नशा -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

eeshvari ek bade zamindar ka ladaka tha aur main ek garib klark ka, jisake pas mehanat-majoori ke siva aur koee jayadad n thi. ham donon men paraspar bahasen hoti rahati thin. main jamindari ki buraee karata, unhen hinsak pashu aur khoon choosane vali jonk aur vrikshon ki choti par phoolane vala bnjha kahata. vah jamindaron ka paksh leta, par svabhavat: usaka pahaloo kuchh kamazor hota tha, kyonki usake pas jamindaron ke anukool koee dalil n thi. vah kahata ki sabhi manushy barabar nahin hote, chhote-bade hamesha hote rahate hain aur hote rahenge, lachar dalil thi. kisi manushiy ya naitik niyam se is vyavastha ka auchity siddh karana kathin tha. main is vad-vivad ki garmi-garmi men aksar tej ho jata aur lagane vali bat kah jata, lekin eeshvari harakar bhi muskarata rahata tha. mainne use kabhi garm hote nahin dekha. shayad isaka karan yah tha ki vah apane paksh ki kamazori samajhata tha. naukaron se vah sidhe munh bat nahin karata tha. amiron men jo ek bedardi aur uddandata hoti hai, isamen use bhi prachur bhag mila tha. naukar ne bistar lagane men jara bhi der ki, doodh zaroorat se zyada garm ya thnda hua, saikil achchhi tarah saf nahin huee, to vah ape se bahar ho jata. susti ya badatamiji use jara bhi baradasht n thi, par doston se aur visheshakar mujhase usaka vyavahar sauhard aur namrata se bhara hua hota tha. shayad usaki jagah main hota, to mujhamen bhi vahin kathorataen paida ho jatin, jo usamen thin, kyonki mera lokaprem siddhanton par nahin, niji dashaon par tika hua tha, lekin vah meri jagah hokar bhi shayad amir hi rahata, kyonki vah prakriti se hi vilasi aur aishvary-priy tha.

abaki dashahare ki chhuttiyon men mainne nishchay kiya ki ghar n jaoonga. mere pas kiraye ke lie rupaye n the aur n gharavalon ko takaliph dena chahata tha. main janata hoon, ve mujhe jo kuchh dete hain, vah unaki haisiyat se bahut zyada hai, usake sath hi pariksha ka khyal tha. abhi bahut kuchh padhana hai, bordig haus men bhoot ki tarah akele pade rahane ko bhi ji n chahata tha. isalie jab eeshvari ne mujhe apane ghar ka nevata diya, to main bina agrah ke raji ho gaya. eeshvari ke sath pariksha ki taiyari khoob ho jayagi. vah amir hokar bhi mehanati aur jahin hai.

usane isake sath hi kaha- lekin bhaee, ek bat ka khyal rakhana. vahan agar jamindaron ki ninda ki, to muamila bigad jayaga aur mere gharavalon ko bura lagega. vah log to asamiyon par isi dave se shasan karate hain ki eeshvar ne asamiyon ko unaki seva ke lie hi paida kiya hai. asami bhi yahi samajhata hai. agar use sujha diya jay ki zamindar aur asami men koee maulik bhed nahin hai, to jamindari ka kahin pata n lage.

mainne kaha- to kya tum samajhate ho ki main vahan jakar kuchh aur ho jaoonga?

‘han, main to yahi samajhata hoon.’

‘tum galat samajhate ho.‘

eeshvari ne isaka koee javab n diya. kadachith usane is muamale ko mere vivek par chhod diya. aur bahut achchha kiya. agar vah apani bat par adata, to main bhi zid pakad leta.

2

sekend klas to kya , mainne kabhi intar klas men bhi saphar n kiya tha. abaki sekend klas men saphar ka saubhagy prapt hua. gadi to nau baje rat ko ati thi, par yatra ke harsh men ham sham ko steshan ja pahunche. kuchh der idhar-udhar sair karane ke bad riphreshament room men jakar ham logon ne bhojan kiya. meri vesh-bhoosha aur rng-dhng se parakhi khanasamon ko yah pahachanane men der n lagi ki malik kaun hai aur pichhalaggoo kaun; lekin n jane kyon mujhe unaki gustakhi buri lag rahi thi. paise eeshvari ki jeb se gaye. shayad mere pita ko jo vetan milata hai, usase zyada in khanasamon ko inam- ikaram men mil jata ho. ek athanni to chalate samay eeshvari hi ne di. ‍phir bhi main un sabon se usi tatparata aur vinay ki apeksha karata tha, jisase ve eeshvari ki seva kar rahe the. eeshvari ke hukm par sab-ke-sab daudate hain, lekin main koee chiz mangata hoon, to utana utsah nahin dikhate! mujhe bhojan men kuchh svad n mila. yah bhed mere dhyan ko snpoorn roop se apani or khinche hue tha.

gadi ayi, ham donon savar hue. khanasamon ne eeshveri ko salam kiya. meri or dekha bhi nahin.

eeshvari ne kaha- kitane tamijadar hain ye sab. ek hamare naukar hain ki koee kam karane ka dhng nahin.

mainne khatte man se kaha- isi tarah agar tum apane naukaron ko bhi ath ane roj inam diya karo, to shayad inase zyada tamijadar ho jayen.

‘to kya tum samajhate ho, yah sab keval inam ke lalach se itana adab karate hain.’

‘ji nahin, kadapi nahin! tamij aur adab to inake rakt men mil gaya hai.’

gadi chali. dak thi. prayag se chali to pratapagadh jakar rooki. ek adami ne hamara kamara khola. main turnt chilla utha- doosara daraja hai- sekend klas hai.

us musaphir ne dibbe ke andar akar meri or ek vichitr upeksha ki drishti se dekhakar kaha- ji han, sevak itana samajhata hai, aur bich vale barth par baith gaya. mujhe kitani lajja ayi, kah nahin sakata.

bhor hote-hote ham log muradabad pahunche. steshan par kee adami hamara svagat karane ke lie khade the. do bhadr purush the. panch begar. begaron ne hamara lagej uthaya. donon bhadr purush pichhe-pichhe chale. ek musalaman tha riyasat ali, doosara brahman tha ramaharakh. donon ne meri or aparichit netron se dekha, mano kah rahe hain, tum kauve hokar hns ke sath kaise?

riyasat ali ne eeshvari se poochha- yah baboo sahab kya apake sath padhate hain?

eeshvari ne javab diya- han, sath padhate bhi hain aur sath rahate bhi hain. yon kahie ki ap hi ki badaulat main ilahabad pada hua hoon, nahin kab ka lakhanoo chala aya hota. abaki main inhen ghasit laya. inake ghar se kee tar a chuke the, magar mainne inakari-javab dilava diye. akhiri tar to arjent tha, jisaki phis char ane prati shabd hai, par yahan se bhi usaka javab inkari hi gaya.

donon sajjanon ne meri or chakit netron se dekha. atnkit ho jane ki cheshta karate jan pade.

riyasat ali ne arddhashnka ke svar men kaha- lekin ap bade sade libas men rahate hain.

eeshvari ne shnka nivaran ki- mahatma gandhi ke bhakt hain sahab. khaddar ke siva kuchh pahanate hi nahin. purane sare kapade jala dale. yon kaho ki raja hain. dhaee lakh salana ki riyasat hai, par apaki soorat dekho to maloom hota hai, abhi anathalay se pakadakar aye hain.

ramaharakh bole- amiron ka aisa svabhav bahut kam dekhane men ata hai. koee bhanp hi nahin sakata.

riyasat ali ne samarthan kiya- apane maharaja changali ko dekha hota to danton tale ungali dabate. ek gadhe ki mirjee aur chamaraudhe joote pahane bazaron men ghooma karate the. sunate hain, ek bar begar men pakade gaye the aur unhin ne das lakh se kalej khol diya.

main man men kata ja raha tha; par n jane kya bat thi ki yah saphed jhooth us vakt mujhe hasyaspad n jan pada. usake pratyek vaky ke sath manon main us kalpit vaibhav ke samipatar ata jata tha.

main shahasavar nahin hoon. han, ladakapan men kee bar laddoo ghodon par savar hua hoon. yahan dekha to do kalan-ras ghode hamare lie taiyar khade the. meri to jan hi nikal gee. savar to hua, par botiyan kanp rahi thin. mainne chehare par shikan n padane diya. ghode ko eeshvari ke pichhe dal diya. khairiyat yah huee ki eeshvari ne ghode ko tej n kiya, varana shayad main hath-pair tudavakar lautata. snbhav hai, eeshv‍ri ne samajh liya ho ki yah kitane pani men hai.

3

eeshvari ka ghar kya tha, kila tha. imamabade ka-sa phatak, dvar par paharedar tahalata hua, naukaron ka koee hisab nahin, ek hathi bndha hua. eeshvari ne apane pita, chacha, taoo adi sabase mera parichay karaya aur usi atishyokti ke sath. aisi hava bandhi ki kuchh n poochhie. naukar- chakar hi nahin, ghar ke log bhi mera samman karane lage. dehat ke jamindar, lakhon ka munapha, magar pulis kansatebil ko aphasar samajhane vale. kee mahashay to mujhe huzoor-huzoor kahane lage.

jab jara ekant hua, to mainne eeshvari se kaha- tum bade shaitan ho yar, meri mitti kyon palid kar rahe ho?

eeshvari ne dridh muskan ke sath kaha- in gadhon ke samane yahi chal zaroori thi, varana sidhe munh bolate bhi nahin.

jara der ke bad naee hamare panv dabane aya. kunvar log steshan se aye hain, thak gaye honge. eeshvari ne meri or ishara karake kaha- pahale kunvar sahab ke panv daba.

main charapaee par leta hua tha. mere jivan men aisa shayad hi kabhi hua ho ki kisi ne mere panv dabaye hon. main ise amiron ke chochale, reeson ka gadhapan aur bade adamiyon ki mutamaradi aur jane kya-kya kahakar eeshvari ka parihas kiya karata aur aj main potadon ka rees banane ka svang bhar raha tha.

itane men das baj gaye. purani sabhyata ke log the. nayi roshani abhi keval pahad ki choti tak pahunch payi thi. andar se bhojan ka bulava aya. ham snan karane chale. main hamesha apani dhoti khud chhant liya karata hoon; magar yahan mainne eeshvari ki hi bhanti apani dhoti bhi chhod di. apane hathon apani dhoti chhantate sharm a rahi thi. andar bhojan karane chale. hostal men joote pahale mej par ja datate the. yahan panv dhona avashyayak tha. kahar pani liye khada tha. eeshvari ne panv badha diye. kahar ne usake panv dhoye. mainne bhi panv badha diye. kahar ne mere panv bhi dhoye. mera vah vichar n jane kahan chala gaya tha.

4

socha tha, vahan dehat men ekagr hokar khoob padhenge, par yahan sara din sair-sapate men kat jata tha. kahin nadi men bajare par sair kar rahe hain, kahin machh‍liyon ya chidiyon ka shikar khel rahe hain, kahin pahalavanon ki kushti dekh rahe hain, kahin shatarnj par jame hain. eeshvari khoob ande mngavata aur kamare men ‘stov’ par amalet banate. naukaron ka ek jattha hamesha ghere rahata. apane hath-panv hilane ki koee zaroorat nahin. keval jaban hila dena kafi hai. nahane baitho to adami nahalane ko hajir, leto to adami pnkha jhalane ko khade. main mahatma gandhi ka kunvar chela mashahoor tha. bhitar se bahar tak meri dhak thi. nashte men jara bhi der n hone paye, kahin kunvar sahab naraz n ho jayen; bichhavan thik samay par lag jay, kunvar sahab ke sone ka samay a gaya. main eeshvari se bhi zyada najuk dimag ban gaya tha ya banane par majaboor kiya gaya tha. eeshvari apane hath se bistar bichhale lekin kunvar mehaman apane hathon se kaise apana bichhavan bichha sakate hain! unaki mahanata men batta lag jayaga.

ek din sachamuch yahi bat ho gayi. eeshvari ghar men tha. shayad apani mata se kuchh batachit karane men der ho gayi. yahan das baj gaye. meri ankhen nind se jhapak rahi thin, magar bistar kaise lagaoon? kunvar jo thahara. koee sadhe gyarah baje mahara aya. bada munhalaga naukar tha. ghar ke dhndhon men mera bistar lagane ki use sudhi hi n rahi. ab jo yad ayi, to bhaga hua aya. mainne aisi dant batayi ki usane bhi yad kiya hoga.

eeshvari meri dant sunakar bahar nikal aya aur bola- tumane bahut achchha kiya. yah sab haramakhor isi vyavahar ke yogy hain.

isi tarah eeshvari ek din ek jagah davat men gaya hua tha. sham ho gayi, magar laimp mej par rakha hua tha. diyasalaee bhi thi, lekin eeshvari khud kabhi laimp nahin jalata tha. ‍‍phir kunvar sahab kaise jalayen? main jhunjhala raha tha. samachar-patr aya rakha hua tha. ji udhar laga hua tha, par laimp nadarad. daivayog se usi vakt munshi riyasat ali a nikale. main unhin par ubal pada, aisi phatakar batayi ki bechara ulloo ho gaya- tum logon ko itani fikr bhi nahin ki laimp to jalava do! maloom nahin, aise kamachor adamiyon ka yahan kaise gujar hota hai. mere yahan ghnte-bhar nirvah n ho. riyasat ali ne kanpate hue hathon se laimp jala diya.

vahan ek thakur aksar aya karata tha. kuchh manachala adami tha, mahatma gandhi ka param bhakt. mujhe mahatma ji ka chela samajhakar mera bada lihaz karata tha; par mujhase kuchh poochhate snkoch karata tha. ek din mujhe akela dekhakar aya aur hath bandhakar bola- sarakar to gandhi baba ke chele hain n? log kahate hain ki yahan suraj ho jayega to zamindar n rahenge.

mainne shan jamayi- jamindaron ke rahane ki zaroorat hi kya. hai? yah log garibon ka khoon choosane ke siva aur kya karate hai?

thakur ne ‍phir poochha- to kyon , sarakar, sab jamindaron ki zamin chhin li jaegi. mainnen kaha- bahut-se log to khushi se de denge. jo log khushi se n denge, unaki zamin chhinani hi padegi. ham log to taiyar baithe hue hain. jyon hi svarajy hua, apane ilake asamiyon ke nam hibba kar denge.

main kurasi par panv latakaye baitha tha. thakur mere panv dabane laga. phir bola- ajakal zamindar log bada julum karate hain sarakar! hamen bhi huzoor, apane ilake men thodi-si zamin de den, to chalakar vahin apaki seva men rahen.

mainne kaha- abhi to mera koee akhtiyar nahin hai bhaee; lekin jyon hi akhtiyar mila, main sabase pahale tumhen bulaoonga. tumhen motar-draivari sikha kar apana draivar bana loonga.

suna, us din thakur ne khoob bhng pi aur apani stri ko khoob pita aur ganv ke mahajan se ladane par taiyar ho gaya.

5

chhutti is tarah tamam huee aur ham phir prayag chale. ganv ke bahut-se log ham logon ko pahunchane aye. thakur to hamare sath steshan tak aya. mainen bhi apana part khoob saphaee se khela aur apani kuberochit vinay aur devatv ki muhar harek hriday par laga di. ji to chahata tha, harek naukar ko achchha inam doon, lekin vah samarthy kahan thi? vapasi tikat tha hi, keval gadi men baithana tha; par gadi ayi to thasathas bhari huee. durgapooja ki chhuttiyan bhogakar sabhi log laut rahe the. sekend klas men til rakhane ki jagah nahin. intar klas ki halat usase bhi badatar. yah akhiri gadi thi. kisi tarah rook n sakate the. badi mushkil se tisare daraje men jagah mili. hamare aishvary ne vahan apana rng jama liya, magar mujhe usamen baithana bura lag raha tha. aye the aram se lete-lete, ja rahe the sikude hue. pahaloo badalane ki bhi jagah n thi.

kee adami padhe-likhe bhi the! ve apas men angreji rajy ki tariph karate ja rahe the. ek mahashay bole- aisa nyay to kisi rajy men nahin dekha. chhote-bade sab barabar. raja bhi kisi par anyay kare, to adalat usaki gardan daba deti hai.

doosare sajjan ne samarthan kiya- are sahab, ap khud badashah par dava kar sakate hain. adalat men badashah par digri ho jati hai.

ek adami, jisaki pith par bada gatthar bndha tha, kalakatte ja raha tha. kahin gathari rakhane ki jagah n milati thi. pith par bandhe hue tha. isase bechain hokar bar-bar dvar par khada ho jata. main dvar ke pas hi baitha hua tha. usaka bar-bar akar mere munh ko apani gathari se ragadana mujhe bahut bura lag raha tha. ek to hava yon hi kam thi, doosare us gnvar ka akar mere munh par khada ho jana, mano mera gala dabana tha. main kuchh der tak jabt kiye baitha raha. ekaek mujhe krodh a gaya. mainne use pakadakar pichhe thel diya aur do tamache jor-jor se lagaye.

usanen ankhen nikalakar kaha- kyon marate ho babooji, hamane bhi kiraya diya hai!

mainne uthakar do-tin tamache aur jad diye.

gadi men toofan a gaya. charon or se mujh par bauchhar padane lagi.

‘agar itane najuk mizaj ho, to avval darje men kyon nahin baithe.‘

‘koee bada adami hoga, to apane ghar ka hoga. mujhe is tarah marate to dikha deta.’

‘kya kasoor kiya tha bechare ne. gadi men sans lene ki jagah nahin, khidaki par jara sans lene khada ho gaya, to us par itana krodh! amir hokar kya adami apani insaniyat bilkul kho deta hai.

’yah bhi angreji raj hai, jisaka ap bakhan kar rahe the.’

ek gramin bola- daphtaran man ghusan to pavat nahin, us par itta mizaj!

eeshvari ne angreji me kaha- What an idiot you are, Bir! (bir, tum kitane moorkh ho !) aur mera nasha ab kuchh-kuchh utarata hua maloom hota tha.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah