दिल की रानी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jin vir turkon ke prakhar pratap se eesaee-duniya kanp rahi thi, unhin ka rakt aj kustunatuniya ki galiyon men bah raha hai. vahi kustunatuniya jo sau sal pahale turkon ke atnk se ahat ho raha tha, aj unake garm rakt se apana kaleja thnda kar raha hai. aur turki senapati ek lakh sipahiyon ke sath taimoori tej ke samane apani kismat ka phaisala sunane ke liye khada hai.

taimoor ne vijay se bhari ankhen uthaee aur senapati yajadani ki or dekh kar sinh ke saman garaja- kya chahate ho zindagi ya maut ?

yajadani ne garv se sir uthakar kaha- ijjat ki zindagi mile to zindagi, varana maut.

taimoor ka krodh prachnd ho utha. usane bade-bade abhimaniyon ka sir nicha kar diya tha. yah jabab is avasar par sunane ki use tav n thi . in ek lakh adamiyon ki jan usaki mutthi men hai. inhen vah ek kshan men masal sakata hai. us par itana abhiman ! ijjat ki zindagi ! isaka yahi to arth hai ki garibon ka jivan amiron ke bhog-vilas par balidan kiya jay, vahi sharab ki majalisen, vahi araminiya aur kaph ki pariyan. nahin, taimoor ne khalipha bayajid ka ghamnd isaliye nahin toda hai ki turkon ko phir usi madandh svadhinata men islam ka nam dubane ko chhod de . tab use itana rakt bahane ki kya zaroorat thi . manav-rakt ka pravah sngit ka pravah nahin, ras ka pravah nahin- ek bibhats drishy hai, jise dekhakar ankhen munh pher leti hain drishy sir jhuka leta hai. taimoor hinsak pashu nahin hai, jo yah drishy dekhane ke liye apane jivan ki bazi laga de.

vah apane shabdon men dhikkar bharakar bola- jise tum ijjat ki zindagi kahate ho, vah gunah aur jahannum ki zindagi hai.

yajadani ko taimoor se daya ya kshama ki asha n thi. usaki ya usake yoddhaon ki jan kisi tarah nahin bach sakati. phir yah kyon dabe aur kyon n jan par khelakar taimoor ke prati usake man men jo ghrina hai, use prakat kar de. usane ek bar katar netron se us roopavan yuvak ki or dekha, jo usake pichhe khada, jaise apani javani ki lagam khinch raha tha. san par chadhe hue, ispat ke saman usake ang-ang se atul krodh ki chinagariyan nikal rahi thin. yajadani ne usaki soorat dekhi aur jaise apani khinchi huee talavar myan men kar li aur khoon ke ghoont pikar bola- jahanpanah is vakt fatahamnd hain lekin aparadh kshama ho to kah doon ki apane jivan ke vishay men turkon ko tatariyon se upadesh lene ki zaroorat nahin. duniya se alag, tatar ke oosar maidanon men n tyag aur vrat ki upasana ki ja sakati hai aur n mayassar hone vale padarthon ka bahishkar kiya ja sakata hai; par jahan khuda ne nematon ki varsha ki ho, vahan un nematon ka bhog n karana nashukri hai. agar talavar hi sabhyata ki sanad hoti, to gal kaum romanon se kahin zyada sabhy hoti.

taimoor zor se hnsa aur usake sipahiyon ne talavaron par hath rakh liye. taimoor ka thahaka maut ka thahaka tha ya giranevale vajr ka tadaka .

‘tataravale pashu hain kyon ?’

‘main yah nahin kahata.’

tum kahate ho, khuda ne tumhen aish karane ke liye paida kiya hai. main kahata hoon, yah kuphr hai. khuda ne insan ko bndagi ke liye paida kiya hai aur isake khilaf jo koee kuchh karata hai, vah kaphir hai, jahannumi hai. rasoolepak hamari zindagi ko pak karane ke liye, hamen sachcha insan banane ke liye aye the, hamen haram ki talim dene nahin. taimoor duniya ko is kuphr se pak kar dene ka bida utha chuka hai. rasoolepak ke kadamon ki kasam, main beraham nahin hoon jalim nahin hoon, khoonkhvar nahin hoon, lekin kuphr ki saza mere eeman men maut ke siva kuchh nahin hai.

usane tatari sipahasalar ki taraph katil najaron se dekha aur tatkshan ek dev-sa adami talavar sauntakar yajadani ke sir par a pahuncha. tatari sena bhi talavaren khinch-khinchakar turki sena par toot padi aur dam-ke-dam men kitani hi lashen zamin par phadakane lagin.

2

sahasa vahi roopavan yuvak, jo yajadani ke pichhe khada tha, age badhakar taimoor ke samane aya aur jaise maut ko apani donon bndhi huee mutthiyon men masalata hua bola- ai apane ko musalaman kahane vale badashah! kya yahi vah islam hai,jisaki tabalig ka toone bida uthaya hai ? islam ki yahi talim hai ki too un bahaduron ka is bedardi se khoon bahaye, jinhonne isake siva koee gunah nahin kiya ki apane khalipha aur mulk ki himayat ki.

charon taraph sannata chha gaya. ek yuvak, jisaki abhi masen bhi n bhigi thin; taimoor jaise tejasvi badashah ka itane khule hue shabdon men tiraskar kare aur usaki jaban taloo se n khinchava li jay ! sabhi stnbhit ho rahe the aur taimoor sammohit-sa baitha , us yuvak ki or tak raha tha.

yuvak ne tatari sipahiyon ki taraph, jinake cheharon par kutoohalamay protsahan jhalak raha tha, dekha aur bola- too in musalamanon ko kaphir kahata hai aur samajhata hai ki too inhen katl‍ karake khuda aur islam ki khidamat kar raha hai ? main tumase poochhata hoon, agar vah log jo khuda ke siva aur kisi ke samane sijada nahin karate, jo rasoolepak ko apana rahabar samajhate hain, musalaman nahin hain to kaun musalaman hai ? main kahata hoon, ham kaphir sahi lekin tere to hain kya islam jnjiron men bndhe hue kaidiyon ke katl ki ijajat deta hai? khuda ne agar tujhe takat di hai, akhtiyar diya hai to kya isiliye ki too khuda ke bndon ka khoon bahaye ? kya gunahagaron ko katl karake too unhen sidhe raste par le jayaga? toone kitani beharami se sattar hazar bahadur turkon ko dhokha dekar surng se udava diya aur unake masoom bachchon aur niraparadh striyon ko anath kar diya, toojhe kuchh anuman hai. kya yahi karaname hain, jin par too apane musalaman hone ka garv karata hai. kya isi katl, khoon aur bahate dariya se too duniya men apana nam roshan karega ? toone turkon ke khoon bahate dariya men apane ghodon ke sum nahin bhigaye hain, balki islam ko jad se khodakar phenk diya hai. yah vir turkon ka hi atmotsarg hai, jisane yoorop men islam ki tauhid phailaee. aj sophiya ke giraje men toojhe allaho akabar ki sada sunaee de rahi hai, sara yoorop islam ka svagat karane ko taiyar hai. kya yah karaname isi layaq hain ki unaka yah inam mile. is khayal ko dil se nikal de ki too khoonreji se islam ki khidamat kar raha hai. ek din tujhe bhi paravaradigar ke samane apane karmon ka javab dena padega aur tera koee ujr n suna jayaga; kyonki agar tujhamen ab bhi nek aur bad ki tamij baki hai, to apane dil se poochh. toone yah jihad khuda ki rah men kiya ya apani havis ke liye aur main janata hoon, tujhe jo javab milega, vah teri gardan sharm se jhuka dega.

khalipha abhi sir jhukaye hi tha ki yajadani ne kanpate hue shabdon men arj ki- jahanpanah, yah gulam ka ladaka hai. isake dimag men kuchh phitoor hai. huzoor isaki gustakhiyon ko muaph karen . main usaki saza jhelane ko taiyar hoon.

taimoor us yuvak ke chehare ki taraph sthir netron se dekh raha tha. aj jivan men pahali bar use nirbhik shabdon ko sunane ka avasar mila. usake samane bade-bade senapatiyon, mntriyon aur badashahon ki jaban n khulati thi. vah jo kuchh kahata tha, vahi qanoon tha, kisi ko usamen choon karane ki takat n thi. unaki khushamadon ne usaki ahamanyata ko asaman par chadha diya tha. use vishvas ho gaya tha ki khuda ne islam ko jagane aur sudharane ke liye hi use duniya men bheja hai. usane paignbari ka dava to nahin kiya, par usake man men yah bhavana dridh ho gayi thi; isaliye jab aj ek yuvak ne pranon ka moh chhodakar usaki kirti ka parada khol diya, to usaki chetana jaise jag uthi. usake man men krodh aur hinsa ki jagah shraddha ka uday hua. usaki ankhon ka ek ishara is yuvak ki zindagi ka chirag gul kar sakata tha . usaki snsar vijayini shakti ke samane yah dudhamunha balak mano apane nanhe-nanhe hathon se samudr ke pravah ko rokane ke liye khada ho. kitana hasyaspad sahas tha; par usake sath hi kitana atm vishvas se bhara hua. taimoor ko aisa jan pada ki is nihatthe balak ke samane vah kitana nirbal hai. manushy me aise sahas ka ek hi srot ho sakata hai aur vah saty par atal vishvas hai. usaki atma daudakar us yuvak ke daman men chimat jane ‍ke liye adhir ho gayi. vah darshanik n tha, jo saty men shnka karata hai. vah saral sainik tha, jo asaty‍ ko bhi vishvas ke sath saty bana deta hai.

yajadani ne usi svar men kaha- jahanpanah, isaki badajabani ka khayal n pharamaven.

taimoor ne turnt takht se uthakar yajadani ko gale se laga liya aur bola- kash, aisi gustakhiyon aur badajabaniyon ke sunane ka pahane ittaphak hota, to aj itane begunahon ka khoon meri gardan par n hota. mujhe is javan men kisi pharishte ki rooh ka jalava najar ata hai, jo mujh jaise gumarahon ko sachcha rasta dikhane ke liye bheji gayi hai. mere dost, tum khushanasib ho ki aise pharishta-siphat bete ke bap ho. kya main usaka nam poochh sakata hoon.

yajadani pahale atashaparast tha, pichhe musalaman ho gaya tha; par abhi tak kabhi-kabhi usake man men shnkaen uthati rahati thin ki usane kyon islam kabool kiya. jo kaidi phansi ke takhte par khada sookha ja raha tha ki ek kshan men rassi usaki gardan men padegi aur vah latakata rah jayaga, use jaise kisi pharishte ne god men le liya. vah gadh‍gadh‍ knth se bola- use habib kahate hain.

taimoor ne yuvak ke samane jakar usaka hath pakad liya aur use ankhon se lagata hua bola- mere javan dost, tum sachamuch khuda ke habib ho, main vah gunahagar hoon, jisane apani jahalat men hamesha apane gunahon ko savab samajha, isaliye ki mujhase kaha jata tha, teri jat beaib hai. aj moojhe yah maloom hua ki mere hathon islam ko kitana nukasan pahuncha. aj se main tumhara hi daman pakadata hoon. tumhin mere khijr, tumhin mere rahanuma ho. mujhe yakin ho gaya ki tumhare hi vasile se main khuda ki daragah tak pahunch sakata hoon.

yah kahate hue usane yuvak ke chehare par najar dali, to us par sharm ki lali chhayi huee thi. us kathorata ki jagah madhur snkoch jhalak raha tha.

yuvak ne sir jhukakar kaha- yah huzoor ki kadaradani hai, varana meri kya hasti hai.

taimoor ne use khinchakar apani bagal ke takht par bitha diya aur apane senapati ko hukm diya, sare turk kaidi chhod diye jayen unake hathiyar vapas kar diye jayn aur jo mal loota gaya hai, vah sipahiyon men barabar bant diya jay.

vajir to idhar is hukm ki tamil karane laga, udhar taimoor habib ka hath pakade hue apane kheme men gaya aur donon mehamanon ki davat ka prabndh karane laga. aur jab bhojan samapt ho gaya, to usane apane jivan ki sari katha ro-rokar kah sunaee, jo adi se ant tak mishrit pashuta aur barbarata ke krityon se bhari huee thi. aur usane yah sab kuchh is bhram men kiya ki vah eeshvariy adesh ka palan kar raha hai. vah khuda ko kaun munh dikhayega. rote-rote usaki hichakiyan bndh gayin.

ant men usane habib se kaha- mere javan dost ab mera beda ap hi par laga sakate hain. apane mujhe rah dikhaee hai to mnzil par pahunchaie. meri badashahat ko ab ap hi snbhal sakate hain. mujhe ab maloom ho gaya ki main use tabahi ke raste par liye jata tha . meri apase yahi iltaza (prarthana) hai ki ap usaki vajarat kabool karen. dekhiye , khuda ke liye inkar n kijiega, varana main kahin ka nahin rahoonga.

yajadani ne araj ki- huzoor itani kadaradani pharamate hain, to apaki inayat hai, lekin abhi is ladake ki umr hi kya hai. vajarat ki khidamat yah kya anjam de sakega . abhi to isaki talim ke din hain.

idhar se inkar hota raha aur udhar taimoor agrah karata raha. yajadani inkar to kar rahe the, par chhati phooli jati thi . moosa ag lene gaye the, paignbari mil gayi. kahan maut ke munh men ja rahe the, vajarat mil gayi, lekin yah shnka bhi thi ki aise asthir-chitt adami ka kya thikana ? aj khush hue, vajarat dene ko taiyar hain, kal naraz ho gaye to jan ki khairiyat nahin. unhen habib ki liyakat par bharosa tha, phir bhi ji darata tha ki birane desh men n jane kaisi pade, kaisi n pade. darabaravalon men shadh‍yntr hote hi rahate hain. habib nek hai, samajhadar hai, avasar pahachanata hai; lekin vah tajaraba kahan se layega, jo umr hi se ata hai.

unhonne is prashn par vichar karane ke liye ek din ki muhalat mangi aur rukhasat hue.

3

habib yajadani ka ladaka nahin ladaki thi. usaka nam umm tul habib tha. jis vakt yajadani aur usaki patni musalaman hue, to ladaki ki umr kul barah sal ki thi, par prakriti ne use buddhi aur pratibha ke sath vichar-svatntry bhi pradan kiya tha. vah jab tak satyasaty ki pariksha n kar leti, koee bat svikar n karati. man-bap ke dharm-parivartan se use ashanti to huee, par jab tak islam ka achchhi tarah adhyayan n kar le, vah keval man-bap ko khush karane ke liye islam ki diksha nahin le sakati thi. man-bap bhi us par kisi tarah ka dabab n dalana chahate the. jaise unhen apane dharm ko badal dene ka adhikar hai, vaise hi use apane dharm par aroodh rahane ka bhi adhikar hai. ladaki ko sntosh hua; lekin usane islam aur jarathushte dharm- donon hi ka tulanatmak adhyayan arnbh kiya aur poore do sal ke anveshan aur parikshan ke bad usane bhi islam ki diksha le li. mata-pita phoole n samaye. ladaki unake dabav se musalaman nahin huee hai, balki svechchha se, svadhyay se aur eeman se. do sal tak unhen jo shnka ghere rahati thi , vah mit gayi.

yajadani ke koee putr n tha aur us yug men jab ki adami ki talavar hi sabase badi adalat thi, putr ka n rahana snsar ka sabase bada durbhagy tha. yajadani bete ka araman beti se poora karane laga. ladakon hi ki bhanti usaki shiksha-diksha hone lagi. vah balakon ke se kapade pahanati, ghode par savar hoti, shastr -vidya sikhati aur apane bap ke sath aksar khalipha bayajid ke mahalon men jati aur rajakumari ke sath shikar khelane jati. isake sath hi vah darshan, kavy, vigyan aur adhyatm ka bhi abhyas karati thi. yahan tak ki solahaven varsh men vah fauji vidyalay men dakhil ho gayi aur do sal ke andar vahan ki sabase oonchi pariksha pas karake fauj men naukar ho gayi. shastr -vidya aur sena-snchalan kala men itani nipun thi aur khalipha bayajid usake charitr se itana prasann tha ki pahale hi pahal use ek hajari manasab mil gaya .

aisi yuvati ke chahanevalon ki kya kami. usake sath ke kitane hi aphasar, raj parivar ke kitane hi yuvak us par pran dete the , par koee usaki najaron men n jnchata tha . nity hi nikah ke paigam ate the , par vah hamesha inkar kar deti thi. vaivahik jivan hi se use aruchi thi- ki yuvatiyan kitane aramanon se byah kar layi jati hain aur phir kitane niradar se mahalon men bnd kar di jati hai. unaka bhagy purushon ki daya ke adhin hai. aksar oonche gharanon ki mahilaon se usako milane-julane ka avasar milata tha. unake mukh se unaki karoon katha sunakar vah vaivahik paradhinata se aur bhi ghrina karane lagati thi. aur yajadani usaki svadhinata men bilakul badha n deta tha. ladaki svadhin hai, usaki ichchha ho, vivah kare ya kh‍vanri rahe, vah apani ap mukhatar hai. usake pas paigam ate, to vah saf javab de deta– main is bare men kuchh nahin janata, isaka phaisala vahi karegi. yadyapi ek yuvati ka purush vesh men rahana, yuvakon se milana-julana , samaj men alochana ka vishay tha, par yajadani aur usaki stri donon hi ko usake satitv par vishvas tha, habi‍b ke vyavahar aur achar men unhen koee aisi bat najar n ati thi, jisase unhen kisi tarah ki shnka hoti. yauvan ki andhi aur lalasaon ke toofan men vah chaubis varshon ki virabala apane hriday ki snpati liye atal aur ajey khadi thi , manon sabhi yuvak usake sage bhaee hain.

4

kustunatuniya men kitani khushiyan manayi gayin, habib ka kitana samman aur svagat hua, use kitani badhaiyan mili, yah sab likhane ki bat nahin. shahar tabah hua jata tha. snbhav tha aj usake mahalon aur bazaron se ag ki lapaten nikalati hotin. rajy aur nagar ko us kalpanatit vipatti se bachanevala adami kitane adar, prem shraddha aur ullas ka patr hoga, isaki to kalpana bhi nahin ki ja sakati . us par kitane phoolon aur kitane lal-javaharon ki varsha huee, isaka anuman to koee ‍kavi hi kar sakata hai. aur nagar ki mahilaen hriday ke akshay bhndar se asisen nikal- nikalakar us par lutati thi aur garv se phooli huee usaka munh niharakar apane ko dhany manati thin . usane deviyon ka mastak ooncha kar diya tha.

rat ko taimoor ke prash‍tav par vichar hone laga. samane gaddedar kursi par yajadani tha- saumy, vishal aur tejasvi. usaki dahini taraph usaki patni thi, eerani libas men, ankhon men daya aur vishvas ki jyoti bhare hue. bayin taraph ummutul habib thi, jo is samay ramani-vesh men mohini bani huee thi, brahmachary ke tej se dipt.

yajadani ne prastav ka virodh karate hue kaha– main apani taraph se kuchh nahin kahana chahata , lekin yadi mujhe salah dene ka adhikar hai, to main spasht kahata hoon ki tumhen is prastav ko kabhi svikar n karana chahie , taimoor se yah bat bahut din tak chhipi nahin rah sakati ki tum kya ho. us vakt kya paristhiti hogi , main nahin kah sakata. aur yahan is vishay men jo kuchh tikaen hongi, vah tum mujhase zyada janati ho. yahan mai maujood tha aur kutsa ko munh n kholane deta tha par vahan tum akeli rahogi aur kutsa ko manamane, arop karane ka avasar milata rahega.

usaki patni svechchha ko itana mahatv n dena chahati thi . boli– mainne suna hai, taimoor nigahon ka achchha adami nahin hai. main kisi tarah tujhe n jane doogin. koee bat ho jay to sari duniya hnse. yon hi hnsanevale kya kam hain ?

isi tarah stri-purush badi der tak oonch–nich sujhate aur tarah-tarah ki shnkaen karate rahe lekin habib maun sadhe baithi huee thi. yajadani ne samajha, habib bhi unase sahamat hai. inkar ki soochana dene ke liye hi tha ki ‍habib ne poochha– ap taimoor se kya़ kahenge ?

‘yahi jo yahan tay hua.’

‘mainne to abhi kuchh nahin kaha.’

‘mainne to samajha , tum bhi hamase sahamat ho.’

‘ji nahin. ap unase jakar kah den mai svikar karati hoon.’

mata ne chhati par hath rakhakar kaha- yah kya gajab karati hai beti. soch to duniya kya kahegi.

yajadani bhi sir thamakar baith gaye , mano hriday men goli lag gayi ho. munh se ek shabd bhi n nikala.

habib tyoriyon par bal dalakar boli- ammijan , main apake hukm se jau-bhar bhi munh nahin pherana chahati. apako poora akhtiyar hai, mujhe jane den ya n den lekin mulk ki khidamat ka aisa mauqa shayad mujhe zindagi men phir n mile. is mauke ko hath se kho dene ka afasos mujhe umr-bhar rahega . mujhe yakin hai ki amir taimoor ko main apani diyanat, begaraji aur sachchi vafadari se insan bana sakati hoon aur shayad usake hathon khuda ke bndo ka khoon itani kasarat se n bahe. vah diler hai, magar beraham nahin . koee diler adami beraham nahin ho sakata . usane ab tak jo kuchh kiya hai, mazahab ke andhe josh men kiya hai. aj khuda ne mujhe vah mauqa diya hai ki main use dikha doon ki mazahab khidamat ka nam hai, loot aur katl ka nahin. apane bare men mujhe mutalak andesha nahin hai. mai apani hiphajat ap kar sakati hoon . mujhe dava hai ki apane pharj ko nekaniyati se ada karake main dushmanon ki juban bhi bnd kar sakati hoon, aur man lijie mujhe nakami bhi ho, to kya sachaee aur hak ke liye kurban ho jana zindagin ki sabase shanadar fatah nahin hai. ab tak mainne jis usool par zindagi basar ki hai, usane mujhe dhokha nahin diya aur usi ke phaij se aj mujhe yah darja hasil hua hai, jo bade-bado ke liye zindagi ka khvab hai. mere ajamaye hue dost mujhe kabhi dhokha nahin de sakate . taimoor par meri hakikat khul bhi jay, to kya khauph . meri talavar meri hiphajat kar sakati hai. shadi par mere khayal apako maloom hain. agar mujhe koee aisa adami milega, jise meri rooh kabool karati ho, jisaki jat apani hastik ko khokar main apani rooh ko ooncha utha sakoon, to main usake kadamon par girakar apane ko usaki najar kar doogin.

yajadani ne khush hokar beti ko gale laga liya . usaki stri itani jald ashvast n ho saki. vah kisi tarah beti ko akeli n chhodegi . usake sath vah bhi jayagi.

5

kee mahine gujar gaye. yuvak habib taimoor ka vajir hai, lekin vastav men vahi badashah hai. taimoor usi ki ankhon se dekhata hai, usi ke kanon se sunata hai aur usi ki akl se sochata hai. vah chahata hai, habib athon pahar usake pas rahe. usake samipy men use svarg ka-sa sukh milata hai. samaraknd men ek prani bhi aisa nahin, jo usase jalata ho. usake bartav ne sabhi ko mugdh‍ kar liya hai, kyonki vah insaph se jau-bhar bhi qadam nahin hatata. jo log usake hathon chalati huee nyay ki chakki men pis jate hain, ve bhi usase sadh‍bhav hi rakhate hain, kyonki vah nyay ko zaroorat se zyada katu nahin hone deta.

sndhya ho gayi thi. rajy karmachari ja chuke the . shamadan men mom ki battiyan jal rahi thin. agar ki sugndh se sara divanakhana mahak raha tha. habib uthane hi ko tha ki chobadar ne khabar di- huzoor jahanpanah tashariph la rahe hain.

habib is khabar se kuchh prasann nahin hua. any mntriyon ki bhanti vah taimoor ki sohabat ka bhookha nahin hai. vah hamesha taimoor se door rahane ki cheshta karata hai. aisa shayad hi kabhi hua ho ki usane shahi dastarakhan par bhojan kiya ho. taimoor ki majalison men bhi vah kabhi sharik nahin hota. use jab shanti milati hai, tab ekant men apani mata ke pas baithakar din-bhar ka majara usase kahata hai aur vah us par apani pasnd ki muhar laga deti hai.

usane dvar par jakar taimoor ka svagat kiya. taimoor ne masanad par baithate hue kaha- mujhe tajjub hota hai ki tum is javani men jahidon ki-si zindagi kaise basar karate ho ‍habib . khuda ne tumhen vah husn diya hai ki hasin-se-hasin najanin bhi tumhari mashook banakar apane ko khushanasib samajhegi. maloom nahin tumhen khabar hai ya nahin, jab tum apane mushki ghode par savar hokar nikalate ho to samaraknd ki khidakiyon par hajaron ankhen tumhari ek jhalak dekhane ke liye muntajir baithi rahati hain, par tumhen kisi taraph ankhen uthate nahin dekha . mera khuda gavah hai, mai kitana chahata hoon ki tumhare kadamon ke nakshe par chaloon; par duniya meri gardan nahin chhodati. main chahata hoon jaise tum duniya men rahakar bhi duniya se alag rahate ho , vaise main bhi rahoon lekin mere pas n vah dil hai n vah dimag . main hamesha apane-ap par, sari duniya par dant pisata rahata hoon. jaise mujhe haradam khoon ki pyas lagi rahati hai, jise tum bujhane nahin dete , aur yah janate hue bhi ki tum jo kuchh karate ho, usase behatar koee doosara nahin kar sakata , main apane gusse ko kaboo men nahin kar sakata . tum jidhar se nikalate ho, muhabh‍bat aur roshani phaila dete ho. jisako tumhara dushman hona chahie , vah tumhara dost hai. main jidhar se nikalata hoon napharat aur shubaha phailata hua nikalata hoon. jise mera dost hona chahie vah bhi mera dushman hai. duniya men bas ek hi jagah hai, jahan mujhe aphiyat milati hai. agar tum mujhe samajhate ho, yah taj aur takht mere raste ke rode hai, to khuda ki kasam, main aj in par lat mar doon. main aj tumhare pas yahi darakhvast lekar aya hoon ki tum mujhe vah rasta dikhao , jisase mai sachchi khushi pa sakoon . mai chahata hoon , tum isi mahal men raho taki main tumase sachchi zindagi ka sabak sikhoon.

habib ka hriday dhak se ho utha . kahin amir par naritv ka rahasy khul to nahin gaya. usaki samajh men n aya ki use kya javab de. usaka komal hriday taimoor ki is karoon atmaglani par dravit ho gaya . jisake nam se duniya kanpati hai, vah usake samane ek dayaniy prani bana hua usase prakash ki bhiksha mang raha hai. taimoor ki us kathor vikrit shushk hinsatmak mudra men use ek snigdh madhur jyoti dikhaee di, mano usaka jagrat vivek bhitar se jhank raha ho. use apana sthir ‍jivan, jisamen oopar uthane ki smriti hi n rahi thi, is viphal udyog ke samane tuchchh jan pada.

usane mugdh knth se kaha- hajoor is gulam ki itani kadr karate hai, yah meri khushanasibi hai, lekin mera shahi mahal men rahana munasib nahin .

taimoor ne poochha– kyon

‘isaliye ki jahan daulat zyada hoti hai, vahan dake padate hain aur jahan kadr zyada hoti hai , vahan dushman bhi zyada hote hai.’

‘tumhara bhi koee dushman ho sakata hai.’

‘mai khud apana dushman ho jaoonga. adami ka sabase bada dushman garoor hai.’

taimoor ko jaise koee ratn mil gaya. use apani manahtushti ka abhas hua. adami ka sabase bada dushman garoor hai is vaky ko man-hi-man dohara kar usane kaha- tum mere kaboo men kabhi n aoge habib. tum vah parinda ho, jo asaman men hi ud sakata hai. use sone ke pinjade men bhi rakhana chaho to phadaphadata rahega. khair, khuda haphij.

vah turnt apane mahal ki or chala, mano us ratn ko surakshit sthan men rakh dena chahata ho. yah vaky pahali bar usane n suna tha par aj isase jo gyan, jo adesh jo satprerana use mili, vah kabhi n mili thi.

6

istakhar ke ilake se bagavat ki khabar ayi hai. habib ko shnka hai ki taimoor vahan pahunchakar kahin katleam n kar de. vah shantimay upayon se is vidroh ko thnda karake taimoor ko dikhana chahata hai ki sadh‍bhavana men kitani shakti hai. taimoor use is muhim par nahin bhejana chahata lekin habib ke agrah ke samane ‍bebas hai. habib ko jab aur koee yukti n soojhi to usane kaha- gulam ke rahate hue huzoor apani jan khatare men dalen yah nahin ho sakata .

taimoor muskaraya- meri jan ki tumhari jan ke mukabale men koee hakikat nahin hai habi‍b .phir mainne to kabhi jan ki paravah n ki. mainne duniya men katl aur loot ke siva aur kya yadagar chhodi. mere mar jane par duniya mere nam ko royegi nahin, yakin mano. mere jaise lutere hamesha paida hote rahenge , lekin khuda n kare, tumhare dushmanon ko kuchh ho gaya, to yah saltanat khak men mil jayagi, aur tab mujhe bhi sine men khnjar chubha lene ke siva aur koee rasta n rahega. mai nahin kah sakata habib tumase mainne kitana paya. kash, das-panch sal pahale tum mujhe mil jate, to taimoor tarikh men itana roosiyah n hota. aj agar zaroorat pade, to main apane jaise sau taimooron ko tumhare oopar nisar kar doon . yahi samajh lo ki meri rooh‍ ko apane sath liye ja rahe ho. aj mai tumase kahata hoon habib ki mujhe tumase ishk hai ise main ab jan paya hoon . magar isamen kya buraee hai ki mai bhi tumhare sath chaloon.

habib ne dhadakate hue hriday se kaha- agar main apaki zaroorat samajhoonga to ittala doonga.

taimoor ne dadhi par hath rakhakar kaha- jaisi tumhari marji lekin rojana kasid bhejate rahana, varana shayad main bechain hokar chala aoon.

taimoor ne kitani muhabbat se habib ke saphar ki taiyariyan ki. tarah-tarah ke aram aur takalluph ki chizen usake liye jama kin. us kohistan men yah chizen kahan milengi. vah aisa snlagn tha, manon mata apani ladaki ko sasural bhej rahi ho.

jis vakt habib fauj ke sath chala, to sara samaraknd usake sath tha aur taimoor ankhon par roomal rakhe, apane takht par aisa sir jhukaye baitha tha, mano koee pakshi ahat ho gaya ho.

7

istakhar aramani eesaeeyon ka ilaka tha, musalamanon ne unhen parast karake vahan apana adhikar jama liya tha aur aise niyam bana diye the, jisase eesaiyon ko pag-pag apani paradhinata ka smaran hota rahata tha. pahala niyam jajie ka tha, jo harek eesaee ko dena padata ‍tha, jisase musalaman mukt the. doosara niyam yah tha ki girajon men ghnta n baje. tisara niyam madira ka tha, jise musalaman haram samajhate the. eesaeeyon ne in niyamon ka kriyatmak virodh kiya aur jab musalaman adhikariyon ne shastr-bal se kam lena chaha, to eesaiyon ne bagavat kar di, musalaman soobedar ko kaid kar liya aur kile par salibi jhnda udane laga.

habib ko yahan aj doosara din hai; par is samasya ko kaise hal kare. usaka udar hriday kahata tha, eesaiyon par in bndhanon ka koee arth nahin . harek dharm ka saman roop se adar hona chahie , lekin musalaman in kaidon ko hata dene par kabhi raji n hogen. aur yah log man bhi jaen to taimoor kyon manane laga. usake dharmik vicharon men kuchh udarata aee hai, phir bhi vah in kaidon ko uthana kabhi mnjoor n karega, lekin kya vah eesaiyon ko saza de ki ve apani dharmik svadhinata ke liye lad rahe hain. jise vah saty samajhata hai, usaki hatya kaise kare. nahin, use saty ka palan karana hoga, chahe isaka natija kuchh bhi ho. amir samajhegen main zaroorat se zyada badha ja raha hoon. koee mujayaka nahin.

doosare din habib ne pratahkal dnke ki chot ailan karaya- jajiya maph kiya gaya, sharab aur ghnton par koee kaid nahin hai.

musalamanon men tahalaka pad gaya. yah kuphr hai, haramaparasti hai. amir taimoor ne jis islam ko apane khoon se sincha, usaki jad unhin ke vajir habib pasha ke hathon khud rahi hai. pansa palat gaya. shahi fauj musalamanon se ja mili. habib ne istikhar ke kile men panah li. musalamanon ki takat shahi fauj ke mil jane se bahut badh gayi thi. unhonne kila gher liya aur yah samajhakar ki habib ne taimoor se bagavat ki hai, taimoor ke pas isaki soochana dene aur paristhiti samajhane ke liye kasid bheja.

8

adhi rat gujar chuki thi. taimoor ko do dinon se istakhar ki koee khabar n mili thi. tarah-tarah ki shnkaen ho rahi thin. man men pachhatava ho raha tha ki usane kyon habib ko akela jane diya . mana ki vah bada nitikushal hai , ‍par bagavat kahin zor pakad gayi to mutthi-bhar adamiyon se vah kya kar sakega . aur bagavat yakinan zor pakadegi . vahan ke eesaee bala ke sarakash hai. jab unhen maloom hoga ki taimoor ki talavar men jng lag gaya aur use ab mahalon ki zindagi pasnd hai, to unaki himmat dooni ho jayagi. habib kahin dushmanon se ghir gaya, to bada gajab ho jayaga.

usane apane janoo par hath mara aur pahaloo badalakar apane oopar jhunjhalaya . vah itana pastahimmat kyon ho gaya. kya usaka tej aur shaury usase vida ho gaya . jisaka nam sunakar dushman men knpan pad jata tha, vah aj apana munh chhipakar mahalon men baitha hua hai. duniya ki ankhon men isaka yahi arth ho sakata hai ki taimoor ab maidan ka sher nahin , kalin ka sher ho gaya . habib pharishta hai, jo insa n ki buraiyon se vakiph nahin. jo raham aur saphadili aur begaraji ka devata hai, vah kya jane insan kitana shaitan ho sakata hai . aman ke dinon men to ye baten kaum aur mulk ko taraqqi ke raste par le jati hain par jng men , jabaki shaitani josh ka toohphan uthata hai in khushiyon ki gunjaish nahin . us vakt to usi ki jit hoti hai , jo insani khoon ka rng khele, kheton-khalihanon ko jalaye , jngalon ko basaye aur bastiyon ko viran kare. aman ka qanoon jng ke qanoon se juda hai.

sahasa chobadar ne istakhar se ek kasid ke ane ki khabar di. kasid ne zamin choomi aur ek kinare adab se khada ho gaya. taimoor ka rob aisa chha gaya ki jo kuchh kahane aya tha, vah bhool gaya.

taimoor ne tyoriyan chadhakar poochha- kya khabar laya hai. tin din ke bad aya bhi to itani rat gaye.

kasid ne phir zamin choomi aur bola- khudabnd vajir sahab ne jajiya muaph kar diya .

taimoor garaj utha- kya kahata hai, jajiya maph kar diya.

‘han khudabnd.’

‘kisane.’

‘vajir sahab ne.’

‘kisake hukm se.’

‘apane hukm se huzoor.’

‘hoon.’

‘aur huzoor , sharab ka bhi hukm de diya.’

‘hoon.’

‘girajon men ghnte bajane ka bhi hukm ho gaya hai.’

‘hoon.’

‘aur khudabnd eesaiyon se milakar musalamanon par hamala kar diya.’

‘to mai kya karoon ?’

‘huzoor hamare malik hain. agar hamari kuchh madad n huee to vahan ek musalaman bhi jinda n bachega.’

‘habib pasha is vakt kahan hai.’

‘istakhar ke kile men huzoor.’

‘aur musalaman kya kar rahe hain.’

‘hamane eesaiyon ko kile men gher liya hai.’

‘unhins ke sath habib ko bhi ?’

‘han huzoor , vah huzoor se bagi ho gaye.’

aur isaliye mere vafadar islam ke khadimon ne unhen kaid kar rakha hai. mumakin hai, mere pahunchate-pahunchate unhen katl bhi kar den. badajat, door ho ja mere samane se. musalaman samajhate hai, habib mera naukar hai aur mai usaka aka hoon. yah galat hai, jhooth hai. is saltanat ka malik habib hai, taimoor usaka adana gulam hai. usake phaisale men taimoor dastndaji nahin kar sakata . beshak jajiya muaph hona chahie. mujhe majaj nahin ki doosare mazahab valon se unake eeman ka tavan loon. koee majaj nahin hai; agar masjid men ajan hoti hai, to kalisa men ghnta kyon baje. ghnte ki avaz men kuphr nahin hai. kaphir vah hai, ja doosaron ka hak chhin le jo garibon ko sataye, dagabaj ho, khudagaraj ho. kaphir vah nahin, jo mitti ya patthar ke ek tukade men khuda ka noor dekhata ho, jo nadiyon aur pahadon me, darakhton aur jhadiyon men khuda ka jalava pata ho. vah hamase aur tumase jyakada khudaparast hai, jo masjid men khuda ko bnd samajhate hain. too samajhata hai, main kuphr bak raha hoon ? kisi ko kaphir samajhana hi kuphr hai. ham sab khuda ke bnde hain, sab . bas ja aur un bagi musalamanon se kah de, agar phauran muhasara n utha liya gaya, to taimoor kayamat ki tarah a pahunchega.

kasid hatabuddhi–sa khada hi tha ki bahar khatare ka bigul baj utha aur faujen kisi samar-yatra ki taiyari karane lagin.

9

tisare din taimoor istakhar pahuncha, to kile ka muhasara uth chuka tha. kile ki topon ne usaka svagat kiya. habib ne samajha, taimoor eesaiyon ko saza dene a raha hai. eesaiyon ke hath-panv phoole hue the , magar habib mukabale ke liye ‍taiyar tha. eesaiyon ke svapn ki raksha men yadi jan bhi jay, to koee gam nahin. is muamale par kisi tarah ka samajhauta nahin ho sakata. taimoor agar talavar se kam lena chahata hai, to usaka javab talavar se diya jayaga.

magar yah kya bat hai. shahi fauj saphed jhnda dikha rahi hai. taimoor ladane nahin sulah karane aya hai. usaka svagat doosari tarah ka hoga. eesaee saradaron ko sath liye habib kile ke bahar nikala. taimoor akela ghode par savar chala a raha tha. habib ghode se utarakar adab baja laya. taimoor ghode se utar pada aur habib ka matha choom liya aur bola- main sab sun chuka hoon habib. tumane bahut achchha kiya aur vahi kiya jo tumhare siva doosara nahin kar sakata tha. mujhe jajiya lene ka ya eesaiyon se mazahabi hak chhinane ka koee majaj n tha. mai aj darabar karake in baton ki tasadik kar doonga aur tab main ek aisi tajavij bataoonga jo kee din se mere jehan men a rahi hai aur mujhe umh‍mid hai ki tum use mnjoor kar loge. mnjoor karana padega.

habib ke chehare ka rng ud raha tha. kahin hakikat khul to nahin gayi. vah kya tajavij hai; usake man men khalabali pad gayi.

taimoor ne mooskarakar poochha- tum mujhase ladane ko taiyar the ?

habib ne sharamate hue kaha- hak ke samane amir taimoor ki bhi koee hakikat nahin.

beshak-beshak ! tumamen pharishton ka dil hai, to sheron ki himmat bhi hai, lekin afasos yahi hai ki tumane yah guman hi kyon kiya ki taimoor tumhare phaisale ko mnsookh kar sakata hai. yah tumhari jat hai, jisane mujhe batalaya hai ki saltanat kisi adami ki jayadad nahin balki ek aisa darakht hai, jisaki harek shakh aur patti ek-si khurak pati hai.

donon kile men dakhil hue. sooraj doob chooka tha . an-ki-an men darabar lag gaya aur usamen taimoor ne eesaiyon ke dharmik adhikaron ko svikar kiya.

charon taraph se avaz ayi- khuda hamare shahnshah ki umr daraj kare.

taimoor ne usi silasile men kaha- doston , main is dua ka hakadar nahin hoon. jo chiz mainne apase jabaran li thi, use apako vapas dekar main dua ka kam nahin kar raha hoon. isase kahi zyada munasib yah hai ki ap mujhe lanat den ki mainne itane dinon tak apake hakon se apako maharoom rakha.

charon taraph se avaz ayi- marahaba ! marahaba ! !

‘doston, un hakon ke sath-sa‍th main apaki saltanat bhi apako vapas karata hoon kyonki khuda ki nigah men sabhi insan barabar hai aur kisi kaum ya shakhs ko doosari kaum par hukoomat karane ka akhtiyar nahin hai. aj se ap apane badashah hai. mujhe ummid hai ki ap bhi muslim abadi ko usake jayaj hakon se maharoom n karenge . magar kabhi aisa mauqa aye ki koee jabir kaum apaki azadi chhinane ki koshish kare, to taimoor apaki madad karane ko hamesha taiyar rahega.

10

kile men jashn khatm ho chuka hai. umara aur hukkam rukhasat ho chuke hain. divane khas men sirph taimoor aur habib rah gaye hain. habib ke mukh par aj smit hasy ki vah chhata hai,jo sadaiv gnbhirata ke niche dabi rahati thi. aj usake kapolon par jo lali, ankhon men jo nasha, angon men jo chnchalata hai, vah aur kabhi najar n ayi thi. vah kee bar taimoor se shokhiyan kar chuka hai, kee bar hnsi kar chuka hai, usaki yuvati chetana, pad aur adhikar ko bhoolakar chahakati phirati hai.

sahasa taimoor ne kaha- habib, mainne aj tak tumhari harek bat mani hai. ab mai tumase yah tajavij karata hoon jisaka mainne zikr kiya tha. use tumhen kabool karana padega.

habib ne dhadakate hue hriday se sir jhukakar kaha- pharamaiye.

‘pahale vayada karo ki tum kabool karoge.’

‘main to apaka gulam hoon.’

‘nahin, tum mere malik ho, meri zindagi ki roshani ho, tumase mainne jitana phaij paya hai, usaka andaja nahin kar sakata . mainne ab tak saltanat ko apani zindagi ki sabase pyari chiz samajha tha. isake liye mainne vah sab kuchh kiya jo mujhe n karana chahie tha. apanon ke khoon se bhi in hathon ko dagadar kiya gairon ke khoon se bhi. mera kam ab khatm ho chuka. mainne buniyad jama di is par mahal banana tumhara kam hai. meri yahi iltaja hai ki aj se tum is badashahat ke amir ho jao, meri zindagi men bhi aur marane ke bad bhi.

habib ne akash men udate hue kaha- itana bada bojh. mere kndhe itane mazaboot nahin hain.

taimoor ne din agrah ke svar men kaha- nahin mere pyare dost , meri yah iltaja manani padegi.

habib ki ankhon men hnsi thi, adharon par snkoch . usane ahista se kaha- mnjoor hai.

taimoor ne praphullit svar men kaha– khuda tumhen salamat rakhe.

‘lekin agar apako maloom ho jay ki habib ek kachchi– akl ki kh‍vanri balika hai to ?’

‘to vah meri badashahat ke sath mere dil ki bhi rani ho jayagi.’

‘apako bilkul tajjub nahin hua?’

‘main janata tha.’

‘kab se ?’

‘jab tumane pahali bar apani jalim ankhon se mujhe dekha.’

‘magar apane chhipaya khoob !’

‘tumhin ne sikhaya. shayad mere siva yahan kisi ko yah bat maloom nahin.’

‘apane kaise pahachan liya !’

taimoor ne matavali ankhon se dekhakar kaha- yah n bataoonga.

yahi habib taimoor ki ‘begam hamida’ ke nam se mashahoor hai


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah