कप्तान साहब -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jagat sinh ko skool jan kunain khane ya machhali ka tel pine se kam apriy n tha. vah sailani, avara, ghumakkad yuvak than kabhi amarood ke bagon ki or nikal jata aur amaroodon ke sath mali ki galiyaaun bade shauq se khata. kabhi dariya ki sair karata aur mallahon ko dongiyon men baithakar us par ke dehaton men nikal jata. galiyaaun khane men use maja ata tha. galiyaaun khane ka koee avasar vah hath se n jane deta. savar ke ghode ke pichhe tali bajana, ekko ko pichhe se pakad kar apani or khinchana, boodhon ki chal ki nakal karana, usake manornjan ke vishay the. alasi kam to nahin karata; par durvyasanon ka das hota hai, aur durvyasan dhan ke bina poore nahin hote. jagatasinh ko jab avasar milata ghar se rupaye uda le jat. nakad n mile, to baratan aur kapade utha le jane men bhi use snkoch n hota tha. ghar men shishiyaaun aur botalen thin, vah sab usane ek-ek karake gudadi bazar pahuncha di. purane dinon ki kitani chizen ghar men padi thin, usake mare ek bhi n bachi. is kala men aisa daksh or nipun tha ki usaki chaturaee aur patuta par ashchary hota tha. ek bar bahar hi bahar, keval karnison ke sahare apane do-mnjila makan ki chhat par chadh gaya aur oopar hi se pital ki ek badi thali lekar utar aya. ghar valen ko ahat tak n mili.

usake pita thakur bhakt sihn apane kasbe ke dakakhane ke munshi the. aphasaron ne unhen shahar ka dakakhana badi daud-dhoop karane par diya tha; kintu bhakt sinh jin iradon se yahan aye the, unamen se ek bhi poora n hua. ulati hani yah huee ki dehato men jo bhaji-sag, upale-eedhan muft mil jate the, ve sab yahan bnd ho gaye. yahan sabase purana gharanv than n kisi ko daba sakate the, n sata sakate the. is duravastha men jagatasinh ki hathalapakiyaaun bahut akharatin. anhonne kitani hi bar use badi nirdayata se pita. jagatasinh bhimakay hone par bhi chupake men mar kha liya karata than agar vah apane pita ke hath pakad leta, to vah hal bhi n sakate; par jagatasinh itana sinajor n tha. han, mar-pit, ghudaki-dhamaki kisi ka bhi us par asar n hota tha.

jagatasinh jyon hi ghar men qadam rakhata; charon or se kaaunv-kaaunv mach jati, maaun dur-dur karake daudati, bahane galiyaaun den lagati; mano ghar men koee saaund ghus aya ho. ghar tale usaki soorat se jalate the. in tiraskaron ne use nirlajj bana diya than kashton ke gyan se vah nirdvandv-sa ho gaya tha. jahan nind a jati, vahin pad rahata; jo kuchh mil jat, vahi kha leta.

jyon-jyon ghar valen ko usaki chor-kala ke gupt sadhanon ka gyan hota jata tha, ve usase chaukanne hote jate the. yahan tak ki ek bar poore mahine-bhar tak usaki dal n gali. charas vale ke kee rupaye oopar chadh gaye. gaaunje vale ne dhuandhar takaje karane shuroo kiy. halavaee kadavi baten sunane laga. bechare jagath ko nikalana mushkil ho gaya. rat-din tak-jhaaunk men rahata; par ghat n milat thi. akhir ek din billi ke bhagon chhinka toota. bhaktasinh dopahar ko dakakhanen se chale, jo ek bima-rajistri jeb men dal li. kaun jane koee harakara ya dakiya shararat kar jae; kintu ghar aye to liphaphe ko achakan ki jeb se nikalane ki sudhi n rahi. jagatasinh to tak lagaye hue tha hi. pese ke lobh se jeb tatoli, to liphapha mil gaya. us par kee ane ke tikat lage the. vah kee bar tikat chura kar adhe damon par bech chuka tha. chat liphapha uda diya. yadi use maloom hota ki usamen not hen, to kadachit vah n chhoota; lekin jab usane liphapha phad dala aur usamen se not nik pade to vah bade snkat men pad gaya. vah phata hua liphapha gala-phad kar usake dushkrity ko dhikkarane laga. usaki dasha us shikari ki-si ho gayi, jo chidiyon ka shikar karane jae aur anajan men kisi adami par nishana mar de. usake man men pashchatap tha, lajja thi, du:kh tha, par use bhool ka dnd sahane ki shakti n thi. usane not liphaphe men rakh diye aur bahar chala gaya.

garami ke din the. dopahar ko sara ghar so raha tha; par jagath ki ankhen men nind n thi. aj usaki buri tarah kundi hogi— isamen sndeh n tha. usaka ghar par rahana thik nahin, das-paaunch din ke lie use kahin khisak jana chahie. tab tak logon ka krodh shant ho jata. lekin kahin door gaye bina kam n chalega. basti men vah krodh din tak agyatavas nahin kar sakata. koee n koee zaroor hi usaka pata dega or vah pakad liya jayaga. door jane kek lie kuchh n kuchh kharch to pas hona hi chahie. kyon n vah liphaphe men se ek not nikal le? yah to maloom hi ho jayaga ki usi ne liphapha phada hai, phir ek not nikal lene men kya hani hai? dada ke pas rupaye to he hi, jhak mar kar de denge. yah sochakar usane das rupaye ka ek not uda liya; magar usi vakt usake man men ek nayi kalpana ka pradurbhav hua. agar ye sab rupaye lekar kisi doosare shahar men koee dookan khol le, to bada maja ho. phir ek-ek paise ke lie use kyon kisi ki chori karani pade! kuchh dinon men vah bahut-sa rupaya jama karake ghar ayega; to log kitane chakit ho jaeenge!

usane liphaphe ko phir nikala. usamen kul do sau roope ke not the. do sau men doodh ki dookan khoob chal sakati hai. akhir murari ki dookan men do-char kadhav aur do-char pital ke thalon ke siva aur kya hai? lekin kitane that se rahata he! rupayon ki charas uda deta he. ek-ek daaunv par das-das roope rakh deta hai, napha n hota, to vah that kahan se nibhata? is ananad-kalpana men vah itana magn hua ki usaka man usake kaboo se bahar ho gaya, jaise pravah men kisi ke paaunv ukhad jaeen or vah laharon men bah jae.

usi din sham ko vah bambee chal diya. doosare hi din munshi bhaktasinh par gaban ka mukadama dayar ho gaya.

2


bambee ke kile ke maidan men baind baj raha tha aur rajapoot rejiment ke sajile sundar javan kavayad kar rahe the, jis prakar hava badalon ko ne-ne roop men banati aur bigadati hai, usi bhaaunti sena nayak sainikon ko ne-ne roop men banati aur bigadati hai, usi bhaaunti sena nayak sainikon ko ne-ne roop men bana bigad raha tha.

jab kavayad khatam ho gayi, to ek chharahare dil ka yuvak nayak ke samane akar khada ho gaya. nayak ne poochha—kya nam hai? sainik ne fauji salam karake kaha—jagatasinh?

‘kya chahate ho.’

‘fauj men bharati kar lijie.’

‘marane se to nahin darate?’

‘bilakul nahin—rajapoot hoon.’

‘bahut kadi mehanat karani padegi.’

‘isaka bhi dar nahin.’

‘adan jana padega.’

‘khushi se jaoonga.’

kaptan ne dekha, bala ka hajir-javab, manachala, himmat ka dhani javan hai, turnt fauj men bharati kar liya. tisare din rejiment adan ko ravana hua. magar jyon-jyon jahaz age chalata tha, jagath ka dil pichhe rah jata tha. jab tak zamin ka kinara najar ata raha, vah jahaz ke dek par khada anurakt netron se use dekhata raha. jab vah bhoomi-tat jal men vilin ho gaya to usane ek thndi saauns li aur munh dhaaunp kar rone laga. aj jivan men pahali bar use priyajanon ki yad ayi. vah chhota-sa qasba, vah gaaunje ki dookan, vah sair-sapate, vah suhood-mitron ke jamaghat ankhon men phirane lage. kaun jane, phir kabhi unase bhent hogi ya nahin. ek bar vah itana bechain hua ki ji men ay, pani men kood pade.

3


jagatasinh ko adan men rahate tin mahine gujar ge. bhaaunti-bhaaunti ki navinataon ne kee din tak use mugdh kiye rakha; lekinah purane snskar phir jagrat hone lage. ab kabhi-kabhi use snehamayi mata ki yad ane lagi, jo pita ke krodh, bahanon ke dhikkar aur svajanon ke tiraskar men bhi usaki raksha karati thi. use vah din yad aya, jab ek bar vah bimar pada tha. usake bachane ki koee asha n thi, par n to pita ko usaki kuchh chinta thi, n bahanon ko. keval mata thi, jo rat ki rat usake sirahane baithi apani madhur, snehamayi baton se usaki pida shant karati rahi thi. un dinon kitani bar usane us devi ko niv ratri men rote dekha tha. vah svayn rogon se jirjh ho rahi thi; lekin usaki seva-shushroosha men vah apani vyatha ko aisi bhool gayi thi, mano use koee kasht hi nahin. kya use mata ke darshan phir honge? vah isi kshobh or nerashy men samudr-tat par chala jata aur ghanton annt jal-pravah ko dekha karata. kee dinon se use ghar par ek patr bhejane ki ichchha ho rahi thi, kintu lajja aur glanik kake karan vah talata jata tha. akhir ek din usase n raha gaya. usane patr likha aur apane aparadhon ke lie kshama maaung. patr adi se ant tak bhakti se bhara hua than ant men usane in shabdon men apani mata ko ashvasan diya tha—mata ji, maine bade-bade utpat kiy hen, ap leg mujhase tng a gayi thi, mai un sari bhoolon ke lie sachche hriday se lajjit hoon aur apako vishvas dilata hoon ki jita raha, to kuchh n kuchh karake dikhaoonga. tab kadachit apako mujhe apana putr kahane men snkoch n hoga. mujhe arshivad dijie ki apani pratigya ka palan kar sakoon.’

yah patr likhakar usane dakakhane men chhoda aur usi din se uttar ki pratiksha karane laga; kintu ek mahina gujar gaya aur koee javab n aya. asaka ji ghabadane laga. javab kyon nahin ata—kahin mata ji bimar to nahin hain? shayad dada ne krodh-vash javab n likha hoga? koee aur vipatti to nahin a padi? kaimp men ek vriksh ke niche kuchh sipahiyon ne shaligram ki ek moorti rakh chhodi thi. kuchh shraddhaloo sainik roj us pratima par jal chadhaya karate the. jagatasinh unaki hnsi udaya karata; par ap vah vikshipton ki bhaaunti pratima ke sammukh jakar badi der tak mastak jhukaye betha raha. vah isi dhyanavastha men baitha tha ki kisi ne usaka nam lekar pukar, yah daftar ka chaparasi tha aur usake nam ki chitthi lekar aya than jagatasinh ne patr hath men liya, to usaki sari deh kaaunp uthi. eeshvar ki stuti karake usane liphapha khola or patr padha. likha tha—‘tumhare dada ko gaban ke abhiyog men paaunch varsh ki saza ho gee. tumhari mata is shok men maranasann hai. chhutti mile, to ghar chale ao.‘

jagatasinh ne usi vakt kaptan ke pas jakar kah —‘huzoor, meri maaun bimar hai, mujhe chhutti de dijie.’

kaptan ne kathor ankhon se dekhakar kaha—abhi chhutti nahin mil sakati.

‘to mera istipha le lijie.’

‘abhi istipha nahin liya ja sakata.’ ‘mai ab ek kshan bhi nahin rah sakata.’

‘rahana padega. tum logon ko bahut jald labh par jana padega.’

‘ladaee chhid gayi! ah, tab main ghar nahin jaoonga? ham log kab tak yahan se jaeenge?’

‘bahut jald, do hi char dinon men.’

4


char varsh bit ge. kaiptan jagatasinh ka-sa yoddha us rejiment men nahin hain. kathin avasthaon men usaka sahas aur bhi uttejit ho jata hai. jis mahim men sabaki himmate javab de jati hai, use sar karana usi ka kam hai. halle aur dhave men vah sadaiv sabase age rahata hai, usaki tyoriyon par kabhi mail nahin ata; usake sath hi vah itana vinamr, itana gnbhir, itana prasannachit hai ki sare aphasar or matahat usaki badaee karate hain, usaka punarjitan-sa ho gaya. us par aphasaron ko itana vishvas hai ki ab ve pratyek vishay men usase paramarsh karate hen. jisase poochhie, vahi vir jagatasinh ki viroodavali suna dega—kaise usane jarmanon ki megajin men ag lagayi, kaise apane kaptan ko mashinaganon ki mar se nikala, kaise apane ek matahat sipahi ko kndhe par lekar nil aya. aisa jan padata hai, use apane pranon ka moh nahi, mano vah kal ko khojata phirata ho!

lekin nity ratri ke samay, jab jagatasinh ko avakash milata hai, vah apani chholadari men akele baithakar gharavalon ki yad kar liya karata hai—do-char ansoo ki bnde avashy gira deta he. vah pratimas apane vetan ka bada bhag ghar bhej deta hai, aur aisa koee saptah nahin jata jab ki vah mata ko patr n likhata ho. sabase badi chinta use apane pita ki hai, jo aj usi ke dushkarmo ke karan karavas ki yatana jhel rahe hain. hay! vah kaun din hoga, jab ki vah unake charanon par sir rakhakar apana aparadh kshama karayega, aur vah usake sir par hath rakhakar arshivad denge?

5


sava char varsh bit ge. sndhya ka samay hai. naini jel ke dvar par bhid lagi huee hai. kitane hi kaidiyon ki miyad poori ho gayi hai. unhen liva jane ke lie unake gharavale aye hue hai; kintu boodha bhaktasinh apani andheri kothari men sir jhukaye udas baitha hua hai. usaki kamar jhuk kar kaman ho gayi hai. deh asthi-pnjar-matr rah gayi he. aisa jan padata hen, kisi chatur shilpi ne ek akal- pidit manushy ki moorti banakar rakh di hai. usaki bhi miyad poori ho gayi hai; lekin usake ghar se koee nahin aya. aye kaun? ane val tha hi kaun?

ek boodh kintu hrisht-pusht kaidi ne akar usak kndha hilaya aur bola—kaho bhagat, koee ghar se aya?

bhaktasinh ne knpit knth-svar se kaha—ghar par hai hi kaun?

‘ghar to chaloge hi?’

‘mere ghar kahan hai?’

‘to kya yahi pade rahonge?’

‘agar ye log nikal n denge, to yahin pada rahoonga.’

aj char sal ke bad bhagatasinh ko apane pratadit, nirvasit putr ki yad a rahi thi. jisake karan jitan ka sarvanash ho gaya; abaroo mit gayi; ghar barabad ho gaya, usaki smriti bhi asahay thi; kintu aj nairashy or du:kh ke athah sagar men doobate hue unhonne usi tinake ka sahar liyan n-jane us bechare ki kya dakhsha huee. lakh bura hai, to bhi apana ladaka he. khanadan ki nishani to he. maroonga to char ansoo to bahayega; do chilloo pani to dega. hay! maine usake sath kabhi prem ka vyavahar nahin kiyan jara bhi shararat karata, to yamadoot ki bhaaunti usaki gardan par savar ho jata. ek bar rasoee men bina pair dhoye chale jane ke dnd men mene use ulata lataka diya tha. kitani bar keval zor se bolane par mainne us vamache lagaye the. putr-sa ratn pakar mainne usaka adar n kiyan usi ka dnd hai. jahan prem ka bandhan shithil ho, vahan parivar ki raksha kaise ho sakati hai?

6


sabera hua. asha ki soory nikala. aj usaki rashmiyaaun kitani komal aur madhur thin, vayu kitani sukhad, akash kitana manohar, vriksh kitane hare-bhare, pakshiyon ka kalarav kitana mitha! sari prakriti ash ke rng men rngi huee thi; par bhaktasinh ke lie charon or dhare andhakar tha.

jel ka aphasar aya. kaidi ek pnkti men khade hue. aphasar ek-ek ka nam lekar rihaee ka paravana dene laga. kaidiyon ke chehare asha se praphulit the. jisaka nam ata, vah khush-khush aphasar ke pas jat, paravana leta, jhukakar salam karata aur tab apane vipattikal ke sngiyon se gale milakar bahar nikal jata. usake gharavale daudakar usase lipat jate. koee paise luta raha tha, kahin mithaiyaaun baaunti ja rahi thin, kahin jel ke karmachariyon ko inam diya ja raha tha. aj narak ke putale vinamrata ke devata bane hue the.

ant men bhaktasinh ka nam aya. vah sir jhukaye ahista-ahista jelar ke pas gaye aur udasin bhav se paravana lekar jel ke dvar ki or chale, mano samane koee samudr laharen mar raha hai. dvar se bahar nikal kar vah zamin par baith gaye. kahan jaen?

sahasa unhonne ek sainik aphasar ko ghode par savar, jel ki or ate dekha. usaki deh par khaki varadi thi, sir par karachobi safa. ajib shan se ghode par baitha hua tha. usake pichhe-pichhe ek phitan a rahi thi. jel ke sipahiyon ne aphasar ko dekhate hi bandooken snbhali aur lain men khade hakar salam kiya.

bhaktasasinh ne man men kaha—ek bhagyavan vah hai, jisake lie phitan a rahi hai; or ek abhaga mai hoon, jisaka kahin thikana nahin.

fauji aphasar ne idhar-udhar dekha aur ghode se utar kar sidhe bhaktasinh ke samane akar khada ho gaya.

bhaktasinh ne use dhyan se dekha aur tab chaunkakar uth khade hue aur bole—are! beta jagatasinh!

jagatasinh rota hua unake pairon par gir pada.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah