जुलूस -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

poorn svarajy ka juloos nikal raha tha. kuchh yuvak, kuchh boodhe, kuchh balak jhndiyan aur jhnde liye vndemataramh gate hue mal ke samane se nikale. donon taraph darshakon ki divaren khadi thin, mano unhen is lakshy se koee sarokar nahin hain, mano yah koee tamasha hai aur unaka kam keval khade-khade dekhana hai.

shnbhoonath ne dookan ki patari par khade hokar apane padosi dinadayal se kaha-sab ke sab kal ke munh men ja rahe hain. age savaron ka dal mar-mar bhaga dega.

dinadayal ne kaha-mahatma ji bhi sathiya gaye hain. juloos nikalane se svarajy mil jata to ab tak kab ka mil gaya hota. aur juloos men hain kaun log, dekho-launde, laphnge, siraphire. shahar ka koee bada adami nahin.

maikoo chattiyon aur sliparon ki mala garadan men latakaye khada tha. in donon sethon ki baten sunakar hnsa.

shnbhoo ne poochha-kyon hnse maikoo? aj rng chokha maloom hota hai.

maikoo-hnsa is bat par jo tumane kahi ki koee bada adami juloos men nahin hai. bade adami kyon juloos men ane lage, unhen is raj men kaun aram nahin hai? bngalon aur mahalon men rahate hain, motaron par ghoomate hain, sahabon ke sath davaten khate hain, kaun takaliph hai ! mar to ham log rahe hain jinhen rotiyon ka thikana nahin. is bakhat koee tenis khelata hoga, koee chay pita hoga, koee gramophon lie gana sunata hoga, koee parik ki sair karata hoga, yahan aye pulis ke kode khane ke lie? tumane bhi bhali kahi?

shnbhoo-tum yah sab baten kya samajhoge maikoo, jis kam men char bade adami agua hote hain usaki sarakar par bhi dhak baith jati hai. laundon-laphngon ka gol bhala hakimon ki nigah men kya jnchega?

maikoo ne aisi drishti se dekha, jo kah rahi thi-in baton ke samajhane ka thika kuchh tumhin ne nahin liya hai aur bola-bade adami ko to hami log banate-bigadate hain ya koee aur? kitane hi log jinhen koee poochhata bhi n tha, hamare hi banaye bade adami ban gaye aur ab motaron par nikalate hain aur hamen nich samajhate hain. yah logon ki takadir ki khoobi hai ki jisaki jara badhati huee aur usane hamase ankhen pherin. hamara bada adami to vahi hai, jo lngoti bandhe nnge panv ghoomata hai, jo hamari dasha ko sudharane ke lie apani jan hatheli par liye phirata hai. aur hamen kisi bade adami ki paravah nahin hai. sach poochho to in bade adamiyon ne hi hamari mitti kharab kar rakhi hai. inhen sarakar ne koee achchhi-si jagah de di, bas usaka dam bharane lage.

dinadayal-naya daroga bada jallad hai. chauraste par pahunchate hi hntar lekar pil padega. phir dekhana, sab kaise dum dabakar bhagate hain. maja ayega.

juloos svadhinata ke nashe men choor chauraste par pahuncha to dekha, age savaron aur sipahiyon ka ek dasta rasta roke khada hai.

sahasa daroga birabal sinh ghoda badha kar juloos ke samane a gaye aur bole-tum logon ko age jane ka hukm nahin hai.

juloos ke boodhe neta ibrahim ali ne age badhakar kaha-main apako itminan dilata hoon, kisi kism ka dnga-phasad n hoga. ham dookanen lootane ya motaren todane nahin nikale hain. hamara makasad isase kahin ooncha hai.

birabal-mujhe yah hukm hai ki juloos yahan se age n jane paye.

ibrahim-ap apane aphasaron se jara poochh n len.

birabal-main isaki koee zaroorat nahin samajhata.

ibrahim-to ham log yahin baithate hain. jab ap log chale jaynge to ham nikal jaynge.

birabal-yahan khade hone ka bhi hukm nahin hai. tumako vapas jana padega.

ibrahim ne gnbhir bhav se kaha-vapas to ham n jayenge. apako ya kisi ko bhi, hamen rokane ka koee hak nahin. ap apane savaron, snginon aur bndookon ke zor se hamen rokana chahate hain, rok lijie, magar ap hamen lauta nahin sakate. n jane vah din kab ayega, jab hamare bhaee-bnd aise hukmon ki tamil karane se saf inkar kar denge, jinaki mnsha mahaj kaum ko gulami ki jnjiron men jakade rakhana hai.

birabal grejuet tha. usaka bap suparintendent pulis tha. usaki nas-nas men rob bhara hua tha. aphasaron ki drishti men usaka bada samman tha. khasa gora chitta, nili ankhon aur bhoore balon vala tejasvi purush tha. shayad jis vakt vah kot pahan kar oopar se hait laga leta to vah bhool jata tha ki main bhi yahan ka rahanevala hoon. shayad vah apane ko rajy karane vali jati ka ang samajhane lagata tha; magar ibrahim ke shabdon men jo tiraskar bhara hua tha, usane jara der ke lie use lajjit kar diya. par muamala najuk tha. juloos ko rasta de deta hai, to javab talab ho jayega; vahin khada rahane deta hai, to yah sab n jane kab tak khade rahen. is snkat men pada hua tha ki usane di. es. pi. ko ghode par ate dekha. ab soch-vichar ka samay n tha. yahi mauqa tha karagujari dikhane ka. usane kamar se betan nikal liya aur ghode ko ed laga kar juloos par chadhane laga. use dekhate hi aur savaron ne bhi ghodon ko juloos par chadhana shuroo kar diya. ibrahim daroga ke ghode ke samane khada tha. usake sir par ek betan aise zor se pada ki usaki ankhen tilamila gayin. khada n rah saka. sir pakad kar baith gaya. usi vakt daroga ji ke ghode ne donon panv uthaye aur zamin par baitha hua ibrahim usaki tapon ke niche a gaya. juloos abhi tak shant khada tha. ibrahim ko girate dekh kar kee adami use uthane ke lie lapake; magar koee age n badh saka. udhar savaron ke dnde badi nirdayata se pad rahe the. log hathon par dndon ko rokate the aur avichalit roop se khade the. hinsa ke bhavon men prabhavit n ho jana usake lie pratikshan kathin hota jata tha. jab aghat aur apaman hi sahana hai, to phir ham bhi is divar ko par karane ki kyon n cheshta karen? logon ko khayal aya shahar ke lakhon adamiyon ki nigahen hamari taraph lagi huee hain. yahan se yah jhnda lekar ham laut jayn, to phir kis munh se azadi ka nam lenge; magar pran-raksha ke lie bhagane ka kisi ko dhyan bhi n ata tha. yah pet ke bhakton, kiraye ke tattuon ka dal n tha. yah svadhinata ke sachche svaynsevakon ka, azadi ke divanon ka sngathit dal tha-apani zimmedariyon ko khoob samajhata tha. kitane hi ke siron se khoon jari tha, kitane hi ke hath jakhmi ho gaye the. ek halle men yah log savaron ki saphon ko chir sakate the, magar pairon men bediyan padi huee thin-siddhant ki, dharm ki, adarsh ki.

das-barah minat tak yon hi dndon ki bauchhar hoti rahi aur log shant khade rahe.

2

is mar-dhad ki khabar ek kshan men bazar men ja pahunchi. ibrahim ghode se kuchal gaye, kee adami jakhmi ho gaye, kee ke hath toot gaye; magar n ve log pichhe phirate hain aur n pulis unhen age jane deti hai.

maikoo ne uttejit hokar kaha-ab to bhaee, yahan nahin raha jata. main bhi chalata hoon.

dinadayal ne kaha-ham bhi chalate hain bhaee, dekhi jayagi.

shambhoo ek minat tak maun khada raha. ekaek usane bhi dookan badhayi aur bola-ek din to marana hi hai, jo kuchh hona hai, ho. akhir ve log sabhi ke lie to jan de rahe hain. dekhate-dekhate adhikansh dookanen bnd ho gayin. vah log, jo das minat pahale tamasha dekh rahe the idhar-udhar se daud pade aur hajaron adamiyon ka ek virat dal ghatanasthal ki or chala. yah unmatt, hinsamad se bhare hue manushyon ka samooh tha, jise siddhant aur adarsh ki paravah n thi. jo marane ke lie hi nahin, marane ke lie bhi taiyar the. kitanon hi ke hathon men lathiyan thin, kitane hi jebon men patthar bhare hue the. n koee kisi se kuchh bolata tha, n poochhata tha. bas, sab-ke-sab man men ek dridh snkalp kiye lapake chale ja rahe the, mano koee ghata umadi chali ati ho.

is dal ko door se dekhate hi savaron men kuchh halachal padi. birabal sinh ke chehare par havaiyan udane lagin. di. es. pi. ne apani motar badhayi. shanti aur ahinsa ke vratadhariyon par dnde barasana aur bat thi, ek unmatt dal se mukabala karana doosari bat. savar aur sipahi pichhe khisak gaye.

ibrahim ki pith par ghode ne tap rakh di. vah achet zamin par pade the. in adamiyon ka shoragul sun kar ap hi ap unaki ankhen khul gayin. ek yuvak ko ishare se bulakar kaha-kyon kailash, kya kuchh log shahar se a rahe hain?

kailash ne us badhati huee ghata ki or dekh kar kaha-ji han, hajaron adami hain.

ibrahim-to ab khairiyat nahin hai. jhnda lauta do. hamen phauran laut chalana chahie, nahin toofan mach jayaga. hamen apane bhaiyon se ladaee nahin karani hai. phauran laut chalo.

yah kahate hue unhonne uthane ki cheshta ki, magar uth n sake.

ishare ki der thi. sngathit sena ki bhanti log hukm pate hi pichhe phir gaye. jhndiyon ke banson, saphon aur roomalon se chatapat ek strechar taiyar ho gaya. ibrahim ko logon ne us par lita diya aur pichhe phire. magar kya vah parast ho gaye the? agar kuchh logon ko unhen parast manane men hi sntosh ho to ho, lekin vastav men unhonne ek yugantakari vijay prapt ki thi. ve janate the, hamara sngharsh apane hi bhaiyon se hai, jinake hit paristhitiyon ke karan hamare hiton se bhinn hain. hamen unase vair nahin karana hai. phir, vah yah bhi nahin chahate ki shahar men loot aur dnge ka bazar garm ho jay aur hamare dharmayuddh ka ant looti huee dookanen, phoote hue sir hon, unaki vijay ka sabase ujjval chihn yah tha ki unhonne janata ki sahanubhooti prapt kar li thi. vahi log, jo pahale un par hnsate the; unaka dhairy aur sahas dekhakar unaki sahayata ke lie nikal pade the. manovritti ka yah parivartan hi hamari asali vijay hai. hamen kisi se ladaee karane ki zaroorat nahin, hamara uddeshy keval janata ki sahanubhooti prapt karana hai, usaki manovrittiyon ko badal dena hai. jis din ham is lakshy par pahunch jayenge, usi din svarajy soory uday hoga.

3

tin din gujar gaye the. birabal sinh apane kamare men baithe chay pi rahe the. aur unaki patni mitthan baee shishu ko god men liye samane khadi thin.

birabal sinh ne kaha-main kya karata us vakt. pichhe di. es. pi. khada tha. agar unhen rasta de deta to apani jan musibat men phnsati.

mitthan baee ne sir hila kar kaha-tum kam se kam itana to kar hi sakate the ki un par dnde n chalane dete. tumhara kam adamiyon par dnde chalana hai? tum zyada se zyada unhen rok sakate the. kal ko tumhen aparadhiyon ko bent lagane ka kam diya jay, to shayad tumhen bada annd ayega, kyon? birabal sinh ne khisiya kar kaha-tum to bat nahin samajhati ho !

mitthan baee-main khoob samajhati hoon. di. es. pi. pichhe khada tha. tumane socha hoga aisi karagujari dikhane ka avasar shayad phir kabhi mile ya n mile. kya tum samajhate ho, us dal men koee bhala adami n tha? usamen kitane adami aise the, jo tumhare jaison ko naukar rakh sakate hain. vidya men to shayad adhikansh tumase badhe hue honge. magar tum un par dnde chala rahe the aur unhen ghode se kuchal rahe the, vah ri javanmardi !

birabal sinh ne behayaee ki hnsi ke sath kaha-di. es. pi. ne mera nam not kar liya hai. sach !

daroga ji ne samajha tha ki yah soochana de kar vah mitthan baee ko khush kar denge. sajjanata aur bhalamanasi adi oopar ki baten hain, dil se nahin, jaban se kahi jati hain. svarth dil ki gaharaiyon men baitha hota hai. vah gambhir vichar ka vishay hai.

magar mitthan baee ke mukh par harsh ki koee rekha n najar ayi, oopar ki baten shayad gaharaiyon tak pahunch gayi thin ! bolin-zaroor kar liya hoga aur shayad tumhen jaldi taraqqi bhi mil jay. magar begunahon ke khoon se hath rng kar taraqqi payi, to kya payi ! yah tumhari karagujari ka inam nahin, tumhare deshadroh ki kimat hai. tumhari karagujari ka inam to tab milega, jab tum kisi khooni ko khoj nikaloge, kisi doobate hue adami ko bacha loge.

ekaek ek sipahi ne baramade men khade ho kar kaha-huzoor, yah liphapha laya hoon. birabal sinh ne bahar nikal kar liphapha le liya aur bhitar ki sarakari chitthi nikal kar padhane lage. padh kar use mej par rakh diya.

mitthan ne poochha-kya taraqqi ka paravana a gaya?

birabal sinh ne jhenp kar kaha-tum to banati ho ! aj phir koee juloos nikalanevala hai. mujhe usake sath rahane ka hukm hua hai.

mitthan-phir to tumhari chandi hai, taiyar ho jao. aj phir vaise hi shikar milenge. khoob badh-badhakar hath dikhalana ! di. es. pi. bhi zaroor ayenge. abaki tum inspektar ho jaoge. sach !

birabal sinh ne matha sikod kar kaha-kabhi-kabhi tum be-sir-pair ki baten karane lagati ho. man lo, main jakar chupachap khada rahoon, to kya natija hoga. main nalayaq samajha jaoonga aur meri jagah koee doosara adami bhej diya jayaga. kahin shubaha ho gaya ki mujhe svarajyavadiyon se sahanubhooti hai, to kahin ka n rahoonga. agar barkhast bhi n hua to lain ki hajiri to ho hi jayagi. adami jis duniya men rahata hai, usi ka chalan dekhakar kam karata hai. main buddhiman n sahi; par itana janata hoon ki ye log desh aur jati ka uddhar karane ke lie hi koshish kar rahe hain. yah bhi janata hoon ki sarakar is khayal ko kuchal dalana chahati hai. aisa gadha nahin hoon ki gulami ki zindagi par garv karoon; lekin paristhiti se majaboor hoon.

baje ki avaz kanon men ayi. birabal sinh ne bahar jakar poochha. maloom hua svarajy valon ka juloos a raha hai. chatapat vardi pahani, safa bandha aur jeb men pistaul rakhakar bahar aye. ek kshan men ghoda taiyar ho gaya. kanstebal pahale hi se taiyar baithe the. sab log dabal march karate hue juloos ki taraph chale.

ye log dabal march karate hue koee pndrah minat men juloos ke samane pahunch gaye. in logon ko dekhate hi aganit knthon se ‘vndemataramh’ ki ek dhvani nikali, mano meghamndal men garjan ka shabd hua ho, phir sannata chha gaya. us juloos men aur is juloos men kitana antar tha ! vah svarajy ke utsav ka juloos tha, yah ek shahid ke matam ka. tin din ke bhishan jvar aur vedana ke bad aj us jivan ka ant ho gaya, jisane kabhi pad ki lalasa nahin ki, kabhi adhikar ke samane sir nahin jhukaya. unhonne marate samay vasiyat ki thi ki meri lash ko gnga men nahala kar daphan kiya jay aur mere majar par svarajy ka jhnda khada kiya jay. unake marane ka samachar phailate hi sare shahar par matam ka parda-sa pad gaya. jo sunata tha, ek bar is tarah chaunk padata tha, jaise use goli lag gayi ho aur turnt unake darshanon ke lie bhagata tha. sare bazar bnd ho gaye, ikkon aur tangon ka kahin pata n tha jaise shahar lut gaya ho. dekhate-dekhate sara shahar umad pada. jis vakt janaja utha, lakh-sava lakh adami sath the. koee ankh aisi n thi, jo ansuon se lal n ho.

birabal sinh apane kanstebalon aur savaron ko panch-panch gaj ke phasale par juloos ke sath chalane ka hukm de kar khud pichhe chale gaye. pichhali saphon men koee pachas gaj tak mahilaen thin. daroga ne unaki taraph taka. pahali hi katar men mitthan baee najar ayi. birabal ko vishvas n aya. phir dhyan se dekha, vahi thi. mitthan ne unaki taraph ek bar dekha aur ankhen pher lin, par usaki ek chitavan men kuchh aisa dhikkar, kuchh aisi lajja, kuchh aisi vyatha, kuchh aisi ghrina bhari huee thi ki birabal sinh ki deh men sir se panv tak sanasani-si daud gayi. vah apani drishti men kabhi itane halke, itane durbal, itane jalil n hue the.

sahasa ek yuvati ne daroga ji ki taraph dekh kar kaha-kotaval sahab, kahin ham logon par dnde n chala dijiega. apako dekhakar bhay ho raha hai !

doosari boli-ap hi ke koee bhaee to the, jinhonne us mal ke chauraste par is purush par aghat kiye the.

mitthan ne kaha-apake koee bhaee n the, ap khud the.

bisiyon hi munhon se avajen nikalin-achchha, yah vahi mahashay hain? mahashay apako namaskar hai. yah ap hi ki kripa ka phal hai ki aj ham bhi apake dnde ke darshan ke lie a khadi huee hain !

birabal ne mitthan baee ki or ankhon ka bhala chalaya; par munh se kuchh n bole. ek tisari mahila ne phir kaha-ham ek jalasa karake apako jayamal pahanayenge aur apaka yashogan karenge.

chauthi ne kaha-ap bilakul angarej maloom hote hain, jabhi itane gore hain !

ek budhiya ne ankhen chadha kar kaha-meri kokh men aisa balak janma hota, to usaki gardan marod deti !

ek yuvati ne usaka tiraskar karake kaha-ap bhi khoob kahati hain, mata ji, kutte tak to namak ka hak ada karate hain, yah to adami hain !

budhiya ne jhalla kar kaha-pet ke gulam, hay pet, hay pet !

is par kee striyon ne budhiya ko ade hathon le liya aur vah bechari lajjit ho kar boli-are, main kuchh kahati thode hi hoon. magar aisa adami bhi kya, jo svarth ke pichhe andha ho jay.

birabal sinh ab aur n sun sake. ghoda badha kar juloos se kee gaj pichhe chale gaye. mard lajjit karata hai, to hamen krodh ata hai; striyan lajjit karati hain, to glani utpann hoti hai. birabal sinh ki is vakt itani himmat n thi ki phir un mahilaon ke samane jate. apane aphasaron par krodh aya. mujhi ko bar-bar kyon in kamon par tainat kiya jata hai? aur log bhi to hain, unhen kyon nahin laya jata? kya main hi sabase gaya-bita hoon. kya main hi sabase bhavashoony hoon.

mitthi is vakt mujhe dil men kitana kayar aur nich samajh rahi hogi ! shayad is vakt mujhe koee mar dale, to vah jaban bhi n kholegi. shayad man men prasann hogi ki achchha hua. abhi koee ja kar sahab se kah de ki birabal sinh ki stri juloos men nikali thi, to kahin ka n rahoon ! mitthi janati hai, samajhati hai, phir bhi nikal khadi huee. mujhase poochha tak nahin. koee fikr nahin hai n, jabhi ye baten soojhati hain, yahan sabhi bephikr hain, kalejon aur skoolon ke ladake, mazadoor, peshevar inhen kya chinta? maran to ham logon ki hai, jinake bal-bachche hain aur kul-maryada ka dhyan hai. sab ki sab meri taraph kaisa ghoor rahi thin, mano kha jayngi.

juloos shahar ki mukhy sadakon se gujarata hua chala ja raha tha. donon or chhaton par, chhajjon par, jngalon par, vrikshon par darshakon ki divaren-si khadi thin. birabal sinh ko aj unake cheharon par ek nayi sphoorti, ek naya utsah, ek naya garv jhalakata hua maloom hota tha. sphoorti thi vrikshon ke chehare par, utsah yuvakon ke aur garv ramaniyon ke. yah svarajy ke path par chalane ka ullas tha. ab unako yatra ka lakshy agyat n tha, pathabhrashton ki bhanti idhar-udhar bhatakana n tha, daliton ki bhanti sir jhuka kar rona n tha. svadhinata ka sunahala shikhar sudoor akash men chamak raha tha. aisa jan padata tha ki logon ko bich ke nalon aur jngalon ki paravah nahin hai. sab us sunahale lakshy par pahunchane ke lie utsuk ho rahe hain.

gyarah bajate-bajate juloos nadi ke kinare ja pahuncha, janaja utara gaya aur log shav ko gnga-snan karane ke lie chale. usake shital, shant, pile mastak par lathi ki chot saf najar a rahi thi. rakt jam kar kala ho gaya tha. sir ke bade-bade bal khoon jam jane se kisi chitrakar ki toolika ki bhanti chimat gaye the. kee hazar adami is shahid ke antim darshanon ke lie mndal bandh kar khade ho gaye. birabal sinh pichhe ghode par savar khade the. lathi ki chot unhen bhi najar ayi. unaki atma ne zor se dhikkara. vah shav ki or n tak sake. munh pher liya. jis manushy ke darshanon ke lie, jinake charanon ki raj mastak par lagane ke lie lakhon adami vikal ho rahe hain usaka mainne itana apaman kiya. unaki atma is samay svikar kar rahi thi ki us nirday prahar men karttavy ke bhav ka lesh bhi n tha-keval svarth tha, karagujari dikhane ki havas aur aphasaron ko khush karane ki lipsa thi. hajaron ankhen krodh se bhari huee unaki or dekh rahi thin; par vah samane takane ka sahas n kar sakate the.

ek kanstebal ne akar prashnsa ki-huzoor ka hath gahara pada tha. abhi tak khopadi khuli huee hai. sabaki ankhen khul gayin.

birabal ne upeksha ki-main ise apani javanmardi nahin, apana kaminapan samajhata hoon.

kanstebal ne phir khushamad ki-bada sarakash adami tha huzoor !

birabal ne tivr bhav se kaha-chup raho ! janate bhi ho, sarakash kise kahate hain? sarakash ve kahalate hain, jo dake marate hain, chori karate hain, khoon karate hain. unhen sarakash nahin kahate jo desh ki bhalaee ke lie apani jan hatheli par liye phirate hon. hamari badanasibi hai ki jinaki madad karani chahie unaka virodh kar rahe hain. yah ghamnd karane aur khush hone ki bat nahin hai, sharm karane aur rone ki bat hai.

snan samapt hua. juloos yahan se phir ravana hua.

4

shav ko jab khak ke niche sula kar log lautane lage to do baj rahe the. mitthan baee striyon ke sath-sath kuchh door tak to ayi, par kvinsapark men a kar thithak gayi. ghar jane ki ichchha n huee. vah jirn, ahat, raktarnjit shav, mano usake antastal men baitha use dhikkar raha tha. pati se usaka man itana virakt ho gaya tha ki ab use dhikkarane ki bhi usaki ichchha n thi. aise svarthi manushy par bhay ke siva aur kisi chiz ka asar ho sakata hai, isaka use vishvas hi n tha.

vah badi der tak park men ghas par baithi sochati rahi, par apane karttavy ka kuchh nishchay n kar saki. maike ja sakati thi, kintu vahan se mahine-do mahine men phir isi ghar ana padega. nahin, main kisi ki ashrit n banoongi. kya main apane gujar-basar ko bhi nahin kama sakati? usane svayn bhanti-bhanti ki kathinaiyon ki kalpana ki; par aj usaki atma men n jane itana bal kahan se a gaya. in kalpanaon ko dhyan men lana hi use apani kamazori maloom huee.

sahasa use ibrahim ali ki vriddha vidhava ka khayal aya. usane suna tha, unake ladake-bale nahin hain. bechari baithi ro rahi hongi. koee tasalli dene vala bhi pas n hoga. vah unake makan ki or chali. pata usane pahale hi apane sath ki auraton se poochh liya tha. vah dil men sochati jati thi-main unase kaise miloongi, unase kya kahoongi, unhen kin shabdon men samajhaoongi. inhin vicharon men doobi huee vah ibrahim ali ke ghar par pahunch gayi. makan ek gali men tha, saph-suthara; lekin dvar par hasarat baras rahi thi. usane dhadakate hue hriday se andar qadam rakha. samane baramade men ek khat par vah vriddha baithi huee thi, jisake pati ne aj svadhinata ki vedi par apana balidan diya tha. usake samane sade kapade pahane ek yuvak khada, ankhon men ansoo bhare vriddha se baten kar raha tha. mitthan us yuvak ko dekh kar chaunk padi-vah birabal sinh the.

usane krodhamay ashchary se poochha-tum yahan kaise aye?

birabal sinh ne kaha-usi tarah jaise tum ayin. apane aparadh kshama karane aya hoon !

mitthan ke gore mukhade par aj garv, ullas aur prem ki jo ujjval vibhooti najar ayi, vah akathaniy thi ! aisa jan pada, mano usake janm-janmantar ke klesh mit gaye hain, vah chinta aur maya ke bndhanon se mukt ho gayi hai.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah