सत्याग्रह -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

hij ekselensi vaisaray banaras a rahe the. sarakari karmachari, chhote se bade tak, unake svagat ki taiyariyan kar rahe the. idhar kangres ne shahar men hadatal manane ki soochana de di thi. isase karmachariyon men badi halachal thi. ek or sadakon par jhndiyan lagayi ja rahi thin, saphaee ho rahi thi; pndal ban raha tha; doosari or fauj aur pulis ke sipahi snginen chadhaye shahar ki galiyon men aur sadakon par kavayad karate phirate the. karmachariyon ki siratod koshish thi ki hadatal n hone paye, magar kangresiyon ki dhun thi ki hadatal ho aur zaroor ho. agar karmachariyon ko pashubal ka zor hai to hamen naitik bal ka bharosa, is bar donon ki pariksha ho jay ki maidan kisake hath rahata hai.

ghode par savar maijistret subah se sham tak dookanadaron ko dhamakiyan deta phirata ki ek-ek ko jel bhijava doonga, bazar lutava doonga, yah karoonga aur vah karoonga ! dookanadar hath bandhakar kahate- huzoor badashah hain, vidhata hain; jo chahen kar sakate hain. par ham kya karen? kangresavale hamen jita n chhodenge. hamari dookanon par dharane denge, hamare oopar bal badhayenge, kuen men girenge, upavas karenge. kaun jane, do-char pran hi de den to hamare munh par sadaiv ke lie kalikh put jayagi. huzoor, unhin kangresavalon ko samajhayen, to hamare oopar bada ehasan karen. hadatal n karane se hamari kuchh hani thode hi hogi. desh ke bade-bade adami avenge, hamari dookanen khuli rahengi, to ek ke do lenge, mahnge saude bechenge, par karen kya, in shaitanon se koee bas nahin chalata.

ray haranndan sahab, raja lalachnd aur khanbahadur maulavi mahamoodali to karmachariyon se bhi zyada bechain the. maijistret ke sath-sath aur akele bhi badi koshish karate the. apane makan par bulakar dookanadaron ko samajhate, anunay-vinay karate, ankhen dikhate, ikke-baggivalon ko dhamakate, mazadooron ki khushamad karate; par kangres ke mutthi-bhar adamiyon ka kuchh aisa atnk chhaya hua tha ki koee inaki sunata hi n tha. yahan tak ki pados ki kunjadin ne bhi nirbhay hokar kah diya- huzoor, chahe mar dalo par dookan n khulegi. nak n katavaoongi. sabase badi chinta yah thi ki kahin pndal banane vale mazadoor, badhee, lohar vagairah kam n chhod den; nahin to anarth hi ho jayaga. rayasahab ne kaha- huzoor, doosare shaharon se dookanadar bulavayen aur ek bazar alag kholen.

khansahab ne pharamaya- vakt itana kam rah gaya hai ki doosara bazar taiyar nahin ho sakata. huzoor kangresavalon ko giraphtar kar len, ya unaki jayadad jabt kar len, phir dekhie kaise kaboo men nahin ate !

rajasahab bole- pakad-dhakad se to log aur jhallayenge. kangres se huzoor kahen ki tum hadatal bnd kar do, to sabako sarakari naukari de di jayagi. usamen adhikansh bekar log pade hain, yah pralobhan pate hi phool uthenge.

magar maijistret ko koee ray n jnchi. yahan tak ki vaisaray ke ane men tin din aur rah gaye.

2

akhir rajasahab ko ek yukti soojhi. kyon n ham log bhi naitik bal ka prayog karen? akhir kangresavale dharm aur niti ke nam par hi to yah toomar bandhate hain. ham log bhi unhin ka anukaran karen, sher ko unake mand men pachhaden. koee aisa adami paida karana chahie, jo vrat kare ki dookanen n khulin, to main pran de doonga. yah zaroori hai ki vah brahman ho aur aisa jisako shahar ke log manate hon, adar karate hon. any sahayogiyon ke man men bhi yah bat baith gayi. uchhal pade. rayasahab ne kaha- bas, ab padav mar liya. achchha, aisa kaun pndit hai, pandit gadadhar sharma?

raja- ji nahin, use kaun manata hai? khali samachar-patron men likha karata hai. shahar ke log use kya janen?

rayasahab- damadi ojha to hai is dhng ka.

raja- ji nahin, kalej ke vidyarthiyon ke siva use aur kaun janata hai?

rayasahab- pndit moteram shastri?

raja- bas, bas. apane khoob socha. beshak vah hai is dhng ka. usi ko bulana chahie. vidvanh hai, dharm-karm se rahata hai. chatur bhi hai. vah agar hath men a jay to phir bazi hamari hai.

rayasahab ne turnt pndit moteram ke ghar sndesh bheja. us samay shastriji pooja par the. yah paigam sunate hi jaldi se pooja samapt ki aur chale. rajasahab ne bulaya hai, dhany bhag ! dharmapatni se bole- aj chndrama kuchh bali maloom hote hain. kapade lao, dekhoon, kyon bulaya hai?

stri ne kaha- bhojan taiyar hai karate jao; najane kab lautane ka avasar mile.

kintu shastriji ne adami ko itani der khada rakhana uchit n samajha. jade ke din the. hari banat ki achakan pahani, jis par lal shnjaph lagi huee thi. gale men ek jari ka dupatta dala. phir sir par banarasi safa bandha. lal chaude kinare ki reshami dhoti pahani, aur khadaoon par chale. unake mukh se brahmatej tapakata tha. door hi se maloom hota tha ki koee mahatma a rahe hain. raste men jo milata, sir jhukata; kitane hi dookanadaron ne khade hokar pailagi ki. aj kashi ka nam inhin ki badaulat chal raha hai, nahin to aur kaun rah gaya hai. kitana namr svabhav hai. balakon se hnsakar baten karate hain. is that se pnditaji rajasahab ke makan par pahunche. tinon mitron ne khade hokar unaka samman kiya. khanbahadur bole- kahie pnditaji, mizaj to achchhe hain? vallah, ap numaish men rakhane ke kabil adami hain. apaka vajan to das man se kam n hoga.

rayasahab- ek man ilm ke lie das man akl chahie. usi kayade se ek man akl ke lie das man ka jism zaroori hai, nahin to usaka bojh kaun uthaye?

rajasahab- ap log isaka matalab nahin samajh sakate. buddhi ek prakar ka najala hai, jab dimag men nahin samati, jism men a jati hai.

khansahab- mainne to bujurgon ki jabani suna hai ki mote adami akl ke dushman hote hain.

rayasahab- apaka hisab kamazor tha, varana apaki samajh men itani bat zaroor a jati ki jab akl aur jism men 1 aur 10 ki nisbat hai, to jitana hi mota adami hoga, utana hi usaki akl ka vajan bhi zyada hoga.

rajasahab- isase yah sabit hua ki jitana mota adami, utani hi moti usaki akl.

moteram- jab moti akl ki badaulat raj-darabar men poochh hoti hai to mujhe patali akl lekar kya karana hai !

has-parihas ke bad rajasahab ne vartaman samasya pnditaji ke samane upasthit ki aur usake nivaran ka jo upay socha tha, vah bhi prakat kiya ! bole- bas, yah samajh lijie ki is sal apaka bhavishy poornataya apane hathon men hai. shayad kisi adami ko apane bhagy-nirnay ka aisa mahattvapoorn avasar n mila hoga. hadatal n huee, to aur to kuchh nahin kah sakate, apako jivan-bhar kisi ke daravaze jane ki zaroorat n hogi. bas, aisa koee vrat thanie ki shaharavale tharra uthen. kangresavalon ne dharm ki ad lekar itani shakti badhayi hai. bas, aisi koee yukti nikalie ki janata ke dharmik bhavon ko chot pahunche.

moteram ne gambhir bhav se uttar diya- yah to koee aisa kathin kam nahin hai. main to aise-aise anushthan kar sakata hoon ki akash se jal ki varsha kar doon; mari ke prakop ko bhi shant kar doon; ann ka bhav ghata-badha doon. kangresavalon ko parast kar dena to koee badi bat nahin. angreji padhe-likhe mahanubhav samajhate hain ki jo kam ham kar sakate hain, vah koee nahin kar sakata. par gupt vidyaon ka unhen gyan hi nahin.

khansahab- tab to janab, yah kahana chahie ki ap doosare khuda hain. hamen kya maloom tha ki ap men kudarat hai; nahin to itane dinon tak kyon pareshan hote?

moteram- sahab, main gupt-dhan ka pata laga sakata hoon. pitaron ko bula sakata hoon, keval gun-grahak chahie. snsar men guniyon ka abhav nahin, gungyon ka hi abhav hai- gun na hirano gun-gahak hirano hai.

raja- bhala is anushthan ke lie apako kya bhent karana hoga?

moteram- jo kuchh apaki shraddha ho.

raja- kuchh batala sakate hain ki yah kaun-sa anushthan hoga?

moteram- anashan-vrat ke sath mntron ka jap hoga. sare shahar men halachal n macha doon to moteram nam nahin !

raja- to phir kab se.

moteram- aj hi ho sakata hai. han, pahale devataon ke avahan ke nimitt thode se rupaye dila dijie.

rupaye ki kami hi kya thi. pnditaji ko rupaye mil gaye aur vah khush-khush ghar aye. dharm patni se sara samachar kaha. usane chintit hokar kaha- tumane nahak yah rog apane sir liya ! bhookh n baradasht huee, to? sare shahar men bhadd ho jayagi, log hnsi udavenge. rupaye lauta do.

moteram ne ashvasan dete hue kaha- bhookh kaise n baradasht hogi? main aisa moorkh thode hi hoon ki yon hi ja baithoonga. pahale mere bhojan ka prabndh karo, amritiyan, laddoo, rasagulle mngao. pet-bhar bhojan kar loon. phir adh ser malaee khaoonga, usake oopar adh ser badam ki tah jamaoonga. bachi-khuchi kasar malaeevale dahi se poori kar doonga. phir dekhoonga, bhookh kyonkar pas phatakati hai. tin din tak to sans hi n li jayagi, bhookh ki kaun chalave. itane men to sare shahar men khalabali mach jayagi. bhagy-soory uday hua hai, is samay aga-pichha karane se pachhatana padega. bazar n bnd hua, to samajh lo malamal ho jaoonga, nahin to yahan ganth se kya jata hai ! sau rupaye to hath lag hi gaye.

idhar to bhojan ka prabndh hua udhar pndit moteram ne daundi pitava di ki sndhy-samay taunahal maidan men pndit moteram desh ki rajanitik samasya par vyakhyan denge, log avashy ayen. pnditaji sadaiv rajanitik vishayon se alag rahate the. aj vah is vishay par kuchh bolenge, sunana chahie. logon ko utsukata huee, pnditaji ka shahar men bada man tha. niyat samay par kee hazar adamiyon ki bhid lag gayi. pnditaji ghar se achchhi tarah taiyar hokar pahunche. pet itana bhara hua tha ki chalana kathin tha. jyon hi yah vahan pahunche, darshakon ne khade hokar inhen sashtang dndavath-pranam kiya.

moteram bole- nagaravasiyo, vyapariyo, setho aur mahajano ! mainne suna hai tum logon ne kangresavalon ke kahane men akar bade lat sahab ke shubhagaman ke avasar par hadatal karane ka nishchay kiya hai. yah kitani badi kritaghnata hai? vah chahen, to aj tum logon ko top ke munh par udava den, sare shahar ko khudava dalen. raja hain, hnsi-thattha nahin. vah tarah dete jate hain, tumhari dinata par daya karate hain aur tum guon ki tarah hatya ke bal khet charane ko taiyar ho ! lat sahab chahen to aj rel bnd kar den, dak bnd kar den, mal ka ana-jana bnd kar den. tab batao, kya karoge? tum unase bhagakar kahan ja sakate ho? hai kahin thikana ! isalie jab is desh men aur unhin ke adhin rahana hai, to itana upadrav kyon machate ho? yad rakho, tumhari jan unaki mutthi men hai ! taoon ke kide phaila den to sare nagar men hahakar mach jay. tum jhadoo se andhi ko rokane chale ho? khabaradar jo kisi ne bazar bnd kiya; nahin to kahe deta hoon, yahin ann-jal bina pran de doonga.

ek adami ne shnka ki- maharaj, apake pran nikalate-nikalate mahine-bhar se kam n lagega. tin dinon men kya hoga?

moteram ne garajakar kaha- pran sharir men nahin rahata, brahmand men rahata hai. main chahoon to yogabal se abhi pran tyag kar sakata hoon. mainne tumhen chetavani de di, ab tum jano, tumhara kam jane. mera kahana manoge, to tumhara kalyan hoga. n manoge, hatya lagegi, snsar men kahin munh n dikhala sakoge. bas, yah lo, main yahin asan jamata hoon.

3

shahar men yah samachar phaila, to logon ke hosh ud gaye. adhikariyon ki is nayi chal ne unhen hatabuddhi-sa kar diya. kangres ke karmachari to ab bhi kahate the ki yah sab pakhnd hai. rajabhakton ne pndit ko kuchh de-dila-kar yah svang khada kiya hai. jab aur koee bas n chala, fauj, pulis, qanoon sabhi yuktiyon se har gaye, to yah nayi maya rachi hai. yah aur kuchh nahin, rajaniti ka divala hai. nahin pnditaji aise kahan desh-sevak the jo desh ki dasha se duahkhi hokar vrat thanate. inhen bhookha marane do, do din men bol jayenge. is nayi chal ki jad abhi se kat deni chahie ! kahin yah chal saphal ho gayi, to samajh lo, adhikariyon ke hath men ek naya astr a jayaga aur vah sadaiv isaka prayog karenge. janata itani samajhadar to hai nahin ki in rahasyon ko samajhe. gidad-bhabhaki men a jayagi.

lekin nagar ke baniye-mahajan, jo prayah dharmabhiru hote hain, aise ghabara gaye ki un par in baton ka kuchh asar hi n hota tha. ve kahate the- sahab, ap logon ke kahane se sarakar se bure bane, nukasan uthane ko taiyar hue, rozagar chhoda, kitanon ke divale ho gaye, aphasaron ko munh dikhane layaq nahin rahe. pahale jate the, adhikari log ‘aie, aie sethaji’ kahakar samman karate the; ab relagadiyon men dhakke khate hain, par koee nahin sunata; amadani chahe kuchh ho n ho, bahiyon ki taul dekhakar kar (taiks) badha diya jata hai. yah sab saha, aur sahenge, lekin dharm ke mamale men ham ap logon ka netritv nahin svikar kar sakate. jab ek vidvanh, kulin, dharmanishth brahman hamare oopar ann-jal tyag kar raha hai, tab ham kyonkar bhojan karake tangen phailakar soyen? kahin mar gaya, to bhagavanh ke samane kya javab denge?

saransh yah hai ki kangresavalon ki ek n chali. vyapariyon ka ek deputeshan 9 baje rat pnditaji ki seva men upasthit hua. pnditaji ne aj bhojan to khoob datakar kiya tha, lekin datakar bhojan karana unake lie koee asadharan bat n thi. mahine men prayah 20 din vah avashy hi nyota pate the aur nimntran men datakar bhojan karana ek svabhavik bat hai. apane sahabhojiyon ki dekha-dekhi, lag-dant ki dhun men, ya grih-svami ke savinay agrah se aur sabase badhakar padarthon ki utkrishtata ke karan, bhojan matra se adhik ho hi jata hai. pnditaji ki jatharagni aisi parikshaon men uttirn hoti rahati thi. atev is samay bhojan ka samay a jane se unaki niyat kuchh davandol ho rahi thi. yah bat nahin ki vah bhookh se vyakul the. lekin bhojan ka samay a jane par agar pet aphara hua n ho, ajirn n ho gaya ho to man men ek prakar ki bhojan ki chah hone lagati hai. shastriji ki is samay yahi dasha ho rahi thi. chahata tha, kisi khonchevale ko pukarakar kuchh le lete, kintu adhikariyon ne unaki sharir-raksha ke lie vahan kee sipahiyon ko tainat kar diya tha. ve sab hatane ka nam n lete the. pnditaji ki vishal buddhi is samay yahi samasya hal kar rahi thi ki in yamadooton ko kaise taloon? khamakhvah in pajiyon ko yahan khada kar diya ! main koee kaidi to hoon nahin ki bhag jaoonga.

adhikariyon ne shayad vah vyavastha isalie kar rakhi thi kangresavale jabaradasti pnditaji ko vahan se bhagane ki cheshta n kar saken. kaun jane, ve kya chal chalen. aise anuchit aur apamanajanak vyavaharon se pnditaji ki raksha karana adhikariyon ka kartavy tha.

vah abhi is chinta men the ki vyapariyon ka deputeshan a pahuncha. pnditaji kuhaniyon ke bal lete hue the, snbhal baithe. netaon ne unake charan chhoo kar kaha- maharaj, hamare oopar apane kyon yah kop kiya hai? apaki jo agya ho, vah ham shirodhary karen. ap uthie, ann-jal grahan kijie. hamen nahin maloom tha ki ap sachamuch yah vrat thananevale hain, nahin to ham pahale hi apase vinati karate. ap kripa kijie, das bajane ka samay hai. ham apaka vachan kabhi n talenge.

moteram- ye kangresavale tumhen matiyamet karake chhodenge ! ap to doobate hi hain; tumhen bhi apane sath le doobenge ! bazar band rahega, to isase tumhara hi tota hoga; sarakar ko kya? tum naukari chhod doge, ap bhookhon maroge; sarakar ko kya? tum jel jaoge, ap chakki pisoge, sarakar ko kya? n jane in sabako kya sanak savar ho gayi hai ki apani nak katakar doosaron ka asagun manate hain. tum in kupnthiyon ke kahane men n ao. kyon, dookanen khuli rakhoge?

seth- maharaj, jab tak shahar-bhar ke adamiyon ki pnchayat n ho jay, tab tak ham isaka bima kaise le sakate hain. kangresavalon ne kahin loot machava di, to kaun hamari madad karega? ap uthie, bhojan paie, ham kal pnchayat karake apaki seva men jaisa kuchh hoga, hal denge.

moteram- to phir pnchayat karake ana.

deputeshan jab nirash hokar lautane laga, to pnditaji ne kaha- kisi ke pas sunghani to nahin hai?

ek mahashay ne dibiya nikalakar de di.

logon ke jane ke bad moteram ne pulisavalon se poochha- tum yahan kyon khade ho?

sipahiyon ne kaha- sahab ka hukm hai, kya karen?

moteram- yahan se chale jao.

sipahi- apake kahane se chale jayn? kal naukari chhoot jaegi, to ap khane ko denge?

moteram- ham kahate hain, chale jao; nahin to ham hi yahan se chale jaynge. ham koee kaidi hain, jo tum ghere khade ho?

sipahi- chale kya jaiega, majal hai.

moteram- majal kyon nahin hai be ! koee jurm kiya hai?

sipahi- achchha, jao to dekhen?

pnditaji- brahm-tej men akar uthe aur ek sipahi ko itani zor se dhakka diya ki vah kee qadam par ja gira. doosare sipahiyon ki himmat chhoot gayi. pnditaji ko un sabane thal-thal samajh liya tha, parakram dekha, to chupake se satak gaye.

moteram ab lage idhar-udhar najaren daudane ki koee khonchevala najar a jay, usase kuchh len. kintu dhyan a gaya, kahin usane kisi se kah diya, to log taliyan bajane lagenge. nahin, aisi chaturaee se kam karana chahie ki kisi ko kanonkan khabar n ho. aise hi snkaton men to buddhibal ka parichay milata hai. ek kshan men unhonne is kathin prashn ko hal kar liya.

daivayog se usi samay ek khonchevala jata dikhayi diya. 11 baj chuke the, charon taraph sannata chha gaya tha. pnditaji ne bulaya- khonchevale, o khonchevale !

khonchevala- kahie kya doon? bhookh lag ayi n? ann-jal chhodana sadhuon ka kam hai, hamara-apaka nahin.

moteram- abe kya kahata hai? yahan kya kisi sadhu se kam hain? chahen to mahinon pade rahen aur bhookh-pyas n lage. tujhe to keval isalie bulaya hai ki jara apani kuppi mujhe de. dekhoon to vahan kya reng raha hai. mujhe bhay hota hai ki sanp n ho.

khonchevale ne kuppi utar kar de di. pnditaji use lekar idhar-udhar zamin par kuchh khojane lage. itane men kuppi unake hath se chhootakar gir padi, aur bujh gayi. sara tel bah gaya. pnditaji ne usamen ek thokar aur lagayi ki bacha khucha tel bhi bah jay.

khonchevala- (kuppi ko hilakar) maharaj, isamen to jara bhi tel nahin bacha. ab tak char paise ka sauda bechata, apane yah khatarag badha diya.

moteram- bhaiya, hath hi to hai, chhoot giri, to ab kya hath kat daloon? yah lo paise, jakar kahin se tel bhara lo.

khonchevala- (paise lekar) to ab tel bharavakar main yahan thode hi aoonga.

moteram- khoncha rakhe jao, lapakakar thoda tel le lo; nahin mujhe koee sanp kat lega to tumhin par hatya padegi. koee janavar hai zaroor. dekho, vah rengata hai. gayab ho gaya. daud jao patthe, tel lete ao, main tumhara khoncha dekhata rahoonga. darate ho to apane rupaye-paise lete jao.

khonchevala bade dharm-snkat men pada. khonche se paise nikalata hai to bhay hai, ki pnditaji apane dil men bura n manen. sochen mujhe beeeman samajh raha hai. chhodakar jata hai to kaun jane, inaki niyat kya ho. kisi ki niyat sada thik nahin rahati. ant ko usane yahi nishchay kiya ki khoncha yahin chhod doon, jo kuchh takadir men hoga, vah hoga. vah udhar bazar ki taraph chala, idhar pnditaji ne khonche par nigah daudayi, to bahut hatash hue. mithaee bahut kam bach rahi thi. panch-chhah chizen thin, magar kisi men do adad se zyada nikalane ki gunjaish n thi. bhnda phoot jane ka khataka tha. pnditaji ne socha- itane se kya hoga? keval kshudha aur prabal ho jayagi, sher ke munh khoon lag jayaga. gunah belajjat hai. apani jagah par ja baithe. lekin dam-bhar ke bad pyas ne phir zor kiya. soche- kuchh to dhadhas ho hi jayaga. ahar kitana hi sookshm ho, phir bhi ahar hi hai. uthe, mithaee nikali; par pahala hi laddoo munh men rakha tha ki dekha, khonchevala tel ki kuppi jalaye qadam badhata chala a raha hai, usake pahunchane ke pahale mithaee ka samapt ho jana anivary tha. ek sath do chiz munh men rakhin. abhi chubala hi rahe the ki vah nishachar das qadam aur age badh aya. ek sath char chizen munh men dalin aur adhakuchali hi nigal gaye. abhi 6 adad aur thin, aur khonchevala phatak tak a chuka tha. sari ki sari mithaee munh men dal li ab n chabate banata hai, n ugalate. vah shaitan motarakar ki tarah kuppi chamakata hua chala hi ata tha. jab vah bilakul samane a gaya, to pnditaji ne jaldi se sari mithaee nigal li. akhir adami hi the, koee magar to the nahin. ankhon men pani bhar aya, gala phns gaya, sharir men romanch ho aya, zor se khansane lage. khonchevale ne tel ki kuppi badhate hue kaha yah lijie, dekh lijie, chale to hain ap upavas karane par pranon ka itana dar hai. apako kya chinta, pran bhi nikal jaynge, to sarakar bal-bachchon ki paravasti karegi.

pnditaji ko krodh to aisa aya ki is paji ko khoti-khari sunaoon, lekin gale se avaz n nikali. kuppi chupake se le li aur jhooth-mooth idhar-udhar dekhakar lauta di.

khonchevala- apako kya padi jo chale sarakar ka pachchh karane? kahin kal din-bhar pnchayat hogi, to rat tak kuchh tay hoga. tab tak to apaki ankhon men titaliyan udane lagengi.

yah kahakar vah chala gaya aur pnditaji bhi thodi der tak khansane ke bad so rahe.

4

doosare din sabere hi se vyapariyon ne misakaut karani shuroo ki. udhar kangresavalon men bhi halachal machi. aman-sabha ke adhikariyon ne bhi kan khade kiye. yah to in bhole-bhale baniyon ko dhamakane ki achchhi tarakib hath ayi. pndit-samaj ne alag ek sabha ki aur usamen yah nishchay kiya ki pndit moteram ko rajanitik mamalon men padane ka koee adhikar nahin. hamara rajaniti se kya snbndh? garaj sara din isi vad-vivad men kat gaya aur kisi ne pnditaji ki khabar n li. log khullamakhulla kahate the ki pnditaji ne ek hazar rupaye sarakar se lekar yah anushthan kiya hai. bechare pnditaji ne rat to lot-potakar kati, par uthe to sharir murada-sa jan padata tha. khade hote the, ankhen tilamilane lagati thin, sir men chakkar a jata tha. pet men jaise koee baitha hua kured raha ho. sadak ki taraph ankhen lagi huee thin ki log manane to nahin a rahe hain. sndhyopasana ka samay isi pratiksha men gaya. is samay poojan ke pashchath nity nashta kiya karate the. aj abhi munh men pani bhi n gaya. n-jane vah shubh ghadi kab ayegi. phir pnditain par bada krodh ane laga. ap to rat ko bhar-pet khakar soyi hongi, is vakt bhi jalapan kar hi chuki hongi, par idhar bhoolakar bhi n jhanka ki mare ya jite hain. kuchh bat karane ke bahane se kya thoda-sa mohanabhog banakar n la sakati thin? par kise itani chinta hai? rupaye lekar rakh liye, phir jo kuchh milega, vah bhi rakh lengi. mujhe ulloo banaya.

kissa-kotah pnditaji ne din-bhar intazar kiya, par koee mananevala najar n aya. logon ke dil men jo yah sndeh paida hua tha ki pnditaji ne kuchh le-dekar vah svang racha hai, svarth ke vashibhoot hokar yah pakhnd khada kiya hai, vahi unako manane men badhak hota tha.

5

rat ko nau baj gaye the. seth bhondoomal ne, jo vyapari-samaj ke neta the, nishchayatmak bhav se kaha- man liya, pnditaji ne svarthavash hi yah anushthan kiya hai; par isase vah kasht to kam nahin ho sakata, jo ann-jal ke bina prani-matr ko hota hai. yah dharm-viruddh hai ki ek brahman hamare oopar dana-pani tyag de aur ham pet bhar-bharakar chain ki nind soyen. agar unhonne dharm ke viruddh acharan kiya hai, to usaka dnd unhen bhogana padega. ham kyon apane karttavy se munh pheren?

kangres ke mntri ne dabi huee avaz se kaha- mujhe to jo kahana tha, vah main kah chuka. ap log samaj ke agua hain, jo phaisala kijie, hamen mnjoor hai. chalie main abhi apake sath chaloonga. dharm ka kuchh ansh mujhe bhi mil jayaga; par ek vinati sun lijie- ap log pahale mujhe vahan jane dijie. main ekant men unase das minat baten karana chahata hoon. ap log phatak par khade rahiega. jab main vahan se laut aoon to phir jaiega. isamen kisi ko kya apatti ho sakati thi? prarthana svikrit ho gayi.

mntriji pulis-vibhag men bahut dinon tak rah chuke the, manav-charitr ki kamazoriyon ko janate the. vah sidhe bazar gaye aur 5 ru. ki mithaee li. usamen matra se adhik sugndh dalane ka prayatn kiya, chandi ke varak lagavaye aur ek done men liye roothe hue brahmadev ki poojakarane chale. ek jhajhjhar men thnda pani liya aur usamen kevade ka jal milaya. donon hi chijon se khushaboo ki lapaten ud rahi thin. sugndh men itani uttejit shakti hai, kaun nahin janata. isase bina bhookh ki bhookh lag jati hai, bhookhe adami ki to bat hi kya?

pnditaji is samay bhoomi par achet pade hue the. rat ko kuchh nahin mila. das-panch chhoti-chhoti mithaiyon ka kya zikr ! dopahar ko kuchh nahin mila. aur is vakt bhi bhojan ki bela tal gayi thi. bhookh men ab asha ki vyakulata nahin; nirasha ki shithilata thi. sare ang dhile pad gaye the. yahan tak ki ankhen bhi n khulati thin. unhen kholane ki bar-bar cheshtakarate; par ve ap-hi-ap bnd ho jatin. onth sookh gaye the. zindagi ka koee chihn tha, to bas, unaka dhire-dhire karahana. aisa snkat unake oopar kabhi n pada tha. ajirn ki shikayat to unhen mahine men do-char bar ho jati thi, jise vah had adi ki phnkiyon se shant kar liya karate the; par ajirnavastha men aisa kabhi n hua tha ki unhonne bhojan chhod diya ho. nagar-nivasiyon ko, aman-sabha ko, sarakar ko, eeshvar ko, kangres ko aur dharm-patni ko ji-bhar kar kos chuke the. kisi se koee asha n thi. ab itani shakti bhi n rahi thi ki svayn khade hokar bazar ja saken. nishchay ho gaya tha ki aj rat ko avashy pran-pakheroo ud jaynge. jivan-sootr koee rassi to hai nahin ki chahe jitane jhatake do, tootane ka nam n le !

mntriji ne pukara- shastriji !

moteram ne pade-pade ankhen khol din. unamen aisi karun vedana bhari huee thi, jaise kisi balak ke hath se kaua mithaee chhin le gaya ho.

mntriji ne done ki mithaee samane rakh di aur jhajhjhar par kulhad aundha diya. is kam se suchit hokar bole- yahan kab tak pade rahiega?

sugndh ne pnditaji ki indriyon par snjivani ka kam kiya. pnditaji uth baithe aur bole- dekho, kab tak nishchay hota hai.

mntri- yahan kuchh nishchay-vishchay n hoga. aj din-bhar pnchayat huee thi, kuchh tay n hua. kal kahin sham ko lat sahab ayenge. tab tak to apaki n-jane kya dasha hogi? apaka chehara bilakul pila pad gaya hai !

moteram- yahin marana bada hoga, to kaun tal sakata hai? is done men kalaknd hai kya?

mntri- han, tarah-tarah ki mithaiyan hain. ek natedar ke yahan baina bhejane ke lie vishesh riti se banavayi hain.

moteram- jabhi inamen itani sugndh hai. jara dona kholie to?

mntriji ne muskarakar dona khol diya aur pnditaji netron se mithaiyan khane lage. andha ankhen pakar bhi snsar ko aise trishnapoorn netron se n dekhega. munh men pani bhar aya. mntriji ne kaha- apaka vrat n hota, to do-char mithaiyan apako chakhata. 5 ru. ser ke dam diye hain.

moteram- tab to bahut hi shreshth hongi. mainne bahut din hue kalaknd nahin khaya.

mntri- apane bhi to baithe-baithaye jhnjhat mol le liya. pran hi n rahenge, to dhan kis kam ayega?

moteram- kya karoon, phns gaya, main itani mithaiyon ka jalapan kar jata tha. (hath se mithaiyon ko tatolakar) bhola ki dookan ki hongi?

mntri- chakhiega do-char?

moteram- kya chakhoon? dharm-snkat men pada hoon.

mntri- aji chakhie bhi ! is samay jo annd prapt hoga, vah lakh rupaye se bhi nahin mil sakata. koee kisi se kahane jata hai kya?

moteram- mujhe bhay kisaka hai. main yahan dana-pani bina mar raha hoon, aur kisi ko parava hi nahin. to phir mujhe kya dar? lao, idhar dona badhao. jao, sabase kah dena shastriji ne vrat tod diya. bhad men jay bazar aur vyapar ! yahan kisi ki chinta nahin. jab dharm nahin raha, to mainne hi dharm ka bida thode hi uthaya hai !

yah kahakar pnditaji ne dona apani taraph khinch liya aur lage badh-badhakar hath marane. yahan tak ki pal-bhar men adha dona samapt ho gaya. seth log akar phatak par khade the, mntri ne jakar kaha- jara chalakar tamasha dekhie. ap logon ko n bazar kholana padega; n khushamad karani padegi. mainne sari samasyaen hal kar din. yah kangres ka pratap hai.

chandani chhitaki huee thi. logon ne akar dekha, pnditaji mithaee thikane lagane men vaise hi tanmay ho rahe hain, jaise koee mahatma samadhi men magn ho.

bhondoomal ne kaha- pnditaji ke charan chhoota hoon. ham log to a hi rahe the, apane kyon jaldi ki? aisi jugut batate ki apaki pratigya bhi n tootati aur kary bhi siddh ho jata.

moteram- mera kam siddh ho gaya. yah alaukik annd hai, jo dhan ke dheron se nahin prapt ho sakata. agar kuchh shraddha ho, to isi dookan ki itani hi mithaee aur mngava do.[1]


tika tippani aur sndarbh

  1. ham yah kahana bhool gaye ki mntriji ko mithaee lekar maidan men ate samay pulis ke sipahi ko 4 ane paise dene pade the. yah niyam-viruddh tha; lekin mntriji ne is bat par adana uchit n samajha- lekhak.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah