मेरी पहली रचना- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

us vakt meri umr koee 13 sal ki rahi hogi. hindi bilkul n janata tha. urdoo ke upanyas padhane-likhane ka unmad tha. maulana sharar, pn0 ratananath sarashar, mirja rusava, maulavi muhammad ali haradoee nivasi, us vakt ke sarvapriy upanyasakar the. inaki rachanaen jahan mil jati thin, skool ki yad bhool jati thi aur pustak samapt karake hi dam leta tha. us jamane men renald ke upanyason ki dhoom thi. urdoo men unake anuvad dhadadhad nikal rahe the aur hathon-hath bikate the. main bhi unaka ashik tha. sv0 hajarat riyaz ne jo urdoo ke prasiddh kavi the aur jinaka hal men dehant hua hai, renald ki ek rachana ka anuvad ‘haram sara’ ke nam se kiya tha. us jamane men lakhanoo ke saptahik ‘avadh-pnch’ ke sampadak sv0 maulana sajjad husen ne, jo hasyaras ke amar kalakar hain, renald ke doosare upanyas ka anuvad ‘dhokha’ ya ‘tilasmi fanoos’ ke nam se kiya tha. ye sari pustaken mainne usi jamane men padhin aur pn0 ratananath sarashar se to mujhe tripti n hoti thi. unaki sari rachanaen mainne padh dalin. un dinon mere pita gorakhapur men rahate the aur main bhi gorakhapur hi ke mishan skool men athaven men padhata tha, jo tisara daraja kahalata tha. reti par ek bukaselar buddhilal nam ka rahata tha. main usaki dookan par ja baithata tha aur usake stak se upanyas le-lekar padhata tha; magar dookan par sare din to baith n sakata tha, isalie main usaki dookan se angreji pustakon ki kunjiyan aur nots lekar apane skool ke ladaqon ke hath becha karata tha aur isake muavaje men dookan se upanyas ghar lakar padhata tha. do-tin varshon men mainne saikadon hi upanyas padh dale honge. jab upanyason ka stak samapt ho gaya, to mainne navalakishor pres se nikale hue puranon ke urdoo anuvad bhi padhe, aur ‘tilasmi hosharuba’ ke kee bhag bhi padhe. is vrihadh tilasmi granth ke 17 bhag us vakt nikal chuke the aur ek-ek bhag bade supararayal ke akar ke do-do hazar prishthon se kam n hoga. aur in 17 bhagon ke uparant usi pustak ke alag-alag prasngon par pachison bhag chhap chuke the. inamen se bhi mainne padhe. jisane itane bade granth ki rachana ki, usaki kalpana-shakti kitani prabal hogi, isaka keval anuman kiya ja sakata hai. kahate hain, ye kathaen maulana phaiji ne akabar ke vinodarth pharasi men likhi thin. inamen kitana saty hai, kah nahin sakata; lekin itani vrihadh katha shayad hi snsar ki kisi bhasha men ho. poori ensaiklopidiya samajh lijie. ek adami to apane 60 varsh ke jivan men unaki nakal bhi karana chahe, to nahin kar sakata. rachana to doosari bat hai.

usi jamane men mere ek nate ke mamoo kabhi-kabhi hamare yahan aya karate the. adhed ho gaye the; lekin abhi tak bin-byahe the. pas men thodi-si zamin thi, makan tha, lekin gharani ke bina sab kuchh soona tha. isalie ghar par ji nahin lagata tha. natedariyon men ghooma karate the, aur sabase yahi asha rakhate the, ki koee unaka byah kara de. isake lie sau-do-sau kharch karane ko bhi taiyar the. kyon unaka byah nahin hua, yah ashchary tha. achchhe-khase hrisht-pusht adami the, badi-badi moonchhen, ausat kad, sanvala rng. ganja pite the, isase ankhen lal rahati thin. apane dhng ke dharmanishth bhi the. shivaji ko rojana jal chadhate the. aur mans machhali nahin khate the.

akhir ek bar unhonne bhi vahi kiya, jo bin-byahe log aksar kiya karate hain. ek chamarin ke nayan-banon se ghayal ho gaye. vah unake yahan gobar pathane, bailon ko sani-pani dene aur isi tarah ke doosare phutakar kamon ke lie naukar thi. javan thi, chhabili thi, aur apane varg ki any ramaniyon ki bhanti prasann mukh aur vinodani thi. ‘ek samay sakhi suari sundari’ vali bat thi. mamoo sahab ka trishit hriday mithe jal ki dhara dekhate hi phisal pada. baton-baton men usase chhedachhad karane lage. vah inake man ka bhav tad gayi. aisi alhad n thi. aur nakhare karane lagi. keshon men tel bhi padऩe laga, chahe sarason ka hi kyon n ho. ankhon men kajal bhi chamaka, othon par missi bhi ayi, aur kam men dhilaee bhi shuroo huee. kabhi dopahar ko ayi aur jhalak dikhakar chali gayi, kabhi sanjh ko ayi aur ek tir chalakar chali gayi. bailon ko sani-pani mamoo sahab khud de dete, gobar doosare utha le jate, yuvati se bigadate kyonkar? vahan to ab prem uday ho gaya tha. holi men use prathanusar ek sadi di; magar abaki gaji ki sadi n thi, khoobasoorat-si sava do rupaye ki chundari thi. holi ki tyohari bhi mamool se chauguni di. aur yah silasila yahan tak badha ki vah chamarin hi ghar ki malakin ho gayi.

ek din sandhya-samay chamaron ne apas men pnchayat ki. bade adami hain to hua karen, kya kisi ki ijjat lenge! ek in lala ke bap the ki kabhi kisi mehariya ki or ankh uthakar n dekha, (halanki yah sarasar galat tha) aur ek yah hain ki nich jati ki bahoo-betiyon par bhi dore dalate hain! samajhane-bujhane ka mauqa n tha. samajhane se lala manenge to nahin, ulate aur koee mamala khada kar denge. inake kalam ghumane ki to der hai. isalie nishchay hua ki lala sahab ko aisa sabak dena chahie ki hamesha ke lie yad ho jae. ijjat ka badala khoon hi chukata hai, lekin marammat se bhi kuchh usaki purauti ho sakati hai.

doosare din sham ko jab champa mamoo sahab ke ghar men ayi to unhonne andar ka dvar band kar diya. mahinon ke asamnjas aur hichak aur dharmik sngharsh ke bad aj mamoo sahab ne apane prem ko vyavaharik roop dene ka nishchay kiya tha. chahe kuchh ho jay, kul marajad rahe ya jay, bap-dada ka nam doobe ya utaray!

udhar chamaron ka jattha tak men tha hi. idhar kivad band hue, udhar unhonne dvar khatakhatana shuroo kiya. pahale to mamoo sahab ne samajha, koee asami milane aya hoga, kivad band pakar laut jaega; lekin jab adamiyon ka shoragul suna to ghabadaye. jakar kivadon ki daraj se jhanka. koee bis-pachis chamar lathiyan lie dvar roke khade kivadon ko todऩe ki cheshta kar rahe the. ab karen to kya karen? bhagane ka kahin rasta nahin, champa ko kahin chhipa nahin sakate. samajh gaye ki shamat a gayi. ashiki itani jaldi gul khilaegi yah kya janate the, nahin is chamarin par dil ko ane hi kyon dete. udhar champa inhin ko kos rahi thi-tumhara kya bigadega, meri to ijjat lut gayi. ghar vale mood hi katakar chhodenge, kahati thi, kabhi kivad band n karo, hath-panv jodati thi, magar tumhare sir par to bhoot savar tha. lagi munh men kalikh ki nahin?

mamoo sahab bechare is kooche men kabhi n aye the. koee pakka khiladi hota to sau upay nikal leta; lekin mamoo sahab ki to jaise sitti-pitti bhool gayi. barauth men thar-thar kanpate ‘hanuman-chalisa’ ka path karate hue khade the. kuchh n soojhata tha.

aur udhar dvar par kolahal badhata ja raha tha, yahan tak ki sara ganv jama ho gaya. bamhan, thakur, kayasth sabhi tamasha dekhane aur hath ki khujali mitane ke lie a pahunche. isase zyada manornjak aur sphoortivardhak tamasha aur kya hoga ki ek mard ek aurat ke sath ghar men band paya jae! phir vah chahe kitana hi pratishthit aur vinamr kyon n ho, janata use kisi tarah kshama nahin kar sakati. badhee bulaya gaya, kivad phade gaye aur mamoo sahab bhoose ki kothari men chhipe hue mile. champa angan men khadi ro rahi thi. dvar khulate hi bhagi. koee usase nahin bola. mamoo sahab bhagakar kahan jate? vah janate the, unake lie bhagane ka rasta nahin hai. mar khane ke lie taiyar baithe the. mar padऩe lagi aur bebhav ki padऩe lagi. jisake hath jo kuchh laga-joota, chhadi, chhata, lat, ghoonsa astr chale. yahan tak mamoo sahab behosh ho gaye aur logon ne unhen murda samajhakar chhod diya. ab itani durgati ke bad vah bach bhi gaye, to ganv men nahin rah sakate aur unaki zamin pattidaron ke hath aegi.

is durghatana ki khabar udate-udate hamare yahan bhi pahunchi. mainne bhi usaka khoob anand uthaya. pitate samay unaki roop-rekha kaisi rahi hogi, isaki kalpana karake mujhe khoob hnsi ayi.

ek mahine tak to vah haldi aur gud pite rahe. jyonhi chalane-phirane layaq hue, hamare yahan aye. yahan apane ganv valon par dake ka istagasa dayar karana chahate the.

agar unhonne kuchh dinata dikhayi hoti, to shayad mujhe hamadardi ho jati; lekin unaka vahi dam-kham tha. mujhe khelate ya upanyas padhate dekhakar bigadऩa aur rob jamana aur pitaji se shikayat karane ki dhamaki dena, yah ab main kyon sahane laga tha! ab to mere pas unhen nicha dikhane ke lie kafi masala tha!

akhir ek din mainne yah sari durghatana ek natak ke roop men likh dali aur apane mitron ko sunayi. sab-ke-sab khoob hnse. mera sahas badha. mainne use saph-saph likhakar vah kapi mamoo sahab ke sirahane rakh di aur skool chala gaya. dil men kuchh darata bhi tha, kuchh khush bhi tha aur kuchh ghabaraya hua bhi tha. sabase bada kutoohal yah tha ki drama padhaqar mamoo sahab kya kahate hain. skool men ji n lagata tha. dil udhar hi tnga hua tha. chhutti hote hi ghar chala gaya. magar dvar ke samip akar panv ruk gaye. bhay hua, kahin mamoo sahab mujhe mar n baithen; lekin itana janata tha ki vah ekadh thappad se zyada mujhe mar n sakenge, kyonki main mar khane vale ladaqon men n tha.

magar yah mamala kya hai! mamoo sahab charapaee par nahin hain, jahan vah nity lete hue milate the. kya ghar chale gaye? akar kamara dekha vahan bhi sannata. mamoo sahab ke joote, kapade, gathari sab lapata. andar jakar poochha. maloom hua, mamoo sahab kisi zaroori kam se ghar chale gaye. bhojan tak nahin kiya.

mainne bahar akar sara kamara chhan mara magar mera drama-meri vah pahali rachana-kahin n mili. maloom nahin, mamoo sahab ne use chiragali ke supurd kar diya ya apane sath svarg le gaye?

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah