वेश्या -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

chh: mahine bad kalakatte se ghar ane par dayakrishn ne pahala kam jo kiya, vah apane priy mitr singarasinh se matamapurasi karane jana tha. singar ke pita ka aj tin mahine hue dehant ho gaya tha. dayakrishn bahut vyast rahane ke karan us samay n a saka tha. matamapurasi ki rasm patr

likhakar ada kar di thi; lekin aisa ek din bhi nahin bita ki singar ki yad use n ayi ho. abhi vah do-char mahine aur kalakatte rahana

chahata tha; kyonki vahan usane jo karobar jari kiya tha, use sngathit roop men lane ke lie usaka vahan maujood rahana zaroori tha aur usaki thode din ki gairahajiri se bhi hani ki shnka thi. kintu jab singar ki stri lila ka paravana a pahuncha to vah apane ko n rok saka. lila ne saph-saph to kuchh n likha tha, keval use turant bulaya tha; lekin dayakrishn ko patr ke shabdon se kuchh aisa anuman hua ki vahan ki paristhiti chintajanak hai aur is avasar par usaka vahan pahunchana zaroori hai. singar sampann bap ka beta tha, bada hi alhad, bada hi jiddi, bada hi aramapasand. dridhata ya lagan use chhoo bhi nahin gayi thi. usaki man usake bachapan hi men mar chuki thi aur bap ne usake palane men niyntran ki apeksha sneh se zyada kam liya tha. use kabhi duniya ki hava nahin lagane di. udyog bhi koee vastu hai, yah vah janata hi n tha. usake mahaj ishare par har ek chiz samane a jati thi. vah javan balak tha, jisamen n apane vichar the n siddhant. koee bhi adami use badi asani se apane kapat-banon ka nishana bana sakata tha. mukhtaron aur munimon ke danv-pench samajhana usake lie lohe ke chane chabana tha. use kisi aise samajhadar aur hitaishi mitr ki zaroorat thi, jo svarthiyon ke hathakandon se usaki raksha karata rahe. dayakrishn par is ghar ke bade-bade ehasan the. us dosti ka hak ada karane ke lie usaka ana avashyak tha. munh-hath dhokar singarasinh ke ghar par hi bhojan ka irada karake dayakrishn usase milane chala. nau baj gaye the, hava aur dhoop men garmi ane lagi thi. singarasinh usaki khabar pate hi bahar nikal aya. dayakrishn use dekhakar chaunk pada. lambe-lambe keshon ki jagah usake sir par ghungharale bal the hvah sikkh tha), adi mang nikali huee. ankhon men n ansoo the, n shok ka koee doosara chihn, chehara kuchh jard avashy tha par us par vilasita ki musakarahat thi. vah ek mahin reshami kamij aur makhamali joote pahane hue tha; mano kisi mahaphil se utha a raha ho. snvedana ke shabd dayakrishn ke onthon tak akar nirash laut gaye. vahan badhaee ke shabd zyada anukool pratit ho rahe the. singarasinh lapakakar usake gale se lipat gaya aur bola, tum khoob aye yar, idhar tumhari bahut yad a rahi thi; magar pahale yah batala do, vahan ka karobar band kar aye ya nahin ? agar vah jhnjhat chhod aye ho, to pahale use tilanjali de ao. ab ap yahan se jane n payenge. mainne to bhaee, apana kainda badal diya. batao, kab tak tapasya karata. ab to aye din jalase hote hain. mainne socha yar, duniya men aye, to kuchh din sair-sapate ka anand bhi utha lo. nahin to ek din yon hi hath malate chale jayage. kuchh bhi sath n jayaga. dayakrishn vismay se usake munh ki or takane laga. yah vahi singar hai ya koee aur ! bap ke marate hi itani tabdili ! donon mitr kamare men gaye aur sophe par baithe. saradar sahab ke samane is kamare men pharsh aur masanad thi, alamari thi. ab darjanon gaddedar sophe aur kursiyan hain, kalin ka pharsh hai, reshami parade hain, bade-bade aine hain. saradar sahab ko snchay ki dhun thi, singar ko udane ki dhun hai. singar ne ek sigar jalakar kaha, teri bahut yad ati thi yar, teri jan ki kasam. dayakrishn ne shikava kiya kyon jhooth bolate ho bhaee, mahinon gujar jate the, ek khat likhane ki to apako phursat n milati thi, meri yad ati thi. singar ne alhadapan se kaha, bas, isi bat par meri sehat ka ek jam piyo. are yar, is zindagi men aur kya rakha hai ? hnsi-khel men jo vakt kat jay, use ganimat samajho. mainne to yah tapasya tyag di. ab to aye din jalase hote hain, kabhi doston ki davat hai, kabhi dariya ki sair, kabhi gana-bajana, kabhi sharab ke daur. mainne kaha,lao kuchh din vah bahar bhi dekh loon. hasarat kyon dil men rah jay. adami snsar men kuchh bhogane ke lie ata hai, yahi zindagi ke maje hain. jisane ye maje nahin chakkhe, usaka jina vritha hai. bas, doston ki majalis ho, bagal men mashook ho aur hath men pyala ho, isake siva mujhe aur kuchh n chahie ! usane alamari kholakar ek botal nikali aur do gilason men sharab dalakar bola, yah meri sehat ka jam hai. inkar n karana. main tumhare sehat ka jam pita hoon. dayakrishn ko kabhi sharab pine ka avasar n mila tha. vah itana dharmatma to n tha ki sharab pina pap samajhata, han, use durvyasan samajhata tha. gandh hi se usaka ji mitalane laga. use bhay hua ki vah sharab ka t chahe munh men le le, use kanth ke niche nahin utar sakata. usane pyale ko shishtachar ke taur par hath men le liya, phir use jyon-ka-tyon mej par rakhakar bola, tum janate ho, mainne kabhi nahin pi. is samay mujhe kshama karo. das-panch din men yah phan bhi sikh jaoonga, magar yah to batao, apana karobar bhi kuchh dekhate ho, ya isi men pade rahate ho. singar ne aruchi se munh banakar kaha, oh, kya zikr tumane chhed diya, yar ? karobar ke pichhe is chhoti-si zindagi ko tabah nahin kar sakata. n koee sath laya hai, n sath le jayaga. papa ne mar-marakar dhan snchay kiya. kya hath laga ? pachas tak pahunchate-pahunchate chal base. unaki atma ab bhi snsar ke sukhon ke lie taras rahi hogi. dhan chhodakar marane se phakemast rahana kahin achchha hai. dhan ki chinta to nahin satati, par yah hay-hay to nahin hoti ki mere bad kya hoga ! tumane gilas mej par rakh diya. jara piyo, ankhen khul jayagi, dil hara ho jayaga. aur log soda aur baraf milate hain, main to khalis pita hoon. ichchha ho, to tumhare lie baraf mngaoon ? dayakrishn ne phir kshama mangi; magar singar gilas-par-gilas pita gaya. usaki ankhen lal-lal nikal ayin, ool-jalool bakane laga, khoob dingen marin, phir besure rag men ek bazaroo git gane laga. ant men usi kursi par pada-pada besudha ho gaya. sahasa pichhe ka parada hata aur lila ne use ishare se bulaya. dayakrishn ki dhamaniyon men shatagun veg se rakt daudane laga. usaki snkochamay, bhiru prakriti bhitar se jitani hi roopasakt thi, bahar se utani hi virakt. sundariyon ke sammukh akar vah svayn avakh ho jata tha, usake kapolon par lajja ki lali daud jati thi aur ankhen jhuk jati thin; lekin man unake charanon par lotakar apane-apako samarpit kar dene ke lie vikal ho jata tha. mitragan use boodhe baba kaha, karate the. striyan use arasik samajhakar usase udasin rahati thin. kisi yuvati ke sath lnka tak rel men ekant-yatraa karake bhi vah usase ek shabd bhi bolane ka sahas n karata. han, yadi yuvati svayn use chhedati, to vah apane pran tak usaki bhent kar deta. usake is snkochamay, avaruddh jivan men lila hi ek yuvati thi, jisane usake man ko samajha tha aur usase savakh sahridayata ka vyavahar kiya tha. tabhi se dayakrishn man se usaka upasak ho gaya tha. usake anubhavashoony hriday men lila nari-jati ka sabase sundar adarsh thi. usaki pyasi atma ko sharbat ya lemaned ki utani ichchha n thi, jitana thande, mithe pani ki. lila men roop hai, lavany hai, sukumarata hai, in baton ki or usaka dhyan n tha. usase zyada roopavati, lavanyamayi aur sukumar yuvatiyan usane parkon men dekhi thin. lila men sahridayata hai, vichar hai, daya hai, inhin tattvon ki or usaka akarshan tha. usaki rasikata men atm-samarpan ke siva aur koee bhav n tha. lila ke kisi adesh ka palan karana usaki sabase badi kamana thi, usaki atma ki tripti ke lie itana kafi tha. usane kanpate hathon se parada uthaya aur andar akar khada ho gaya. aur vismay bhari ankhon se use dekhane laga. usane lila ko yahan n dekha hota, to pahachan bhi n sakata. vah roop, yauvan aur vikas ki devi is tarah murajha gayi thi, jaise kisi ne usake pranon ko choosakar nikal liya ho. karun-svar men bola, yah tumhara kya hal hai, lila ? bimar ho kya ? mujhe soochana tak n di. lila muskarakar boli, tumase matalab ? main bimar hoon ya achchhi hoon, tumhari bala se ! tum to apane sair-sapate karate rahe. chh: mahine ke bad jab apako yad ayi hai, to poochhate ho bimar ho ? main us rog se grast hoon, jo pran lekar hi chhodata hai. tumane in mahashay ki halat dekhi ? unaka yah rng dekhakar mere dil par kya gujarati hai, yah kya main apane munh se kahoon tabhi samajhoge ? main ab is ghar men jabaradasti padi hoon aur behayaee se jiti hoon. kisi ko meri chah ya chinta nahin hai. papa kya mare, mera sohag hi uth gaya. kuchh samajhati hoon, to bevakooph banayi jati hoon. rat-rat bhar n jane kahan gayab rahate hain. jab dekho, nashe men mast, haphton ghar men nahin ate ki do baten kar loon; agar inake yahi dhng rahe, to sal-do-sal men rotiyon ke muhataj ho jayenge. daya ne poochha, yah lat inhen kaise pad gayi ? ye baten to inamen n thin. lila ne vyathit svar men kaha, rupaye ki balihari hai aur kya ! isilie to boodhe mar-marake kamate hain aur marane ke bad ladakon ke lie chhod jate hain. apane man men samajhate honge, ham ladakon ke lie baithane ka thikana kiye jate hain. main kahati hoon, tum unake sarvanash ka saman kiye jate ho, unake lie zahar boye jate ho. papa ne lakhon rupaye ki sampatti n chhodi hoti, to aj yah mahashay kisi kam men lage hote, kuchh ghar ki chinta hoti; kuchh zimmedari hoti; nahin to baink se rupaye nikale aur udaye. agar mujhe vishvas hota ki sampatti samapt karake vah sidhe marg par a jayage, to mujhe jara bhi du:kh n hota; par mujhe to yah bhay hai ki aise log phir kisi kam ke nahin rahate, ya to jelakhane men marate hain ya anathalay men. apaki ek veshya se ashanaee hai. madhuri nam hai aur vah inhen ulte chhure se moond rahi hai, jaisa usaka dharm hai. apako yah khabt ho gaya ki vah mujh par jan deti hai. usase vivah ka prastav bhi kiya ja chuka hai. maloom nahin, usane kya javab diya. kee bar ji men aya ki jab yahan kisi se koee nata hi nahin hai to apane ghar chali jaoon; lekin darati hoon ki tab to yah aur bhi svatntr ho jayage. mujhe kisi par vishvas hai, to vah tum ho. isilie tumhen bulaya tha ki shayad tumhare samajhane-bujhane ka kuchh asar ho. agar tum bhi asaphal hue, to main ek kshan yahan n rahoongi. bhojan taiyar hai, chalo kuchh kha lo. dayakrishn ne singarasinh ki or snket karake kaha, aur yah ? 'yah to ab kahin do-tin baje chetenge.' 'bura n manenge.' 'main ab in baton ki paravah nahin karati. mainne to nishchay kar liya hai ki agar mujhe kabhi ankhen dikhayin, to main inhen maja chakha doongi. mere pitaji fauj men soobedar mejar hain. meri deh men unaka rakt hai.' lila ki mudra uttejit ho gayi. vidroh ki vah ag, jo mahinon se padi sulag rahi thi, prachand ho uthi. usane usi lahaje men kaha, meri is ghar men itani sansat huee hai, itana apaman hua hai aur ho raha hai ki main usaka kisi tarah bhi pratikar karake atmaglani ka anubhav n karoongi. mainne papa se apana hal chhipa rakha hai. aj likh doon, to inaki sari mashikhat utar jay. nari hone ka dnd bhog rahi hoon, lekin nari ke dhairy ki bhi sima hai. dayakrishn us sukumari ka vah tamatamaya hua chehara, ve jalati huee ankhen, vah kanpate hue honth dekhakar kanp utha. usaki dasha us adami ki- si ho gayi, jo kisi ko dard se tadapate dekhakar vaidy ko bulane daude. ardr kanth se bola, is samay mujhe kshama karo lila, phir kabhi tumhara nimntran svikar karoonga. tumhen apani or se itana hi vishvas dilata hoon ki mujhe apana sevak samajhati rahana. mujhe n maloom tha ki tumhen itana kasht hai, nahin to shayad ab tak mainne kuchh yukti sochi hoti. mera yah sharir tumhare kisi kam aye, isase badhakar saubhagy ki bat mere lie aur kya hogi ! dayakrishn vahan se chala, to usake man men itana ullas bhara hua tha, mano viman par baitha hua svarg ki or ja raha hai. aj use jivan men ek aisa lakshy mil gaya tha, jisake lie vah ji bhi sakata hai aur mar bhi sakata hai. vah ek mahila ka vishvasapatr ho gaya tha. is ratn ko vah apane hath se kabhi n jane dega, chahe usaki jan hi kyon n chali jay. ek mahina gujar gaya. dayakrishn singarasinh ke ghar nahin aya. n singarasinh ne usaki paravah ki. is ek hi mulakat men usane samajh liya tha ki daya is naye rng men anevala adami nahin hai. aise satvik janon ke lie usake yahan sthan n tha. vahan to rngile, rasiya, ayyash aur bigade-dilon hi ki chah thi. han, lila ko hamesha usaki yad ati rahati thi. magar dayakrishn ke svabhav men ab vah snyam nahin hai. vilasita ka jadoo us par bhi chalata hua maloom hota hai. madhuri ke ghar usaka bhi ana-jana shuroo ho gaya hai. vah singarasinh ka mitr nahin raha, pratidvandvi ho gaya hai. donon ek hi pratima ke upasak hain; magar unaki upasana men antar hai. singar ki drishti se madhuri keval vilas ki ek vastu hai, keval vinod ka ek yantr. dayakrishn vinay ki moorti hai jo madhuri ki seva men hi prasann hai. singar madhuri ke has-vilas ko apana jarakharid hak samajhata hai, dayakrishn isi men sntusht hai ki madhuri usaki sevaon ko svikar karati hai. madhuri ki or se jara bhi aruchi dekhakar vah usi tarah bigad jayaga jaise apani pyari ghodi ki munhajori par. dayakrishn apane ko usaki kripadrishti ke yogy hi nahin samajhata. singar jo kuchh madhuri ko deta hai, garv-bhare atm-pradarshan ke sath; mano us par koee ehasan kar raha ho. dayakrishn ke pas dene ko hai hi kya; par vah jo kuchh bhent karata hai, vah aisi shraddha se, mano devata ko phool chadhata ho. singar ka asakt man madhuri ko apane pinjare men bnd rakhana chahata hai, jisamen us par kisi ki nigah n pade. dayakrishn nirlipt bhav se usaki svachchhnd krida ka annd uthata hai. madhuri ko ab tak jitane adamiyon se sabika pada tha, ve sab singarasinh ki hi bhanti kamuki, eershyalu, dnbhi aur komal bhavon se shoony the, roop ko bhogane ki vastu samajhanevale. dayakrishn un sabon se alag tha sahridayi, bhadr aur sevashil, mano us par apani atma ko samarpan kar dena chahata ho. madhuri ko ab apane jivan men koee aisa padarth mil gaya hai, jise vah badi ehatiyat se snbhalakar rakhana chahati hai. jadaoo gahane ab usaki ankhon men utane moolyavan nahin rahe, jitani yah fakir ki di huee tavij. jadaoo gahane hamesha milenge, yah tavij kho gayi, to phir shayad hi kabhi hath aye. jadaoo gahane keval usaki vilas-pravritti ko uttejit karate hain. par is tavij men koee daivi shakti hai, jo n jane kaise usamen sadnurag aur parishkar-bhavana ko jagati hai. dayakrishn kabhi prem-pradarshan nahin karata, apani virah-vyatha ke rag nahin alapata, par madhuri ko us par poora vishvas hai. singarasinh ke pralap men use banavat aur dikhave ka abhas hota hai. vah chahati hai, yah jald yahan se tale; lekin dayakrishn ke snyat bhashan men use gaharaee tatha gambhiry aur gurutv ka abhas hota hai. auron ki vah premika hai; lekin dayakrishn ki ashik, jisake kadamon ki ahat pakar usake andar ek toofan uthane lagata hai. usake jivan men yah nayi anubhooti hai. ab tak vah doosaron ke bhog ki vastu thi, ab kam-se-kam ek prani ki drishti men vah adar aur prem ki vastu hai. singarasinh ko jab se dayakrishn ke is premabhinay ki soochana mili hai, vah usake khoon ka pyasa ho gaya hai.rh eershyagni se phunka ja raha hai. usane dayakrishn ke pichhe kee shohade laga rakhe hain ki ve use jahan payen, usaka kam tamam kar den. vah khud pistaul liye usaki toh men rahata hai. dayakrishn is khatare ko samajhata hai, janata hai; apane niyat samay par madhuri ke pas bila naga a jata hai. maloom hota hai, use apani jan ka kuchh bhi moh nahin hai. shohade use dekhakar kyon katara jate hain, mauqa pakar bhi kyon us par var nahin karate, isaka rahasy vah nahin samajhata. ek din madhuri ne usase kaha, qrishnaji, tum yahan n aya karo. tumhen to pata nahin hai, par yahan tumhare bison dushman hain. main darati hoon ki kisi din koee bat n ho jay. shishir ki tushar-mandit sandhaya thi. madhuri ek kashmiri shal odhe angithi ke samane baithi huee thi. kamare men bijali ka rajat prakash phaila hua tha. dayakrishn ne dekha, madhuri ki ankhen sajal ho gee hain aur vah munh pherakar unhen dayakrishn se chhipane ki cheshta kar rahi hai. pradarshan aur sukhabhog karane vali ramani kyon itana snkoch kar rahi hai, yah usaka anadi man n samajh saka. han, madhuri ke gore, prasann, snkochahin mukh par lajjamishrit madhurima ki aisi chhata usane kabhi n dekhi thi. aj usane us mukh par kulavadhoo ki bhiru akanksha aur dridh vatsaly dekha aur usake abhinay men saty ka uday ho gaya. usane sthir bhav se javab diya, main to kisi ki buraee nahin karata, mujhase kisi ko kyon vair hone laga. main yahan kisi ka badhak nahin, kisi ka virodhi nahin. data ke dvar par sabhi bhikshuk jate hain. apana-apana bhagy hai, kisi ko ek chutaki milati hai, kisi ko poora thal. koee kyon kisi se jale ? agar kisi par tumhari vishesh kripa hai, to main use bhagyashali samajhakar usaka adar karoonga. jaloon kyon ? madhuri ne sneh-katar svar men kaha, zi nahin, ap kal se n aya kijie. dayakrishn muskarakar bola, tum mujhe yahan ane se nahin rok sakatin. bhikshuk ko tum dutkar sakati ho, dvar par ane se nahin rok sakatin. madhuri sneh ki ankhon se use dekhane lagi, phir boli, kya sabhi adami tumhin jaise nishkapat hain ? 'to phir main kya karoon ?' 'yahan n aya karo.' 'yah mere bas ki bat nahin.' madhuri ek kshan tak vichar karake boli, ek bat kahoon, manoge ? chalo, ham-tum kisi doosare nagar ki rah len. 'keval isilie ki kuchh log mujhase khar khate hain ?' 'khar nahin khate, tumhari jan ke grahak hain.' dayakrishn usi avichalit bhav se bola, zis din prem ka yah puraskar milega, vah mere jivan ka naya din hoga, madhuri ! isase achchhi mrityu aur kya ho sakati hai ? tab main tumase prithakh n rahakar tumhare man men, tumhari smriti men rahoonga. madhuri ne komal hath se usake gal par thapaki di. usaki ankhen bhar ayi thin. in shabdon men jo pyar bhara hua tha, vah jaise pichakari ki dhar ki tarah usake hriday men sama gaya. aisi vikal vedana ! aisa nasha ! ise vah kya kahe ? usane karun svar men kaha, aisi baten n kiya karo krishn, nahin to main sach kahati hoon, ek din zahar khakar tumhare charanon par so jaoongi. tumhare in shabdon men n-jane kya jadoo tha ki main jaise phunk uthi. ab ap khuda ke lie yahan n aya kijie, nahin to dekh lena, main ek din pran de doongi. tum kya jano, hatyara singar kis buri tarah tumhare pichhe pada hua hai. main usake shohadon ki khushamad karate-karate har gayi. kitana kahati hoon, dayakrishn se mera koee sambandh nahin, usake samane tumhari ninda karati hoon, kitana kosati hoon, lekin us nirdayi ko mujh par vishvas nahin ata. tumhare lie mainne in gundon ki kitani minnaten ki hain, unake hath kitana apaman saha hai, vah tumase n kahana hi achchha hai. jinaka munh dekhana bhi main apani shan ke khilaf samajhati hoon, unake pairon padi hoon, lekin ye kutte haddiyon ke tukade pakar aur bhi sher ho jate hain. main ab unase tng a gayi hoon aur tumase hath jodakar kahati hoon ki yahan se kisi aisi jagah chale chalo, jahan hamen koee n janata ho. vahan shanti ke sath pade rahen. main tumhare sath sabakuchh jhelane ko taiyar hoon. aj isaka nishchay karaye bina main tumhen n jane doongi. main janati hoon, tumhen mujh par ab bhi vishvas nahin hai. tumhen sandeh hai ki tumhare sath kapat karoongi. dayakrishn ne toka nahin madhuri, tum mere sath anyay kar rahi ho. mere man men kabhi aisa sandeh nahin aya. pahale hi din mujhe n-jane kyon kuchh aisa pratit hua ki tum apani aur bahanon se prithakh ho. mainne tumamen vah shil aur snkoch dekha, jo mainne kulavadhuon men dekha hai. madhuri ne usaki ankhon men ankhen gadakar kaha, tum jhooth bolane ki kala men itane nipun nahin ho krishn, ki veshya ko bhulava de sako ! main n shilavati hoon, n snkochavati hoon aur n apani doosari bahanon se bhinn hoon, main veshya hoon; utani hi kalushit, utani hi vilasandh, utani hi mayavini, jitani meri doosari bahanen; balki unase kuchh zyada. n tum any purushon ki tarah mere pas vinod aur vasana-tripti ke lie aye the. nahin, mahinon ate rahane par bhi tum yon alipt n rahate. tumane kabhi ding nahin mari, mujhe dhan ka pralobhan nahin diya. mainne bhi kabhi tumase dhan ki asha nahin ki. tumane apani vastavik sthiti mujhase kah di. phir bhi mainne tumhen ek nahin, anek aise avasar diye ki koee doosara adami unhen n chhodata; lekin tumhen main apane pnje men n la saki. tum chahe aur jis irade se aye ho, bhog ki ichchha se nahin aye. agar main tumhen itana nich, itana hridayahin, itana vilasandha samajhati, to is tarah tumhare naj n uthati. phir main bhi tumhare sath mitr-bhav rakhane lagi. samajh liya, meri pariksha ho rahi hai. jab tak is pariksha men saphal n ho jaoon, tumhen nahin pa sakati. tum jitane sajjan ho, utane hi kathor ho. yah kahate hue madhuri ne dayakrishn ka hath pakad liya aur anurag aur samarpan-bhari chitavanon se use dekhakar boli, sach batao krishn, tum mujhamen kya dekhakar akarshit hue the ? dekho, bahanebaji n karana. tum roop par mugdha hone vale adami nahin ho, main kasam kha sakati hoon. dayakrishn ne snkat men padakar kaha, roop itani tuchchh vastu nahin hai, madhuri ! vah man ka aeena hai. 'yahan mujhase roopavanh striayon ki kami nahin hai.' 'yah to apani-apani nigah hai. mere poorv snskar rahe honge.' madhuri ne bhaven sikodakar kaha, tum phir jhooth bol rahe ho, chehara kahe deta hai. dayakrishn ne parast hokar poochha, poochhakar kya karogi, madhuri ? main darata hoon, kahin tum mujhase ghrina n karane lago. sambhav hai, tum mera jo roop dekh rahi ho, vah mera asali roop n ho ? madhuri ka munh latak gaya. virakt-si hokar boli, isaka khule shabdon men yah arth hai ki tumhen mujh par vishvas nahin. thik hai, veshyaon par vishvas karana bhi nahin chahie. vidvanon aur mahatmaon ka upadesh kaise n manoge ? nari-hriday is samasya par vijay pane ke lie apane astron se kam lene laga. dayakrishn pahale hi pahale hamale men himmat chhod baitha. bola, tum to naraz huee jati ho, madhuri ! mainne to keval is vichar se kaha, tha ki tum mujhe dhokhebaj samajhane lagogi. tumhen shayad maloom nahin hai, singarasinh ne mujh par kitane ehasan kiye hain. main unhin ke tukadon par pala hoon. isamen ratti bhar bhi mubalaga nahin. vahan jakar jab mainne unake rng-dhng dekhe aur unaki sadhavi stri lila ko bahut dukhi paya, to sochate-sochate mujhe yahi upay soojha ki kisi tarah singarasinh ko tumhare pnje se chhudaoon. mere is abhiman ka yahi rahasy hai, lekin unhen chhuda to n saka, khud phns gaya. mere is phareb ki jo saza chaho do, sir jhukaye hue hoon. madhuri ka abhiman toot gaya. jalakar boli, to yah kahiye ki ap lila devi ke ashik hain. mujhe pahale se maloom hota, to tumhen is ghar men ghusane n deti. tum to ek chhipe rustam nikale. vah tote ke pinjare ke pas jakar use puchakarane ka bahana karane lagi. man men jo ek dah uth rahi thi, use kaise shant kare ? dayakrishn ne tiraskar-bhare svar men kaha, main lila ka ashik nahin hoon, madhuri ! us devi ko kalnkit n karo. main aj tumase shapath khakar kahata hoon ki mainne kabhi use is nigah se nahin dekha. usake prati mera vahi bhav tha, jo apane kisi atmiy ko du:kh men dekhakar har ek manushy ke man men ata hai. 'kisi se prem karana to pap nahin hai, tum vyarth men apani aur lila ki saphaee de rahe ho.' 'main nahin chahata ki lila par kisi tarah ka akshep kiya jay.' 'achchha sahab, lijie; lila ka nam n loongi. mainne man liya, vah sati hai, sadhavi hai aur keval usaki agya se...' dayakrishn ne bat kati, unaki koee agya nahin thi. 'o ho, tum to jaban pakadate ho, krishn ! kshama karo, unaki agya se nahin tum apani ichchha se aye. ab to raji hue. ab yah batao, age tumhare kya irade hain ? main vachan to de doongi; magar apane snskaron ko nahin badal sakati. mera man durbal hai. mera satitv kab ka nasht ho chuka hai. any moolyavanh padarthon ki tarah roop aur yauvan ki raksha bhi balavanh hathon se ho sakati hai. main tumase poochhati hoon, tum mujhe apani sharan men lene par taiyar ho ? tumhara ashray pakar tumhare prem ki shakti se, mujhe vishvas hai, main jivan ke sare pralobhanon ka samana kar sakati hoon. main is sone ke mahal ko thukara doongi; lekin isake badale mujhe kisi hare vriksh ki chhaauh to milani chahie. vah chhaauh tum mujhe doge ? agar nahin de sakate, to mujhe chhod do. main apane hal men magan hoon. main vada karati hoon, singarasinh se main koee sambandh n rakhoongi. vah mujhe gherega, royega. sambhav hai, gundon se mera apaman karaye, atnk dikhaye. lekin main sabakuchh jhel loongi, tumhari khatir se.. .' age aur kuchh n kahakar vah trishna-bhare lekin usake sath hi nirapeksh netron se dayakrishn ki or dekhane lagi, jaise dookanadar gahak ko bulata to hai par sath hi yah bhi dikhana chahata hai ki use usaki paravah nahin hai. dayakrishn kya javab de ? sngharshamay snsar men vah abhi keval ek kadam tika paya hai. idhar vah angul-bhar jagah bhi usase chhin gayi hai. shayad jor marakar vah phir vah sthan pa jay; lekin vahan baithane ki jagah nahin. aur ek doosare prani ko lekar to vah khada bhi nahin rah sakata. agar man liya jay ki adamy udyog se donon ke lie sthan nikal lega, to atm-samman ko kahan le jay ? snsar kya kahega ? lila kya phir usaka munh dekhana chahegi ? singar se vah phir ankhen mila sakegi ? yah bhi chhodo. lila agar use pati samajhati hai, samajhe. singar agar usase jalata hai to jale, use isaki paravah nahin. lekin apane man ko kya kare ? vishvas usake andar akar jal men phnse pakshi ki bhanti phadaphada kar nikal bhagata hai. kulina apane sath vishvas ka varadan liye ati hai. usake sahachary men hamen kabhi sandeh nahin hota. vahan sandeh ke lie pratyaksh praman chahie. kutsita sandeh ka snskar liye ati hai. vahan vishvas ke lie pratyaksh atyant pratyaksh praman ki zaroorat hai. usane namrata se kaha, tum janati ho, meri kya halat hai ? 'han, khoob janati hoon.' 'aur us halat men tum prasann rah sakogi ?' 'tum aisa prashn kyon karate ho krishn ? mujhe du:kh hota hai. tumhare man men jo sandeh hai, vah main janati hoon, samajhati hoon. mujhe bhram hua tha ki tumane bhi mujhe jan liya hai, samajh liya hai. ab maloom hua, main dhokhe men thi !' vah uthakar vahan se jane lagi. dayakrishn ne usaka hath pakad liya aur prarthi-bhav se bola, tum mere sath anyay kar rahi ho, madhuri ! main saty kahata hoon, aisi koee bat nahin hai... madhuri ne khade-khade virakt man se kaha, tum jhooth bol rahe ho, bilakul jhooth. tum ab bhi man se yah svikar nahin kar rahe ho ki koee stri svechchha se roop ka vyavasay nahin karati. paise ke lie apani lajja ko ughadana, tumhari samajh men kuchh aise anand ki bat hai, jise veshya shauq se karati hai. tum veshya men stritv ka hona sambhav se bahut door samajhate ho. tum isaki kalpana hi nahin kar sakate ki vah kyon apane prem men sthir nahin hoti. tum nahin janate, ki prem ke lie usake man men kitani vyakulata hoti hai aur jab vah saubhagy se use pa jati hai, to kis tarah pranon ki bhanti use snchit rakhati hai. khare pani ke samudr men mithe pani ka chhota-sa patr kitana priy hota hai ise vah kya jane, jo mithe pani ke matake uadelata rahata ho. dayakrishn kuchh aise asamnjas men pada hua tha ki usake munh se ek bhi shabd n nikala. usake man men jo shnka chinagari ki bhanti chhipi huee hai, vah bahar nikalakar kitani bhaynkar jvala utpatr kar degi. usane kapat ka jo abhinay kiya tha, prem ka jo svaaug racha tha, usaki glani use aur bhi vyathit kar rahi thi. sahasa madhuri ne nishthurata se poochha, tum yahan kyon baithe ho ? dayakrishn ne apaman ko pikar kaha, mujhe sochane ke lie kuchh samay do madhuri ! 'kya sochane ke lie ?' 'apana kartavy ?' 'mainne apana kartavy sochane ke lie to tumase samay nahin manga ! tum agar mere uddhar ki bat soch rahe ho, to use dil se nikal dalo. main bhrashta hoon aur tum sadhuta ke putale ho zab tak yah bhav tumhare andar rahega, main tumase usi tarah bat karoongi jaise auron ke sath karati hoon. agar bhrasht hoon, to jo log yahan apana munh kala karane ate hain, ve kuchh kam bhrasht nahin hain. tum jo ek mitr ki stri par dant lagaye hue ho, tum jo ek sarala abala ke sath jhoothe prem ka svaaug karate ho, tumhare hathon agar mujhe svarg bhi milata ho, to use thukara doon.' dayakrishn ne lal ankhen karake kaha, tumane phir vahi akshep kiya ? madhuri tilamila uthi. usaki rahi-sahi mriduta bhi eershya ke umadate hue pravah men sama gayi. lila par akshep bhi asahy hai, isalie ki vah kulavadhoo hai. main veshya hoon, isalie mere prem ka upakar bhi svikar nahin kiya ja sakata ! usane avichalit bhav se kaha, akshep nahin kar rahi hoon, sachchi bat kah rahi hoon. tumhare dar se bil khodane ja rahi hoon. tum svikar karo ya n karo, tum lila par marate ho. tumhari lila tumhen mubarak rahe. main apane singarasinh hi men prasann hoon, uddhar ki lalasa ab nahin rahi. pahale jakar apana uddhar karo. ab se khabaradar kabhi bhoolakar bhi yahan n ana, nahin to pachhataoge. tum jaise rnge hue patiton ka uddhar nahin karate. uddhar vahi kar sakate hain, jo uddhar ke abhiman ko hriday men ane hi nahin dete. jahan prem hai, vahan kisi tarah ka bhed nahin rah sakata. yah kahane ke sath hi vah uthakar barabar vale doosare kamare men chali gayi, aur andar se dvar band kar liya. dayakrishn kuchh der vahan marmahat-sa raha, phir dhire-dhire niche utar gaya, mano deh men pran n ho. do din dayakrishn ghar se n nikala. madhuri ne usake sath jo vyavahar kiya, isaki use asha n thi ! madhuri ko usase prem tha, isaka use vishvas tha, lekin jo prem itana asahishnu ho, jo doosare ke manobhavon ka jara bhi vichar n kare, jo mithya kalnk aropan karane se bhi snkoch n kare, vah unmad ho sakata hai, prem nahin. usane bahut achchha kiya ki madhuri ke kapat-jal men n phnsa, nahin to usaki n jane kya durgati hoti. par doosare kshan usake bhav badal jate aur madhuri ke prati usaka man komalata se bhar jata. ab vah apani anudarata par, apani snkirnata par pachhatata ! use madhuri par sandeh karane ka koee karan n tha. aisi dasha men eershya svabhavik hai aur vaharh eershya hi kya, jisamen dnk n ho, vish n ho. mana, samaj usaki ninda karata. yah bhi man liya ki madhuri sati bharya n hoti. kam-se-kam singarasinh to usake pnje se nikal jata. dayakrishn ke sir se rin ka bhar to kuchh halka ho jata, lila ka jivan to sukhi ho jata. sahasa kisi ne dvar khatakhataya. usane dvar khola, to singarasinh samane khada tha. bal bikhare hue, kuchh ast-vyast. dayakrishn ne hath milate hue poochha, kya panv-panv hi a rahe ho, mujhe kyon n bula liya ? singar ne use chubhati huee ankhon se dekhakar kaha, main tumase yah poochhane aya hoon ki madhuri kahan hai ? avashy tumhare ghar men hogi. 'kyon apane ghar par hogi, mujhe kya khabar ? mere ghar kyon ane lagi ?' 'in bahanon se kam n chalega, samajh gaye ? main kahata hoon, main tumhara khoon pi jaoonga varana thik-thik bata do, vah kahan gayi ?' 'main bilakul kuchh nahin janata, tumhen vishvas dilata hoon. main to do din se ghar se nikala hi nahin.' 'rat ko main usake pas tha. savere mujhe usaka yah patr mila. main usi vakt dauda hua usake ghar gaya. vahan usaka pata n tha. naukaron se itana maloom hua, taauge par baithakar kahin gayi hai. kahan gayi hai, yah koee n bata saka. mujhe shak hua, yahan ayi hogi. jab tak tumhare ghar ki talashi n le loonga, mujhe chain n ayegi.' usane makan ka ek-ek kona dekha, takht ke niche, alamari ke pichhe. tab nirash hokar bola, badi bevapha aur makkar aurat hai. jara is khat ko padho. donon pharsh par baith gaye. dayakrishn ne patr lekar padhana shuroo kiya saradar sahab ! main aj kuchh dinon ke lie yahan se ja rahi hoon, kab lautoongi, kuchh nahin janati. kahan ja rahi hoon, yah bhi nahin janati. ja isalie rahi hoon ki is besharmi aur behayaee ki zindagi se mujhe ghrina ho rahi hai. aur ghrina ho rahi hai un lampaton se, jinake kutsit vilas ka main khilauna thi aur jinamen tum mukhy ho. tum mahinon se mujh par sone aur resham ki varsha kar rahe ho; magar main tumase poochhati hoon, usase lakh gune sone aur das lakh gune resham par bhi tum apani bahan ya stri ko is roop ke bazar men baithane doge ? kabhi nahin. un deviyon men koee aisi vastu hai, jise tum snsar bhar ki daulat se bhi moolyavan samajhate ho. lekin jab tum sharab ke nashe men choor, apane ek-ek ang men kam ka unmad bhare ate the, to tumhen kabhi dhyan ata tha ki tum usi amooly vastu ko kis nirdayata ke sath pairon se kuchal rahe ho ? kabhi dhyan ata tha ki apani kul-deviyon ko is avastha men dekhakar tumhen kitana du:kh hota ? kabhi nahin. yah un gidadon aur gidhdon ki manovritti hai, jo kisi lash ko dekhakar charon or se jama ho jate hain, aur use noch-nochakar khate hain. yah samajh rakkho, nari apana bas rahate hue kabhi paison ke lie apane ko samarpit nahin karati. yadi vah aisa kar rahi hai, to samajh lo ki usake lie aur koee ashray aur koee adhar nahin hai aur purush itana nirlajj hai ki usaki duravastha se apani vasana tript karata hai aur isake sath hi itana nirday ki usake mathe par patita ka kalnk lagakar use usi duravastha men marate dekhana chahata hai ! kya vah nari hai ? kya naritv ke pavitr mandir men usaka sthan nahin hai ? lekin tum use us mandir men ghusane nahin dete. usake sparsh se mandir ki pratima bhrasht ho jayagi. khair, purush-samaj jitana atyachar chahe kar le. ham asahay hain, atmabhiman ko bhool baithi hain lekin... sahasa singarasinh ne usake hath se vah patr chhin liya aur jeb men rakhata hua bola, kya bade gaur se padh rahe ho, koee nayi bat nahin. sabakuchh vahi hai, jo tumane sikhaya hai. yahi karane to tum usake yahan jate the. main kahata hoon, tumhen mujhase itani jalan kyon ho gayi ? mainne to tumhare sath koee buraee n ki thi. is sal-bhar men mainne madhuri par das hazar se kam n phoonke honge. ghar men jo kuchh moolyavanh tha, vah mainne usake charanon par chadha diya aur aj use sahas ho raha hai ki vah hamari kul-deviyon ki barabari kare ! yah sab tumhara prasad hai. sattar choohe khake billi haj ko chali ! kitani bevapha jat hai. aison ko to goli mar de. jis par sara ghar luta diya, jisake pichhe sare shahar men badanam hua, vah aj mujhe upadesh karane chali hai ! zaroor isamen koee-n-koee rahasy hai. koee naya shikar phnsa hoga; magar mujhase bhagakar jayagi kahan, dhoondh n nikaloon to nam nahin. kambakht kaisi prem-bhari baten karati thi ki mujh par ghadon nasha chadh jata tha. bas, koee naya shikar phns gaya. yah bat n ho, moonchh muda loon. dayakrishn usake saphachat chehare ki or dekhakar muskaraya tumhari moonchhen to pahale hi mud chuki hain. is halake-se vinod ne jaise singarasinh ke ghav par maraham rakh diya. vah be-saro-saman ghar, vah phata pharsh, ve tooti-phooti chizen dekhakar use dayakrishn par daya a gayi. chot ki tilamilahat men vah javab dene ke lie eent-patthar dhoondh raha tha; par ab chot thandi pad gayi thi aur dard ghanibhoot ho raha tha. dard ke sath-sath sauhard bhi jag raha tha. jab ag hi thndi ho gayi to dhuan kahan se ata ? usane poochha, sach kahana, tumase bhi kabhi prem ki baten karati thi ? dayakrishn ne muskarate hue kaha, mujhase ? main to khali usaki soorat dekhane jata tha. 'soorat dekhakar dil par kaboo to nahin rahata.' 'yah to apani-apani ruchi hai.' 'hai mohani, dekhate hi kaleje par chhuri chal jati hai.' 'mere kaleje par to kabhi chhuri nahin chali. yahi ichchha hoti thi ki isake pairon par gir panoon.' 'isi shayari ne to yah anarth kiya. tum-jaise buddhuon ko kisi dehatin se shadi karake rahana chahie. chale the veshya se prem karane !' ek kshan ke bad usane phir kaha, magar hai bevapha, makkar ! 'tumane usase vapha ki asha ki, mujhe to yahi afasos hai.' 'tumane vah dil hi nahin paya, tumase kya kahoon.' ek minat ke bad usane sahriday-bhav se kaha, apane patr men usane baten to sachchi likhi hain, chahe koee mane ya n mane ? saundary ko bazaroo chiz samajhana kuchh bahut achchhi bat to nahin hai. dayakrishn ne puchara diya, zab stri apana roop bechati hai, to usake kharidar bhi nikal ate hain. phir yahan to kitani hi jatiyan hain, jinaka yahi pesha hai. 'yah pesha chala kaise ?' ‘striyon ki durbalata se.' 'nahin, main samajhata hoon, bismillah purushon ne ki hogi.' isake bad ekaek jeb se ghadi nikalakar dekhata hua bola, oho ! do baj gaye aur abhi main yahin baitha hoon. aj sham ko mere yahan khana khana. jara is vishay par baten hongi. abhi to use dhoondh nikalana hai. vah hai kahin isi shahar men. gharavalon se bhi kuchh nahin kaha,. budhiya nayaka sir pit rahi thi. ustadaji apani takadir ko ro rahe the. n-jane kahan jakar chhip rahi. usane uthakar dayakrishn se hath milaya aur chala. dayakrishn ne poochha, meri taraph se to tumhara dil saf ho gaya ? singar ne pichhe phirakar kaha, hua bhi aur nahin bhi hua. aur bahar nikal gaya. sat-ath din tak singarasinh ne sara shahar chhana, pulis men riport ki, samacharapatron men notis chhapayi, apane adami daudaye; lekin madhuri ka kuchh bhi surag n mila ki phir mahaphil garm hoti. mitravrind subah-sham hajiri dene ate aur apana-sa munh lekar laut jate. singar ke pas unake sath gap-shap karane ka samay n tha. garami ke din, saza hua kamara bhatthi bana hua tha. khas ki tattiyan bhi thin, pnkha bhi; lekin garami jaise kisi ke samajhane-bujhane ki paravah nahin karana chahati, apane dil ka bukhar nikalakar hi rahegi. singarasinh apane bhitaravale kamare men baitha hua peg-par-peg chadha raha tha; par andar ki ag n shant hoti thi. is ag ne oopar ki ghas-phoos ko jalakar bhasm kar diya tha aur ab antastal ki jad virakti aur achal vichar ko dravit karake bade veg se oopar phenk rahi thi. madhuri ki bevaphaee ne usake amodi hriday ko itana ahat kar diya tha ki ab apana jivan hi bekar-sa maloom hota tha. madhuri usake jivan men sabase saty vastu thi, saty bhi aur sundar bhi. usake jivan ki sari rekhaen isi bindu par akar jama ho jati thin. vah bindu ekaek pani ke bulabule ki bhanti mit gaya aur ab ve sari rekhaen, ve sari bhavanaen, ve sari mridu smritiyan un jhallayi huee madhumakkhiyon ki tarah bhanabhanati phirati thin, jinaka chhatta jala diya gaya ho. jab madhuri ne kapat vyavahar kiya to aur kisase koee asha ki jay ? is jivan hi men kya hai ? am men ras hi n raha, to guthali kis kam ki ? lila kee dinon se mahaphil men sannata dekhakar chakit ho rahi thi. usane kee mahinon se ghar ke kisi vishay men bolana chhod diya tha. bahar se jo adesh milata tha, use bina kuchh kahe-sune poora karana hi usake jivan ka kram tha. vitarag-si ho gayi thi. n kisi shauq se vasta tha, n singar se. magar is kee din ke sannate ne usake udas man ko bhi chintit kar diya. chahati thi ki kuchh poochhe; lekin poochhe kaise ? man jo toot jata. man hi kis bat ka ? man tab kare, jab koee usaki bat poochhata ho. man-apaman se prayojan nahin. nari hi kyon huee ? usane dhire-dhire kamare ka parda hatakar andar jhaauka. dekha, singarasinh sofa par chupachap leta hua hai, jaise koee pakshi sanjh ke sannate men paron men munh chhipaye baitha ho. samip akar boli, mere munh par tala dal diya gaya hai; lekin kya karoon, bina bole raha nahin jata. kee din se sarakar ki mahaphil men sannata kyon hai ? tabiyat to achchhi hai ? singar ne usaki or ankhen uthayin. unamen vyatha bhari huee thi. kaha, tum apane maike kyon nahin chali jatin lila ? 'apaki jo agya; par yah to mere prashn ka uttar n hua.' 'vah koee bat nahin. main bilakul achchha hoon. aise behayaon ko maut bhi nahin ati. ab is jivan se ji bhar gaya. kuchh dinon ke lie bahar jana chahata hoon. tum apane ghar chali jao, to main nishchint ho jaoon.' 'bhala apako meri itani chinta to hai.' 'apane sath jo kuchh le jana chahati ho, le jao.' 'mainne is ghar ki chijon ko apana samajhana chhod diya hai.' 'main naraz hokar nahin kah raha hoon, lila n-jane kab lautoon, tum yahan akele kaise rahogi ?' kee mahine ke bad lila ne pati ki ankhon men sneh ki jhalak dekhi. 'mera vivah to is ghar ki sampatti se nahin hua hai, tumase hua hai. jahan tum rahoge vahin main bhi rahoongi.' 'mere sath to ab tak tumhen rona hi pada.' lila ne dekha, singar ki ankhon men ansoo ki ek boond nile akash men chandrama ki tarah girane-girane ko ho rahi thi. usaka man bhi pulakit ho utha. mahinon ki kshudhagni men jalane ke bad atr ka ek dana pakar vah use kaise thukara de ? pet nahin bharega, kuchh bhi nahin hoga, lekin us dane ko thukarana kya usake bas ki bat thi ? usane bilakul pas akar, apane adbachal ko usake samip le jakar kaha, main to tumhari ho gayi. hnsaoge, hnsooagi, rulaoge, rooongi, rakhoge to rahoongi, nikaloge to bhi rahoongi, mera ghar tum ho, dharm tum ho, achchhi hoon to tumhari hoon, buri hoon to tumhari hoon. aur doosare kshan singar ke vishal sine par usaka sir rakha hua tha aur usake hath the lila ki kamar men. donon ke mukh par harsh ki lali thi, ankhon men harsh ke ansoo aur man men ek aisa toofan, jo unhen n jane kahan uda le jaega. ek kshan ke bad singar ne kaha, tumane kuchh suna, madhuri bhag gayi aur pagala dayakrishn usaki khoj men nikala ! lila ko vishvas n aya dayakrishn ! 'han ji, jis din vah bhagi hai, usake doosare hi din vah bhi chal diya.' 'vah to aisa nahin hai. aur madhuri kyon bhagi ?' 'donon men prem ho gaya tha. madhuri usake sath rahana chahati thi. vah raji n hua.' lila ne ek lambi sans li. dayakrishn ke ve shabd yad aye, jo usane kee mahine pahale kahe the. dayakrishn ki ve yachana-bhari ankhen usake man ko masosane lagin. sahasa kisi ne bade zor se dvar khola aur dhadadhadata hua bhitar vale kamare ke dvar par a gaya. singar ne chakit hokar kaha, 'are ! tumhari yah kya halat hai, krishna ? kidhar se a rahe ho ?' dayakrishn ki ankhen lal thin, sir aur munh par gard jami huee, chehare par ghabarahat, jaise koee divana ho. usane chillakar kaha, tumane suna; madhuri is snsar men nahin rahi ! aur donon hathon se sir pit-pitakar rone laga, mano hriday aur pranon ko ankhon se baha dega.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah