अग्नि समाधि -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sadhu-snton ke satsng se bure bhi achchhe ho jate hain, kintu payag ka durbhagy tha, ki us par satsng ka ulta hi asar hua. use ganje, charas aur bhng ka chaska pad gaya, jisaka phal yah hua ki ek mehanati, udyamashil yuvak alasy ka upasak ban baitha. jivan-sngram men yah anand kahan ! kisi vat-vriksh ke niche dhooni jal rahi hai, ek jatadhari mahatma viraj rahe hain, bhaktajan unhen ghere baithe hue hain, aur til-til par charas ke dam lag rahe hain. bich-bich men bhajan bhi ho jate hain. majoori-dhatoori men yah svarg-sukh kahan ! chilam bharana payag ka kam tha. bhakton ko paralok men puny-phal ki asha thi, payag ko tatkal phal milata tha , chilamon par pahala hak usi ka hota tha. mahatmaon ke shrimukh se bhagavath charcha sunate hue vah annd se vihval ho uthata tha, us par atmavismriti-si chha jati thi. vah saurabh, sngit aur prakash se bhare hue ek doosare hi snsar men pahunch jata tha. isalie jab usaki stri rukmin rat ke das-gyarah baj jane par use bulane ati, to payag ko pratyaksh kroor anubhav hota, snsar use kanton se bhara hua jngal-sa dikhata, visheshat: jab ghar ane par use maloom hota ki abhi choolha nahin jala aur chane-chabene ki kuchh fikr karani hai. vah jati ka bhar tha, ganv ki chaukidari usaki miras thi, do rupaye aur kuchh ane vetan milata tha. varadi aur safa muft. kam tha saptah men ek din thane jana, vahan aphasaron ke dvar par jhadoo lagana, astabal saf karana, lakadi chirana. payag rakt ke ghoont pi-pi kar ye kam karata, kyonki avgya sharirik aur arthik donon hi drishti se mahngi padati thin. ansoo yon puchhate the ki chaukidari men yadi koee kam tha, to itana hi, aur mahine men char din ke lie do rupaye aur kuchh ane kam n the. phir ganv men bhi agar bade adamiyon par nahin, to nichon par rob tha. vetan penshan thi aur jab se mahatmaon ka sampark hua, vah payag ke jeb-kharch ki mad men a gayi. atev jivika ka prashn dinondin chintotpadak roop dharan karane laga. in satsngon ke pahale yah dampati ganv men mazadoori karata tha. rukmin lakadiyan tod kar bazar le jati, payag kabhi ara chalata, kabhi hal jotata, kabhi pur hankata. jo kam samane a jae, usamen jut jata tha. hnsamukh, shramashil, vinodi, nirdvandv adami tha aur aisa adami kabhi bhookhon nahin marata. us par namr itana ki kisi kam ke lie 'nahin' n karata. kisi ne kuchh kaha aur vah 'achchha bhaiya' kah kar dauda. isalie usaka ganv men man tha. isi ki badaulat nirudyam hone par bhi do-tin sal use adhik kasht n hua. donon joon ki to bat hi kya, jab mahato ko yah ridhdi n prapt thi, jinake dvar par bailon ki tin-tin jodiyan bndhati thin, to payag kis ginati men tha. han, ek joon ki dal-roti men sndeh n tha. parantu ab yah samasya din par din vishamatar hoti jati thi. us par vipatti yah thi ki rukmin bhi ab kisi karan se usaki patiparayan, utani sevashil, utani tatpar n thi. nahin, utani pragalbhata aur vachalata men ashcharyajanak vikas hota jata tha. atev payag ko kisi aisi sidhdi ki avashyakata thi, jo use jivika ki chinta se mukt kar de aur vah nishchint ho kar bhagavadbhajan aur sadhu-seva men pravritta ho jae. ek din rukmin bazar men lakadiyan bech kar lauti, to payag ne kaha —la, kuchh paise mujhe de de, dam laga aoon. rukmin ne munh pher kar kaha —dam lagane ki aisi chat hai, to kam kyon nahin karate ? kya ajakal koee baba nahin hain, ja kar chilam bharo ? payag ne tyori chadha kar kaha —bhala chahati hai to paise de de; nahin to is tarah tng karegi, to ek din kahin chala jaoonga, tab royegi. rukmin angootha dikha kar boli —  roye meri bala. tum rahate hi ho, to kaun sone ka kaur khila dete ho ? ab bhi chhati phadati hoon, tab bhi chhati phadoongi. 'to ab yahi phaisala hai ?' 'han-han, kah to diya, mere pas paise nahin hain.' 'gahane banavane ke lie paise hain aur main char paise mangata hoon, to yon javab deti hai !' rukmin tinak kar boli —  gahane banavati hoon, to tumhari chhati kyon phatati hai ? tumane to pital ka chhalla bhi nahin banavaya, ya itana bhi nahin dekha jata ? payag us din ghar n aya. rat ke nau baj gaye, tab rukmin ne kivad bnd kar liye. samajhi, ganv men kahin chhipa baitha hoga. samajhata hoga, mujhe manane ayegi, meri bala jati hai. jab doosare din bhi payag n aya, to rukmin ko chinta huee. ganv bhar chhan ayi. chidiya kisi avhe par n mili. us din usane rasoee nahin banayi. rat ko leti bhi to bahut der tak ankhen n lagin. shnka ho rahi thi, payag sachamuch to virakt nahin ho gaya. usane socha, prat:kal patta-patta chhan daloongi, kisi sadhu-snt ke sath hoga. ja kar thane men rapat kar doongi. abhi tadaka hi tha ki rukmin thane men chalane ko taiyar ho gayi. kivad bnd karake nikali hi thi ki payag ata hua dikhaee diya. par vah akela n tha. usake pichhe-pichhe ek stri bhi thi. usaki chhint ki sadi, rngi huee chadar, lamba ghoonghat aur sharmili chal dekh kar rukmin ka kaleja dhakh-se ho gaya. vah ek kshan hatabuddhi-si khadi rahi, tab badh kar nayi saut ko donon hathon ke bich men le liya aur use is bhanti dhire-dhire ghar ke andar le chali, jaise koee rogi jivan se nirash ho kar vish-pan kar raha ho ! jab padosiyon ki bhid chhnt gayi to rukmin ne payag se poochha—ise kahan se laye ? payag ne hns kar kaha —ghar se bhagi jati thi, mujhe raste men mil gayi. ghar ka kam-dhandha karegi, padi rahegi. 'maloom hota hai, mujhase tumhara ji bhar gaya.' payag ne tirachhi chitavanon se dekh kar kaha —duth pagali ! ise teri seva-tahal karane ko laya hoon. 'nayi ke age purani ko kaun poochhata hai ?' 'chal, man jisase mile vahi nayi hai, man jisase n mile vahi purani hai. la, kuchh paisa ho to de de, tin din se dam nahin lagaya, pair sidhe nahin padate. han, dekh do-char din is bechari ko khila-pila de, phir to ap hi kam karane lagegi.' rukmin ne poora rupaya la kar payag ke hath par rakh diya. doosari bar kahane ki zaroorat hi n padi. payag men chahe aur koee gun ho ya n ho, yah manana padega ki vah shasan ke mool sidhdanton se parichit tha. usane bhed-niti ko apana lakshy bana liya tha. ek mas tak kisi prakar ki vighn-badha n padi. rukmin apani sari chaukadiyan bhool gayi thi. bade tadake uthati, kabhi lakadiyan tod kar, kabhi chara kat kar, kabhi upale path kar bazar le jati. vahan jo kuchh milata, usaka adha to payag ke hatthe chadha deti. adho men ghar ka kam chalata. vah saut ko koee kam n karane deti. padosiyon se kahati , bahan, saut hai to kya, hai to abhi kal ki bahuriya. do-char mahine bhi aram se n rahegi, to kya yad karegi. main to kam karane ko hoon hi. ganv bhar men rukmin ke shil-svabhav ka bakhan hota tha, par satsngi ghagh payag sab kuchh samajhata tha aur apani niti ki saphalata par prasann hota tha. ek din bahoo ne kaha —didi, ab to ghar men baithe-baithe ji oobata hai. mujhe bhi koee kam dila do. rukmin ne sneh sinchit svar men kaha —kya mere mukh men kalikh putavane par lagi huee hai ? bhitar ka kam kiye ja, bahar ke lie main hoon hi. bahoo ka nam kaushalya tha, jo bigad kar siliya ho gaya tha. is vakt siliya ne kuchh javab n diya. lekin vah laundiyon ki dasha ab usake lie asahy ho gayi thi. vah din bhar ghar ka kam karate-karate mare, koee nahin poochhata. rukmin bahar se char paise lati hai, to ghar ki malakin bani huee hai. ab siliya bhi majoori karegi aur malakin ka ghamnd tod degi. payag paison ka yar hai, yah bat usase ab chhipi n thi. jab rukmin chara le kar bazar chali gayi, to usane ghar ki tatti lagayi aur ganv ka rng-dhng dekhane ke lie nikal padi. ganv men brahman, thakur, kayasth, baniye sabhi the. siliya ne shil aur snkoch ka kuchh aisa svang racha ki sabhi striyan us par mugdh ho gayin. kisi ne chaval diya, kisi ne dal, kisi ne kuchh. nayi bahoo ki avabhagat kaun n karata ? pahale hi daure men siliya ko maloom ho gaya ki ganv men pisanahari ka sthan khali hai aur vah is kami ko poora kar sakati hai. vah yahan se ghar lauti, to usake sir par gehoon se bhari huee ek tokari thi. payag ne pahar rat hi se chakki ki avaz suni, to rukmin se bola —  aj to siliya abhi se pisane lagi. rukmin bazar se ata layi thi. anaj aur ate ke bhav men vishesh antar n tha. use ashchary hua ki siliya itane sabere kya pis rahi hai. uth kar kothari men ayi, to dekha ki siliya andhere  men baithi kuchh pis rahi hai. usane ja kar usaka hath pakad liya aur tokari ko utha kar boli —  tujhase kisane pisane ko kaha hai ? kisaka anaj pis rahi hai ? siliya ne nishshnk ho kar kaha —tum ja kar aram se soti kyon nahin. main pisati hoon, to tumhara kya bigadata hai ! chakki ki ghumur-ghumur bhi nahin sahi jati ? lao, tokari de do, baithe-baithe kab tak khaoongi, do mahine to ho gaye. 'mainne to tujhase kuchh nahin kaha !' 'tum kaho, chahe n kaho; apana dharam bhi to kuchh hai.' 'too abhi yahan ke adamiyon ko nahin janati. ata to pisate sabako achchha lagata hai. paise dete rote hain. kisaka gehoon hai ? main sabere usake sir par patak aoongi.' siliya ne rukmin ke hath se tokari chhin li aur boli —  paise kyon n denge ? kuchh begar karati hoon ? 'too n manegi ?' 'tumhari laundi ban kar n rahoongi.' yah takarar sun kar payag bhi a pahuncha aur rukmin se bola —  kam karati hai to karane kyon nahin deti ? ab kya janam bhar bahuriya hi bani rahegi ? ho gaye do mahine. 'tum kya jano, nak to meri kategi.' siliya bol uthi , to kya koee baithe khilata hai ? chauka-baratan, jhadoo-baharoo, roti-pani, pisana-kootana, yah kaun karata hai ? pani khinchate-khinchate mere hathon men ghatthe pad gaye. mujhase ab sara kam n hoga. payag ne kaha —to too hi bazar jaea kar. ghar ka kam rahane de ! rukmin kar legi. rukmin ne apatti ki , aisi bat munh se nikalate laj nahin ati ? tin din ki bahuriya bazar men ghoomegi, to snsar kya kahega ! siliya ne agrah karake kaha —snsar kya kahega, kya koee aib karane jati hoon ? siliya ki digri ho gayi. adhipaty rukmin ke hath se nikal gaya. siliya ki amaladari ho gayi. javan aurat thi. gehoon pis kar uthi to auron ke sath ghas chhilane chali gayi, aur itani ghas chhili ki sab dng rah gayin ! gattha uthaye n uthata tha. jin purushon ko ghas chhilane ka bada abhyas tha, unase bhi usane bazi mar li ! yah gattha barah ane ka bika. siliya ne ata, chaval, dal, tel, namak, tarakari, masala sab kuchh liya, aur char ane bacha bhi liye. rukmin ne samajh rakha tha ki siliya bazar se do-char ane paise le kar lautegi to use datoongi aur doosare din se phir bazar jane lagoongi. phir mera rajy ho jayaga. par yah saman dekhe, to ankhen khul gayin. payag khane baitha to masaledar tarakari ka bakhan karane laga. mahinon se aisi svadisht vastu mayassar n huee thi. bahut prasann hua. bhojan karake vah bahar jane laga, to siliya barothe men khadi mil gayi. bola —  aj kitane paise mile ? 'barah ane mile the !' 'sab kharch kar dale ? kuchh bache hon to mujhe de de.' siliya ne bache hue char ane paise de diye. payag paise khanakhanata hua bola —  toone to aj malamal kar diya. rukmin to do-char paison hi men tal deti thi. 'mujhe gad kar rakhana thode hi hai. paisa khane-pine ke lie hai ki gadane ke lie ?' 'ab too hi bazar jaea kar, rukmin ghar ka kam karegi.' rukmin aur siliya men sngram chhid gaya. siliya payag par apana adhipaty jamaye rakhane ke lie jan tod kar parishram karati. pahar rat hi se usaki chakki ki avaz kanon men ane lagati. din nikalate hi ghas lane chali jati aur jara der susta kar bazar ki rah leti. vahan se laut kar bhi vah bekar n baithati, kabhi san katati, kabhi lakadiyan todati. rukmin usake prabndh men barabar aib nikalati aur jab avasar milata to gobar bator kar upale pathati aur ganv men bechati. payag ke donon hathon men laddoo the. striyan use adhik se adhik paise dene aur sneh ka adhikansh dekar apane adhikar men lane ka prayatn karati rahatin, par siliya ne kuchh aisi dridhata se asan jama liya tha ki kisi tarah hilaye n hilati thi. yahan tak ki ek din donon pratiyogiyon men khullamakhulla than gayi. ek din siliya ghas le kar lauti to pasine se tar thi. phagun ka mahina tha; dhoop tej thi. usane socha, naha kar tab bazar jaoongi. ghas dvar par hi rakh kar vah talab men nahane chali gayi. rukmin ne thodi-si ghas nikal kar padosin ke ghar men chhipa di aur gatthe ko dhila karake barabar kar diya. siliya naha kar lauti to ghas kam maloom huee. rukmin se poochha. usane kaha —main nahin janati. siliya ne galiyan deni shuroo kin , jisane meri ghas chhuee ho, usaki deh men kide paden, usake bap aur bhaee mar jaen, usaki ankhen phoot jaen. rukmin kuchh der tak to jabt kiye baithi rahi, akhir khoon men ubal a hi gaya. jhalla kar uthi aur siliya ke do-tin tamache laga diye. siliya chhati pit-pit kar rone lagi. sara muhalla jama ho gaya. siliya ki subuddhi aur karyashilata sabhi ki ankhon men khatakati thi , vah sabase adhik ghas kyon chhilati hai, sabase zyada lakadiyan kyon lati hai, itane sabere kyon uthati hai, itane paise kyon lati hai, in karanon ne use padosiyon ki sahanubhooti se vnchit kar diya tha. sab usi ko bura-bhala kahane lagin. mutthi bhar ghas ke lie itana oodham macha dala, itani ghas to adami jhad kar phenk deta hai. ghas n huee, sona hua. tujhe to sochana chahie tha ki agar kisi ne le hi liya, to hai to ganv-ghar hi ka. bahar ka koee chor to aya nahin. toone itani galiyan din, to kisako din ? padosiyon hi ko to ? snyog se us din payag thane gaya hua tha. sham ko thaka-manda lauta to siliya se bola —  la, kuchh paise de de, to dam laga aoon. thak kar choor ho gaya hoon. siliya use dekhate hi hay-hay karake rone lagi. payag ne ghabara kar poochha—kya hua ? kyon roti hai ? kahin gami to nahin ho gayi ? naihar se koee adami to nahin aya ? 'ab is ghar men mera rahana n hoga. apane ghar jaoongi.' 'are, kuchh munh se to bol; hua kya ? ganv men kisi ne gali di hai ? kisane gali di hai ? ghar phoonk doon, usaka chalan karava doon.' siliya ne ro-ro kar sari katha kah sunayi. payag par aj thane men khoob mar padi thi. jhallaya hua tha. vah katha suni, to deh men ag lag gayi. rukmin pani bharane gayi thi. vah abhi ghada bhi n rakhane payi thi ki payag us par toot pada aur marate-marate bedam kar diya. vah mar ka javab galiyon se deti thi aur payag har ek gali par aur jhalla-jhalla kar marata tha. yahan tak ki rukmin ke ghutane phoot gaye, choodiyan toot gayin. siliya bich-bich men kahati jati thi , vah re tera dida ! vah re teri jaban ! aisi to aurat hi nahin dekhi. aurat kahe ko, dain hai, jara bhi munh men lagam nahin ! kintu rukmin usaki baton ko mano sunati hi n thi. usaki sari shakti payag ko kosane men lagi huee thi. payag marate-marate thak gaya, par rukmin ki jaban n thaki. bas, yahi rat lagi huee thi , too mar ja, teri mitti nikale, tujhe bhavani khayn, tujhe miragi aye. payag rah-rah kar krodh se tilamila uthata aur a kar do-char laten jama deta. par rukmin ko ab shayad chot hi n lagati thi. vah jagah se hilati bhi n thi. sir ke bal khole, zamin par baithi inhin mntron ka path kar rahi thi. usake svar men ab krodh n tha, keval ek unmadamay pravah tha. usaki samast atma hinsa-kamana ki agni se prajjvalit ho rahi thi. andhera hua to rukmin uth kar ek or nikal gayi, jaise ankhon se ansoo ki dhar nikal jati hai. siliya bhojan bana rahi thi. usane use jate dekha bhi, par kuchh poochha nahin. dvar par payag baitha chilam pi raha tha. usane bhi kuchh n kaha. jab phasal pakane lagati thi, to dedh-do mahine tak payag ko har ki dekhabhal karani padati thi. use kisanon se donon phasalon par hal pichhe kuchh anaj bndha hua tha. magh hi men vah har ke bich men thodi-si zamin saf karake ek madaiya dal leta tha aur rat ko kha-pi kar ag, chilam aur tamakhoo-charas liye hue isi madaiya men ja kar pada rahata tha. chait ke ant tak usaka yahi niyam rahata tha. ajakal vahi din the. phasal paki huee taiyar khadi thi. do-char din men kataee shuroo hone vali thi. payag ne das baje rat tak rukmin ki rah dekhi. phir yah samajh kar ki shayad kisi padosin ke ghar so rahi hogi, usane kha-pi kar apani lathi uthayi aur siliya se bola —  kivad bnd kar le, agar rukmin aye to khol dena, aur, mana-juna kar thoda-bahut khila dena. tere pichhe aj itana toofan ho gaya. mujhe n-jane itana gussa kaise a gaya. mainne use kabhi phool ki chhadi se bhi n chhua tha. kahin bood-dhans n mari ho, to kal aphat a jae. siliya boli —  n jane vah ayegi ki nahin. main akeli kaise rahoongi. mujhe dar lagata hai. 'to ghar men kaun rahega ? soona ghar pa kar koee lota-thali utha le jae to ? dar kis bat ka hai ? phir rukmin to ati hi hogi.' siliya ne andar se tatti bnd kar li. payag har ki or chala. charas ki tarng men yah bhajan gata jata tha , thagini ! kya naina jhamakave kaddoo kat mridng banave, niboo kat majira; panch taroee mngal gaven, nache balam khira. roopa pahir ke roop dikhave, sona pahir rijhave; gale dal tulasi ki mala, tin lok bharamave. thagini... sahasa sivane par pahunchate hi usane dekha ki samane har men kisi ne ag jalayi. ek kshan men ek jvala-si dahak uthi. usane chilla kar pukara , kaun hai vahan ? are, yah kaun ag jalata hai ? oopar uthati huee jvalaon ne apani agney jihna se uttar diya. ab payag ko maloom hua ki usaki madaiya men ag lagi huee hai. usaki chhati dhadakane lagi. is madaiya men ag lagana ruee ke dher men ag lagana tha. hava chal rahi thi. madaiya ke charon or ek hath hat kar paki huee phasal ki chadar-si bichhi huee thi. rat men bhi unaka sunahara rng jhalak raha tha. ag ki ek lapat, keval ek jara-si chinagari sare har ko bhasm kar degi. sara ganv tabah ho jayaga. isi har se mile hue doosare ganv ke bhi har the. ve bhi jal uthenge. oh ! lapaten badhati ja rahi hain. ab vilamb karane ka samay n tha. payag ne apana upala aur chilam vahin patak diya aur kndho par lohabnd lathi rakh kar betahasha madaiya ki taraph dauda. medon se jane men chakkar tha, isalie vah kheton men se ho kar bhaga ja raha tha. prati kshan jvala prachndatar hoti jati thi aur payag ke panv aur teji se uth rahe the. koee tej ghoda bhi is vakt use pa n sakata tha. apani teji par use svayn ashchary ho raha tha. jan padata tha, panv bhoomi par padate hi nahin. usaki ankhen madaiya par lagi huee thin , dahine-bayen se aur kuchh n soojhata tha. isi ekagrata ne usake pairon men par laga diye the. n dam phoolata tha, n panv thakate the. tin-char pharalang usane do minat men tay kar liye aur madaiya ke pas ja pahuncha. madaiya ke as-pas koee n tha. kisane yah karm kiya hai, yah sochane 1405 ka mauqa n tha. use khojane ki to bat hi aur thi. payag ka sndeh rukmin par hua. par yah krodh ka samay n tha. jvalaen kuchali balakon ki bhanti thattha maratin, dhakkam-dhakka karatin, kabhi dahini or lapakatin aur kabhi bayin taraph. bas, aisa maloom hota tha ki lapat ab khet tak pahunchi, ab pahunchi. mano jvalaen agrahapoorvak kyariyon ki or badhatin aur asaphal ho kar doosari bar phir doone veg se lapakati thin. ag kaise bujhe ! lathi se pit kar bujhane ka gaun n tha. vah to niri moorkhata thi. phir kya ho ! phasal jal gayi, to phir vah kisi ko munh n dikha sakega. ah ! ganv men koharam mach jayaga. sarvanash ho jayaga. usane zyada nahin socha. gnvaron ko sochana nahin ata. payag ne lathi snbhali, zor se ek chhalang mar kar ag ke andar madaiya ke dvar par ja pahuncha, jalati huee madaiya ko apani lathi par uthaya aur use sir par liye sabase chaudi med par ganv ki taraph bhaga. aisa jan pada, mano koee agni-yan hava men udata chala ja raha hai. phoos ki jalati huee dhajjiyan usake oopar gir rahi thin, par use isaka gyan tak n hota tha. ek bar ek mootha alag ho kar usake hath par gir pada. sara hath bhun gaya. par usake panv pal bhar bhi nahin ruke, hathon men jara bhi hichak n huee. hathon ka hilana kheti ka tabah hona tha. payag ki or se ab koee shnka n thi. agar bhay tha to yahi ki madaiya ka vah kendr-bhag jahan lathi ka kunda dal kar payag ne use uthaya tha, n jal jae; kyonki chhed ke phailate hi madaiya usake oopar a giregi aur agni-samadhi men magn kar degi. payag yah janata tha aur hava ki chal se uda chala jata tha. char pharalang ki daud hai. mrityu agni ka roop dharan kiye hue payag ke sar par khel rahi hai aur ganv ki phasal par. usaki daud men itana veg hai ki jvalaon ka munh pichhe ko phir gaya hai aur usaki dahak shakti ka adhikansh vayu se ladane men lag raha hai. nahin to ab tak bich men ag pahunch gayi hoti aur hahakar mach gaya hota. ek pharalang to nikal gaya, payag ki himmat ne har nahin mani. vah doosara pharalang bhi poora ho gaya. dekhana payag, do pharalang ki aur kasar hai. panv jara bhi sust n hon. jvala lathi ke kunde par pahunchi aur tumhare jivan ka ant hai. marane ke bad bhi tumhen galiyan milengi, tum annt kal tak ahon ki ag men jalate rahoge. 1406 : manasarovar bas, ek minat aur ! ab keval do khet aur rah gaye hain. sarvanash ! lathi ka kunda nikal gaya. madaiya niche khisak rahi hai, ab koee asha nahin. payag pran chhod kar daud raha hai, vah kinare ka khet a pahuncha. ab keval do sekend ka aur mamala hai. vijay ka dvar samane bis hath par khada svagat kar raha hai. udhar svarg hai, idhar narak. magar vah madaiya khisakati huee payag ke sir par a pahunchi. vah ab bhi use phenk kar apani jan bacha sakata hai. par use pranon ka moh nahin. vah us jalati huee ag ko sir par liye bhaga ja raha hai ! vahan usake panv ladakhadaye ! ab yah kroor agni-lila nahin dekhi jati. ekaek ek stri samane ke vriksh ke niche se daudati huee payag ke pas pahunchi. yah rukmin thi. usane turnt payag ke samane a kar garadan jhukayi aur jalati huee madaiya ke niche pahunch kar use donon hathon par le liya. usi dam payag moorchchhit  ho kar gir pada. usaka sara munh jhulas gaya tha. rukmin usake alav ko liye ek sekend men khet ke daaude par a pahunchi, magar itani door men usake hath jal gaye, munh jal gaya aur kapadon men ag lag gayi. use ab itani sudhi bhi n thi ki madaiya ke bahar nikal aye. vah madaiya ko liye hue gir padi. isake bad kuchh der tak madaiya hilati rahi. rukmin hath-panv phenkati rahi, phir agni ne use nigal liya. rukmin ne agni-samadhi le li. kuchh der ke bad payag ko hosh aya. sari deh jal rahi thi. usane dekha, vriksh ke niche phoos ki lal ag chamak rahi hai. uth kar dauda aur pair se ag ko hata diya , niche rukmin ki adhajali lash padi huee thi. usane baith kar donon hathon se munh dhanp liya aur rone laga. prat:kal ganv ke log payag ko utha kar usake ghar le gaye. ek saptah tak usaka ilaj hota raha, par bacha nahin. kuchh to ag ne jalaya tha, jo kuchh kasar thi, vah shokagni ne poori kar di.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah