गुप्तधन -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

baboo haridas ka eenton ka pajava shahar se mila hua tha. asapas ke dehaton se saikadon stri-purush, ladake nity ate aur pajave se eent sir par utha kar oopar kataron se sajate. ek adami pajave ke pas ek tokari men kaudiyan lie baitha rahata tha. mazadooron ko eenton ki snkhya ke hisab se kaudiyan bantata. eenten jitani hi zyada hotin utani hi zyada kaudiyan milatin. is lobh men bahut se mazadoor boote ke bahar kam karate. vriddhon aur balakon ko eenton ke bojh se akade hue dekhana bahut karunajanak drishy tha. kabhi-kabhi baboo haridas svny a kar kaudivale ke pas baith jate aur eenten ladane ko protsahit karate. yah drishy tab aur bhi darun ho jata tha jab eenton ki koee asadharan avashyakata a padati. usamen majoori dooni kar di jati aur majoor log apani samarthy se dooni eenten le kar chalate. ek-ek pag uthana kathin ho jata. unhen sir se pair tak pasine men doobe pajave ki rakh chadhaye eenton ka ek pahad sir par rakhe, bojh se dabe dekh kar aisa jan padata tha mano lobh ka bhoot unhen zamin par patak kar unake sir par savar ho gaya hai. sabase karun dasha ek chhote ladake ki thi jo sadaiv apani avastha ke ladakon se dugani eenten uthata aur sare din avishrant parishram aur dhairy ke sath apane kam men laga rahata. usake mukh par aisi dinata chhayi rahati thi, usaka sharir itana krish aur durbal tha ki use dekh kar daya a jati thi. aur ladake baniye ki dookan se gud la kar khate, koee sadak par janevale ikkon aur havagadiyon ki bahar dekhata aur koee vyaktigat sngram men apani jihva aur bahu ke jauhar dikhata, lekin is garib ladake ko apane kam se kam tha. usamen ladakapan ki n chnchalata thi, n shararat, n khiladipan, yahan tak ki usake onthon par kabhi hnsi bhi n ati thi. baboo haridas ko usaki dasha par daya ati. kabhi-kabhi kaudivale ko ishara karate ki use hisab se adhik kaudiyan de do. kabhi-kabhi ve use kuchh khane ko de dete.

ek din unhonne us ladake ko bula kar apane pas baithaya aur usake samachar poochhane lage. gyat hua ki usaka ghar pas hi ke ganv men hai. ghar men ek vriddha mata ke siva koee nahin hai aur vah vriddha bhi kisi purane rog se grast rahati hai. ghar ka sara bhar isi ladake ke sir tha. koee use rotiyan bana kar dene vala bhi n tha. sham ko jata to apane hathon se rotiyan banata aur apani man ko khilata tha. jati ka thakur tha. kisi samay usaka kul dhan-dhany sampann tha. len-den hota tha aur shakkar ka karakhana chalata tha. kuchh zamin bhi thi kintu bhaiyon ki spardha aur vidvesh ne use itani hinavastha ko pahuncha diya ki ab rotiyon ke lale the. ladake ka nam maganasinh tha.

haridas ne poochha- ganvavale tumhari kuchh madad nahin karate?

magan- vah, unaka vash chale to mujhe mar dalen. sab samajhate hain ki mere ghar men rupaye gade hain.

haridas ne utsukata se poochha- purana gharana hai, kuchh-n-kuchh to hoga hi. tumhari man ne is vishay men tumase kuchh nahin kaha ?

magan- babooji nahin, ek paisa bhi nahin. rupaye hote to amman itani takaliph kyon uthatin.

baboo haridas maganasinh se itane prasann hue ki majooron ki shreni se utha kar apane naukaron men rakh liya. use kaudiyan bantane ka kam diya aur pajave men munshi ji ko takid kar di ki ise kuchh padhana-likhana sikhaie. anath ke bhagy jag uthe.

maganasinh bada karttavyashil aur chatur ladaka tha. use kabhi der n hoti, kabhi naga n hota. thode hi dinon men usane baboo sahab ka vishvas prapt kar liya. likhane-padhane men bhi kushal ho gaya.

barasat ke din the. pajave men pani bhara hua tha. karabar bnd tha. maganasinh tin dinon se gairahajir tha. haridas ko chinta huee, kya bat hai, kahin bimar to nahin ho gaya, koee durghatana to nahin ho gayi ? kee adamiyon se poochhatachh ki, par kuchh pata n chala ! chauthe din poochhate-poochhate maganasinh ke ghar pahunche. ghar kya tha purani samriddhi ka dhvnsavashesh matr tha. unaki avaz sunate hi maganasinh bahar nikal aya. haridas ne poochha- kee din se aye kyon nahin, mata ka kya hal hai ?

maganasinh ne avaruddh knth se uttar diya- amman ajakal bahut bimar hai, kahati hai ab n bachoongi. kee bar apako bulane ke lie mujhase kah chuki hai, par main snkoch ke mare apake pas n ata tha. ab ap saubhagy se a gaye hain to jara chal kar use dekh lijie. usaki lalasa bhi poori ho jay.

haridas bhitar gaye. sara ghar bhautik nissarata ka parichayak tha. surkhi, knkad, eenton ke dher charon or pade hue the. vinash ka pratyaksh svaroop tha. keval do kothariyan gujar karane layaq thin. maganasinh ne ek kothari ki or unhen ishare se bataya. haridas bhitar gaye to dekha ki vriddha ek sade hue kath ke tukade par padi karah rahi hai.

unaki ahat pate hi ankhen kholin aur anuman se pahachan gayi, boli- ap a gaye, badi daya ki. apake darshanon ki badi abhilasha thi, mere anath balak ke nath ab ap hi hain. jaise apane ab tak usaki raksha ki hai, vah nigah us par sadaiv banaye rakhiega. meri vipitt ke din poore ho gaye. is mitti ko par laga dijiega. ek din ghar men lakshmi ka vas tha. adin aye to unhonne bhi ankhe pher lin. purakhon ne isi din ke lie kuchh thati dharati mata ko saunp di thi. usaka bijak bade yatn se rakha tha; par bahut dinon se usaka kahin pata n lagata tha. magan ke pita ne bahut khoja par n pa sake, nahin to hamari dasha itani hin n hoti. aj tin din hue mujhe vah bijak ap hi ap raddi kagajon men mil gaya. tab se use chhipa kar rakhe hue hoon, magan bahar hai. mere sirahane jo sndook rakhi hai, usi men vah bijak hai. usamen sab baten likhi hain. usi se thikane ka bhi pata chalega. avasar mile to use khudava daliega. magan ko de dijiega. yahi kahane ke lie apako bar-bar bulavati thi. apake siva mujhe kisi par vishvas n tha. snsar se dharm uth gaya. kisaki niyat par bharosa kiya jay.

haridas ne bijak ka samachar kisi se n kaha. niyat bigad gayi. doodh men makkhi pad gayi. bijak se gyat hua ki dhan us ghar se 500 dag pashchim ki or ek mndir ke chabootare ke niche hai.

haridas dhan ko bhogana chahate the, par is tarah ki kisi ko kanon-kan khabar n ho. kam kasht-sadhy tha. nam par dhabba lagane ki prabal ashnka thi jo snsar men sabase badi yntrana hai. kitani ghor nichata thi. jis anath ki raksha ki, jise bachche ki bhanti pala, usake sath vishvasaghat ! kee dinon tak atm-vedana ki pida sahate rahe. ant men kutarkon ne vivek ko parast kar diya. mainne kabhi dharm ka parityag nahin kiya aur n kabhi karoonga. kya koee aisa prani bhi hai jo jivan men ek bar bhi vichalit n hua ho. yadi hai to vah manushy nahin, devata hai. main manushy hoon. mujhe devataon ki pnkti men baithane ka dava nahin hai.

man ko samajhana bachche ko phusalana hai. haridas sanjh ko sair karane ke lie ghar se nikal jate. jab charon or sannata chha jata to mndir ke chabootare par a baithate aur ek kudali se use khodate. din men do-ek bar idhar-udhar tak-jhank karate ki koee chabootare ke pas khada to nahin hai. rat ki nistabdhata men unhen akele baithe eenton ko hatate hue utana hi bhay hota tha jitana kisi bhrasht vaishnav ko amish bhojan se hota hai.

chabootara lamba-chauda tha. use khodate ek mahina lag gaya aur abhi adhi mnzil bhi tay n huee. in dinon unaki dasha us purush ki-si thi jo koee mntr jaga raha ho. chitt par chnchalata chhayi rahati. ankhon ki jyoti tivr ho gayi thi. bahut gum-sum rahate, mano dhyan men hon. kisi se batachit n karate, agar koee chhed kar bat karata to jhunjhala padate. pajave ki or bahut kam jate. vicharashil purush the. atma bar-bar is kutil vyapar se bhagati, nishchay karate ki ab chabootare ki or n jaoonga, par sndhya hote hi un par ek nasha-sa chha jata, buddhi-vivek ka apaharan ho jata. jaise kutta mar kha kar thodi der ke bad tukade ki lalach men ja baithata hai, vahi dasha unaki thi. yahan tak ki doosara mas bhi vyatit hua.

amavas ki rat thi. haridas malin hriday men baithi huee kalima ki bhanti chabootare par baithe hue the. aj chabootara khud jayaga. jara der tak aur mehanat karani padegi. koee chinta nahin. ghar men log chintit ho rahe honge. par abhi nishchit hua jata hai ki chabootare ke niche kya hai. patthar ka tahakhana nikal aya to samajh jaoonga ki dhan avashy hoga. tahakhana n mile to maloom ho jayaga ki sab dhokha hi dhokha hai. kahin sachamuch tahakhana n mile to badi dillagi ho. muft men ulloo banoon. par nahin, kudali khat-khat bol rahi hai. han, patthar ki chattan hai. unhonne tatol kar dekha. bhram door ho gaya. chattan thi. tahakhana mil gaya; lekin haridas khushi se uchhale-koode nahin.

aj ve laute to sir men dard tha. samajhe thakan hai. lekin yah thakan nind se n gayi. rat ko hi unhen zor se bukhar ho gaya. tin din tak jvar men pade rahe. kisi dava se fayada n hua.

is rugnavastha men haridas ko bar-bar bhram hota tha kahin yah meri trishna ka dnd to nahin hai. ji men ata tha, maganasinh ko bijak de doon aur kshama ki yachana karoon; par bhndaphod hone ka bhay munh bnd kar deta tha. n jane eesa ke anuyayi apane padariyon ke sammukh kaise apane jivan bhar ke papon ki katha sunaya karate the.

haridas ki mrityu ke pichhe yah bijak unake suputr prabhudas ke hath laga. bijak maganasinh ke purakhon ka likha hua hai, isamen leshamatr bhi sndeh n tha. lekin unhonne socha pitaji ne kuchh soch kar hi is marg par pag rakha hoga. ve kitane nitiparayan, kitane satyavadi purush the. unaki niyat par kabhi kisi ko sndeh nahin hua. jab unhonne is achar ko ghrinit nahin samajha to meri kya ginati hai. kahin yah dhan hath a jay to kitane sukh se jivan vyatit ho. shahar ke reeson ko dikha doon ki dhan ka sadupayog kyonkar hona chahie. bade-badon ka sir nicha kar doon. koee ankhen n mila sake. irada pakka ho gaya.

sham hote hi ve ghar se bahar nikale. vahi samay tha, vahi chaukanni ankhen thin aur vahi tej kudali thi. aisa gyat hota tha mano haridas ki atma is naye bhesh men apana kam kar rahi hai.

chabootare ka dharatal pahale hi khud chuka tha. ab sngin tahakhana tha, jodon ko hatana kathin tha. purane jamane ka pakka masala tha; kulhadi uchat-uchat kar laut ati thi. kee dinon men oopar ki dararen khulin, lekin chattanen zara bhi n hilin. tab vah lohe ki chhad se kam lene lage, lekin kee dinon tak zor lagane par bhi chattanen n khisakin. sab kuchh apane hi hathon karana tha. kisi se sahayata n mil sakati thi. yahan tak ki phir vahi amavasya ki rat ayi ! prabhudas ko zor lagate barah baj gaye aur chattanen bhagyarekhaon ki bhanti atal thin.

par, aj is samasya ko hal karana avashyak tha. kahin tahakhane par kisi ki nigah pad jay to mere man ki lalasa man hi men rah jay.

vah chattan par baith kar sochane lage kya karoon, buddhi kuchh kam nahin karati. sahasa unhen ek yukti soojhi, kyon n barood se kam loon ? itane adhir ho rahe the ki kal par is kam ko n chhod sake. sidhe bazar ki taraph chale, do mil ka rasta hava ki tarah tay kiya. par vahan pahunche to dookanen band ho chuki thin. atishabaj hile karane laga. barood is samay nahin mil sakati. sarakari hukm nahin hai. tum kaun ho ? is vakt barood le kar kya karoge ? n bhaiya; koee varadat ho jay to muft men bndha-bndha phiroon, tumhen kaun poochhega ?

prabhudas ki shanti-vritti kabhi itani kathin pariksha men n padi thi. ve ant tak anunay-vinay hi karate rahe, yahan tak ki mudraon ki surili jhnkar ne use vashibhoot kar liya. prabhudas yahan se chale to dharati par panv n padate the.

rat ke do baje the. prabhudas mndir ke pas pahunche. chattanon ki darajon men barood rakh palita laga diya aur door bhage. ek kshan men bade zor ka dhamaka hua. chattan ud gayi. andhera gar samane tha, mano koee pishach unhen nigal jane ke lie munh khole hue hai.

prabhat ka samay tha. prabhudas apane kamare men lete hue the. samane lohe ke sndook men das hazar purani muharen rakhi huee thin. unaki mata sirahane baithi pnkha jhal rahi thin. prabhudas jvar ki jvala se jal rahe the. karavaten badalate the, karahate the, hath-panv patakate the; par ankhen lohe ke sndook ki or lagi huee thin. isi men unake jivan ki ashaen band thin.

maganasinh ab pajave ka munshi tha. isi ghar men rahata tha. a kar bola pajave chaliega ? gadi taiyar karaoon ?

prabhudas ne usake mukh ki or kshama-yachana ki drishti se dekha aur bole nahin, main aj n chaloonga, tabiyat achchhi nahin hai. tum bhi mat jao.

maganasinh unaki dasha dekh kar daktar ko bulane chala.

das bajate-bajate prabhudas ka mukh pila pad gaya. ankhen lal ho gayin. mata ne usaki or dekha to shok se vihval ho gayin. baboo haridas ki antim dasha unaki ankhon men phir gayi. jan padata tha, yah usi shok ghatana ki punaravritti hai ! yah devataon ki manautiyan mana rahi thin, kintu prabhudas ki ankhen usi lohe ke sndook ki or lagi huee thin, jis par unhonne apani atma arpan kar di thi.

unaki stri a kar unake paitane baith gayi aur bilakh-bilakh kar rone lagi. prabhudas ki ankhon se bhi ansoo bah rahe the, par ve ankhen usi lohe ke sndook ki or nirashapoorn bhav se dekh rahi thin.

daktar ne a kar dekha, dava di aur chala gaya, par dava ka asar ulta hua. prabhudas ke hath-panv sard ho gaye, mukh nistej ho gaya, hriday ki gati mnd pad gayi, par ankhen sandook ki or se n hatin.

muhalle ke log jama ho gaye. pita aur putr ke svabhav aur charitr par tippaniyan hone lagin. donon shil aur vinay ke putale the. kisi ko bhool kar bhi kadi bat n kahi. prabhudas ka sampoorn sharir thnda ho gaya tha. pran tha to keval ankhon men. ve ab bhi usi lohe ke sandook ki or satrishn bhav se dekh rahi thin.

ghar men koharam macha hua tha. donon mahilaen pachhaden kha-kha kar girati thin. muhalle ki striyan unhen samajhati thin. any mitragan ankhon par roomal jamaye hue the. javani ki maut snsar ka sabase karun, sabase asvabhavik aur bhaynkar drishy hai. yah vajraghat hai, vidhata ki nirday lila hai. prabhudas ka sara sharir pranahin ho gaya tha, par ankhen jivit thin. ve ab bhi usi sndook ki or lagi huee thin. jivan ne trishna ka roop dharan kar liya tha. sans nikalati hai, par as nahin nikalati.

itane men maganasinh a kar khada ho gaya. prabhudas ki nigah us par padi. aisa jan pada mano unake sharir men phir rakt ka snchar hua. angon men sphoorti ke chihn dikhayi diye. ishare se apane munh ke nikat bulaya, usake kan men kuchh kaha, ek bar lohe ke sandook ki or ishara kiya aur ankhen ulat gayin, pran nikal gaye.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah