पत्‍नी से पति -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

mistar seth ko sabhi hindustani chijon se napharat thi aur unaki sundari patni godavari ko sabhi videshi chijon se chidh! magar dhairy aur vinay bharat ki deviyon ka abhooshan hai. godavari dil par hazar jabr karake pati ki layi huee videshi chizon ka vyavahar karati thi, halanki bhitar hi bhitar usaka hriday apani paravashata par rota tha. vah jis vakt apane chhajje par khadi ho kar sadak par nigah daudati aur kitani hi mahilaon ko khaddar ki sadiyan pahane garv se sir uthaye chalate dekhati, to usake bhitar ki vedana ek thndi ah ban kar nikal jati thi. use aisa maloom hota tha ki mujhase zyada badanasib aurat snsar men nahin hai. main apane svadeshavasiyon ki itani bhi seva nahin kar sakati. sham ko mistar seth ke agrah karane par vah kahin manornjan ya sair ke lie jati, to videshi kapade pahane hue nikalate sharm se usaki gardan jhuk jati thi. vah patron men mahilaon ke josh-bhare vyakhyan padhati to usaki ankhen jagamaga uthatin, thodi der ke lie vah bhool jati ki main yahan bandhanon men jakadi huee hoon.

holi ka din tha, ath baje rat ka samay. svadesh ke nam par bike hue anuragiyon ka juloos a kar mistar seth ke makan ke samane ruka aur usi chaude maidan men vilayati kapadon ki holiyan lagane ki taiyariyan hone lagin. godavari apane kamare men khidaki par khadi yah samaroh dekhati thi aur dil masos kar rah jati thi. ek vah hain, jo yon khush-khush, azadi ke nashe se matavale, garv se sir uthaye holi laga rahe hain, aur ek main hoon ki pinjade men band pakshi ki tarah phadaphada rahi hoon. in tiliyon ko kaise tod doon? usane kamare men nigah daudayi. sabhi chizen videshi thin. svadeshi ka ek soot bhi n tha. yahi chizen vahan jalayi ja rahi thin aur vahi chizen yahan usake hriday men snchit glani ki bhanti sandookon men rakhi huee thin. usake ji men ek lahar uth rahi thi ki in chijon ko uthakar usi holi men dal de, usaki sari glani aur durbalata jal kar bhasm ho jay! magar pati ki aprasannata ke bhay ne usaka hath pakad liya. sahasa mi. seth ne andar a kar kaha-jara in siraphiron ko dekho, kapade jala rahe hain. yah pagalapan, unmad aur vidroh nahin to aur kya hai. kisi ne sach kaha hai, hindustaniyon ko n akl ayi hai n ayegi. koee kal bhi to sidhi nahin.

godavari ne kaha-tum bhi hindustani ho?

seth ne garm hokar kaha-han, lekin mujhe isaka hamesha khed rahata hai ki aise abhage desh men kyon paida hua. main nahin chahata ki koee mujhe hindustani kahe ya samajhe. kam-se-kam mainne achar-vyavahar, vesh-bhoosha, riti-niti, karm-vachan men koee aisi bat nahin rakhi, jisase hamen koee hindustani hone ka kalnk lagaye. poochhiye, jab hamen ath ane gaj men badhiya kapada milata hai, to ham kyon mota tat khariden. is vishay men har ek ko poori svadhinata honi chahie. n jane kyon gavarnament ne in dushton ko yahan jama hone diya. agar mere hath men adhikar hota, to sabon ko jahannum rasid kar deta. tab ate-dal ka bhav maloom hota.

godavari ne apane shabdon men tikshn tiraskar bhar ke kaha-tumhen apane bhaiyon ka jara bhi khayal nahin ata? bharat ke siva aur bhi koee desh hai, jis par kisi doosari jati ka shasan ho? chhote-chhote rashtr bhi kisi doosari jati ke gulam ban kar nahin rahana chahate. kya ek hindustani ke lie yah lajja ki bat nahin hai ki vah apane thode-se phayade ke lie sarakar ka sath de kar apane hi bhaiyon ke sath anyay kare?

seth ne bhonhe chadha kar kaha-main inhen apana bhaee nahin samajhata.

godavari-akhir tumhen sarakar jo vetan deti hai, vah inhin ki jeb se to ata hai.

seth-mujhe isase koee matalab nahin ki mera vetan kisaki jeb se ata hai. mujhe jisake hath se milata hai, vah mera svami hai. n jane in dushton ko kya sanak savar huee hai. kahate hain, bharat adhyatmik desh hai. kya adhyatm ka yahi ashay hai ki paramatma ke vidhanon ka virodh kiya jaye? jab yah maloom hai ki paramatma ki ichchha ke viruddh ek patti bhi nahin hil sakati, to yah kaise mumakin hai ki yah itana bada desh paramatma ki marji ke bagair angarejon ke adhin ho? kyon in divanon ko itani akl nahin ati ki jab tak paramatma ki ichchha n hogi, koee angarejon ka bal bhi banka n kar sakega.

godavari-to phir kyon naukari karate ho? paramatma ki ichchha hogi, to ap hi ap bhojan mil jayega. bimar hote ho, to kyon daude vaidy ke ghar jate ho? paramatma unhin ki madad karata hai, jo apani madad ap karate hain!

seth-beshak karata hai; lekin apane ghar men ag laga dena, ghar ki chijon ko jala dena, aise kam hain, jinhen paramatma kabhi pasnd nahin kar sakata.

godavari-to yahan ke logon ko chupachap baithe rahana chahie.

seth-nahin rona chahie. is tarah rona chahie jaise bachche mata ke doodh ke lie rote hain.

sahasa holi jali, ag ki shikhaen asaman se baten karane lagin, mano svadhinata ki devi agni-vastr dharan kiye hue akash ke devataon se gale milane ja rahi ho.

dinanath ne khidaki band kar di, unake lie yah drishy bhi asahy tha.

godavari is tarah khadi rahi, jaise koee gay kasaee ke khoonte par khadi ho. usi vakt kisi ke gane ki avaz ayi-

vatan ki dekhie takadir kab badalati hai.

godavari ke vishad se bhare hue hriday men ek chot lagi. usane khidaki khol di aur niche ki taraph jhanka. holi ab bhi jal rahi thi aur ek andha ladaka apani khnjari baja kar ga raha tha-

vatan ki dekhie takadir kab badalati hai.

vah khidaki ke samane pahuncha to godavari ne pukara-o andhe! khada rah.

andha khada ho gaya. godavari ne sandook khola, par usamen use ek paisa mila. not aur rupaye the, magar andhe fakir ko not ya rupaye dene ka to saval hi n tha. paise agar do-char mil jate, to is vakt vah zaroor de deti. par vahan ek hi paisa tha, vah bhi itana ghisa hua ki kahar bazar se lauta laya tha. kisi dookanadar ne n liya tha. andhe ko vah paisa dete hue godavari ko sharm a rahi thi. vah jara der tak paise ko hath men liye snshay men khadi rahi. tab andhe ko bulaya aur paisa de diya.

andhe ne kaha-mata ji kuchh khane ko dijie. aj din bhar se kuchh nahin khaya.

godavari-din bhar mangata hai, tab bhi tujhe khane ko nahin milata?

andha-kya karoon mata, koee khane ko nahin deta.

godavari-is paise ka chabaina le kar kha le.

andha-kha loonga, mata ji, bhagavanh apako khush rakhe. ab yahin sota hoon.

doosare din pratahkal kangres ki taraph se ek am jalasa hua. mistar seth ne vilayati tooth paudar vilayati brush se danton par mala, vilayati sabun se nahaya, vilayati chay vilayati pyaliyon men pi, vilayati biskut vilayati makkhan ke sath khaya, vilayati doodh piya. phir vilayati soot dharan karake vilayati sigar munh men daba kar ghar se nikale, aur apani motar saikil par baith phlavar sho dekhane chale gaye.

godavari ko rat bhar nind nahin ayi thi. durasha aur parajay ki kathin yntrana kisi kode ki tarah usake hriday par pad rahi thi. aisa maloom hota tha ki usake knth men koee kadavi chiz atak gayi hai. mistar seth ko apane prabhav men lane ki usane vah sab yojanaen kin, jo ek ramani kar sakati hai; par us bhale adami par usake sare hav-bhav, mridu-muskan aur vani-vilas ka koee asar n hua. khud to svadeshi vastron ke vyavahar karane par kya raji hote, godavari ke lie ek khaddar ki sadi lane par bhi sahamat n hue. yahan tak ki godavari ne unase kabhi koee chiz mangane ki kasam kha li.

krodh aur glani ne usaki sadbhavana ko is tarah vikrit kar diya jaise koee maili vastu nirmal jal ko dooshit kar deti hai. usane socha, jab yah meri itani-si bat nahin man sakate, tab phir main kyon inake isharon par chaloon, kyon inaki ichchhaon ki laundi bani rahoon? mainne inake hath kuchh apani atma nahin bechi hai. agar aj ye chori ya gaban karen, to kya main saza paoongi? usaki saza ye khud jhelenge. usaka aparadh inake oopar hoga. inhen apane karm aur vachan ka akhtiyar hai, mujhe apane karm aur vachan ka akhtiyar. yah apani sarakar ki gulami karen, angarejon ki chaukhat par nak ragaden, mujhe kya garaj hai ki usamen unaka sahayog karoon. jisamen atmabhiman nahin, jisane apane ko svarth ke hathon bech diya, usake prati agar mere man men bhakti n ho to mera dosh nahin. yah naukar hain ya gulam? naukari aur gulami men antar hai. naukar kuchh niyamon ke adhin apana nirdisht kam karata hai. vah niyam svami aur sevak donon hi par lagoo hote hain. svami agar apaman kare, apashabd kahe to naukar usako sahan karane ke lie majaboor nahin. gulam ke lie koee shart nahin, usaki daihik gulami pichhe hoti hai, manasik gulami pahale hi ho jati hai. sarakar ne inase kab kaha hai ki deshi chizen n kharido. sarakari tikaton tak par yah shabd likhe hote hain, ‘svadeshi chizen kharido.’ isase vidit hai ki sarakar deshi chijon ka nishedh nahin karati, phir bhi yah mahashay surkharoo banane ki fikr men sarakar se bhi do angul age badhana chahate hain!

mistar seth ne kuchh jhenpate hue kaha-kal phlavar sho dekhane chalogi?

godavari ne virakt man se kaha-nahin!

‘bahut achchha tamasha hai.’

‘main kangres ke jalase men ja rahi hoon.’

mistar seth ke oopar yadi chhat gir padi hoti ya unhonne bijali ka tar hath se pakad liya hota, to bhi vah itane badahavas n hote. ankhen phad kar bole-tum kangres ke jalase men jaogi?

‘han, zaroor jaoongi.’

‘main nahin chahata ki tum vahan jao.’

‘agar tum meri paravah nahin karate, to mera dharm nahin ki tumhari har ek agya ka palan karoon.’

mistar seth ne ankhon men vish bhar kar kaha-natija bura hoga.

godavari mano talavar ke samane chhati khol kar boli-isaki chinta nahin, tum kisi ke eeshvar nahin ho.

mistar seth khoob garm pade, dhamakiyan din, akhir munh pher kar let rahe. pratahkal phlavar sho jate samay bhi unhonne godavari se kuchh n kaha.

2

godavari jis samay kangres ke jalase men pahunchi, to kee hazar mardon aur auraton ka jamav tha. mntri ne chande ki apil ki thi aur kuchh log chanda de rahe the. godavari us jagah khadi ho gayi jahan aur striyan jama thin aur dekhane lagi ki log kya dete hain. adhikansh log do-do, char-char ana hi de rahe the. vahan aisa dhanavanh tha hi kaun? usane apani jeb tatoli, to ek rupaya nikala. usane samajha yah kafi hai. isi intajar men thi ki jholi samane ave to usamen dal doon? sahasa vahi andha ladaka jise ki usane paisa diya tha, n jane kidhar se a gaya aur jyon hi chande ki jholi usake samane pahunchi, usane usamen kuchh dal diya. sabaki ankhen usaki taraph uth gayin. sabako kutoohal ho raha tha ki andhe ne kya diya? kahin ek adh paisa mil gaya hoga. din bhar gala phadata hai, tab bhi to us bechare ko roti nahin milati. agar yahi gana pishvaz aur saj ke sath kisi mahaphil men hota to rupaye barasate; lekin sadak par gane vale andhe ki kaun paravah karata hai.

jholi men paisa dal kar andha vahan se chal diya aur kuchh door ja kar gane laga-

vatan ki dekhie takadir kab badalati hai.

sabhapati ne kaha-mitro, dekhie, yah vah paisa hai, jo ek garib andha ladaka is jholi men dal gaya hai. meri ankhon men is ek paise ki kimat kisi amir ke ek hazar rupaye se kam nahin. shayad yahi is garib ki sari bisat hogi. jab aise garibon ki sahanubhooti hamare sath hai, to mujhe saty ki vijay men koee sndeh nahin maloom hota. hamare yahan kyon itane fakir dikhayi dete hain. ya to isilie ki samaj men inhen koee kam nahin milata ya daridrata se paida huee bimariyon ke karan yah ab is yogy hi nahin rah gaye ki kuchh kam karen. ya bhikshavritti ne inamen koee samarthy hi nahin chhodi. svarajy ke siva in garibon ka ab uddhar kaun kar sakata hai. dekhie, vah ga raha hai-

vatan ki dekhie takadir kab badalati hai.

is pidit hriday men kitana utsarg! kya ab bhi koee sndeh kar sakata hai ki yah kisaki avaz hai? (paisa oopar utha kar) apamen kaun is ratn ko kharid sakata hai?

godavari ke man men jigyasa huee, kya yah vahi paisa to nahin hai, jo rat mainne use diya tha? kya usane sachamuch rat ko kuchh nahin khaya?

usane ja kar samip se paise ko dekha, jo mej par rakh diya gaya tha. usaka hriday dhakh se ho gaya. yah vahi ghisa hua paisa tha.

us andhe ki dasha, usake tyag ka smaran karake godavari anurakt ho uthi. kanpate hue svar men boli-mujhe ap yah paisa de dijie, main panch rupaye doongi.

sabhapati ne kaha-ek bahan is paise ke dam panch rupaye de rahi hain.

doosari avaz ayi-das rupaye.

tisari avaz ayi-bis rupaye.

godavari ne is antim vyakti ki or dekha. usake mukh par atmabhiman jhalak raha tha. mano kah raha ho ki yahan kaun hai, jo meri barabari kar sake! godavari ke man men sparddha ka bhav jag utha. chahe kuchh ho jaye, isake hath men yah paisa n jay. samajhata hai, isane bis rupaye kya kah diye, sare snsar ko mol le liya.

godavari ne kaha-chalis rupaye.

us purush ne turnt kaha-pachas rupaye.

hajaron ankhen godavari ki or uth gayin mano kah rahi hon, ab ap hi hamari laj rakhie.

godavari ne us adami ki or dekh kar dhamaki se mile hue svar men kaha-sau rupaye.

dhani adami ne bhi turnt kaha-ek sau bis rupaye.

logon ke chehare par havaiyan udane lagin. samajh gaye, isi ke hath vijay rahi. nirash ankhon se godavari ki or takane lage; magar jyon hi godavari ke munh se nikala dedh sau, ki charon taraph taliyan padane lagin. mano kisi dngal ke darshak apane pahalavan ki vijay par matavale ho gaye hon.

us adami ne phir kaha-paune do sau.

godavari boli-do sau.

phir charon taraph se taliyan padin. pratidvndvi ne ab maidan se hat jane hi men apani kushal samajhi.

godavari vijay ke garv par namrata ka parda dale hue khadi thi aur hajaron shubhakamanaen us par phoolon ki tarah baras rahi thin.

3

jab logon ko maloom hua ki yah devi mistar seth ki bivi hain, to unhen eershyamay annd ke sath us par daya bhi ayi.

mistar seth abhi phlavar sho men hi the ki ek pulis ke aphasar ne unhen yah ghatak snvad sunaya. mistar seth sakate men pad gaye, mano sari deh shoony pad gayi ho. phir donon mutthiyan bandh lin. dant pise, onth chabaye aur usi vakt ghar chale. unaki motar-saikil kabhi itani tej n chali thi.

ghar men qadam rakhate hi unhonne chinagariyon-bhari ankhon se dekhate hue kaha-kya tum mere munh men kalikh putavana chahati ho?

godavari ne shant bhav se kaha-kuchh munh se bhi to kaho ya galiyan hi diye jaoge? tumhare munh men kalikh lagegi, to kya mere munh men n lagegi? tumhari jad khudegi, to mere lie doosara kaun-sa sahara hai.

mistar seth-sare shahar men toofan macha hua hai. tumane mere rupaye diye kyon?

godavari ne usi shant bhav se kaha-isalie ki main use apana hi rupaya samajhati hoon.

mistar seth dant kitakita kar bole-haragiz nahin, tumhen mera rupaya kharch karane ka koee hak nahin hai.

godavari-bilakul galat, tumhare rupaye kharch karane ka tumhen jitana akhtiyar hai, utana hi mujhako bhi hai. han, jab talak ka qanoon pas kara loge aur talak de doge, tab n rahega.

mistar seth ne apana hait itane zor se mej par phenka ki vah ludhakata hua zamin par gir pada aur bole-mujhe tumhari akl par afasos ata hai. janati ho tumhari is uddndata ka kya natija hoga? mujhase javab talab ho jayega. batalao, kya javab doonga? jab yah zahir hai ki kangres sarakar se dushmani kar rahi hai to kangres ki madad karana sarakar ke sath dushmani karana hai.

‘tumane to nahin ki kangres ki madad!’

‘tumane to ki!’

‘isaki saza mujhe milegi ya tumhen? agar main chori karoon, to kya tum jel jaoge?’

‘chori ki bat aur hai, yah bat aur hai.’

‘to kya kangres ki madad karana chori ya dake se bhi bura hai?’

‘han, sarakari naukar ke lie chori ya dake se bhi kahin bura hai.’

‘mainne yah nahin samajha tha.’

‘agar tumane yah nahin samajha tha, to tumhari hi buddhi ka bhram tha. roj akhabaron men dekhati ho, phir bhi mujhase poochhati ho. ek kangres ka adami pletapharm par bolane khada hota hai, to bisiyon sade kapade vale pulis afasar usaki riport lene baithate hain. kangres ke saraganaon ke pichhe kee-kee mukhabir laga diye jate hain, jinaka kam yahi hai ki un par kadi nigah rakhen. choron ke sath to itani sakhti kabhi nahin ki jati. isilie hajaron choriyan aur dake aur khoon roj hote rahate hain, kisi ka kuchh pata nahin chalata, n pulis isaki paravah karati hai. magar pulis ko jis mamale men rajaniti ki gndh bhi a jati hai phir dekho pulis ki mustaidi. inspektar janaral se lekar kanstebil tak ediyon tak ka zor lagate hain. sarakar ko choron se bhay nahin. chor sarakar par chot nahin karata. kangres sarakar ke akhtiyar par hamala karati hai, isalie sarakar bhi apani raksha ke lie apane akhtiyar se kam leti hai. yah to prakriti ka niyam hai.

mistar seth aj daftar chale, to unake qadam pichhe rah jate the! n jane aj vahan kya hal ho. roj ki tarah daftar men pahunch kar unhonne chaparasiyon ko danta nahin, klarkon par rob nahin jamaya, chupake se jakar kursi par baith gaye. aisa maloom hota tha, koee talavar sir par latak rahi hai. sahab ki motar ki avaz sunate hi unake pran sookh gaye. roj vah apane kamare men baithe rahate the. jab sahab a kar baith jate the, tab adh ghnte ke bad misalen le kar pahunchate the. aj vah baramade men khade the, sahab utare to jhuk kar unhonne salam kiya. magar sahab ne munh pher liya.

lekin vah himmat nahin hare, age badh kar parda hata diya, sahab kamare men gaye, to seth sahab ne pnkha khol diya, magar jan sookhi jati thi ki dekhen, kab sir par talavar girati hai. sahab jyon hi kursi par baithe, seth ne lapak kar, sigar-kes aur diyasalaee mej par rakh di.

ekaek aisa maloom hua, mano asaman phat gaya ho, sahab garaj rahe the, tum dagabaj adami hai!

seth ne is tarah sahab ki taraph dekha, jaise unaka matalab nahin samajhe.

sahab ne phir garaj kar kaha-tum dagabaj adami hai.

mistar seth ka khoon garm ho utha, bole-mera to khayal hai ki mujhase bada rajabhakt is desh men n hoga.

sahab-tum namakaharam adami hai.

mistar seth ke chehare par surkhi ayi-ap vyarth hi apani jaban kharab kar rahe hain.

sahab-tum shaitan adami hai.

mistar seth ki ankhon men surkhi ayi-ap meri beijjati kar rahe hain. aisi baten sunane ki mujhe adat nahin hai.

sahab-chup raho, yoo bladi. tumako sarakar panch sau rupaye isalie nahin deta ki tum apane vaiph ke hath se kangres ka chnda dilavao. tumako isalie sarakar rupaya nahin deta.

mistar seth ko ab apani saphaee dene ka avasar mila. bole-main apako vishvas dilata hoon ki meri vaiph ne sarasar meri marji ke khilaf rupaye diye hain. main to us vakt phlavar sho dekhane gaya tha, jahan mis phrank ka guladasta panch rupaye men liya. vahan se lauta, to mujhe yah khabar mili.

sahab-o! tum hamako bevakooph banata hai?

yah bat agni-shila ki bhanti jyon hi sahab ke mastishk men ghusi, unake mizaj ka para ubal ke darje tak pahunch gaya. kisi hindustani ki itani majal ki unhen bevakooph banaye! vah jo hindustan ke badashah hain, jinake pas bade-bade talukedar salam karane ate hain, jinake naukaron ko bade-bade rees najarana dete hain, unhin ko koee bevakooph banaye! usake lie vah asahy tha. rool utha kar dauda.

lekin mistar seth bhi mazaboot adami the. yon vah har tarah ki khushamad kiya karate the, lekin yah apaman svikar n kar sake. unhonne rool ko to hath par liya aur ek dag age badh kar aisa ghoonsa sahab ke munh par rasid kiya ki sahab ki ankhon ke samane andhera chha gaya. vah is mushtiprahar ke lie taiyar n the. unhen kee bar isaka anubhav ho chuka tha ki netiv bahut shant, dabboo, aur gamakhor hota hai. visheshakar sahabon ke samane to usaki jaban tak nahin khulati. kursi par baith kar nak ka khoon ponchhane laga. phir mistar seth se ulajhane ki usaki himmat nahin padi, magar dil men soch raha tha, ise kaise nicha dikhaoon.

mistar seth bhi apane kamare men a kar is paristhiti par vichar karane lage. unhen bilakul khed n tha; balki vah apane sahas par prasann the. isaki badamashi to dekho ki mujh par rool chala diya. jitana dabata tha, utana hi dabaye jata tha. mem yaron ko liye ghooma karati hai, usase bolane ki himmat nahin padati. mujhase sher ban gaya. ab daudega kamishnar ke pas. mujhe barakhast karaye bagair n chhodega. yah sab kuchh godavari ke karan ho raha hai. beijjati to ho hi gayi. ab rotiyon ko bhi muhataj hona pada. mujhase to koee poochhega bhi nahin, barakhastagi ka paravana a jayega. apil kahan hogi? sekretari hain hindustani, magar angarejon se bhi zyada angarej. hom membar bhi hindustani hain, magar angarejon ke gulam. godavari ke chnde ka hal sunate hi unhen joodi chadh ayegi. nyay ki kisi se asha nahin, ab yahan se nikal jane men hi kushal hai.

unhonne turnt ek istipha likha aur sahab ke pas bhej diya. sahab ne us par likh diya, ‘barakhast’.

4

dopahar ko jab mistar seth munh latakaye hue ghar pahunche to godavari ne poochha-aj jaldi kaise a gaye?

mistar seth dahakati huee ankhon se dekh kar bole-jis bat par lagi thin, vah ho gayi. ab roo, sir par hath rakhake!

godavari-bat kya huee, kuchh kaho bhi to?

seth-bat kya huee, usane ankhen dikhayin, mainne chanta jamaya aur istipha de kar chala aya.

godavari-istipha dene ki kya jaldi thi?

seth-aur kya sir ke bal nuchavata? tumhara yahi hal hai, to aj nahin, kal alag hona hi padata.

godavari-khair, jo hua achchha hi hua. aj se tum bhi kangres men sharik ho jao.

seth ne onth chaba kar kaha-lajaogi to nahin, oopar se ghav par namak chhidakati ho.

godavari-lajaoon kyon, men to khush hoon ki tumhari bediyan kat gayin.

seth-akhir kuchh socha hai, kam kaise chalega?

godavari-sab soch liya hai. main chal kar dikha doongi. han, main jo kuchh kahoon, vah tum kiye jana. ab tak main tumhare isharon par chalati thi, ab se tum mere ishare par chalana. main tumase kisi bat ki shikayat n karati thi; tum jo kuchh khilate the khati thi, jo kuchh pahanate the pahanati thi. mahal men rakhate, mahal men rahati. jhonpadi men rakhate, jhonpadi men rahati. usi tarah tum bhi rahana. jo kam karane ko kahoon vah karana. phir dekhoon kaise kam nahin chalata. badappan soot-boot aur that-bat men nahin hai. jisaki atma pavitr ho, vahi ooncha hai. aj tak tum mere pati the, aj se main tumhara pati hoon.

seth ji usaki or sneh ki ankhon se dekh kar hns pade.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah