एक आँच की कसर -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sare nagar men mahashay yashodanand ka bakhan ho raha tha. nagar hi men nahin, samast prant men unaki kirti gayi jati thi, samachar-patron men tippaniyan ho rahi thin, mitron se prashnsapoorn patron ka tanta laga hua tha. samaj-seva isako kahate hain! unnat vichar ke log aisa hi karate hain. mahashayaji ne shikshit samuday ka mukh ujjval kar diya. ab kaun yah kahane ka sahas kar sakata hai ki hamare neta keval bat ke dhani hain, kam ke dhani nahin! mahashayaji chahate to apane putr ke lie unhen kam-se-kam 20 hazar rupaye dahej men milate, us par khushamad ghate men! magar lala sahab ne sidhdant ke samane dhan ki ratti barabar parava n ki aur apane putr ka vivah bina ek paee dahej liye svikar kiya. vah! vah! himmat ho to aisi ho, sidhdant-prem ho to aisa ho, adarsh-palan ho to aisa ho. vah re sachche vir, apani mata ke sachche sapoot toone vah kar dikhaya jo kabhi kisi ne n kiya tha. ham bade garv se tere samane mastak navate hain.

mahashay yashodanand ke do putr the. bada ladaka padh-likhakar phajil ho chuka tha. usi ka vivah ho raha tha aur jaisa ham dekh chuke hain, bina kuchh dahej liye.

aj var ka tilak tha. shahajahanpur ke mahashay svamidayal tilak lekar ane vale the. shahar ke ganyamany sajjanon ko nimantran de diye the. ve log jama ho gaye the. mahaphil saji huee thi. ek pravin sitariya apana kaushal dikhakar logon ko mugdha kar raha tha. davat ka saman bhi taiyar tha. mitragan yashodanand ko badhaiyan de rahe the.

ek mahashay bole- tumane to yar kamal kar diya!

doosare- kamal! yah kahie ki jhande gad diye. ab tak jise dekha mnch par vyakhyan jhadate hi dekha. jab kam karane ka avasar ata tha to log dum daba lete the.

tisare- kaise-kaise bahane gadhe jate hain- sahab hamen to dahej se sakht napharat hai. yah mere sidhdant ke virudhd hai, par karoon kya, bachche ki ammijan nahin manatin. koee apane bap par phenkata hai, koee aur kisi khurrat par.

chauthe- aji, kitane to aise behaya hain jo saph-saph kah dete hain ki hamane ladake ki shiksha-diksha men jitana kharch kiya hai, vah hamen milana chahie. mano unhonne yah rupaye kisi baink men jama kiye the!

panchaven- khoob samajh raha hoon, ap log mujh par chhinte uda rahe hain. isamen ladakevalon ka hi sara dosh hai ya ladakivale ka bhi kuchh hai?

pahale- ladakivale ka kya dosh hai siva isake ki vah ladaki ka bap hai.

doosare- sara dosh eeshvar ka jisane ladakiyan paida kin. kyon?

panchaven- main yah nahin kahata. n sara dosh ladakivale ka hai, n sara dosh ladakevale ka. donon hi doshi hain. agar ladakivala kuchh n deta to use yah shikayat karane ka to koee adhikar nahin hai ki dal kyon nahin laye, sundar jode kyon nahin laye, baje-gaje aur dhoomadham ke sath kyon nahin aye? bataie!

chauthe- han, apaka yah prashn gaur karane ke layaq hai. meri samajh men to aisi dasha men ladake ke pita se yah shikayat n honi chahie.

panchaven- to yon kahie ki dahej ki pratha ke sath hi dal, gahane aur jodon ki pratha bhi tyajy hai. keval dahej ko mitane ka prayatn karana vyarth hai.

yashodanand- yah bhi lame excuse1 hai. mainne dahej nahin liya hai, lekin kya dal-gahane n le jaoonga.

pahale- mahashay, apaki bat nirali hai. ap apani ginati ham duniyavalon ke sath kyon karate hain? apaka sthan to devataon ke sath hai.

doosare- 20 hazar ki rakam chhod di? kya bat hai!

yashodanand- mera to yah nishchay hai ki hamen sadaiv principles2 par sthir rahana chahie. principles3 ke samane money4 ki koee value5 nahin hai. dahej ki kupratha par mainne khud koee vyakhyan nahin diya, shayad koee not tak nahin likha. han, conference6 men is prastav ko second7 kar chuka hoon aur isalie main apane ko us prastav se bndh hua pata hoon. main use todana bhi chahoon to atma n todane degi. main saty kahata hoon, yah rupaye le loon to mujhe itani manasik vedana hogi ki shayad main is aghat se bach hi n sakoon.

panchaven- ab ki conference apako sabhapati n banaye to usaka ghor anyay hai.

yashodannd- mainne apani duty8 kar di, usaka recognition9 ho ya n ho, mujhe isaki parava nahin.

itane men khabar huee ki mahashay svamidayal a pahunche. log unaka abhivadan karane ko taiyar hue, unhen manasad par la bithaya aur tilak ka snskar arambh ho gaya. svamidayal ne ek dhak ke pattal par nariyal, supari, chaval, pan adi vastuen var ke samane rakhin. brahmanon ne mntr padhe, havan hua aur var ke mathe par tilak laga diya gaya. turnt ghar ki striyon ne mngalacharan gana shuroo kiya. yahan mahaphil men mahashay yashodannd ne ek chauki par khade hokar dahej ki kupratha par vyakhyan dena shuroo kiya. vyakhyan pahale se likhakar taiyar kar liya gaya tha. unhonne dahej ki aitihasik vyakhya ki thi. poorvakal men dahej ka nam bhi n tha. mahashayo! koee janata hi n tha ki dahej ya thaharauni kis chidiya ka nam hai. saty manie, koee janata hi n tha ki thaharauni hai kya chij, pashu ya pakshi, asaman men ya zamin men, khane men ya pine men. badashahi jamane men is pratha ki buniyad padi. hamare yuvak senaon men sammilit hone lage, yah vir log the, senaon men jana garv ki bat samajhate the. mataen apane dularon ko apane hath se shastro se sajakar ranakshetr men bhejati thin. is bhanti yuvakon ki snkhya kam hone lagi aur ladakon ka mol-tol shuroo hua. aj yah naubat a gayi hai ki meri is tuchchh-mahatuchchh seva par patron men tippniyan ho rahi hain mano mainne koee asadharan kam kiya hai. main kahata hoon; agar ap snsar men jivit rahana chahate hain to is pratha ka turnt ant kijie.

ek mahashay ne shnka ki- kya isaka ant kiye bina ham sab mar jayenge?

yashodannd- agar aisa hota to kya poochhana tha, logon ko dnd mil jata aur vastav men aisa hona chahie. yah eeshvar ka atyachar hai ki aise lobhi, dhan par giranevale, burda-farosh, apani sntan ka vikray karanevale naradham jivit hain aur sukhi hain. samaj unaka tiraskar nahin karata. magar vah sab burda-farosh hain- ityadi.

vyakhyan bahut lamba aur hasy se bhara hua tha. logon ne khoob vah-vah ki. apana vaktavy samapt karane ke bad unhonne apane chhote ladake paramannd ko, jisaki avastha koee 7 varsh ki thi, mnch par khada kiya. use unhonne ek chhota-sa vyakhyan likhakar de rakha tha. dikhana chahate the ki is kul ke chhote balak bhi kitane kushagr-budhdi hain. sabha-samajon men balakon se vyakhyan dilane ki pratha hai hi, kisi ko kutoohal n hua. balak bada sundar, honahar, hnsamukh tha. muskarata hua mnch par aya aur jeb se ek kagaz nikalakar bade garv ke sath uchch svar men padhane laga-

'priy bndhuvar,

namaskar.

apake patr se vidit hota hai ki apako mujh par vishvas nahin hai. main eeshvar ko sakshi karake nivedan karata hoon ki nirdisht dhan apaki seva men itani gupt riti se pahunchega ki kisi ko leshamatr bhi sndeh n hoga. han, keval ek jigyasa karane ki dhrisht ta karata hoon. is vyapar ko gupt rakhane se apako jo samman aur pratishtha-labh hoga aur mere nikatavarti men meri jo ninda ki jayagi, usake upalakshy men mere sath kya riayat hogi? mera vinit anurodh hai ki 25 men se 5 nikalakar mere sath nyay kiya jay....'

mahashay yashodannd ghar men mehamanon ke lie bhojan parasane ka adesh karane gaye the. nikale to yah vaky unake kan men pada- ‘25 men se 5 nikal kar mere sath nyay kijie.’ chehara fak ho gaya, jhapatakar ladake ke pas gaye, kagaz usake hath se chhin liya aur bole- nalayak, yah kya padh raha hai, yah to kisi muvakkil ka khat hai jo usane apane mukadame ke bare men likha tha. yah too kahan se utha laya, shaitan, ja vah kagaz la, jo tujhe likhakar diya gaya tha.

ek mahashay- padhane dijie, is taharir men jo lutf hai, vah kisi doosari taqarir men n hoga.

doosare- jadoo vah jo sir par chadh ke bole !

tisare- ab jalasa barakhast kijie. main to chala.

chauthe- yahan bhi chalatoo hue.

yashodannd- baithie-baithie, pattal lagaye ja rahe hain.

pahale- beta paramannd, jara yahan to ana, tumane vah kagaz kahan paya ?

paramannd- babooji hi ne to likhakar apani mej ke andar rakh diya tha. mujhase kaha tha ki ise padhana. ab nahak mujhase khapha ho rahe hain.

yashodannd- vah yah kagaz tha suar ! mainne to mej ke oopar hi rakh diya tha. toone draar men se kyon yah kagaz nikala ?

paramannd- mujhe mej par nahin mila.

yashodannd- to mujhase kyon nahin kaha, draar kyon khola ? dekho, aj aisi khabar leta hoon ki tum bhi yad karoge.

pahale- yah akashavani hai.

doosare- isako lidari kahate hain ki apana ulloo bhi sidha karo aur nekanam bhi bano.

tisare- sharam ani chahie. yah tyag se milata hai, dhokhedhadi se nahin.

chauthe- mil to gaya tha par ek anch ki kasar rah gayi.

panchaven- eeshvar pakhndiyon ko yon hi dnd deta hai.

yah kahate hue log uth khade hue. yashodannd samajh gaye ki bhnda phoot gaya, ab rng n jamega, bar-bar paramanand ko kupit netron se dekhate the aur dnda taulakar rah jate the. is shaitan ne aj jiti-jitayi bazi kho di, munh men kalikh lag gayi, sir nicha ho gaya. goli mar dene ka kam kiya hai.

udhar raste men mitr-varg yon tippaniyan karate ja rahe the-

ek- eeshvar ne munh men kaisi kalima lagayi ki hayadar hoga to ab soorat n dikhaega.

doosara- aise-aise dhani, mani, vidvanh log aise patit ho sakate hain, mujhe to yahi ashchary hai. lena hai to khule khazane lo, kaun tumhara hath pakadata hai; yah kya ki mal bhi chupake-chupake udao aur yash bhi kamao !

tisara- makkar ka munh kala !

chautha- yashodanand par daya a rahi hai. bechare ne itani dhoortata ki, us par bhi kalee khul hi gayi. bas ek anch ki kasar rah gayi.[1]

tika tippani aur sndarbh

  1. 1. thothi dalil 2. sidhdanton 3. sidhdant 4. dhan 5. mooly 6. sabha 7. anumodan 8. karttavy 9. qadar.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah