मुफ्त का यश -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

un dinon snyog se hakim-jila ek rasik sajjan the. itihas aur purane sikkon ki khoj men unhonne achchhi khyati prapt kar li thi. eeshvar jane daftar ke sookhe kamon se unhen aitihasik chhan-bin ke lie kaise samay mil jata tha. vahan to jab kisi aphasar se poochhie, to vah yahi kahata hai 'mare kam ke mara jata hoon, sir uthane ki phurasat nahin milati.' shayad shikar aur sair bhi unake kam men shamil hai ? un sajjan ki kirtiyan mainne dekhi thin aur man men unaka adar karata tha; lekin unaki aphasari kisi prakar ki ghanishthata men badhak thi. mujhe snkoch tha ki agar meri or se pahal huee to log yahi kahenge ki isamen mera koee svarth hai aur main kisi dasha men bhi yah ilajam apane sir nahin lena chahata. main to hukkam ki davaton aur sarvajanik utsavon men nevata dene ka bhi virodhi hoon aur jab kabhi sunata hoon ki kisi aphasar ko kisi am jalase ka sabhapati banaya gaya ya koee skool, aushadhalay ya vidhavashram kisi gavarnar ke nam se khola gaya, to apane desh-bandhuon ki das-manovritti par ghnton afasos karata hoon; magar jab ek din hakim-jila ne khud mere nam ek rukka bheja ki main apase milana chahata hoon; kya ap mere bngale par ane ka kasht svikar karenge, to main bade duvidha men pad gaya. kya javab doon ? apane do-ek mitron se salah li. unhonne kaha, 'saph likh dijie, mujhe phurasat nahin. vah hakim-jila honge, to apane ghar ke honge, koee sarakari va jabte ka kam hota, to apaka jana anivary tha; lekin niji mulakat ke lie jana apaki shan ke khilaph hai. akhir vah khud apake makan par kyon nahin aye ? isase kya unaki shan men batta laga jata tha ? isilie to khud nahin aye ki vah hakim-jila hain. in ahamak hindustaniyon ko kab yah samajh ayegi ki daftar ke bahar ve bhi vaise hi sadharan manushy hain, jaise ham ya ap. shayad ye log apani gharavaliyon se bhi aphasari jatate honge. apana pad unhen kabhi nahin bhoolata.' ek mitr ne, jo latiphon ke chalate-phirate tijori hain, hindustani aphasaron ke vishay men kee badi manornjak ghatanaen sunayin. ek aphasar sahab sasural gaye. shayad stri ko vida karana tha. jaisa am rivaj hai, sasur ji ne pahale hi vade par ladaki ko vida karana uchit n samajha. kahane lage beta, itane dinon ke bad ayi hai abhi kaise vida kar doon ? bhala, chh: mahine to rahane do. udhar dharmapatniji ne bhi nain se sandesh kahala bheja abhi main nahin jana chahati. akhir mata-pita se bhi to mera koee nata hai . kuchh tumhare hath bik thode hi gayi hoon ? damad sahab aphasar the, jame se bahar ho gaye. turant ghode par baithe aur sadar ki rah li. doosare hi din sasuraji par samman jari kar diya. bechara boodha adami turant ladaki ko sath lekar damad ki seva men ja pahuncha. tab jake unaki jan bachi. ye log aise mithyabhimani hote hain aur phir tumhen hakim-jila se lena hi kya hai ? agar tum koee vidrohatmak galp va lekh likhoge, to phauran giraphtar kar liye jaoge. hakim-jila jara bhi murauvat n karenge. kah denge yah gavarnament ka hukm hai, main kya karoon ? apane ladake ke lie qanoonagoee ya nayab tahasiladari ki lalasa tumhen hai nahin. vyarth kyon daude jao. lekin, mujhe mitron ki yah salah pasand n ayi. ek bhala adami jab nimantran deta hai, to keval isalie asvikar kar dena ki hakim-jila ne bheja hai, mutamardi hai. beshak hakim sahab mere ghar a jate, to unaki shan kam n hoti. udar hriday vala adami betakalluph chala ata; lekin bhaee, zile ki aphasari badi chiz hai. aur ek upanyasakar ki hasti hi kya hai. ingalaind ya amerika men galp lekhakon aur upanyasakaron ki mej par nimntriat hone men pradhanamantri bhi apana gaurav samajhega, hakim-jila ki to ginati hi kya hai ? lekin yah bharatavarsh hai, jahan har ek rees ke darabar men kavi-samraton ka jattha rees ke kirtiman ke lie jama rahata tha aur aj bhi tajaposhi men hamare lekhak-vrind bina bulaye rajaon ki khidamat men hajir hote hain, kaside pesh karate hain aur inam ke lie hath pasarate hain. tum aise kahan ke bade vah ho ki hakim-jila tumhare ghar chala aye. jab tumamen itani akad aur tunukamizaji hai, to vah to zile ka badashah hai. agar use kuchh abhiman bhi ho to uchit hai. ise usaki kamazori kaho, behoodagi kaho, moorkhata kaho, ujaddata kaho, phir bhi uchit hai. devata hona garv ki bat hai; lekin manushy hona bhi aparadh nahin. aur main to kahata hoon eeshvar ko dhanyavad do ki hakim-jila tumhare ghar nahin aye; varana tumhari kitani bhad hoti. unake adar-satkar ka saman tumhare pas kahan tha ? gat ki ek kursi bhi nahin hai. unhen kya tin tangonvale sinhasan par baithate ya matamaile jajim par ? tin paise ki chaubis bidiyan pikar dil khush kar lete ho. hai samarthy rupaye ke do sigar kharidane ki ? tum to itana bhi nahin janate ki vah sigar milata kahan hai; usaka nam kya hai. apana bhagy saraho ki aphasar sahab tumhare ghar nahin aye aur tumhen bula liya. char-panch rupaye bigad bhi jate aur lajjti bhi hona padata. aur kahin tumhare param durbhagy aur papon ke dandasvaroop unaki dharmapatni bhi unake sath hotin, tab to tumhen dharati men sama jane ke siva aur koee thikana n tha. tum ya tumhari dharmapatni us mahila ka satkar kar sakati thi ? tumhari to ghigghi bndh jati sahab, badahavas ho jate ! vah tumhare divanakhane tak hi n rahati jise tumane garibamoo dhng se saza rakha hai. vahan tumhari garibi avashy hai, par phoohadapan nahin. andar to pag-pag par phoohadapan ke drishy najar ate. tum apane men phate-purane pahanakar aur apani vipannata men magan rahakar zindagi basar kar sakate ho; lekin koee bhi atmabhimani adami yah pasand nahin kar sakata ki usaki duravastha doosaron ke lie vinod ki vastu bane. in ledi sahiba ke samane to tumhari jaban bnd ho jati. chunanche mainne hakim-jila ka nimantran svikar kar liya aur yadyapi unake svabhav men kuchh anavashyak aphasari ki shan thi; lekin unake sneh aur udarata ne use yathasadhy prakat n hone diya. kam-se-kam unhonne mujhe shikayat ka koee mauqa n diya. aphasarana prakriti ko tabdil karana unaki shakti ke bahar tha. mujhe is prasng ko koee mahattv dene ki koee bat bhi n thi, mahattv n diya. unhonne mujhe bulaya, main chala gaya. kuchh gap-shap kiya aur laut aya. kisi se isaka zikr karane ki zaroorat hi kya ? mano bhaji kharidane bazar gaya tha. lekin tohiyon ne jane kaise toh laga liya. vishesh samudayon men yah charcha hone lagi ki hakim-jila se meri badi gahari maitri hai aur vah mera bada samman karate hain. atishayokti ne mera samman aur bhi badha diya. yahan tak mashahoor hua ki vah mujhase salah liye bagair koee phaisala ya riport nahin likhate. koee bhi samajhadar adami is khyati se labh utha sakata tha. svarth men adami bavala ho jata hai. tinake ka sahara dhoondhata phirata hai. aison ko vishvas dilana kuchh mushkil n tha ki mere dvara unaka kam nikal sakata hai, lekin main aisi baton se ghrina karata hoon. saikadon vyakti apani kathaen lekar mere pas aye. kisi ke sath pulis ne beja jyadati ki thi. koee inkam taiks valon ki sakhtiyon se du:khi tha, kisi ki yah shikayat thi ki daftar men usaki hakatalaphi ho rahi hai aur usake pichhe ke adamiyon ko danadan tarakkiyan mil rahi hain. usaka nambar ata hai, to koee paravah nahin karata. is tarah ka koee-n-koee prasng nity hi mere pas ane laga, lekin mere pas un sabake lie ek hi javab tha mujhase koee matalab nahin. ek din main apane kamare men baitha tha, ki mere bachapan ke ek sahapathi mitr a tapake. ham donon ek hi makatab men padhane jaya karate the. koee 45 sal ki purani bat hai. meri umr 19 sal se adhik n thi. vah bhi lagabhag isi umr ke rahe honge; lekin mujhase kahin balavan aur hrasht-pusht. main jahin tha, vah nire kaudan. maulavi sahab unase har gaye the aur unhen sabak padhane ka bhar mujh par dal diya tha. apane se dugune vyakti ko padhana main apane lie gaurav ki bat samajhata tha aur khoob man lagakar padhata. phal yah hua ki maulavi sahab ki chhadi jahan asaphal rahi, vahan mera prem saphal ho gaya. baladev chal nikala, 'khalikabari' tak ja pahuncha, magar is bich men maulavi sahab ka svargavas ho gaya aur vah shakha toot gayi. unake chhatr bhi idhar-udhar ho gaye. tab se baladev ko keval mainne do-tin bar raste men dekha, (main ab bhi vahi sinkiya pahalavan hoon aur vah ab bhi vahi bhimakay) ram-ram huee, kshem-kushal poochha, aur apani-apani rah chale ye. mainne unase hath milate hue kaha, ‘ao bhaee baladev, maje men to ho ? kaise yad kiya, kya karate ho ajakal ? baladev ne vyathit knth se kaha, ‘zindagi ke din poore kar rahe hain, bhaee, aur kya. tumase milane ki bahut dinon se ichchha thi. yad karo vah makatabavali bat, jab tum mujhe padhaya karate the. tumhari badaulat char akshar padh gaya aur apani jamindari ka kam snbhal leta hoon, nahin to moorkh hi bana rahata. tum mere guru ho bhaee, sach kahata hoon; mujh-jaise gadho ko padhana tumhara hi kam tha. n-jane kya bat thi ki maulavi sahab se sabak padhakar apani jagah par aya nahin ki bilakul saph. tum jo padhate the, vah bina yad kiye hi yad ho jata tha. tum tab bhi bade jahin the.‘ yah kahakar unhonne mujhe sagarv netron se dekha. main bachapan ke sathiyon ko dekhakar phool uthata hoon. sajal netr hokar bola, ‘main to jab tumhen dekhata hoon, to yahi ji men ata hai ki daudakar tumhare gale lipat jaoon. 45 varsh ka yug mano bilakul gayab ho jata hai. vah makatab ankhon ke samane phirane lagata hai aur bachapan sari manoharataon ke sath taja ho jata hai. baladev ne bhi dravit knth se uttar diya mainne to bhaee, tumhen sadaiv apana ishtadev samajha hai. jab tumhen dekhata hoon, to chhati gaj-bhar ki ho jati hai ki vah mera bachapan ka sngi ja raha hai, jo samay a padane par kabhi daga n dega. tumhari badaee sun-sunakar man-hi-man prasann ho jata hoon, lekin yah batao, kya tumhen khana nahin milata ? kuchh khate-pite kyon nahin ? sookhate kyon jate ho ? ghi n milata ho, to do-char kanastar bhijava doon. ab tum bhi boodhe hue, khoob datakar khaya karo. ab to deh men jo kuchh tej aur bal hai, vah keval bhojan ke adhin hai. main to ab bhi ser-bhar doodh aur pav-bhar ghi udaye jata hoon. idhar thoda makkhan bhi khane laga hoon. zindagi-bhar bal-bachchon ke lie mar mite. ab koee yah nahin poochhata ki tumhari tabiyat kaisi hai. agar aj kndha dal doon, to koee ek lote pani ko n poochhe. isalie khoob khata hoon aur sabase zyada kam karata hoon. ghar par apana rob bana hua hai. vahi jo tumhara jetha ladaka hai, us par pulis ne ek jhootha mukadama chala diya hai. javani ke mad men kisi ko kuchh samajhata nahin hai. hai bhi achchha-khasa pahalavan. darogaji se ek bar kuchh kaha,-suni ho gayi. tab se ghat men lage hue the. idhar ganv men ek daka pad gaya. darogaji ne tahakikat men use bhi phans liya. aj ek saptah se hirasat men hai. mukadama muhammad khalil, dipti ke ijalas men hai aur muhammad khalil aur darogaji se dant-kati roti hai. avashy saza ho jayagi. ab tumhin bachao, to usaki jan bach sakati hai. aur koee asha nahin hai. saza to jo hogi vah hogi hi; ijjat bhi khak men mil jayagi. tum jakar hakim-jila se itana kah do ki mukadama jhootha hai, ap khud chalakar tahakikat kar len ! bas, dekho bhaee, bachapan ke sathi ho, 'nahin' n karana. janata hoon, tum in muamalon men nahin padate aur tumhare-jaise adami ko padana bhi n chahie. tum praja ki ladaee ladane vale jiv ho, tumhen sarakar ke adamiyon se mel-jol badhana uchit nahin; nahin to janata ki najaron se gir jaoge. lekin yah ghar ka muamala hai. itana samajh lo ki muamala bilakul jhooth n hota, to main kabhi tumhare pas n ata. ladake ki man ro-rokar jan diye dalati hai, bahoo ne dana-pani chhod rakha hai. sat din se ghar men choolha nahin jala. main to thoda-sa doodh pi leta hoon, lekin donon sas-bahoo to nirahar padi huee hain, agar bachcha ko saza ho gayi, to donon mar jayngi. mainne yahi kahakar unhen dhadhas diya hai ki jab tak hamara chhota bhaee salamat hai, koee hamara bal banka nahin kar sakata. tumhari bhabhi ne tumhari ek pustak padhi hai. vah to tumhen devatuly samajhati hai aur jab koee bat hoti hai, tumhari najir dekar mujhe lajjit karati hai. main bhi saf kah deta hoon main us chhokare ki-si buddhi kahan se laoon ? tumhen usaki najaron se girane ke lie tumhen chhokara, mariyal sabhi kuchh kahata hoon, par tumhare samane mera rng nahin jamata.‘  main bade snkat men pad gaya. meri or se jitani apattiyan ho sakati thin, un sabaka javab baladevasinh ne pahale hi se de diya tha. inako phir duharana vyarth tha. isake siva koee javab n soojha ki main jakar sahab se kahoonga. han, itana mainne apani taraph se aur badha diya ki mujhe asha nahin ki mere kahane ka vishesh khayal kiya jay, kyonki sarakari muamalon men hukkam hamesha apane matahaton ka paksh liya karate hain. baladevasinh ne prasann hokar kaha, isaki chinta nahin, takadir men jo likha hai, vah to hoga hi. bas, tum jakar kah bhar do. 'achchhi bat hai.' 'to kal jaoge ?' 'han avashy, jaoonga ?' 'yah zaroor kahana ki ap chalakar tahakikat kar len.' 'han, yah zaroor kahoonga.' 'aur yah bhi kah dena ki baladevasinh mera bhaee hai.' 'jhooth bolane ke lie mujhe majaboor n karo.' 'tum mere bhaee nahin ho ? mainne to hamesha tumhen apana bhaee samajha hai.' 'achchha, yah bhi kah doonga.' baladevasinh ko vida karake mainne apana khel samapt kiya aur aram se bhojan karake leta. mainne usase gala chhudane ke lie jhootha vada kar diya. mera irada hakim-jila se kuchh kahane ka nahin tha. mainne peshabandi ke taur par pahale hi jata diya tha ki hukkam am taur par pulis ke muamalon men dakhal nahin dete; isalie saza ho bhi gayi, to mujhe yah kahane ki kafi gunjaish thi ki sahab ne meri bat svikar nahin ki. kee din gujar gaye the. main is vakiye ko bilakul bhool gaya tha. sahasa ek din baladevasinh apane pahalavan bete ke sath mere kamare men dakhil hue. bete ne mere charanon par sir rakh diya aur adab se ek kinare khada ho gaya. baladevasinh bole, ‘bilakul bari ho gaya bhaiya ! sahab ne daroga ko bulakar khoob danta ki tum bhale adamiyon ko satate aur badanam karate ho. agar phir aisa jhootha mukadama laye, to barkhast kar diye jaoge. darogaji bahut jhenpe. mainne unhen jhukakar salam kiya. bacha par ghadon pani pad gaya. yah tumhari sipharish ka chamatkar hai, bhaeejan ! agar tumane madad n ki hoti, to ham tabah ho gaye the. yah samajh lo ki tumane char praniyon ki jan bacha li. main tumhare pas bahut darate-darate aya tha. logon ne kaha, tha unake pas nahak jate ho, vah bada bemurauvat adami hai, usaki jat se kisi ka upakar nahin ho sakata. adami vah hai; jo doosaron ka hit kare. vah kya adami hai, jo kisi ki kuchh sune hi nahin ! lekin bhaeejan, mainne kisi ki bat n mani. mere dil men mera ram baitha kah raha tha tum chahe kitane hi rookhe aur belag ho, lekin mujh par avashy daya karoge. ‘ yah kahakar baladevasinh ne apane bete ko ishara kiya. vah bahar gaya aur ek bada-sa gatthar utha laya, jisamen bhanti-bhanti ki dehati saugaten bndhi huee thin. halanki  main barabar kahe jata tha tum ye chizen nahak laye, inaki kya zaroorat thi, kitane gnvar ho, akhir to thahare dehati, mainne kuchh nahin kaha,main to sahab ke pas gaya bhi nahin, lekin kaun sunata hai. khoya, dahi, matar ki phaliyan, amavat, taja gud aur jane kya-kya a gaya. mainne kahane ko to ek tarah se kah diya main sahab ke pas gaya hi nahin, jo kuchh hua, khud hua, mera koee ehasan nahin hai, lekin usaka matalabayah nikala gaya ki main keval namrata se aur saugaton ko lauta dene ka koee bahana dhoondhane ke lie aisa kah raha hoon. mujhe itani himmat n huee ki main is bat ka vishvas dilata. isaka jo arth nikala gaya, vahi main chahata tha. muft ka ehasan chhodane ka ji n chahata tha, ant men jab mainne zor dekar kaha, ki kisi se is bat ka zikr n karana, nahin to mere pas phariyadon ka mela lag jayaga, to mano mainne svikar kar liya ki mainne sipharish ki aur joron se ki.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah