अलग्योझा -प्रेमचंद  हिन्दी देवनागरी में पढ़ें।

alagyojha -premachnd
manasarovar, bhag-1
lekhak munshi premachnd
mool shirshak algyojha
mukhy patr ragghoo, panna, muliya, kedar, khunnoo, lachhaman, jhuniya
kathanak snyukt parivar ka vibhajan/bntavara aur usase sambndhit sujhav
prakashak dilli pustak sadan
prakashan tithi janavari 01, 2008
ISBN 978-81-88032-23
desh bharat
prishth: 264
bhasha hindi
shaili rochak, ghatana vaichitry,
vishay snyukt parivar ka vibhajan
vidha kahani
prakar samasya pradhan
bhag ek
vishesh algyojha ka shabdik arth- snyukt parivar ka vibhajan/bntavara.
tippani premachnd bahumukhi pratibha snpann sahityakar the. premachnd ki rachanaon men tatkalin itihas bolata hai. premachnd ne kahani aur upanyas donon hi likhe hain. ve bharat ke shreshthatam kahanikar aur upanyasakar ke roop men jane jate hain.

bhola mahato ne pahali stri ke mar jane bad doosari sagaee ki to usake ladake ragghoo ke liye bure din a gaye. ragghoo ki umr us samay keval das varsh ki thi. chain se ganv men gulli-dnda khelata phirata tha. man ke ate hi chakki men jutana pada. panna roopavati stri thi aur roop aur garv men choli-daman ka nata hai. vah apane hathon se koee kam n karati. gobar ragghoo nikalata, bailon ko sani ragghoo deta, ragghoo hi joothe baratan manjata. bhola ki ankhen kuchh aisi phirin ki use ab ragghoo men sab buraiyan-hi-buraiyan najar atin. panna ki baton ko vah prachin maryadanusar ankhen bnd karake man leta tha. ragghoo ki shikayaton ki zara paravah n karata. natija yah hua ki ragghoo ne shikayat karana hi chhod diya. kisake samane roye? bap hi nahin, sara ganv usaka dushman tha. bada jiddi ladaka hai, panna ko to kuchh samajhata hi nahin; bechari usaka dular karati hai, khilati-pilati hai, yah usi ka phal hai. doosari aurat hoti, to nibah n hota. vah to kaho, panna itani sidhi-sadi hai ki nibah hota jata hai. sabal ki shikayaten sab sunate hain, nirbal ki phariyad bhi koee nahin sunata! ragghoo ka hriday man ki or se din-din phatata jata tha. yahan tak ki ath sal gujar gaye aur ek din bhola ke nam bhi mrityu ka sndesh a pahuncha.

panna ke char bachche the- tin bete aur ek beti. itana bada kharch aur kamanevala koee nahin. ragghoo ab kyon bat poochhane laga? yah mani huee bat thi. apani stri laega aur alag rahega. stri akar aur bhi ag lagayegi. panna ko charon or andhera-hi-andhera dikhaee deta tha. par kuchh bhi ho, vah ragghoo ki asarait[1] banakar ghar men n rahegi. jis ghar men usane raj kiya, usamen ab laundi n banegi. jis launde ko apana gulam samajha, usaka munh n takegi. vah sundar thi, avastha abhi kuchh aisi zyada n thi. javani apani poori bahar par thi. kya vah koee doosara ghar nahin kar sakati? yahi n hoga, log hnsenge. bala se! usaki biradari men kya aisa hota nahin? brahman, thakur thodi hi thi ki nak kat jayagi. yah to unhin oonchi jaton men hota hai ki ghar men chahe jo kuchh karo, bahar parada dhaka rahe. vah to snsar ko dikhakar doosara ghar kar sakati hai, phir vah ragghoo ki dabail banakar kyon rahe?

bhola ko mare ek mahina gujar chuka tha. sndhya ho gayi thi. panna isi chinta men padi huee thi ki sahasa use khyal aya, ladake ghar men nahin hain. yah bailon ke lautane ki bela[2] hai, kahin koee ladaka unake niche n a jay. ab dvar par kaun hai, jo unaki dekhabhal karega? ragghoo ko mere ladake phooti ankhon nahin bhate. kabhi hnsakar nahin bolata. ghar se bahar nikali, to dekha, ragghoo samane jhonpade men baitha ookh[3] ki gnderiya[4] bana raha hai, ladake use ghere khade hain aur chhoti ladaki usaki gardan men hath dale usaki pith par savar hone ki cheshta kar rahi hai. panna ko apani ankhon par vishvas n aya. aj to yah nayi bat hai. shayad duniya ko dikhata hai ki main apane bhaiyon ko kitana chahata hoon aur man men chhuri rakhi huee hai. ghat mile to jan hi le le! kala sanp hai, kala sanp! kathor svar men boli - tum sabake sab vahan kya karate ho? ghar men ao, sanjh ki bela hai, goru[5] ate honge.

ragghoo ne vinit netron se dekhakar kaha‌‌- main to hoon hi kaki, dar kis bat ka hai?
bada ladaka kedar bola- kaki, ragghoo dada ne hamare lie do gadiyan bana di hain. yah dekh, ek par ham aur khunnoo baithenge, doosari par lachhaman aur jhuniya. dada donon gadiyan khinchenge.
yah kahakar vah ek kone se do chhoti-chhoti gadiyan nikal laya. char-char pahiye lage the. baithane ke lie takhte aur rok ke lie donon taraph bajoo the.
panna ne ashchary se poochha- ye gadiyan kisane banayi?
kedar ne chidhakar kaha- ragghoo dada ne banayi hain, aur kisane! bhagat ke ghar se basoola aur rukhani mang lae aur chatapat bana di. khoob daudati hain kaki! baith khunnoo main khinchoon.
khunnoo gadi men baith gaya. kedar khinchane laga. char-char shor hua mano gadi bhi is khel men ladakon ke sath sharik hai.
lachhaman ne doosari gadi men baithakar kaha- dada, khincho.
ragghoo ne jhuniya ko bhi gadi men bitha diya aur gadi khinchata hua dauda. tinon ladake taliyan bajane lage. panna chakit netron se yah drishy dekh rahi thi aur soch rahi thi ki yah vahi ragghoo hai ya koee aur.
thodi der ke bad donon gadiyan lautin; ladake ghar men jakar is yanayatra ke anubhav bayan karane lage. kitane khush the sab, manon havaee jahaz par baith aye hon.
khunnoo ne kaha- kaki sab ped daud rahe the.
lachhaman- aur bachhiya kaisi bhagin, sabaki sab daudin!
kedar- kaki, ragghoo dada donon gadiyan ek sath khinch le jate hain.
jhuniya sabase chhoti thi. usaki vynjana-shakti uchhal-kood aur netron tak parimit thi- taliyan baja-bajakar nach rahi thi.
khunnoo- ab hamare ghar gay bhi a jayagi kaki! ragghoo dada ne giradhari se kaha hai ki hamen ek gay la do. giradhari bola, kal laoonga.
kedar- tin ser doodh deti hai kaki! khoob doodh piyenge.
itane men ragghoo bhi andar a gaya. panna ne avahelana ki drishti se dekhakar poochha- kyon ragghoo tumane giradhari se koee gay mangi hai?
ragghoo ne kshama-prarthana ke bhav se kaha- han, mangi to hai, kal lavega.
panna- rupaye kisake ghar se ayenge, yah bhi socha hai?
ragghoo- sab soch liya hai kaki! meri yah muhar nahin hai. isake pachchis rupaye mil rahe hain, panch rupaye bachhiya ke mujara[6] de doonga! bas, gay apani ho jayagi.
panna sannate men a gayi. ab usaka avishvasi man bhi ragghoo ke prem aur sajjanata ko asvikar n kar saka. boli- muhar ko kyon beche dete ho? gay ki abhi kaun jaldi hai? hath men paise ho jayn, to le lena. soona-soona gala achchha n lagega. itane dinon gay nahin rahi, to kya ladake nahin jiye?

ragghoo darshanik bhav se bola- bachchon ke khane-pine ke yahi din hain kaki! is umr men n khaya, to phir kya khayenge. muhar pahanana mujhe achchha bhi nahin maloom hota. log samajhate honge ki bap to mar gaya. ise muhar pahanane ki soojhi hai.

bhola mahato gay ki chinta hi men chal base. n rupaye aye aur n gay mili. majaboor the. ragghoo ne yah samasya kitani sugamata se hal kar di. aj jivan men pahali bar panna ko ragghoo par vishvas aya, boli- jab gahana hi bechana hai, to apani muhar kyon bechoge? meri hnsuli le lena.
ragghoo- nahin kaki! vah tumhare gale men bahut achchhi lagati hai. mardo ko kya, muhar pahanen ya n pahanen.
panna- chal, main boodhi huee. ab hnsuli pahanakar kya karana hai. too abhi ladaka hai, tera gala achchha n lagega?
ragghoo muskarakar bola— tum abhi se kaise boodhi ho gayi? ganv men hai kaun tumhare barabar?
ragghoo ki saral alochana ne panna ko lajjit kar diya. usake rukhe-murajhaye mukh par prasannata ki lali daud gayi.

2

panch sal gujar gaye. ragghoo ka-sa mehanati, eemanadar, bat ka dhani doosara kisan ganv men n tha. panna ki ichchha ke bina koee kam n karata. usaki umr ab 23 sal ki ho gayi thi. panna bar-bar kahati, bhiya, bahoo ko bida kara lao. kab tak naihar[7] men padi rahegi? sab log mujhi ko badanam karate hain ki yahi bahoo ko nahin ane deti, magar ragghoo tal deta tha. kahata ki abhi jaldi kya hai? use apani stri ke rng-dhng ka kuchh parichay doosaron se mil chuka tha. aisi aurat ko ghar men lakar vah apani shanti men badha nahin dalana chahata tha.
akhir ek din panna ne zid karake kaha- to tum n laoge?
‘kah diya ki abhi koee jaldi nahin.’
‘tumhare lie jaldi n hogi, mere lie to jaldi hai. main aj adami bhejati hoon.’
‘pachhataogi kaki, usaka mizaj achchha nahin hai.’
‘tumhari bala se. jab main usase boloongi hi nahin, to kya hava se ladegi? rotiyan to bana legi. mujhase bhitar-bahar ka sara kam nahin hota, main aj bulaye leti hoon.’
‘bulana chahati ho, bula lo; magar phir yah n kahana ki yah mehariya[8] ko thik nahin karata, usaka gulam ho gaya.’
‘n kahoongi, jakar do sadiyan aur mithaee le a.’
tisare din muliya maike se a gayi. daravaze par nagade baje, shahanaiyon ki madhur dhvani akash men goonjane lagi. munh-dikhave ki rasm ada huee. vah is marubhoomi men nirmal jaladhara thi. gehuna rng tha, badi-badi nokili palaken, kapolon par halki surkhi, ankhon men prabal akarshan. ragghoo use dekhate hi mntr-mugdh ho gaya.

prat:kal pani ka ghada lekar chalati, tab usaka gehuna rng prabhat ki sunahari kiranon se kundan ho jata, manon usha apani sari sugndh, sara vikas aur unmad liye muskarati chali jati ho.

3

muliya maike se hi jali-bhuni ayi thi. mera shauhar chhati phadakar kam kare, aur panna rani bani baithi rahen, usake ladake reesajade bane ghoomen. muliya se yah baradasht n hoga. vah kisi ki gulami n karegi. apane ladake to apane hote hi nahin, bhaee kisake hote hain? jab tak par nahin nikalate hain, ragghoo ko ghere hue hain. jyon hi jara sayane hue, par jhadakar nikal jayenge, bat bhi n poochhenge.

ek din usane ragghoo se kaha- tumhen is tarah gulami karani ho, to karo, mujhase n hogi.
ragghoo- to phir kya karun, too hi bata? ladake to abhi ghar ka kam karane layaq bhi nahin hain.
muliya- ladake ravat[9] ke hain, kuchh tumhare nahin hain. yahi panna hai, jo tumhen dane-dane ko tarasati thi. sab sun chuki hoon. main laundi banakar n rahoongi. rupaye-paise ka mujhe hisab nahin milata. n jane tum kya late ho aur vah kya karati hai. tum samajhate ho, rupaye ghar hi men to hain: magar dekh lena, tumhen jo ek phooti kaudi bhi mile.
ragghoo- rupaye-paise tere hath men dene lagoon to duniya kya kahegi, yah to soch.
muliya- duniya jo chahe, kahe. duniya ke hathon biki nahin hoon. dekh lena, bhad lipakar hath kala hi rahega. phir tum apane bhaiyon ke lie maro, mai kyon marun?

ragghoo ne kuchh javab n diya. use jis bat ka bhay tha, vah itani jald sir a padi. ab agar usane bahut tattho-thnbho[10] kiya, to sal - chh: mahine aur kam chalega. bas, age yah donga chalata najar nahin ata. bakare ki man kab tak khair manayegi?

ek din panna ne mahue ka sukhavan dala. barasat shuroo ho gayi thi. bakhar[11] men anaj gila ho raha tha. muliya se boli- bahoo, jara dekhati rahana, main talab se naha aoon?
muliya ne laparavahi se kaha- mujhe nind a rahi hai, tum baithakar dekho. ek din n nahaogi to kya hoga?
panna ne sadi utarakar rakh di, nahane n gayi. muliya ka var khali gaya.

kee din ke bad ek sham ko panna dhan ropakar lauti, andhera ho gaya tha. din-bhar ki bhookhi thi. asha thi, bahoo ne roti bana rakhi hogi, magar dekha to yahan choolha thnda pada hua tha, aur bachche mare bhookh ke tadap rahe the. panna ne ahiste se poochha- aj abhi choolha nahin jala?
kedar ne kaha- aj dopahar ko bhi choolha nahin jala kaki! bhabhi ne kuchh banaya hi nahin.
panna- to tum logon ne khaya kya?
kedar- kuchh nahin, rat ki rotiyan thin, khunnoo aur lachhaman ne khayin. mainne sattoo kha liya.
panna— aur bahoo?
kedar- vah padi so rahi hai, kuchh nahin khaya.
panna ne usi vakt choolha jalaya aur khana banane baith gayi. ata goonthati thi aur roti thi. kya nasib hai? din-bhar khet men jali, ghar ayi to choolhe ke samane jalana pada.
kedar ka chaudahavan sal tha. bhabhi ke rng-dhng dekhakar sari sthit samajh raha tha. bola- kaki, bhabhi ab tumhare sath rahana nahin chahati.
panna ne chaunkakar poochha- kya kuchh kahati thi?
kedar- kahati kuchh nahin thi magar hai usake man men yahi bat. phir tum kyon nahin use chhod detin? jaise chahe rahe, hamara bhi bhagavan hai.
panna ne danton se jibh dabakar kaha- chup, mere samane aisi bat bhoolakar bhi n kahana. ragghoo tumhara bhaee nahin, tumhara bap hai. muliya se kabhi bologe to samajh lena, zahar kha loongi.

4

dashahare ka tyohar aya. is ganv se kos bhar ek purave men mela lagata tha. ganv ke sab ladake mela dekhane chale. panna bhi ladakon ke sath chalane ko taiyar huee; magar paise kahan se ayen? kunji to muliya ke pas thi.
ragghoo ne akar muliya se kaha- ladake mele ja rahe hain, sabon ko do-do paise de do.
muliya ne tyoriyan chadhakar kaha- paise ghar men nahin hain.
ragghoo- abhi to telahan bika tha, kya itani jaldi rupaye uth gaye?
muliya- han, uth gaye?
raggh- kahan uth gaye? jara sunoon, aj tyohar ke din ladake mela dekhane n jayenge?
muliya- apani kaki se kaho, paise nikalen, gadakar kya karengi?
khoonti par kunji latak rahi thi. ragghoo ne kunji utari aur chaha ki sndook khole ki muliya ne usaka hath pakad liya aur boli- kunji mujhe de do, nahin to thik n hoga. khane-pahanane ko bhi chahie, kagaj-kitab ko bhi chahie, us par mela dekhane ko bhi chahie. hamari kamaee isalie nahin hai ki doosare khayen aur moonchhon par tav den.
panna ne ragghoo se kaha- bhiya, paise kya honge! ladake mela dekhane n jaynge.
ragghoo ne jhidakakar kaha- mela dekhane kyon n jaynge? sara ganv ja raha hai. hamare hi ladake n jaynge?
yah kahakar ragghoo ne apana hath chhuda liya aur paise nikalakar ladakon ko de diye; magar kunji jab muliya ko dene laga, tab usane use angan men phenk diya aur munh lapetakar let gayi! ladake mela dekhane n gaye.
isake bad do din gujar gaye. muliya ne kuchh nahin khaya aur panna bhi bhookhi rahi. ragghoo kabhi ise manata, kabhi use; par n yah uthati, n vah. akhir ragghoo ne hairan hokar muliya se poochha- kuchh munh se to kah, chahati kya hai?
muliya ne dharati ko sambodhit karake kaha- main kuchh nahin chahati, mujhe mere ghar pahuncha do.
ragghoo- achchha uth, bana-kha. pahuncha doonga.
muliya ne ragghoo ki or ankhen uthayi. ragghoo usaki soorat dekhakar dar gaya. vah madhury, vah mohakata, vah lavany gayab ho gaya tha. dant nikal aye the, ankhen phat gayi thin aur nathune phadak rahe the. angare ki-si lal ankhon se dekhakar boli- achchha, to kaki ne yah salah di hai, yah mntr padhaya hai? to yahan aisi kachchi nahin hoon. tum donon ki chhati par moong daloongi. ho kis pher men?
ragghoo- achchha, to moong hi dal lena. kuchh kha-pi legi, tabhi to moong dal sakegi.
muliya- ab to tabhi munh men pani daloongi, jab ghar alag ho jayaga. bahut jhel chuki, ab nahin jhela jata.

ragghoo sannate men a gaya. ek minat tak usake munh se avaz hi n nikali. alag hone ki usane svapn men bhi kalpana n ki thi. usane ganv men do-char parivaron ko alag hote dekha tha. vah khoob janata tha, roti ke sath logon ke hriday bhi alag ho jate hain. apane hamesha ke lie gair ho jate hain. phir unamen vahi nata rah jata hai, jo ganv ke aur adamiyon men. ragghoo ne man men than liya tha ki is vipatti ko ghar men n ane doonga; magar honahar ke samane usaki ek n chali. ah! mere munh men kalikh lagegi, duniya yahi kahegi ki bap ke mar jane par das sal bhi ek men nibah n ho saka. phir kisase alag ho jaoon? jinako god men khilaya, jinako bachchon ki tarah pala, jinake lie tarah-tarah ke kasht jhele, unhin se alag ho jaoon? apane pyaron ko ghar se nikal bahar karun? usaka gala phns gaya. kanpate hue svar men bola- too kya chahati hai ki main apane bhaiyon se alag ho jaoon? bhala soch to, kahin munh dikhane layaq rahoonga?
muliya- to mera in logon ke sath nibah n hoga.
ragghoo- to too alag ho ja. mujhe apane sath kyon ghasitati hai?
muliya- to mujhe kya tumhare ghar men mithaee milati hai? mere lie kya snsar men jagah nahin hai?
ragghoo- teri jaisi marji, jahan chahe rah. main apane gharavalon se alag nahin ho sakata. jis din is ghar men do choolhe jalenge, us din mere kaleje ke do tukade ho jaynge. main yah chot nahin sah sakata. tujhe jo takaliph ho, vah main door kar sakata hoon. mal-asabab ki malakin too hai hi, anaj-pani tere hi hath hai, ab rah kya gaya hai? agar kuchh kam-dhndha karana nahin chahati, mat kar. bhagavan ne mujhe samaee[12] di hoti, to main tujhe tinaka tak uthane n deta. tere yah sukumar hath-panv mehanat-mazadoori karane ke lie banaye hi nahin gaye hain; magar kya karun apana kuchh bas hi nahin hai. phir bhi tera ji koee kam karane ko n chahe, mat kar; magar mujhase alag hone ko n kah, tere pairon padata hoon.

muliya ne sir se anchal khisakaya aur jara samip akar boli- main kam karane se nahin darati, n baithe-baithe khana chahati hoon; magar mujhase kisi ki dhauns nahin sahi jati. tumhari hi kaki ghar ka kam-kaj karati hain, to apane lie karati hain, apane bal-bachchon ke lie karati hain. mujh par kuchh ehasan nahin karatin, phir mujh par dhauns kyon jamati hain? unhen apane bachche pyare honge, mujhe to tumhara asara hai. main apani ankhon se yah nahin dekh sakati ki sara ghar to chain kare, jara-jara-se bachche to doodh piyen, aur jisake bal-boote par grihasthi bani huee hai, vah matthe ko tarase. koee usako poochhanevala n ho. jara apana munh to dekho, kaisi soorat nikal ayi hai. auron ke to char baras men apane patthe taiyar ho jayenge. tum to das sal men khat par pad jaoge. baith jao, khade kyon ho? kya marakar bhagoge? main tumhen jabaradasti n bandh loongi, ya malakin ka hukm nahin hai? sach kahoon, tum bade kath-kaleji ho. main janati, aise nirmohie se pala padega, to is ghar men bhool se n ati. ati bhi to man n lagati, magar ab to man tumase lag gaya. ghar bhi jaoon, to man yahan hi rahega aur tum jo ho, meri bat nahin poochhate.
muliya ki ye rasili baten ragghoo par koee asar n dal sakin. vah usi rukhaee se bola- muliya, mujhase yah n hoga. alag hone ka dhyan karate hi mera man n jane kaisa ho jata hai. yah chot mujh se n sahi jayagi.
muliya ne parihas karake kaha- to choodiyan pahanakar andar baitho n! lao main moonchhen laga loon. main to samajhati thi ki tumamen bhi kuchh kas-bal hai. ab dekhati hoon, to nire mitti ke londe ho.
panna dalan men khadi donon ki batachit sun rahi thi. ab usase n raha gaya. samane akar ragghoo se boli- jab vah alag hone par tuli huee hai, phir tum kyon use jabaradasti milaye rakhana chahate ho? tum use lekar raho, hamare bhagavan malik hain. jab mahato[13] mar gaye the aur kahin patti ki bhi chhanh n thi, jab us vaqt bhagavan ne nibah diya, to ab kya dar? ab to bhagavan ki daya se tinon ladake sayane ho gaye hain, ab koee chinta nahin.
ragghoo ne ansoo-bhari ankhon se panna ko dekhakar kaha- kaki, too bhi pagal ho gayi hai kya? janati nahin, do rotiyan hote hi do man ho jate hain.

panna- jab vah manati hi nahin, tab tum kya karoge? bhagavan ki maraji hogi, to koee kya karega? paralabdh[14] men jitane din ek sath rahana likha tha, utane din rahe. ab usaki yahi maraji hai, to yahi sahi. tumane mere bal-bachchon ke lie jo kuchh kiya, vah bhool nahin sakati. tumane inake sir hath n rakha hota, to aj inaki n jane kya gati hoti, n jane kisake dvar par thokaren khate hote, n jane kahan-kahan bhikh mangate phirate. tumhara jas marate dam tak gaoongi. agar meri khal tumhare joote banane ke kam aye, to khushi se de doon. chahe tumase alag ho jaoon, par jis ghadi pukaroge, kutte ki tarah daudi aoongi. yah bhoolakar bhi n sochana ki tumase alag hokar main tumhara bura chetoongi. jis din tumhara anabhal[15] mere man men aega, usi din vish khakar mar jaoongi. bhagavan kare, tum doodhon nahao, pooton phalo! marate dam tak yahi asis mere roen-roen se nikalati rahegi aur agar ladake bhi apane bap ke hain. to marate dam tak tumhara pos[16] manenge.

yah kahakar panna roti huee vahan se chali gayi. ragghoo vahin moorti ki tarah baitha raha. asaman ki or takataki lagi thi aur ankhon se ansoo bah rahe the.

5

panna ki baten sunakar muliya samajh gayi ki apane pau barah hain. chatapat uthi, ghar men jhadoo lagayi, choolha jalaya aur kuen se pani lane chali. usaki tek[17] poori ho gayi thi.
ganv men striyon ke do dal hote hain- ek bahuon ka, doosara sason ka! bahuen salah aur sahanubhooti ke lie apane dal men jati hain, sasen apane men. donon ki pnchayaten alag hoti hain. muliya ko kuen par do-tin bahuen mil gayi. ek se poochha- aj to tumhari budhiya bahut ro-dho rahi thi.
muliya ne vijay ke garv se kaha- itane dinon se ghar ki malakin bani huee hain, raj-pat chhodate kise achchha lagata hai? bahan, main unaka bura nahin chahati: lekin ek adami ki kamaee men kahan tak barakat hogi. mere bhi to yahi khane-pine, pahanane-odhane ke din hain. abhi unake pichhe maro, phir bal-bachche ho jayn, unake pichhe maro. sari zindagi rote hi kat jay.
ek bahoo- budhiya yahi chahati hai ki yah sab janm-bhar laundi bani rahen. mota-jhota khaen aur padi rahen.
doosari bahoo- kis bharose par koee mare, apane ladake to bat nahin poochhen paraye ladakon ka kya bharosa? kal inake hath-pair ho jayenge, phir kaun poochhata hai! apani-apani mehariyon ka munh dekhenge. pahale hi se phatakar dena achchha hai, phir to koee kalnk n hoga.
muliya pani lekar gayi, khana banaya aur ragghoo se boli- jao, naha ao, roti taiyar hai.
ragghoo ne manon suna hi nahin. sir par hath rakhakar dvar ki taraph takata raha.
muliya- kya kahati hoon, kuchh sunaee deta hai, roti taiyar hai, jao naha ao.
ragghoo- sun to raha hoon, kya bahara hoon? roti taiyar hai to jakar kha le. mujhe bhookh nahin hai.
muliya ne phir nahin kaha. jakar choolha bujha diya, rotiyan uthakar chhinke par rakh din aur munh dhankakar let rahi.
jara der men panna akar boli- khana taiyar hai, naha-dhokar kha lo! bahoo bhi bhookhi hogi.
ragghoo ne jhunjhalakar kaha- kaki too ghar men rahane degi ki munh men kalikh lagakar kahin nikal jaoon? khana to khana hi hai, aj n khaoonga, kal khaoonga, lekin abhi mujhase n khaya jayaga. kedar kya abhi madarase se nahin aya?
panna- abhi to nahin aya, ata hi hoga.

panna samajh gayi ki jab tak vah khana banakar ladakon ko n khilayegi aur khud n khayegi ragghoo n khayega. itana hi nahin, use ragghoo se ladaee karani padegi, use jali-kati sunani padegi. use yah dikhana padega ki main hi usase alag hona chahati hoon, nahin to vah isi chinta men ghul-ghulakar pran de dega. yah sochakar usane alag choolha jalaya aur khana banane lagi. itane men kedar aur khunnoo madarase se a gaye. panna ne kaha- ao beta, kha lo, roti taiyar hai.
kedar ne poochha- bhiya ko bhi bula loon n?
panna- tum akar kha lo. usaki roti bahoo ne alag banayi hai.
khunnoo- jakar bhiya se poochh n aoon?
panna- jab unaka ji chahega, khayenge. too baithakar kha, tujhe in baton se kya matalab? jisaka ji chahega khayega, jisaka ji n chahega, n khayega. jab vah aur usaki bivi alag rahane par tule hain, to kaun manaye?
kedar- to kyon amma ji, kya ham alag ghar men rahenge?
panna- unaka ji chahe, ek ghar men rahen, ji chahe angan men divar dal len.
khunnoo ne daravaze par akar jhanka, samane phoos ki jhonpadi thi, vahin khat par pada ragghoo nariyal pi raha tha.
khunnoo- bhiya to abhi nariyal liye baithe hain.
panna- jab ji chahega, khayengen.
kedar- bhiya ne bhabhi ko danta nahin?
muliya apani kothari men padi sun rahi thi. bahar akar boli- bhiya ne to nahin danta ab tum akar danton.
kedar ke chehare ka rng ud gaya. phir jaban n kholi. tinon ladakon ne khana khaya aur bahar nikale. loo chalane lagi thi. am ke bag men ganv ke ladake-ladakiyan hava se gire hue am chun rahe the. kedar ne kaha- aj ham bhi am chunane chalen, khoob am gir rahe hain.
khunnoo- dada jo baithe hain?
lachhaman- main n jaoonga, dada ghudakenge.
kedar- vah to ab alag ho gaye.
lakshaman- to ab hamako koee marega, tab bhi dada n bolenge?
kedar- vah, tab kyon n bolenge?
ragghoo ne tinon ladakon ko daravaze par khade dekha, par kuchh bola nahin. pahale to vah ghar ke bahar nikalate hi unhen dant baithata tha, par aj vah moorti ke saman nishchal baitha raha. ab ladakon ko kuchh sahas hua. kuchh door aur age badhe. ragghoo ab bhi n bola, kaise bole? vah soch raha tha, kaki ne ladakon ko khila-pila diya, mujhase poochha tak nahin. kya usaki ankhon par bhi parada pad gaya hai; agar mainne ladakon ko pukara aur vah n ayen to? main unako mar-pit to n sakoonga. loo men sab mare-mare phirenge. kahin bimar n pad jayn. usaka dil masosakar rah jata tha, lekin munh se kuchh kah n sakata tha. ladakon ne dekha ki yah bilakul nahin bolate, to nirbhay hokar chal pade.

sahasa muliya ne akar kaha- ab to uthoge ki ab bhi nahin? jinake nam par phaka kar rahe ho, unhonne maje se ladakon ko khilaya aur ap khaya, ab aram se so rahi hain. ‘mor piya bat n poochhen, mor suhagin nanv.’ ek bar bhi to munh se n phoota ki chalo bhiya, kha lo.
ragghoo ko is samay marmantak pida ho rahi thi. muliya ke in kathor shabdon ne ghav par namak chhidak diya. dukhit netron se dekhakar bola- teri jo marji thi, vahi to hua, ab ja, dhol baja!
muliya- nahin, tumhare lie thali parose baithi hain.
ragghoo- mujhe chidha mat. tere pichhe main bhi badanam ho raha hoon. jab too kisi ki hokar nahin rahana chahati, to doosare ko kya garaj hai, jo teri khushamad kare? jakar kaki se poochh, ladake am chunane gaye hain, unhen pakad laoon?
muliya angootha dikhakar boli- yah jata hai. tumhen sau bar garaj ho, jakar poochho.
itane men panna bhi bhitar se nikal ayi. ragghoo ne poochha- ladake bagiche men chale gaye kaki, loo chal rahi hai.
panna- ab unaka kaun puchhattar[18] hai? bagiche men jayn, ped par chadhen, pani men dooben. main akeli kya-kya karun?
ragghoo- jakar pakad laoon?
panna- jab tumhen apane man se nahin jana hai, to phir main jane ko kyon kahoon? tumhen rokana hota, to rok n dete? tumhare samane hi to gaye honge?
panna ki bat poori bhi n huee thi ki ragghoo ne nariyal kone men rakh diya aur bag ki taraph chala.

6

ragghoo ladakon ko lekar bag se lauta, to dekha muliya abhi tak jhonpade men khadi hai. bola- too jakar kha kyon nahin leti? mujhe to is bela bhookh nahin hai.
muliya ainthakar boli- han, bhookh kyon lagegi! bhaiyon ne khaya, vah tumhare pet men pahunch hi gaya hoga.
ragghoo ne dant pisakar kaha- mujhe jala mat muliya, nahin achchha n hoga. khana kahin bhaga nahin jata. ek bela n khaoonga, to mar n jaunga! kya too samajhati hai, ghar men aj koee chhoti bat ho gayi hai? toone ghar men choolha nahin jalaya, mere kaleje men ag lagaee hai. mujhe ghamnd tha ki aur chahe kuchh ho jay, par mere ghar men phoot ka rog n ane payaga, par toone mera ghamnd choor kar diya. paralabdh ki bat hai.
muliya tinakakar boli- sara moh-chhoh tumhin ko hai ki aur kisi ko hai? main to kisi ko tumhari tarah bisoorate nahin dekhati.

ragghoo ne thndi sans khinchakar kaha- muliya, ghav par non n chhidak. tere hi karan meri pith men dhool lag rahi hai. mujhe is grihasthi ka moh n hoga, to kise hoga? mainne hi to ise mar-mar joda. jinako god men khelaya, vahin ab mere pattidar honge. jin bachchon ko main dantata tha, unhen aj kadi ankhon se bhi nahin dekh sakata. main unake bhale ke lie bhi koee bat karun, to duniya yahi kahegi ki yah apane bhaiyon ko loote leta hai. ja mujhe chhod de, abhi mujhase kuchh n khaya jayaga.
muliya- main kasam rakha doongi, nahin chupake se chale chalo.
ragghoo- dekh, ab bhi kuchh nahin bigada hai. apana hath chhod de.
muliya- hamara hi lahoo piye, jo khane n uthe.
ragghoo ne kanon par hath rakhakar kaha- yah toone kya kiya muliya? main to uth hi raha tha. chal kha loon. nahane-dhone kaun jay, lekin itana kahe deta hoon ki chahe char ki jagah chh: rotiyan kha jaoon, chahe too mujhe ghi ke matake hi men duba de, par yah dag mere dil se n mitega.
muliya— dag-sag sab mit jayaga. pahale sabako aisa hi lagata hai. dekhate nahin ho, udhar kaisi chain ki vnshi baj rahi hai, vah to mana hi rahi thin ki kisi tarah yah sab alag ho jayn. ab vah pahale ki-si chandi to nahin hai ki jo kuchh ghar men ave, sab gayab! ab kyon hamare sath rahane lagin?
ragghoo ne ahat svar men kaha— isi bat ka to mujhe gam hai. kaki se mujhe aisi asha n thi.
ragghoo khane baitha, to kaur vish ke ghoont-sa lagata tha. jan padata tha, rotiyan bhoosi ki hain. dal pani-si lagati. pani knth ke niche n utarata tha, doodh ki taraph dekha tak nahin. do-char gras khakar uth aya, jaise kisi priyajan ke shraddh ka bhojan ho.
rat ka bhojan bhi usane isi tarah kiya. bhojan kya kiya, kasam poori ki. rat-bhar usaka chitt udvign[19] raha. ek agyat shnka usake man par chhayi huee thi, jaise bhola mahato dvar par baitha ro raha ho. vah kee bar chaunkakar utha. aisa jan pada, bhola usaki or tiraskar ki ankhon se dekh raha hai.
vah donon joon bhojan karata tha, par jaise shatru ke ghar. bhola ki shokamagn moorti ankhon se n utarati thi. rat ko use nind n ati. vah ganv men nikalata, to is tarah munh churaye, sir jhukae mano go-hatya ki ho.

7

panch sal gujar gaye. ragghoo ab do ladakon ka bap tha. angan men divar khinch gayi thi, kheton men meden dal di gayi thin aur bail-bachhie bant liye gaye the. kedar ki umr ab unnis ki ho gayi thi. usane padhana chhod diya tha aur kheti ka kam karata tha. khunnoo gay charata tha. keval lachhaman ab tak madarase jata tha. panna aur muliya donon ek-doosare ki soorat se jalati thin. muliya ke donon ladake bahudha panna hi ke pas rahate. vahin unhen ubatan malati, vahi kajal lagati, vahi god men liye phirati, magar muliya ke munh se anugrah ka ek shabd bhi n nikalata. n panna hi isaki ichchhuk thi. vah jo kuchh karati nirvyaj[20] bhav se karati thi. usake do-do ladake ab kamaoo ho gaye the. ladaki khana paka leti thi. vah khud oopar ka kam-kaj kar leti. isake viruddh ragghoo apane ghar ka akela tha, vah bhi durbal, ashakt aur javani men boodha. abhi ayu tis varsh se adhik n thi, lekin bal khichadi ho gaye the. kamar bhi jhuk chali thi. khansi ne jirn kar rakha tha. dekhakar daya ati thi. aur kheti pasine ki vastu hai. kheti ki jaisi seva honi chahie, vah usase n ho pati. phir achchhi phasal kahan se ati? kuchh rin bhi ho gaya tha. vah chinta aur bhi mare dalati thi. chahie to yah tha ki ab use kuchh aram milata. itane dinon ke nirantar parishram ke bad sir ka bojh kuchh halka hota, lekin muliya ki svarthaparata aur adooradarshita ne laharati huee kheti ujad di. agar sab ek sath rahate, to vah ab tak penshan pa jata, maje men dvar par baitha hua nariyal pita. bhaee kam karate, vah salah deta. mahato bana phirata. kahin kisi ke jhagade chukata, kahin sadhu-snton ki seva karata. vah avasar hath se nikal gaya. ab to chintabhar din-din badhata jata tha.

akhir use dhima-dhima jvar rahane laga. hriday-shool, chinta, kada parishram aur abhav ka yahi puraskar hai. pahale kuchh paravah n ki. samajha ap hi ap achchha ho jayaga, magar kamazori badhane lagi, to dava ki fikr huee. jisane jo bata diya, kha liya, daktaron aur vaidyon ke pas jane ki samarthy kahan? aur samarthy bhi hoti, to rupaye kharch kar dene ke siva aur natija hi kya tha? jirn jvar ki aushadhi aram aur pushtikarak bhojan hai. n vah basnt-malati ka sevan kar sakata tha aur n aram se baithakar balavardhak bhojan kar sakata tha. kamazori badhati hi gayi.

panna ko avasar milata, to vah akar use tasalli deti; lekin usake ladake ab ragghoo se bat bhi n karate the. dava-daru to kya karate, usaka aur majak udate. bhaiya samajhate the ki ham logon se alag hokar sone aur eet rakh lenge. bhabhi bhi samajhati thin, sone se lad jaoongi. ab dekhen kaun poochhata hai? sisak-sisakakar n maren to kah dena. bahut ‘hay! hay!’ bhi achchhi nahin hoti. adami utana kam kare, jitana ho sake. yah nahin ki rupaye ke lie jan de de.
panna kahati— ragghoo bechare ka kaun dosh hai?
kedar kahata— chal, main khoob samajhata hoon. bhaiya ki jagah main hota, to dnde se bat karata. majak thi ki aurat yon zid karati. yah sab bhaiya ki chal thi. sab sadhi-badhi bat thi.
akhir ek din ragghoo ka timatimata hua jivan-dipak bujh gaya. maut ne sari chintaon ka ant kar diya.

ant samay usane kedar ko bulaya tha, par kedar ko ookh men pani dena tha. dara, kahin dava ke lie n bhej den. bahana bana diya.

8

muliya ka jivan andhakaramay ho gaya. jis bhoomi par usane manasoobon ki divar khadi ki thi, vah niche se khisak gayi thi. jis khoonten ke bal par vah uchhal rahi thi, vah ukhad gaya tha. ganvavalon ne kahana shuroo kiya, eeshvar ne kaisa tatkal dnd diya. bechari mare laj ke apane donon bachchon ko liye roya karati. ganv men kisi ko munh dikhane ka sahas n hota. pratyek prani usase yah kahata hua maloom hota tha—‘mare ghamand ke dharati par panv n rakhati thi: akhir saza mil gayi ki nahin !’ ab is ghar men kaise nirvah hoga? vah kisake sahare rahegi? kisake bal par kheti hogi? bechara ragghoo bimar tha. durbal tha, par jab tak jita raha, apana kam karata raha. mare kamazori ke kabhi-kabhi sir pakadakar baith jata aur jara dam lekar phir hath chalane lagata tha. sari kheti tahas-nahas ho rahi thi, use kaun snbhalega? anaj ki danthen[21] khalihan men padi thin, ookh alag sookh rahi thi. vah akeli kya-kya karegi? phir sinchaee akele adami ka to kam nahin. tin-tin mazadooron ko kahan se lae! ganv men mazadoor the hi kitane. adamiyon ke liye khincha-tani ho rahi thi. kya kare, kya n kare.

is tarah terah din bit gaye. kriya-karm se chhutti mili. doosare hi din savere muliya ne donon balakon ko god men uthaya aur anaj mandane chali. khalihan men pahunchakar usane ek ko to ped ke niche ghas ke narm bistar par sula diya aur doosare ko vahin baithakar anaj mandane lagi. bailon ko hankati thi aur roti thi. kya isilie bhagavan ne usako janm diya tha? dekhate-dekhate kya se kya ho gaya? inhin dinon pichhale sal bhi anaj manda gaya tha. vah ragghoo ke lie lote men sharabat aur matar ki ghunghani lekar ayi thi. aj koee usake n age hai, n pichhe, lekin kisi ki laundi to nahin hoon! use alag hone ka ab bhi pachhatava n tha.

ekaek chhote bachche ka rona sunakar usane udhar taka, to bada ladaka use chumakarakar kah raha tha— baiya tup raho, tup raho. dhire-dhire usake munh par hath pherata tha aur chup karane ke lie vikal tha. jab bachcha kisi tarah n chup n hua to vah khud usake pas let gaya aur use chhati se lagakar pyar karane laga; magar jab yah prayatn bhi saphal n hua, to vah rone laga.

usi samay panna daudi ayi aur chhote balak ko god men uthakar pyar karati huee boli— ladakon ko mujhe kyon n de ayi bahoo? hay! hay! bechara dharati par pada lot raha hai. jab main mar jaoon to jo chahe karana, abhi to jiti hoon, alag ho jane se bachche to nahin alag ho gaye.
muliya ne kaha— tumhen bhi to chhutti nahin thi amman, kya karati?
panna— to tujhe yahan ane ki aisi kya jaldi thi? danth mand n jati. tin-tin ladake to hain, aur kis din kam aenge? kedar to kal hi mandane ko kah raha tha; par mainne kaha, pahale ookh men pani de lo, phir aj mandana, mndaee to das din bad bhi ho sakati hai, ookh ki sinchaee n huee to sookh jayagi. kal se pani chadha hua hai, parason tak khet pur jayaga. tab mndaee ho jayagi. tujhe vishvas n ayaga, jab se bhaiya mare hain, kedar ko badi chinta ho gayi hai. din men sau-sau bar poochhata hai, bhabhi bahut roti to nahin hain? dekh, ladake bhookhe to nahin hain. koee ladaka rota hai, to dauda ata hai, dekh amman, kya hua, bachcha kyon rota hai? kal rokar bola—amman, main janata ki bhaiya itani jaldi chale jaynge, to unaki kuchh seva kar leta. kahan jagaye-jagaye uthata tha, ab dekhati ho, pahar rat se uthakar kam men lag jata hai. khunnoo kal jara-sa bola, pahale ham apani ookh men pani de lenge, tab bhaiya ki ookh men denge. is par kedar ne aisa danta ki khunnoo ke munh se phir bat n nikali. bola, kaisi tumhari aur kaisi hamari ookh? bhaiya ne zila n liya hota, to aj ya to mar gaye hote ya kahin bhikh mangate hote. aj tum bade ookhavale bane ho! yah unhin ka pun- paratap hai ki aj bhale adami bane baithe ho. parason roti khane ko bulane gayi, to mndaiya men baitha ro raha tha. poochha, kyon rota hai? to bola, amman, bhaiya isi ‘alagyojhe[22] ke du:kh se mar gaye, nahin abhi unaki umir hi kya thi! yah us vakt n soojha, nahin unase kyon bigad karate?
yah kahakar panna ne muliya ki or snketapoorn drishti se dekhakar kaha— tumhen vah alag n rahane dega bahoo, kahata hai, bhaiya hamare lie mar gaye to ham bhi unake bal-bachchon ke lie mar jaynge.
muliya ki ankhon se ansoo jari the. panna ki baton men aj sachchi vedana, sachchi santvana, sachchi chinta bhari huee thi. muliya ka man kabhi usaki or itana akarshit n hua tha. jinase use vyngy aur pratikar ka bhay tha, ve itane dayalu, itane shubhechchhu ho gaye the.
aj pahali bar use apani svarthaparata par lajja ayi. pahali bar atma ne alagyojhe par dhikkara.

9

is ghatana ko hue panch sal gujar gaye. panna aj boodhi ho gayi hai. kedar ghar ka malik hai. muliya ghar ki malakin hai. khunnoo aur lachhaman ke vivah ho chuke hain; magar kedar abhi tak kvanra hai. kahata hai— main vivah n karunga. kee jagahon se batachit huee, kee sagaiyan ayin: par usane hami n bhari. panna ne kampe lagaye, jal phailaye, par vah n phnsa. kahata— auraton se kaun sukh? mehariya ghar men ayi aur adami ka mizaj badala. phir jo kuchh hai, vah mehariya hai. man-bap, bhaee-bandhu sab paraye hain. jab bhaiya jaise adami ka mizaj badal gaya, to phir doosaron ki kya ginati? do ladake bhagavan ke diye hain aur kya chahie. bina byah kie do bete mil gaye, isase badhakar aur kya hoga? jise apana samajho vah apana hai; jise gair samajho, vah gair hai.
ek din panna ne kaha— tera vnsh kaise chalega?
kedar— mera vnsh to chal raha hai. donon ladakon ko apana hi samajhata hoon.
panna— samajhane hi par hai, to too muliya ko bhi apani mehariya samajhata hoga?
kedar ne jhenpate hue kaha— tum to gali deti ho amman!
panna— gali kaisi, teri bhabhi hi to hai!
kedar— mere jaise latth-gnvar ko vah kyon poochhane lagi!
panna— too karane ko kah, to main usase poochhoon?
kedar— nahin meri amman, kahin rone-gane n lage.
panna— tera man ho, to main baton-baton men usake man ki thah loon?
kedar— main nahin janata, jo chahe kar.
panna kedar ke man ki bat samajh gayi. ladake ka dil muliya par aya hua hai, par snkoch aur bhay ke mare kuchh nahin kahata.
usi din usane muliya se kaha— kya karun bahoo, man ki lalasa man men hi rah jati hai. kedar ka ghar bhi bas jata, to main nishchint ho jati.
muliya— vah to karane ko hi nahin kahate.
panna— kahata hai, aisi aurat mile, jo ghar men mel se rahe, to kar loon.
muliya— aisi aurat kahan milegi? kahin dhoondho.
panna— mainne to dhoondh liya hai.
muliya— sach, kis ganv ki hai?
panna- abhi n bataoongi, muda[23] yah janati hoon ki usase kedar ki sagaee ho jay, to ghar ban jay aur kedar ki zindagi bhi suphal ho jay. n jane ladaki manegi ki nahin.
muliya— manegi kyon nahin amman, aisa sundar kamaoo, sushil var aur kahan mila jata hai? us janam ka koee sadhu-mahatma hai, nahin to ladaee-jhagade ke dar se kaun bin byaha rahata hai. kahan rahati hai, main jakar use mana laoongi.
panna— too chahe, to use mana le. tere hi oopar hai.
muliya— main aj hi chali jaoongi, amma, usake pairon padakar mana laoongi.
panna— bata doon, vah too hi hai!
muliya lajakar boli— tum to amman ji, gali deti ho.
panna— gali kaisi, devar hi to hai!
muliya— mujh jaisi budhiya ko vah kyon poochhenge?
panna— vah tujhi par dant lagaye baitha hai. tere siva koee aur use bhati hi nahin. dar ke mare kahata nahin; par usake man ki bat main janati hoon.
vaidhavy ke shok se murajhaya hua muliya ka pitavadan kamal ki bhanti arun ho utha. das varsho men jo kuchh khoya tha, vah isi ek kshan men manon byaj ke sath mil gaya. vahi lavany, vahi vikas, vahi akarshan, vahi loch!

tika tippani aur sndarbh

  1. ashrit ban kar
  2. vaqt, samay
  3. ganna / eekh
  4. ganne ke chhilakar kiye gaye chhote tukade jo choose jate hain
  5. sing vale palatoo pashu, jaise- gay, bhains adi
  6. jari kiya hua, kisi dey dhanarashi men se kata gaya vah dhan jo kisi hisab se prapy ho, jaise- panch sau rupaye milane the, sau rupaye mujara ho gaye.
  7. mayaka
  8. stri, nari, patni
  9. rajavnsh ka vyakti, chhota raja, kshatriy, samnt, saradar
  10. ladaee jhagada rokane ke lie samajhane bujhane ki kriya
  11. (gramon men) ann rakhane ka kotha
  12. samarthy, samarthata
  13. ganv ka mukhiya/pradhan, biradari ka pradhan ya chaudhari
  14. prarabdh men, bhagy men
  15. jo bhala na ho, bura
  16. posane ya palane-posane ki kriya/bhav, palan poshan
  17. nishchay, snkalp, hath karana, pratigya
  18. bat poochhane vala, (kisi ki) chinta karane vala
  19. du:khi, shokagrast, chintit, ghabaraya hua, vikal
  20. chhal kapat se rahit, nishkapat, nishchhal, eemanadar
  21. dnthal, paudhon ka tana, jo dnd ke saman lamba aur patala hota hai
  22. snyukt parivar ka vibhajan / bntavara
  23. deshaj shabd jisaka arth hai lekin, parntu

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah