कोटिरुद्र संहिता  हिन्दी देवनागरी में पढ़ें।

kotirudr snhita men bhagavan shiv ke barah jyotirlingon ka varnan hai. ye jyotirling kramash: saurashtr men somanath, shrishail men mallikarjun, ujjayini men mahakaleshvar, onkar men onkareshvar, himalay men kedaranath, dakini men bhimashnkar, kashi men vishvanath, gomati tat par tryambakeshvar, chitabhoomi men vaidyanath, setubndh men rameshvar, darook van men nageshvar aur shivalay men ghushmeshvar hain. isi snhita men vishnu dvara shiv ke sahastr namon ka varnan bhi hai. sath hi 'shivaratri vrat' ke mahatmy ke sndarbh men vyaghr aur satyavadi mrig parivar ki katha bhi hai.

badrinath ki mahima

bhagavan 'kedareshvar jyotirling' ke darshan ke bad badrinath men bhagavan nar-narayan ka darshan karane se manushy ke sare pap nasht ho jate hain aur use jivan-mukti bhi prapt ho jati hai. isi ashay ki mahima ko 'shivapuran' ke 'kotirudr snhita' men bhi vyakt kiya gaya hai-

tasyaiv roopn drishtva ch sarvapapai: pramuchyate.
jivanmakto bhaveth soapi yo gato badaribane..
drishtva roopn narasyaiv tatha narayanasy ch.
kedareshvaranamnashch muktibhagi n snshay:..[1]

vaidyanath jyotirling ki katha

'shivamahapuran' ke kotirudr snhita men vaidyanath jyotirling ki katha is prakar likhi gee hai-

rakshasaraj ravan abhimani to tha hi, vah apane ahnkar ko bhi shighr prakat karane vala tha. ek samay vah kailas parvat par bhaktibhav poorvak bhagavan shiv ki aradhana kar raha tha. bahut dinon tak aradhana karane par bhi jab bhagavan shiv us par prasann nahin hue, tab vah pun: doosari vidhi se tap-sadhana karane laga. usane siddhisthal himalay parvat se dakshin ki or saghan vrikshon se bhare jngal men prithvi ko khodakar ek gaddha taiyar kiya. rakshas kul bhooshan us ravan ne gaddhe men agni ki sthapana karake havan[2] prarambh kar diya. usane bhagavan shiv ko bhi vahin apane pas hi sthapit kiya tha. tap ke lie usane kathor snyam-niyam ko dharan kiya.

ravan ki kathin tapasya

vah garmi ke dinon men panch agniyon ke bich men baithakar pnchagni sevan karata tha, to varshakal men khule maidan men chabootare par sota tha aur shitakal men akanth[3] jal ke bhitar khade hokar sadhana karata tha. in tin vidhiyon ke dvara ravan ki tapasya chal rahi thi. itane kathor tap karane par bhi bhagavan maheshvar us par prasann nahin hue. aisa kaha jata hai ki dusht atmaon dvara bhagavan ko rijhana bada kathin hota hai. kathin tapasya se jab ravan ko siddhi nahin prapt huee, tab ravan apana ek-ek sir katakar shiv ji ki pooja karane laga. vah shastr vidhi se bhagavan ki pooja karata aur us poojan ke bad apana ek mastak katata tatha bhagavan ko samarpit kar deta tha. is prakar kramash: usane apane nau mastak kat dale. jab vah apana antim dasavan mastak katana hi chahata tha, tab tak bhaktavatsal bhagavan maheshvar us par santusht aur prasann ho gaye. unhonne sakshat prakat hokar ravan ke sabhi mastakon ko svasth karate hue unhen poorvavat jod diya.

shiv dvara ravan ko varadan

bhagavan ne rakshasaraj ravan ko usaki ichchha ke anusar anupam bal aur parakram pradan kiya. bhagavan shiv ka kripa-prasad grahan karane ke bad natamastak hokar vinamrabhav se ravan ne hath jodakar kaha– "deveshvar! ap mujh par prasann hoie. main apaki sharan men aya hoon aur apako lnka men le chalata hoon. ap mera manorath siddh kijie." is prakar ravan ke kathan ko sunakar bhagavan shnkar asamnjas ki sthiti men pad gaye. unhonne upasthit dharm snkat ko talane ke lie anamane hokar kaha– "rakshasaraj! tum mere is uttam ling ko bhakti bhavapoorvak apani rajadhani men le jao, kintu yah dhyan rakhana ki raste men tum ise yadi prithvi par rakhoge, to yah vahin achal ho jaega. ab tumhari jaisi ichchha ho vaisa karo."

prasannobhav devesh lnkan ch tvan nayamyahamh.
saphaln kuroo me kamn tvamahn sharann gat:..
ityuktashch tada ten shambhurvai ravanen s:.
pratyuvach vichetask: snkatn paramn gat:..
shrooyatan rakshasashreshth vacho me saravattaya.
niyatan svagrihe me hi sadabhaktya lingamuttamamh..
bhoomau lingn yada tvn ch sthapayishyasi yatr vai.
sthasyatyatr n sandeho yathechchhasi tatha kuroo..[4]

bhagavan shiv dvara aisa kahane par ‘bahut achchha’ aisa kahata hua rakshasaraj ravan us shivaling ko sath lekar apani rajadhani lnka ki or chal diya. bhagavan shnkar ki mayashakti ke prabhav se use raste men jate hue mootrotsarg ki prabal ichchha huee. samarthyashali ravan mootr ke veg ko rokane men asamarth raha aur shivaling ko ek gval ke hath men pakada kar svayn peshab karane ke lie baith gaya. ek muhoort bitane ke bad vah gvala shivaling ke bhar se pidit ho utha aur usane ling ko prithvi par rakh diya. prithvi par rakhate hi vah manimay shivaling vahin prithvi men sthir ho gaya. jab shivaling lok-kalyan ki bhavana se vahin sthir ho gaya, tab nirash hokar ravan apani rajadhani ki or chal diya. usane rajadhani men pahunchakar shivaling ki sari ghatana apani patni mndodari se batayi. devapur ke indr adi devataon aur rishiyon ne ling sambandhi samachar ko sunakar apas men paramarsh kiya aur vahan pahunch gaye. bhagavan shiv men atoot bhakti hone ke karan un logon ne atishay prasannata ke sath shastr vidhi se us ling ki pooja ki. sabhi ne bhagavan shnkar ka pratyaksh darshan kiya–

tasminllinge sthite tatr sarvalokahitay vai.
ravan: svagrihn gatva varn prapy mahottamamh..
tachchhutva sakala deva: shakradya munayastatha.
parasparn samamantry shivasaktadhiyoamala:..
tasminh kale sura: sarve haribrahmadayo mune.
ajagmustatr supritya poojan chakrurvisheshat:..
pratyakshn tn tada drishtava pratishthapy ch te sura:.
vaidyanatheti snprochy natva – natva divn yayu:..[5]

is prakar ravan ki tapasya ke phalasvaroop shri vaidyanatheshvar jyotirling ka pradurbhav hua, jise devataon ne svayn pratishthit kar poojan kiya. jo manushy shraddha bhaktipoorvak bhagavan shri vaidyanath ka abhishek karata hai, usaka sharirik aur manasik rog atishighr nasht ho jata hai. isalie vaidyanathadham men rogiyon v darshanarthiyon ki vishesh bhid dikhaee padati hai.

mahakal jyotirling ki katha

'shivapuran' ki 'kotirudr snhita' ke solahaven adhyay men tritiy jyotirling bhagavan mahakal ke snbndh men sootaji dvara jis katha ko varnit kiya gaya hai, usake anusar avnti nagari men ek ved karmarat brahman hua karata tha. vah brahman parthiv shivaling nirmit kar unaka pratidin poojan kiya karata tha. un dinon ratnamal parvat par dooshan namak rakshas ne brahma se varadan prapt kar samast tirthasthalon par dharmik karmon ko badhit karana arnbh kar diya.[6] vah avnti nagari men bhi aya aur sabhi brahmanon ko dharm-karm chhod dene ke lie kaha, kintu kisi ne usaki agya nahin mani. phalasvaroop usane apani dusht sena sahit pavan brahmatejomayi avntika men utpat machana prarnbh kar diya. jan-sadharan trahi-trahi karane lage aur unhonne apane aradhy bhagavan shnkar ki sharan men jakar prarthana, stuti shuroo kar di. tab jahan vah satvik brahman parthiv shiv ki archana kiya karata tha, us sthan par ek vishal gaddha ho gaya aur bhagavan shiv apane virat svaroop men usamen se prakat hue. vikat roop dhari bhagavan shnkar ne bhaktajanon ko ashvast kiya aur gaganabhedi hunkar bhari- "main dushton ka snharak mahakal hoon..." aur aisa kahakar unhonne dooshan v usaki hinsak sena ko bhasm kar diya. tatpashchath unhonne apane shraddhaluon se varadan mangane ko kaha. avntikavasiyon ne prarthana ki-

'mahakal, mahadev! dusht dnd kar prabho
mukti prayachchh nah shambho snsarambudhitah shiv॥
atraivh‌ lok raksharthn sthatavyn hi tvaya shiv
svadarsh kanh‌ naranshambho taray tvn sada prabho॥

arthath "he mahakal, mahadev, dushton ko dndit karane vale prabhu! ap hamen snsar roopi sagar se mukti pradan kijie, janakalyan evn janaraksha hetu isi sthan par nivas kijie evn apane darshan karane vale manushyon ko akshay puny pradan kar unaka uddhar kijie. is prarthana se abhibhoot hokar bhagavan mahakal sthir roop se vahin virajit ho ge aur samoochi avntika nagari shivamay ho gee.[6]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. shiv puran, koti rudr snhita, 19/20-21
  2. ahutiyan
  3. gale ke barabar
  4. shri shiv puran koti rudr snhita 28/12-15
  5. shri shiv puran koti rudr snhita 28/22-25
  6. 6.0 6.1 mahakal ki katha (hindi). . abhigaman tithi: 16 joon, 2013.

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah