धिक्कार (2) -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

dhyan denupanyas samrat munshi premachand ne 'dhikkar' namak shirshak se do kahaniyan likhin hai, doosari padhane ke klik karen dhikkar (1)
eeran aur yoonan men ghor sngram ho raha tha. eerani din-din badhate jate the aur yoonan ke lie snkat ka samana tha. desh ke sare vyavasay bnd ho gaye the, hal ki muthiya par hath rakhanevale kisan talavar ki muthiya pakadane ke lie majaboor ho gaye, dndi taulanevale bhale taulate the. sara desh atmaraksha ke lie taiyar ho gaya tha. phir bhi shatru ke qadam din-din age hi badhate jate the. jis eeran ko yoonan kee bar kuchal chuka tha, vahi eeran aj krodh ke aveg ki bhanti sir par chadha ata tha. mard to ranakshetr men sir kata rahe the aur striyan din-din ki nirashajanak khabaren sunakar sookhi jati thin. kyonkar laj ki raksha hogi ? pran ka bhay n tha, sampatti ka bhay n tha, bhay tha maryada ka. vijeta garv se matavale hokar yoonani lalanaon ko ghoorenge, unake komal angon ko sparsh karenge, unako kaid kar le jayenge ! us vipatti ki kalpana hi se in logon ke royen khade ho jate the.

akhir jab halat bahut najuk ho gayi to kitane hi stri-purush mil kar delphi mndir men gaye aur prashn kiya- devi, hamare oopar devataon ki yah vakr drishti kyon hai ? hamase aisa kaun-sa aparadh hua hai ? kya hamane niyamon ka palan nahin kiya, kurabaniyan nahin kin, vrat nahin rakhe ? phir devataon ne kya hamare siron se apani raksha ka hath utha liya ?

pujarin ne kaha- devataon ki asim kripa bhi desh ko drohi ke hath se nahin bacha sakati. is desh men avashy koee-n-koee drohi hai. jab tak usaka vadh n kiya jayaga, desh ke sir se yah snkat n talega.

‘devi, vah drohi kaun hai ?’

‘jis ghar se rat ko gane ki dhvani ati ho, jis ghar se din ko sugndh ki lapaten ati hon, jis purush ki ankhon men mad ki lali jhalakati ho, vahi desh ka drohi hai.’

logon ne drohi ka parichay pane ke lie aur bhi kitane hi prashn kiye; par devi ne koee uttar n diya.

2

yoonaniyon ne drohi ki talash karani shuroo ki. kinake ghar men se rat ko gane ki avajen ati hain sare shahar men sndhya hote syapa-sa chha jata tha. agar kahin avajen sunayi deti thin to rone ki; hnsi aur gane ki avaj kahin n sunayi deti thi.

din ko sugndh ki lapaten kis ghar se ati hain ? log jidhar jate the, udhar se durgndh ati thi. galiyon men koode ke dher-ke-dher pade rahate the, kise itani phurasat thi ki ghar ki saphaee karata, ghar men sugndh jalata; dhobiyon ka abhav tha, adhikansh ladane ke lie chale gaye the, kapade tak n dhulate the; itr -phulel kaun malata !

kisaki ankhon men mad ki lali jhalakati hai ? lal ankhen dikhaee deti thin; lekin yah mad ki lali n thi, yah ansuon ki lali thi. madira ki dookanon par khak ud rahi thi. is jivan aur mrityu ke sngram men vilas ki kise soojhata ! logon ne sara shahar chhan mara lekin ek bhi ankh aisi najar n ayi jo mad se lal ho.

kee din gujar gaye. shahar men pal-pal par ranakshetr se bhayanak khabaren ati thin aur logon ke pran sookhe jate the.

adhi rat ka samay tha. shahar men andhakar chhaya hua tha, mano shmashan ho. kisi ki soorat n dikhaee deti thi. jin natyashalaon men til rakhane ki jagah n milati thi, vahan siyar bol rahe the. jin bazaron men manachale javan astr -shastras sajaye ainthate phirate the, vahan ulloo bol rahe the. mndiron men n gana hota tha n bajana. prasadon men andhakar chhaya hua tha.

ek boodha yoonani jisaka ikalauta ladaka ladaee ke maidan men tha, ghar se nikala aur n-jane kin vicharon ki tarng men devi ke mndir ki or chala. raste men kahin prakash n tha, kadam-kadam par thokaren khata tha; par age badhata chala jata. usane nishchay kar liya tha ki ya to aj devi se vijay ka varadan loonga ya unake charanon par apane ko bhent kar doonga.

3

sahasa vah chaunk pada. devi ka mndir a gaya tha. aur usake pichhe ki or kisi ghar se madhur sngit ki dhvani a rahi thi. usako ashchary hua. is nirjan sthan men kaun is vakt rngareliyan mana raha hai. usake pairon men par-se lag gaye, mndir ke pichhavade ja pahuncha.

usi ghar se jisamen mndir ki pujarin rahati thi, gane ki avajen ati thin ! vriddh vismit hokar khidaki ke samane khada ho gaya. chirag tale andhera ! devi ke mndir ke pichhavade yah andher ?

boodhe ne dvar se jhanka; ek saje hue kamare men momabattiyan jhadon men jal rahi thin, saph-suthara pharsh bichha hua tha aur ek adami mej par baitha hua ga raha tha. mej par sharab ki botal aur pyaliyan rakhi huee thin. do gulam mej ke samane hath men bhojan ke thal lie khade the, jinamen se manohar sugndh ki lapaten a rahi thin.

boodhe yoonani ne chillakar kaha- yahi deshadrohi hai, yahi deshadrohi hai !

mndir ki divaron ne duharaya- drohi hai !

bagiche ki taraph se avaj ayi- drohi hai !

mndir ki pujarin ne ghar men se sir nikalakar kaha- han, drohi hai !

yah deshadrohi usi pujarin ka beta pasoniyas tha. desh men raksha ke jo upay soche jate, shatruon ka daman karane ke lie jo nishchay kiye jate, unaki soochana vah eeraniyon ko de diya karata tha. senaon ki pratyek gati ki khabar eeraniyon ko mil jati thi aur un prayatnon ko viphal banane ke lie ve pahale se taiyar ho jate the. yahi karan tha ki yoonaniyon ko jan lada dene par bhi vijay n hoti thi. isi kapat se kamaye huye dhan se vah bhog-vilas karata tha. us samay jabaki desh men ghor snkat pada hua tha, usane apane svadesh ko apani vasanaon ke lie bech diya tha. apane vilas ke siva use aur kisi bat ki chinta n thi, koee mare ya jiye, desh rahe ya jay, usaki bala se. keval apane kutil svarth ke lie desh ki garadan men gulami ki bediyan dalavane par taiyar tha. pujarin apane bete ke duracharan se anabhigy thi. vah apani andheri kothari se bahut kam nikalati, vahin baithi jap-tap kiya karati thi. paralok-chintan men use ihalok ki khabar n thi, manendriyon ne bahar ki chetana ko shoony-sa kar diya tha. vah is samay bhi kothari ke dvar bnd kiye, devi se apane desh ke kalyan ke lie vandana kar rahi thi ki sahasa usake kanon men avaj ayi- yahi drohi hai, yahi drohi hai !

usane turnt dvar kholakar bahar ki or jhanka, pasoniyas ke kamare se prakash ki rekhaen nikal rahi thin aur unhin rekhaon par sngit ki laharen nach rahi thin. usake pair-tale se zamin-si nikal gayi, kaleja dhakh-se ho gaya. eeshvar ! kya mera beta deshadrohi hai ?

ap-hi-ap, kisi antahprerana se parabhoot hokar vah chilla uthi- han, yahan deshadrohi hai !

4

yoonani stri-purush jhund-ke-jhund umad pade aur pasoniyas ke dvar par khade ho kar chillane lage- yahi deshadrohi hai !

pasoniyas ke kamare ki roshani thndi ho gayi, sngit bhi bnd tha; lekin dvar par pratikshan nagaravasiyon ka samooh badhata jata tha aur rah-rahakar sahasro knthon se dhvani nikalati thi- yahi deshadrohi hai !

logon ne mashalen jalayin aur apane lathi-dnde snbhalakar makan men ghus pade. koee kahata tha- sir utar lo. koee kahata tha- devi ke charanon par balidan kar do. kuchh log use kothe se niche gira dene par agrah kar rahe the.

pasoniyas samajh gaya ki ab musibat ki ghadi sir par a gayi. turnt jine se utarakar niche ki or bhaga. aur kahin sharan ki asha n dekhakar devi ke mndir men ja ghusa.

ab kya kiya jay ? devi ki sharan janevale ko abhay-dan mil jata tha. parampara se yahi pratha thi ? mndir men kisi ki hatya karana mahapap tha.

lekin deshadrohi ko itane saste kaun chhodata ? bhanti-bhanti ke prastav hone lage-

‘suar ka hath pakadakar bahar khinch lo.’

‘aise deshadrohi ka vadh karane ke lie devi hamen kshama kar dengi.’

‘devi, ap use kyon nahin nigal jatin ?’

‘pattharon se maro, pattharon se; ap nikalakar bhagega.’

‘nikalata kyon nahin re kayar ! vahan kya munh men kalikh lagakar baitha hua hai ?

rat bhar yahi shor machata raha aur pasoniyas n nikala. akhir yah nishchay hua ki mndir ki chhat khodakar phenk di jay aur pasoniyas dopahar ki tej dhoop aur rat ki kadake ki saradi se ap hi ap akad jay. bas phir kya tha. an ki an men logon ne mndir ki chhat aur kalas dha diye.

abhaga pasoniyas din-bhar tej dhoop men khada raha. use zor ki pyas lagi; lekin pani kahan ? bhookh lagi, par khana kahan ? sari zamin tave ki bhanti jalane lagi; lekin chhanh kahan ? itana kasht use jivan-bhar men n hua tha. machhali ki bhanti tadapata tha aur chilla-chillakar logon ko pukarata tha; magar vahan koee usaki pukar sunanevala n tha. bar-bar kasamen khata tha ki ab phir mujhase aisa aparadh n hoga; lekin koee usake nikat n ata tha. bar-bar chahata tha ki divar se takarakar pran de de; lekin yah asha rok deti thi ki shayad logon ko mujh par daya a jay. vah pagalon ki tarah jor-jor se kahane laga- mujhe mar dalo, mar dalo, ek kshan men pran le lo, is bhanti jala-jalakar n maro. o hatyaro, tumako jara bhi daya nahin.

din bita aur rat- bhaynkar rat- ayi. oopar taragan chamak rahe the mano usaki vipatti par hns rahe hon. jyon-jyon rat bhigati thi devi vikaral roop dharan karati jati thi. kabhi vah usaki or munh kholakar lapakati, kabhi use jalati huee ankhon se dekhati. udhar kshan-kshan saradi badhati jati thi, pasoniyas ke hath-panv akadane lage, kaleja kanpane laga. ghutanon men sir rakh kar baith gaya aur apani kismat ko rone laga; kurate ko khinchakar kabhi pairon ko chhipata, kabhi hathon ko, yahan tak ki is khinchatani men kurata bhi phat gaya. adhi rat jate-jate barf girane lagi. dopahar ko usane socha garami hi sabase kashtadayak hai. is thnd ke samane use garami ki takaliph bhool gayi.

akhir sharir men garami lane ke lie ek hikamat soojhi. vah mndir men idhar-udhar daudane laga. lekin vilasi jiv tha, jara der men hanphakar gir pada.

5

pratahkal logon ne kivad khole to pasoniyas ko bhoomi par pade dekha. maloom hota tha, usaka sharir akad gaya hai. bahut chikhane-chillane par usane ankhen kholin; par jagah se hil n saka. kitani dayaniy dasha thi, kintu kisi ko us par daya n ayi. yoonan men deshadroh sabase bada aparadh tha aur drohi ke lie kahin kshama n thi, kahin daya n thi.

ek- abhi mara nahin hai ?

doosara- drohiyon ko maut nahin ati !

tisara- pada rahane do, mar jayaga !

chautha- makr kiye hue hai ?

panchavan- apane kiye ki saza pa chuka, ab chhod dena chahie !

sahasa pasoniyas uth baitha aur uddand bhav se bola- kaun kahata hai ki ise chhod dena chahie ! nahin, mujhe mat chhodana, varana pachhataoge ! main svarthi hoon; vishay-bhogi hoon, mujh par bhoolakar bhi vishvas n karana. ah ! mere karan tum logon ko kya-kya jhelana pada, ise sochakar mera ji chahata hai ki apani indriyon ko jalakar bhasm kar doon. main agar sau janm lekar is pap ka prayashchitt karoon, to bhi mera uddhar n hoga. tum bhool kar bhi mera vishvas n karo. mujhe svayn apane oopar vishvas nahin. vilas ke premi saty ka palan nahin karate. main ab bhi apaki kuchh seva kar sakata hoon, mujhe aise-aise gupt rahasy maloom hain, jinhen janakar ap eeraniyon ka snhar kar sakate hain; lekin mujhe apane oopar vishvas nahin hai aur apase bhi yah kahata hoon ki mujh par vishvas n kijie. aj rat ko devi ki mainne sachche dil se vndana ki hai aur unhonne mujhe aise yntr bataye hain, jinase ham shatruon ko parast kar sakate hain, eeraniyon ke badhate hue dal ko aj bhi an ki an men uda sakate hain. lekin mujhe apane oopar vishvas nahin hai. main yahan se bahar nikalakar in baton ko bhool jaoonga. bahut snshay hai ki phir eeraniyon ki gupt sahayata karane lagoon, isalie mujh par vishvas n kijie.

ek yoonani- dekho-dekho, kya kahata hai ?

doosara- sachcha adami maloom hota hai.

tisara- apane aparadhon ko ap svikar kar raha hai.

chautha- ise kshama kar dena chahie aur yah sab baten poochh leni chahie.

panchavan- dekho, yah nahin kahata ki mujhe chhod do. hamako bar-bar yad dilata jata hai ki mujh par vishvas n karo !

chhatha- rat-bhar ke kasht ne hosh thnde kar diye, ab ankhen khuli hain.

pasoniyas- kya tum log mujhe chhodane ki batachit kar rahe ho ? main phir kahata hoon, ki main vishvas ke yogy nahin hoon. main drohi hoon. mujhe eeraniyon ke bahut-se bhed maloom hain, ek bar unaki sena men pahunch jaoon to unaka mitr banakar sarvanash kar doon; par mujhe apane oopar vishvas nahin hai.

ek yoonani- dhokhebaj itani sachchi bat nahin kah sakata !

doosara- pahale svarthandh ho gaya tha; par ab ankhen khuli hain !

tisara- deshadrohi se bhi apane matalab ki baten maloom kar lene men koee hani nahin hai. agar vah apane vachan poore kare to hamen ise chhod dena chahie.

chautha- devi ki prerana se isaki kayapalat huee hai.

panchavan- papiyon men bhi atma ka prakash rahata hai aur kasht pakar jagrat ho jata hai. yah samajhana ki jisane ek bar pap kiya, vah phir kabhi puny kar hi nahin sakata, manav-charitr ke ek pradhan tatv ka apavad karana hai.

chhatha- ham isako yahan se gate-bajate le chalenge. jan-samooh ko chakama dena kitana asan hai. janasattavad ka sabase nirbal ang yahi hai. janata to nek aur bad ki tamij nahin rakhati. us par dhoorton, rnge-siyaron ka jadoo asani se chal jata hai. abhi ek din pahale jis pasoniyas ki garadan par talavar chalayi ja rahi thi, usi ko juloos ke sath mndir se nikalane ki taiyariyan hone lagin, kyonki vah dhoort tha ki janata ki kil kyonkar ghumayi ja sakati hai.

ek stri- gane-bajanevalon ko bulao, pasoniyas sharif hai.

doosari- han-han, pahale chalakar usase kshama mango, hamane usake sath zaroorat se zyada sakhti ki.

pasoniyas- ap logon ne poochha hota to main kal hi sari baten apako bata deta, tab apako maloom hota ki mujhe mar dalana uchit hai ya jita rakhana.

kee stri-purush- hay-hay, hamase badi bhool huee. hamare sachche pasoniyas !

sahasa ek vriddha stri kisi taraph se daudi huee ayi aur mndir ke sabase oonche jine par khadi hokar boli- tum logon ko kya ho gaya hai ? yoonan ke bete aj itane gyanashoony ho gaye hain ki jhoothe aur sachche men vivek nahin kar sakate ? tum pasoniyas par vishvas karate ho ? jis pasoniyas ne saikadon striyon aur balakon ko anath kar diya, saikadon gharon men koee diya jalane vala n chhoda, hamare devataon ka, hamare purushon ka, ghor apaman kiya, usaki do-char chikani-chupadi baton par tum itane phool uthe. yad rakho, abaki pasoniyas bahar nikala to phir tumhari kushal nahin. yoonan par eeran ka rajy hoga aur yoonani lalanaen eeraniyon ki kudrishti ka shikar banengi. devi ki agya hai ki pasoniyas phir bahar n nikalane paye. agar tumhen apana desh pyara hai, apane purushon ka nam pyara hai, apani mataon aur bahunon ki abaroo pyari hai to mndir ke dvar ko chun do. jisase deshadrohi ko phir bahar nikalane aur tum logon ko bahakane ka mauqa n mile. yah dekho, pahala patthar main apane hathon se rakhati hoon.

logon ne vismit hokar dekha- yah mndir ki pujarin aur pasoniyas ki mata thi.

dam ke dam men pattharon ke dher lag gaye aur mndir ka dvar chun diya gaya. pasoniyas bhitar dant pisata rah gaya.

vir mata, tumhen dhany hai ! aisi hi mataon se desh ka mukh ujjval hota hai, jo desh-hit ke samane matri-sneh ki dhool-barabar paravah nahin karatin ! unake putr desh ke lie hote hain, desh putr ke lie nahin hota.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah