सौभाग्य के कोड़े -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

ladake kya amir ke hon, kya garib ke, vinodashil hua hi karate hain. unaki chnchalata bahudha unaki dasha aur sthiti ki parava nahin karati. nathuva ke man-bap donon mar chuke the, anathon ki bhanti vah ray bholanath ke dvar par pada rahata tha. rayasahab dayashil purush the. kabhi-kabhi ek-adha paisa de dete, khane ko bhi ghar men itana jootha bachata tha ki aise-aise kee anath aphar sakate the, pahanane ko bhi unake ladakon ke utare mil jate the, isalie nathuva anath hone par bhi dukhi nahin tha. rayasahab ne use ek eesaee ke pnje se chhudaya tha. inhen isaki parava n huee ki mishan men usaki shiksha hogi, aram se rahega; unhen yah mnjoor tha ki vah hindoo rahe. apane ghar ke joothe bhojan ko vah mishan ke bhojan se kahin pavitr samajhate the. unake kamaron ki saphaee mishan ki pathashala ki padhaee se kahin badhakar thi. hindoo rahe, chahe jis dasha men rahe. eesaee hua to phir sada ke lie hath se nikal gaya.

nathuva ko bas rayasahab ke bngale men jhadoo laga dene ke sivay aur koee kam n tha. bhojan karake khelata-phirata tha. karmanusar hi usaki varnavyavastha bhi ho gayi. ghar ke any naukar-chakar use bhngi kahate the aur nathuva ko isamen koee etaraj n hota tha. nam ki sthiti par kya asar pad sakata hai, isaki us garib ko kuchh khabar n thi. bhngi banane men kuchh hani bhi n thi. use jhadoo dete samay kabhi paise pade mil jate, kabhi aur koee chij. isase vah sigaret liya karata tha. naukaron ke sath uthane-baithane se use bachapan hi men tambakoo, sigaret aur pan ka chaska pad gaya.

rayasahab ke ghar men yon to balakon aur balikaon ki kami n thi, darajanon bhanje-bhatije pade rahate the; par unaki nij ki sntan keval ek putri thi, jisaka nam ratna tha. ratna ko padhane ko do mastar the, ek memasahab angreji padhane aya karati thin. rayasahab ki yah hardik abhilasha thi ki ratna sarvagun agari ho aur jis ghar men jay, usaki lakshmi bane. vah use any balakon ke sath n rahane dete. usake lie apane bngale men do kamare alag kar diye the; ek padhane ke lie, doosara sone ke lie. log kahate hain, lad-pyar se bachche jiddi aur sarir ho jate hain. ratna itane lad-pyar par bhi badi sushil balika thi. kisi naukar ko ‘re’ n pukarati, kisi bhikhari tak ko n dutkarati. nathuva ko vah paise, mithaiyan de diya karati thi. kabhi-kabhi usase baten bhi kiya karati thi. isase vah launda usake munh lag gaya tha.

ek din nathuva ratna ke sone ke kamare men jhadoo laga raha tha. ratana doosare kamare men memasahab se angreji padh rahi thi. nathuva ki shamat jo ayi to jhadoo lagate-lagate usake man men yah ichchha huee ki ratna ke palng par sooon; kaisi ujali chadar bichhi huee hai, gadda kitana naram aur mota hai, kaisa sundar dushala hai ! ratna is gadde par kitane aram se soti hai, jaise chidiya ke bachche ghonsale men. tabhi to ratna ke hath itane gore aur komal hain, maloom hota hai, deh men ruee bhari huee hai. yahan kaun dekhata hai. yah sochakar usane pair pharsh se ponchhe aur chatapat palng par akar let gaya aur dushala odh liya. garv aur annd se usaka hriday pulakit ho gaya. vah mare khushi ke do-tin bar palng par uchhal pada. use aisa maloom ho raha tha, mano main ruee men leta hoon. jidhar karavat leta tha, deh angul-bhar niche dhns jati thi. yah svargiy sukh mujhe kahan nasib ! mujhe bhagavanh ne rayasahab ka beta kyon n banaya ? sukh ka anubhav hote hi use apani dasha ka vastavik gyan hua aur chitt kshubdh ho gaya. ekaek rayasahab kisi zaroorat se kamare men aye to nathuva ko ratna ke palng par lete dekha. mare krodh ke jal uthe. bole- kyon be suar, too yah kya kar raha hai ?

nathuva aisa ghabaraya mano nadi men pair phisal pade hon. charapaee se kood kar alag khada ho gaya aur phir jhadoo hath men le li.

rayasahab ne phir poochha- yah kya kar raha tha, be ?

nathuva- kuchh to nahin sarakar !

rayasahab- ab teri itani himmat ho gayi hai ki ratna ki charapaee par soye ? namakaharam kahin ka ! lana mera hntar.

hntar mngavakar rayasahab ne nathuva ko khoob pita. bechara hath jodata tha, pairon padata tha, magar rayasahab ka krodh shant hone ka nam n leta tha. sab naukar jama ho gaye aur nathuva ke jale par namak chhidakane lage. rayasahab ka krodh aur bhi badha. hntar hath se phenkakar thokaron se marane lage. ratna ne yah rona suna to daudi huee ayi aur samachar sunakar boli- dadaji bechara mar jayaga; ab is par daya kijie.

rayasahab- mar jayaga, uthavakar phenkava doonga. is badamashi ka maja to mil jayaga.

ratna- meri hi charapaee thi n, main use kshama karati hoon.

rayasahab- jara dekho to apani charapaee ki gat. paji ke badan ki mail bhar gayi hogi. bhala, ise soojhi kya ? kyon be, tujhe soojhi kya ?

yah kar rayasahab phir lapake; magar nathuva akar ratna ke pichhe dubak gaya. isake siva aur kahin sharan n thi. ratna ne rokakar kaha- dadaji, mere kahane se ab isaka aparadh kshama kijie.

rayasahab- kya kahati ho ratna, aise aparadhi kahin kshama kiye jate hain. khair, tumhare kahane par chhod deta hoon, nahin to aj jan lekar chhodata. sun be, nathuva, apana bhala chahata hai to phir yahan n ana, isi dam nikal ja, suar, nalayaq !

nathuva pran chhodakar bhaga. pichhe phirakar n dekha. sadak par pahunchakar vah khada ho gaya. yahan rayasahab usaka kuchh nahin kar sakate the. yahan sab log unaki munhadekhi to n kahenge. koee to kahega ki ladaka tha, bhool hi ho gayi to kya pran le lijiega ? yahan mare to dekhoon, gali dekar bhagoonga, phir kaun mujhe pa sakata hai. is vichar se usaki himmat bndhi. bngale ki taraph munh karake zor se bola- yahan ao to dekhen, aur phir bhaga ki kahin rayasahab ne sun n liya ho.

2

nathuva thodi hi door gaya tha ki ratna ki mem sahiba apane tamatam par savar ati huee dikhayi din. usane samajha, shayad mujhe pakadane a rahi hain. phir bhaga, kintu jab pairon men daudane ki shakti n rahi to khada ho gaya. usake man ne kaha, vah mera kya kar lengi, mainne unaka kuchh bigada hai ? ek kshan men mem sahiba a pahunchin aur tamatam rokakar bolin- nathoo, kahan ja rahe ho ?

nathuva- kahin nahin.

mem.- rayasahab ke yahan phir jayaga to vah marenge. kyon nahin mere sath chalata. mishan men aram se rah. adami ho jayaga.

nathuva- kirastan to n banaogi ?

mem.- kirastan kya bhngi se bhi bura hai, pagal !

nathuva- n bhaiya, kirastan n banoonga.

mem.- tera ji chahe n banana, koee jabaradasti thode hi bana dega. nathuva thodi der tak tamatam ke sath chala; par usake man men snshay bana hua tha. sahasa vah ruk gaya. mem sahiba ne poochha- kyon, chalata kyon nahin ?

nathuva- mainne suna hai, mishan men jo koee jata hai kirastan ho jata hai. main n jaoonga. ap jhansa deti hain.

mem.- are pagal, vahan tujhe padhaya jayaga, kisi ki chakari n karani padegi. sham ko khelane ko chhutti milegi. kot-pataloon pahanane ko milegi. chal ke do-char din dekh to le.

nathuva ne is pralobhan ka uttar n diya. ek gali se hokar bhaga. jab tamatam door nikal gaya to vah nishchint hokar sochane laga- jaoon ? kahin koee sipahi pakadakar thane n le jay. meri biradari ke log to vahan rahate hain. kya vah mujhe apane ghar rakhenge. kaun baith kar khaoonga, kam to karoonga. bas, kisi ko pith par rahana chahie. aj koee meri pith par hota to majal thi ki rayasahab mujhe yon marate. sari biradari jama ho jati, gher leti, ghar ki saphaee bnd ho jati, koee dvar par jhadoo tak n lagata. sari rayasahabi nikal jati. yah nishchay karake vah ghoomata-phirata bhngiyon ke muhalle men pahuncha. sham ho gayi thi, kee bhngi ek ped ke niche chataiyon par baithe shahanaee aur tabal baja rahe the. vah nity isaka abhyas karate the. yah unaki jivika thi. gan-vidya ki yahan jitani chhichhaledar huee hai, utani aur kahin n huee hogi. nathuva jakar vahan khada ho gaya. use bahut dhyan se sunate dekhakar ek bhngi ne poochha- kuchh gata hai ?

nathuva- abhi to nahin gata; par sikha doge to gane lagoonga.

bhngi- bahana mat kar, baith; kuchh gakar suna, maloom to ho ki tere gala bhi hai ya nahin, gala hi n hoga to kya koee sikhayega.

nathuva mamooli bazar ke ladakon ki tarah kuchh-n-kuchh gana janata hi tha, rasta chalata to kuchh-n-kuchh gane lagata tha. turnt gane laga. ustad ne suna. jauhari tha, samajh gaya yah kanch ka tukada nahin. bola- kahan rahata hai ?

nathuva ne apani ramakahani sunayi, parichay ho gaya. use ashray mil gaya aur vikas ka vah avasar mil gaya, jisane use bhoomi se akash par pahuncha diya.

3

tin sal ud gaye, nathuva ke gane ki sare shahar men dhoom mach gayi. aur vah keval ek guni nahin, sarvaguni tha; gana, shahanaee bajana, pakhavaj, sarngi, tamboora, sitar- sabhi kalaon men daksh ho gaya. ustadon ko bhi usaki chamatkarik buddhi par ashchary hota tha. aisa maloom hota tha ki usane pahale hi padhi huee vidya duhara li hai. log das-das salon tak sitar bajana sikhate rahate hain aur nahin ata, nathuva ko ek mahine men usake taron ka gyan ho gaya. aise kitane hi ratn pade hue hain, jo kisi parakhi se bhent n hone ke karan mitti men mil jate hain.

snyog se inhin dinon gvaliyar men ek sngit-sammelan hua. desh- deshantaron se sngit ke achary nimntrit hue. ustad ghoore ko bhi nevata mila. nathuva inhin ka shishy tha. ustad gvaliyar chale to nathoo ko bhi sath lete gaye. ek saptah tak gvaliyar men badi dhoomadham rahi. nathooram ne vahan khoob nam kamaya. use sone ka tamaga inam mila. gvaliyar ke sngit-vidyalay ke adhyaksh ne ustad ghoore se agrah kiya ki nathooram ko sngit-vidyalay men dakhil kara do. yahan sngit ke sath usaki shiksha bhi ho jayagi. ghoore ko manana pada. nathooram bhi raji ho gaya.

nathooram ne panch varshon men vidyalay ki sarvochch upadhi prapt kar li. isake sath-sath bhasha, ganit aur vigyan men usaki buddhi ne apani prakharata ka parichay diya. ab vah samaj ka bhooshan tha. koee usase n poochhata tha, kaun jati ho. usaka rahan-sahan, taur-tarika ab gayakon ka-sa nahin, shikshit samuday ka-sa tha. apane samman ki raksha ke lie vah oonche varnavalon ka-sa acharan rakhane laga. madira-mans tyag diya, niyamit roop se sndhyopasana karane laga. koee kulin brahman bhi itana achar-vichar n karata hoga. nathooram to pahale hi usaka nam ho chuka tha. ab usaka kuchh aur susnskar hua. vah na. ra. achary mashahoor ho gaya. sadharanatah log ‘achary’ hi kaha karate the. raj-darabar se use achchha vetan milane laga. 18 varsh ki ayu men itani khyati birale hi kisi guni ko nasib hoti hai. lekin khyati-prem vah pyas hai, jo kabhi nahin bujhati, vah agasty rishi ki bhanti sagar ko pikar bhi shant nahin hoti. mahashay achary ne yorop ko prasthan kiya. vah pashchaty sngit par bhi adhikrit hona chahate the. jarmani ke sabase bade sngit-vidyalay men dakhil ho gaye aur panch varshon ke nirntar parishram aur udyog ke bad achary ki padavi lekar itali ki sair karate hue gvaliyar laut aye aur usake ek hi saptah ke bad madan kampani ne unhen tin hazar rupaye masik vetan par apani shakhaon ka nirikshak niyukt kiya. vah yorop jane ke pahale hi hajaron rupaye jama kar chuke the. yorop men bhi oparaon aur natyashalaon men unaki khoob avabhagat huee thi. kabhi-kabhi ek din men itani amadani ho jati thi, jitani yahan ke bade-se-bade gavaiyon ko barason men bhi nahin hoti. lakhanoo se vishesh prem hone ke karan unhonne vahin nivas karane ka nishchay kiya.

4

achary mahashay lakhanoo pahunche to unaka chitt gadgad ho gaya. yahin unaka bachapan bita tha, yahin ek din vah anath the, yahin galiyon men kanakaue lootate phirate the, yahin bazaron men paise mangate-phirate the. ah ! yahin un par hntaron ki mar padi thi, jisake nishan ab tak bane the. ab vah dag unhen saubhagy ki rekhaon se bhi priy lagate. yatharth men yah kode ki mar unake lie shiv ka varadan thi. rayasahab ke prati ab unake dil men krodh ya pratikar ka leshamatr bhi n tha. unaki buraiyan bhool gayi thin, bhalaiyan yad rah gayi thin; aur ratna to unhen daya aur vatsaly ki moorti-si yad ati. vipatti purane ghavon ko badhati hai, sampatti unhen bhar deti hai ! gadi se utare to chhati dhadak rahi thi. 10 varsh ka balak 23 varsh ka javan, shikshit bhadr yuvak ho gaya tha. usaki man bhi use dekhakar n kah sakati ki yahi mera nathuva hai. lekin unaki kayapalat ki apeksha nagar ki kayapalat aur bhi vismayakari thi. yah lakhanoo nahin, koee doosara hi nagar tha.

steshan se bahar nikalate hi dekha ki shahar ke kitane hi chhote-bade adami unaka svagat karane ko khade hain. unamen ek yuvati ramani thi, jo ratna se bahut milati thi. logon ne usase hath milaya aur ratna ne unake gale men phoolon ka har dal diya. yah videsh men bharat ka nam roshan karane ka puraskar tha. achary ke pair dagamagane lage, aisa jan padata tha, ab nahin khade rah sakate. yah vahi ratna hai. bholi-bhali balika ne saundary, lajja, garv aur vinay ki devi ka roop dharan kar liya hai. unaki himmat n padi ki ratna ki taraph sidhi ankhon dekh saken.

logon se hath milane ke bad vah us bngale men aye jo unake lie pahale hi se sajaya gaya tha. usako dekhakar ve chaunk pade; yah vahi bngala tha jahan ratna ke sath vah khelate the; saman bhi vahi tha, tasaviren vahi, kursiyan aur mejen vahi, shishe ke alat vahi, yahan tak ki pharsh bhi vahi tha. usake andar qadam rakhate hue achary mahashay ke hriday men kuchh vahi bhav jagrit ho rahe the, jo kisi devata ke mndir men jakar dharmaparayan hindoo ke hriday men hote hain. vah ratna ke shayanagar men pahunche to unake hriday men aisi ainthan huee ki ansoo bahane lage- yah vahi palng hai, vahi bistar aur vahi pharsh ! unhonne adhir hokar poochha- yah kisaka bngala hai ?

kampani ka mainejar sath tha, bola- ek ray bholanath hain, unhin ka hai.

achary- rayasahab kahan gaye ?

mainejar- khuda jane kahan chale gaye. yah bngala karz ki illat men nilam ho raha tha. mainne dekha hamare thiyetar se qarib hai. adhikariyon se khatokitabat ki aur ise kampani ke nam kharid liya, 40 hazar men yah bngala saman samet liya gaya.

achary- muft mil gaya, tumhen rayasahab ki kuchh khabar nahin ?

mainejar- suna tha ki kahin tirth karane gaye the, khuda jane laute ya nahin.

achary mahashay jab sham ko savadhan hokar baithe to ek adami se poochha- kyon ji, ustad ghoore ka bhi hal janate ho, unaka nam bahut suna hai.

adami ne sakarun bhav se kaha- khudabnd, unaka hal kuchh n poochhie, sharab pikar ghar a rahe the, raste men behosh hokar sadak par gir pade. udhar se ek motar lari a rahi thi. draivar ne dekha nahin, lari unake oopar se nikal gayi. subah ko lash mili. khudabnd, apane phan men ek tha, ab usaki maut se lakhanoo viran ho gaya, ab aisa koee nahin raha jis par lakhanoo ko ghamnd ho. nathuva nam ke ek ladake ko unhonne kuchh sikhaya tha aur usase ham logon ko ummid thi ki ustad ka nam jinda rakhega, par vah yahan se gvaliyar chala gaya, phir pata nahin ki kahan gaya.

achary mahashay ke pran sookhe jate the ki ab bat khuli, ab khuli, dam ruka hua tha jaise koee talavar liye sir par khada ho. bare kushal huee, ghada chot khakar bhi bach gaya.

5

achary mahashay us ghar men rahate the, kintu usi tarah jaise koee nayi bahoo apane sasural men rahe. unake hriday se purane snskar n mitate the. unaki atma is yatharth ko svikar n karati ki ab yah mera ghar hai. vah zor se hnsate to sahasa chaunk padate. mitragan akar shor machate to unhen ek agyat shnka hoti thi. likhane-padhane ke kamare men shayad vah sote to unhen rat-bhar nind n ati, yah khayal dil men jama hua tha ki yah padhane-likhane ka kamara hai. bahut achchha hone par bhi vah purane saman ko badal n sakate the. aur ratna ke shayanagar ko to unhonne phir kabhi nahin khola. vah jyon-ka-tyon bnd pada rahata tha. usake andar jate hue unake pair tharatharane lagate the. us palng par sone ka dhyan hi unhen nahin aya.

lakhanoo men kee bar unhonne vishvavidyalay men apane sngit-naipuny ka chamatkar dikhaya. kisi raja-rees ke ghar ab vah gane n jate the, chahe koee unhen lakhon rupaye hi kyon n de; yah unaka pran tha. log unaka alaukik gan sunakar alaukik annd uthate the.

ek din pratahkal achary mahashay sndhya se uthe the ki ray bholanath unase milane aye. ratna bhi unake sath thi. achary mahashay par rob chha gaya. bade-bade yoropi thiyetaron men bhi unaka hriday itana bhayabhit n hua tha. unhonne zamin tak jhukakar rayasahab ko salam kiya. bholanath unaki namrata se kuchh vismati-se ho gaye. bahut din hue jab log unhen salam kiya karate the. ab to jahan jate the, hnsi udaee jati thi. ratna bhi lajjit ho gayi. rayasahab ne katar netron se idhar-udhar dekhakar kaha- apako yah jagah to pasand ayi hogi ?

achary- ji han, isase uttam sthan ki to main kalpana hi nahin kar sakata.

bholanath- yah mera hi bngala hai. mainne hi ise banavaya aur mainne hi ise bigad bhi diya.

ratna ne jhenpate hue kaha- dadaji, in baton se kya fayada ?

bhola- fayada nahin hai beti, nukasan bhi nahin. sajjanon se apani vipatti kahakar chitt shant hota hai. mahashay, yah mera hi bngala hai, ya yon kahie ki tha. 50 hazar salana ilake se milate the. kuchh adamiyon ki sngat men mujhe satte ka chaska pad gaya. do-tin bar tabad-tod bazi hath ayi, himmat khul gayi, lakhon ke vare-nyare hone lage, kintu ek hi ghate men sari kasar nikal gayi. badhiya baith gayi. sari jayadad kho baitha. sochie, pachis lakh ka sauda tha. kaudi chitt padati to aj is bngale ka kuchh aur hi that hota, nahin to ab pichhale dinon ko yad kar-karake hath malata hoon. meri ratna ko apake gane se bada prem hai. jab dekho ap hi ki charcha kiya karati hai. ise mainne bi.e. tak padhaya ...

ratna ka chehara sharm se lal ho gaya. boli- dadaji, achary mahashay mera hal janate hain, unako mere parichay ki zaroorat nahin. mahashay, kshama kijiega, pitaji us ghate ke karan kuchh avyavasthit chitt-se ho gaye hain. vah apase yah prarthana karane aye hain ki yadi apako koee apatti n ho to vah kabhi-kabhi is bngale ko dekhane aya karen. isase unake ansoo puchh jayenge. unhen is vichar se santosh hoga ki mera koee mitr isaka svami hai. bas, yahi kahane ke lie yah apaki seva men aye hain.

achary ne vinayapoorn shabdon men kaha- isake poochhane ki zaroorat nahin hai. ghar apaka hai, jis vakt ji chahe shauq se ayen, balki apaki ichchha ho to ap isamen rah sakate hain; main apane lie koee doosara sthan thik kar loonga.

rayasahab ne dhanyavad diya aur chale gaye. vah doosare-tisare yahan zaroor ate aur ghnton baithe rahate. ratna bhi unake sath avashy ati, phir kuchh din bad pratidin ane lage.

ek din unhonne achary mahashay ko ekant men le jakar poochha- kshama kijiega, ap apane bal bachchon ko kyon nahin bula lete? akele to apako bahut kasht hota hoga.

achary- mera to abhi vivah nahin hua aur n karana chahata hoon.

yah kahate hi achary mahashay ne ankhen nichi kar lin.

bholanath- yah kyon, vivah se apako kyon dvesh hai ?

achary- koee vishesh karan to nahin bata sakata, ichchha hi to hai.

bhola- ap brahman hain ?

acharyaji ka rng ud gaya. sashnk hokar bole- yorop ki yatra ke bad varnabhed nahin rahata. janm se chahe jo kuchh hoon, karm se to shoodr hi hoon.

bholanath- apaki namrata ko dhany hai, snsar men aise sajjan log bhi pade hue hain, main bhi karmon hi se varn manata hoon. namrata, shil, vinay, achar, dharmanishtha, vidyaprem, yah sab brahmanon ke gun hain aur main apako brahman hi samajhata hoon. jisamen yah gun nahin, vah brahman nahin; kadapi nahin. ratna ko apase bada prem hai. aj tak koee purush usaki ankhon men nahin jncha, kintu apane use vashibhoot kar liya is dhrishtata ko kshama kijiega, apake mata-pita ...

achary- mere mata-pita to ap hi hain. janm kisane diya, yah main svayn nahin janata. main bahut chhota tha tabhi unaka svargavas ho gaya.

rayasahab- ah ! vah aj jivit hote to apako dekhakar unaki gaj-bhar ki chhati hoti. aise sapoot bete kahan hote hain !

itane men ratna ek kagaz liye hue ayi aur rayasahab se boli- dadaji, achary mahashay kavy-rachana bhi karate hain, main inaki mej par se yah utha layi hoon. sarojini nayadoo ke siva aisi kavita mainne aur kahin nahin dekhi.

achary ne chhipi huee nigahon se ek bar ratna ko dekha aur jhenpate hue bole- yon hi kuchh likh liya tha. main kavy-rachana kya janoon ?

6

prem se donon vihval ho rahe the. ratna gunon par mohit thi, achary usake moh ke vashibhoot the. agar ratna unake raste men n ati to kadachith vah usase parichit bhi n hote ! kintu prem ki phaili huee bahon ka akarshan kis par n hoga ? aisa hriday kahan hai, jise prem jit n sake ?

achary mahashay badi duvidha men pade hue the. unaka dil kahata tha, jis kshan ratna par meri asaliyat khul jayagi, usi kshan vah mujhase sadaiv ke lie munh pher legi. vah kitani hi udar ho, jati ke bndhan ko kitana hi kashtamay samajhati ho, kintu us ghrina se mukt nahin ho sakati jo svabhavatah mere prati utpann hogi. magar is bat ko janate hue bhi unaki himmat n padati thi ki apana vastavik svaroop kholakar dikha den. ah ! yadi ghrina hi tak hoti to koee bat n thi, magar use duahkh hoga, pida hogi, usaka hriday vidirn ho jayaga, us dasha men n jane kya kar baithe. use is agyat dasha men rakhate hue pranay-pash ko dridh karana unhen parale sire ki nichata pratit hoti thi. yah kapat hai, daga hai, dhoortata hai jo premacharan men sarvatha nishiddh hai. is snkat men pade hue vah kuchh nishchay n kar sakate the ki kya karana chahie. udhar rayasahab ki amadoraft dinondin badhati jati thi. unake man ki bat ek-ek shabd se jhalakati thi. ratna ka ana-jana bnd hota jata tha jo unake ashay ko aur bhi prakat karata tha. is prakar tin-char mahine vyatit ho gaye. achary mahashay sochate, yah vahi rayasahab hain, jinhonne keval ratna ki charapaee par jara der let rahane ke lie mujhe marakar ghar se nikal diya tha. jab unhen maloom hoga ki main vahi anath, achhoot, ashrayahin balak hoon to unhen kitani atmavedana, kitani apaman-pida, kitani lajja, kitani durasha, kitana pashchattap hoga !

ek din rayasahab ne kaha- vivah ki tithi nishchit kar leni chahie. is lagn men main is rin se urin ho jana chahata hoon.

achary mahashay ne bat ka matalab samajhakar bhi prashn kiya- kaisi tithi ?

rayasahab- yahi ratna ke vivah ki. main kundali ka to kayal nahin, par vivah to shubh muhoort men hi hoga.

achary bhoomi ki or takate rahe, kuchh n bole.

rayasahab- meri avastha to apako maloom hi hai. kush-kanya ke siva aur kisi yogy nahin hoon. ratna ke siva aur kaun hai, jisake lie utha rakhata.

achary mahashay vicharon men magn the.

rayasahab- ratna ko ap svayn janate hain. apase usaki prashnsa karani vyarth hai. vah achchhi hai ya buri hai, use apako svikar karana padega.

achary mahashay ki ankhon se ansoo bah rahe the.

rayasahab- mujhe poora vishvas hai ki apako eeshvar ne usi ke lie yahan bheja hai. meri eeshvar se yahi yachana hai ki tum donon ka jivan sukh se kate. mere lie isase zyada khushi ki aur koee bat nahin ho sakati. is karttavy se mukt hokar irada hai kuchh din bhagavath-bhajan karoon. gaun roop se ap hi us phal ke bhi adhikari honge.

achary ne avaruddh knth se kaha- mahashay, ap mere pita tuly hain, par main is yogy kadapi nahin hoon.

rayasahab ne unhen gale lagate hue kaha- beta, tum sarvagun-sampann ho. tum samaj ke bhooshan ho. mere lie yah mahanh gaurav ki bat hai ki tum-jaisa damad paoon. main aj tithi adi thik karake kal apako soochana doonga.

yah kahakar rayasahab uth khade hue. achary kuchh kahana chahate the, par mauqa n mila, ya yon kaho himmat n padi. itana manobal n tha, ghrina sahan karane ki itani shakti n thi.

7

vivah hue mahina-bhar ho gaya. ratna ke ane se patigrih ujala ho gaya hai aur pati-hriday pavitr. sagar men kamal khil gaya. rat ka samay tha. achary mahashay bhojan karake lete hue the, usi palng par jisane kisi din unhen ghar se nikalavaya tha, jisane unake bhagyachakr ko parivartit kar diya tha.

mahina-bhar se vah avasar dhoondh rahe hain ki vah rahasy ratna ko batala doon. unaka snskaron se daba hua hriday yah nahin manata ki mera saubhagy mere gunon hi ka anugrah hai. vah apane rupaye ko bhatthi men pighalakar usaka mooly janane ki cheshtakar rahe hain. kintu avasar nahin milata. ratna jyon hi samane a jati hai, vah mntramugdh se ho jate hain. bag men rone kaun jata hai, rone ke lie to andheri kothari hi chahie.

itane men ratna muskarati huee kamare men ayi. dipak ki jyoti mnd pad gayi.

achary ne muskarakar kaha- ab chirag gul kar doon n ?

ratna boli- kyon, kya mujhase sharm ati hai ?

achary- han, vastav men sharm ati hai.

ratna- isalie ki mainne tumhen jit liya ?

achary- nahin, isalie ki mainne tumhen dhokha diya.

ratna- tumamen dhokha dene ki shakti nahin hai.

achary- tum nahin janatin. mainne tumhen bahut bada dhokha diya hai.

ratna- sab janati hoon.

achary- janati ho main kaun hoon ?

ratna- khoob janati hoon. bahut dinon se janati hoon. jab ham tum donon isi bagiche men khela karate the, main tumako marati thi aur tum rote the, main tumako apani joothi mithaiyan deti thi aur tum daudakar lete the, tab bhi mujhe tumase prem tha; han, vah daya ke roop men vyakt hota tha.

achary ne chakit ho kaha- ratna, yah janakar bhi tumane ...

ratna- han, jan kar hi. n janati to shayad n karati.

achary- yah vahi charapaee hai.

ratna- aur main ghate men.

achary ne use gale lagakar kaha- tum kshama ki devi ho.

ratna ne uttar diya- main tumhari cheri hoon.

achary- rayasahab bhi janate hain ?

ratna- nahin, unhen nahin maloom hai. unase bhoolakar bhi n kahana, nahin to vah atmaghat kar lenge.

achary- vah kode abhi tak yad hain.

ratna- ab pitaji ke pas usaka prayashchitt karane ke lie kuchh nahin rah gaya. kya ab bhi tumhen sntosh nahin hua ?

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah