जीवन का शाप -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kavasaji ne patr nikala aur yash kamane lage. shapooraji ne ruee ki dalali shuroo ki aur dhan kamane lage ? kamaee donon hi kar rahe the, par shapooraji prasann the; kavasaji virakt. shapooraji ko dhan ke sath samman aur yash ap-hi-ap milata tha. kavasaji ko yash ke sath dhan doorabin se dekhane par bhi dikhayi n deta tha; isalie shapooraji ke jivan men shanti thi, sahridayata thi, ashirvad tha, krida thi. kavasaji ke jivan men ashanti thi, katuta thi, nirasha thi, udasinata thi. dhan ko tuchchh samajhane ki vah bahut cheshta karate the; lekin pratyaksh ko kaise jhuthala dete ? shapooraji ke ghar men virajane vale saujany aur shanti ke samane unhen apane ghar ke kalah aur phoohadapan se ghrina hoti thi. mridubhashini misej shapoor ke samane unhen apani gulashan banoo snkirnata aur eershya ka avatar-si lagati thi. shapooraji ghar men ate, to shirin-baee mridu has se unaka svagat karati. vah khud din-bhar ke thake-mande ghar ate to gulashan apana dukhada sunane baith jati aur unako khoob phatakaren batati tum bhi apane ko adami kahate ho. main to tumhen bail samajhati hoon,bail bada mehanati hai, garib hai, santoshi hai, mana lekin use vivah karaneka kya hak tha ?  kavasaji se ek lakh bar yah prashn kiya ja chuka tha ki jab tumhen samacharapatr nikalakar apana jivan barabad karana tha, to tumane vivah kyonkiya ? kyon meri zindagi tabah kar di ? jab tumhare ghar men rotiyan n thin, to mujhe kyon laye ! is prashn ka javab dene ki kavasaji men shakti n thi. unhen kuchh soojhata hi n tha. vah sachamuch apani galati par pachhatate the. ek bar bahut tng akar unhonne kaha tha, ‘achchha bhaee, ab to jo hona tha, ho chuka; lekin main tumhen bandhe to nahin hoon, tumhen jo purush zyada sukhi rakh sake, usake sath jakar raho, ab main kya kahoon ? amadani nahin badhati, to main kya karoon ? kya chahati ho, jan de doon ?’ is par gulashan ne unake donon kan pakadakar zor se ainthe aur galon par do tamache lagaye aur paini ankhon se katati huee boli, ‘achchha, ab chonch snbhalo, nahin to achchha n hoga. aisi bat munh se nikalate tumhen laj nahin ati. hayadar hote, to chulloo bhar pani men doob marate. us doosare purush ke mahal men ag laga doongi, usaka munh jhulas doongi. tab se bechare kavasaji ke pas is prashn ka koee javab n raha. kahan to yah asantosh aur vidroh ki jvala aur kahan vah madhurata aur bhadrata ki devi shirin, jo kavasaji ko dekhate hi phool ki tarah khil uthati, mithi-mithi baten karati, chay, murabbe aur phoolon se satkar karati aur aksar unhen apani kar par ghar pahuncha deti. kavasaji ne kabhi man men bhi ise svikar karane ka sahas nahin kiya; magar unake hriday men yah lalasa chhipi huee thi ki gulashan ki jagah shirin hoti, to unaka jivan kitana gulazar hota ! kabhi-kabhi gulashan ki katooktiyon se vah itane dukhi ho jate ki yamaraj ka avahan karate. ghar unake lie kaidakhane se kam jan-leva n tha aur unhen jab avasar milata, sidhe shirin ke ghar jakar apane dil ki jalan bujha ate.   ek din kavasaji sabere gulashan se jhallakar shapooraji ke teres men pahunche, to dekha shirin banoo ki ankhen lal hain aur chehara bhabharaya hua hai, jaise rokar uthi ho. kavasaji ne chintit hokar poochha, ‘apaka ji kaisa hai, bukhar to nahin a gaya.‘ shirin ne dard-bhari ankhon se dekhakar roni avaz se kaha, ‘nahin, bukhar to nahin hai, kam-se-kam deh ka bukhar to nahin hai.‘ kavasaji is paheli ka kuchh matalab n samajhe. shirin ne ek kshan maun rahakar phir kaha, ‘apako main apana mitr samajhati hoon mi. kavasaji ! apase kya chhipaoon. main is jivan se tng a gayi hoon. mainne ab tak hriday ki ag hriday men rakhi; lekin aisa maloom hota hai ki ab use bahar n nikaloon, to meri haddiyan tak jal jayengi. is vakt ath baje hain, lekin mere rngile piya ka kahin pata nahin. rat ko khana khakar vah ek mitr se milane ka bahana karake ghar se nikale the aur abhi tak lautakar nahin aye. yah aj koee nee bat nahin hai, idhar kee mahinon se yah inaki roj ki adat hai. mainne aj tak apase kabhi apana dard nahin kaha,magar us samay bhi, jab main hns-hnsakar apase baten karati thi, meri atma roti rahati thi.‘ kavasaji ne nishkapat bhav se kaha, ‘tumane poochha, nahin, kahan rah jate ho ?’ 'poochhane se kya log apane dil ki baten bata diya karate hain ?' 'tumase to unhen koee bhed n rakhana chahie.' 'ghar men ji n lage to adami kya kare ?' 'mujhe yah sunakar ashchary ho raha hai. tum jaisi devi jis ghar ho, vah svarg hai. shapooraji ko to apana bhagy sarahana chahie !' 'apaka yah bhav tabhi tak hai, jab tak apake pas dhan nahin hai. aj tumhen kahin se do-char lakh rupaye mil jayn, to tum yon n rahoge aur tumhare ye bhav badal jaynge. yahi dhan ka sabase bada abhishap hai. oopari sukh-shanti ke niche kitani ag hai, yah to usi vakt khulata hai, jab jvalamukhi phat padata hai. vah samajhate hain, dhan se ghar bharakar unhonne mere lie vah sabakuchh kar diya jo unaka kartavy tha aur ab mujhe asantusht hone ka koee karan nahin. yah nahin janate ki aish ke ye saman us tahakhanon men gade hue padarthon ki tarah hain, jo mritatma ke bhog ke lie rakhe jate the.' kavasaji aj ek nayi bat sun rahe the. unhen ab tak jivan ka jo anubhav hua tha, vah yah tha ki stri ant:karan se vilasini hoti hai. us par lakh pran varo, usake lie mar hi kyon n mito, lekin vyarth. vah keval kharahara nahin chahati, usase kahin zyada dana aur ghas chahati hai. lekin ek yah devi hai, jo vilas ki chijon ko tuchchh samajhati hai aur keval mithe sneh aur sahavas se hi prasann rahana chahati hai. unake man men gudagudi-si uthi. misej shapoor ne phir kaha, unaka yah vyapar meri bardasht ke bahar ho gaya hai, mi. kavasaji ! mere man men vidroh ki jvala uth rahi hai aur main dharmashastr aur maryada in sabhi ka ashray lekar bhi tran nahin pati ! man ko samajhati hoon kya snsar men lakhon vidhavaen nahin padi huee hain; lekin kisi tarah chitt nahin shant hota. mujhe vishvas ata jata hai ki vah mujhe maidan men ane ke lie chunauti de rahe hain. mainne ab tak unaki chunauti nahin li hai; lekin ab pani sir ke oopar chadh gaya hai. aur main kisi tinake ka sahara dhoondhe bina nahin rah sakati. vah jo chahate hain, vah ho jayaga. ap unake mitr hain, apase ban pade, to unako samajhaie. main is maryada ki bedi ko ab aur n pahan sakoongi.‘ mi. kavasaji man men bhavi sukh ka ek svarg nirman kar rahe the. bole –‘han-han, main avashy samajhaoonga. yah to mera dharm hai; lekin mujhe asha nahin ki mere samajhane ka un par koee asar ho. main to daridr hoon, mere samajhane ka unaki drishti men mooly hi kya ?’ 'yon vah mere oopar badi kripa rakhate hain bas, unaki yahi adat mujhe pasand nahin !' 'tumane itane dinon bardasht kiya, yahi ashchary hai. koee doosari aurat to ek din n sahati.' 'thodi-bahut to yah adat sabhi purushon men hoti hai; lekin aise purushon ki striyan bhi vaisi hi hoti hain. karm se n sahi, man se hi sahi. mainne to sadaiv inako apana ishtadev samajha !' 'kintu jab purush isaka arth hi n samajhe, to kya ho ? mujhe bhay hai, vah man men kuchh aur n soch rahe hon.' 'aur kya soch sakate hain ?' 'ap anuman kar sakati hain.' 'achchha, vah bat ! magar mera aparadh ?' 'sher aur memanevali katha apane nahin suni ?' misej shapoor ekaek chup ho gayin. samane se shapooraji ki kar ati dikhayi di. unhonne kavasaji ko takid aur vinay-bhari ankhon se dekha aur doosare dvar ke kamare se nikalakar andar chali gayin. mi. shapoor lal ankhen kiye kar se utare aur muskarakar kavasaji se hath milaya. stri ki ankhen bhi lal thin, pati ki ankhen bhi lal. ek rudan se, doosari rat ki khumari se. shapooraji ne hait utarakar khoonti par latakate hue kaha, ‘kshama kijiega, main rat ko ek mitr ke ghar so gaya tha. davat thi. khane men der huee, to mainne socha ab kaun ghar jay.‘ kavasaji ne vyngy muskan ke sath kaha, ‘qisake yahan davat thi. mere riportar ne to koee khabar nahin di. jara mujhe not kara dijie.‘ unhonne jeb se notabuk nikali. shapooraji ne satark hokar kaha, ‘aisi koee badi davat nahin thi ji,do-char mitron ka pritibhoj tha.‘ 'phir bhi samachar to janana chahie. jis pritibhoj men ap-jaise pratishthit log sharik hon, vah sadharan bat nahin ho sakati. kya nam hai  mezaban sahab ka ?' 'ap chaunkenge to nahin ?' 'bataie to.' 'mis gauhar !' 'mis gauhar !!' 'ji han, ap chaunke kyon ? kya ap ise taslim nahin karate ki din-bhar paye-ane-paee se sir marane ke bad mujhe kuchh manornjan karane ka bhi adhikar hai, nahin to jivan bhar ho jay.' 'main ise nahin manata.' 'kyon ?' 'isilie ki main is manornjan ko apani byahata stri ke prati anyay samajhata hoon.' shapooraji nakali hnsi hnse—‘yahi dakiyanoosi bat. apako maloom hona chahie; aj ka samay aisa koee bandhan svikar nahin karata.‘ 'aur mera khayal hai ki kam-se-kam is vishay men aj ka samaj ek pidhi pahale ke samaj se kahin parishkrit hai. ab deviyon ka yah adhikar svikar kiya jane laga hai.' 'yani deviyan purushon par hukoomat kar sakati hain ?' 'usi tarah jaise purush deviyon par hukoomat kar sakate hain.' 'main ise nahin manata. purush stri ka muhataj nahin hai, stri purush ki muhataj hai.' 'apaka ashay yahi to hai ki stri apane bharan-poshan ke lie purush par avalambit hai ?' 'agar ap in shabdon men kahana chahate hain, to mujhe koee apatti nahin; magar adhikar ki bagador jaise rajaniti men, vaise hi samaj-niti men dhanabal ke hath rahi hai aur rahegi.' 'agar daivayog se dhanoparjan ka kam stri kar rahi ho aur purush koee kam n milane ke karan ghar baitha ho, to stri ko adhikar hai ki apana manornjan jis tarah chahe kare ?' 'main stri ko adhikar nahin de sakata.' 'yah apaka anyay hai.' 'bilakul nahin. stri par prakriti ne aise bandhan laga diye hain ki vah jitana bhi chahe, purush ki bhanti svachchhand nahin rah sakati aur n pashubal men purush ka mukabala hi kar sakati hai. han, grihini ka pad tyag kar ya aprakritik jivan ka ashray lekar, vah sabakuchh kar sakati hai.' 'ap log use majaboor kar rahe hain ki aprakritik jivan ka ashray le.' 'main aise samay ki kalpana hi nahin kar sakata, jab purushon ka adhipaty svikar karane vala auraton ka kal pad jay. qanoon aur sabhyata main nahin janata. purushon ne striyon par hamesha raj kiya hai aur karenge.' sahasa kavasaji ne pahaloo badala. itani thodi-si der men hi vah achchhe-khase kootaniti-chatur ho gaye the. shapooraji ko prashnsa-soochak ankhon se dekhakar bole to ham aur ap donon ek vichar ke hain. main apaki pariksha le raha tha. main bhi stri ko grihini, mata aur svamini, sabakuchh manane ko taiyar hoon, par use svachchhand nahin dekh sakata. agar koee stri svachchhand hona chahati hai to usake lie mere ghar men sthan nahin hai. abhi misez shapoor ki baten sunakar main dng rah gaya. mujhe isaki kalpana bhi n thi ki koee nari man men itane vidrohatmak bhavon ko sthan de sakati hai.   mi. shapoor ki gardan ki nasen tan gayin; nathane phool gaye. kursi se uthakar bole achchha, ‘to ab shirin ne yah dhng nikala ! main abhi usase poochhata hoon apake samane poochhata hoon abhi phaisala kar daloonga. mujhe usaki paravah nahin hai. kisi ki paravah nahin hai. bevapha aurat ? jisake hriday men jara bhi snvedana nahin, jo mere jivan men jara-sa anand bhi nahin sah sakati chahati hai, main usake anchal men bndh-bndh ghoomoon ! shapoor se yah asha rakhati hai ? abhagini bhool jati hai ki aj main ankhon ka ishara kar doon, to ek sau ek shiriyan meri upasana karane lagen; ji han, mere isharon par nachen. mainne isake lie jo kuchh kiya, bahut kam purush kisi stri ke lie karate hain. mainne ... mainne ...’ unhen khayal a gaya ki vah zaroorat se zyada bahake ja rahe hain. shirin ki premamay sevaen yad ayin, rukakar bole lekin mera khayal hai ki vah ab bhi samajh se kam le sakati hai. main usaka dil nahin dukhana chahata. main yah bhi janata hoon ki vah zyada-se-zyada jo kar sakati hai, vah shikayat hai. isake age badhane ki himakat vah nahin kar sakati. auraton ko mana lena bahut mushkil nahin hai, kam-se-kam mujhe to yahi tajaraba hai. kavasaji ne khandan kiya, ‘mera tajaraba to kuchh aur hai.‘ 'ho sakata hai; magar apake pas khali baten hain, mere pas lakshmi ka ashirvad hai.' 'jab man men vidroh ke bhav jam gaye, to lakshmi ke tale bhi nahin tal sakate.' shapooraji ne vicharapoorn bhav se kaha, ‘shayad apaka vichar thik hai.‘   kee din ke bad kavasaji ki shirin se park men mulakat huee. vah isi avasar ki khoj men the. unaka svarg taiyar ho chuka tha. keval usamen shirin ko pratishthit karane ki kasar thi. us shubh-din ki kalpana men vah pagal-se ho rahe the. gulashan ko unhonne usake maike bhej diya tha. bhej kya diya tha, vah roothakar chali gayi thi. jab shirin unaki daridrata ka svagat kar rahi hai, to gulashan ki khushamad kyon ki jay ? lapakakar shirin se hath milaya aur bole, ‘ap khoob milin. main aj anevala tha.‘  shirin ne gila karate hue kaha, ‘apaki rah dekhate-dekhate ankhen thak gayin. ap bhi jabani hamadardi hi karana janate hain. apako kya khabar, in kee dinon men meri ankhon se kitane ansoo bahe hain.‘ kavasaji ne shirin banoo ki utkanthapoorn mudra dekhi, jo bahumooly reshami sadi ki ab se aur bhi damak uthi thi, aur unaka hriday andar se baithata hua jan pada. us chhatr ki-si dasha huee, jo aj antim pariksha pas kar chuka ho aur jivan ka prashn usake samane apane bhaynkar roop men khada ho. kash ! vah kuchh din aur parikshaon ki bhoolabhulaiya men jivan ke svapnon ka anand le sakata ! us svapn ke samane yah saty kitana daravana tha. abhi tak kavasaji ne madhumakkhi ka shahad hi chakha tha. is samay vah unake mukh par mndara rahi thi aur vah dar rahe the ki kahin dnk n mare. dabi huee avaz se bole, ‘mujhe yah sunakar bada du:kh hua. mainne to shapoor ko bahut samajhaya tha.‘ shirin ne unaka hath pakadakar ek bench par bitha diya aur boli, ‘un par ab samajhane-bujhane ka koee asar n hoga. aur mujhe hi kya garaj padi hai ki main unake panv sahalati rahoon. aj mainne nishchay kar liya hai, ab us ghar men lautakar n jaoongi. agar unhen adalat men jalil hone ka shauq hai, to mujh par dava karen, main taiyar hoon. main jisake sath nahin rahana chahati, usake sath rahane ke lie eeshvar bhi mujhe majaboor nahin kar sakata, adalat kya kar sakati hai ? agar tum mujhe ashray de sakate ho, to main tumhari banakar rahoongi, tab tak tum mere pas rahoge. agar tumamen itana atmabal nahin hai, to mere lie doosare dvar khul jaynge. ab saph-saph batalao, kya vah sari sahanubhooti jabani thi ?’

kavasaji ne kaleja mazaboot karake kaha, ‘nahin-nahin, shirin, khuda janata hai, mujhe tumase kitana prem hai. tumhare lie mere hriday men sthan hai.‘ 'magar gulashan ko kya karoge ?' 'use talak de doonga.' 'han, yahi main bhi chahati hoon. to main tumhare sath chaloongi, abhi, isi dam. shapoor se ab mera koee sambandh nahin hai.' kavasaji ko apane dil men kampan ka anubhav hua. bole, ‘lekin, abhi to vahan koee taiyari nahin hai.‘ 'mere lie kisi taiyari ki zaroorat nahin. tum sabakuchh ho. taiksi le lo. main isi vakt chaloongi.' kavasaji taiksi ki khoj men park se nikale. vah ekant men vichar karane ke lie thoda-sa samay chahate the, is bahane se unhen samay mil gaya. un par ab javani ka vah nasha n tha, jo vivek ki ankhon par chhakar bahudha hamen gandhe men gira deta hai. agar kuchh nasha tha, to ab tak hiran ho chuka tha. vah kis phande men gala dal rahe hain, vah khoob samajhate the. shapooraji unhen mitti men mila dene ke lie poora zor lagayenge, yah bhi unhen maloom tha. gulashan unhen sari duniya men badanam kar degi, yah bhi vah janate the. ye sab vipattiyan jhelane ko vah taiyar the. shapoor ki jaban band karane ke lie unake pas kafi dalilen thin. gulashan ko bhi stri-samaj men apamanit karane ka unake pas kafi masala tha. dar tha, to yah ki shirin ka yah prem tik sakega ya nahin. abhi tak shirin ne keval unake saujany ka parichay paya hai, keval unaki nyay, saty aur udarata se bhari baten suni hain. is kshetr men shapooraji se unhonne bazi mari hai, lekin unake saujany aur unaki pratima ka jadoo unake besarosaman ghar men kuchh din rahega, isamen unhen sandeh tha. halave ki jagah chupadi rotiyan bhi milen to adami sabr kar sakata hai. rookhi bhi mil jayn, to vah santosh kar lega; lekin sookhi ghas samane dekhakar to rishi-muni bhi jame se bahar ho jayenge. shirin unase prem karati hai; lekin prem ke tyag ki bhi to sima hai. do-char din bhavukata ke unmad men yah sabr kar le; lekin bhavukata koee tikaoo chiz to nahin hai. vastavikata ke aghaton ke samane yah bhavukata kai din tikegi. us paristhiti ki kalpana karake kavasaji kanp uthe. ab tak vah ranivas men rahi hai. ab use ek khaparail ka kaautej milega, jisaki pharsh par kalin ki jagah tat bhi nahin; kahan varadiposh naukaron ki palatan, kahan ek budhiya mama ki sndigdh sevaen jo bat-bat par bhunabhunati hai, dhamakati hai, kosati hai. unaka adha vetan to sngit sikhane vala mastar hi kha jayaga aur shapooraji ne kahin zyada kaminapan se kam liya, to unako badamashon se pitava bhi sakate hain. pitane se vah nahin darate. yah to unaki fatah hogi; lekin shirin ki bhog-lalasa par kaise vijay payen. budhiya mama jab munh latakaye akar usake samane rotiyan aur salan paros degi, tab shirin ke mukh par kaisi vidagdh virakti chha jayegi ! kahin vah khadi hokar unako aur apani kismat ko kosane n lage. nahin, abhav ki poorti saujany se nahin ho sakati. shirin ka vah roop kitana vikaral hoga.   sahasa ek kar samane se ati dikhayi di. kavasaji ne dekha shapooraji baithe hue the. unhonne hath uthakar kar ko rukava liya aur pichhe daudate hue jakar shapooraji se bole, ‘ap kahan ja rahe hain ?’ 'yon hi jara ghoomane nikala tha.' 'shirinbanoo park men hain, unhen bhi lete jaie.' 'vah to mujhase ladakar ayi hain ki ab is ghar men kabhi qadam n rakhoongi.' 'aur ap sair karane ja rahe hain ?' 'to kya ap chahate hain, baithakar rooon ?' 'vah bahut ro rahi hain.' 'sach !' 'han, bahut ro rahi hain.' 'to shayad usaki buddhi jag rahi hai.' 'tum is samay unhen mana lo, to vah harsh se tumhare sath chali jayn.' 'main pariksha karana chahata hoon ki vah bina manaye manati hai ya nahin.' 'main bade asamnjas men pada hua hoon. mujhapar daya karo, tumhare pairon padata hoon. 'jivan men jo thoda-sa anand hai, use manavan ke natay men nahin chhodana chahata.'   kar chal padi aur kavasaji kartavyabhrasht-se vahin khade rah gaye. der ho rahi thi. socha qahin shirin yah n samajh le ki mainne bhi usake sath daga ki; lekin jaoon bhi to kyonkar ? apane sampadakiy kutir men us devi ko pratishthit karane ki kalpana hi unhen hasyaspad lagi. vahan ke lie to gulashan hi upayukt hai. kudhati hai, kathor baten kahati hai, roti hai, lekin vakt se bhojan to deti hai. phate hue kapadon ko raphoo to kar deti hai, koee mehaman a jata hai, to kitane prasann-mukh se usaka adar-satkar karati hai, mano usake man men anand-hi-anand hai. koee chhoti-si chiz bhi de di, to kitana phool uthati hai. thodi-si tariph karake chahe usase gulami karava lo. ab unhen apani jara-jara si bat par jhunjhala padana, usaki sidhi-si baton ka tedha javab dena, vikal karane laga. us din usane yahi to kaha, tha ki usaki chhoti bahan ki sal-girah par koee upahar bhejana chahie. isamen baras padane ki kaun-si bat thi. mana vah apana sampadakiy not likh rahe the, lekin unake lie sampadakiy not jitana mahattv rakhata hai, kya gulashan ke lie upahar bhejana utana hi ya usase zyada mahattv nahin rakhata ? beshak, unake pas us samay rupaye n the, to kya vah mithe shabdon men yah nahin kah sakate the ki darling ? mujhe khed hai, abhi hath khali hai, do-char roj men main koee prabandh kar doonga. yah javab sunakar vah chup ho jati. aur agar kuchh bhunabhuna hi leti to unaka kya bigad jata tha ? apani tippaniyon men vah kitani shishtata ka vyavahar karate hain. kalam jara bhi garm pad jay, to gardan napi jay. gulashan par vah kyon bigad jate hain ? isilie ki vah unake adhin hai aur unhen rooth jane ke siva koee dand nahin de sakati. kitani nich kayarata hai ki ham sabalon ke samane dum hilayen aur jo hamare lie apane jivan ka balidan kar rahi hai, use katane dauden.   sahasa ek tanga ata hua dikhayi diya aur samane ate hi us par se ek stri utar kar unaki or chali. are ! yah to gulashan hai. unhonne aturata se age badhakar use gale laga liya aur bole, ‘tum is vakt yahan kaise ayin ? main abhi-abhi tumhara hi khayal kar raha tha.‘ gulashan ne gadgad kanth se kaha, ‘tumhare hi pas ja rahi thi. shamako baramade men baithi tumhara lekh padh rahi thi. n-jane kab jhapaki a gayi aur mainne ek bura sapana dekha. mare dar ke meri nind khul gayi aur tumase milane chal padi. is vakt yahan kaise khade ho ? koee durghatana to nahin hogayi ? raste bhar mera kaleja dhadak raha tha.‘ kavasaji ne ashvasan dete hue kaha, ‘main to bahut achchhi tarah hoon.‘ ‘tumane kya svapn dekha ?’ 'mainne dekha zaise tumane ek ramani ko kuchh kaha, hai aur vah tumhen bandh kar ghasite liye ja rahi hai.' 'kitana behooda svapn hai; aur tumhen is par vishvas bhi a gaya ? main tumase kitani bar kah chuka ki svapn keval chintit man ki krida hai.' 'tum mujhase chhipa rahe ho. koee n koee bat huee hai zaroor. tumhara chehara bol raha hai. achchha, tum is vakt yahan kyon khade ho ? yah to tumhare padhane ka samay hai.' 'yon hi, jara ghoomane chala aya tha.' 'jhooth bolate ho. kha jao mere sir ki kasam.' 'ab tumhen etabar hi n aye to kya karoon ?' 'kasam kyon nahin khate ?' 'kasam ko main jhooth ka anumodan samajhata hoon.' gulashan ne phir unake mukh par tivr drishti dali. phir ek kshan ke bad boli, ‘achchhi bat hai. chalo, ghar chalen.‘ kavasaji ne muskarakar kaha, ‘tum phir mujhase ladaee karogi.‘ 'sarakar se ladakar bhi tum sarakar ki amaladari men rahate ho ki nahin ? ‘main bhi tumase lanoongi; magar tumhare sath rahoongi.' 'ham ise kab manate hain ki yah sarakar ki amaladari hai.' 'yah to munh se kahate ho. tumhara roan-roan ise svikar karata hai. nahin to tum is vakt jel men hote.' 'achchha, chalo, main thodi der men ata hoon.' 'main akeli nahin jane ki. akhir sunoon, tum yahan kya kar rahe ho ?' kavasaji ne bahut koshish ki ki gulashan vahan se kisi tarah chali jay; lekin vah jitana hi is par zor dete the, utana hi gulashan ka agrah bhi badhata jata tha. akhir majaboor hokar kavasaji ko shirin aur shapoor ke jhagade ka vrittant kahana hi pada; yadyapi is natak men unaka apana jo bhag tha use unhonne badi hoshiyari se chhipa dene ki cheshta ki.  gulashan ne vichar karake kaha, ‘to tumhen bhi yah sanak savar huee !’ kavasaji ne turant prativad kiya, ‘qaisi sanak ! mainne kya kiya ?ab yah to insaniyat nahin hai ki ek mitr ki stri meri sahayata mange aur main bagalen jhaaukane lagoon !’ 'jhooth bolane ke lie badi akl ki zaroorat hoti hai pyare, aur vah tumamen nahin hai; samajhe ? chupake se jakar shirinbanoo ko salam karo aur kaho ki aram se apane ghar men baithen. sukh kabhi sampoorn nahin milata. vidhi itana ghor pakshapat nahin kar sakata. gulab men kante hote hi hain. agar sukh bhogana hai to use usake doshon ke sath bhogana padega. abhi vigyan ne koee aisa upay nahin nikala ki ham sukh ke kanton ko alag kar saken ! muft ka mal udanevale ko aiyashi ke siva aur soojhegi kya ? agar dhan sari duniya ka vilas n mol lena chahe to vah dhan hi kaisa ? shirin ke lie bhi kya ve dvar nahin khule hain, shapooraji ke lie khule hain ? usase kaho shapoor ke ghar men rahe, unake dhan ko bhoge aur bhool jay ki vah shapoor ki stri hai, usi tarah jaise shapoor bhool gaya hai ki vah shirin ka pati hai. jalana aur kudhana chhodakar vilas ka anand loote. usaka dhan ek-se-ek roopavanh, vidvanh navayuvakon ko khinch layega. tumane hi ek bar mujhase kaha, tha ki ek jamane men phrans men dhanavanh vilasini mahilaon ka samaj par adhipaty tha. unake pati sabakuchh dekhate the aur munh kholane ka sahas n karate the. aur munh kya kholate ? ve khud isi dhun men mast the. yahi dhan ka prasad hai. tumase n bane, to chalo, main shirin ko samajha doon. aiyash mard ki stri agar aiyash n ho to yah usaki kayarata ‘hai latakhorapan hai !' kavasaji ne chakit hokar kaha, ‘lekin tum bhi to dhan ki upasak ho ?’ gulashan ne sharminda hokar kaha, ‘yahi to jivan ka shap hai. ham usi chiz par lapakate hain, jisamen hamara amngal hai, satyanash hai. main bahut din papa ke ilake men rahi hoon. charon taraph kisan aur mazadoor rahate the. bechare din-bhar pasina bahate the, sham ko ghar jate. aiyashi aur badamashi ka kahin nam n tha. aur yahan shahar men dekhati hoon ki sabhi bade gharon men yahi rona hai. sab-ke-sab hathakndon se paise kamate hain aur asvabhavik jivan bitate hain. aj tumhen kahin se dhan mil jay, to tum bhi shapoor ban jaoge, nishchay.‘ 'tab shayad tum bhi apane bataye hue marg par chalogi, kyon ?' 'shayad nahin, avashy.'

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah