दो भाई -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pratahkal soory ki suhavani sunahari dhoop men kalavati donon beton ko janghon par baitha doodh aur roti khilati. kedar bada tha, madhav chhota. donon munh men kaur liye, kee pag uchhal-kood kar phir janghon par a baithate aur apani totali boli men is prarthana ki rat lagate the, jisamen ek purane sahriday kavi ne kisi jade ke sataye hue balak ke hridayodh‍gar ko prakat kiya hai-

daiv-daiv gham karo tumhare balak ko lagata jad

man unhen chumakar kar bulati aur bade-bade kaur khilati. usake hriday men prem ki umng thi aur netron men garv ki jhalak. donon bhaee bade hue. sath-sath gale men banhen dale khelate the. kedar ki buddhi chust thi. madhav ka sharir. donon men itana sneh tha ki sath-sath pathashala jate, sath-sath khate aur sath hi sath rahate the ! donon bhaiyon ka byah hua. kedar ki vadhoo champa amit-bhashini aur chnchala thi. madhav ki vadhoo shyama sanvali-saloni, rooparashi ki khan thi. badi hi mridubhashini, badi hi sushila aur shantasvabhava thi.

kedar champa par mohe aur madhav shyama par rijhe. parntu kalavati ka man kisi se n mila. vah donon se prasann aur donon se aprasann thi. usaki shiksha-diksha ka bahut ansh is vyarth ke prayatn men vyay hota tha ki champa apani karyakushalata ka ek bhag shyama ke shant svabhav se badal le.

donon bhaee sntanavan hue. hara-bhara vriksh khoob phaila aur phalon se lad gaya. kutsit vriksh men keval ek phal drishtigochar hua, vah bhi kuchh pila-sa, murajhaya hua; kintu donon aprasann the. madhav ko dhan-sampatti ki lalasa thi aur kedar ko sntan ki abhilasha.

bhagy ki is kootaniti ne shanaiah-shanaiah dvesh ka roop dharan kiya, jo svabhavik tha. shyama apane ladakon ko snvarane-sudharane men lagi rahati; use sir uthane ki phurasat nahin milati thi. bechari champa ko choolhe men jalana aur chakki men pisana padata. yah aniti kabhi-kabhi katu shabdon men nikal jati. shyama sunati, kudhati aur chupachap sah leti. parantu usaki yah sahanashilata champa ke krodh ko shant karane ke badale aur badhati. yahan tak ki pyala labalab bhar gaya. hiran bhagane ki rah n pa kar shikari ki taraph lapaka. champa aur shyama samakon bananevali rekhaon ki bhanti alag ho gayin. us din ek hi ghar men do choolhe jale, parantu bhaiyon ne dane ki soorat n dekhi aur kalavati sare din roti rahi.

kee varsh bit gaye. donon bhaee jo kisi samay ek hi palathi par baithate the, ek hi thali men khate the aur ek hi chhati se doodh pite the, unhen ab ek ghar men, ek ganv men rahana kathin ho gaya. parantu kul ki sakh men batta n lage, isalie eershya aur dvesh ki dhadhaki huee ag ko rakh ke niche dabane ki vyarth cheshta ki jati thi. un logon men ab bhratri-sneh n tha. keval bhaee ke nam ki laj thi. man bhi jivit thi, par donon beton ka vaimanasy dekh kar ansoo bahaya karati. hriday men prem tha, par netron men abhiman n tha. kusum vahi tha, parntu vah chhata n thi.

donon bhaee jab ladake the, tab ek ko rote dekh doosara bhi rone lagata tha, tab vah nadan besamajh aur bhole the. aj ek ko rote hue dekh doosara hnsata aur taliyan bajata. ab vah samajhadar aur buddhiman ho gaye the.

jab unhen apane-paraye ki pahachan n thi, us samay yadi koee chhedane ke lie ek ko apane sath le jane ki dhamaki deta, to doosara zamin par lot jata aur us adami ka kurta pakad leta. ab yadi ek bhaee ko mrityu bhi dhamakati to doosare ke netron men ansoo n ate. ab unhen apane-paraye ki pahachan ho gayi thi.

bechare madhav ki dasha shochaniy thi. kharch adhik tha aur amadani kam. us par kul-maryada ka nirvah. hriday chahe roye, par honth hnsate rahen. hriday chahe malin ho, par kapade maile n hon. char putr the, char putriyan aur avashyak vastuen motiyon ke mol. kuchh paiyon ki jamindari kahan tak samhalati. ladakon ka byah apane vash ki bat thi. par ladakiyon ka vivah kaise tal sakata. do paee zamin pahali kanya ke vivah men bhent ho gayi. us par bhi barati bina bhat khaye angan se uth gaye. shesh doosari kanya ke vivah men nikal gayi. sal bhar bad tisari ladaki ka vivah hua, ped-patte bhi n bache. han, ab ki dal bharapoor thi. parantu daridrata aur dharohar men vahi sambandh hai jo mans aur kutte men.

2

is kanya ka abhi gauna n hua tha ki madhav par do sal ke bakaya lagan ka varnt a pahuncha. kanya ke gahane giron (bndhak) rakhe gaye. gala chhoota. champa isi samay ki tak men thi. turant naye natedaron ko soochana di. tum log besudh baithe ho, yahan gahanon ka saphaya hua jata hai. doosare din ek naee aur do brahman madhav ke daravaze par akar baith gaye. bechare ke gale men phansi pad gayi. rupaye kahan se aven, n zamin, n jayadad, n bag, n bagicha. raha vishvas, vah kabhi ka uth chuka tha. ab yadi koee sampatti thi, to keval vahi do kothariyan, jisamen usane apani sari ayu bitayi thi, aur unaka koee grahak n tha. vilamb se nak kati jati thi. vivash ho kar kedar ke pas aya aur ankhon men ansoo bhare bola, bhaiya is samay main bade snkat men hoon, meri sahayata karo.

kedar ne uttar diya-maddhoo ! ajakal main bhi tng ho raha hoon, tumase sach kahata hoon.

champa adhikarapoorn svar se boli-are, to kya inake lie bhi tng ho rahe hain ! alag bhojan karane se kya ijjat alag ho jayegi !

kedar ne stri ki or kanakhiyon se tak kar kaha-nahin-nahin, mera yah prayojan nahin tha. hath tng hai to kya, koee n koee prabandh kiya hi jayega.

champa ne madhav se poochha-panch bis se kuchh oopar hi par gahane rakhe the n.

madhav ne uttar diya-han, byaj sahit koee sava sau rupaye hote hain.

kedar ramayan padh rahe the. phir padhane men lag gaye. champa ne tattv ki batachit shuroo ki- rupaya bahut hai, hamare pas hota to koee bat n thi parantu hamen bhi doosare se dilana padega aur mahajan bina kuchh likhaye-padhaye rupaya dete nahin.

madhav ne socha, yadi mere pas kuchh likhane-padhane ko hota, to kya aur mahajan mar gaye the, tumhare daravaze ata kyon? bola-likhane-padhane ko mere pas hai hi kya? jo kuchh jagah-jayadad hai, vah yahi ghar hai.

kedar aur champa ne ek doosare ko marmabhedi nayanon se dekha aur man hi man kaha-kya aj sachamuch jivan ki pyari abhilashaen poori hongi. parantu hriday ki yah umng munh tak ate-ate gambhir roop dharan kar gayi. champa badi gambhirata se boli-ghar par to koee mahajan kadachith hi rupaya de. shahar ho to kuchh kiraya hi ave, par gnvee men to koee sent men rahane vala bhi nahin. phir sajhe ki chiz thahari.

kedar dare ki kahin champa ki kathorata se khel bigad n jay. bole-ek mahajan se meri jan-pahachan hai. vah kadachith kahane-sunane men a jay !

champa ne gardan hila kar is yukti ki sarahana ki aur boli-par do-tin bis se adhik milana kathin hai.

kedar ne jan par khel kar kaha-are, bahut dabane par char bis ho jayenge. aur kya !

abaki champa ne tivr drishti se kedar ko dekha aur anamani-si hokar boli-mahajan aise andhe nahin hote.

madhav apane bhaee-bhavaj ke is gupt rahasy ko kuchh-kuchh samajhata tha. vah chakit tha ki inhen itani buddhi kahan se mil gayi. bola-aur rupaye kahan se avenge.

champa chidh kar boli-aur rupayon ke lie aur fikr karo. sava sau rupaye in do kothariyon ke is janam men koee n dega, char bis chaho to ek mahajan se dila doon, likha-padhi kar lo.

madhav in rahasyamay baton se sashnk ho gaya. use bhay hua ki yah log mere sath koee gahari chal chal rahe hain. dridhata ke sath ad kar bola-aur kaun si fikr karoon? gahane hote to kahata, lao rakh doon. yahan to kachcha soot bhi nahin hai. jab badanam hue to kya das ke lie kya pachas ke lie, donon ek hi bat hai. yadi ghar bech kar mera nam rah jay, to yahan tak to svikar hai; parntu ghar bhi bechoon aur us par bhi pratishtha dhool men mile, aisa main n karoonga. keval nam ka dhyan hai, nahin ek bar nahin kar jaoon to mera koee kya karega. aur sach poochho to mujhe apane nam ki koee chinta nahin hai. mujhe kaun janata hai? snsar to bhaiya ko hnsega.

kedar ka munh sookh gaya. champa bhi chakara gayi. vah badi chatur vaknipun ramani thi. use madhav jaise gnvar se aisi dridhata ki asha n thi. usaki or adar se dekh kar boli-laloo, kabhi-kabhi tum bhi ladakon ki-si baten karate ho? bhala is jhonpadi par kaun sau rupaye nikal kar dega? tum sava sau ke badale sau hi dilao, main aj hi apana hissa bechati hoon. utana hi mera bhi to hai? ghar par to tumako vahi char bis milenge. han, aur rupayon ka prabndh ham-ap kar denge. ijjat hamari-tumhari ek hi hai, vah n jane payegi. vah rupaya alag khate men chadha liya jayega.

madhav ki ichchhaen poori hueen. usane maidan mar liya. sochane laga, mujhe to rupayon se kam hai. chahe ek nahin, das khate men chadha lo. raha makan, vah jite ji nahin chhodane ka. prasann ho kar chala. usake jane ke bad kedar aur champa ne kapat-bhesh tyag diya aur badi der tak ek doosare ko is kade saude ka doshi siddh karane ki cheshta karate rahe. ant men man ko is tarah sntosh diya ki bhojan bahut madhur nahin, kintu bhar-kathaut to hai. ghar, han dekhenge ki shyama rani is ghar men kaise raj karati hain.

kedar ke daravaze़ par do bail khade hain. inamen kitani sngh-shakti, kitani mitrata aur kitana prem hai. donon ek hi jue men chalate hain, bas inamen itana hi nata hai. kintu abhi kuchh din hue, jab inamen se ek champa ke maike mngani gaya tha, to doosare ne tin din tak nad men munh nahin dala. parntu shok, ek god ke khele bhaee, ek chhati se doodh pinevale aj itane begane ho rahe hain ki ek ghar men rahana bhi nahin chahate.

3

pratahkal tha. kedar ke dvar par ganv ke mukhiya aur nnbaradar virajaman the. munshi datadayal abhiman se charapaee par baithe rehan ka masavida taiyar karane men lage the. bar-bar kalam banate aur bar-bar khat rakhate, par khat ki shan n sudharati thi. kedar ka mukharavind vikasit tha aur champa phooli nahin samati thi. madhav kumhalaya aur mlan tha.

mukhiya ne kaha-bhaee aisa hit, n bhaee aisa shatru. kedar ne chhote bhaee ki laj rakh li.

nambaradar ne anumodan kiya-bhaee ho to aisa ho.

mukhtar ne kaha-bhaee, sapooton ka yahi kam hai.

datadayal ne poochha-rehan likhanevale ka nam?

bade bhaee bole-madhav vald shivadatt.

‘aur likhanevale ka?’

‘kedar vald shivadatt.’

madhav ne bade bhaee ki or chakit ho kar dekha. ankhen dabadaba ayin. kedar usaki or dekh n saka. nnbaradar, mukhiya aur mukhtar bhi vismit hue. kya kedar khud hi rupaya de raha hai? batachit to kisi sahookar ki thi. jab ghar hi men rupaya maujood hai to is rehananame ki avashyakata hi kya thi? bhaee-bhaee men itana avishvas . are, ram ! ram ! kya madhav 80 ru. ka bhi mahnga hai. aur yadi daba hi baithata, to kya rupaye pani men chale jate.

sabhi ki ankhen sain dvara paraspar baten karane lagin, mano ashchary ki athah nadi men naukaen dagamagane lagin.

shyama daravaze ki chaukhat par khadi thi. vah sada kedar ki pratishtha karati thi, parntu aj keval lokariti ne use apane jeth ko ade hathon lene se roka.

boodhi amman ne suna to sookhi nadi umad ayi. usane ek bar akash ki or dekha aur matha thonk liya.

ab use us din ka smaran ho aya jab aisa hi suhavana sunahara prabhat tha aur do pyare-pyare bachche usaki god men baithe hue uchhal-kood kar doodh-roti khate the. us samay mata ke netron men kitana abhiman tha, hriday men kitani umng aur kitana utsah.

parantu aj, ah ! aj nayanon men lajja hai aur hriday men shok-sntap. usane prithvi ki or dekh kar katar svar men kaha-he narayan ! kya aise putron ko meri hi kokh men janm lena tha?

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah