. di. e. apani upalabdhiyan bhi ginaeen. en. di. e. ka karyakal aktoobar 2004 men samapt hona tha. lekin use laga ki yadi chunav jaldi kara lie jaen to isaka fayada unhen avashy hoga. is karan chunav aprail-mee men hi kara lie ge. lekin en. di. e. ka poorvanuman galat sabit hua. kangres ne yoo.pi.e. ke roop men bahumat prapt kar liya. usake bad se atalaji bhajapa ke lie kary karate rahe.

rashtrapati pranab mukharji dvara bharat ratn se sammanit hote hue

bharat ratn samman

rashtrapati pranab mukharji ne dinank 27 march, 2015 ko poorv pradhanamntri atal bihari vajapeyi ko unake ghar jakar bharat ratn se sammanit kiya. vajapeyi ji ke svasthy ko dekhate hue rashtrapati ne unake ghar jakar desh ka sarvochch nagarik samman pradan kiya. is avasar par pradhanamntri narendr modi, arun jetali, nitin gadakari aur rajanath sinh bhi vajapeyi ke ghar maujood rahe. pradhanamntri ke pad par rahe hon ya neta pratipaksh. beshak desh ki bat ho ya krantikariyon ki, ya phir unaki apani hi kavitaon ki. atal bihari vajapeyi ki bararabari koee nahin kar sakata. bharat ratn se unhen sammanit kie jane ki ghoshana bharat sarakar ne disambar 2014 men kar di gee thi. vajapeyi bharat ratn grahan karane vale desh ke sataven pradhanamntri hue. isase pahale javaharalal neharoo, indira gandhi, rajiv gandhi, moraraji desaee, lal bahadur shastri aur gulajarilal nnda ko yah samman mil chuka hai.

any puraskar
  • 1992 men padm vibhooshan
  • 1993 men di. lit (kanapur vishvavidyalay)
  • 1994 men lokamany tilak puraskar
  • 1994 men shreshth sasnd puraskar
  • 1994 men bharat ratn pndit govind vallabh pnt puraskar.
atal bihari vajapeyi ko bharat ratn milane par vartaman rajanetaon ke kathan[6]
kathan rajaneta
aj atal ji ko bharat ratn se sammanit kiya gaya. yah hamare lie garv aur khushi ki bat hai. vah sirph bharat ke hi sarvashreshth neta hi nahin hain balki antararashtriy aikan hain jinaka har koee samman karata hai. rajanath sinh, kendriy grihamntri
vajapeyi ji ko bharat ratn se sammanit karana poore desh ke lie gauravanvit karane vala pal hai. vah ek aise shreshthatam rajaneta hain, jo desh ke lie bina thake kam karate rahe. meri samajh men is desh men bahut kam log hain jo unake jaise achchhe vakta, rajaneta, vicharak aur kavi hon. ham unake behatar svasthy ki kamana karate hain. arun jetali, kendriy vitt mntri
bharat ratn se sammanit hone ke mauke par men vajapeyi sahab aur unake parijanon ko dil se badhaee deta hoon. unake shasanakal men videsh rajyamntri ke taur par kam karana mere lie bade samman ki bat hai. umar abdulla, jammoo-kashmir ke poorv mukhyamntri
vajapeyi ji ke bharat ratn se sammanit karane ke lie ayojit samaroh men upasthit hokar main bahut khush hoon. ek sauhardapoorn mahaul men mainne unake sath lnbe vakt tak kam kiya. chndrababoo nayadoo, andhr pradesh ke mukhyamntri
mahanh rajaneta atal bihari vajapeyi ji ko bharat ratn se sammanit karane ka din bhajapa aur poore rashtr ke lie ek gauravapoorn kshan hai. anndiben patel, gujarat ki mukhyamntri
atal ji ke bharat ratn se sammanit kie jane par main bahut khush hoon. vah sahi mayanon men ek mahanh rajaneta hain jo is samman ke hakadar hain. meri shubhakamanaen. mamata banarji, pashchim bngal ki mukhyamntri
bharat ratn se sammanit hone par main apane sammananiy paramarshadata atal bihari vajapeyi ji ko dil se badhaee deta hoon. shivaraj sinh chauhan, madhy pradesh ke mukhyamntri
vajapeyi ji hamesha shisht, vishal hriday aur lokatntr ke shreshthatam samarthak rahe. is samman ke vah uchit hakadar hain. varun gandhi, bhajapa sansad
adaraniy atal ji ko bharat ratn milane ki bahut-bahut badhaee. desh ke sarvochch adhikari mananiy rashtrapati ji dvara svayn jakar vajapeyi ji ke samman dena shubh snket hai. kuchh apavadon ke age koee bhi protokaaul mayane nahin rakhata. atal ji ko bharat ratn dene ke lie yadi poora snsad bhi upasthit ho to bhi kam hai. kumar vishvas, kavi

sushasan divas

'sushasan divas' prativarsh 25 disambar ko poore bharat men manaya jata hai. 25 disambar hamare poorv pradhanamntri atal bihari vajapeyi ji ka janm divas hai, jo unhen hamesha ke liye adar aur samman dene ke liye sushasan divas ke roop men ghoshit kiya gaya hai. bharat sarakar dvara yah ghoshit kiya gaya hai ki '25 disambar' (sushasan divas) ko poore din kam kiya jayega.



bharat ke pradhanamntri
Arrow-left.png poorvadhikari
indr kumar gujaral
atal bihari vajapeyi uttaradhikari
daau. manamohan sinh
Arrow-right.png


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. jo ki bad men rani lakshmibaee kaaulej ke nam se jana gaya
  2. tatkalin rakshamntri
  3. tatkalin vanijy mntri
  4. tatkalin ameriki rashtrapati
  5. tatkalin videsh mntri
  6. dainik jagaran, 28 march 2015

snbndhit lekh