परीक्षा-1 -प्रेमचंद  हिन्दी देवनागरी में पढ़ें।

nadirashah ki sena ne dilli men katleam kar rakha hai. galiyon men khoon ki nadiyan bah rahi hain. charon taraph hahakar macha hua hai. bazar bnd hain. dilli ke log gharon ke dvar bnd kiye jane ki khair mana rahe hain. kisi ki jan salamat nahin hai. kahin gharon men ag lagi huee hai, kahin bazar lut raha hai; koee kisi ki phariyad nahin sunata. reeson ki begamen mahalon se nikali ja rahi hain aur unaki behuramati ki jati hai. eerani sipahiyon ki rakt pipasa kisi tarah nahin bujhati. manav hriday ki kroorata, kathorata aur paishachikata apana vikaralatam roop dharan kiye hue hain. isi samay nadirashah ne badashahi mahal men pravesh kiya.

dilli un dinon bhogavilas ki kendr bani huee thi. sajavat aur takalluph ke samanon se reeson ke bhavan bhare rahate the. striyon ko banav-singar ke siva koee kam n tha. purushon ko sukh-bhog ke siva aur koee chinta n thi. rajaniti ka sthan shero-shayari ne le liya tha. samast pranton se dhan khinch-khinchakar dilli ata tha aur pani ki bhanti bahaya jata tha. veshyaon ki chandi thi. kahin titaron ke jod hote the, kahin bateron aur bulabulon ki paliyan thanati thin. sara nagar vilas-nidra men magn tha. nadirashah shahi mahal men pahuncha to vahan ka saman dekhakar usaki ankhen khul gayin. usaka janm daridr-ghar men hua tha. usaka samast jivan ranabhoomi men hi kata tha. bhogavilas ka use chasaka n laga tha. kahan ranakshetr ke kasht aur kahan yah sukh-samrajy. jidhar ankh uthati thi, udhar se hatane ka nam n leti thi.

sndhya ho gayi thi. nadirashah apane saradaron ke sath mahal ki sair karata aur apani pasnd ki chijon ko batorata hua divane-khas men akar karachobi masanad par baith gaya, saradaron ko vahan se chale jane ka hukm de diya, apane sab hathiyar kholakar rakh diye aur mahal men daroga ko bulakar hukm diya- main shahi begamon ka nach dekhana chahata hoon. tum isi vakt unako sundar vastrabhooshanon se sajakar mere samane lao. khabaradar, jara bhi der n ho ! main koee ujr ya inakar nahin sun sakata.

2

daroga ne yah nadirashahi hukm suna to hosh ud gaye. vah mahilaen jin par kabhi soory ki drishti bhi nahin padi kaise is majalis men ayengi ! nachane ka to kahana hi kya ! shahi begamon ka itana apaman kabhi n hua tha. ha narapishach ! dilli ko khoon se rngakar bhi tera chitt shant nahin hua ! magar nadirashah ke sammukh ek shabd bhi jaban se nikalana agni ke mukh men koodana tha. sir jhukakar adab baja laya aur akar ranivas men sab begamon ko nadirashahi hukm suna diya; usake sath hi yah ittala bhi de di ki jara bhi tammul n ho, nadirashah koee ujr ya hila n sunega ! shahi khanadan par itani badi vipatti kabhi nahin padi; par is samay vijayi badashah ki agya ko shirodhary karane ke siva pran-raksha ka any koee upay nahin tha.

begamon ne yah agya suni to hatabuddhi-si ho gayin. sare ranivas men matam-sa chha gaya. vah chahal-pahal gayab ho gayi. saikadon hridayon se is atyachari ke prati ek shap nikal gaya. kisi ne akash ki or sahayatayachak lochanon se dekha, kisi ne khuda aur rasool ko sumiran kiya; par aisi ek mahila bhi n thi jisaki nigah katar ya talavar ki taraph gayi ho. yadyapi inamen kitani hi begamon ke nason men rajapootaniyon ka rakt pravahit ho raha tha; par indriyalipsa ne ‘jauhar’ ki purani ag thndi kar di thi. sukhabhog ki lalasa atm-samman ka sarvanash kar deti hai. apas men salah karake maryada ki raksha ka koee upay sochane ki muhalat n thi. ek-ek pal bhagy ka nirnay kar raha tha. hatash hokar sabhi lalanaon ne papi ke sammukh jane ka nishchay kiya. ankhon se ansoo jari the, dilon se ahen nikal rahi thin; par ratn-jatit abhooshan pahane ja rahe the, ashru-sinchit netron men surama lagaya ja raha tha aur shok-vyathit hridayon par sugndh ka lep kiya ja raha tha. koee kesh goonthati thi, koee mangon men motiyan piroti thi. ek bhi aise pakke irade ki stri n thi, jo eeshvar par athava apani tek par, is agya ka ullnghan karane ka sahas kar sake.

ek ghnta bhi n gujarane paya tha ki begamat poore-ke-poore abhooshanon se jagamagati, apane mukh ki kanti se bele aur gulab ki kaliyon ko lajati, sugndh ki lapaten udati, chhamachham karati huee divane-khas men akar nadirashah ke samane khadi ho gayin.

3

nadirashah ne ek bar kanakhiyon se pariyon ke is dal ko dekha aur tab masanad ki tek lagakar let gaya. apani talavar aur katar samane rakh din. ek kshan men usaki ankhen jhapakane lagin. usane ek angadaee li aur karavat badal li. jara der men usake kharraton ki avajen sunayi dene lagin. aisa jan pada ki vah gahari nidra men magn ho gaya hai. adh ghnte tak vah pada sota raha aur begamen jyon-ki-tyon sir nicha kiye divar ke chitron ki bhanti khadi rahin. unamen do-ek mahilaen jo dhith thin, ghoonghat ki ot se nadirashah ko dekh bhi rahi thin aur apas men dabi jaban men kanaphoosi kar rahi thin- kaisa bhaynkar svaroop hai ! kitani ranonmatt ankhen hain ! kitana bhari sharir hai ! adami kahe ko hai, dev hai !

sahasa nadirashah ki ankhen khul gayin. pariyon ka dal poorvavath khada tha. use jagate dekhakar begamon ne sir niche kar liye aur ang sametakar bhendon ki bhanti ek-doosare se mil gayin. sabake dil dhadak rahe the ki ab yah jalim nachane-gane ko kahega, tab kaise kya hoga ! khuda is jalim se samajhe ! magar nacha to n jayaga. chahe jan hi kyon n jay. isase zyada jillat ab n sahi jayagi.

sahasa nadirashah kathor shabdon men bola- ai khuda ki bndiyo, mainne tumhara imtahan lene ke lie bulaya tha aur afasos ke sath kahana padata hai ki tumhari nisabat mera jo guman tha, vah harph-b-harph sach nikala. jab kisi kaum ki auraton men gairat nahin rahati to vah kaum murada ho jati hai.

dekhana chahata tha ki tum logon men abhi kuchh gairat baki hai ya nahin. isalie mainne tumhen yahan bulaya tha. main tumhari behuramati nahin karana chahata tha. main itana aish ka bnda nahin hoon, varana aj bhedon ke galle charata hota. n itana havasaparast hoon, varana aj pharas men sarod aur sitar ki tane sunata hota, jisaka maja main hindustani gane se kahin zyada utha sakata hoon. mujhe sirph tumhara imtahan lena tha. mujhe yah dekhakar sachcha malal ho raha hai ki tumamen gairat ka jauhar baki n raha. kya yah mumakin n tha ki tum mere hukm ko pairon tale kuchal detin ? jab tum yahan a gayin to mainne tumhen ek aur mauqa diya. mainne nind ka bahana kiya. kya yah mumakin n tha ki tumamen se koee khuda ki bndi is katar ko uthakar mere jigar men chubha deti. main kalam-e-pak ki kasam khakar kahata hoon ki tum men se kisi ko katar par hath rakhate dekhakar mujhe behad khushi hoti, main un najuk hathon ke samane garadan jhuka deta ! par afasos hai ki aj taimoori khanadan ki ek beti bhi yahan aisi nahin nikali jo apani huramat bigadane par hath uthati ! ab yah saltanat jinda nahin rah sakati. isaki hasti ke din gine hue hain. isaka nishan bahut jald duniya se mit jaega. tum log jao aur ho sake to ab bhi saltanat ko bachao varana isi tarah havas ki gulami karate hue duniya se rukhsat ho jaogi.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah