ढपोरशंख -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

muradabad men mere ek purane mitr hain, jinhen dil men to main ek ratn samajhata hoon par pukarata hoon dhaporasnkh kahakar aur vah bura bhi nahin manate. eeshvar ne unhen jitana hriday diya hai, usaki adhi buddhi di hoti, to aj vah kuchh aur hote ! unhen hamesha tngahast hi dekha; magar kisi ke samane kabhi hath phailate nahin dekha. ham aur vah bahut dinon tak sath padhe hain, khasi betakalluphi hai; par yah janate hue bhi ki mere lie sau-pachas rupaye se unaki madad karana koee badi bat nahin aur main badi khushi se karoonga, kabhi mujhase ek paee ke ravadar n hue. agar hile se bachchon ko do-char rupaye de deta hoon, to bida hote samay usaki dugani rakam ke muradabadi bartan ladane padate hain. isalie mainne yah niyam bana liya hai ki jab unake pas jata hoon, to ek-do din men jitani badi-se-badi chapat de sakata hoon, deta hoon. mausam men jo mahngi-se-mahngi chiz hoti hai, vahi khata hoon aur mang-mangakar khata hoon. magar dil ke aise behaya hain, ki agar ek bar bhi udhar se nikal jaoon aur usase n miloon

to buri tarah daaut batate hain. idhar do-tin sal se mulakat n huee thi. ji dekhane ko chahata tha.

mee men nainital jate hue unase milane ke lie utar pada. chhota-sa ghar hai, chhota-sa parivar, chhota-sa dil. dvar par avaz di dhaporasnkh ! turant bahar nikal aye aur gale se lipat gaye. tange par

se mere trnk ko utarakar kndhon par rakha, bistar bagal men dabaya aur ghar men dakhil ho gaye. kahata hoon, bistar mujhe de do magar kaun sunata hai. bhitar qadam rakha to deviji ke darshan hue. chhote bachche ne akar pranam kiya. bas yahi parivar hai. kamare men gaya to dekha khaton ka ek daftar phaila hua hai. khaton ko surakshit rakhane ki to inaki adat nahin ? itane khat kisake hain ? kutoohal se poochha, yah kya kooda phaila rakha hai ji, sameto.

deviji musakarakar bolin, ‘qooda n kahie, ek-ek patr sahity ka ratn hai. ap to idhar aye nahin. inake ek naye mitr paida ho gaye hain. yah unhin ke kar-kamalon ke prasad hain.‘

dhaporasnkh ne apani nanhi-nanhi ankhen sikodakar kaha, ‘tum usake nam se kyon itana jalati ho, meri samajh men nahin ata ? agar tumhare do-char sau rupaye us par ate hain, to unaka denadar main hoon. vah bhi abhi jita-jagata hai. kisi ko beeeman kyon samajhati ho ? yah kyon nahin samajhatin ki use abhi suvidha nahin hai. aur phir do-char sau rupaye ek mitr ke hathon doob hi jayen, to kyon roo. mana ham garib hain, do-char sau rupaye hamare lie do-char lakh se kam nahin; lekin khaya to ek mitr ne !’

deviji jitani roopavati thin, utani hi jaban ki tej thin.

bolin –‘agar aison hi ka nam mitr hai, to main nahin samajhati, shatru kise kahate hain.‘

dhaporasnkh ne meri taraph dekhakar, mano mujhase hami bharane ke lie kaha--

‘auraton ka hriday bahut hi snkirn hota hai.‘

deviji nari-jati par yah apeksh kaise sah sakati thin, ankhen tarerakar bolin --

‘yah kyon nahin kahate, ki ulloo banakar le gaya, oopar se hekadi jatate ho ! dal gir jane par tumhen bhi sookha achchha lage, to koee ashchary nahin. main janati hoon, rupaya hath ka mail hai. yah bhi samajhati hoon ki jisake bhagy

ka jitana hota hai, utana vah khata hai; magar yah main kabhi n manoongi, ki vah sajjan tha aur adarshavadi tha aur yah tha, vah tha. saph-saph kyon nahin kahate, lnpat tha, dagabaj tha ! bas, mera tumase koee jhagada nahin.‘

dhaporasnkh ne garm hokar kaha, ‘main yah nahin man sakata.‘

deviji bhi garm hokar bolin –‘tumhen manana padega. mahashayaji a gaye hain. main inhen pnch badati hoon. agar yah kah denge, ki sajjanata ka putala tha, adarshavadi tha, viratma tha, to main man loongi aur phir usaka nam n loongi. aur yadi inaka phaisala mere anukool hua, to lala, tumhen inako apana bahanoee kahana padega !’

mainne poochha, ‘meri samajh men kuchh nahin a raha hai, ap kisaka zikr kar rahi hain ? vah kaun tha ?’

deviji ne ankhen nachakar kaha, ‘inhin se poochho, kaun tha ? inaka bahanoee tha !’

dhaporasnkh ne jhenpakar kaha, ‘aji, ek sahity-sevi tha qarunakar joshi. bechara vipatti ka mara yahan a pada tha ! us vakt to yah bhi bhaiya-bhaiya karati thin, halava bana-banakar khilati thin, usaki vipatti-katha sunakar tesave bahati thin aur aj vah dagabaj hai, lnpat hai, labar hai ?’

deviji ne kaha, ‘vah tumhari khatir thi. main samajhati thi, lekh likhate ho, vyakhyan dete ho, sahity ke marmgy banate ho, kuchh to adami pahachanate hoge. par ab maloom ho gaya, ki kalam ghisana aur bat hai, manushy ki

nadi pahachanana aur bat.‘

main is joshi ka vrittant sunane ke lie utsuk ho utha dhaporasnkh to apana pachada sunane ko taiyar the; magar deviji ne kaha, khane-pine se nivritt hokar pnchayat baithe. mainne bhi ise svikar kar liya. deviji ghar men jati huee bolin –‘tumhen kasam hai jo abhi joshi ke bare men ek shabd bhi inase kaho. main bhojan banakar jab tak khila n loon, tab tak donon adamiyon par dapha 144 hai.‘

dhaporasnkh ne ankhe marakar kaha, ‘tumhara namak khakar yah tumhari taraphadari karenge hi !’

is bar deviji ke kanon men yah jumala n pada. dhime svar men kaha, bhi gaya tha, nahin to deviji ne kuchh-n-kuchh javab zaroor diya hota. deviji choolha jala chukin aur dhaporasnkh unaki or se nishchint ho gaye, to mujhase bole, ‘zab tak vah rasoee men hain, main snkshep men tumhen vah vrittant suna doon ?’

mainne dharm ki ad lekar kaha, ‘nahin bhaee, main pnch banaya gaya hoon aur is vishay men kuchh n sunoonga. unhen a jane do.‘

'mujhe bhay hai, ki tum unhin ka-sa phaisala kar doge aur phir vah mera ghar men rahana apadh kar degi.'

mainne dhadhas diya –‘yah ap kaise kah sakate hain, main kya phaisala karoonga ?’

'main tumhen janata jo hoon. tumhari adalat men aurat ke samane mard kabhi jit hi nahin sakata.'

'to kya chahate ho tumhari digri kar doon !'

'kya dosti ka itana hak bhi nahin ada kar sakate ?'

'achchha lo, tumhari jit hogi, chahe galiyan hi kyon n milen.'

khate-pite dopahar ho gayi. rat ka jaga tha. sone ki ichchha ho rahi thi par deviji kab mananevali thin. bhojan karake a pahunchin. dhaporasnkh ne patron ka pulinda sameta aur vrittant sunane lage. deviji ne savadhan kiya ek shabd bhi jhooth bole, to jurmana hoga. dhaporasnkh ne gambhir hokar kaha, ‘jhooth vah bolata hai, jisaka paksh nirbal hota hai. mujhe to apani vijay ka vishvas hai.‘

isake bad katha shuroo ho gee.

do sal se zyada hue, ek din mere pas ek patr aya, jisamen sahity seva ke nate ek drame ki bhoomika likhane ki prerana ki gee thi. karunakar ka patr tha. is sahityik riti se mera unase pratham parichay hua.

sahityakaron ki is jamane men jo durdasha hai, usaka anubhav kar chuka hoon, aur karata rahata hoon aur yadi bhoomika tak bat rahe, to unaki seva karane men pasopesh nahin hota. mainne turant javab diya ap drama bhej dijie. ek saptah men drama a gaya, par abake patr men bhoomika likhane hi ki nahin koee prakashak thik kar dene ki bhi prarthana ki gayi thi. main prakashakon ke jhnjhat men nahin padata. do-ek bar padakar kee mitron ko jani dushman bana chuka hoon. mainne drame ko padha, us par bhoomika likhi aur hastalipi lauta di. drama mujhe sundar maloom hua; isalie bhoomika bhi prashnsatmak thi. kitani hi pustakon ki bhoomika likh bhi chuka hoon. koee nee bat n thi; par abaki bhoomika likhakar pind n chhoota. ek saptah ke bad ek lekh aya, ki ise apani

patrika men prakashit kar dijie. (dhaporasnkh ek patrika ke sampadak hain.) ise gun kahie ya dosh, mujhe doosaron par vishvas bahut jald a jata hai. aur jab kisi lekhak ka muamala ho, to meri vishvas-kriya aur bhi

tivr ho jati hai. main apane ek mitr ko janata hoon jo sahityakaron ke saye se bhagate hain. vah khud nipun lekhak hain, bade hi sajjan hain, bade hi zinda-dil. apani shadi karake lautane par jab-jab raste men mujhase bhent huee, kaha, apaki mithaee rakhi huee hai, bhejava doonga, par vah mithaee aj tak n aee, halanki ab eeshvar ki daya se vivah-taru men phal bhi lag aye, lekin khair, main sahityaseviyon se itana chaukanna nahin rahata. in patron men itani vinay, itana agrah, itani bhakti hoti thi, ki mujhe joshi se bina sakshatkar ke hi sneh

ho gaya. maloom hua, ek bade bap ka beta hai, ghar se isilie nirvasit hai, ki usake chacha dahej ki lambi rakam lekar usaka vivah karana chahate the, yah use mnjoor n hua. is par chacha ne ghar se nikal diya. bap ke pas gaya. bap adarsh bhratri-bhakt tha. usane chacha ke phaisale ki apil n suni. aisi dasha men siddhant ka mara yuvak sivay ghar se bahar nikal bhagane ke aur kya karata ? yon van-van ke patte todata, dvar-dvar thokaren khata vah gvaliyar a gaya tha. us par mndagni ka rogi, jirn jvar se grast.

ap hi batalaie, aise adami se kya sahanubhooti n hoti ? phir jab ek adami apako 'priy bhaee sahab' likhata hai, apane manorahasy apake samane kholakar rakhata hai, vipatti men bhi dhairy aur purusharth ko hath se nahin chhodata, kade se kada parishram karane ko taiyar hai, to yadi ap men saujany ka anumatr bhi hai, to ap usaki madad zaroor karenge. achchha, ab phir drame ki taraph aie. kee dinon bad joshi ka patr prayag se aya. vah vahan ke ek masik patrika ke sampadakiy vibhag men naukar ho gaya tha. yah patr pakar mujhe kitana sntosh aur anand hua, kah nahin sakata. kitana udyamashil adami hai ! usake prati mera sneh aur bhi pragadh ho gaya. patrika ka svami snpadak sakhti se pesh ata tha, jara-si der ho jane par din-bhar ki mazadoori kat leta tha, bat-bat par ghudakiyan jamata tha; par yah satyagrahi vir sab kuchh sahakar bhi apane kam men laga

rahata tha. apana bhavishy banane ka aisa avasar pakar vah use kaise chhod deta. yah sari baten sneh aur vishvas ko badhane vali thin. ek adami ko kathinaiyon ka samana karate dekhakar kise usase prem n hoga, garv n hoga !

prayag men vah zyada n thahar saka. usane mujhe likha, main sab kuchh jhelane ko taiyar hoon, bhookhon marane ko taiyar hoon par atmasamman men dag nahin laga sakata, kuvachan nahin sah sakata. aisa charitr yadi ap par prabhav n dal sake, to main kahoonga, ap chalak chahe jitane hon par hriday-shoony hain. ek saptah ke bad prayag se phir patr aya yah vyavahar mere lie asahy ho gaya. aj mainne istipha de diya. yah n samajhie ki mainne halake

dil se lagi-lagaee roji chhod di. mainne vah sab kiya, jo mujhe karana chahie tha. yahan tak ki kuchh-kuchh vah bhi kiya, jo mujhe n karana chahie tha; par atmasamman ka khoon nahin kar sakata. agar yah kar sakata, to mujhe ghar chhodakar nikalane ki kya avashyakata thi. mainne bambee jakar apani kismat ajamane ka nishchay kiya hai. mera dridh snkalp hai ki apane gharavalon ke samane hath n phailaoonga, unase daya ki bhiksha n mangoonga. mujhe kuligiri karani mnjoor hai, tokari dhona mnjoor hai; par apani atma ko kalnkit nahin kar sakata.

meri shrriddha aur badh gee. yah vyakti ab mere lie keval drama ka charitr n tha, jisake sukh se sukhi aur du:kh se dukhi hone par bhi ham darshak hi rahate hain. vah ab mere itane nikat pahunch gaya tha, ki us par aghat hote dekhakar main usaki raksha karane ko taiyar tha, use doobate dekhakar pani men koodane se bhi n hichakata. main badi utkntha se usake bnbee se ane vale patr ka intazar karane laga. chhathaven din patr aya. vah bnbee men kam khoj raha tha, likha tha ghabadane ki koee bat nahin hai, main sabakuchh jhelane ko taiyar hoon. phir do-do, char-char din ke antar se kee patr aye. vah viron ki bhanti kathinaiyon ke samane kamar kase khada tha, halanki tin din se use bhojan n mila tha.

oh ! kitana ooncha adarsh hai. kitana ujjval charitr ! main samajhata hoon, mainne us samay badi kripanata ki. meri atma ne mujhe dhikkara yah bechara itane kasht utha raha hai aur tum baithe dekh rahe ho. kyon usake pas kuchh rupaye nahin bhejate ? mainne atma ke kahane par amal n kiya, par apani bedardi par khinn avashy tha. jab kee din ki bechaini bhare hue intajar ke bad yah samachar aya, ki vah ek saptahik patr ke sampadakiy vibhag men jagah pa gaya hai, to mainne aram ki sans li aur eeshvar ko sachche dil se dhanyavad diya. saptahik men joshi ke lekh nikalane lage. unhen padhakar mujhe garv hota tha. kitane sajiv, kitane vichar se bhare lekh the. usane mujhase bhi lekh mange; par mujhe avakash n tha. kshama mangi, halanki is avasar par usako protsahan

n dene par mujhe bada khed hota tha. lekin shayad badhaen hath dhokar usake pichhe padi thin. patr ke grahak

kam the. chande aur doneshan se kam chalata tha. rupaye hath a jate, to karmachariyon ko thoda-thoda mil jata, nahin asara lagaye kam karate rahate. is dasha men garib ne tin mahine kate honge. asha thi, tin mahine ka hisab hoga, to achchhi rakam hath lagegi; magar vahan sookha javab mila. svami ne tat ulat diya, patr band ho gaya aur karmachariyon ko apana-sa munh liye bida hona pada. svami ki sajjanata men sandeh nahin; lekin rupaye kahan se lata ! sajjanata ke nate log adhe vetan par kam kar sakate the lekin pet bandhakar kam karana kab mumakin tha. aur phir bambee ka kharch. bechare joshi ko phir thokaren khani padin ! mainne khat padha, to bahut du:kh hua. eeshvar ne mujhe is yogy n banaya, nahin bechara kyon pet ke lie yon mara-mara phirata.

abaki bar bahut hairan n hona pada. kisi mil men ganthon par nambar likhane ka kam mil gaya. ek rupaya roj majoori thi. bambee men ek rupaya, idhar ke char ane barabar samajho ! kaise usaka kam chalata tha, eeshvar hi jane.

kee din ke bad ek lamba patr aya. ek jarman ejensi use rakhane par taiyar thi; agar turant sau rupaye ki jamanat de sake. ejensi yahan ki faujon men joote, sigar, sabun adi saplaee karane ka kam karati thi. agar yah jagah mil jati, to usake din aram se katane lagate. likha tha, ab zindagi se tng a gaya hoon. himmat ne javab de diya. atmahatya karane ke siva aur koee upay nahin soojhata. keval mataji ki chinta hai. ro-rokar pran de dengi ! pitaji ke sath unhen sharirik sukhon ki kami nahin; par mere lie unaki atma tadapati rahati hai. meri yahi abhilasha hai, ki kahin baithane ka thikana mil jata, to ek bar unhen apane sath rakhakar unaki jitani seva ho sakati, karata. isake siva mujhe koee ichchha nahin hai; lekin jamanat kahan se laoon ? bas, kal ka din aur hai. parason koee doosara ummidavar jamanat dekar yah le lega aur main takata rah jaoonga. ejent mujhe rakhana chahata hai; lekin apane karyalay ke niyamon ko kya kare. is patr ne meri kripan prakriti ko bhi vashibhoot kar liya. ichchha ho jane par koee-n-koee rah nikal ati hai. mainne rupaye bhejane ka nishchay kar liya. agar itani madad se ek yuvak ka jivan sudhar raha ho, to kaun aisa hai, jo munh chhipa le. isase bada rupayon ka aur kya sadupayog ho sakata hai. hindi men kalam ghisanevalon ke pas itani badi rakam jara mushkil hi se nikalati; par snyog se us vakt mere kosh men rupaye maujood the. main isake lie apani kripanata ka rini hoon. deviji ki salah li. vah badi khushi se raji ho geen; halanki ab sara dosh mere hi sir madha jata hai. kal rupayon ka pahunchana avashyak tha, nahin to avasar hath se nikal jayaga. maniardar tin din men pahunchega. turant taraghar gaya aur tar se rupaye bhej diye. jisane barason ki katar-byont ke bad itane rupaye jode hon aur jise bhavishy bhi abhavamay hi dikhata ho, vahi us anand ka anubhav kar sakata hai, jo is samay mujhe hua. seth amirachand ko das lakh ka dan karake bhi itana anand n hua hoga. diya to mainne rin samajhakar hi; par vah dosti ka rin tha, jisaka ada hona svapn ka yatharth hona hai.

us patr ko main kabhi n bhooloonga, jo dhanyavad ke roop men chauthe din mujhe mila. kaise sachche udgar the ! ek-ek shabd anugrah men dooba hua. main use sahity ki ek chiz samajhata hoon. deviji ne chutaki li ‘sau rupaye men usase bahut achchha patr mil sakata hai !’ dhaporasnkh ne kuchh javab n diya. katha kahane men tanmay the.

bambee men vah kisi prasiddh sthan par thahara tha. keval nam aur post-baks likhane hi se use patr mil jata tha. vahan se kee patr aye. vah prasann tha.

deviji bolin prasann kyon n hota, ‘kampe men ek chidiya jo phas gee thi. ‘

dhaporasnkh ne chidhakar kaha, ‘ya to mujhe kahane do, ya tum kaho. bich men bolo mat.‘

bambee se kee din ke bad ek patr aya ki ejensi ne usake vyavahar se prasann hokar use kashi men niyukt kar diya hai aur vah kashi a raha hai. use vetan ke uparant bhatta bhi milega. kashi men usake ek mausa the

jo vahan ke prasiddh daktar the; par vah unake ghar n utarakar alag thahara. isase usake atmasamman ka pata chalata hai. magar ek mahine men kashi se usaka ji bhar gaya. shikayat se bhare patr ane lage subah se sham tak fauji adamiyon ki khushamad karani padati hai, subah ka gaya-gaya das baje rat ko ghar ata hoon, us vakt akela andhera ghar dekhakar chitt du:kh se bhar jata hai, kisase boloon, kisase hnsoon. bazar ki pooriyan khate-khate tng a gaya hoon. mainne samajha tha, ab kuchh din chain se katenge; lekin maloom hota hai abhi kismat men thokaren khana likha hai. main is tarah jivit nahin rah sakata. rat-rat bhar pada rota rahata hoon, adi. mujhe in patron men vah apane adarsh se girata hua maloom hua. mainne use samajhaya, lagi roji n chhodo, kam kiye jao. javab aya, mujhase ab yahan nahin raha jata ! faujiyon ka vyavahar asahy hai. phir mainejar sahab mujhe rngoon bhej rahe hain aur rngoon jakar main bach nahin sakata. main koee sahityik kam karana chahata hoon. kuchh din apaki seva men rahana chahata hoon. main is patr ka javab dene ja hi raha tha ki phir patr aya. main kal deharadoon-eksapres se a raha hoon. doosare din vah a pahuncha. dubala-sa adami, sanvala rng, lamba munh, badi-badi ankhen, angreji vesh, sath men kee

chamade ke trnk, ek sootakes, ek holdal. main to usaka that dekhakar dng rah gaya. deviji ne tippani ki—‘fir bhi to n chete ! mainne samajha tha, gadhe ka kurtta, chappal, zyada-se-zyada phaunten pen vala adami hoga, magar yah mahashay to poore sahab bahadur nikale. mujhe is chhote-se ghar men unhen thaharate hue snkoch hua.

deviji se bina bole n raha gaya, ‘ate hi shri-charanon par sir to rakh diya, ab aur kya chahate the.‘

dhaporasnkh abaki musakaye—‘dekho shyama, bich-bich men toko mat. adalat ki pratishtha yah kahati hai ki abhi chupachap sunati jao. jab tumhari bari aye, to jo chahe kahana.‘

phir silasila shuroo hua tha --- to dubala-patala magar bada phurtila, batachit men bada chatur, ek jumala angreji bolata, ek jumala hindi, aur hindi-angreji ki khichadi, jaise ap jaise sabhy log bolate hain. batachit shuroo huee-- ‘apake darshanon ki badi ichchha thi. mainne jaisa anuman kiya tha, vaisa hi apako dekha. bas, ab maloom ho raha hai, ki main bhi adami hoon. itane dinon tak kaidi tha.‘

mainne kaha, ‘to kya istipha de diya ?

'nahin, abhi to chhutti lekar aya hoon. abhi is mahine ka vetan bhi nahin mila. mainne likh diya hai, yahan ke pate se bhej den. naukari to achchhi hai; magar kam bahut karana padata hai aur mujhe kuchh likhane ka avasar nahin

milata.'

khair, rat ko mainne isi kamare men unhen sulaya. doosare din yahan ke ek hotal men prabandh kar diya. hotalavale peshagi rupaye le lete hain. joshi ke pas rupaye n the. mujhe tis rupaye dene pade. mainne samajha, isaka vetan to

ata hi hoga, le loonga. yahan mere ek mathur mitr hain. unase bhi mainne joshi ka zikr kiya tha. usake ane ki khabar pate hi hotal daude. donon men dosti ho gee. joshi do-tin bar din men, ek bar rat ko zaroor ate aur khoob baten karate. deviji unako hathon par lie rahatin. kabhi unake lie pakaudiyan ban rahi hain, kabhi halava. joshi haraphanamaula tha. gane men kushal, haramoniyam men nipun, indrajal ke karatab dikhalane men kushal. salan achchha pakata tha. deviji ko gana sikhane ka shauq paida ho gaya. use myoojik mastar bana liya.

deviji lal munh karake bolin –‘to kya muft men halava, pakaudiyan aur pan bana-banakar khilati thi ?’

ek mahina gujar gaya par joshi ka vetan n aya. mainne poochha, bhi nahin. socha, apane dil men samajhega, apane hotalavale rupayon ka takaja kar rahe hain. mathur ke ghar bhi usane ana-jana shuroo kar diya. donon sath ghoomane jate, sath rahate. joshi jab ate, mathur ka bakhan karate, mathur jab ate joshi ki tariph karate. joshi ke pas apane anubhavon ka vishesh bhndar tha. vah fauj men rah chuka tha. jab usaki mngetar ka vivah doosare adami se ho gaya, to shok men usane fauji naukari chhod di thi. samajik jivan ki n jane kitani hi ghatanaen use yad thin. aur jab apane man-bap aur chacha-chachi ka zikr karane lagata, to usaki ankhon men ansoo bhar ate. deviji bhi usake sath rotin.

deviji tirachhi ankhon se dekhakar rah geen. bat sachchi thi.

ek din mujhase apane ek drame ki badi tariph ki. vah drama kalakatte men khela gaya. aur madan knpani ke mainejar ne use badhaiyan di thin. drame ke do-char tukade jo usake pas pade the, mujhe sunaye. mujhe drama bahut pasand aya. usane kashi ke ek prakashak ke hath vah drama bech diya tha aur kul pachis rupaye par. mainne kaha,use vapas mnga lo. rupaye main de doonga. aisi sundar rachana kisi achchhe prakashak ko denge, ya kisi thiyetar kampani se khelavayenge. tin-char din ke bad maloom hua ki prakashak ab pachas rupaye lekar lautayega. kahata hai, main isaka kuchh ansh chhapa chuka hoon. mainne kaha,mnga lo pachas rupaye hi sahi. drama vi.pi. se vapas aya. mainne pachas rupaye de diye. mahina khatm ho raha tha. hotalavale doosara mahina shuroo hote hi rupaye

peshagi mangenge. main isi chinta men tha, ki joshi ne akar kaha, main ab mathur ke sath rahoonga. bechara garib adami hai. agar main bis rupaye bhi de doonga, to usaka kam chal jayaga. main bahut khush hua. doosare din vah mathur ke ghar dat gaya. jab ata, to mathur ke ghar ka koee-n-koee rahasy lekar ata. yah to main janata tha, ki mathur ki arthik dasha achchhi nahin hai. bechara relave ke daftar men naukar tha. vah naukari bhi chhoot gee thi. magar yah n maloom tha ki usake yahan phake ho rahe hain. kabhi malik makan akar galiyan suna jata hai, kabhi doodhavala, kabhi baniya, kabhi kapadevala. bechara unase munh chhipata phirata hai. joshi ankhon men ansoo bhar-bharakar usake snkaton ki karun kahani kahata aur rota. main to janata tha, main hi ek aphat ka mara hoon. mathur ki dasha dekhakar mujhe apani vipatti bhool gee. tujhe apani hi chinta hai, koee doosari fikr nahin. jisake dvar par ja padoon do rotiyan mil jayngi, magar mathur ke pichhe to poora khatala hai. man, do vidhava bahanen, ek

bhanji. do bhanje, ek chhota bhaee. itane bade parivar ke lie pachas rupaye to keval roti-dal ke lie chahie. mathur sachcha vir hai, devata hai jo itane bade parivar ka palan kar raha hai. vah ab apane lie nahin, mathur ke lie dukhi tha.

deviji ne tika ki ‘zabhi mathur ki bhanji par dore dal raha tha. du:kh ka bhar kaise halaka karata.‘

dhaporasnkh ne bigadakar kaha, ‘achchha to ab tumhin kaho.‘

mainne samajhaya --‘tum to yar, jara-jara si bat par tinak uthate ho ! kya tum samajhate ho, yah phulajhadiyan mujhe nyay-path se vichalit kar dengi ?’

phir kahani shuroo huee ek din akar bola, aj mainne mathur ke uddhar ka upay soch nikala. mere ek mathur mitr bairistar hain. unase jaggo (mathur ki bhanji) ke vivah ke vishay men patr-vyavahar kar raha hoon. usaki ek vidhava bahan ko donon bachchon ke sath sasural bhej doonga. doosari vidhava bahan apane devar ke pas jane par raji hai. bas, tin-char adami rah jaynge. kuchh main doonga, kuchh mathur paida karega, gujar ho jayega. magar aj usake ghar ka do mahinon ka kiraya dena padega. malik makan ne subah hi se dharana de rakha hai. kahata hai, apana kiraya lekar hi hatoonga. apake pas tis rupaye hon to de dijie. mathur ke chhote bhaee ka vetan kal-parason tak mil jayaga, rupaye mil jaynge. ek mitr snkat men pada hua hai; doosara mitr usaki sipharish

kar raha hai. mujhe inakar karane ka sahas n hua ! deviji ne us vakt nak-bhaun zaroor sikoda tha par mainne n mana, rupaye de diye.

deviji ne dnk mara, ‘yah kyon nahin kahate, ki vah rupaye meri bahan ne bartan kharidakar bhejane ke lie bheje the.‘

dhaporasnkh ne gussa pikar kaha, ‘khair, yahi sahi ! mainne rupaye de diye.‘ magar mujhe yah ulajhan hone lagi, ki is tarah to mera kachoomar hi nikal jayaga. mathur par ek-n-ek snkat roj hi savar rahega. main kahan tak unhen ubaroonga. joshi bhi jan kha raha tha ki kahin koee jagah dila dijie. snyog se unhin dinon mere ek agare ke mitr a nikale. kaunsil men membar the. ab jel men hain. gane-bajane ka shauq hai, do-ek drame bhi likh chuke hain, achchhe-achchhe reeson se parichay hai ! khud bhi bade rasik hain. abaki vah aye, to mainne joshi ka unase zikr kiya. usaka drama bhi sunaya. bole to use mere sath kar dijie. apana praivet sekretari bana loonga. mere ghar men rahe; mere sath ghar ke adami ki tarah rahe. jeb kharch ke lie mujhase tis rupaye mahina leta jay. mere sath drame likhe. main phoola n samaya. joshi se kaha,. joshi bhi taiyar ho gaya; lekin jane ke pahale use kuchh rupayon ki zaroorat huee. ek bhale adami ke sath phatehalon to jate nahin banata aur n yahi uchit tha, ki pahale hi din se rupaye ka takaja hone lage. bahut kat-chhant karane par bhi chalis rupaye ka kharch nikal aya. joote toot gaye the, dhotiyan phat gee thin, aur bhi kee kharch the jo is vakt yad nahin

ate. mere pas rupaye n the. shyama se mangane ka hausala n hua.

deviji bolin –‘mere pas to karoon ka khazana rakha tha n ! kee hazar mahine late ho, sau-do sau rupaye bachat men a hi jate honge.‘ dhaporasnkh is vyngy par dhyan n dekar apani katha kahate rahe --rupaye pakar joshi ne that banaya aur kaunsilar sahab ke sath chale. main steshan tak pahunchane gaya. mathur bhi tha. lauta, to mere dil par se ek bojh utar gaya tha.

mathur ne kaha, ‘bada muhabbati adami hai.‘

mainne samarthan kiya –‘bada. mujhe to bhaee-sa maloom hota hai.‘

'mujhe to ab ghar achchha n lagega. ghar ke sab adami rote rahe. maloom hi n hota tha, ki koee gair adami hai. amman se ladake ki tarah baten karata tha. bahanon se bhaee ki tarah.'

'badanasib adami hai, nahin to jisaka bap do hazar rupaye mahavar kamata ho, vah yon mara-mara phire.'

'darjiling men inake bap ki do kothiyan hain ?'

'aee.em.es. hain !'

'joshi mujhe bhi vahin le jana chahata hai. sal-do-sal men to vahan jayaga hi. kahata hai, tumhen motar ki ejensi khulava doonga.' is tarah khayali pulav pakate hue ham log ghar aye.

main dil men khush tha, ki chalo achchha hua, joshi ke lie achchha silasila nikal aya. mujhe yah asha bhi bndh chali, ki abaki use vetan milega, to mere rupaye dega. char-panch mahine men chukata kar dega. hisab lagakar dekha, to achchhi-khasi rakam ho gee thi. mainne dil men samajha, yah bhi achchha hi hua. yon jama karata, to kabhi n jama hote. is bahane se kisi tarah jama to ho gaye. mainne yah socha ki apane mitr se joshi ke vetan ke rupaye peshagi kyon n le loon, kah doon, usake vetan se mahine-mahine katate rahiega. lekin abhi mushkil se ek saptah hua hoga ki ek din dekhata hoon, to joshi aur mathur, donon chale a rahe hain. mujhe bhay hua, kahin joshiji phir to nahin chhod aye; lekin shnka ko dabata hua bola, ‘qaho bhaee, kab aye ? maje men to ho ?’

joshi ne baithakar ek sigar jalate hue kaha, ‘bahut achchhi tarah hoon. mere baboo sahab bade hi sajjan adami hain. mere lie alag ek kamara khali kara diya hai. sath hi khilate hain. bilakul bhaee ki tarah rakhate hain. ajakal kisi kam se dilli gaye hain. mainne socha, yahan pade-pade kya karoon, tab tak ap hi logon se milata aoon. chalate vakt baboo sahab ne mujhase kaha tha, muradabad se thode-se bartan lete ana, magar shayad unhen rupaye dene ki yad nahin rahi. mainne us vakt mangana bhi uchit n samajha. ap ek pachas rupaye de dijiega. main parason tak jaoonga aur vahan se jate-hi-jate bhijava doonga. ap to janate hain, rupaye ke muamale men ve kitane khare hain.‘

mainne jara rukhaee ke sath kaha, ‘rupaye to is vakt mere pas nahin hain.‘

deviji ne tippani ki –‘kyon jhooth bolate ho ? tumane rukhaee se kaha, tha, ki rupaye nahin hain ?’

dhaporasnkh ne poochha, ‘aur kya chikanaee ke sath kaha, tha ?’

deviji –‘to phir kagaz ke rupaye kyon de diye the ?’ badi rukhaee karanevale !

dhaporasnkh –‘achchha sahab, mainne hnsakar rupaye de diye. bas, ab khush hueen. to bhee, mujhe bura to laga; lekin apane sajjan mitr ka vasta tha.‘

mere oopar bechare badi kripa rakhate hain. mere pas patrika ka kagaz kharidane ke lie pachas rupaye rakhe hue the. vah mainne joshi ko de diye. sham ko mathur ne akar kaha, zoshi to chale gaye. kahate the, baboo sahab ka tar a gaya hai. bada udar adami hai. maloom hi nahin hota, koee bahari adami hai. svabhav bhi balakon ka-sa hai. bhanji ki shadi tay karane ko kahate the. len-den ka to koee zikr hai hi nahin, par kuchh najar to deni hi padegi. bairistar sahab, jinase vivah ho raha hai, dilli ke rahane vale hain. unake pas jakar najar deni hogi. joshiji chale jaynge. aj mainne rupaye bhi de diye. chalie, ek badi chinta sir se tali.

mainne poochha, ‘rupaye to tumhare pas n honge ?’

mathur ne kaha, ‘rupaye kahan the sahab ! ek mahajan se stamp likhakar liye, do rupaye saikade sood par.‘

deviji ne krodh bhare svar men kaha, ‘main to us dusht ko pa jaoon to munh noch loon. pishach ne is garib ko bhi n chhoda.‘

dhaporasnkh bola, ‘yah krodh to apako ab a raha hai n. tab to ap bhi samajhati thin, ki joshi daya aur dharm ka putala hai.‘

deviji ne virodh kiya –‘mainne use putala-putali kabhi nahin samajha. han, tumhari takaliphon ke bhulave men pad jati thi.‘

dhaporasnkh –‘to sahab, is tarah koee do mahine gujare, is bich men bhi joshi do-tin bar aye; magar mujhase kuchh mange nahin. han, apane baboo sahab ke snbndh men tarah-tarah ki baten kin, jinase mujhe do-char galp likhane ki samagri mil gee.

mee ka mahina tha. ek din prat:kal joshi a pahunche. mainne poochha, to maloom hua, unake baboo sahab nainital chale gaye. inhen bhi liye jate the; par unhonne ham logon ke sath yahan rahana achchha samajha aur chale aye.

deviji ne phulajhadi chhodi –‘qitana tyagi tha bechara. nainital ki bahar chhodakar yahan garmi men pran dene chala aya.‘ dhaporasnkh ne isaki or kuchh dhyan n dekar kaha, ‘mainne poochha, koee nee bat to nahin huee vahan ?’

joshi ne hnsakar kaha, ‘bhagy men to nee-nee vipattiyan likhi hain. unase kaise jan bach sakati hai. abaki bhi ek nee vipatti sir padi. yah kahie, apaka ashirvad tha, jan bach gee, nahin to ab tak jamunaji men baha

chala jata hota. ek din jamuna kinare sair karane chala gaya. vahan tairaki ka maich tha. bahut-se adami tamasha dekhane aye hue the. main bhi ek jagah khada hokar dekhane laga. mujhase thodi door par ek aur mahashay ek yuvati ke sath khade the. mainne batachit ki, to maloom hua, meri hi biradari ke hain. yah bhi maloom hua, mere pita aur chacha, donon hi se unaka parichay hai. mujhase sneh ki baten karane lage tumhen is tarah thokaren khate to bahut din ho gaye; kyon nahin chale jate, apane man-bap ke pas. mana ki unaka lok-vyavahar tumhen pasand nahin; lekin mata-pita ka putr par kuchh-n-kuchh adhikar to hota hai. tumhari mataji ko kitana du:kh ho raha hoga. sahasa ek yuvak kisi taraph se a nikala aur vriddh mahashay tatha yuvati ko dekhakar bola, ‘apako sharm nahin ati ki ap apani yuvati kanya ko is tarah mele men liye khade hain.‘

vriddh mahashay ka munh jara-sa nikal aya aur yuvati turant ghoonghat nikalakar pichhe hat gee. maloom hua ki usaka vivah isi yuvak se thahara hua hai. vriddh udar, samajik vicharon ke adami the, parade ke kayal n

the. yuvak, vayas men yuvak hokar bhi khoosat vicharon ka adami tha, parade ka kattar pakshapati. vriddh thodi der tak to aparadhi bhav se baten karate rahe, par yuvak pratikshan garm ho jata tha. akhir boodhe baba bhi tej hue.

yuvak ne ankhen nikalakar kaha, ‘main aisi nirlajja se vivah karana apane lie apaman ki bat samajhata hoon.‘

vriddh ne krodh se kanpate hue svar men kaha, ‘aur main tum-jaise lnpat se apani kanya ka vivah karana lajja ki bat samajhata hoon.‘

yuvak ne krodh ke avesh men vriddh ka hath pakadakar dhakka diya. baton se n jitakar ab vah hathon se kam lena chahata tha. vriddh dhakka khakar gir pade. mainne lapakakar unhen uthaya aur yuvak ko daauta. vah vriddh ko chhodakar mujhase lipat gaya. main koee kushtibaj to hoon nahin. vah ladana janata tha. mujhe usane bat-ki-bat men gira diya aur mera gala dabane laga. kee adami jama ho gaye the. jab tak kushti hoti rahi, log kushti ka annd uthate rahe; lekin jab dekha muamala sngin hua jata hai, to turant bich-bachav kar diya. yuvak boodhe baba se jate-jate kah gaya - tum apani ladaki ko veshya banakar bazar men ghumana chahate ho, to

achchhi tarah ghumao, mujhe ab usase vivah nahin karana hai. vriddh chupachap khade the aur yuvati ro rahi thi. bhaee sahab, tab mujhase n raha gaya. mainne kaha, mahashay, ap mere pita ke tuly hain aur mujhe janate hain. yadi ap

mujhe is yogy samajhen to main in deviji ko apani hridayeshvari banakar apane ko dhany samajhoonga. main jis dasha men hoon, ap dekh rahe hain. snbhav hai, mera jivan isi tarah kat jay, lekin shrriddha, seva aur prem yadi jivan ko sukhi bana sakata hai, to mujhe vishvas hai ki devi ke prati mujhamen in bhavon ki kami n rahegi. boodhe baba ne gadgad hokar mujhe knth se laga liya. usi kshan mujhe apane ghar le gaye, bhojan karaya aur vivah ka sagun kar diya. main ek bar yuvati se milakar usaki sammati lena chahata tha. boodhe baba ne mujhe isaki saharsh anumati de di. yuvati se milakar mujhe gyat hua, ki vah ramaniyon men ratn hai. main usaki buddhimatta dekhakar chakit ho gaya. mainne apane man men jis sundari ki kalpana ki thi, vah usase hoobahoo milati hai, mujhe utani hi

der men vishvas ho gaya ki mera jivan usake sath sukhi hoga. mujhe ab ashirvad dijie. yuvati apaki patrika barabar padhati hai aur apase use badi shrriddha hai. joon men vivah hona nishchit hua hai. mainne spasht kah diya main jevar-kapade namamatr ko laoonga, n koee dhoomadham hi karoonga. vriddh ne kaha, main to svayn yahi kahanevala tha. main koee taiyari nahin chahata, n dhoomadham ki mujhe ichchha hai. jab mainne apaka nam liya, ki vah mere bade ke tuly hain to vah bahut prasann hue. apake lekhon ko vah bade adar se dekhate hain.‘

mainne kuchh khinn hokar kaha, ‘yah to sabakuchh hai; lekin is samay tumhen vivah karane ki samarthy bhi nahin hai. aur kuchh n ho, to pachas rupaye ki bndhi huee amadani to honi hi chahie.‘

joshi ne kaha, ‘bhaee sahab, mera uddhar vivah hi se hoga. mere ghar se nikalane ka karan bhi vivah hi tha aur ghar vapas jane ka karan bhi vivah hi hoga. jis samay pramila hath bandho hue jakar pitaji ke

charanon par gir padegi, unaka pashan hriday bhi pighal jayaga. samajhenge vivah to ho hi chuka, ab vadhoo par kyon julm kiya jay. jab use ashray mil jayaga, to mujhe jhak marakar bulayenge. main isi zid par ghar se nikala tha, ki apana vivah apane ichchhanusar bina kuchh liye-diye karoonga aur vah meri pratigya poori huee ja rahi hai. pramila itani chatur hai, ki vah mere gharavalon ko chutakiyon men mana legi. mainne takhamina laga liya hai. kul tin sau rupaye kharch honge aur yahi tin-char sau rupaye mujhe sasural se milenge. mainne socha hai, pramila ko pahale yahin laoonga. yahin se vah mere ghar patr likhegi aur ap dekhiega tisare hi din chacha sahab gahanon ki pitari liye a pahunchenge. vivah ho jane par vah kuchh nahin kar sakate. isalie mainne vivah ki khabar

nahin di.‘

mainne kaha, lekin mere pas to abhi kuchh bhi nahin hai bhaee. main tin sau rupe kahan se laoonga ?

joshi ne kaha, ‘tin sau rupaye nakad thode hi lagenge. koee sau rupaye ke kapade lagenge. sau rupaye ki do-ek sohag ki chizen banava loonga aur sau rupaye rahakharch samajh lijie. unaka makan kashipur men hai. vahin se vivah

karenge. yah bngali sonar jo samane hai, apake kahane se ek saptah ke vade par jo-jo chizen mangoonga, de dega. bajaj bhi apake kahane se de dega. nakad mujhe kul sau rupaye ki zaroorat padegi aur jyon hi udhar se lauta tyon hi de doonga. barat men ap aur mathur ke siva koee tisara adami n hoga. apako main kasht nahin dena chahata, lekin jis tarah ab tak apane mujhe bhaee samajhakar sahayata di hai, usi tarah ek bar aur dijie. mujhe vishvas tha, ki ap is shubh kary men apatti n karenge. isalie mainne vachan de diya. ab to apako yah dongi par lagani hi padegi.‘

deviji bolin main kahati thi, ‘use ek paisa mat do. kah do ham tumhari shadi-vivah ke jhnjhat men nahin padate.

dhaporasnkh ne kaha, ‘han, tumane abaki bar zaroor samajhaya, lekin main kya karata. shadi ka muamala; us par usane mujhe bhi ghasit liya tha. apani ijjat ka kuchh khayal to karana hi padata hai.‘

deviji ne mera lihaz kiya aur chup ho geen.

ab main us vrittant ko n badhaoonga. saransh yah hai, ki joshi ne dhaporasnkh ke matthe sau rupaye ke kapade aur sau rupaye se kuchh oopar ke gahanon ka bojh lada. bechare ne ek mitr se sau rupaye udhar lekar usake saphar kharch ko diya. khud byah men sharik hue. byah men khasi dhoomadham rahi. kanya ke pita ne mehamanon ka adar-satkar khoob kiya. unhen jaldi thi; isalie vah khud to doosare hi din chale aye; par mathur joshi ke sath vivah ke

ant tak raha. dhaporasnkh ko asha thi, ki joshi sasural ke rupaye pate hi mathur ke hathon bhej dega, ya khud leta ayega. magar mathur bhi doosare din a gaye, khali hath aur yah khabar laye, ki joshi ko sasural men

kuchh bhi hath nahin laga. mathur se unhen ab maloom hua ki ladaki se jamuna-tat par milane ki bat sarvatha nirmool thi. is ladaki se joshi bahut dinon tak patr-vyavahar karata raha tha. phir to dhaporasnkh ke kan khade ho gaye. mathur se poochha, ‘achchha ! yah bilakul kalpana thi usaki ?’

mathur-- ‘zi han.‘

dhaporasnkh –‘achchha, tumhari bhanji ke vivah ka kya hua ?’

mathur –‘ abhi to kuchh nahin hua.

dhaporasnkh –‘magar joshi ne kee mahine tak tumhari sahayata to khoob ki ?’

mathur –‘meri sahayata vah kya karata. han, donon joon bhojan bhale kar leta tha.‘

dhaporasnkh –‘tumhare nam par usane mujhase jo rupaye liye the, vah to tumhen diye honge ?’

mathur –‘kya mere nam par bhi kuchh rupaye liye the ?’

dhaporasnkh –‘han bhaee, tumhare ghar ka kiraya dene ke lie to le gaya tha.‘

mathur –‘sarasar beeemani. mujhe usane ek paisa bhi nahin diya, ulate aur ek mahajan se mere nam par sau rupayon ka stamp likhakar rupaye liye.‘

main kya janata tha, ki dhokha de raha hai. snyog se usi vakt agare se vah sajjan a gaye jinake pas joshi

kuchh dinon raha tha. unhonne mathur ko dekhakar poochha, ‘achchha ! ap abhi jinda hain. joshi ne to kaha tha, mathur mar gaya hai.‘

mathur ne hnsakar kaha, ‘mere to sir men dard bhi nahin hua.‘

dhaporasnkh ne poochha, ‘achchha, apake muradabadi baratan to pahunch gaye ?’

agara-nivasi mitr ne kutoohal se poochha, ‘qaise muradabadi baratan ?’

'vahi jo apane joshi ki maraphat mngavaye the ?'

'mainne koee chiz usaki maraphat nahin mngavaee. mujhe zaroorat hoti to apako sidha n likhata !'

mathur ne hnsakar kaha, ‘to yah rupaye bhi usane hajam kar liye.‘

agara-nivasi mitr bole –‘mujhase bhi to tumhari mrityu ke bahane sau rupaye laya tha. yah to ek hi jaliya nikala. uph ! kitana bada chakama diya hai isane ! zindagi men yah pahala mauqa hai, ki main yon bevakooph bana.

bachcha ko pa jaoon to tin sal ko bhejavaoon. kahan hain ajakal ?’

mathur ne kaha, ‘abhi to sasural men hai.‘

dhaporasnkh ka vrittant samapt ho gaya. joshi ne unhin ko nahin, mathur jaise aur garib, agara-nivasi sajjan-jaise ghagh ko bhi ulate chhure se mooda aur agar bhnda n phoot gaya hota to abhi n-jane kitane dinon tak moodata.

usaki in maulik chalon par main bhi mugdh ho gaya. beshak ! apane phan ka ustad hai, chhata hua gurga.

deviji bolin --sun li apane sari katha ?

mainne darate-darate kaha, ‘han, sun to li.‘

'achchha, to ab apaka kya phaisala hai ? inhonne ghonghapan kiya ya nahin ? jis adami ko ek-ek paise ke lie doosaron ka munh takana pade, vah ghar ke panch-chh: sau rupaye is tarah uda de, ise ap usaki sajjanata kahenge ya bevakoophi ? agar inhonne yah samajhakar rupaye diye hote, ki pani men phenk raha hoon, to mujhe koee apatti n thi; magar yah barabar is dhokhe men rahe aur mujhe bhi usi dhokhe men dalate rahe, ki vah ghar

ka maladar hai aur mere sab rupaye hi n lauta dega; balki aur bhi kitane salook karega. jisaka bap do hazar rupaye mahina pata ho, jisake chacha ki amadani ek hazar masik ho aur ek lakh ki jayadad ghar men ho, vah aur kuchh nahin to yoorop ki sair to ek bar kara hi sakata tha. main agar kabhi mana bhi karati, to ap bigad jate aur udarata ka upadesh dene lagate the. yah main svikar karati hoon, ki shuroo men main bhi dhokhe men a gee thi, magar pichhe se mujhe usaka sandeh hone laga tha. aur vivah ke samay to mainne zor dekar kah diya tha, ki ab ek paee bhi n doongi. poochhie, jhooth kahati hoon, ya sach ? phir agar mujhe dhokha hua; to main ghar men rahanevali stri hoon. mera dhokhe men a jana kshamy hai, magar yah jo lekhak aur vicharak aur upadeshak banate hain, yah kyon dhokhe men aye aur jab main inhen samajhati thi, to yah kyon apane ko buddhimatta ka avatar samajhakar meri baton ki upeksha karate the ? dekhie, roo-riayat n kijiega, nahin main buri tarah khabar loongi. main nishpaksh nyay chahati hoon.'

dhaporasnkh ne dardanak ankhon se meri taraph dekha, jo mano bhiksha mang rahi thin. usi ke sath deviji ki agrah, adesh aur garv se bhari ankhen tak rahi thin. ek ko apani har ka vishvas tha, doosari ko apani jit

ka. ek riayat chahati thi, doosari sachcha nyay. mainne kritrim gnbhirata se apana nirnay sunaya mere mitr ne kuchh bhavukata se avashy kam liya hai, par unaki sajjanata nirvivad hai. dhaporasnkh uchhal pade aur mere gale lipat gaye. deviji ne sagarv netron se dekhakar kaha, yah to main janati hi thi, ki chor-chor mausere bhaee honge.

tum donon ek hi thaili ke chatte-batte ho. ab tak rupaye men ek paee mardon ka vishvas tha. aj tumane vah bhi utha diya. aj nishchay hua, ki purush chhali, kapati, vishvasaghati aur svarthi hote hain. main is nirnay ko nahin

manati. muft men eeman bigadana isi ko kahate hain. bhala mera paksh lete, to achchha bhojan milata, unaka paksh lekar apako sade sigareton ke siva aur kya hath lagega. khair, handi gee, kutte ki jat to pahachani gee. us din se do-tin bar deviji se bhent ho chuki hai aur vahi phatakar sunani padi hai. vah n kshama chahati hain; n kshama kar sakati hain.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah