ठाकुर का कुआँ -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jokhoo ne lota munh se lagaya to pani men sakht badaboo ayi . gngi se bola- yah kaisa pani hai ? mare bas ke piya nahin jata . gala sookha ja raha hai aur too sada pani pilaye deti hai !

gngi pratidin sham pani bhar liya karati thi . kuan door tha, bar-bar jana mushkil tha . kal vah pani layi, to usamen boo bilakul n thi, aj pani men badaboo kaisi ! lota nak se lagaya, to sachamuch badaboo thi . jarur koee janavar kuen men girakar mar gaya hoga, magar doosara pani ave kahan se?

thakur ke kuen par kaun chadhane dega ? door se log dant batayenge . sahoo ka kuan ganv ke us sire par hai, parntu vahan bhi kaun pani bharane dega ? koee tisara kuan ganv men hai nahin.

jokhoo kee din se bimar hai. kuchh der tak to pyas roke chup pada raha, phir bola- ab to mare pyas ke raha nahin jata . la, thoda pani nak bnd karake pi loon .

gngi ne pani n diya . kharab pani se bimari badh jayagi itana janati thi, parntu yah n janati thi ki pani ko ubal dene se usaki kharabi jati rahati hain . boli- yah pani kaise piyoge ? n jane kaun janavar mara hai. kuen se main doosara pani laye deti hoon.

jokhoo ne ashchary se usaki or dekha- pani kahan se layegi ?

thakur aur sahoo ke do kuen to hain. kya ek lota pani n bharane denge?

‘hath-panv tudava ayegi aur kuchh n hoga . baith chupake se . brahm-devata ashirvad denge, thakur lathi maregen, sahooji ek ke panch lenge . garibon ka dard kaun samajhata hai ! ham to mar bhi jate hai, to koee duar par jhankane nahin ata, kndha dena to badi bat hai. aise log kuen se pani bharane denge ?’

in shabdon men kadava saty tha . gngi kya javab deti, kintu usane vah badaboodar pani pine ko n diya .

2

rat ke nau baje the . thake-mande mazadoor to so chuke the, thakur ke daravaze par das-panch bephikre jama the. maidani bahaduri ka to ab n jamana raha hai, n mauka. qanooni bahaduri ki baten ho rahi thin . kitani hoshiyari se thakur ne thanedar ko ek khas mukadame men rishvat di aur saf nikal gaye.kitani aklamndi se ek marke ke mukadame ki nakal le aye . najir aur mohatamim, sabhi kahate the, nakal nahin mil sakati . koee pachas mangata, koee sau. yahan bepaise- kaudi nakal uda di . kam karane dhng chahie .

isi samay gngi kuen se pani lene pahunchi .

kuppi ki dhundhali roshani kuen par a rahi thi . gngi jagath ki ad men baithi mauke ka intazar karane lagi . is kuen ka pani sara ganv pita hai . kisi ke lie roka nahin, sirph ye badanasib nahin bhar sakate .

gngi ka vidrohi dil rivaji pabndiyon aur majabooriyon par choten karane laga- ham kyon nich hain aur ye log kyon oonch hain ? isalie ki ye log gale men taga dal lete hain ? yahan to jitane hai, ek- se-ek chhnte hain . chori ye karen, jal-phareb ye karen, jhoothe mukadame ye karen . abhi is thakur ne to us din bechare gadariye ki bhed chura li thi aur bad me marakar kha gaya . inhin pndit ke ghar men to barahon mas jua hota hai. yahi sahoo ji to ghi men tel milakar bechate hai . kam kara lete hain, majoori dete nani marati hai . kis-kis bat men hamase oonche hain, ham gali-gali chillate nahin ki ham oonche hai, ham oonche . kabhi ganv men a jati hoon, to ras-bhari ankh se dekhane lagate hain. jaise sabaki chhati par sanp lotane lagata hai, parntu ghamnd yah ki ham oonche hain!

kuen par kisi ke ane ki ahat huee . gngi ki chhati dhak-dhak karane lagi . kahin dekh len to gajab ho jay . ek lat bhi to niche n pade . usane ghada aur rassi utha li aur jhukakar chalati huee ek vriksh ke andhere saye me ja khadi huee . kab in logon ko daya ati hai kisi par ! bechare mahngoo ko itana mara ki mahino lahoo thookata raha. isilie to ki usane begar n di thi . is par ye log oonche banate hain ?

kuen par striyan pani bharane ayi thi . inamen bat ho rahi thi .

‘khana khane chale aur hukm hua ki taja pani bhar lao . ghade ke lie paise nahin hain.’

‘ham logon ko aram se baithe dekhakar jaise maradon ko jalan hoti hai .’

‘han, yah to n hua ki kalasiya uthakar bhar late. bas, hukum chala diya ki taja pani lao, jaise ham laundiyan hi to hain.’

‘laudinyan nahin to aur kya ho tum? roti-kapada nahin patin ? das-panch rupaye bhi chhin- jhapatakar le hi leti ho. aur laudiyan kaisi hoti hain!’

‘mat lajao, didi! chhin-bhar aram karane ko ji tarasakar rah jata hai. itana kam kisi doosare ke ghar kar deti, to isase kahin aram se rahati. oopar se vah ehasan manata ! yahan kam karate- karate mar jao; par kisi ka munh hi sidha nahin hota .’

donon pani bharakar chali gayin, to gngi vriksh ki chhaya se nikali aur kuen ki jagath ke pas ayi. bephikre chale gai the . thakur bhi daravaza bnd kar andar angan men sone ja rahe the. gngi ne kshanik sukh ki sans li. kisi tarah maidan to saf hua. amrit chura lane ke lie jo rajakumar kisi jamane men gaya tha, vah bhi shayad itani savadhani ke sath aur samajh-boojhakar n gaya ho . gngi dabe panv kuen ki jagath par chadhi, vijay ka aisa anubhav use pahale kabhi n hua tha.

usane rassi ka phnda ghade men dala . dayen-bayen chaukanni drishti se dekha jaise koee sipahi rat ko shatru ke kile men surakh kar raha ho . agar is samay vah pakad li gayi, to phir usake lie maphi ya riyayat ki ratti-bhar ummid nahin . ant me devataon ko yad karake usane kaleja mazaboot kiya aur ghada kuen men dal diya .

ghade ne pani men gota lagaya, bahut hi ahista . jara bhi avaz n huee . gngi ne do- char hath jaldi-jaldi mare .ghada kuen ke munh tak a pahuncha . koee bada shahajor pahalavan bhi itani teji se n khinch sakata tha.

gngi jhuki ki ghade ko pakadakar jagath par rakhe ki ekaek thakur sahab ka daravaza khul gaya . sher ka munh isase adhik bhayanak n hoga.

gngi ke hath se rassi chhoot gayi . rassi ke sath ghada dhadam se pani men gira aur kee kshan tak pani men hilakore ki avajen sunaee deti rahin .

thakur kaun hai, kaun hai ? pukarate hue kuen ki taraph a rahe the aur gngi jagath se koodakar bhagi ja rahi thi .

ghar pahunchakar dekha ki jokhoo lota munh se lagaye vahi maila-gnda pani pi raha hai.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah