गिला -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jivan ka bada bhag isi ghar men gujar gaya, par kabhi aram n nasib hua. mere pati snsar ki drishti men bade sajjan, bade shisht, bade udar, bade saumy honge; lekin jis par gujarati hai vahi janata hai. snsar ko un logon ki prashnsa karane men annd ata hai, jo apane ghar ko bhad men jhonk rahe hon, gairon ke pichhe apana sarvanash kiye dalate hon. jo prani gharavalon ke lie marata hai, usaki prashnsa snsaravale nahin karate. vah to unaki drishti men svarthi hai, kripan hai, snkirn hriday hai, achar-bhrasht hai. isi tarah jo log baharavalon ke lie marate hain, unaki prashnsa gharavale kyon karane lage? ab inhin ko dekho, sare din mujhe jalaya karate hain. main parada to nahin karati; lekin saude-sulaph ke lie bazar jana bura maloom hota hai. aur, inaka yah hal hai, ki chiz mngavao, to aisi dukan se layenge, jahan koee grahak bhoolakar bhi n jata ho. aisi dukan par n to chiz achchhi milati hai, n taul thik hoti hai, n dam hi uchit hote hain. yah dosh n hote, to vah dukan badanam hi kyon hoti; par inhen aisi hi gayi-biti dukanon ki chizen lane ka maraj hai. bar-bar kah diya, sahab ki chalati huee dukan se saude laya karo. vahan mal adhik khapata hai, isalie taja mal ata rahata hai; par inaki to tutapunjiya se banati hai, aur ve inhen ulte chhure se moondate hain. gehoon layenge, to sare bazar se kharab, ghuna hua chaval, aisa mota ki bail bhi n poochhe, dal men karaee aur knkad bhare hue. manon lakadi jala dalo, kya majal ki gale ! ghi layenge to adha adha tel, ya solahon ane katojem aur darasal ghi se ek chhatank kam ! tel layenge to milavat, balon men dalo, to chimat jayen; par dam de ayenge shuddh anvale ke tel ka ! kisi chalati huee nami dukan par jate to inhen jaise dar lagata hai. shayad oonchi dukan aur phike pakavan ke kayal hain. mera anubhav to yah hai, ki nichi dukan par hi sade pakavan milate hain.

ek din ki bat ho, to baradasht kar li jay. roj-roj ka tnta nahin saha jata. main poochhati hoon; akhir ap tutapunjiyon ki dukan par jate hi kyon hain? kya unake palan-poshan ka thika tumhin ne liya hai? ap pharamate hain, mujhe dekhakar sab-ke-sab bulane lagate hain. vah kya kahana hai ! kitani door ki bat kahi hai. jara inhen bula liya aur khushamad ke do shabd suna diye, thodi-si stuti kar di, bas apaka mizaj asaman par ja pahuncha. phir inhen sudhi nahin rahati ki yah kooda-karakat bandh raha hai ya kya. poochhati hoon, tum us raste se jate hi kyon ho? kyon kisi doosare raste se nahin jate. aise uthaeegiron ko munh hi kyon lagate ho? isaka koee javab nahin? ek chup sau badhaon ko harati hai?

ek bar ek gahana banavane ko diya. main to mahashay ko janati thi. inase kuchh poochhana vyarth samajha. apane pahachan ke ek sunar ko bula rahi thi. snyog se ap bhi virajaman the. bole yah snpraday vishvas ke yogy nahin, dhokha khaogi. main ek sunar ko janata hoon, mere sath ka padha hua hai, barason sath-sath khele hain, vah mere sath chalabaji nahin kar sakata. mainne bhi samajha, jab inaka mitr hai aur vah bhi bachapan ka, to kahan tak dosti ka hak n nibhayega. sone ka ek abhooshan aur sau rupaye inake havale kiye. is bhalemanas ne vah abhooshan aur rupaye n jane kis beeeman ko de diye ki barason ke jhnjhat ke bad jab chiz banakar ayi, to ath ane tanba aur itani bhaddi ki dekhakar ghin lagati thi. barason ki abhilasha dhool men mil gayi. ro-pitakar baith rahi. aise-aise vafadar to inake mitr hain; jinhen mitr ki garadan par chhuri pherane par bhi snkoch nahin. inaki dosti bhi unhin logon se hai, jo jamane bhar ke jattoo, girahakat, lngoti men phag khelanevale, phakemast hain, jinaka udyam hi in jaise ankh ke andhon se dosti ganthana hai. nity hi ek-n-ek mahashay udhar mangane ke lie sir par savar rahate hain aur bina liye gala nahin chhodate. magar aisa kabhi n hua ki kisi ne rupaye chukaye hon. adami ek bar khokar sikhata hai, do bar khokar sikhata hai, kintu yah bhalemanas hazar bar khokar bhi nahin sikhate ! jab kahati hoon, rupaye to de aye. ab mang kyon nahin late ! kya mar gaye tumhare vah dost? to bas bagalen jhankakar rah jate hain. apase mitron ko sookha javab nahin diya jata. khair, sookha javab n do. main bhi nahin kahati ki doston se bemurauvati karo; magar chikani-chupadi baten to bana sakate ho, bahane to kar sakate ho. kisi mitr ne rupaye mange aur apake sir par bojh pada.

bechare kaise inakar karen. akhir log jan jayenge ki nahin ki yah mahashay bhi khukkhal hi hain ! inaki havis yah hai ki duniya inhen snpann samajhati rahe, chahe mere gahane hi kyon n giron rakhane paden. sach kahati hoon, kabhi-kabhi to ek-ek paise ki tngi ho jati hai aur in bhale adami ko rupaye jaise ghar men katate hain. jab tak rupaye ke vare-nyare n kar len, inhen chain nahin. inake karatoot kahan tak gaoon. meri to nak men dam a gaya. ek-n-ek mehaman roj yamaraj ki bhanti sir par savar rahate hain. n jane kahan ke bephikre inake mitr hain. koee kahin se akar marata hai, koee kahin se. ghar kya hai, apahijon ka adda hai. jara-sa to ghar, mushkil se do palng, odhana-bichhauna bhi falatoo nahin, magar ap hain ki mitron ko nimntran dene ko taiyar ! ap to atithi ke sath letenge, isalie inhen charapaee bhi chahie, odhana-bichhauna bhi chahie, nahin to ghar ka parada khul jay. jata hai mere bachchon ke sir, garamiyon men to khair koee mujayaka nahin; lekin jadon men to eeshvar hi yad ate hain. garamiyon men bhi khuli chhat par to mehamanon ka adhikar ho jata hai, ab main bachchon ko liye pinjade men padi phadaphadaya karoon. inhen itani samajh bhi nahin, ki jab ghar ki yah dasha hai; to kyon aison ko mehaman banayen, jinake pas kapade-latte tak nahin. eeshvar ki daya se inake sabhi mitr isi shreni ke hain. ek bhi aisa maee ka lal nahin, jo samay padane par dhele se bhi inaki madad kar sake. do-ek bar mahashay ko isaka anubhav- atynt katu anubhav ho chuka hai; magar is jad bharat ne jaise ankhen n kholane ki kasam kha li hai. aise hi daridr bhattacharyon se inaki patati hai. shahar men itane lakshmi ke putr hain, par apaka kisi se parichay nahin. unake pas jate inaki atma dukhati hai. dosti ganthenge aison se, jinake ghar men khane ka thikana nahin.

ek bar hamara kahar, chhodakar chala gaya aur kee din koee doosara kahar, n mila. kisi chatur aur kushal kahar ki talash men thi; kintu apako jald-se-jald koee adami rakh lene ki dhun savar ho gayi. ghar ke sare kam poorvavath chal rahe the, par apako maloom ho raha tha ki gadi ruki huee hai. mera joothe baratan manjana aur apana sag-bhaji ke lie bazar jana inake lie asahy ho utha. ek din jane kahan se ek bangadoo ko pakad laye. usaki soorat kahe deti thi ki koee jangaloo hai; magar apane usaka aisa bakhan kiya, ki kya kahoon. bada hoshiyar hai, bada agyakari, parale sire ka mehanati, gajab ka salikedar aur bahut hi eemanadar. khair, mainne use rakh liya. main bar-bar kyon inaki baton men a jati hoon, isaka mujhe svayn ashchary hai. yah adami keval roop se adami tha. adamiyat ke aur koee lakshan usamen n the. kisi kam ki tamij nahin. beeeman n tha; par gadha avval daraje ka. beeeman hota, to kam-se-kam itani taskin to hoti ki khud kha jata hai. abhaga dukanadaron ke hathon lut jata tha. das tak ki ginati use n ati thi. ek rupaya dekar bazar bhejoon to sndhya tak hisab n samajha sake. krodh pi-pikar rah jati thi. rakt khaulane lagata tha ki dusht ke kan ukhad loon, magar in mahashay ko use kabhi kuchh kahate nahin dekha, dantana to door ki bat hai. ap naha-dhokar dhoti chhant rahe hain aur vah door baitha tamasha dekh raha hai. main to bacha ka khoon pi jati; lekin inhen jara bhi gam nahin. jab mere dantane par dhoti chhantane jata bhi, to ap use samip n ane dete. bas, usake doshon ko gun banakar dikhaya karate the; aur is prayas men saphal n hote, to doshon par parada dal dete the. moorkh ko jhadoo lagane ki tamij n thi. maradana kamara hi to sare ghar men dhng ka ek kamara hai. usamen jhadoo lagata, to idhar ki chiz udhar, oopar ki niche; mano kamare men bhooknp a gaya ho. aur gard ka yah hal, ki sans lena kathin; par ap shantipoorvak kamare men baithe hain, jaise koee bat hi nahin. ek din mainne use khoob danta- kal se thik-thik jhadoo n lagaee to kan pakad kar nikal doongi. sabere sokar uthi, to dekhati hoon kamare men jhadoo lagi huee hai aur harek chiz karine se rakhi huee hai. gardagubar ka nam nahin. main chakit hokar dekhane lagi, to ap hnsakar bole- dekhati kya ho; aj ghoore ne bade sabere uthakar jhadoo lagaee hai. mainne samajha diya. tum dhng to batati nahin, ulate dantane lagati ho.

mainne samajha. khair, dusht ne kam-se-kam ek kam to salike se kiya.ab roj kamara saph-suthara milata. ghoore meri drishti men vishvasi banane laga. snyog ki bat ek din main jara mamool se sabere uth baithi aur kamare men ayi, to kya dekhati hoon ki ghoore dvar par khada hai, aur ap tan-man se kamare men jhadoo laga rahe hain. meri ankho men khoon utar aya. unake hath se jhadoo chhin kar ghoore ke sir jama di. haramakhor ko usi dam nikal bahar kiya. ap pharamane lage usaka mahina to chuka do. vah ri samajh. ek to kam n kare, us par ankhen dikhaye. us par poori majoori bhi chuka doon. mainne ek kaudi bhi n di. ek kurata diya tha, vah bhi chhin liya. is par jad bharat mahashay mujhase kee din roothe rahe. ghar chhodakar bhage jate the. badi mushkilon se ruke. aise-aise bhondoo bhi snsar men pade hue hain. main n hoti, to shayad ab tak inhen kisi ne bazar men bech diya hota.

ek din mehatar ne utare kapadon ka saval kiya. is bekari ke jamane men falatoo kapade to shayad pulisavalon ya reeson ke ghar men hon, mere ghar men to zaroori kapade bhi kafi nahin. apaka vastralay ek bakachi men a jayaga, jo dak ke parasal se kahin bheja ja sakata hai. phir is sal jadon ke kapade banavane ki naubat n ayi. paise najar nahin ate, kapade kahan se banen. mainne mehatar ko saf javab de diya. kadake ka jada pad raha tha; isaka anubhav mujhe kam n tha. garibon par kya bit rahi hai, isaka bhi mujhe gyan tha. lekin mere ya apake pas khed ke siva isaka aur kya ilaj hai. jab tak samaj ka yah sngathan rahega, aisi shikayaten paida hoti rahengi. jab ek-ek amir aur rees ke pas ek-ek malagadi kapadon se bhari huee hai, tab phir nirdhanon ko kyon n nagnata ka kasht uthana pade? khair mainne to mehatar ko javab de diya, apane kya kiya ki apaka kot uthakar usako bhent kar diya. meri deh men ag lag gayi. itani danashil nahin hoon ki doosaron ko khilakar ap so rahoon, devata ke pas yahi ek kot tha. apako isaki jara bhi chinta n huee ki pahanenge kya? yash ke lobh ne jaise buddhi hi har li. mehatar ne salam kiya, duaen din, aur apani rah li. ap kee din sardi se thithurate rahe. prat:kal ghoomane jaya karate the. vah bnd ho gaya. eeshvar ne unhen hriday bhi ek vichitr prakar ka diya hai. phate-purane kapade pahanate apako jara bhi snkoch nahin hota; main to mare laj ke gad jati hoon, par apako jara fikr nahin. koee hnsata hai, to hnse, apaki bala se. ant men jab mujhase n dekha gaya, to ek kot banava diya. ji to jalata tha ki khoob sardi khane doon; par dari ki kahin bimar pad jayen, to aur bura ho. akhir kam to unhin ko karana hai.

mahashay apane dil men samajhate honge, main kitana vinit, kitana paropakari hoon. shayad inhen in baton ka garv ho. main inhen paropakari nahin samajhati, n vinit hi samajhati hoon, yah jadata hai, sidhi-sadi nirihata. jis mehatar ko apane apana kot diya, use mainne kee bar rat ko sharab ke nashe men mast jhoomata dekha hai aur apako dikha bhi diya hai. phir doosaron ki vivekahinata ki purauti ham kyon karen? agar ap vinit aur paropakari hote, to gharavalon ke prati bhi to apake man men kuchh udarata hoti. ya sari udarata baharavalon hi ke lie surakshit hai? gharavalon ko usaka alpansh bhi n milana chahie? meri itani avastha bit gayi; par is bhale adami ne kabhi apane hathon se mujhe ek upahar bhi n diya. beshak main jo chiz bazar se mngavaoon; use lane men inhen jara bhi apatti nahin, bilakul ujr nahin, magar rupaye main de doon, yah shart hai. inhen khud kabhi yah umng nahin hoti. yah main manati hoon ki bechare apane lie bhi kuchh nahin late. main jo kuchh mngava doon usi par sntusht ho jate hain; magar akhir adami kabhi-kabhi shauq ki chizen chahata hi hai. any purushon ko dekhati hoon, stri ke lie tarah-tarah ke gahane, bhanti-bhanti ke kapade, shauk-singar ki vastuen late rahate hain. yahan is vyavahar ka nishedh hai. bachchon ke lie bhi mithaiyan, khilaune, baje shayad jivan men ek bar bhi n laye hon. shapath bhi kha li hai; isalie main to inhen kripan kahoongi, arasik kahoongi, hriday-shoony kahoongi, udar nahin kah sakati. doosaron ke sath inaka jo seva-bhav hai, usaka karan hai, inaka yash-lobh aur vyavaharik agyanata. apake vinay ka yah hal hai ki jis daftar men ap naukar hain, usake kisi adhikari se apaka mel-jol nahin. aphasaron ko salam karana to apaki niti ke viruddh hai, najar ya dali to door ki bat hai. aur to aur, kabhi kisi aphasar ke ghar nahin jate. isaka khamiyaza ap n uthayen, to kaun uthaye. auron ko riayati chhuttiyan milati hain, apaka vetan katata hai; auron ki tarakkiyan hoti hain, apako koee poochhata bhi nahin; hajiri men panch minat ki bhi der ho jay, to javab poochha jata hai. bechare ji todakar kam karate hain, koee bada kathin kam a jata hai, to inhin ke sir madha jata hai, inhen jara bhi apatti nahin. daftar men inhen 'ghissoo', 'pissoo' adi upadhiyan mili huee hain, magar padav kitana hi bada maren inake bhagy men vahi sookhi ghas likhi hai. yah vinay nahin hai, svadhin manovritti bhi nahin hai, main to ise samay-chaturi ka abhav kahati hoon, vyavaharik gyan ki kshati kahati hoon. akhir koee aphasar apase kyon prasann ho. isalie ki ap bade mehanati hain? duniya ka kam murauvat aur ravadari se chalata hai ! agar ham kisi se khinche rahen, to koee karan nahin ki vah bhi hamase n khincha rahe. phir jab man men kshobh hota hai, to vah daftari vyavaharon men bhi prakat ho hi jata hai. jo matahat aphasar ko prasann rakhane ki cheshta karata hai, jisaki jat se aphasar ka koee vyaktigat upakar hota hai, jis par vah vishvas kar sakata hai, usaka lihaz vah svabhavat: karata hai. aise siragiyon se kyon kisi ko sahanubhooti hone lagi. aphasar bhi to manushy hai. usake hriday men jo samman aur vishishtata ki kamana hai, vah kahan poori ho. jab adhinasth karmachari hi usase phirant rahen, to kya usake aphasar use salam karane ayenge? apane jahan naukari ki, vahan se nikale gaye. kabhi kisi daftar men do-tin sal se zyada n tike. ya to aphasar se lad gaye, ya karyadhiky ke karan chhod baithe.

apako kutunb-seva ka dava hai. apake kee bhaee-bhatije hote hain, vah kabhi inaki bat bhi nahin poochhate; ap barabar unaka munh takate rahate hain.

inake ek bhaee sahab ajakal tahasiladar hain. ghar ki milkiyat unhin ki nigarani men hai. vah that se rahate hain. motar rakh li hai; kee naukar-chakar hain magar yahan bhoole se bhi patr nahin likhate. ek bar hamen rupaye ki badi tngi huee. mainne kaha, apane bhrataji se kyon nahin mang lete? kahane lage unhen kyon chinta men daloon. unhen bhi to apana kharch hai. kaun-si aisi bachat ho jati hogi. jab mainne bahut majaboor kiya; to apane patr likha. maloom nahin patr men kya likha, patr likha ya mujhe chakama de diya; rupaye n ane the, n aye. kee dinon ke bad mainne poochha kuchh javab aya shrimanh ke bhaee sahab ke darabar se? apane rusht hokar kaha, abhi keval ek saptah to khat pahunche hue, abhi kya javab a sakata hai. ek saptah aur gujara, magar javab nadarad. ab apaka yah hal hai ki mujhe kuchh batachit karane ka avasar hi nahin dete. itane prasann-chitt najar ate hain ki kya kahoon. bahar se ate hain to khush-khush ! koee-n-koee shigoopha liye hue. meri khushamad bhi khoob ho rahi hai, mere maike valon ki prashnsa bhi ho rahi hai, mere grih-prabndh ka bakhan bhi asadharan riti se kiya ja raha hai. main is mahashay ki chal samajh rahi thi. yah sari dilajoee keval isalie thi ki shrimanh ke bhaeesahab ke vishay men kuchh poochh n baithoon. sare rajanitik, arthik, samajik, acharik prashnon ki mujhase vyakhya ki jati thi, itane vistar aur gaveshana ke sath, ki visheshgy bhi loha man jayen. keval isalie ki mujhe vah prasng uthane ka avasar n mile; lekin main bhala kab chookanevali thi. jab poore do saptah gujar gaye aur bime ke rupaye bhejane ki miti, maut ki tarah sir par savar ho gayi to mainne poochha kya hua, tumhare bhaee sahab ne shrimukh se kuchh pharamaya ya abhi tak patr nahin pahuncha? akhir ghar ki jayadad men hamara bhi kuchh hissa hai ya nahin? ya ham kisi laundi-dasi ki sntan hain? panch sau rupaye sal ka napha to das sal pahale tha. ab to ek hazar se kam n hoga, par hamen kabhi ek kani kaudi bhi nahin mili. mote hisab se hamen do hazar milana chahie. do hazar n hon, ek hazar hon, panch sau hon, dhaee sau hon, kuchh n hon, to bima ke primiyam bhar ke to hon. tahasiladar sahab ki amadani hamari amadani ki chauguni hai, rishvaten bhi lete hain; to phir hamare rupaye kyon nahin dete? ap hen-hen, han-han, karane lage. kahane lage, vah bechare ghar ki marammat karavate hain. bndhu-bandhavon ka svagat-satkar karate hain, natedariyon men bhent-bhant bhejate hain. aur kahan se laven jo hamare pas bhejen? vah ri buddhi ! mano jayadad isilie hoti hai ki usaki kamaee usi men kharch ho jay. is bhale adami ko bahane gadhane bhi nahin ate. mujhase poochhate main ek nahin, hazar bata deti, ek-se-ek badhakar kah dete ghar men ag lag gayi, sab kuchh svaha ho gaya tha, ya chori ho gayi, tinaka tak n bacha ya das hazar ka anaj bhara tha, usamen ghata raha, ya kisi se faujadari ho gayi, usamen divala pit gaya. apako soojhi bhi to lachar-si bat. takadir thonkakar baith rahi. pados ki ek mahila se rupaye karz lie, tab jakar kam chala. phir bhi ap bhaee-bhatijon ki tariph ke pul bandhate hain, to mere sharir men ag lag jati hai. aise kauravon se eeshvar bachaye.

eeshvar ki daya se apake do bachche hain, do bachchiyan bhi hain. eeshvar ki daya kahoon; ya kop kahoon. sab-ke-sab udhami ho gaye hain ki khuda ki panah ! magar kya majal hai ki yah bhondoo kisi ko kadi ankho se dekhen ! rat ke ath baje gaye hain, yuvaraj abhi ghoomakar nahin aye. main ghabara rahi hoon, ap nishchint baithe akhabar padh rahe hain. jhallaee huee jati hoon aur akhabar chhinakar kahati hoon, jakar jara dekhate kyon nahin, launda kahan rah gaya? n jane tumhara hriday kitana kathor hai. eeshvar ne tumhen sntan hi n jane kyon de di. pita ka putr ke sath kuchh to dharm hai. tab ap bhi garm ho jate hain. abhi tak nahin aya? bada shaitan hai. aj bacha ate hain, to kan ukhad leta hoon. mare hntaron ke khal udhedakar rakh doonga. yon bigadakar taish ke sath ap use khojane nikalate hain. snyog ki bat, ap udhar jate hain, idhar ladaka a jata hai. main poochhati hoon, too kidhar se a gaya? tujhe vah dhoondhane gaye hue hain. dekhana, aj kaisi marammat hoti hai. yah adat hi chhoot jayagi. dant pis rahe the. ate hi honge ! chhadi bhi unake hath men hai. tum itane man ke ho gaye ho ki bat nahin sunate ! aj ate-dal ka bhav maloom hoga. ladaka saham jata hai aur lainp jalakar padhane baith jata hai. mahashayaji do-dhaee ghnte ke bad lautate hain; hairan, pareshan aur badahavas. ghar men panv rakhate hi poochhate hain aya ki nahin?

main unaka krodh uttejit karane ke vichar se kahati hoon- akar baitha to hai, jakar poochhate kyon nahin? poochhakar har gayi, kahan gaya tha, kuchh bolata hi nahin.

ap garajakar kahate hain- mannoo, yahan ao.

ladaka tharathar kanpata hua akar angan men khada ho jata hai. donon bachchiyan ghar men chhip jati hain ki koee bada bhaynkar kand hone vala hai. chhota bachcha khidaki se choohe ki tarah jhank raha hai. ap krodh se baukhalaye hue hain. hath men chhadi hai hi, main bhi vah krodhonmatt akriti dekhakar pachhatane lagati hoon, ki kahan se inase shikayat ki? ap ladake ke pas jate hain, magar chhadi jamane ke badale ahiste se usake kndhon par hath rakhakar banavati krodh se kahate hain- tum kahan gaye the ji? mana kiya jata hai, manate nahin ho. khabaradar, jo ab kabhi itani der hogi. adami sham ko ghar chala ata hai, ya mataragashti karata hai?

main samajh rahi hoon ki yah bhoomika hai. vishay ab ayega. bhoomika to buri nahin; lekin yahan to bhoomika par iti ho jati hai. bas, apaka krodh shant ho gaya. bilakul jaise kvar ki ghata gher-ghar hua, kale badal aye, gadagadahat huee aur giri kya char boonden ! ladaka apane kamare men chala jata hai aur shayad khushi se nachane lagata hai.

main parabhoot hokar kahati hoon- tum to jaise dar gaye. bhala do-char tamache to lagaye hote ! isi tarah to ladake sher ho jate hain.

ap pharamate hain- tumane suna nahin, mainne kitane zor se danta ! bacha ki jan hi nikal gayi hogi. dekh lena, jo phir kabhi der men ae.

'tumane danta to nahin, han, ansoo ponchh diye.'

'tumane meri dant suni nahin?'

'kya kahana hai, apaki dant ka ! logon ke kan bahare ho gaye. lao, tumhara gala sahala doon.'

apane ek naya siddhant nikala hai ki dnd dene se ladake kharab ho jate hain. apake vichar se ladakon ko azad rahana chahie. un par kisi tarah ka bndhan, shasan ya dabav n hona chahie. apake mat se shasan balakon ke manasik vikas men badhak hota hai. isi ka yah phal hai ki ladake be-nakel ke oont bane hue hain. koee ek minat bhi kitab kholakar nahin baithata. kabhi gulli-dnda hai, kabhi goliyan, kabhi kanakauve. shriman bhi ladakon ke sath khelate hain, chalis sal ki umr aur ladakapan itana. mere pitaji ke samane majal thi ki koee ladaka kanakauva uda le, ya gulli-dnda khel sake. khoon pi jate. prat:kal se ladakon ko lekar baith jate the. skool se jyon hi ladake ate, phir le baithate the. bas, sndhya samay adha ghnte ki chhutti dete the. rat ko phir jot dete. yah nahin ki ap to akhabar padha karen aur ladake gali-gali bhatakate phiren. kabhi-kabhi ap sing katakar bachhade ban jate hain. ladakon ke sath tash khelane baitha karate hain. aise bap ka bhala ladakon par kya rob ho sakata hai? pitaji ke samane mere bhaee sidhe tak nahin sakate the. unaki avaz sunate hi tahalaka mach jata tha. unhonne ghar men qadam rakha aur shanti ka samrajy hua. usake sammukh jate ladakon ke pran sookhate the. usi shasan ki yah barakat hai ki sabhi ladake achchhe-achchhe padon par pahunch gaye. han, svasthy kisi ka achchha nahin hai. to pitaji hi ka svasthy kaun bada achchha tha ! bechare hamesha kisi-n-kisi aushadhi ka sevan karate rahate the. aur kya kahoon; ek din to had hi ho gayi. shrimanaji ladakon ko kanakauva udane ki shiksha de rahe the yon ghumao, yon gota do, yon khincho, yon dhil do. aisa tan-man se sikha rahe the mano guru-mntr de rahe hon. us din mainne inaki aisi khabar li ki yad karate honge- tum kaun hote ho, mere bachchon ko bigadane vale ! tumhen ghar se koee matalab nahin hai, n ho; lekin ap mere bachchon ko kharab n kijie. buri-buri adaten n sikhaie. ap unhen sudhar nahin sakate, to kam-se-kam bigadie mat. lage bagalen jhankane. main chahati hoon, ek bar yah bhi garam paden, to apana chndi roop dikhaoon, par yah itana jald dab jate hain ki main har jati hoon. pitaji kisi ladake ko mele-tamashe n le jate the. ladaka sir patakakar mar jay, magar jara bhi n pasijate the aur in mahatmaji ka yah hal hai ki ek-ek se poochhakar mele le jate hain chalo, chalo, vahan badi bahar hai, khoob atishabajiyan chhootengi, gubbare udenge, vilayati charkhiyan bhi hain. un par maje se baithana. aur to aur, ap ladakon ko haki khelane se bhi nahin rokate. yah angreji khel bhi kitane janaleva hote hain, kriket, phutabal, haki ek-se-ek ghatak. gend lag jay to jan lekar hi chhode; par apako in sabhi khelon se prem hai. koee ladaka maich men jitakar a jata hai, to aise phool uthate hain, mano kila jitakar aya ho. apako isaki jara bhi paravah nahin ki chot-chapet a gayi, to kya hoga. hath-panv toot gaye, to becharon ki zindagi kaise par lagegi !

pichhale sal kanya ka vivah tha. apako zid thi ki dahej ke nam kani kaudi bhi n denge, chahe kanya ajivan kvanri baithi rahe. yahan bhi apaka adarshavad a kooda. samaj ke netaon ka chhal-prapnch aye din dekhate rahate hain, phir bhi apaki ankhen nahin khulatin. jab tak samaj ki yah vyavastha qayam hai aur yuvati kanya ka avivahit rahana nindaspad hai, tab tak yah pratha mitane ki nahin. do-char aise vyakti bhale hi nikal aven jo dahej ke lie hath n phailaven; lekin isaka paristhiti par koee asar nahin padata aur kupratha jyon-ki-tyon bani huee hai. paison ki to kami nahin hai, dahej ki buraiyon par lekchar de sakate hain; lekin milate hue dahej ko chhod denevala mainne aj tak n dekha. jab ladakon ki tarah ladakiyon ki shiksha aur jivika ki suvidhaen nikal ayengi, to yah pratha bhi vida ho jayagi. usake pahale snbhav nahin. mainne jahan-jahan sndesh bheja dahej ka prashn uth khada hua aur apane pratyek avasar par tang adaee. ab is tarah poora sal gujar gaya aur kanya ko satrahavan lag gaya, to mainne ek jagah bat pakki kar li. apane bhi svikar kar liya, kyonki varapaksh ne len-den ka prashn uthaya hi nahin, halanki ant:karan men un logon ko poora vishvas tha ki achchhi rakam milegi aur mainne bhi tay kar liya tha ki yathashakti koee bat utha n rakhoongi. vivah ke sakushal hone men koee sndeh n tha; lekin in mahashay ke age meri ek n chali yah pratha nindy hai, yah rasm nirarthak hai, yahan rupaye ki kya zaroorat? yahan giton ka kya kam? nak men dam tha. yah kyon, vah kyon, yah to saf dahej hai, tumane mere munh men kalikh laga di, meri abaroo mita di. jara sochie is paristhiti ko ki barat dvar par padi huee hai aur yahan bat-bat par shastrarth ho raha hai. vivah ka muhoort adhi rat ke bad tha. prathanusar mainne vrat rakha; kintu apaki tek thi ki vrat ki koee zaroorat nahin. jab ladake ke mata-pita vrat nahin rakhate, jab ladaka tak vrat nahin rakhata, to kanya pakshavale hi vrat kyon rakhen ! main aur sara khanadan mana karata raha; lekin apane nashta kiya, bhojan kiya. khair ! kanya-dan ka muhoort aya. ap sadaiv se is pratha ke virodhi hain. ap ise nishiddh samajhate hain. kanya kya dan ki vastu hai? dan rupaye-paise, jagah-jamin ka ho sakata hai. pashu-dan bhi hota hai lekin ladaki ka dan ! ek lachar si bat hai. kitana samajhati hoon; purani pratha hai, ved-kal se hoti chali aee hai, shastron men isaki vyavastha hai; snbndhi samajha rahe hain, pndit samajha rahe hain, par ap hain, ki kan par joon nahin rengati. hath jodati hoon, pairon padati hoon, gidagidati hoon, lekin mndap ke niche n gaye. aur maja yah hai ki apane hi to yah anarth kiya aur ap hi mujhase rooth gaye. vivah ke pashchath mahinon bolachal n rahi. jhak marakar mujhi ko manana pada.

kintu sabase badi vidnbana yah hai ki in sare durgunon ke hote hue bhi main inase ek din bhi prithakh nahin rah sakati- ek kshan ka viyog nahin sah sakati. in sare doshon par bhi mujhe inase pragadh prem hai. inamen yah kaun-sa gun hai, jis par main mugdh hoon, main khud nahin janati; par inamen koee bat aisi hai, jo mujhe inaki cheri banaye hue hai. vah jara mamooli si der men ghar ate hain, to pran nahon men sama jate hain. aj yadi vidhata inake badale mujhe koee vidya aur buddhi ka putala, roop aur dhan ka devata bhi de, to main usaki or ankhen uthakar n dekhoon. yah dharm ki bedi nahin hai, kadapi nahin. prathagat pativrat bhi nahin; balki ham donon ki prakriti men kuchh aisi kshamataen, kuchh vyavasthaen utpann ho gayi hain, mano kisi mashin ke kal-puraje ghis-ghisakar phit ho gaye hon, aur ek puraje ki jagah doosara puraja kam n de sake, chahe vah pahale se kitana hi sudaul, naya aur sudridh kyon n ho. jane hue raste se ham ni:shnk ankhen bnd kiye jate hain, usake oonch-nich, mod aur ghumav sab hamari ankho men samaye hue hain. anajan raste par chalana kitana kashtaprad hoga. shayad aj main inake doshon ko gunon se badalane par bhi taiyar n hoongi.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah