जेल -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

mridula maijistret ke ijalas se zanane jel men vapas ayi, to usaka mukh prasann tha. bari ho jane ki gulabi asha usake kapolon par chamak rahi thi. use dekhate hi rajanitik kaidiyon ke ek giroh ne gher liya aur poochhane lagin, kitane din ki huee ?

mridula ne vijay-garv se kaha-mainne to saph-saph kah diya, mainne dharana nahin diya. yon ap jabardast hain, jo phaisala chahen, karen. n mainne kisi ko roka, n pakada, n dhakka diya, n kisi se arajoo-minnat hi ki. koee grahak mere samane aya hi nahin. han, main dookan par khadi zaroor thi. vahan kee valntiyar giraphtar ho gaye the. janata jama ho gayi thi. main bhi khadi ho gayi. bas, thanedar ne a kar mujhe pakad liya.

kshamadevi kuchh qanoon janati thin. bolin-maijistret pulis ke bayan par phaisala karega. main aise kitane hi mukadame dekh chuki.

mridula ne prativad kiya-pulisavalon ko mainne aisa ragada ki vah bhi yad karenge. main mukadame ki karravaee men bhag n lena chahati thi; lekin jab mainne unake gavahon ko sarasar jhooth bolate dekha, to mujhase zabt n ho saka. mainne unase jirah karani shuroo ki. mainne bhi itane dinon ghas nahin khodi hai. thoda-sa qanoon janati hoon. pulis ne samajha hoga, yah kuchh bolegi to hai nahin, ham jo bayan chahenge, denge. jab mainne jirah shuroo ki, to sab bagalen jhankane lage. mainne tinon gavahon ko jhootha sabit kar diya. us samay jane kaise mujhe chot soojhati gayi. maijistret ne thanedar ko do-tin bar phatakar bhi batayi. vah mere prashnon ka ool-jalool javab deta tha, to maijistret bol uthata tha-vah jo kuchh poochhati hain, usaka javab do, phajool ki baten kyon karate ho. tab miyan ji ka munh jara-sa nikal ata tha. mainne sabon ka munh bnd kar diya. abhi sahab ne phaisala to nahin sunaya, lekin mujhe vishvas hai, bari ho jaoongi . main jel se nahin darati; lekin bevakooph bhi nahin banana chahati . vahan hamare mntri ji bhi the aur bahut-si bahanen thin. sab yahi kahati thin, tum chhoot jaogi.

mahilaen use dvesh-bhari ankhon se dekhati huee chali gayin. unamen kisi ki miyad sal-bhar ki thi, kisi ki chhah mas ki. unhonne adalat ke samane jaban hi n kholi thi. unaki niti men yah adharm se kam n tha. mridula pulis se jirah karake unaki najaron men gir gayi thi. saza ho jane par usaka vyavahar kshamy ho sakata tha; lekin bari ho jane men to usaka kuchh prayashchitt hi n tha.

door ja kar ek devi ne kaha-is tarah to ham log bhi chhoot jate. hamen to yah dikhana hai, naukarashahi se hamen nyay ki koee asha hi nahin.

doosari mahila boli-yah to kshama mang lene ke barabar hai. gayi to thin dharana dene, nahin dookan par jane ka kam hi kya tha. valntiyar giraphtar hue the apaki bala se. ap vahan kyon gayin; magar ab kahati hain, main dharana dene gayi hi nahin. yah kshama mangana hua, saf !

tisari devi munh banakar bolin-jel men rahane ke lie bada kaleja chahie. us vaktt to vah-vah lootane ke lie a gayin, ab rona a raha hai. aisi striyon ko to rashtriy kamon ke nagich hi n ana chahie. andolan ko badanam karane se kya fayada.

keval kshamadevi ab tak mridula ke pas chinta men doobi khadi thin. unhonne ek uddnd vyakhyan dene ke aparadh men sal-bhar ki saza payi thi. doosari zile se ek mahina hua yahan ayi thin. abhi miyad poori hone men ath mahine baki the. yahan ki pndrah kaidinon men kisi se unaka dil n milata tha. jara-jara si baton ke lie unaka apas men jhagadana, banav-singar ki chijon ke lie ledivardaron ki khushamaden karana, gharavalon se milane ke lie vyagrata dikhalana use pasnd n tha. vahi kutsa aur kanaphusakiyan jel ke bhitar bhi thin. vah atmabhiman, jo usake vichar men ek politikal kaidi men hona chahie, kisi men bhi n tha. kshama un sabon se door rahati thi. usake jati-prem ka varapar n tha. is rng men pagi huee thi; par any deviyan use ghamndin samajhati thin aur upeksha ka javab upeksha se deti thin. mridula ko hirasat men aye ath din hue the. itane hi dinon men kshama ko usase vishesh sneh ho gaya tha. mridula men vah snkirnata aur eershya n thi, n ninda karane ki adat, n shrringar ki dhun, n bhaddi dillagi ka shauk. usake hriday men karuna thi, seva ka bhav tha, desh ka anurag tha. kshama ne socha tha, isake sath chhah mahine anand se kat jaynge; lekin durbhagy yahan bhi usake pichhe pada hua tha. kal mridula yahan se chali jayagi. vah phir akeli ho jayagi. yahan aisa kaun hai ? jisake sath ghadi bhar baith kar apana duahkh-dard sunayegi, desh-charcha karegi; yahan to sabhi ke mizaj asaman par hain.

mridula ne poochha-tumhen to abhi ath mahine baki hain, bahan !

kshama ne hasarat ke sath kaha-kisi-n-kisi tarah kat hi jaynge bahan ! par tumhari yad barabar satati rahegi. isi ek saptah ke andar tumane mujh par n jane kya jadoo kar diya. jab se tum ayi ho, mujhe jel jel n maloom hota tha. kabhi-kabhi milati rahana.

mridula ne dekha, kshama ki ankhen dabadabayi huee thin. dhadhas deti huee boli-zaroor miloongi didi ! mujhase to khud n raha jayaga. bhan ko bhi laoongi. kahoongi-chal, teri mausi ayi hai, tujhe bula rahi hai. dauda hua ayega. ab tumase aj kahati hoon bahan, mujhe yahan kisi ki yad thi, to bhan ki. bechara roya karata hoga. mujhe dekh kar rooth jayaga. tum kahan chali gayin ? mujhe chhod kar kyon chali gayin ? jao, main tumase nahin bolata, tum mere ghar se nikal jao. bada shaitan hai bahan ! chhan-bhar nichala nahin baithata, sabere uthate hi gata hai-‘jhanna oonta laye amala’ ‘chholaj ka mandir del men hai.’ jab ek jhndi kandhe par rakh kar kahata hai-‘tali-chhalab pini halam hai’ to dekhate hi banata hai. bap ko to kahata hai-tum gulam ho. vah ek angareji kampani men hain, bar-bar istipha dene ka vichar karake rah jate hain. lekin gujar-basar ke lie koee udyam karana hi pade़ga. kaise chhoden. vah to chhod baithe hote. tumase sach kahati hoon, gulami se unhen ghrina hai, lekin main hi samajhati rahati hoon. bechare kaise daftar jate honge, kaise bhan ko snbhalate honge. sas ji ke pas to rahata hi nahin. vah bechari boodhi, usake sath kahan-kahan dauden ! chahati hain ki meri god men dabak kar baitha rahe. aur bhan ko god se chidh hai. amman mujh par bahut bigade़ngi, bas yahi dar lag raha hai. mujhe dekhane ek bar bhi nahin ayin. kal adalat men baboo ji mujhase kahate the, tumase bahut khapha hain. tin din tak to dana-pani chhode rahin. is chhokari ne kul-marajad duba di, khanadan men dag laga diya, kalamunhi, kulachchhani n jane kya-kya bakati rahin. main unaki baton ko bura nahin manati ! purane jamane ki hain. unhen koee chahe ki a kar ham logon men mil jayn, to yah usaka anyay hai. chal kar manana padega. badi minnaton se manengi. kal hi katha hogi, dekh lena. brahman khayenge. biradari jama hogi. jel ka prayashchitt to karana hi padega. tum hamare ghar do-char din rah kar tab jana bahan ! main a kar tumhen le jaoongi.

kshama anand ke in prasngon se vnchit hai. vah vidhava hai, akeli hai. jaliyanavala bag men usaka sarvasv lut chuka hai, pati aur putr donon hi ki ahuti ja chuki hai. ab koee aisa nahin, jise vah apana kah sake. abhi usaka hriday itana vishal nahin hua hai ki prani-matr ko apana samajh sake. in das barason se usaka vyathit hriday jati seva men dhairy aur shanti khoj raha hai. jin karanon ne usake base hue ghar ko ujad diya, usaki god sooni kar di, un karanon ka ant karane-unako mitane-men vah ji-jan se lagi huee thi. bade-se-bade balidan to vah pahale hi kar chuki thi. ab apane hriday ke sivay usake pas hom karane ko aur kya rah gaya tha ? auron ke lie jati-seva sabhyata ka ek snskar ho, ya yashoparjan ka ek sadhan; kshama ke lie to yah tapasya thi aur vah naritv ki sari shakti aur shraddha ke sath usaki sadhana men lagi huee thi. lekin akash men udane vale pakshi ko bhi to apane basere ki yad ati hi hai. kshama ke lie vah ashray kahan tha ? yahi vah avasar the, jab kshama bhi atm-samavedana ke lie akul ho jati thi. yahan mridula ko pakar vah apane ko dhany man rahi thi; par yah chhanh bhi itani jaldi hat gayi !

kshama ne vyathit knth se kaha-yahan se ja kar bhool jaogi mridula. tumhare lie to yah relagadi ka parichay hai aur mere lie tumhare vade usi parichay ke vade hain. kabhi bhent ho jayagi to ya to pahachanogi hi nahin, ya jara muskara kar namaste karati huee apani rah chali jaogi. yahi duniya ka dastoor hai. apane rone se chhutti hi nahin milati, doosaron ke lie koee kyonkar roye. tumhare lie to main kuchh nahin thi, mere lie tum bahut achchhi thin. magar apane priyajanon men baith kar kabhi-kabhi is abhagini ko zaroor yad kar liya karana. bhikhari ke lie chutaki bhar ata hi bahut hai.

doosare din maijistret ne phaisala suna diya. mridula bari ho gayi. sndhya samay vah sab bahanon se gale mil kar, ro kar-rula kar chali gayi, mano maike se vida huee ho.

2

tin mahine bit gaye; par mridula ek bar bhi n ayi. aur kaidiyon se milanevale ate rahate the, kisi-kisi ke ghar se khane-piene ki chizen aur saugaten a jati thin; lekin kshama ka poochhanevala kaun baitha tha ? har mahine ke antim ravivar ko pratahkal se hi mridula ki bat johane lagati. jab mulakat ka samay nikal jata, to jara der rokar man ko samajha leti-jamane ka yahi dastoor hai !

ek din sham ko kshama sndhya karake uthi thi ki dekha, mridula samane chali a rahi hai. n vah roop-rng hai, n vah kanti. daud kar usake gale se lipat gayi aur roti huee boli-yah teri kya dasha hai mridula ! soorat hi badal gayi. kya bimar hai kya ?

mridula ki ankhon se ansuon ki jhadi lagi huee thi. boli-bimar to nahin hoon bahan; vipatti se bindhi huee hoon. tum mujhe khoob kos rahi hogi. un sari nithuraiyon ka prayashchitt karane ayi hoon. aur sab chintaon se mukt ho kar ayi hoon.

kshama kanp uthi. antastal ki gaharaiyon se ek lahar-si uthati huee jan padi, jisamen unaka apana atit jivan tooti huee naukaon ki bhanti utarata hua dikhayi diya. rundhe hue knth se boli-kushal to hai bahan, itani jaldi tum yahan phir kyon a gayin ? abhi to tin mahine bhi nahin hue.

mridula muskarayi; par usaki muskarahat men rudan chhipa hua tha. phir boli-ab sab kushal hai bahan, sada ke lie kushal hai. koee chinta hi nahin rahi. ab yahan jivan-paryant rahane ko taiyar hoon. tumhare sneh aur kripa ka mooly ab samajh rahi hoon.

usane ek thndi sans li aur sajal netron se boli-tumhen bahar ki khabaren kya mili hongi ! parason shahar men goliyan chalin. dehaton men ajakal snginon ki nok par lagan vasool kiya ja raha hai. kisanon ke pas rupaye hain nahin, den to kahan se den. anaj ka bhav din-din girata jata hai. paune do rupaye men man bhar gehoon ata hai. meri umr hi abhi kya hai, amman ji bhi kahati hain ki anaj itana sasta kabhi nahin tha. khet ki upaj se bijon tak ke dam nahin ate. mehanat aur sinchaee isake oopar. garib kisan lagan kahan se den. us par sarakar ka hukm hai ki lagan kadaee ke sath vasool kiya jay. kisan is par bhi raji hain ki hamari jama-jatha nilam kar lo, ghar kurk kar lo, apani zamin le lo; magar yahan to adhikariyon ko apani karagujari dikhane ki fikr padi huee hai. vah chahe praja ko chakki men pis hi kyon n dalen; sarakar unhen mana n karegi. mainne suna hai ki vah ulate aur sah deti hai. sarakar ko to apane kar se matalab hai. praja mare ya jiye, usase koee prayojan nahin. akasar jamindaron ne to lagan vasool karane se inakar kar diya hai. ab pulis unaki madad par bheji gayi hai. bhairognj ka sara ilaka loota ja raha hai. marata kya n karata, kisan bhi ghar-bar chhod-chhod kar bhage ja rahe hain. ek kisan ke ghar men ghus kar kee kanstebalon ne use pitana shuroo kiya. bechara baitha mar khata raha . usaki stri se n raha gaya. shamat ki mari kanstebalon ko kuvachan kahane lagi. bas, ek sipahi ne use nnga kar diya. kya kahoon bahan, kahate sharm ati hai. hamare hi bhaee itani nirdayata karen, isase zyada duahkh aur lajja ki aur kya bat hogi ? kisan se jabt n hua . kabhi pet bhar garibon ko khane ko to milata nahin, is par itana kathor parishram, n deh men bal hai, n dil men himmat, par manushy ka hriday hi to thahara. bechara bedam pada hua tha. stri ka chillana sun kar uth baitha aur us dusht sipahi ko dhakka de kar zamin par gira diya. phir donon men kushtam-kushti hone lagi. ek kisan kisi pulis ke adami ke sath itani beadabi kare, ise bhala vah kahin baradasht kar sakati hai. sab kanstebalon ne garib ko itana mara, ki vah mar gaya.

kshama ne kaha-ganv ke aur log tamasha dekhate rahe honge.

mridula tivr knth se boli-bahan, praja ki to har tarah se maran hai. agar das-bis adami jama ho jate, to pulis kahati, hamase ladane aye hain. dnde chalane shuroo karati aur agar koee adami krodh men akar ekadh knkad phenk deta, to goliyan chala deti. das-bis adami bhun jate. isalie log jama nahin hote, lekin jab vah kisan mar gaya to gavnvalon ko taish a gaya. lathiyan le-lekar daud pade aur kanstebalon ko gher liya. sambhav hai do-char adamiyon ne lathiyan chalayi bhi hon. kanstebalon ne goliyan chalani shuroo kin. do-tin sipahiyon ko halki choten ayin. usake badale men barah adamiyon ki janen le li gayin aur kitanon hi ke ang-bhng kar diye gaye. in chhote-chhote adamiyon ko isilie to itane adhikar diye gaye hain ki unaka durupayog karen. adhe ganv ka katleam karake pulis vijay ke nagade bajati huee laut gayi. ganvavalon ki phariyad kaun sunata. garib hain, bekas hain, apng hain, jitane adamiyon ko chaho, mar dalo. adalat aur hakimon se to unhonne nyay ki asha karana hi chhod diya. akhir sarakar hi ne to kanstebalon ko yah muhim sar karane ke lie bheja tha. vah kisanon ki phariyad kyon sunane lagi. magar adami ka dil phariyad kiye bagair nahin manata. ganvavalon ne apane shahar ke bhaiyon se phariyad karane ka nishchay kiya. janata aur kuchh nahin kar sakati, hamadardi to karati hai. duahkh-katha sun kar ansoo to bahati hai. dukhiyaron ko hamadardi ke ansoo bhi kam pyare nahin hote. agar as-pas ke ganvon ke log jama hokar unake sath ro lete to garibon ke ansoo punchh jate; kintu pulis ne us ganv ki nakebndi kar rakhi thi, charon simaon par pahare bitha diye gaye the. yah ghav par namak tha. marate bhi ho aur rone bhi nahin dete. akhir logon ne lashen uthayin aur shaharavalon ko apani vipatti ki katha sunane chale. is hngame ki khabar pahale hi shahar men pahunch gayi thi. in lashon ko dekhakar janata uttejit ho gayi aur jab pulis ke adhyaksh ne in lashon ka juloos nikalane ki anumati n di, to log aur bhi jhallaye. bahut bada jamav ho gaya. mere baboo ji bhi isi dal men the. aur mainne unhen roka-mat jao, aj ka rng achchha nahin hai. to kahane lage-main kisi se ladane thode hi jata hoon. jab sarakar ki agya ke viruddh janaja chala to pachas hazar adami sath the. udhar panch sau sashastr pulis rasta roke khadi thi-savar, pyade, sarajnt-poori fauj thi. ham nihatthon ke samane in namardon ko talavaren chamakate aur jhnkarate sharm bhi nahin ati ! jab bar-bar pulis ki dhamakiyon par bhi log n bhage, to goliyan chalane ka hukm ho gaya. ghnte-bhar barabar phair hote rahe, poore ghnte-bhar tak ! kitane mare, kitane ghayal hue, kaun janata hai. mera makan sadak par hai. main chhajje par khadi, donon hathon se dil thame, kanpati thi. pahali badh chalate hi bhagadad pad gayi. hazaron adami badahavas bhage chale a rahe the. bahan ! vah drishy abhi tak ankhon ke samane hai. kitana bhishan, kitana romanchakari aur kitana lajjaspad. aisa jan padata tha ki logon ke pran ankhon se nikale padate hain, magar in bhaganevalon ke pichhe vir vrat-dhariyon ka dal tha, jo parvat ki bhanti atal khada chhatiyon par goliyan kha raha tha aur pichhe hatane ka nam n leta tha. bandookon ki avazen saf sunayi deti thin aur harek dhayn-dhayn ke bad hazaron galon se jay ki gahari gagan-bhedi dhvani nikalati thi. us dhvani men kitani uttejana thi ! kitana akarshan ! kitana unmad ! bas yahi ji chahata tha ki ja kar goliyon ke samane khadi ho jaoon aur hnsate-hnsate mar jaoon. us samay aisa bhan hota tha ki mar jana koee khel hai. amman ji kamare men bhan ko liye mujhe bar-bar bhitar bula rahi thin. jab main n gayi, to vah bhan ko liye hue chhajje par a gayin. usi vakt das-barah adami ek strechar par hridayesh ki lash liye hue dvar par aye. amman ki un par najar padi. samajh gayin. mujhe to sakata-sa ho gaya. amman ne jakar ek bar bete ko dekha, use chhati se lagaya, chooma, ashirvad diya aur unmatt dasha men chauraste ki taraph chalin, jahan se ab bhi dhayn aur jay ki dhvani bari-bari se a rahi thi. main hatabuddhi-si khadi kabhi svami ki lash ko dekhati thi, kabhi amman ko. n kuchh boli, n jagah se hili, n royi, n ghabarayi. mujhamen jaise spndan hi n tha. chetana jaise lupt ho gayi ho.

kshama-to kya amman bhi goliyon ke sthan par pahunch gayin ?

mridula-han, yahi to vichitrata hai bahan ! bndook ki avajen sun kar kanon par hath rakh leti thin, khoon dekh kar moorchhit ho jati thin. vahin amman vir satyagrahiyon ki saphon ko chirati huee samane khadi ho gayin aur ek hi kshan men unaki lash bhi zamin par gir padi. unake girate hi yoddhaon ka dhairy toot gaya, vrat ka bndhan toot gaya. sabhi ke siron par khoon-sa savar ho gaya. nihatthe the, ashakt the, par har ek apane andar apar-shakti ka anubhav kar raha tha. pulis par dhava kar diya. sipahiyon ne is badh ko ate dekha to hosh jate rahe. janen lekar bhage, magar bhagate hue bhi goliyan chalate jate the. bhan chhajje par khada tha, n jane kidhar se ek goli a kar usaki chhati men lagi. mera lal vahin par gir pada. sans tak n li; magar meri ankhon men ab bhi ansoo n the. mainne pyare bhan ko god men utha liya. usaki chhati se khoon ke phauvvare nikal rahe the. mainne use jo doodh pilaya tha, use vah khoon se ada kar raha tha. usake khoon se tar kapade pahane hue mujhe vah nasha ho raha tha jo shayad usake vivah men gulal se tar reshami kapade pahan kar bhi n hota. ladakapan, javani aur maut ! tinon mnjilen ek hi hichaki men tamam ho gayin. mainne bete ko bap ki god men leta diya. itane men kee svaynsevak amman ji ko bhi laye. maloom hota tha, leti huee muskara rahi hain. mujhe to rokati rahati thin aur khud is tarah ja kar ag men kood padin, mano vah svarg ka marg ho ! bete hi ke lie jiti thin, bete ko akela kaise chhodatin !

jab nadi ke kinare tinon lashen ek hi chita men rakhi gayin, tab mera sakata toota, hosh aya. ek bar ji men aya chita men ja baithoon, sara kunaba ek sath eeshvar ke darabar men ja pahunche. lekin phir socha-toone abhi aisa kaun kam kiya hai, jisaka itana ooncha puraskar mile ? bahan ! chita ki lapaton men mujhe aisa maloom ho raha tha ki amman ji sachamuch bhan ko god men liye baithi muskara rahi hain aur svami ji khade mujhase kah rahe hain, tum jao aur nishchint hokar kam karo. mukh par kitana tej tha ! rakt aur agni hi men to devata basate hain.

mainne sir utha kar dekha. nadi ke kinare n jane kitani chitaen jal rahi thin. door se vah chitavali aisi maloom hoti thi, mano devata ne bharat ka bhagy gadhane ke lie bhatthiyan jalayi hon.

jab chitaen rakh ho gayin; to ham log laute; lekin us ghar men jane ki himmat n padi. mere lie ab vah ghar, ghar n tha. mera ghar to ab yah hai, jahan baithi hoon, ya phir vahi chita. mainne ghar ka dvar bhi nahin khola. mahila ashram men chali gayi. kal ki goliyon men kangres kameti ka saphaya ho gaya tha. yah snstha bagi bana dali gayi thi. usake daftar par pulis ne chhapa mara aur us par apana tala dal diya. mahila ashram par bhi hamala hua. us par apana tala dal diya gaya. hamane ek vriksh ki chhanh men apana naya daftar banaya aur svachchhndata ke sath kam karate rahe. yahan divaren hamen kaid n kar sakati thin. ham bhi vayu ke saman mukt the.

sndhya samay hamane ek juloos nikalane ka phaisala kiya. kal ke raktapat ki smriti, harsh aur mubarakabad men juloos nikalana avashyak tha ! log kahate hain, juloos nikalane se kya hota hai. isase yah siddh hota hai ki ham jivit hain, atal hain, aur maidan se hate nahin hain. hamen apane har n mananevale atmabhiman ka praman dena tha. hamen yah dikhana tha ki ham goliyon aur atyachar se bhayabhit hokar apane lakshy se hatanevale nahin aur ham us vyavastha ka ant karake rahenge jisaka adhar svarthaparata aur khoon par hai. udhar pulis ne bhi juloos ko rok kar apani shakti aur vijay ka praman dena avashyak samajha. shayad janata ko dhokha ho gaya ho ki kal ki durghatana ne naukarashahi ka naitik gyan jagrat kar diya hai. is dhokhe ko door karana usane apana kartavy samajha. vah yah dikha dena chahati thi ki ham tumhare oopar shasan karane aye hain aur shasan karenge. tumhari khushi ya naraji ki hamen paravah nahin hai. juloos nikalane ki manahi ho gayi. janata ko chetavani de di gayi ki khabaradar juloos men n ana, nahin durgati hogi. isaka janata ne vah javab diya, jisane adhikariyon ki ankhen khol di hongi. sndhya samay pachas hazar adami jama ho gaye. aj ka netritv mujhe saunpa gaya tha. main apane hriday men ek vichitr bal aur utsah ka anubhav kar rahi thi. ek abala stri jise snsar ka kuchh gyan nahin, jisane kabhi ghar se bahar panv nahin nikala, aj apane pyaron ke utsarg ki badaulat us mahanh pad par pahunch gayi thi, jo bade-bade aphasaron ko bhi, bade-se-bade maharaja ko bhi prapt nahin-main is samay janata ke hriday par raj kar rahi thi. pulis adhikariyon ki isilie gulami karati hai ki use vetan milata hai. pet ki gulami usase sab kuchh karava leti hai. maharaja ka hukm log isilie manate hain ki usase upakar ki asha ya hani ka bhay hota hai. yah apar jan-samooh kya mujhase kisi phayade ki asha rakhata tha, use mujhase kisi hani ka bhay tha ? kadapi nahin. phir bhi vah kade se kade hukm ko manane ke lie taiyar tha. isilie ki janata mere balidanon ka adar karati thi, isilie ki unake dilon men svadhinata ki jo tadap thi, gulami ki jnjiron ko tod dene ki jo bechaini thi main us tadap aur bechaini ki sajiv moorti samajhi ja rahi thi. nishchit samay par juloos ne prasthan kiya. usi vakt pulis ne meri giraphtari ka varnt dikhaya. varnt dekhate hi tumhari yad ayi. pahale tumhen meri zaroorat thi. ab mujhe tumhari zaroorat hai. us vakt tum meri hamadardi ki bhookhi thin. ab main sahanubhooti ki bhiksha mang rahi hoon. magar mujhamen ab leshamatr bhi durbalata nahin hai. main chintaon se mukt hoon. maijistret jo kathor se kathor dnd pradan kare usaka svagat karoongi. ab main pulis ke kisi akshep ya asaty aropan ka prativad n karoongi; kyonki main janati hoon, main jel ke bahar rah kar jo kuchh kar sakati hoon, jel ke andar rah kar usase kahin zyada kar sakati hoon. jel ke bahar bhoolon ki sambhavana hai, bahakane ka bhay hai, samajhaute ka pralobhan hai, spardha ki chinta hai, jel samman aur bhakti ki ek rekha hai, jisake bhitar shaitan qadam nahin rakh sakata. maidan men jalata hua alav vayu men apani ushnata ko kho deta hai; lekin injin men band ho kar vahi ag snchalak-shakti ka akhnd bhndar ban jati hai.

any deviyan bhi a pahunchin aur mridula sabase gale milane lagi. phir ‘bharat mata ki jay’ dhvani jel ki divaron ko chirati huee akash men ja pahunchi.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah