भाड़े का टट्टू -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

agara kalej ke maidan men sndhya-samay do yuvak hath se hath milaye tahal rahe the. ek ka nam yashavnt tha, doosare ka ramesh. yashavnt diladaul ka ooncha aur balishth tha. usake mukh par snyam aur svasthy ki kanti jhalakati thi. ramesh chhote qad aur ikahare badan ka, tejahin aur durbal adami tha. donon men kisi vishay par bahas ho rahi thi.

yashavnt ne kaha- main atma ke age dhan ka kuchh mooly nahin samajhata.

ramesh bola- badi khushi ki bat hai.

yashavnt- han, dekh lena. tum tana mar rahe ho, lekin main dikhala doonga ki dhan ko kitana tuchchh samajhata hoon.

ramesh- khair, dikhala dena. main to dhan ko tuchchh nahin samajhata. dhan ke lie 15 varshon se kitab chat raha hoon, dhan ke lie man-bap, bhaee-bnd sabase alag yahan pada hoon, n-jane abhi kitani salamiyan deni padengi, kitani khushamad karani padegi. kya isamen atma ka patan n hoga ? main to itane oonche adarsh ka palan nahin kar sakata. yahan to agar kisi mukadame men achchhi rishvat pa jayn to shayad chhod n saken. kya tum chhod doge ?

yashavnt- main usaki or ankh uthakar bhi n dekhoonga aur mujhe vishvas hai ki tum jitane nich banate ho, utane nahin ho.

ramesh- main usase kahin nich hoon, jitana kahata hoon.

yashavnt- mujhe to yakin nahin ata ki svarth ke lie tum kisi ko nukasan pahuncha sakoge ?

ramesh- bhaee, snsar men adarsh ka nirvah keval snnyasi hi kar sakata hai; main to nahin kar sakata. main to samajhata hoon ki agar tumhen dhakka dekar tumase bazi jit sakoon, to tumhen zaroor gira doonga. aur, bura n mano to kah doon, tum bhi mujhe zaroor gira doge. svarth ka tyag karana kathin hai.

yashavnt- to main kahoonga ki tum bhade ke tattoo ho.

ramesh- aur main kahoonga ki tum kath ke ulloo ho.

2

yashavnt aur ramesh sath-sath skool men dakhil hue aur sath-hi-sath upadhiyan lekar kalej se nikale. yashavnt kuchh mndabuddhi, par bala ka mihanati tha. jis kam ko hath men leta, usase chimat jata aur use poora karake hi chhodata. ramesh tej tha, par alasi. ghnte-bhar bhi jamakar baithana usake lie mushkil tha. em.e. tak to vah age raha aur yashavnt pichhe, mehanat buddhi-bal se parast hoti rahi; lekin sivil-sarvis men pansa palat gaya. yashavnt sab dhndhe chhodakar kitabon par pil pada; ghoomana-phirana, sair-sapata, sarakas-thietar, yar-dost, sabase munh modakar apane ekant kutir men ja baitha. ramesh doston ke sath gap-shap udata, kriket khelata raha. kabhi-kabhi manornjan ke taur par kitab dekh leta. kadachith use vishvas tha ki ab ki bhi meri teji bazi le jayagi. aksar jakar yashavnt ko dik karata. usaki kitab bnd kar deta; kahata, kyon pran de rahe ho ? sivil-sarvis koee mukti to nahin hai, jisake lie duniya se nata tod liya jay ! yahan tak ki yashavnt use ate dekhata, to kivaden bnd kar leta.

akhir pariksha ka din a pahuncha. yashavnt ne sabakuchh yad kiya tha, par kisi prashn ka uttar sochane lagata, to use maloom hota, mainne jitana padha tha, sab bhool gaya. vah bahut ghabaraya hua tha. ramesh pahale se kuchh sochane ka adi n tha. sochata, jab paracha samane ayega, us vakt dekha jayaga. vah atmavishvas se phoola-phoola phirata tha.

pariksha ka phal nikala, to sust kachhua tej kharagosh se bazi mar le gaya tha.

ab ramesh ki ankhen khulin par vah hatash n hua. yogy adami ke lie yash aur dhan ki kami nahin, yah usaka vishvas tha. usane qanoon ki pariksha ki taiyari shuroo ki aur yadyapi usane bahut zyada mihanat n ki, lekin avval daraje men pas hua. yashavnt ne usako badhaee ka tar bheja. ab ek zile ka aphasar ho gaya tha.

3

das sal gujar gaye. yashavnt dilojan se kam karata tha aur usake aphasar usase bahut prasann the. par aphasar jitane prasann the, matahat utane hi aprasann rahate the. vah khud jitani mihanat karata tha, matahaton se bhi utani hi mihanat lena chahata tha, khud jitana belaus tha, matahaton ko bhi utana hi belaus banana chahata tha. aise adami bade karagujar samajhe jate hain. yashavnt ki karagujari ka aphasaron par sikka jamata jata tha. panch varshon men hi vah zile ka jaj bana diya gaya.

ramesh itana bhagyashali n tha. vah jis ijalas men vakalat karane jata, vahin asaphal rahata. hakim ko niyat samay par ane men der ho jati, to khud bhi chal deta, aur phir bulane se bhi n ata. kahata- agar hakim vakt ki pabndi nahin karata, to main kyon karoon ? mujhe kya garaj padi hai ki ghnton unake ijalas par khada unaki rah dekha karoon ? bahas itani nirbhikata se karata ki khushamad ke adi hukkam ki nigahon men usaki nirbhikata gustakhi maloom hoti. sahanashilata use chhoo nahin gayi thi. hakim ho ya doosare paksh ka vakil, jo usake munh lagata, usaki khabar leta tha. yahan tak ki ek bar vah jila-jaj hi se lad baitha. phal yah hua ki usaki sanad chhin li gayi. kintu muvakkilon ke hriday men usaka samman jyon-ka-tyon raha.

tab usane agara-kalej men shikshak ka pad prapt kar liya. kintu yahan bhi durbhagy ne sath n chhoda. prinsipal se pahale hi din khatapat ho gayi. prinsipal ka siddhant yah tha ki vidyarthiyon ko rajaniti se alag rahana chahie. vah apane kalej ke kisi chhatr ko kisi rajanitik jalase men sharik n hone dete. ramesh pahale hi din se is agya ka khullamakhulla virodh karane laga. usaka kathan tha ki agar kisi ko rajanitik jalason men shamil hona chahie, to vidyarthi ko. yah bhi usaki shiksha ka ek ang hai. any deshon men chhatron ne yugantar upasthit kar diya hai, to is desh men kyon unaki jaban bnd ki jati hai. isaka phal yah hua ki sal khatam hone ke pahale hi ramesh ko istipha dena pada. kintu vidyarthiyon par usaka dabav til bhar bhi kam n hua.

is bhanti kuchh to apane svabhav aur kuchh paristhitiyon ne ramesh ko mar-marakar hakim bana diya. pahale muvakkilon ka paksh lekar adalat se lada, phir chhatron ka paksh lekar prinsipal se rar mol li, aur ab praja ka paksh lekar sarakar ko chunauti di. vah svabhav se hi nirbhik, adarshavadi, satyabhakt tatha atmabhimani tha. aise prani ke lie praja sevak banane ke siva aur upay hi kya tha ? samachar-patron men vartaman paristhiti par usake lekh nikalane lage. usaki alochanaen itani spasht, itani vyapak aur itani marmik hoti thin ki shighr hi usaki kirti phail gayi. log man gaye ki is kshetr men ek nayi shakti ka uday hua hai. adhikari log usake lekh padh kar tilamila uthate the. usaka nishana itana thik baithata tha ki usase bach nikalana asnbhav tha. atishayoktiyan to unake siron par se sanasanati huee nikal jati thin. unaka ve door se tamasha dekh sakate the, abhigytaon ki ve upeksha kar sakate the. ye sab shastre unake pas pahunchate hi n the, raste hi men gir padate the. par ramesh ke nishane siron par baithate aur adhikariyon men halachal aur hahakar macha dete the.

desh ki rajanitik sthiti chintajanak ho rahi thi. yashavnt apane purane mitr ke lekhon ko padh-padhakar kanp uthate the. bhay hota, kahin vah qanoon ke pnje men n a jay. bar-bar use snyat rahane ki takid karate, bar-bar minnaten karate ki jara apani kalam ko aur naram kar do, jan-boojhakar kyon vishadhar qanoon ke munh men ungali dalate ho ? lekin ramesh ko netritv ka nasha chadha hua tha. vah in patron ka javab tak n deta tha.

panchaven sal yashavnt badalakar agare ka jila-jaj ho gaya.

4

desh ki rajanitik dasha chintajanak ho rahi thi. khuphiya-pulis ne ek toofan khada kar diya tha. usaki kapol-kalpit kathaen sun-sunakar hukkamon ki rooh phana ho rahi thi. kahin akhabaron ka munh bnd kiya jata tha, kahin praja ke netaon ka. khuphiya-pulis ne apana ulloo sidha karane ke lie hukkamon ke kuchh is tarah kan bhare ki unhen har ek svatntr vichar rakhanevala adami khooni aur katil najar ata tha.

ramesh yah andher dekhakar chup baithanevala manushy n tha. jyon-jyon adhikariyon ki nirnkushata badhati thi, tyon-tyon usaka bhi josh badhata tha. roj kahin n kahin vyakhyan deta aur usake prayah sabhi vyakhyan vidrohatmak bhavon se bhare hote the. spasht aur khari baten kahana hi vidroh hai ! agar kisi ka rajanitik bhashan vidrohatmak nahin mana gaya, to samajh lo, usane apane antarik bhavon ko gupt rakha hai. usake dil men jo kuchh hai, use jaban par lane ka sahas usamen nahin hai. ramesh ne manobhavon ko gupt rakhana sikha hi n tha. praja ka neta banakar jel aur phansi se darana kya ! jo aphat ani ho, ave. vahasab kuchh sahane ko taiyar baitha tha. adhikariyon ki ankhon men bhi vahi sabase zyada gada hua tha.

ek din yashavnt ne ramesh ko apane yahan bula bheja. ramesh ke ji men to aya ki kah den, tumhen ate kya sharam ati hai ? akhir ho to gulam hi. lekin phir kuchh sochakar kahala bheja, kal sham ko aoonga. doosare din vah thik 6 baje yashavnt ke bngale par ja pahuncha. usane kisi se isaka zikr n kiya. kuchh to yah khayal tha ki log kahenge, main aphasaron ki khushamad karata hoon aur kuchh yah ki shayad isase yashavnt ko koee hani pahunche.

vah yashavnt ke bngale par pahuncha to chirag jal chuke the. yashavnt ne akar use gale se laga liya. adhi rat tak donon mitron men khoob baten hoti rahin. yashavnt ne itane men naukari ke jo anubhav prapt kiye the, sab bayan kiye. ramesh ko yah janakar ashchary hua ki yashavnt ke rajanitik vichar kitane vishayon men mere vicharon se bhi zyada svatntr hain. usaka yah khayal bilakul galat nikala ki vah bilakul badal gaya hoga, vafadari ke rag alapata hoga.

ramesh ne kaha- bhale adami, jab itane jale hue ho, to chhod kyon nahin dete naukari ? aur kuchh n sahi, apani atma ki raksha to kar sakoge !

yashavnt- meri chinta pichhe karana, is samay apani chinta karo. mainne tumhen savadhan karane ko bulaya hai. is vakt sarakar ki najar men tum betarah khatak rahe ho. mujhe bhay hai ki tum kahin pakade n jao.

ramesh- isake lie to taiyar baitha hoon.

yashavnt- akhir ag men koodane se labh hi kya ?

ramesh- hani-labh dekhana mera kam nahin. mera kam to apane karttavy ka palan karana hai.

yashavnt- hathi to tum sada ke ho, magar mauqa najuk hai, snbhale rahana hi achchha hai. agar main dekhata ki janata men vastavik jagriti hai, to tumase pahale maidan men ata. par jab dekhata hoon ki apane hi mare svarg dekhana hai, to age qadam rakhane ki himmat nahin padati.

donon doston ne der tak baten kin. kalej ke din yad aye. sahapathiyon ke lie kalej ki purani smritiyan manornjan aur hasy ka aviral srot huakarati hain. adhyapakon par alochanaen hueen; kaun-kaun sathi kya kar raha hai, isaki charcha huee. bilakul yah maloom hota tha ki donon ab bhi kalej ke chhatr hain. gambhirata nam ko bhi n thi.

rat zyada ho gayi. bhojan karate-karate ek baj gaya. yashavnt ne kaha- ab kahan jaoge, yahin so raho aur baten hon. tum to kabhi ate bhi nahin ?

ramesh to ramate jogi the hi; khana khakar bat karate-karate so gaye. nind khuli, to 9 baj gaye the. yashavnt samane khade muskara rahe the.

isi rat ko agare men bhaynkar daka pad gaya.

5

ramesh das baje ghar pahunche to dekha, pulis ne unaka makan gher rakha hai. inhen dekhate hi ek aphasar ne varnt dikhaya. turnt ghar ki talashi hone lagi. maloom nahin, kyonkar ramesh ke mej ki daraj men ek pistaul nikal aya. phir kya tha, hathon men hathakadi pad gayi. ab kise unake dake men sharik hone se inakar ho sakata tha ? aur bhi kitane hi adamiyon par aphat ayi. sabhi pramukh neta chun liye gaye. mukadama chalane laga.

auron ki bat ko eeshvar jane par ramesh niraparadh tha. isaka usake pas aisa prabal praman tha, jisaki satyata se kisi ko inakar n ho sakata tha. par kya vah is praman ka upayog kar sakata tha ?

ramesh ne socha, yashavnt svayn mere vakil dvara saphaee ke gavahon men apana nam likhane ka prastav karega. mujhe nirdosh janate hue vah kabhi mujhe jel n jane dega. vah itana hriday-shoony nahin hai. lekin din gujarate jate the aur yashavnt ki or se is prakar ka koee prastav n hota tha; aur ramesh khud snkochavash usaka nam likhate hue darate the. n-jane isamen use kya badha ho. apani raksha ke lie vah use snkat men n dalana chahate the.

yashavnt hriday-shoony n the, bhav-shoony n the, lekin karm-shoony avashy the. unhen apane param mitr ko nirdosh mare jate dekhakar duahkh hota tha, kabhi-kabhi ro padate the; par itana sahas n hota tha ki saphaee dekar use chhuda len. n-jane aphasaron ka kya khayal ho ! kahin yah n samajhane lagen ki main bhi shadyntr kariyon se sahanubhooti rakhata hoon, mera bhi unake sath kuchh sampark hai. yah mere hindustani hone ka dnd hai ! janakar zahar nigalana pad raha hai. pulis ne aphasaron par itana atnk jama diya ki chahe meri shahadat se ramesh chhoot bhi jay, khullamakhulla mujh par avishvas n kiya jay, par dilon se yah sndeh kyonkar door hoga ki mainne keval ek svadesh-bndhu ko chhudane ke lie jhoothi gavahi di? aur bndhu bhi kaun ? jis par raj-vidroh ka abhiyog hai!

isi soch-vichar men ek mahina gujar gaya. udhar majistret ne yah mukadama yashavnt hi ke ijalas men bhej diya. dake men kee khoon ho gaye the. aur majistret ko utani hi kadi sajaen dene ka adhikar n tha jitani usake vichar men di jani chahie thin.

6

yashavnt ab bade snkat men pada. usane chhutti leni chahi; lekin mnjoor n huee. sivil sarjan angrej tha. is vajah se usaki sanad lene ki himmat n padi. bala sir par a padi thi aur usase bachane ka upay n soojhata tha.

bhagy ki kutil krida dekhie. sath khele aur sath padhe hue do mitr ek-doosare ke sammukh khade the, keval ek kathaghare ka antar tha. par ek ki jan doosare ki mutthi men thi. donon ki ankhen kabhi char n hotin. donon sir nicha kiye rahate the. yadyapi yashavnt nyay ke pad par tha, aur ramesh mulajim, lekin yatharth men dasha isake pratikool thi. yashavnt ki atma lajja, glani aur manasik pida se tadapati thi aur ramesh ka mukh nirdoshita ke prakash se chamakata rahata tha.

donon mitron men kitana antar tha. ek udar tha. doosara kitana svarthi. ramesh chahata, to bhari adalat men us rat ki bat kah deta. lekin yashavnt janata tha, ramesh phansi se bachane ke lie bhi us praman ka ashray n lega, jise main gupt rakhana chahata hoon.

jab tak mukadame ki peshiyan hoti rahin, tab tak yashavnt ko asahy marm-vedana hoti rahi. usaki atma aur svarth men nity sngram hota rahata tha; par phaisale ke din to usaki vahi dasha ho rahi thi, jo kisi khoon ke aparadhi ki ho. ijalas par jane ki himmat n padati thi. vah tin baje kachahari pahuncha. mulajim apana bhagy-nirnay sunane ko taiyar khade the. ramesh bhi aj roj se zyada udas tha. usake jivan-sngram men vah avasar a gaya tha, jab usaka sir talavar ki dhar ke niche hoga. ab tak bhay sookshm roop men tha, aj usane sthool roop dharan kar liya tha.

yashavnt ne dridh svar men phaisala sunaya. jab usake mukh se ye shabd nikale ki rameshachandr ko 7 varsh ka kathin karavas, to usaka gala rundh gaya. usane tajaviz mej par rakh di. kursi par baithakar pasina ponchhane ke bahane ankhon men umade hue ansuon ko ponchha. isake age taj biz usase n padhi gayi.

7

ramesh jel se nikalakar pakka krantivadi ban gaya. jel ki andheri kothari men din-bhar ke kathin parishram ke bad vah donon ke upakar aur sudhar ke manasoobe bandha karata tha. sochata, manushy kyon pap karata hai ? isalie n ki snsar men itani vishamata hai. koee to vishal bhavanon men rahata hai aur kisi ko ped ki chhanh bhi mayassar nahin. koee resham aur ratnon se madha hua hai, kisi ko phata vastr bhi nahin. aise nyay-vihin snsar men yadi chori, hatya aur adharm hai to yah kisaka dosh hai ? vah ek aisi samiti kholane ka svapn dekha karata, jisaka kam snsar se is vishamata ko mita dena ho. snsar sabake lie hai aur usamen sabako sukh bhogane ka saman adhikar hai. n daka, daka hai, n chori, chori. dhani agar apana dhan khushi se nahin bant deta, to usaki ichchha ke viruddh bant lene men kya pap ! dhani use pap kahata hai to kahe. usaka banaya hua qanoon dand dena chahata hai, to de. hamari adalat bhi alag hogi. usake samane ve sabhi manushy aparadhi honge jinake pas zaroorat se zyada sukh-bhog ki samagriyan hain. ham bhi unhen dnd denge, ham bhi unase kadi mihanat lenge. jel se nikalate hi usane is samajik kranti ki ghoshana kar di. gupt sabhaen banane lagin, shastras jama kiye jane lage aur thode hi dinon men dakon ka bazar garam ho gaya. pulis ne usaka pata lagana shuroo kiya. udhar krantikariyon ne pulis par bhi hath saf karana shuroo kiya. unaki shakti din-din badhane lagi. kam itani chaturaee se hota tha ki kisi ko aparadhi ka kuchh surag n milata. ramesh kahin garibon ke lie davakhane kholata, kahin baink. dake ke rupayon se usane ilake kharidana shuroo kiya. jahan koee ilaka nilam hota vah use kharid leta. thode hi dinon men usake adhin ek badi jayadad ho gayi. isaka napha garibon ke upakar men kharch hota tha. turra yah ki sabhi janate the, yah ramesh ki karamat hai, par kisi ki munh kholane ki himmat n hoti thi. sabhy-samaj ki drishti men ramesh se zyada ghrinit aur koee prani snsar men n tha. log usaka nam sunakar kanon par hath rakh lete the. shayad use pyason marata dekhakar koee ek boond pani bhi usake munh men n dalata lekin kisi ki mazal n thi ki us par akshep kar sake.

is tarah kee sal gujar gaye. sarakar ne dakuon ka pata lagane ke lie bade-bade inam rakhe. yorop se gupt pulis ke siddhahast adamiyon ko bula kar is kam par niyukt kiya. lekin gajab ke dakait the, jinaki hikamat ke age kisi ki kuchh n chalati thi.

par ramesh khud apane siddhanton ka palan n kar saka. jyon-jyon din gujarate the, use anubhav hota tha ki mere anuyayiyon men asntosh badhata jata hai. unamen bhi jo zyada chatur aur sahasi the, ve doosaron par rob jamate aur loot ke mal men barabar hissa n dete the. yahan tak ki ramesh se kuchh log jalane lage. vah rajasi that se rahata tha. log kahate use hamari kamaee ko yon udane ka kya adhikar hai ? natija yah hua ki apas men phoot pad gayi.

rat ka vakt tha; kali ghata chhayi huee thi. ek yuvak ne kaha- ap bar-bar mujhi ko kyon chunate hain ? hissa lenevale to sabhi hain, main hi kyon bar-bar apani jan jokhim men daloon ?

ramesh ne dridhata se kaha- isaka nishchay karana mera kam hai ki kaun kahan bheja jay. tumhara kam keval meri agya ka palan hai.

yuvak- agar mujhase kam zyada liya jata hai, to hissa kyon nahin zyada diya jata ?

ramesh ne usaki tyoriyan dekhin aur chupake se pistaul hath men lekar bole- isaka phaisala vahan se lautane ke bad hoga.

yuvak- main jane se pahale isaka phaisala karana chahata hoon.

ramesh ne isaka javab n diya. vah pistaul se usaka kam tamam kar dena hi chahate the ki yuvak khidaki se niche kood pada aur bhaga. koodane-phandane men usaka jod n tha. chalati relagadi se phand padana usake bayen hath ka khel tha.

vah vahan se sidha gupt pulis ke pradhan ke pas pahuncha.

8

yashavnt ne bhi penshan lekar vakalat shuroo ki thi. nyay-vibhag ke sabhi logon se unaki mitrata thi. unaki vakalat bahut jald chamak uthi. yashavnt ke pas lakhon rupaye the. unhen penshan bhi bahut milati thi. vah chahate, to ghar baithe anand se apani umr ke baki din kat dete. desh aur jati ki kuchh seva karana bhi unake lie mushkil n tha. aise hi purushon se niahsvarth seva ki asha ki ja sakati hai. par yashavnt ne apani sari umr rupaye kamane men gujari thi, aur vah ab koee aisa kam n kar sakate the, jisaka phal rupayon ki soorat men n mile.

yon to sara sabhy-samaj ramesh se ghrina karata tha, lekin yashavnt sabase badha hua tha. kahata, agar kabhi ramesh par mukadama chalega, to main bina phis liye sarakar ki taraph se pairavi karoonga. khullamakhulla ramesh par chhinte udaya karata- yah adami nahin, shaitan hai; rakshas hai; aise adami ka to munh n dekhana chahie ! uphh ! isake hathon kitane bhale gharon ka sarvanash ho gaya. kitane bhale adamiyon ke pran gaye. kitani striyan vidhava ho gayin. kitane balak anath ho gaye. adami nahin, pishach hai. mera bas chale, to ise goli mar doon, jita chunava doon.

9

sare shahar men shor macha hua tha- ramesh baboo pakade gaye ! bat sachchi thi. ramesh chupachap pakada gaya tha. usi yuvak ne, jo ramesh ke samane koodakar bhaga tha, pulis ke pradhan se sara kachcha chittha bayan kar diya tha. apaharan aur hatya ka kaisa romanchakari, kaisa paishachik, kaisa papapoorn vrittant tha.

bhadr samuday bagalen bajata tha. sethon ke gharon men ghi ke chirag jalate the. unake sir par ek nngi talavar latakati rahati thi, aj vah hat gayi. ab ve mithi nind so sakate the.

akhabaron men ramesh ke hathaknde chhapane lage. ve baten jo ab tak mare bhay ke kisi ki jaban par n ati thin, ab akhabaron men nikalane lagin. unhen padhakar pata chalata tha ki ramesh ne kitana andher macha rakha tha. kitane hi raje aur rees use mahavar taiks diya karate the. usaka puraja pahunchata, phalan tarikh ko itane rupaye bhej do phir kisaki majal thi ki usaka hukm tal sake. vah janata ke hit ke lie jo kam karata, usake lie bhi amiron se chnde liye the. rakam likhana ramesh ka kam tha. amir ko bina kan-poonchh hilaye vah rakam de deni padati thi.

lekin bhadr samuday jitana hi prasann tha, janata utani hi dukhi thi. ab kaun pulisavalon ke atyachar se unaki raksha karega ? kaun sethon ke julm se unhen bachayega, kaun unake ladakon ke lie kala-kaushal ke madarase kholega ? ve ab kisake bal par koodenge ? ve ab anath the. vahi unaka avalamb tha. ab ve kisaka munh takenge ? kisako apani phariyad sunayenge ?

pulis shahadaten jama kar rahi thi. sarakari vakil joron se mukadama chalane ki taiyariyan kar raha tha. lekin ramesh ki taraph se koee vakil n khada hota tha. jile-bhar men ek hi adami tha, jo use qanoon ke pnje se chhuda sakata tha. vah tha yashavnt ! lekin yashavnt jisake nam se kanon par ungali rakhata tha, kya usi ki vakalat karane ko khada hoga ? asambhav.

rat ke 9 baje the. yashavnt ke kamare men ek stri ne pravesh kiya. yashavnt akhabar padh raha tha. bola- kya chahati ho ?

stri- apane pati ke lie ek vakil.

yashavnt- tumhara pati kaun hai ?

stri- vah jo apake sath padhata tha, aur jis par dake ka jhootha abhiyog chalaya janevala hai.

yashavnt ne chaunkakar poochha- tum ramesh ki stri ho ?

stri- han.

yashavnt- main unaki vakalat nahin kar sakata.

stri- apako akhtiyar hai. ap apane zile ke adami hain, aur mere pati ke mitr rah chuke hain. isalie socha tha, kyon baharavalon ko bulaoon. magar ab ilahabad ya kalakatte se hi kisi ko bulaoongi.

yashavnt- mihanatana de sakogi ?

stri ne abhiman ke sath kaha- bade-se-bade vakil ka mihanatana kya hota hai ?

yashavnt- tin hazar rupaye roj.

stri- bas ! ap is mukadame ko le len, main apako tin hazar rupaye roj doongi.

yashavnt- tin hazar rupaye roj !

stri- han, aur yadi apane unhen chhuda liya, to pachas hazar rupaye apako inam ke taur par aur doongi.

yashavnt ke munh men pani bhar aya. agar mukadama do mahine bhi chala, to kam-se-kam ek lakh rupaye sidhe ho jaynge. puraskar oopar se, poore do lakh ki goti hai. itana dhan to zindagi-bhar men bhi jama n kar paye the. magar duniya kya kahegi. apani atma bhi to nahin gavahi deti. aise adami ko qanoon ke pnje se bachana asnkhy praniyon ki hatya karana hai. lekin goti do lakh ki hai. kuchh ramesh ke phns jane se is jatthe ka ant to hua nahin jata. usake chele-chapad to rahenge hi. shayad ve ab aur bhi upadrav machayen. phir main do lakh ki goti kyon jane doon ! lekin mujhe kahin munh dikhane ko jagah n rahegi. n sahi. jisaka ji chahe khush ho jisaka ji chahe naraj. ye do lakh to nahin chhode jate. kuchh main kisi ka gala to dabata nahin, chori to karata nahin ? aparadhiyon ki raksha karana to mera kam hi hai.

sahasa stri ne poochha- ap javab dete hain ?

yashavnt- main kal javab doonga. jara soch loon.

stri- nahin, mujhe itani phurasat nahin hai. agar apako kuchh ulajhan ho to saph-saph kah dijiega, main aur prabndh karoon.

yashavnt ko aur vichar karane ka avasar n mila. jaldi ka phaisala svarth hi ki or jhukata hai. yahan hani ki sambhavana nahin rahati.

yashavnt- ap kuchh rupaye peshagi ke de sakati hain ?

stri- rupayon ki mujhase bar-bar charcha n kijie. unaki jan ke samane rupayon ki hasti kya hai ! ap jitani rakam chahen, mujhase le len. ap chahe unhen chhuda n saken lekin sarakar ke dant khatte zaroor kar den.

yashavnt- khair, main hi vakil ho jaoonga. kuchh purani dosti ka nirvah bhi to karana chahie.

10

pulis ne edi-choti ka zor lagaya, saikadon shahadaten pesh kin. mukhabir ne to poori gatha hi suna di; lekin yashavnt ne kuchh aisi dalilen kin; shahadaton ko kuchh is tarah jhootha siddh kiya aur mukhabir ki kuchh aisi khabar li ki ramesh bedag chhoot gaye. un par koee aparadh n siddh ho saka. yashavnt jaise snyat aur vicharashil vakil ka unake paksh men khade ho jana hi isaka praman tha ki sarakar ne galati ki.

sndhya ka samay tha. ramesh ke dvar par shamiyana tana hua tha. garibon ko bhojan karaya ja raha tha. mitron ki davat ho rahi thi. yah ramesh ke chhootane ka utsav tha. yashavnt ko charon or se dhanyavad mil rahe the. ramesh ko badhaiyan di ja rahi thin. yashavnt bar-bar ramesh se bolana chahata tha, lekin ramesh unaki or se munh pher lete the. ab tak un donon men ek bat bhi n huee thi.

akhir yashavnt ne ek bar jhunjhalakar kaha- tum to mujhase is tarah ainthe hue ho, mano mainne tumhare sath koee buraee ki hai.

ramesh- aur ap kya samajhate hain ki mere sath bhalaee ki hai ? pahale apane mere is lok ka sarvanash kiya tha, abaki paralok ka kiya. pahale nyay kiya hota, to meri zindagi sudhar jati aur ab jel jane dete, to akabat ban jati.

yashavnt- yah to n kahoge ki is mamale men kitane sahas se kam lena pada.

ramesh- apane sahas se kam nahin liya, svarth se kam liya. ap apane svarth ke bhakt hain. main to apako ‘bhade ka tattoo’ samajhata hoon. mainne apane jivan ka bahut durupayog kiya, lekin use apake jivan se badalane ko kisi dasha men taiyar nahin hoon. ap mujhase dhanyavad ki asha n rakhen.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah