पशु से मनुष्य -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

durga mali daauktar mehara, bar-ait la, ke yahan naukar tha. panch rupaye masik vetan pata tha. usake ghar men stri aur do-tin chhote bachche the. stri padosiyon ke lie gehoon pisa karati thi. do bachche, jo samajhadar the, idhar-udhar se lakadiyan, gehoon, upale chun late the. kintu itana yatn karane par bhi ve bahut takaliph men rahate the. durga, daauktar sahab ki najar bacha kar bagiche se phool chun leta aur bazar men pujariyon ke hath bech diya karata tha. kabhi-kabhi phalon par bhi hath saf kiya karata. yahi usaki oopari amadani thi. isase non-tel adi ka kam chal jata tha. usane kee bar daauktar mahoday se vetan badhane ke lie prarthana ki, parntu daauktar sahab naukar ki vetan-vriddhi ko chhoot ki bimari samajhate the, jo ek se anek ko gras leti hai. ve saf kah diya karate ki, ‘‘bhaee main tumhen bandhe to hoon nahin. tumhara nirvah yahan nahin hota; to aur kahin chale jao, mere lie maliyon ka akal nahin hai.’’ durga men itana sahas n tha ki vah lagi huee roji chhod kar naukari dhoondhane nikalata. isase adhik vetan pane ki asha bhi nahin. isalie vah isi nirasha men pada hua jivan ke din katata aur apane bhagy ko rota tha.

daauktar mahoday ko bagabani se vishesh prem tha. nana prakar ke phool-patte laga rakhe the. achchhe-achchhe phalon ke paudhe darabhnga, malihabad, saharanapur adi sthanon se mngava kar lagaye the. vrikshon ko phalon se lade hue dekh kar unhen hardik annd hota tha. apane mitron ke yahan guladaste aur shak-bhaji ki daliyan tohaphe ke taur par bhijavate rahate the. unhen phalon ko ap khane ka shauq n tha, par mitron ko khilane men unhen asim annd prapt hota tha. pratyek phal ke mausam men mitron ki davat karate, aur ‘pikanik partiyan’ unake manornjan ka pradhan ang thin.

ek bar garmiyon men unhonne apane kee mitron ko am khane ki davat di. malihabadi men suphede ke phal khoob lage hue the. daauktar sahab in phalon ko pratidin dekha karate the. ye pahale hi phale the, isalie ve mitron se unake mithas aur svad ka bakhan sunana chahate the. is vichar se unhen vahi amod tha, jo kisi pahalavan ko apane patthon ke karatab dikhane se hota hai. itane bade sundar aur sukomal suphede svayn unaki nigah se n gujare the. in phalon ke svad ka unhen itana vishvas tha ki ve ek phal chakh kar unaki pariksha karana avashyak n samajhate the, pradhanatah isalie ki ek phal ki kami ek mitr ko rasasvadan se vnchit kar degi.

sndhya ka samay tha, chait ka mahina. mitragan a kar bagiche ke hauz ke kinare kurasiyon par baithe the. barf aur doodh ka prabandh pahale hi se kar liya gaya tha, par abhi tak phal n tode gaye the. daauktar sahab pahale phalon ko ped men lage hue dikhala kar tab unhen todana chahate the, jisamen kisi ko yah sndeh n ho ki phal inake bag ke nahin hain. jab sab sajjan jama ho gaye tab unhonne kaha ap logon ko kasht hoga, par jara chalakar phalon ko ped men latake hue dekhie. bada hi manohar drishy hai. gulab men bhi aisi lochanapriy lali n hogi. rng se svad tapak padata hai. mainne isaki kalam khas malihabad se mngavayi thi aur usaka vishesh riti se palan kiya hai.

mitragan uthe. daauktar sahab age-age chale ravishon ke donon or gulab ki kyariyan thin. unaki chhata dikhate hue ve ant men suphede ke ped ke samane a gaye. magar, ashchary ! vahan ek phal bhi n tha. daauktar sahab ne samajha, shayad vah yah ped nahin hai. do pag aur age chale, doosara ped mil gaya. aur age badhe, tisara ped mila. phir pichhe laute aur ek vismit dasha men suphede ke vriksh ke niche a kar ruk gaye. isamen sandeh nahin ki vriksh yahi hai, par phal kya hue ? bis-pachchis am the, ek ka bhi pata nahin ! mitron ki or aparadhapoorn netron se dekh kar bole ashchary hai ki is ped men ek bhi phal nahin hai. aj subah mainne dekha tha, ped phalon se lada hua tha. yah dekhie, phalon ka dnthal hai. yah avashy mali ki shararat hai. main aj usaki haddiyan tod doonga. us paji ne mujhe kitana dhokha diya ! main bahut lajjit hoon ki ap logon ko vyarth kasht hua. main saty kahata hoon, is samay mujhe jitana duahkh hai, use prakat nahin kar sakata. aise rngile, komal, kamaniy phal mainne apane jivan men kabhi n dekhe the. unake yon lupt ho jane se mere hriday ke tukade hue jate hain.

yah kah kar ve nairashy-vedana se kurasi par baith gaye. mitron ne santvana dete hue kaha naukaron ka sab jagah yahi hal hai. yah jati hi paji hoti hai. ap ham logon ke kasht ka khed n karen. yah suphede n sahi doosare phal sahi.

ek sajjan ne kaha sahab, mujhe to sab am ek hi se maloom hote hain. suphede, mohanabhog, lngade, bambee, phajali, dashahari inamen koee bhed hi nahin maloom hota, n jane ap logon ko kaise unake svad men farq maloom hota hai.

doosare sajjan ne bole yahan bhi vahi hal hai. is samay jo phal mile, vahi mngavaie. jo gaye unaka afasos kya ?

daauktar sahab ne vyathit bhav se kaha amon ki kya kami hai, sara bag bhara pada hai, khoob shauq se khaie aur bandh kar ghar le jaie. ve hain aur kis lie ? par vah ras aur svad kahan ? apako vishvas n hoga, un suphedon par aisa nikhar tha ki seb maloom hote the. seb bhi dekhane men hi sundar hota hai, usamen vah ruchivarddhak lality, vah sudhamay mriduta kahan ! is mali ne aj vah anarth kiya hai ki ji chahata hai namakaharam ko goli mar doon. is vakt samane a jay to adhamua kar doon.

mali bazar gaya hua tha. daau. sahab ne saees se kuchh am tudavaye, mitron ne am khaye, doodh piya aur daauktar sahab ko dhanyavad de kar apane-apane ghar ki rah li. lekin mistar mehara vahan hauz ke kinare hath men hntar lie mali ki bat johate rahe. akriti se jan padata tha mano sakshath krodh moortiman ho gaya tha.

kuchh rat gaye durga bazar se lauta. vah chaukanni ankhon se idhar-udhar dekh raha tha. jyon hi usane daauktar sahab ko hauz ke kinare hath men hntar liye baithe dekha, usake hosh ud gaye. samajh gaya ki chori pakad li gayi. isi bhay se usane bazar men khoob der ki thi. usane samajha tha, daauktar sahab kahin sair karane gaye honge, main chupake katahal ke niche apani jhonpadi men ja baithoonga, sabere kuchh poochhatachh bhi huee to mujhe saphaee dene ka avasar mil jayaga. kah doonga, sarakar, mere jhopade ki talashi le len, is prakar mamala dab jayaga. samay saphal chor ka sabase bada mitr hai. ek-ek kshan use nirdosh siddh karata jata hai. kintu jab vah rnge hathon pakada jata hai tab use bach nikalane ki koee rah nahin rahati. rudhir ke sookhe hue dhabbe rng ke dag ban sakate hain, par taja lohoo ap hi ap pukarata hai. durga ke pair tham gaye, chhati dhadakane lagi. daauktar sahab ki nigah us par pad gayi thi. ab ulate panv lautana vyarth tha.

daauktar sahab use door se dekhate hi uthe ki chal kar usaki khoob marammat karoon. lekin vakil the, vichar kiya ki isaka bayan lena avashyak hai. ishare se nikat bulaya aur poochha suphede ke ped men kee am lage hue the. ek bhi nahin dikhayi deta. kya ho gaye ?

durga ne nirdosh bhav se uttar diya huzoor, abhi main bazar gaya hoon tab tak to sab am lage hue the. itani der men koee tod le gaya ho to main nahin kah sakata.

daauktar tumhara kis par sndeh hai ?

durga sarakar, ab main kise bataoon ! itane naukar-chakar hain, n jane kisaki niyat bigadi ho.

daauktar mera sndeh tumhare oopar hai, agar tod kar rakhe ho to la kar de do ya saph-saph kah do ki mainne tode hain, nahin to main buri tarah pesh aoonga.

chor keval dnd se hi nahin bachana chahata, vah apaman se bhi bachana chahata hai. vah dnd se utana nahin darata jitana apaman se. jab use saja se bachane ki koee asha nahin rahati, us samay bhi vah apane aparadh ko svikar nahin karata. vah aparadhi ban kar chhoot jane se nirdosh ban kar dnd bhogana behatar samajhata hai. durga is samay aparadh svikar karake saja se bach sakata tha, par usane kaha huzoor malik hain, jo chahen karen, par mainne am nahin tode. sarakar hi batayen, itane din mujhe apaki tabedari karate ho gaye, mainne ek patti bhi chhuee hai.

daauktar tum kasam kha sakate ho ?

durga gnga ki kasam jo mainne amon ko hath se chhua bhi ho.

daauktar mujhe is kasam par vishvas nahin hai. tum pahale lote men pani lao, usamen tulasi ki pattiyan dalo, tab kasam kha kar kaho ki agar mainne tode hon to mera ladaka mere kam n aye. tab mujhe vishvas avega.

durga hujaroo sanch ko anch kya, jo kasam kahie khaoonga. jab mainne kam hi nahin kiya to mujh par kasam kya padegi.

daauktar achchha, baten n banao, ja kar pani lao.

daauktar mahoday manav-charitr ke gyata the. sadaiv aparadhiyon se vyavahar rahata tha. yadyapi durga jaban se hekadi ki baten kar raha tha, par usake hriday men bhay samaya hua tha. vah apane jhopade men aya, lekin lote men pani lekar jane ki himmat n huee. usake hath tharatharane lage. aisi ghatanaen yad a gayin jinamen jhoothi gnga uthanevale par daivi kop ka prahar hua tha. eeshvar ke sarvgy hone ka aisa marmasparshi vishvas use kabhi nahin hua tha. usane nishchay kiya, ‘main jhoothi gnga n uthaoonga, yahi n hoga, nikal diya jaoonga. naukari phir kahin n kahin mil jayagi aur naukari bhi n mile to majoori to kahin nahin gayi hai. kudal bhi chalaoonga to sanjh tak adh ser ate ka thikana ho jayaga.’ vah dhire-dhire khali hath daauktar sahab ke samane a kar khada ho gaya !

daauktar sahab ne kade svar se poochha pani laya ?

durga huzoor, main gnga n uthaoonga.

daauktar to tumhara am todana sabit hai !

durga ab sarakar jo chahen, samajhen. man lijie, mainne hi am tode to apaka gulam hi to hoon. rat-din tabedari karata hoon, bal-bachche amon ke lie roven to kahan jaoon. abaki jan bakasi jay, phir aisa kasoor n hoga.

daauktar mahoday itane udar n the. unhonne yahi bada upakar kiya ki durga ko pulis ke havale n kiya aur hntar hi lagaye. usaki is dharmik shraddha ne unhen kuchh narm kar diya tha. magar aise durbal hriday ko apane yahan rakhana asambhav tha. unhonne usi kshan durga ko javab de diya aur usaki adhe mahine ki baki majoori jabt kar li.

kee mas ke pashchath ek din daauktar mehara baboo premashnkar ke bag ki sair karane gaye. vahan se kuchh achchhi-achchhi kalamen lana chahate the. premashnkar ko bhi bagabani se prem tha aur donon manushyon men yahi samanata thi, any sabhi vishayon men ek doosare se bhinn the. premashnkar bade sntoshi, saral, sahriday manushy the. ve kee sal amerika rah chuke the. vahan unhonne krishi-vigyan ka khoob adhyayan kiya tha aur yahan a kar is vritti ko apani jivika ka adhar bana liya tha. manav-charitr aur vartaman samajik sngathan ke vishay men unake vichar vichitr the. isilie shahar ke sabhy samaj men log unaki upeksha karate the aur unhen jhakki samajhate the. isamen sndeh nahin ki unake siddhanton se logon ko ek prakar ki darshanik sahanubhooti thi, par unake kriyatmak hone ke vishay men unhen badi shnka thi. snsar karmakshetr hai, mimansa kshetr nahin. yahan siddhant, siddhant hi rahenge, unaka pratyaksh ghatanaon se sambandh nahin.

daauktar sahab bagiche men pahunche to unhonne premashnkar ko kyariyon men pani dete hue paya. kuen par ek manushy khada pamp se pani nikal raha tha. mehara ne use turnt hi pahachan liya. vah durga mali tha. daauktar sahab ke man men us samay durga ke prati ek vichitr eershya ka bhav utpann hua. jis naradham ko unhonne dnd de kar apane yahan se alag kar diya tha, use naukari kyon mil gayi ? yadi durga is vakt phatehal roni soorat banaye dikhayi deta to daauktar sahab ko us par daya a jati. ve sambhavatah use kuchh inam dete aur premashnkar se usaki prashnsa bhi kar dete. unaki prakriti men daya thi aur apane naukaron par unaki kripadrishti rahati thi. parntu unaki is kripa aur daya men leshamatr bhi bhed n tha, jo apane kutton aur ghodon se thi. is kripa ka adhar nyay nahin, din-palan hai. durga ne unhen dekha, kuen par khade-khade salam kiya aur phir apane kam men lag gaya. usaka yah abhiman daauktar sahab ke hriday men bhale ki bhanti chubh gaya. unhen yah vichar kar atynt krodh aya ki mere yahan se nikalana isake lie hitakar ho gaya. unhen apani sahridayata par jo ghamnd tha, use bada aghat laga. premashnkar jyon hi unase hath mila kar unhen kyariyon ki sair karane lage, tyon hi daauktar sahab ne unase poochha yah adami apake yahan kitane dinon se hai ?

premashnkar yahi 6 ya 7 mahine honge.

daauktar kuchh noch-khasot to nahin karata ? yah mere yahan mali tha. isake hathalapakepan se tng a kar mainne ise nikal diya tha. kabhi phool tod kar bech ata, kabhi paudhe ukhad le jata, aur phalon ka kahana hi kya ? ve isake mare bachate hi n the. ek bar mainne mitron ki davat ki thi. malihabadi suphede men khoob phal lage hue the. jab sab akar baith gaye aur main unhen phal dikhane ke lie le gaya to sare phal gayab ! kuchh n poochhiye, us ghadi kitani bhadd huee ! mainne usi kshan in mahashay ko dutakar batayi. bada hi dagabaj adami hai, aur aisa chatur hai ki isako pakadana mushkil hai. koee vakilon hi jaisa kaiyan adami ho to ise pakad sakata hai. aisi saphaee aur dhithaee se dhulakata hai ki isaka munh dekhate rah jaie. apako bhi to kabhi charaka nahin diya ?

premashnkar ji nahin, kabhi nahin. mujhe isane shikayat ka koee avasar nahin diya. yahan to khoob mehanat karata hai, yahan tak ki dopahar ki chhutti men bhi aram nahin karata. mujhe to is par itana bharosa ho gaya ki sara bagicha is par chhod rakkha hai. din bhar men jo kuchh amadani hoti hai, vah sham ko mujhe de deta hai aur kabhi ek paee ka bhi antar nahin padata.

daauktar yahi to isaka kaushal hai ki apako ulate chhure moonde aur apako khabar bhi nahin. ap ise vetan kya dete hain ?

premashnkar yahan kisi ko vetan nahin diya jata. sab log labh men barabar ke sajhedar hain. mahine bhar men avashyak vyay ke pashchath jo kuchh bachata hai, unamen se 10 ru. prati saikada dharmakhate men dal diya jata hai, shesh rupaye saman bhagon men bant diye jate hain. pichhale mahine men 140 ru. ki amadani huee thi. mujhe mila kar yahan sat adami hain. 20 ru. hisse pade. abaki narngiyan khoob huee hain, matar ki phaliyon, ganne, gobhi adi se achchhi amadani ho rahi hai, 40 ru. se kam n padenge.

daauktar mehara ne ashchary se poochha itane men apaka kam chal jata hai ?

premashnkar ji han, badi sugamata se. main inhin adamiyon ke-se kapade pahanata hoon, inhin ka-sa khana khata hoon aur mujhe koee doosara vyasan nahin hai. yahan 20 ru. masik un aushadhiyon ka kharch hai, jo garibon ko di jati hain. ye rupaye snyukt ay se alag kar liye jate hain, kisi ko koee apatti nahin hoti. yah sayakil jo ap dekhate hain snyukt ay se hi li gayi hai. jise zaroorat hoti hai is par savar hota hai. mujhe ye sab adhik karyakushal samajhate hain aur mujh par poora vishvas rakhate hain. bas main inaka mukhiya hoon. jo kuchh salah deta hoon, use sab manate hain. koee bhi yah nahin samajhata ki main kisi ka naukar hoon. sab-ke-sab apane ko sajhedar samajhate hain aur ji tod kar mihanat karate hain. jahan koee malik hota hai aur doosara unaka naukar to un donon men turnt dvesh paida ho jata hai. malik chahata hai ki isase jitana kam lete bane, lena chahie. naukar chahata hai ki main kam se kam kam karoon, usamen sneh ya sahanubhooti ka nam tak nahin hota. donon yatharth men ek doosare ke shatru hote hain. is pratidvndvita ka dushparinam ham aur ap dekh hi rahe hain. mote aur patale adamiyon ke prithakh-prithakh dal ban ge hain aur unamen ghor sngram ho raha hai. kal-chihnon se gyat hota hai ki yah pratidvndvita ab kuchh hi dinon ki mehaman hai. isaki jagah ab sahakarita ka agaman hone vala hai. mainne any deshon men is ghatak sngram ke drishy dekhe hain aur mujhe ghrina ho gayi hai. sahakarita hi hamen is snkat se mukt kar sakati hai.

daauktar to yah kahie ki ap ‘soshalist’ hain.

premashnkar ji nahin, main ‘soshalist’ ya ‘dimokret’ kuchh nahin hoon. main keval nyay aur dharm ka din sevak hoon. main niahsvarth seva ko vidya se shreshth samajhata hoon. main apani atmik aur manasik shaktiyon ko, buddhi-samarthy ko, dhan aur vaibhav ka gulam nahin banana chahata. mujhe vartaman shiksha aur sabhyata par vishvas nahin. vidya ka dharm hai atmik unnati ka phal, udarata, tyag, sadichchha, sahanubhooti, nyayapriyata aur dayashilata. jo shiksha hamen nirbalon ko satane ke lie taiyar kare, jo hamnt dharati aur dhan ka gulam banaye, jo hamen bhog-vilas men dubaye, jo hamen doosaron ka rakt pikar mota hone ka ichchhuk banaye, vah shiksha nahin hai. agar moorkh lobh aur moh ke pnje men phns jayn to ve kshamy hain, parntu vidya aur sabhyata ke upasakon ki svarthandhata atynt lajjajanak hai. hamane vidya aur buddhi-bal ki vibhooti ke shikhar par chadhane ka marg bana liya. vastav men vah seva aur prem ka sadhan tha. kitani vichitr dasha hai ki jo jitana hi bada vidvanh hai, vah utana hi bada svarthasevi hai. bas, hamari sari vidya aur buddhi, hamara sara utsah aur anurag, dhanalipsa men grasit hai. hamare prophesar sahab ek hazar se kam vetan payen to unaka munh hi nahin sidha hota. hamare divan aur mal ke adhikari log do hazar masik pane par bhi apane bhagy ko roya karate hain. hamare daauktar sahab chahate hain ki mariz mare ya jiye, meri phis men badha n pade aur hamare vakil sahab (kshama kijiega) eeshvar se manaya karate hain ki eershya aur dvesh ka prakop ho aur sone ki divar khadi kar loon. ‘samay dhan hai’ isi vaky ko ham eeshvar-vaky samajh rahe hain. in mahanh purushon men se pratyek vyakti saikadon nahin hajaron-lakhon ki jivika hadap jate hain. aur phir bhi unaka jati ka bhakt banane ka dava hai. vah apane svajati-prem ka dnka bajata phirata hai. paida doosare karen, pasina doosare bahayen, khana aur mochhon par tav dena inaka kam hai. main samast shikshit samuday ko keval nikamma hi nahin, varanh anarthakari bhi samajhata hoon.

daauktar sahab ne bahut dhairy se kam le kar poochha to kya ap chahate hain ki ham sab-ke-sab majoori karen ?

premashnkar ji nahin, halanki aisa ho to manushy-jati ka bahut upakar ho. mujhe jo apatti hai, vah keval dashaon men is anyayapoorn samata se hai. yadi ek majoor 5 rupaya men apana nirvah kar sakata hai, to ek manasik kam karane vale prani ke lie isase duguni-tiguni ay kafi honi chahie aur vah adhikata isalie ki use kuchh uttam bhojan-vastra tatha sukh ki avashyakata hoti hai. magar panch aur panch hajar, pachas aur pachas hazar ka asvabhavik antar kyon ho ? itana nahin, hamara samaj panch aur panch lakh ke antar ka bhi tiraskar nahin karata; varanh usaki aur bhi prashnsa karata hai. shasan-prabndh, vakalat, chikitsa, chitr-rachana, shiksha, dalali, vyapar, sngit aur isi prakar ki saikadon any kalaen shikshit samuday ki jivan-vritti bani huee hain. par inamen se ek bhi dhanoparjan nahin karatin. inaka adhar doosaron ki kamaee par hai. meri samajh men nahin ata ki vah udyog-dhndhe jo jivan ki samagriyan paida karate hain, jin par jivan ka avalamban hai, kyon un peshon se niche samajhe jayn, jinaka kam keval manornjan ya adhik-se-adhik dhanoparjan men sahayata karana hai. aj sare vakilon ko desh-nikala ho jay, sare adhikari varg lupt ho jayn aur sare dalal svarg ko sidharen, tab bhi snsar ka kam chalata rahega, balki aur bhi saralata se. kisan bhoomi jotenge, julahe kapade bunenge, badhee, lohar, raj, charmakar, sab-ke-sab poorvavath apana-apana kam karate rahenge. unaki pnchayaten unake jhagadon ka nibatara karengi. lekin yadi kisan n hon to sara snsar kshudha-pida se vyakul ho jay. parantu kisan ke lie 5 ru. bahut samajha jata hai aur vakil sahab ya daauktar sahab ko panch hazar bhi kafi nahin.

daauktar ap arthashastr ke us mahattvapoorn siddhant ko bhoole jate hain jise shram-vibhajan ;kpapepavad v ishnivanataddh kahate hain. prakriti ne praniyon ko bhinn-bhinn shaktiyan pradan ki hain aur unake vikas ke lie bhinn-bhinn dashaon ki avashyakata hai.

premashnkar main yah kab kahata hoon ki pratyek manushy ko majoori karane par majaboor kiya jay ! nahin jise paramatma ne vichar ki shakti di hai, vah shastron ki vivechana kare. jo bhavuk ho, vah kavy ki rachana kare. jo anyay se ghrina karata ho vah vakalat kare. mera kathan yah hai ki vibhinn karyon ki haisiyat men itana antar n rahana chahie. manasik aur audyogik kamon men itana farq nyay ke viruddh hai. yah prakriti ke niyamon ke pratikool gyat hota hai ki avashyak aur anivary karyon par anavashyak aur nivary karyon ki pradhanata ho. katipay sajjanon ka mat hai ki is samy se guni logon ka anadar hoga aur snsar ko unake sadvicharon aur satkaryon se labh n pahunch sakega. kintu ve bhool jate hain ki snsar ke bade-se-bade pndit, bade-se-bade kavi, bade-se-bade avishkarak, bade-se-bade shikshak dhan aur prabhuta ke lobh se mukt the. hamare asvabhavik jivan ka ek kuparinam yah bhi hai ki ham balath kavi aur shikshak ban jate hain. snsar men aj aganit lekhak aur kavi, vakil aur shikshak upasthit hain. ve sab-ke-sab prithvi par bhar-roop ho rahe hain. jab unhen maloom hoga ki in divy kalaon men kuchh labh nahin hai to vahi log kavi honge, jinhen kavi hona chahie. snkshep men kahana yahi hai ki dhan ki pradhanata ne hamare samast samaj ko ulat-palat diya hai.

daauktar mehara adhir ho gaye; bole mahashay, samaj-sngathan ka yah roop devalok ke lie chahe upayukt ho, par bhautik snsar ke lie aur is bhautik kal men vah kadapi upayogi nahin ho sakata.

premashnkar keval isi karan se abhi tak dhanavanon ka, jamindaron ka aur shikshit samuday ka prabhutv jama hua hai. par isake pahale bhi, kee bar is prabhutv ko dhakka lag chuka hai. aur chihnon se gyat hota hai ki nikat bhavishy men phir isaki parajay hone vali hai. kadachith vah har nirnayatmak hogi. samaj ka chakr samy se arambh hokar phir samy par hi samapt hota hai. ekadhipaty, reeson ka prabhutv aur vanity-prabaly, usaki madhyavarti dashaen hain. vartaman chakr ne madhyavarti dashaon ko bhog liya hai aur vah apane antim sthan ke nikat ata jata hai. kintu hamari ankhen adhikar aur prabhuta ke mad men aisi bhari huee hain ki hamen age-pichhe kuchh nahin soojhata. charon or se janatavad ka ghor nad hamare kanon men a raha hai, par ham aise nishchint hain mano vah sadharan megh ki garaj hai. ham abhi tak unhin vidyaon aur kalaon men lin hain jinaka ashray doosaron ki mehanat hai. hamare vidyalayon ki snkhya badhati jati hai, hamare vakilakhane men panv rakhane ki jagah baki nahin, gali-gali photo stoodiyo khul rahe hain, daauktaron ki snkhya marijon se bhi adhik ho gayi hai, par ab bhi hamari ankhen nahin khulatin. ham is asvabhavik jivan, is sabhyata ke tilism se bahar nikalane ki cheshta nahin karate. ham shaharon men karakhane kholate phirate hain, isalie ki mazadooron ki mehanat se mote ho jayn. 30 ru. aur 40 ru. saikade labh ki kalpana karake phoole nahin samate, par aisa kahin dekhane men nahin ata ki kisi shikshit sajjan ne kapada bunana ya zamin jotana shuroo kiya ho. yadi koee durbhagyavash aisa kare bhi to usaki hnsi udayi jati hai. ham usi ko man-pratishtha ke yogy samajhate hain, jo takiyagaddi lagaye baitha rahe, hath-pair n hilaye aur len-den par, sood-batte par lakhon ke vare-nyare karata ho....

yahi baten ho rahi thin ki durga mali ek dali narngiyan, gobhi ke phool, amarood, matar ki phaliyan adi saja kar laya aur use daauktar sahab ke samane rakh diya. usake chehare par ek prakar ka garv tha, mano usaki atma jagarit ho gee hai. vah daauktar sahab ke samip ek mote modhe par baith gaya aur bola huzoor ko kaisi kalamen chahie ? ap baboo ji ko ek chit par unake nam likh kar de dijie. main kal apake makan pahuncha doonga. apake bal-bachche to achchhi tarah hain ?

daauktar sahab ne kuchh sakucha kar kaha han, ladake achchhi tarah hain, tum yahan achchhi tarah ho ?

durga ji han, apaki daya se bahut aram se hoon.

daauktar sahab uth kar chale to premashnkar unhen vida karane sath-sath phatak tak aye. daauktar sahab motar par baithe to muskara kar premashnkar se bole main apake siddhanton ka kayal nahin hua, par isamen sandeh nahin ki apane ek pashu ko manushy bana diya. yah apake satsng ka phal hai. lekin kshama kijiega, main phir bhi kahoonga ki ap isase hoshiyar rahiyega. ‘yoojeniks’ (suprajanan-shastr) abhi tak kisi aise prayog ka avishkar nahin kar saka hai, jo janm ke snskaron ko mita de !

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah