bharatakosh ke snsthapak/snpadak ke fesabuk laiv ke lie yahan klik karen.

रामनरेश त्रिपाठी  हिन्दी देवनागरी में पढ़ें।

ramanaresh tripathi prakchhayavadi yug ke mahatvapoorn kavi hain jinhonne rashtraprem ki kavitaen bhi likhin. inhonne kavita ke alava upanyas, natak, alochana, hindi sahity ka snkshipt itihas tatha balopayogi pustaken bhi likhin. inaki mukhy kavy-kritiyan hain- 'milan, 'pathik, 'svapn tatha 'manasi. 'svapn par inhen hindustan akadami ka puraskar mila.[1] ramanaresh tripathi ka janm zila jaunapur ke koiripur namak ganv men san 1881 ee. men hua aur mrityu san 1962 ee. men huee. inaki arambhik shiksha-diksha jaunapur men huee aur san 1911 ee. ke as-pas baees varsh ki ayu men inhonne kavy rachana ke kshetr men padarpan kiya.

svachchhandatavadi kavi

ramanaresh tripathi svachchhandatavadi bhavadhara ke kavi ke roop men pratishthit hue hain. inase poorv shridhar pathak ne hindi kavita men svachchhandatavad (romantisijm) ko janm diya tha. ramanaresh tripathi ne apani rachanaon dvara ukt parampara ko vikasit kiya aur sampann banaya. desh prem tatha rashtriyata ki anubhootiyan inaki rachanaon ka mukhy vishay rahi hain. hindi kavita ke mnch par ye rashtriy bhavanaon ke gayak ke roop men bahut lokapriy hue. prakriti-chitran men bhi inhen adabhut saphalata prapt huee hai.

kavy kritiyan

inaki char kavy kritiyan ullekhaniy hain- 'milan' (1918 ee.), 'pathik' (1921 ee.), 'manasi' (1927 ee.), 'svapn' (1929 ee.). inamen 'manasi' phutakar kavitaon ka sngrah hai aur shesh tinon kritiyan premakhyanak khand kavy hai.

khand kavy

inhonne khand kavyon ki rachana ke lie kinhin pauranik athava aitihasik katha sootron ka ashray nahin liya hai, varan apani kalpana shakti se maulik tatha marmik kathaon ki srishti ki hai. kavi dvara nirmit hone ke karan in kavyon ke charitr bade akarshak hain aur jivan ke sanche men dhale hue jan padate hain. in tinon hi khand kavyon ki ek samany visheshata yah hai ki inamen deshabhakti ki bhavanaon ka samavesh bahut hi sarasata ke sath kiya gaya hai. udaharan ke lis 'svapn' namak khand kavy ko liya ja sakata hai. isaka nayak vasant namak navayuvak ek or to apani priya ke pragadh prem men lin rahana chahata hai, manoram prakriti ke krod men usake sahachary-sukh ki abhilasha karata hai aur doosari or samaj ka dukh-dard door karane ke lie rashtroddhar ki bhavana se andolit hota rahata hai. usake man men is prakar ka antarddhanddh bahut samay tak chalata hai. antat: vah apani priya ke dvara hi udabuddh kiye jane par rashtr prem ko prathamikata deta hai aur shatruon dvara padakrant svedash ki raksha evn uddhar karane men saphal ho jata hai. is prakar ki bhavanaon se paripoorn hone ke karan ramanaresh tripathi ke kavy bahut dinon tak rashtrapremi navayuvakon ke kanthahar ban hue the.

prakriti chitran

ramanaresh tripathi apani kavy kritiyon men prakriti ke saphal chitere rahe hain. inhonne prakriti chitran vyapak, vishad aur svatntr roop men kiya hai. inake sahaj-manoram prakriti-chitron men kahin-kahin chhayavad ki jhalak bhi mil jati hai. udaharan ke lie 'pathik' ki do pnktiyan drashtavy hain-

“prati kshan nootan vesh banakar rng-virng nirala. ravi ke sammukh thirak rahi hai nabh men varid mala”

bhasha

prakriti chitr hon, ya anyany prakar ke varnan, sarvatr ramanaresh tripathi ne bhasha ki saphaee ka bahut khyal rakha hai. inake kavyon ki bhasha shuddh, sahaj khadi boli hai, jo is roop men hindi kavy men pratham bar prayukt dikhaee deti hai. inamen vyakaran tatha vaky-rachana sambandhi trutiyan nahin milatin. inhonne kahin-kahin urdoo ke prachalit shabdon aur urdoo-chhandon ka bhi vyavahar kiya hai-

“mere lie khada tha dukhiyon ke dvar par too. main bat johata tha teri kisi chaman men.. banakar kisi ke ansoo mere lie baha too. main dekhata tujhe tha mashook ke badan men”..

upanyas tatha natak

ramanaresh tripathi ne kavy-rachana ke atirikt upanyas tatha natak likhe hain, alochanaen ki hain aur tika bhi. inake tin upanyas ullekhaniy hain-

  • 'viragnna' (1911 ee.),
  • 'virabala' (1911 ee.),
  • 'lakshmi' (1924 ee.)
naty kritiyan

tin ullekhaniy naty kritiyan hain-

  • 'subhadra' (1924 ee.),
  • 'jayant' (1934 ee.),
  • 'premalok' (1934 ee.)

any kritiyan

alochanatmak kritiyon ke roop men inaki do pustaken 'tulasidas aur unaki kavita' tatha 'hindi sahity ka snkshipt itihas' vicharaniy hain. tikakar ke roop men apani 'ramacharitamanas ki tika' ke karan smaran kiye jate hain. 'tis din malaviy ji ke sath' tripathi ji ki utkrisht snsmaranatmak kriti hai. inake sahityik krititv ka ek mahattvapoorn bhag sampadan karyon ke antargat ata hai. san 1925 ee. men inhonne hindi, urdoo, snskrit aur bangla ki lokapriy kavitaon ka snkalan aur sampadan kiya. inaka yah kary ath bhagon men 'kavita kaumudi' ke nam se prakashit hua hai. isi men ek bhag gram-giton ka hai. gram-giton ke snkalan, sampadan aur unake bhavatmak bhashy prastut karane ki drishti se inaka kary vishesh roop se ullekhaniy raha hai. ye hindi men is disha men kary karane vale pahale vyakti rahe hain aur inhen paryapt saphalata tatha kirti mili hai. 1931 se 1941 ee. tak inhonne 'vanar' ka sampadan tatha prakashan kiya tha. inake dvara sampadit aur maulik roop men likhit balakopayogi sahity bhi bahut adhik matra men upalabdh hai.

prasiddhi

inaki prasiddhi mukhyat: inake kavi-roop ke karan huee. ye 'dvivediyug' aur 'chhayavad yug' ki mahattvapoorn kadi ke roop men ate hain. poorv chhayavad yug ke khadi boli ke kaviyon men inaka nam bahut adar se liya jata hai. inaka prarambhik kary-kshetr rajasthan aur ilahabad raha. inhonne antim jivan sultanapur men bitaya.

mrityu

san 1962 ee. men ram naresh tripathi ji ka dehant ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. ramanaresh tripathi (hindi) (ech.ti.em.el) brandbihar.com. abhigaman tithi: 10 faravari, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah