ईदगाह -प्रेमचंद  हिन्दी देवनागरी में पढ़ें।

eedagah -premachnd
manasarovar, bhag-1
lekhak munshi premachnd
mool shirshak eedagah
mukhy patr hamid, amina, mahamood, mohasin, noore, sammi
kathanak hamid ke manobhavon aur paristhitiyon ka sookshm chitran
prakashak dilli pustak sadan
prakashan tithi janavari 01, 2008
ISBN 978-81-88032-23
desh bharat
prishth: 264
bhasha hindi
shaili saral, adarshonmukh yatharthavad
vishay bal manovaigyanik
vidha kahani
bhag ek
vishesh eedagah, eed ki samoohik namaz padhane ka vishesh sthan
tippani premachnd bahumukhi pratibha snpann sahityakar the. premachnd ki rachanaon men tatkalin itihas bolata hai. premachnd ne kahani aur upanyas donon hi likhe hain. ve bharat ke shreshthatam kahanikar aur upanyasakar ke roop men jane jate hain.

ramazan ke poore tis rozon ke bad eed ayi hai. kitana manohar, kitana suhavana prabhav hai. vrikshon par ajib hariyali hai, kheton men kuchh ajib raunak hai, asaman par kuchh ajib lalima hai. aj ka soory dekho, kitana pyara, kitana shital hai, yani snsar ko eed [1] ki badhaee de raha hai. ganv men kitani halachal hai. eedagah[2] jane ki taiyariyan ho rahi hain. kisi ke kurate men batan nahin hai, pados ke ghar men suee-dhaga lene dauda ja raha hai. kisi ke joote kade ho ge hain, unamen tel dalane ke lie teli ke ghar par bhaga jata hai. jaldi-jaldi bailon ko sani-pani de den. eedagah se lautate-lautate dopahar ho jayagi. tin kos ka paidal rasta, phir saikadon adamiyon se milana-bhentana, dopahar ke pahale lautana asambhav hai.

ladake sabase zyada prasann hain. kisi ne ek roza[3] rakha hai, vah bhi dopahar tak, kisi ne vah bhi nahin, lekin eedagah jane ki khushi unake hisse ki chiz hai. roze bade-boodhon ke lie honge. inake lie to eed hai. roj eed ka nam ratate the, aj vah a gayi. ab jaldi padi hai ki log eedagah kyon nahin chalate. inhen grihasthi ki chintaon se kya prayojan! sevaiyon ke lie doodh or shakkar ghar men hai ya nahin, inaki bala se, ye to seveyan khayenge. vah kya janen ki abbajan kyon badahavas chaudhari kayamali ke ghar daude ja rahe hain. unhen kya khabar ki chaudhari ankhen badal len, to yah sari eed muharram ho jay. unaki apani jebon men to kuber ka dhan bhara hua hai. bar-bar jeb se apana khazana nikalakar ginate hain aur khush hokar phir rakh lete hain. mahamood ginata hai, ek-do, das,-barah, usake pas barah paise hain. mohasin ke pas ek, do, tin, ath, nau, pndrah paise hain. inhin anaginati paison men anaginati chizen layengen— khilaune, mithaiyan, bigul, gend aur jane kya-kya. aur sabase zyada prasann hai hamid. vah char-panch sal ka garib-soorat, dubala-patala ladaka, jisaka bap gat varsh haije ki bhent ho gaya aur man n jane kyon pili hoti-hoti ek din mar gayi. kisi ko pata nahin kya bimari hai. kahati to kaun sunane vala tha? dil par jo kuchh bitati thi, vah dil men hi sahati thi aur jab n saha gaya to snsar se vida ho gayi. ab hamid apani boodhi dadi amina ki god men sota hai aur utana hi prasann hai. usake abbajan rupaye kamane ge hain. bahut-si thailiyan lekar ayenge. ammijan allah miyan ke ghar se usake lie badi achchhi-achchhi chizen lane gayi hain, isalie hamid prasann hai. asha to badi chiz hai, aur phir bachchon ki asha! unaki kalpana to raee ka parvat bana leti hai. hamid ke panv men joote nahin hain, sir par ek purani-dhurani topi hai, jisaka gota kala pad gaya hai, phir bhi vah prasann hai. jab usake abbajan thailiyan aur ammijan niyamaten lekar ayengi, to vah dil se araman nikal lega. tab dekhega, mohasin, noore aur sammi kahan se utane paise nikalenge. abhagin amina apani kothari men baithi ro rahi hai. aj eed ka din, usake ghar men dana nahin! aj abid hota, to kya isi tarah eed ati or chali jati! is andhakar aur nirasha men vah doobi ja rahi hai. kisane bulaya tha is nigodi eed ko? is ghar men usaka kam nahin, lekin hamid! use kisi ke marane-jine se kya matalab? usake andar prakash hai, bahar asha. vipatti apana sara dal-bal lekar aye, hamid ki annd-bhari chitavan usaka vidhvns kar degi.

hamid bhitar jakar dadi se kahata hai— 'tum darana nahin amman, main sabase pahale aoonga. bilkul n darana.'

amina ka dil kachot raha hai. ganv ke bachche apane-apane bap ke sath ja rahe hain. hamid ka bap amina ke siva aur kaun hai! use kaise akele mele jane de? us bhid-bhad men bachcha kahin kho jay to kya ho? nahin, amina use yon n jane degi. nanhi-si jan! tin kos chalega kaise? pair men chhale pad jayenge. joote bhi to nahin hain. vah thodi-thodi door par use god men le leti, lekin yahan sevaiyan kaun pakayega? paise hote to lautate-lautate sab samagri jama karake chatapat bana leti. yahan to ghnton chizen jama karate lagenge. mange ka hi to bharosa thahara. us din phahiman ke kapade sile the. ath ane paise mile the. us athanni ko eeman ki tarah bachati chali ati thi isi eed ke lie lekin kal gvalan sir par savar ho gayi to kya karati? hamid ke lie kuchh nahin hai, to do paise ka doodh to chahie hi. ab to kul do ane paise bach rahe hain. tin paise hamid ki jeb men, panch amina ke batuve men. yahi to bisat hai aur eed ka tyauhar, allah hi beda par lagave. dhoban, nain, mehatarani aur chudiharin sabhi to ayengi. sabhi ko sevaiyan chahie aur thoda kisi ko ankhon nahin lagata. kis-kis se munh churayegi? aur munh kyon churaye? sal bhar ka tyauhar hai. zindagi khairiyat se rahe, unaki taqadir bhi to usi ke sath hai. bachche ko khuda salamat rakhe, ye din bhi kat jaynge.

ganv se mela chala aur bachchon ke sath hamid bhi ja raha tha. kabhi sabake sab daudakar age nikal jate. phir kisi ped ke niche khade hokar sath valon ka intazar karate. yah log kyon itana dhire-dhire chal rahe hain? hamid ke pairon men to jaise par lag ge hain. vah kabhi thak sakata hai? shahar ka daman a gaya. sadak ke donon or amiron ke bagiche hain. pakki charadivari bani huee hai. pedon men am aur lichiyan lagi huee hain. kabhi-kabhi koee ladaka knkadi uthakar am par nishana lagata hai. mali andar se gali deta hua nikalata hai. ladake vahan se ek pharlang par hain. khoob hns rahe hain. mali ko kaisa ulloo banaya hai.

badi-badi imaraten ane lagin. yah adalat hai, yah kaaulej hai, yah klab-ghar hai. itane bade kaaulej men kitane ladake padhate honge? sab ladake nahin hain ji! bade-bade adami hain, sach! unaki badi-badi moonchhe hain. itane bade ho ge, abhi tak padhane jate hain. n jane kab tak padhenge aur kya karenge itana padhakar! hamid ke madarase men do-tin bade-bade ladake hain, bilkul tin kaudi ke. roj mar khate hain, kam se ji churane vale. is jagah bhi usi tarah ke log honge aur kya. klab-ghar men jadoo hota hai. suna hai, yahan murdon ki khopadiyan daudati hain. aur bade-bade tamashe hote hain, par kisi ko andar nahin jane dete aur vahan sham ko sahab log khelate hain. bade-bade adami khelate hain, moonchhon dadhi vale. aur memen bhi khelati hain, sach! hamari amman ko yah de do, kya nam hai, bait, to use pakad hi n saken. ghumate hi ludhak jayn.

mahamood ne kaha— 'hamari ammijan ka to hath kanpane lage, alla kasam.'
mohasin bola— 'chalo, manon ata pis dalati hain. zara-sa bait pakad lengi, to hath kanpane lagenge! saikadon ghade pani roz nikalati hain. panch ghade to teri bhains pi jati hai. kisi mem ko ek ghada pani bharana pade, to ankhon tale andhera a jay.'
mahamood— 'lekin daudati to nahin, uchhal-kood to nahin sakatin.'
mohasin— 'han, uchhal-kood to nahin sakatin; lekin us din meri gay khul gayi thi aur chaudhari ke khet men ja padi thi, amman itana tej daudin ki main unhen n pa saka, sach.'

age chale. halavaiyon ki dukanen shuroo hueen. aj khoob saji huee thin. itani mithaiyan kaun khata hai? dekho n, ek-ek dukan par manon hongi. suna hai, rat ko jinnat[4] akar kharid le jate hain. abba kahate the ki adhi rat ko ek adami har dukan par jata hai aur jitana mal bacha hota hai, vah tulava leta hai aur sachamuch ke rupaye deta hai, bilkul aise hi rupaye.
hamid ko yakin n aya— 'aise rupaye jinnat ko kahan se mil jayenge?'
mohasin ne kaha— 'jinnat ko rupaye ki kya kami? jis khazane men chahain chale jayn. lohe ke daravaze tak unhen nahin rok sakate janab, ap hain kis pher men! hire-javaharat tak unake pas rahate hain. jisase khush ho gaye, use tokaron javaharat de diye. abhi yahin baithe hain, panch minat men kalakatta pahunch jayn.'
hamid ne phir poochha— 'jinnat bahut bade-bade hote hain?'
mohasin— 'ek-ek ka sir asaman ke barabar hota hai ji! zamin par khada ho jay to usaka sir asaman se ja lage, magar chahe to ek lote men ghus jay.'
hamid— 'log unhen kaise khush karate honge? koee mujhe yah mntar bata de to ek jinn ko khush kar loon.'
mohasin— 'ab yah to mai nahin janata, lekin chaudhari sahab ke kaboo men bahut-se jinnat hain. koee chiz chori jay, chaudhari sahab usaka pata laga denge aur chor ka nam bata denge. jumarati ka bachhava us din kho gaya tha. tin din hairan hue, kahin n mila tab jhakh marakar chaudhari ke pas gaye. chaudhari ne turant bata diya, maveshikhane men hai aur vahin mila. jinnat akar unhen sare jahan ki khabar de jate hain.'
ab usaki samajh men a gaya ki chaudhari ke pas kyon itana dhan hai aur kyon unaka itana samman hai.

age chale. yah pulis lain hai. yahin sab kaaunstebal kavayad[5] karate hain. raitan! phay pho! rat ko bechare ghoom-ghoomakar pahara dete hain, nahin choriyan ho jayn.
mohasin ne prativad kiya— yah kaaunstebal pahara dete hain? tabhi tum bahut janate ho aji hajarat, yah chori karate hain. shahar ke jitane chor-dakoo hain, sab inase mile rahate hain. rat ko ye log choron se to kahate hain, chori karo aur ap doosare muhalle men jakar 'jagate raho! jagate raho!' pukarate hain. tabhi in logon ke pas itane rupaye ate hain. mere mamoo ek thane men kaaunstebal hain. bis rupaya mahina pate hain, lekin pachas rupaye ghar bhejate hain. alla kasam! mainne ek bar poochha tha ki mamoo, ap itane rupaye kahan se pate hain? hnsakar kahane lage— 'beta, allah deta hai.' phir ap hi bole— 'ham log chahen to ek din men lakhon mar layen. ham to itana hi lete hain, jisamen apani badanami n ho aur naukari n chali jay.'
hamid ne poochha— 'yah log chori karavate hain, to koee inhen pakadata nahin?'

mohasin usaki nadani par daya dikhakar bola- 'are, pagal! inhen kaun pakadega! pakadane vale to yah log khud hain, lekin allah, inhen saja bhi khoob deta hai. haram ka mal haram men jata hai. thode hi din hue, mamoo ke ghar men ag lag gayi. sari leee-poonji[6] jal gayi. ek baratan tak n bacha. kee din ped ke niche soye, alla kasam, ped ke niche! phir n jane kahan se ek sau karz laye to baratan-bhande aye.'
hamid— 'ek sau to pachas se zyada hote hain?'
'kahan pachas, kahan ek sau. pachas ek thaili-bhar hota hai. sau to do thailiyon men bhi n aऍn?'

ab basti ghani hone lagi. eedagah janevalon ki toliyan nazar ane lagi. ek se ek bhadakile vastr pahane hue. koee ikke-tange par savar, koee motar par, sabhi itr men base, sabhi ke dilon men umng. graminon ka yah chhota-sa dal apani vipannata se bekhabar, santosh or dhairy men magan chala ja raha tha. bachchon ke lie nagar ki sabhi chizen anokhi thin. jis chiz ki or takate, takate hi rah jate aur pichhe se bar-bar harn ki avaz hone par bhi n chetate. hamid to motar ke niche jate-jate bacha.

sahasa eedagah nazar ayi. oopar imali ke ghane vrikshon ki chhaya hai. niche pakka pharsh hai, jis par jajam [7] bichha hua hai. aur rozedaron ki pnktiyan ek ke pichhe ek n jane kahan tak chali gayi hain, pakki jagath ke niche tak, jahan jajam bhi nahin hai. naye ane vale akar pichhe ki katar men khade ho jate hain. age jagah nahin hai. yahan koee dhan aur pad nahin dekhata. islam ki nigah men sab barabar hain. in graminon ne bhi vajoo[8] kiya or pichhali pnkti men khade ho gaye. kitana sundar snchalan hai, kitani sundar vyavastha! lakhon sir ek sath sijade[9] men jhuk jate hain, phir sabake sab ek sath khade ho jate hain, ek sath jhukate hain, aur ek sath ghutanon ke bal baith jate hain. kee bar yahi kriya hoti hai, jaise bijali ki lakhon battiyan ek sath pradipt hon aur ek sath bujh jayn, aur yahi kram chalata raha. kitana apoorv drishy tha, jisaki samoohik kriyaen, vistar aur anntata hriday ko shraddha, garv aur atmannd se bhar deti thin, manon bhratritv ka ek sootr in samast atmaon ko ek ladi men piroye hue hai.

2

namaz khatm ho gayi hai. log apas men gale mil rahe hain. tab mithaee aur khilaune ki dukan par dhava hota hai. graminon ka yah dal is vishay men balakon se kam utsahi nahin hai. yah dekho, hindola hai ek paisa dekar chadh jao. kabhi asaman par jate hue maloom hogen, kabhi zamin par girate hue. yah charkhi hai, lakadi ke hathi, ghode, oont, chhadon men latake hue hain. ek paisa dekar baith jao aur pachchis chakkaron ka maja lo. mahamood aur mohasin or noore or sammi in ghodon or oonton par baithate hain. hamid door khada hai. tin hi paise to usake pas hain. apane kosh ka ek tihaee zara-sa chakkar khane ke lie nahin de sakata.

sab charkhiyon se utarate hain. ab khilaune lenge. idhar dukanon ki katar lagi huee hain. tarah-tarah ke khilaune hain— sipahi aur gujariya, raja aur vakil, bhishti[10] aur dhobin aur sadhu. vah! kitane sundar khilaune hain. ab bola hi chahate hain. mahamood sipahi leta hai, khaki vardi aur lal pagadivala, kndhe par bndook rakhe hue, maloom hota hai, abhi kavayad kiye chala a raha hai. mohasin ko bhishti pasnd aya. kamar jhuki huee hai, oopar mashak[11] rakhe hue hai. mashak ka munh ek hath se pakade hue hai. kitana prasann hai! shayad koee git ga raha hai. bas, mashak se pani udelana hi chahata hai. noore ko vakil se prem hai. kaisi vidvatta hai usake mukh par! kala choga, niche saphed achakan, achakan ke samane ki jeb men ghadi, sunahari jnjir, ek hath men qanoon ka potha liye hue. maloom hota hai, abhi kisi adalat se jirah ya bahas kiye chale a rahe hain. yah sab do-do paise ke khilaune hain. hamid ke pas kul tin paise hain, itane mahnge khilaune vah kaise le? khilauna kahin hath se chhoot pade to choor-choor ho jay. zara pani pade to sara rng ghul jay. aise khilaune lekar vah kya karega; kis kam ke!
mohasin kahata hai— 'mera bhishti roj pani de jayaga sanjh-sabere.'
mahamood— 'aur mera sipahi ghar ka pahara dega koee chor ayega, to phauran bndook se phair kar dega.'
noore— 'aur mera vakil khoob mukadama ladega.'
sammi- 'aur meri dhobin roj kapade dhoyegi.'
hamid khilaunon ki ninda karata hai— 'mitti hi ke to hain, giren to chakanachoor ho jayn.' lekin lalachaee huee ankhon se khilaunon ko dekh raha hai aur chahata hai ki jara der ke lie unhen hath men le sakata. usake hath anayas hi lapakate hain, lekin ladake itane tyagi nahin hote hain, visheshakar jab abhi naya shauq hai. hamid lalachata rah jata hai.
khilaune ke bad mithaiyan ati hain. kisi ne revadiyan li hain, kisi ne gulabajamun kisi ne sohan halava. maje se kha rahe hain. hamid biradari[12] se prithakh hai. abhage ke pas tin paise hain. kyon nahin kuchh lekar khata? lalachayi ankhon se sabaki or dekhata hai.
mohasin kahata hai— 'hamid revadi le ja, kitani khushaboodar hai!'
hamid ko sndeh hua, ye keval kroor vinod hai, mohasin itana udar nahin hai, lekin yah janakar bhi vah usake pas jata hai. mohasin done se ek revadi nikalakar hamid ki or badhata hai. hamid hath phailata hai. mohasin revadi apane munh men rakh leta hai. mahamood, noore aur sammi khoob taliyan baja-bajakar hnsate hain. hamid khisiya jata hai.
mohasin— 'achchha, abaki zaroor denge hamid, allah kasam, le jao.'
hamid— 'rakhe raho. kya mere pas paise nahin hain?'
sammi— 'tin hi paise to hain. tin paise men kya-kya loge?'
mahamood— 'hamase gulabajamun le jav hamid. mohamin badamash hai.'
hamid— 'mithaee kaun badi nemat hai. kitab men isaki kitani buraiyan likhi hain.'
mohasin— 'lekin dil men kah rahe honge ki mile to kha len. apane paise kyon nahin nikalate?'
mahamood— 'ham samajhate hain, isaki chalaki. jab hamare sare paise kharch ho jayenge, to hamen lalacha-lalachakar khayaga.'
mithaiyon ke bad kuchh dukanen lohe ki chijon ki, kuchh gilat aur kuchh nakali gahanon ki. ladakon ke lie yahan koee akarshan n tha. ve sab age badh jate hain, hamid lohe ki dukan par rook jata hai. kee chimate rakhe hue the. use khyal aya, dadi ke pas chimata nahin hai. tave se rotiyan utarati hain, to hath jal jata hai. agar vah chimata le jakar dadi ko de de to vah kitana prasann hongi! phir unaki ungaliyan kabhi n jalengi. ghar men ek kam ki chiz ho jayagi. khilaune se kya fayada? vyarth men paise kharab hote hain. zara der hi to khushi hoti hai. phir to khilaune ko koee ankh uthakar nahin dekhata. yah to ghar pahunchate-pahunchate toot-phoot barabar ho jayenge ya chhote bachche jo mele men nahin aye hain zid kar ke le lenge aur tod dalenge. chimata kitane kam ki chiz hai. rotiyan tave se utar lo, choolhe men senk lo. koee ag mangane aye to chatapat choolhe se ag nikalakar use de do. amman bechari ko kahan phurasat hai ki bazar ayen aur itane paise hi kahan milate hain? roj hath jala leti hain.

hamid ke sathi age badh gaye hain. sabil[13] par sab-ke-sab sharbat pi rahe hain. dekho, sab kitane lalachi hain. itani mithaiyan lin, mujhe kisi ne ek bhi n di. us par kahate hai, mere sath khelo. mera yah kam karo. ab agar kisi ne koee kam karane ko kaha, to poochhoonga. khayen mithaiyan, ap munh sadega, phode-phunsiyan nikalengi, ap hi jaban chatori ho jayagi. tab ghar se paise churayenge aur mar khayenge. kitab men jhoothi baten thode hi likhi hain. meri jaban kyon kharab hogi? amman chimata dekhate hi daudakar mere hath se le lengi aur kahengi— mera bachcha amman ke lie chimata laya hai. kitana achchha ladaka hai. in logon ke khilaune par kaun inhen duayen dega? badon ki duayen sidhe allah ke darabar men pahunchati hain, aur turnt suni jati hain. mere pas paise nahin hai tabhi to mohasin aur mahamood yon mizaj dikhate hain. main bhi inase mizaj dikhaoonga. khelen khilaune aur khayen mithaiyan. mai nahin khelata khilaune, kisi ka mizaj kyon sahoon? main garib sahi, kisi se kuchh mangane to nahin jata. akhir abbajan kabhin n kabhi ayenge. amma bhi ayengi hi. phir in logon se poochhoonga, kitane khilaune loge? ek-ek ko tokariyon khilaune doon aur dikha doon ki doston ke sath is tarah ka salook kiya jata hai. yah nahin ki ek paise ki revadiyan lin, to chidha-chidhakar khane lage. sabake sab khoob hnsenge ki hamid ne chimata liya hai. hnsen! meri bala se. usane dukanadar se poochha— yah chimata kitane ka hai?
dukanadar ne usaki or dekha aur koee adami sath n dekhakar kaha— 'tumhare kam ka nahin hai ji!'
‘bikaoo hai ki nahin?’
‘bikaoo kyon nahin hai? aur yahan kyon lad laye hain?’
to batate kyon nahin, kai paise ka hai?’
‘chh: paise lagenge.‘
hamid ka dil baith gaya.
‘thik-thik panch paise lagenge, lena ho lo, nahin chalate bano.‘
hamid ne kaleja mazaboot karake kaha- 'tin paise loge?'
yah kahata hua vah age badh gaya ki dukanadar ki ghudakiyan n sune. lekin dukanadar ne ghudakiyan nahin di. bulakar chimata de diya. hamid ne use is tarah kndhe par rakha, mano bndook hai aur shan se akadata hua sngiyon ke pas aya. jara sunen, sabake sab kya-kya alochanaen karate hain!
mohasin ne hnsakar kaha— 'yah chimata kyon laya pagale, ise kya karega?'
hamid ne chimate ko zamin par patakakar kaha— 'jara apana bhishti zamin par gira do. sari pasaliyan choor-choor ho jayn bachchoo ki.'
mahamood bola— 'to yah chimata koee khilauna hai?'
hamid— 'khilauna kyon nahin hai! abhi kndhe par rakha, bndook ho gayi. hath men le liya, fakiron ka chimata ho gaya. chahoon to isase majire ka kam le sakata hoon. ek chimata jama doon, to tum logon ke sare khilaunon ki jan nikal jay. tumhare khilaune kitana hi zor lagayen, mere chimate ka bal bhi banka nahin kar sakate. mera bahadur sher hai chimata.'
sammi ne khnjari li thi. prabhavit hokar bola— 'meri khnjari se badaloge? do ane ki hai.'
hamid ne khnjari ki or upeksha se dekha- 'mera chimata chahe to tumhari khnjari ka pet phad dale. bas, ek chamade ki jhilli laga di, dhab-dhab bolane lagi. jara-sa pani lag jay to khatm ho jay. mera bahadur chimata ag men, pani men, andhi men, toofan men barabar data khada rahega.'
chimate ne sabhi ko mohit kar liya, ab paise kisake pas dhare hain? phir mele se door nikal aye hain, nau kab ke baj gaye, dhoop tej ho rahi hai. ghar pahunchane ki jaldi ho rahi hai. bap se zid bhi karen, to chimata nahin mil sakata. hamid hai bada chalak. isilie badamash ne apane paise bacha rakhe the.

ab balakon ke do dal ho gaye hain. mohasin, mahamood, sammi aur noore ek taraph hain, hamid akela doosari taraph. shastrarth[14] ho raha hai. sammi to vidharmi ho gaya! doosare paksh se ja mila, lekin mohasin, mahamood aur noore bhi hamid se ek-ek, do-do sal bade hone par bhi hamid ke aghaton se atnkit ho uthe hain. usake pas nyay ka bal hai aur niti ki shakti. ek or mitti hai, doosari or loha, jo is vakt apane ko faulad kah raha hai. vah ajey hai, ghatak hai. agar koee sher a jay to miyan bhishti ke chhakke chhoot jayn, miyan sipahi mitti ki bndook chhodakar bhagen, vakil sahab ki nani mar jay, choge men munh chhipakar zamin par let jayn. magar yah chimata, yah bahadur, yah roostame-hind[15] lapakakar sher ki garadan par savar ho jayaga aur usaki ankhen nikal lega.
mohasin ne edi—choti ka zor lagakar kaha— 'achchha, pani to nahin bhar sakata?'
hamid ne chimate ko sidha khada karake kaha— 'bhishti ko ek dant batayega, to dauda hua pani lakar usake dvar par chhidakane lagega.'
mohasin parast ho gaya, par mahamood ne kumuk pahunchaee— 'agar bachcha pakad jayn to adalat men bndhe-bndhe phirenge. tab to vakil sahab ke pairon padenge.'
hamid is prabal tark ka javab n de saka. usane poochha— 'hamen pakadane kaun ayega?'
noore ne akadakar kaha— 'yah sipahi bndookavala.'
hamid ne munh chidhakar kaha— 'yah bechare ham bahadur roostame—hind ko pakadenge! achchha lao, abhi jara kushti ho jay. isaki soorat dekhakar door se bhagenge. pakadenge kya bechare!'
mohasin ko ek nayi chot soojh gayi— 'tumhare chimate ka munh roj ag men jalega.'
usane samajha tha ki hamid lajavab ho jayaga, lekin yah bat n huee. hamid ne turnt javab diya— 'ag men bahadur hi koodate hain janab, tumhare yah vakil, sipahi aur bhishti laundiyon ki tarah ghar men ghus jayenge. ag men koodana vah kam hai, jo yah roostame-hind hi kar sakata hai.'
mahamood ne ek zor lagaya— 'vakil sahab kurasi-mej par baithenge, tumhara chimata to bavarchikhana[16] men zamin par pada rahega.'
is tark ne sammi aur noore ko bhi sajiv kar diya! kitane thikane ki bat kahi hai patthe ne! chimata bavarchikhana men pada rahane ke siva aur kya kar sakata hai?

hamid ko koee phadakata hua javab n soojha, to usane dhandhali shuroo ki— mera chimata bavarchikhane men nahin rahega. vakil sahab kursi par baithenge, to jakar unhen zamin par patak dega aur unaka qanoon unake pet men dal dega.
bat kuchh bani nahin. khasi gali-galauj thi; lekin qanoon ko pet men dalane vali bat chha gayi. aisi chha gayi ki tinon soorama munh takate rah gaye mano koee dhelacha kanakaua[17] kisi gndevale kanakaue ko kat gaya ho. qanoon munh se bahar nikalane vali chiz hai. usako pet ke andar dal diya jana betuki-si bat hone par bhi kuchh nayapan rakhati hai. hamid ne maidan mar liya. usaka chimata roostame-hind hai. ab isamen mohasin, mahamood noore, sammi kisi ko bhi apatti nahin ho sakati.
vijeta ko haranevalon se jo satkar milana svabhavik hai, vah hamid ko bhi mila. auron ne tin-tin, char-char ane paise kharch kie, par koee kam ki chiz n le sake. hamid ne tin paise men rng jama liya. sach hi to hai, khilaunon ka kya bharosa? toot-phoot jaynge. hamid ka chimata to bana rahega barason?
sndhi ki sharten tay hone lagin. mohasin ne kaha— 'jara apana chimata do, ham bhi dekhen. tum hamara bhishti lekar dekho.'
mahamood aur noore ne bhi apane-apane khilaune pesh kiye.
hamid ko in sharton ko manane men koee apatti n thi. chimata bari-bari se sabake hath men gaya, aur unake khilaune bari-bari se hamid ke hath men aye. kitane khoobasoorat khilaune hain.
hamid ne harane valon ke ansoo ponchhe— 'main tumhe chidha raha tha, sach! yah chimata bhala, in khilaunon ki kya barabari karega, maloom hota hai, ab bole, ab bole.'
lekin mohasin ki parti ko is dilase se sntosh nahin hota. chimate ka sikka khoob baith gaya hai. chipaka hua tikat ab pani se nahin chhoot raha hai.
mohasin— 'lekin in khilaunon ke lie koee hamen dua to n dega?'
mahamood— 'dua ko liye phirate ho. ulte mar n pade. amman zaroor kahengi ki mele men yahi mitti ke khilaune mile?'
hamid ko svikar karana pada ki khilaunon ko dekhakar kisi ki man itani khush n hongi, jitani dadi chimate ko dekhakar hongi. tin paison hi men to use sab kuchh karana tha or un paison ke is upayog par pachhatave ki bilkul zaroorat n thi. phir ab to chimata roostamen-hind hai or sabhi khilaunon ka badashah.
raste men mahamood ko bhookh lagi. usake bap ne kele khane ko diye. mahamood ne keval hamid ko sajhi banaya. usake any mitr munh takate rah gaye. yah us chimate ka prasad tha.

3

gyarah baje ganv men halachal mach gayi. melevale a gaye. mohasin ki chhoti bahan ne daudakar bhishti usake hath se chhin liya aur mare khushi ke ja uchhali, to miyan bhishti niche a rahe aur suralok sidhare. is par bhaee-bahan men mar-pit huee. danon khub roye. unaki amman yah shor sunakar bigadin aur donon ko oopar se do-do chante aur lagaye.
miyan noore ke vakil ka ant unake pratishthanukool isase zyada gauravamay hua. vakil zamin par ya tak par to nahin baith sakata. usaki maryada ka vichar to karana hi hoga. divar men khoontiyan gadi gayi. un par lakadi ka ek patara rakha gaya. patare par kagaz ka kalin bichhaya gaya. vakil sahab raja bhoj ki bhanti sinhasan par viraje. noore ne unhen pnkha jhalana shuroo kiya. adalaton men khas ki tattiyan aur bijali ke pnkhe rahate hain. kya yahan mamooli pnkha bhi n ho! qanoon ki garmi dimag par chadh jayagi ki nahin? bans ka pnkha aya aur noore hava karane lage. maloom nahin, pnkhe ki hava se ya pnkhe ki chot se vakil sahab svargalok se mrityulok men a rahe aur unaka mati ka chola mati men mil gaya! phir bade jor-shor se matam hua aur vakil sahab ki asthi ghoore par dal di gayi.
ab raha mahamood ka sipahi. use chatapat ganv ka pahara dene ka charj mil gaya, lekin pulis ka sipahi koee sadharan vyakti to nahin, jo apane pairon chalen. vah palaki par chalega. ek tokari ayi, usamen kuchh lal rng ke phate-purane chithade bichhaye gaye, jisamen sipahi sahab aram se lete. noore ne yah tokari uthayi aur apane dvar ka chakkar lagane lage. unake donon chhote bhaee sipahi ki tarah ‘chhonevale, jagate laho’ pukarate chalate hain. magar rat to andheri hi honi chahiye. mahamood ko thokar lag jati hai. tokari usake hath se chhootakar gir padati hai aur miyan sipahi apani bandook liye zamin par a jate hain aur unaki ek tang men vikar a jata hai.
mahamood ko aj gyat hua ki vah achchha daauktar hai. usako aisa maraham mila gaya hai jisase vah tooti tang ko anan-phanan jod sakata hai. keval goolar ka doodh chahie. goolar ka doodh ata hai. tang javab de deti hai. shaly-kriya asaphal huee, tab usaki doosari tang bhi tod di jati hai. ab kam-se-kam ek jagah aram se baith to sakata hai. ek tang se to n chal sakata tha, n baith sakata tha. ab vah sipahi snnyasi ho gaya hai. apani jagah par baitha-baitha pahara deta hai. kabhi-kabhi devata bhi ban jata hai. usake sir ka jhalaradar safa khurach diya gaya hai. ab usaka jitana roopantar chaho, kar sakate ho. kabhi-kabhi to usase bat ka kam bhi liya jata hai.
ab miyan hamid ka hal sunie. amina usaki avaz sunate hi daudi aur use god men uthakar pyar karane lagi. sahasa usake hath men chimata dekhakar vah chaunki.
‘yah chimata kahan tha?’
‘mainne mol liya hai.
‘kai paise men?’
‘tin paise diye.‘
amina ne chhati pit li. yah kaisa besamajh ladaka hai ki dopahar hua, kuchh khaya n piya. laya kya, chimata! ‘sare mele men tujhe aur koee chiz n mili, jo yah lohe ka chimata utha laya.
hamid ne aparadhi bhav se kaha— 'tumhari ungaliyan tave se jal jati thin, isalie maine ise liya.'
budhiya ka krodh turant sneh men badal gaya, aur sneh bhi vah nahin, jo pragalbh hota hai aur apani sari kasak shabdon men bikher deta hai. yah mook sneh tha, khoob thos, ras aur svad se bhara hua. bachche men kitana tyag, kitana ‍sadh‌bhav aur kitana vivek hai! doosaron ko khilaune lete aur mithaee khate dekhakar isaka man kitana lalachaya hoga? itana jabt isase hua kaise? vahan bhi ise apani budhiya dadi ki yad bani rahi. amina ka man gadh‌gadh‌ ho gaya.
aur ab ek badi vichitr bat huee. hamid ke is chimate se bhi vichitr. bachche hamid ne boodhe hamid ka part khela tha. budhiya amina balika amina ban gayi. vah rone lagi. daman phailakar hamid ko duaen deti jati thi aur ansoo ki badi-badi boonden girati jati thi. hamid isaka rahasy kya samajhata!

tika tippani aur sndarbh

  1. musalamanon ka ek tyohar jo ramazan mah ki samapti par dvitiya ka chndrama dekhane ke bad agale din manaya jata hai
  2. ek ooncha sthan ya chabootara jahan musalaman eed ya any mazahabi utsav ke din ekatr hokar namaz padhate hai. eed ki samoohik namaz padhane ka vishesh sthan
  3. ramazan ke mahine men din bhar ka upavas
  4. bhooton, preton ka samooh, anek bhoot/pret
  5. (kisi kam ya bat ke) vividh niyam, qayade
  6. (ghar adi ka) sab dhan, vastuen adi
  7. jajim, dari ya kalin ke oopar bichhane ki chhapi huee moti du-sooti chadar
  8. musalamanon ka niyam hai ki namaz padhane ke poorv ve pahale tin bar hath dhote, tin bar kulli karate hain. phir munh dhokar kuhaniyon tak hath dhote hain aur sir par pani lage hath pherate hain. ant men panv dhote hain. isi achar ka nam vajoo hai.
  9. sir jhukana, naman, (namaz men ) zamin par sir rakhana
  10. mashak se pani dhone ka kam karane vala vyakti
  11. (bhishtiyon ka) pani bharane ka chamade ka bada thaila
  12. aise logon ka varg jinamen paraspar bndhutvapoorn vyavahar ho, kisi ek hi varg/upajati ke log
  13. dharmarth pyaoo
  14. shastr ka arth, kisi shastr ya usake kisi ansh adi ke thik arth ya usaki satyata asatyata ki pariksha ke lie hone vala vad vivad
  15. bharatiy pahalavanon ko di jane vali rustame—hind upadhi ka arth hai 'hindustan' ka sabase bada pahalavan
  16. rasoeeghar
  17. kagaz ki badi patng

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah