विश्वनाथ काशीनाथ राजवाडे  हिन्दी देवनागरी में पढ़ें।

vishvanath kashinath rajavade
vishvanath kashinath rajavade
poora nam vishvanath kashinath rajavade
janm 24 joon, 1863
janm bhoomi rayagadh, maharashtr
mrityu 31 disambar, 1926
mrityu sthan pune, maharashtr
karm bhoomi bharat
mukhy rachanaen 'bharatiy vivah snsthecha itihas'
bhasha marathi
vidyalay dekkan kaaulej
prasiddhi itihasakar, lekhak, vidvan, shreshth vakta
nagarikata bharatiy
any janakari 1894 men anuvad adharit 'bhashantar' namak marathi patrika sampadit karane ke alava 1910 men rajavade ne pune men 'bharat itihas snshodhak mandal' ki sthapana ki aur apane aitihasik sroton, kritiyon aur svayn ke aitihasik kayon ko mandal ke supurd kar diya.
adyatan‎
inhen bhi dekhen kavi soochi, sahityakar soochi

vishvanath kashinath rajavade (angrezi: Vishwanath Kashinath Rajwade, janm- 24 joon, 1863, maharashtr; mrityu- 31 disambar, 1926) prasiddh bharatiy lekhak, itihasakar, shreshth vakta aur vidvan the. unhen 'itihasachary rajavade' ke nam se khyati prapt thi. snskrit aur vyakaran ke bhi ve prakand pndit the, jisaka praman unaki suprasiddh kritiyon 'rajavade dhatukosh' tatha 'snskrit bhashecha ulagada' adi men dikhaee deta hai. vishvanath kashinath rajavade ne 'bharatiy vivah snstha ka itihas' namak prasiddh granth ki rachana marathi bhasha men ki thi. granth itihasachary rajavade ke vyapak adhyayan aur chintan ki ek anoothi upalabdhi hai.

janm tatha shiksha

vishvanath kashinath rajavade ka janm 24 joon, 1863 ko maharashtr ke rayagadh zile ke varasee ganv men hua tha. jab ve tin varsh ke the, unake pita ka dehant ho gaya. age ka lalan-palan unake nanihal varasee men hua. bad men ve apane chacha ke pas pune ke nazadik vadaganv men a gaye. pune men rajavade ka prathamik shikshan shanivar peth ki pathashala men hua. baba gokhale ki pathashala, vishnukant chipaloonakar ke nyoo skool aur phir bad men mishan skool se unhonne madhyamik ki shiksha poori ki. 1882 men rajavade ne maitrikuleshan kiya. age ki shiksha ke lie baaumbe ke elfinstan kaaulej men dakhila liya, par dhanabhav ke karan ve adhyayan jari nahin rakh paye. bad men pune men pablik sarvis sekand gred pariksha men baithane vale vidyarthiyon ko padha kar unhonne dhanoparjan kiya aur dekkan kaaulej men age ki padhaee ke lie nam darj karaya. yadyapi kaaulej ke pathyakram men lagi pathyapustakon se rajavade kabhi sntusht nahin hue, phir bhi ramakrishn gopal bhndarakar jaise vidvanon ke sannidhy men unhonne kafi kuchh sikha. rajavade ne 1891 men bie ki pariksha uttirn ki.

lekhan ki shuruat

prathamik shiksha se lekar kaaulej tak ki uchch shiksha se snbndhit apane anubhav ko rajavade ne 'grnthamala' masik patrika men ‘kanishth, madhyam v uchch shalantit svanubhav’[1] shirshak nibndh dvara prastut kiya. is rachana men unhonne shiksha ke vyavasayik hiton ko samajik uttaradayitvon par variyata dene ki tatkalin parampara ki kathor alochana ki. 1894 men anuvad adharit 'bhashantar' namak marathi patrika sampadit karane ke alava 1910 men unhonne pune men 'bharat itihas snshodhak mandal' ki sthapana ki aur apane dvara ikatthe kiye gaye aitihasik sroton, kritiyon aur svayn dvara kiye gaye aitihasik kayon ko mandal ke supurd kar diya.

itihas srot samagri ka snkalan

vishvanath kashinath rajavade ka manana tha ki grant daf sahit any aupaniveshik itihasakaron dvara likhit bharat ka itihas vijetaon dvara likhit vijit desh ka itihas hai.
vishvanath kashinath rajavade par jari dak tikat
isalie usamen saty ka abhav hai aur mahattvahin ghatanaon ko badha-chadha kar dikhaya gaya hai. poorv-likhit itihas ki chhanabin ke pashchath rajavade is nishkarsh par pahunche ki sachche itihas ko prakash men laye bina rashtr men svatv ki chetana ka n to nirman hi ho payega n hi vikas. isi bich apane ek vidyarthi kaka rav pandit ko mile kuchh sroton ki janakari milane par rajavade un sroton ko hastagat kiya aur do mah ke avishrant parishram dvara 1896 men 'marathyanchya itihasachi sadhane'[2] shirshak pustak ka pahala khand prakashit hua. panipat ke yuddh se snbndhit 202 patr isi khand men hain. itihas srot-samagri jutane ki isi riti ke sath rajavade ne dridh aur anathak prayason se poore maharashtr ka daura kiya. aitihasik drishti se mahattvapoorn sthanon ke bar-bar nirikshan, vastushastriy adhyayan drishti aur puratattvik sakshyon ki madad se rajavade ne maharashtr ke janajivan, vahan ki bhasha, riti-rivazon aur sahity ke manavashastriy aur samajashastriy drishti se adhyayan ke uparant jo nishkarsh nikale, usake phalasvaroop marathon ke itihas ki srot samagri ke baees khand prakashit hue. unaki mrityu ke samay arthath 1926 tak isase bhi zyada aprakashit sngrah rajavade ke pas ekatr ho chuka tha.


rajavade ne shahaji par likhe nibndh men marathon ke shakti-lop ko punarsthapit karane hetu 'dayalektis aauf difit' arthath har ke dvndv par charcha karate hue bataya ki uttam, sudaul tatha nishchit hathiyar banane ki kala ke vikas ke lie vaigyanik gyan ki jo poorv taiyari avashyak hoti hai, vah us samay maharashtr men nahin thi. bhaktikalin kaviyon par hamala bolate hue rajavade ne bataya ki jab[3] yoorop men dekart, bekan adi vicharashil log, srishti men rahane vale vividh padarthon ki khoj karane valon ko protsahit kar rahe the, usi samay apane yahan ekanath, tukaram, dasopnt, nipatanirnjan adi snt-mahatma pnch mahabhooton ko nasht kar brahm sakshatkar ka marg dikhane ka prayas kar rahe the. inake ulat rajavade ne satrahavin sadi ke snt samarth guru ramadas ki tattv-mimansa ka svagat kiya, jinaki kavitaon men maratha shakti ki punarsthapana ki akanksha sametane vali rajanitik golabndi aur marathi rashtriyata ke punarutthan ki bhavanaen vyakt hoti thin.

hindoovad ke rakshak tatha alochak

vishvanath kashinath rajavade hindoovad ke kaddavar rakshak hone ke sath-sath usake kattar alochak bhi the. hindoovad ko ve samajik-arthik vyavastha manate the. shivaji jaynti ke avasar par 1911 men lokamany tilak ke patr 'kesari' men likhate hue unhonne chaturvarny vyavastha ka samarthan kiya aur ise samajik sngathan ka uttam roop batalaya. sath hi unhonne marathi samaj par yah arop bhi lagaya ki is vyavastha ka thik se palan n karana hi usake patan ka karan bana. hindoovad athava brahmanavad ki ad men rajavade ne hamesha marathi bhasha-bhashi logon ke uttaradayitv aur kartavyon ko samoohik roop se maharashtr dharm ke roop men vyakt kiya aur usaki unnati ke lie us par zor diya.

bharatiy vivah snstha ka itihas

san 1920-1923 ke dauran vishvanath kashinath rajavade ke 'bharatiy vivah paddhati' par likhe nibndh snkalit roop men 'bharatiy vivah snsthecha itihas' (bharatiy vivah snstha ka itihas) ke roop men 1926 men prakashit hue. isaka pahala adhyay ‘stri-purush samagam’ men kee ati prachin ary prathaon ka zikr tha. yah pahali bar 1923 ki mee men pune ki 'chitramayajagat' patrika men prakashit hua tha. isamen ved, snhita, mahabharat aur harivnshapuran ke uddharanon aur sakshyon dvara yah kaha gaya tha ki atynt prachin ary samaj men bhaee-bahan aur pita-putri ke bich sharirik snbndh hote the. in nirbndh sharirik snbndhon ka age kis prakar vikas hua, yahi is nibndh ka vishay tha. is pustak ka doosara adhyay ‘striyon ki vnsh-pravartak shakti aur prajapati snstha’ men unhonne yah dikhaya ki kaise ek balak ko doosare se alag pahachanane ke lie pita ki jagah matrikul ka nam diya gaya, kyonki tab stri-purush snbndh mile-jule hote the. sath hi rajavade isamen yah bhi dikhate hain ki prajapati snstha se poorv vnshavataran striyon ke adhin tha aur prajapati snstha ke prachin ary samaj ke roop men vikasit hone ke tin parinam nikale.

is grnth ka tisara adhyay ‘atithy ki ek ary pratha’ men pramanasvaroop mahabharat ke udyog parv ke paintalisaven adhyay men varnit ‘ishtan putran vibhavan svanshch daran’ arthath ‘snkatakal men apani stri bhi apane mitr ko nirmal antahkaran se arpit ki jae’ dvara rajavade ne yah bataya ki bharatiy aisa kabhi nahin manate the ki apane mitr ko sv-stri sambhogarth dene men koee nitibhng hota hai. isaka samarthan panini ne 'dvigorluganapatye' (4-1- 88) sootr men ‘dvayormitrayorapatyn dvaimitri’ arthath do mitron ke apaty ya sntati ko dvaimitri kah kar kiya hai. is sthiti men pitritv donon hi mitron ko milata hai. is grnth ke chauthe adhyay ‘agni aur ygy’ men bharatiy vivah snstha ke itihas aur parampara ka vistar se spashtikaran karane ke lie agni ka samajik itihas batate hue rajavade ne ygy ki prakriya, phal-shruti aur unase sambaddh dnt kathaon ka ullekh kiya hai. sath hi isamen unhonne stri-purush ke samoohik roop se laingik samagam men ekanishth vivah paddhati ke aitihasik vikas ki prakriya darshayi hai. is grnth men kshepak roop men bharatiy vivah snstha ke itihas vishay par rajavade dvara likhit tippaniyan ‘lagnasnstha ’ shirshak ke antargat sammilit ki gayin.

mrityu

mahan anveshak, vaiyakaran, manavashastri aur itihasakar vishvanath kashinath rajavade ka 31 disambar 1926 ko pune men dehant hua. 1926 men unaki asamayik mrityu ke pashchath dhule-sthit rajavade snshodhak mandal ki sthapana huee aur unake kary aur srot samagriyan vahin rakhi gayin. aj bhi ye donon snsthan apane yogadan se bharatiy itihas aur snskriti ko samriddh karane men lage hue hain. unake samman men bharatiy itihas kangres ne 'vishvanath kashinath rajavade avard' ki snstuti ki, jo bharatiy itihas ke kshetr men jivan-parynt yogadan ke lie diya jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. prathamik, madhyamik evn uchchashalaon ke mere anubhav
  2. marathon ke itihas ke srot
  3. shahaji ke jivan kal men

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah