चकमा- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

seth chndoomal jab apani dookan aur godam men bhare hue mal ko dekhate to munh se thndi sans nikal jati. yah mal kaise bikega baink ka sood badh raha hai dookan ka kiraya chadh raha hai karmachariyon ka vetan baki padata jata hai. ye sabhi rakamen ganth se deni padengi. agar kuchh din yahi hal raha to divale ke siva aur kisi tarah jan n bachegi. tis par bhi dharanevale nity sir par shaitan ki tarah savar rahate hain.

seth chndoomal ki dookan chandani chauk dilli men thi. muphassil men bhi kee dookanen thin. jab shahar kangres kameti ne unase bilayati kapade ki kharid aur bikri ke vishay men pratiksha karani chahi to unhonne kuchh dhyan n diya. bazar ke kee adhatiyon ne unaki dekha-dekhi pratigya-patr par hastakshar karane se inakar kar diya. chndoomal ko jo netritv kabhi n nasib hua tha vah is avasar par bina hath-pair hilaye hi mil gaya. ve sarakar ke khairakhvah the. sahab bahaduron ko samay-samay par daliyan najar dete the. pulis se bhi ghanishthata thi. myunisipailiti ke sadasy bhi the. kangres ke vyaparik karyakram ka virodh karake amanasabha ke koshadhyaksh ban baithe. yah isi khairakhvahi ki barakat thi. yuvaraj ka svagat karane ke lie adhikariyon ne unase pachis hazar ke kapade kharide. aisa samarthi purush kangres se kyon dare kangres hai kis khet ki mooli pulisavalon ne bhi badhava diya- muahide par haragij dastakhat n kijiega. dekhen ye log kya karate hain. ek-ek ko jel n bhijava diya to kahiega. lala ji ke hausale badhe. unhonne kangres se ladane ki than li. usi ke phalasvaroop tin mahinon se unaki dookan par pratahkal se 9 baje rat tak pahara rahata tha. pulis-dalon ne unaki dookan par valntiyaron ko kee bar galiyan din kee bar pita khud seth ji ne bhi kee bar un par ban chalaye parntu paharevale kisi tarah n talate the. balki in atyacharon ke karan chndoomal ka bazar aur bhi girata jata. muphassil ki dookanon se munim log aur bhi durashajanak samachar bhejate rahate the. kathin samasya thi. is snkat se nikalane ka koee upay n tha. ve dekhate the ki jin logon ne pratigya-patr par hastakshar kar diye hain ve chori-chhipe kuchh-n-kuchh videshi mal lete hain. unaki dookanon par pahara nahin baithata. yah sari vipatti mere hi sir par hai.

unhonne socha pulis aur hakimon ki dosti se mera bhala kya hua unake hataye ye pahare nahin hatate. sipahiyon ki prerana se grahak nahin ate ! kisi tarah pahare band ho jate to sara khel ban jata.

itane men munim ji ne kaha-lala ji yah dekhie kee vyapari hamari taraph a rahe the. paharevalon ne unako n jane kya mntr padha diya sab chale ja rahe hain.

chndoomal-agar in papiyon ko koee goli mar deta to main bahut khush hota. yah sab mera sarvanash karake dam lenge.

munim-kuchh hethi to hogi yadi ap pratigya par hastakshar kar dete to yah pahara uth jata. tab ham bhi yah sab mal kisi n kisi tarah khapa dete.

chndoomal-man men to mere bhi yah bat ati hai par socho apaman kitana hoga itani hekadi dikhane ke bad phir jhuka nahin jata. phir hakimon ki nigahon men gir jaoonga. aur log bhi tane denge ki chale the bachcha kangres se ladane ! aisi munh ki khayi ki hosh thikane a gaye. jin logon ko pita aur pitavaya jinako galiyan din jinaki hnsi udayi ab unaki sharan kaun munh le kar jaoon magar ek upay soojh raha hai. agar chakama chal gaya to paubarah hai. bat to tab hai jab sanp ko maroon magar lathi bacha kar. pahara utha doon par bina kisi ki khushamad kiye.

2

nau baj gaye the. seth chndoomal gnga-snan karake laut aye the aur masanad par baith kar chitthiyan padh rahe the. any dookanon ke munimon ne apani vipatti-katha sunayi thi. ek-ek patr ko padh kar seth ji ka krodh badhata jata tha. itane men do valntiyar gadiyan liye hue unaki dookan ke samane a kar khade ho gaye !

seth ji ne dant kar kaha-hat jao hamari dookan ke samane se.

ek valntiyar ne uttar diya-maharaj ham to sadak par hain. kya yahan se bhi chale jayn

seth ji-main tumhari soorat nahin dekhana chahata.

valntiyar-to ap kangres kameti ko likhie. hamako to vahan se yahan khade rah kar pahara dene ka hukm mila hai.

ek kansatebil ne a kar kaha-kya hai seth ji yah launda kya tarrata hai.

chndoomal bole-main kahata hoon ki dookan ke samane se hat jao par yah kahata hai ki n hatenge n hatenge. jara isaki jabaradasti dekho.

kansatebil-(valntiyaron se) tum donon yahan se jate ho ki a kar garadan napoon

valntiyar-ham sadak par khade hain dookan par nahin.

kansatebil ka abhisht apani karagujari dikhana tha. yah seth ji ko khush karake kuchh inam-ikaram bhi lena chahata tha. usane valntiyaron ko apashabd kahe aur jab unhonne usaki kuchh parava n ki to ek valntiyar ko itane zor se dhakka diya ki vah bechara munh ke bal zamin par gir pada. kee valntiyar idhar-udhar se a kar jama ho gaye. kee sipahi bhi a pahunche. darshakavrind ko aisi ghatanaon men maja ata hi hai. unaki bhid lag gayi. kisi ne hank lagayi mahatma gandhi ki jay . auron ne bhi usake sur men sur milaya dekhate-dekhate ek janasamooh ekatrit ho gaya.

ek darshak ne kaha-kya hai lala chndoomal apani dookan ke samane in garibon ki durgati kara rahe ho aur tumhen jara bhi lajja nahin ati kuchh bhagavanh ka bhi dar hai ya nahin

seth ji ne kaha-mujhase kasam le lo jo mainne kisi sipahi se kuchh kaha ho. ye log anayas becharon ke pichhe pad gaye. mujhe sent men badanam karate hain.

ek sipahi-lala ji ap hi ne to kaha tha ki ye donon valntiyar mere grahakon ko chhed rahe hain. ab ap nikale jate hain

chndoomal-bilakul jhooth sarasar jhooth solahon ana jhooth. tum log apani karagujari ki dhun men inase ulajh pade. yah bechare to dookan se bahut door khade the. n kisi se bolate the n chalate the. tumane jabaradasti hi inhen garadani deni shuroo ki. mujhe apana sauda bechana hai ki kisi se ladana hai

doosara sipahi-lala ji ho bade hoshiyar. mujhase ag lagava kar ap alag ho gaye. tum n kahate to hamen kya padi thi ki in logon ko dhakke dete daroga ji ne bhi hamako takid kar di thi ki seth chandoomal ki dookan ka vishesh dhyan rakhana. vahan koee valntiyar n aye. tab ham log aye the. tum phariyad n karate to daroga ji hamari tainati hi kyon karate

chndoomal-daroga ji ko apani karagujari dikhani hogi. main unake pas kyon phariyad karane jata sabhi log kangres ke dushman ho rahe hain. thane vale to unake nam se hi jalate hain. kya main shikayat karata tabhi tumhari tainati karate

itane men kisi ne thane men ittila di ki chandoomal ki dookan par kanstebilon aur valntiyaron men marapit ho gayi. kangres ke daftar men bhi khabar pahunchi. jara der men may sashastr pulis ke thanedar aur insapektar sahab a pahunche. udhar kangres ke karmachari bhi dal-bal sahit daude. samooh aur badha. bar-bar jayakar ki dhvani uthane lagi. kangres aur pulis ke netaon men vad-vivad hone laga. parinam yah hua ki pulisavalon ne donon ko hirasat men liya aur thane ki or chale.

pulis adhikariyon ke jane ke bad seth ji ne kangres ke pradhan se kaha-aj mujhe maloom hua ki ye log valntiyaron par itana ghor atyachar karate hain.

pradhan-tab to do valntiyaron ka phnsana vyarth nahin hua. is vishay men ab to apako koee shnka nahin hai ham kitane ladakoo kitane drohi kitane shantibhngakari hain yah to apako khoob maloom ho gaya hoga

chndoomal-ji han maloom ho gaya.

pradhan-apaki shahadat to avashy hi hogi.

chndoomal-hogi to main bhi saph-saph kah doonga chahe bane ya bigade. pulis ki sakhti ab nahin dekhi jati. main bhi bhram men pada hua tha.

mntri-pulisavale apako dabayenge bahut.

chndoomal-ek nahin sau dabav paden main jhooth kabhi n boloonga. sarakar us darabar men sath n jayagi.

mntri-ab to hamari laj apake hath hai.

chndoomal-mujhe ap desh ka drohi n payenge.

yahan se pradhan aur mntri tatha any padadhikari chale to mntri ji ne kaha-adami sachcha jan padata hai.

pradhan-(sndigdh bhav se) kal tak ap hi siddh ho jayaga.

3

sham ko insapektar-pulis ne lala chandoomal ko thane men bulaya aur kaha-apako shahadat deni hogi. ham apaki taraph se bephikr hain.

chndoomal bole-hajir hoon.

ins.-valntiyaron ne kanstebilon ko galiyan din

chndoomal-mainne nahin suni.

ins.-suni ya n suni yah bahas nahin hai. apako yah kahana hoga vah sab kharidaron ko dhakke de kar hata rahe the hathapaee karate the marane ki dhamaki dete the ye sabhi baten kahani hongi. daroga ji vah bayan laie jo mainne seth ji ke lie likhavaya hai.

chndoomal-mujhase bhari adalat men jhooth n bola jayaga. apane hajaron jananevale adalat men honge. kis-kis se munh chhipaoonga kahin nikalane ko jagah bhi chahie.

ins.-yah sab baten nij ke muamalon ke lie hain. politikal muamalon men jhooth-sach sharm aur haya kisi ka bhi khayal nahin kiya jata.

chndoomal-munh men kalikh lag jayagi.

ins.-sarakar ki nigah men ijjat chauguni ho jayagi.

chndoo-(soch kar) ji nahin gavahi n de sakoonga. koee aur gavah bana lijie.

ins.-yad rakhie yah ijjat khak men mil jayagi.

chndoo-mil jay majaboori hai.

ins.-aman-sabha ke koshadhyaksh ka pad chhin jayaga.

chndoo-usase kaun rotiyan chalati hain

ins.-bndook ka laisens chhin jayaga.

chndoo.-chhin jay bala se !

ins.-inakam taiks ki janch phir se hogi.

chndoo.-zaroor karaie. yah to mere man ki bat huee.

ins.-baithane ko kurasi n milegi.

chndoo.-kurasi le kar chatoon divala to nikala ja raha hai.

ins.-achchhi bat hai. tashariph le jaie. kabhi to ap pnje men ayenge.

4

doosare din isi samay kangres ke daftar men kal ke lie karyakram nishchit kiya ja raha tha. pradhan ne kaha-seth chndoomal ki dookan par dharana dene ke lie do svaynsevak bhejie.

mntri-mere vichar men vahan ab dharana dene ki koee zaroorat nahin.

pradhan-kyon unhonne abhi pratigya-patr par hastakshar to nahin kiye

mntri-hastakshar nahin kiye par hamare mitr avashy ho gaye. pulis ki taraph se gavahi n dena yahi siddh karata hai. adhikariyon ka kitana dabav pada hoga isaka anuman kiya ja sakata hai. yah naitik sahas men parivartan hue bina nahin a sakata.

pradhan-han kuchh parivartan to avashy hua hai.

mntri-kuchh nahin mahashay ! poori kranti kahana chahie. ap janate hain aise muamalon men adhikariyon ki avahelana karane ka kya arth hai yah rajavidroh ki ghoshana ke saman hai ! tyag men sannyas se isaka mahattv kam nahin hai. aj zile ke sare hakim unake khoon ke pyase ho rahe hain. ashchary nahin ki gavarnar mahoday ko bhi isaki soochana di gayi ho.

pradhan-aur kuchh nahin to unhen niyam ka palan karane hi ke lie pratigya-patr par hastakshar kar dena chahie tha. kisi tarah unhen yahan bulaie. apani bat to rah jay.

mntri-vah bada atmabhimani hai kabhi n ayega. balki ham logon ki or se itana avishvas dekh kar sambhav hai ki phir us dal men milane ki cheshta karane lage.

pradhan-achchhi bat hai apako un par itana vishvas ho gaya hai to unaki dookan chhod dijie. tab bhi main yahi kahoonga ki apako svayn milane ke bahane se us par nigah rakhani hogi.

mntri-ap nahak itana shak karate hain.

nau baje seth chndoomal apani dookan par aye to vahan ek bhi valntiyar n tha. mukh par muskarahat ki jhalak ayi. munim se bole-kaudi chitt padi.

munim-maloom to hota hai. ek mahashay bhi nahin aye.

chndoomal-n aye aur n ayenge. bazi apane hath rahi. kaisa danv khela-charon khane chit.

chndoo.-ap bhi baten karate hain inhen dost banate kitani der lagati hai. kahie abhi bula kar jootiyan sidhi karavaoon. take ke gulam hain n kisi ke dost n kisi ke dushman. sach kahie kaisa chakama diya hai

munim-bas yahi ji chahata hai ki apake hath choom len. sanp bhi mara aur lathi bhi n tooti. magar kangresavale bhi toh men honge.

chndoomal-to main bhi to maujood hoon. vah dal-dal chalenge to main pat-pat chaloonga. vilayati kapade ki ganth nikalavaie aur vyapariyon ko dena shuroo kijie. ek athavare men beda par hai.


tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah