विषम समस्या -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

mere daftar men char chaparasi the, unamen ek ka nam garib tha. bahut hi sidha, bada agyakari, apane kam men chaukas rahanevala, ghudakiyan khakar chup rah janevala. yatha nam tatha gun, garib manushy tha. mujhe is daftar men aye sal bhar ho gaya tha, magar mainne use ek din ke lie bhi gairahajir nahin paya tha. main use nau baje daftar men apani dari par baithe hue dekhane ka aisa adi ho gaya tha, mano vah bhi is imarat ka koee ang hai. itana saral hai ki kisi ki bat talana janata hi n tha. ek chaparasi musalaman tha. usase sara daftar darata hai, maloom nahin kyon ? mujhe to isaka karan sivay usaki badi-badi baton ke aur kuchh nahin maloom hota. usake kathananusar usake chachere bhaee ramapur riyasat men kotaval the. use sarvasammati ne ‘kaji-saheb’ ki upadhi de rakhi thi, shesh do mahashay jati ke brahman the. unake ashirvad ka mooly unake kam se kahin adhik tha. ye tinon kamachor, gustakh aur alasi the. koee chhota-sa bhi kam karane ko kahie to bina nak-bhaun sikode n karate the. klarkon ko to kuchh samajhate hi n the ! keval bade baboo se kuchh darate; yadyapi kabhi-kabhi unase bhi beadabi kar baithate the. magar in sab durgunon ke hote hue bhi daftar men kisi ki mitti itani kharab nahin thi, jitani bechare garib ki. taraqqi ka avasar ata to ye tinon nambar mar le jate, garib ko koee poochhata bhi n tha. aur sab das-das rupaye pate the, par bechara garib sat par hi pada hua tha. subah se sham tak usake pair ek kshan ke lie bhi nahin tikate the. yahan tak ki tinon chaparasi bhi us par krodh jatate aur oopar ki amadani men use koee bhag n dete the. tis par bhi daftar ke sab, karmachari se lekar bade baboo tak usase chidhate the. usako kitani hi bar jurmana ho chuka tha aur dant-phatakar to nity ka vyavahar tha. isaka rahasy meri samajh men kuchh nahin ata tha. mujhe us par daya ati thi aur apane baratav se main yah dikhana chahata tha ki usaka adar meri drishti men any tinon chaparasiyon se kam nahin hai. yahan tak ki kee bar main usake pichhe karmachariyon se lad bhi chuka tha.

ek din bade baboo ne garib se apani mej saf karane ko kaha, vah turnt mej saf karane laga. daivayog se jhadan ka jhataka laga to davat ulat gayi aur roshanaee mej par phail gayi. bade baboo yah dekhate hi jame se bahar ho gaye. usake donon kan pakadakar khoob ainthe aur bharatavarsh ki sabhi prachalit bhashaon se durvachan chun-chunakar use sunane lage. bechara garib ankhon men ansoo bhare chupachap moortivath sunata tha, mano usane koee hatya kar dali ho. mujhe bade baboo ka jara-si bat par itana bhaynkar raudraroop dharan karana bura maloom hua. yadi kisi doosare chaparasi ne usase bhi bada aparadh kiya hota to bhi us par itana kathor vajraprahar n hota. mainne angareji men kaha- baboo sahab, yah anyay kar rahe hain, usane jan-boojh kar to roshanaee girayi nahin. isaka itana kada dnd dena anauchity ki parakashtha hai.

baboo ji ne namrata se kaha- ap ise janate nahin, yah bada dusht hai.

‘main to isaki koee dushtata nahin dekhata.’

‘ap abhi ise jane nahin. yah bada paji hai. isake ghar men do halon ki kheti hoti hai, hajaron ka len-den karata hai, kee bhainsen lagati hain, in baton ka ise ghamnd hai.’

‘ghar ki dasha aisi hi hoti to apake yahan chaparasigiri kyon karata ?’

bade baboo ne gambhir bhav se kaha- vishvas manie, bada podha adami hai, aur bala ka makkhichoos hai.

‘yadi aisa hi ho to bhi koee aparadh nahin hai.’

‘abhi ap yahan kuchh din aur rahie to apako maloom ho jayaga ki yah kitana kamina adami hai.’

ek doosare mahashay bol uthe- bhaee sahab, isake ghar manon doodh hota hai, manon juar, chana, matar hoti hai, lekin isaki kabhi itani himmat nahin hoti ki thoda-sa daftaravalon ko bhi de de. yahan in chijon ke lie taras-taras kar rah jate hain. to phir kyon n ji jale aur yah sab kuchh isi naukari ke badaulat hua hai nahin to pahale isake ghar men bhooni bhang tak n thi.

bade baboo sakucha kar bole- yah koee bat nahin. usaki chiz hai chahe kisi ko de ya n de.

main isaka marm kuchh-kuchh samajh gaya. bola- yadi aise tuchchh hriday ka adami hai to vastav men pashu hi hai. main yah n janata tha.

ab bade baboo bhi khule, snkoch door hua. bole- in baton se ubar to hota nahin, keval denevale ki sahridayata prakat hoti hai aur asha bhi usi se ki jati hai jo is yogy hai. jisamen kuchh samarthy hi nahin usase koee asha bhi nahin karata. nnge se koee kya lega ?

rahasy khul gaya. bade baboo ne saral bhav se sari avastha darsha di. samriddhi ke shatru sab hote hain, chhote hi nahin, bade bhi. hamari sasural ya nanihal daridr ho to ham usase koee asha nahin rakhate. kadachith ham use bhool jate hain, kintu ve samarthyavan ho kar hamen n poochhen, hamare yahan tij aur chauth n bhejen to hamare kaleje par sanp lotane lagata hai.

ham apane kisi nirdhan mitr ke pas jayen to usake ek bide pan hi par sntusht ho jate hain, par aisa kaun manushy hai jo kisi dhani mitr ke ghar se bina jalapan kiye hue laute aur sada ke lie usaka tiraskar n karane lage. sudama krishn ke ghar se yadi nirash lautate to kadachith ve unake shishupal aur jarasndh se bhi bade shatru hote.

kee din pichhe mainne garib se poochha- kyon ji, tumhare ghar kuchh kheti-bari hoti hai ?

garib ne dinabhav se kaha- han sarakar, hoti hai, apake do gulam hain. vahi karate hain.

mainne poochha gayen-bhainsen lagati hain ?

‘han huzoor, do bhainsen lagati hain ? gay abhi gabhin hai. ap logon ki daya se pet ki rotiyan chal jati hain.’

‘daftar ke baboo logon ki bhi kabhi kuchh khatir karate ho ?’

garib ne dinatapoorn ashchary se kaha- huzoor, main sarakar logon ki kya khatir kar sakata hoon. kheti men jau, chana, makka, juvar, ghasapat ke sivay aur kya hota hai ! ap log raja hain, yah moti-jhoti chizen kis munh se apako bhent karoon. ji darata hai ki kahin koee dant n baithe, ki take ke adami ki itani majal ! isi mare baboo ji kabhi hiyav nahin padata. nahin to doodh- dahi ki kaun bisat thi. munh ke layaq bida to hona chahie.

‘bhala ek din kuchh lake do to; dekho log kya kahate hain. shahar men ye chizen kahan muyassar hoti hain. in logon ka ji bhi to kabhi-kabhi moti-jhoti chijon par chala karata hai.’

‘jo sarakar koee kuchh kahe to ? kahin sahab se shikayat kar den to main kahin ka n rahoon.’

‘isaka mera jimma hai, tumhen koee kuchh n kahega; koee kuchh kahega bhi, to main samajha doonga.’

‘huzoor, ajakal to matar ki phasil hai aur kolhoo bhi khade ho gaye hain. isake sivay to aur kuchh bhi nahin hai.’

‘bas to yahi chizen lao.’

‘kuchh ulti-sidhi padi to ap hi ko snbhalana padega.’

doosare din garib aya to usake sath tin hrisht-pusht yuvak bhi the. do ke siron par do tokariyan thin. unamen matar ki phaliyan bhari huee thin. ek ke sir par mataka tha jisamen ookh ka ras tha. tinon yuvak ookh ka ek-ek gattha kankh men dabaye hue the. garib a kar chupake se baramade ke samane ped ke niche khada ho gaya. daftar men use ane ka sahas nahin hota tha mano koee aparadhi hai. vriksh ke niche khada hi tha ki itane men daftar ke chaparasiyon aur any karmachariyon ne use gher liya. koee ookh le kar choosane laga. kee adami tokaron par toot pade. itane men bade baboo bhi daftar men a pahunche. yah kautuk dekh kar uchch svar se bole yah kya bhid laga rakhi hai ! chalo apana-apana kam dekho.

mainne ja kar unake kan men kaha- garib apane ghar se yah saugat laya hai, kuchh ap lijie, kuchh ham logon ko bant dijie.

bade baboo ne kritrim krodh dharan karake kaha- kyon garib, tum yah chizen yahan kyon laye ? abhi lauta le jao, nahin to main abhi sahab se kah doonga. kya ham logon ko marabhukh samajh liya ?

garib ka rng ud gaya. thar-thar kanpane laga. munh se ek shabd bhi nahin nikala. meri or aparadhi netron se takane laga.

mainne apane or se kshama-prarthana ki. bahut kahane-sunane par baboo sahab raji hue. ab chijon men se adhi apane ghar bhijavayin, adhi men any logon ke hisse lagaye. is prakar yah abhinay samapt hua.

ab daftar men garib ka man hone laga. use nity ghudakiyan n milatin. din bhar daudana n padata. karmachariyon ke vyngy aur apane sahavargiyon ke katu vaky n sunane padate. chaparasi log svayn usaka kam kar dete. usake nam men thoda-sa parivartan hua. vah garib se garibadas bana. svabhav men bhi kuchh tabadili paida huee. dinata ki jagah atm-gaurav ka udbhav hua. tatparata ki jagah alasy ne li. vah ab kabhi-kabhi der se daftar ata. kabhi-kabhi bimari ka bahana karake ghar baith rahata. usake sabhi aparadh ab kshamy the. use apani pratishtha ka gur hath lag gaya. vah ab dasaven-panchaven din doodh, dahi adi la kar bade baboo ko bhent kiya karata. vah devata ko sntusht karana sikh gaya. saralata ke badale ab usamen kaniyanpan a gaya. ek roj bade baboo ne use sarakari pharmon ka parsal chhudane ke lie steshan bheja. kee bade-bade pulinde the, thele par aye. garib ne thelevalon se barah ana mazadoori tay ki thi. jab kagaz daftar men pahunch gaye to usane baboo se barah ane paise thelevale ko dene ke lie vasool kiye. lekin daftar se kuchh door ja kar usaki niyat badali, apani dastoori mangane laga, thelavala raji n hua. is par garib ne bigad kar sab paise jeb men rakh liye aur dhamaka kar bola- ab ek phooti kaudi n doonga, jao jahan chaho phariyad karo. dekhen hamara kya bana lete ho.

thelevale ne jab dekha ki bhent n dene se jama hi gayab huee jati hai to ro-dhokar char ane paise dene ko raji hua. garib ne athanni usake havale ki aur barah ane ki rasid likhava kar usake angoothe ka nishan lagavaye aur rasid daftar men dakhil ho gayi.

vah kautoohal dekhakar main dng rah gaya. yah vahi garib hai jo kee mahine pahale satyata aur dinata ki moorti tha. jise kabhi any chaparasiyon se bhi apane hisse ki rakam mangane ka sahas n hota ! doosaron ko khilana bhi n janata tha, khane ki zikr hi kya. mujhe yah svabhavantar dekh kar atyant khed hua. isaka uttaradayitv kisake sir tha mere sir. mainne use dhoortata ka pahala path padhaya tha. mere chitt men prashn utha, is kaniyanpan se, jo doosaron ka gala dabata hai, vah bholapan kya bura tha, jo doosaron ka anyay sah leta tha. vah ashubh muhoort tha jab use mainne pratishtha-prapti ka marg dikhaya, kyonki vastav men vah usake patan ka bhaynkar marg tha. mainne bahy pratishtha par usaki atm-pratishtha ka balidan kar diya.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah