विशिष्टाद्वैत दर्शन  हिन्दी देवनागरी में पढ़ें।

vishishtadvait darshan roodhivadi bharatiy darshan ke pradhan maton men se ek hai. isake pratishthapak ramanujachary the. yah mat satavin shatabdi ke bad dakshin bharat men mukhy roop se sakriy 'bhakti andolan[1] se vikasit hua tha.

pratishthapak

vishishtadvait darshan ke pratishthapak ramanujachary the. unaka janm snvat 1084 ke as-pas hua tha. unaki vicharadhara shnkarachary ke advaitavadi nirgun brahm ke viruddh ek pratikriya thi. vishishtadvait darshan men ramanujachary ne sagun brahm ke sath-sath jagat aur jiv ki satta ki pratishtha ki. unhonne sharir ko visheshan tatha atmatattv ko visheshy mana.

vaishnav bhakti andolan ka margadarshan karane vale arnbhik brahmanon[2] men se ek nathamuni[3] the, jo shrirngamh (adhunik tamilanadu rajy) ke mndir ke mukhy purohit the. unake bad yamuna[4] ne yah kary snbhala, jinhonne kuchh darshanik prabndh likhe, lekin tikaen nahin likhin. unake uttaradhikari ramanuj ya 'ramanujachary'[5]sabase prakhyat hasti the, jinhonne brahmasootron[6] aur shrimadbhagavad gita par tikaen; upanishadon par ek grnth 'vedarthasngreh' ki rachana ki.[7]

ramanuj vedant chintakon men se pahale vyakti the, jinhonne vyaktigat eeshvar ki upanishadon tatha vedant sootron ke brahm se ekatmata ko apani paddhati ka adhar banaya. vaiyaktik eeshvar ke roop men brahm men apani poori snpoornata ke sath sabhi sadgun hote hain aur ramanuj ne unaka ullekh nahin kiya hai. unhonne ekatmak aur asimit brahm tatha bahuvadi v simit vishv ke snbndhon ki nee tarah se vivechana ki hai, jise upanishadon ka bhi kuchh samarthan prapt hai. unake lie asimit aur simit ka snbndh atma aur sharir ke snbndh ke saman hai. isalie 'advaitavad' ka astitv rahata hai, halanki inamen vibhed batae ja sakate hain. atma tatha padarth apane astitv ke lie poornat: eeshvar par nirbhar hai, jis prakar sharir atma par nirbhar hai.

vishishtadvait darshan ke anusar- "sharir vishisht hai, jivatma ansh tatha antaryami paramatma anshi hai. snsar prarnbh hone se poorv 'sookshm chidh chidh vishisht brahm' ki sthiti hoti hai snsar evn jagat ki utpatti ke uparant 'sthool chidh chidh vishisht brahm' ki sthiti rahati hai. 'tayo ekn iti brahm' apani simaon ki paridhi se chhoot jana hi moksh hai. muktatmaen eeshvar ki bhanti ho jati hain- kintu eeshvar nahin hotin."

paddhatiyan

eeshvar ke astitv ki do paddhatiyan hain-

  1. nimitt (karan)
  2. phal (parinam)

nimitt ke roop men vah keval apani snpoornata ke sapeksh men apane sar roop men hai. parinam ke roop men unaka sharir atma tatha ghatana jagat[8] hai. srijan tatha avashoshan ke in kalon ke bich ek sajiv samnjasy hai. ramanuj ke lie mukti ya moksh punarjanm se nakaratmak vilagan nahin hai, balki eeshvar ke prati snpoorn bhakti ke jivan, unaki stuti, mndiron aur vyaktigat pooja sthalon men eeshvar ka gunagan karane tatha usaki snpoornata par lagatar vishvas karane se prapt kiya ja sakata hai. eeshvar apani anuknpa ke roop men isaka phal denge, jo bhakt ko mukti prapt karane men sahayata karega.[7]

prachar-prasar

ramanuj ke bad bhi 'vishishtadvait' phala-phoola aur isaka kafi prachar-prasar bhi hua, lekin eeshvar ki anuknpa ke mahatv ke mudde par isamen phoot pad gee. dakshin bharat ke snskrit mat 'vadakalai' ke lie mukti prapt karane men eeshvar ki anuknpa mahattvapoorn hai, lekin manushy ko bhi apani or se poora prayas karana chahie. is vicharadhara ka pratinidhitv chintak venkatanath karate the, jinhen 'vedantadeshika'[9] se jana jata tha. uttari tamil mat 'tenkalai' ke anusar keval eeshvar ki anuknpa hi avashyak hai. 'vishishtadvait' ka prabhav sudoor uttar tak phaila, jahan isane vaishnavavad ke punarjagaran men vishesh bhoomika nibhaee, visheshakar bngal ke bhakt chaitany mahaprabhu (1485-1533) ke netritv men dakshin bharat men is darshan ka ab bhi mahattvapoorn bauddhik prabhav hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. vishnu adharit vaishnav andolan
  2. purohiton
  3. 10vin shatabdi
  4. 1 vin shatabdi
  5. guru ramanuj, lagabhag 1050-1137
  6. shribhashy
  7. 7.0 7.1 bharat gyanakosh, khand-5 |lekhak: indu ramachndani |prakashak: ensaiklopidiya britainika praivet limited, nee dilli aur paaupyular prakashan, mumbee |snkalan: bharatakosh pustakalay |prishth snkhya: 214 |
  8. pratibhasik vishv
  9. vedant ke upadeshak

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah