बैंक का दिवाला -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

lakhanoo neshanal baink ke daftar men lala saeendas aramakursi par lete hue sheyaron ka bhav dekh rahe the aur soch rahe the ki is bar hissedaron ko munapha kahan se diya jayaga. chay, koyala ya joot ke hisse kharidane, chandi, sone ya ruee ka satta karane ka irada karate; lekin nukasan ke bhay se kuchh tay n kar pate the. naj ke vyapar men is bar bada ghata raha; hissedaron ke dhadhas ke lie hani-labh ka kalpit byora dikhana pada aur napha poonji se dena pada. isase phir naj ke vyapar men hath dalate ji kanpata tha.

par rupaye ko bekar dal rakhana asambhav tha. do-ek din men use kahin n kahin lagane ka uchit upay karana zaroori tha; kyonki dairektaron ki timahi baithak ek hi saptah men hone vali thi. aur yadi us samay koee nishchay hi n hua, to age tin mahine tak phir kuchh n ho sakega, aur chhamahi munaphe ke bntavare ke samay phir vahi pharaji karravaee karani padegi, jisako bar-bar sahan karana baink ke lie kathin hai. bahut der tak is ulajhan men pade rahane ke bad saeendas ne ghnti bajayi. is par bagal ke doosare kamare se ek bngali baboo ne sir nikal kar jhanka.

saeendas-taja-stil kampani ko ek patr likh dijie ki apana naya bailens shit bhej den.

baboo-un logon ko rupaya ka garaj nahin. chitthi ka javab nahin deta.

saeendas-achchha; nagapur ki svadeshi mil ko likhie.

baboo-usaka karobar achchha nahin hai. abhi usake mazadooron ne hadatal kiya tha. do mahina tak mil bnd raha.

saeendas-aji, to kahin likho bhi ! tumhari samajh men sari duniya beeemanon se bhari hai.

baboo-baba, likhane ko to ham sab jagah likh den; magar khali likh dene se to kuchh labh nahin hota.

lala saeendas apani kul-pratishtha aur maryada ke karan baink ke mainejing dairektar ho gaye the par vyavaharik baton se aparichit the. yahi bngali baboo inake salahakar the aur baboo sahab ko kisi karakhane ya kampani par bharosa n tha. inhin ke avishvas ke karan pichhale sal baink ka rupaya sndook se bahar n nikal saka tha, aur ab vahi rng phir dikhayi deta tha. saeendas ko is kathinaee se bachane ka koee upay n soojhata tha. n itani himmat thi ki apane bharose kisi vyapar men hath dalen. bechaini ki dasha men uth kar kamare men tahalane lage ki daraban ne a kar khabar di-barahal ki maharani ki savari ayi hai.

2

lala saeendas chaunk pade. barahal ki maharani ko lakhanoo aye tin-char din hue the aur har ek ke munh se unhin ki charcha sunayi deti thi. koee unake pahanave par mugdh tha, koee sundarata par, koee unaki svachchhnd vritti par. yahan tak ki unaki dasiyan aur sipahi adi bhi logon ki charcha ke patra bane hue the. rayal hotal ke dvar par darshakon ki bhid lagi rahati hai. kitane hi shaukin, bephikare log, itar-pharosh, bajaj ya tambakoogar ka vesh dhar kar unaka darshan kar chuke the. jidhar se maharani ki savari nikal jati, darshakon ke that lag jate the. vah-vah, kya shan hai ! aisi iraki jodi lat sahab ke siva kisi raja-rees ke yahan to shayad hi nikale, aur sajavat bhi kya khoob hai ! bhee, aise gore adami to yahan bhi dikhayi nahin dete. yahan ke rees to mrigank, chndroday, aur eeshvar jane, kya-kya khak-bala khate hain, par kisi ke badan par tej ya prakash ka nam nahin. ye log n jane kya bhojan karate aur kis kuen ka pani pite hain ki jise dekhie, taja sev bana hua hai. yah sab jalavayu ka prabhav hai.

barahal uttar disha men nepal ke samip, angareji rajy men ek riyasat thi. yadyapi janata use bahut maladar samajhati thi; par vastav men us riyasat ki amadani do lakh se adhik n thi. han, kshetraphal bahut vistrit tha. bahut bhoomi oosar aur ujad thi. basa hua bhag bhi pahadi aur bnjar tha. zamin bahut sasti uthati thi.

lala saeendas ne turant alagani se reshami soot utar kar pahan liya aur mez par a kar shan se baith gaye, mano raja-raniyon ka yahan ana koee sadharan bat hai. daftar ke klark bhi snbhal gaye. sare baink men sannate ki halachal paida ho gayi. daraban ne pagadi snbhali. chaukidar ne talavar nikali, aur apane sthan par khada ho gaya. pnkha-kuli ki mithi nind bhi tooti aur bngali baboo maharani ke svagat ke lie daftar se bahar nikale.

saeendas ne bahari that to bana liya, kintu chitt asha aur bhay se chnchal ho raha tha. ek rani se vyavahar karane ka yah pahala hi avasar tha; ghabarate the ki bat karate bane ya n bane. reeson ka mizaj asaman par hota hai. maloom nahin, main bat karane men kahin chook jaoon. unhen is samay apane men ek kami maloom ho rahi thi. vah rajasi niyamon se anabhigy the. unaka samman kis prakar karana chahie, unase baten karane men kin baton ka dhyan rakhana chahie. unaki maryada-raksha ke lie kitani namrata uchit hai, is prakar ke prashn se vah bade asamnjas men pade hue the, aur ji chahata tha kisi tarah pariksha se shighr hi chhutakara ho jay. vyapariyon, mamooli jamindaron ya reeson se vah rukhaee aur saphaee ka bartav kiya karate the aur padhe-likhe sajjanon se shil aur shishtata ka. un avasaron par unhen kisi vishesh vichar ki avashyakata n hoti thi; par is samay badi pareshani ho rahi thi. jaise koee lnka-vasi tibbat men a gaya ho, jahan ke rasm-rivaj aur batachit ka use gyan n ho.

ekaek unaki drishti ghadi par padi. tisare pahar ke char baj chuke the, parntu ghadi abhi dopahar ki nind men magn thi. tarikh ki suee ne daud men samay ko bhi mat kar diya tha. vah jaldi se uthe ki ghadi ko thik kar den, itane men maharani ka kamare men padarpan hua. saeendas ne ghadi ko chhoda aur maharani ke nikat ja bagal men khade ho gaye. nishchay n kar sake ki hath milayen ya jhuk kar salam karen. rani ji ne svayn hath badha kar unhen is ulajhan se chhudaya.

jab kursiyon par baith gaye, to rani ke praivet sekretari ne vyavahar ki batachit shuroo ki. barahal ki purani gatha sunane ke bad usane un unnatiyon ka varnan kiya, jo rani sahab ke prayatn se huee thin. is samay naharon ki ek shakha nikalane ke lie das lakh rupayon ki avashyakata thi; parntu unhonne ek hindustani baink se hi vyavahar karana achchha samajha. ab yah nirnay neshanal baink ke hath men tha ki vah is avasar se labh uthana chahata hai ya nahin.

bngali baboo-ham rupaya de sakata hai, magar kagaj-pattar dekhe bina kuchh nahin kar sakata.

sekretari-ap koee jamanat chahate hain.

saeendas udarata se bole-mahashay, jamanat ke lie apaki jaban hi kafi hai.

bngali baboo-apake pas riyasat ka koee hisab-kitab hai ?

lala saeendas ko apane hedaklark ka duniyadari ka bartav achchha n lagata tha. vah is samay udarata ke nashe men choor the. maharani ki soorat hi pakki jamanat thi. unake samane kagaz aur hisab ka varnan karana baniyapan jan padata tha, jisase avishvas ki gndh ati hai.

mahilaon ke samane ham shil aur snkoch ke putale ban jate hain. saeendas bngali baboo ki or kroor-kathor drishti se dekh kar bole-kagajon ki janch koee avashyak bat nahin hai, keval hamako vishvas hona chahie.

bngali baboo-dairektar log kabhi n manega.

saeendas-hamako isaki parava nahin, ham apani zimmedari par rupaye de sakate hain.

rani ne saeendas ki or kritgytapoorn drishti se dekha. unake honthon par halaki muskarahat dikhalayi padi.

3

parntu dairektaron ne hisab-kitab, ay-vyay dekhana avashyak samajha, aur yah kam lala saeendas ke sipurd hua, kyonki aur kisi ko apane kam se phursat n thi ki vah ek poore daftar ka muayana karata. saeendas ne niyamapalan kiya. tin-char din tak hisab janchate rahe. tab apane itaminan ke anukool riport likhi. mamala tay ho gaya. dastavez likha gaya, rupaye de diye gaye. nau rupaye saikade byaj thahara.

tin sal tak baink ke karobar men achchhi unnati huee. chhathe mahine bina kahe-sune paintalis hazar rupayon ki thaili daftar men a jati thi. vyavahariyon ko panch rupaye saikade byaj de diya jata tha. hissedaron ko sat rupaye saikade labh tha.

saeendas se sab log prasann the, sab log unaki soojh-boojh ki prashnsa karate. yahan tak ki bngali baboo bhi dhire-dhire unake kayal hote jate the. saeendas unase kaha karate-baboo ji, vishvas snsar se n lupt hua hai aur n hoga. saty par vishvas rakhana pratyek manushy ka dharm hai. jis manushy ke chitt se vishvas jata rahata hai use mritak samajhana chahie. use jan padata hai, main charon or shatruon se ghira hua hoon. bade se bade siddh mahatma bhi use rnge-siyar jan padate hain. sachche se sachche deshapremi usaki drishti men apani prashnsa ke bhookhe hi thaharate hain. snsar use dhokhe aur chhal se paripoorn dikhayi deta hai. yahan tak ki usake man se paramatma par shraddha aur bhakti lupt ho jati hai. ek prasiddh philasaphar ka kathan hai ki pratyek manushy ko jab tak ki usake viruddh koee pratyaksh praman n pao bhalamanas samajho. vartaman shasan pratha isi mahattvapoorn siddhant par gathit hai. aur ghrina to kisi se karani hi n chahie. hamari atmaen pavitr hain. unase ghrina karana paramatma se ghrina karane ke saman hai. main yah nahin kahata hoon ki snsar men kapat-chhal hai hi nahin; hai, aur bahut adhikata se hai parntu usaka nivaran avishvas se nahin manav charitr ke gyan se hota hai aur yah eeshvaradatt gun hai. main yah dava to nahin karata parntu mujhe vishvas hai ki main manushy ko dekh kar usake antarik bhavon tak pahunch jata hoon. koee kitana hi vesh badale, rng-roop snvare, parntu meri antardrishti ko dhokha nahin de sakata. yah bhi dhyan rakhana chahie ki vishvas se vishvas utpann hota hai aur avishvas se avishvas. yah prakritik niyam hai. jis manushy ko ap shuroo se hi dhoort, kapati, durjan, samajh lenge, vah kabhi apase nishkapat vyavahar n karega. vah ekaek apako nicha dikhane ka yatn karega. isake viparit ap ek chor par bhi bharosa karen, to vah apaka das ho jayega. sare snsar ko loote parntu apako dhokha n dega. vah kitana hi kukarmi, adharmi kyon n ho, par ap usake gale men vishvas ki jnjir dal kar use jis or chahen, le ja sakate hain. yahan tak ki vah apake hathon punyatma bhi ban sakata hai.

bngali baboo ke pas in darshanik tarkon ka koee uttar n tha.

4

chauthe varsh ki pahali tarikh thi. lala saeendas baink ke daftar men baithe dakiye ki rah dekh rahe the. aj barahal se paintalis hazar rupaye avenge. abaki inaka irada tha ki kuchh sajavat ke saman aur mol le len. ab tak baink men teliphon nahin tha. usaka bhi takhamina mnga liya tha. asha ki abha chehare se jhalak rahi thi. bngali baboo se hns kar kahate the-is tarikh ko mere hathon men adabada ke khujali hone lagati hai. aj bhi hatheli khujala rahi hai. kabhi daftari se kahate-are miyan sharafat, jara sagun to vicharo; sirph sood hi sood a raha hai ya daftaravalon ke lie nazarana-shukarana bhi. asha ka prabhav kadachith sthan par bhi hota hai. baink bhi aj khula hua dikhayi padata tha.

dakiya thik samay par aya. saeendas ne laparavahi se usaki or dekha. usane apani thaili se kee rajistari lifaphe nikale. saeendas ne lifafe ko udati nigahon se dekha. barahal ka koee lifafa n tha. n bima, n muhar, n vah likhavat. kuchh nirasha-si huee. ji men aya, dakiye se poochhen, koee rajistari rah to nahin gayi par ruk gaye; daftar ke klarkon ke samane itana adhairy anuchit tha. kintu jab dakiya chalane laga tab unase n raha gaya ? poochh hi baithe-are bhaee, koee bima ka lifafa rah to nahin gaya ? aj use ana chahie tha. dakiye ne kaha-sarakar bhala aisi bat ho sakati hai ! aur kahin bhool-chook chahe ho bhi jay par apake kam men kahin bhool ho sakati hai ?

saeendas ka chehara utar gaya, jaise kachche rng par pani pad jay. dakiya chala gaya, to bngali baboo se bole-yah der kyon huee ? aur to kabhi aisa n hota tha.

bngali baboo ne nishthur bhav se uttar diya-kisi karan se der ho gaya hoga. ghabarane ki koee bat nahin.

nirasha asambhav ko sambhav bana deti hai. saeendas ko is samay yah khayal hua ki kadachith parsal se rupaye ate hon. ho sakata hai, tin hazar asharphiyon ka parsal kara diya ho. yadyapi is vichar ko auron par prakat karane ka unhen sahas n hua, par unhen yah asha us samay tak bani rahi jab tak parsalavala dakiya vapas nahin gaya. ant men sndhya ko vah bechaini ki dasha men uth kar ghar chale gaye. ab khat ya tar ka intazar tha. do-tin bar jhunjhala kar uthe, dant kar patr likhoon aur saf-saf kah doon ki len-den ke mamale men vada poora n karana vishvasaghat hai. ek din ki der bhi baink ke lie ghatak ho sakati hai. isase yah hoga ki phir kabhi aisi shikayat karane ka avasar n milega; parntu phir kuchh soch kar n likha.

sham ho gayi thi, kee mitr a gaye. gapashap hone lagi. itane men postamain ne sham ki dak di. yon vah pahale akhabaron ko khola karate par aj chitthiyan kholin; kintu barahal ka koee khat n tha. tab bedam ho ek angarezi akhabar khola. pahale hi tar ka shirshak dekh kar unaka khoon sard ho gaya. likha tha-

‘kal sham ko barahal ki maharani ji ka tin din ki bimari ke bad dehant ho gaya.’

isake age ek snkshipt not men yah likha hua tha-barahal ki maharani ki akal mrityu keval is riyasat ke lie hi nahin, kintu samast prant ke lie shok-janak ghatana hai. bade-bade bhishagachary (vaidyaraj) abhi rog ki parakh bhi n kar paye the ki mrityu ne kam tamam kar diya. rani ji ko sadaiv apani riyasat ki unnati ka dhyan rahata tha. unake thode-se rajyakal men hi unase riyasat ko jo labh hue hain, ve chirakal tak smaran rahenge. yadyapi yah mani huee bat thi ki rajy unake bad doosare ke hath jayaga, tathapi yah vichar kabhi rani sahiba ke kartavy palan men badhak nahin bana. shastranusar unhen riyasat ki jamanat par rin lene ka adhikar n tha. parntu praja ki bhalaee ke vichar se unhen kee bar is niyam ka ullnghan karana pada. hamen vishvas hai ki yadi vah kuchh din aur jivit rahatin, to riyasat ko rin se mukt kar detin. unhen rat-din isaka dhyan rahata tha. parntu is asamayik mrityu ne ab yah phaisala doosaron ke adhin kar diya. dekhana chahie, in rinon ka kya parinam hota hai. hamen vishvast riti se yah maloom hua hai ki naye maharaj ne, jo ajakal lakhanoo men virajaman hain, apane vakilon ki sammati ke anusar mritak maharani ke rin sambandhi hisabon ko chukane se inakar kar diya hai. hamen bhay hai ki is nishchay se mahajani tole men badi halachal paida hogi aur lakhanoo ke kitane hi dhan-sampatti ke svamiyon ko yah shiksha mil jayagi ki byaj ka lobh kitana anishtakari hota hai.

lala saeendas ne akhabar mej par rakh diya aur akash ki or dekha, jo nirasha ka antim ashray hai. any mitron ne bhi yah samachar padha. in prashn par vad-vivad hone laga. saeendas par charon or se bauchhar padane lagi. sara dosh unhin ke sir par madha gaya aur unaki chirakal ki karyakushalata aur parinamadarshita mitti men mil gayi. baink itana bada ghata sahane men asamarth tha. ab yah vichar upasthit hua ki kaise usake pranon ki raksha ki jay.

5

shahar men yah khabar phailate hi log apane rupaye vapas lene ke lie atur ho gaye. subah se sham tak lenadaron ka tanta laga rahata tha. jin logon ka dhan chaloo hisab men jama tha, unhonne turnt nikal liya, koee ujr n suna. yah usi patr ke lekh ka phal tha ki neshanal baink ki sakh uth gayi. dhiraj se kam lete, to baink snbhal jata. parntu andhi aur toofan men kaun nauka sthir rah sakati hai ? ant men khajanchi ne tat ulat diya. baink ki nason se itani raktadharaen nikalin ki vah pran-rahit ho gaya.

tin din bit chuke the. baink ghar ke samane sahastron adami ekatr the. baink ke dvar par sashastr sipahiyon ka pahara tha. nana prakar ki aphavahen ud rahi thin. kabhi khabar udati, lal saeendas ne vish-pan kar liya. koee unake pakade jane ki soochana lata tha. koee kahata tha-dairektar havalat ke bhitar ho gaye.

ekaek sadak par se ek motar nikali aur baink ke samane a kar ruk gayi. kisi ne kaha-barahal ke maharaj ki motar hai. itana sunate hi saikadon manushy motar ki or ghabaraye hue daude aur un logon ne motar ko gher liya.

kunvar jagadishasinh maharani ki mrityu ke bad vakilon se salah lene lakhanoo aye the. bahut kuchh saman bhi kharidana tha. ve ichchhaen jo chirakal se aise suavasar ki pratiksha men bndhi thin, pani ki bhanti rah pa kar ubali padati thin. yah motar aj hi li gayi thi. nagar men ek kothi lene ki batachit ho rahi thi. bahumooly vilas-vastuon se ladi ek gadi barahal ke lie chal chuki thi. yahan bhid dekhi, to socha, koee navin natak hone vala hai, motar rok di. itane men saikadon ki bhid lag gayi.

kunvar sahab ne poochha-yahan ap log kyon jama hain ? koee tamasha hone vala hai kya ?

ek mahashay, jo dekhane men koee bigade rees maloom hote the, bole-ji han, bada majedar tamasha hai.

kunvar-kisaka tamasha hai ?

vah-takadir ka.

kunvar mahashay ko yah uttar pa kar ashchary to hua, parntu sunate aye the ki lakhanoo vale bat-bat men bat nikala karate hain, atah usi dhng se uttar dena avashyak hua. bole-takadir ka khel dekhane ke lie yahan ana to avashyak nahin.

lakhanavi mahashay ne kaha-apaka kahana sach hai, lekin doosari jagah yah maja kahan ? yahan subah se sham tak ke bich bhagy ne kitanon ko dhani se nirdhan aur nirdhan se bhikhari bana diya. savere jo log mahal men baithe the, unhen is samay vriksh ki chhaya bhi nasib nahin. jinake dvar par sadavart khule the, unhen is samay rotiyon ke lale pade hain. abhi ek saptah pahale jo log kal-gati, bhagy ke khel aur samay ke pher ko kaviyon ki upama samajhate the is samay unaki ah aur karun krndan viyogiyon ko bhi lajjit karata hai. aise tamashe aur kahan dekhane men avenge ?

kunvar-janab, apane to paheli ko aur gadha kar diya. dehati hoon, mujhase sadharan taur se bat kijie.

is par ek sajjan ne kaha-sahab, yah neshanal baink hai. isaka divala nikal gaya hai. adab-arj, mujhe pahachana ?

kunvar sahab ne usaki or dekha, to motar se kood pade aur unase hath milate hue bole-are, mistar nasim ? tum yahan kahan ? bhaee tumase milakar bada annd hua.

mistar nasim kunvar sahab ke sath deharadoon-kalej men padhate the. donon sath-sath deharadoon ki pahadiyon par sair karate the, parntu jab se kunvar mahashay ne ghar ke jhnjhaton se vivash hokar kalej chhoda, tab se donon mitron men bhent n huee thi. nasim bhi unake ane ke kuchh samay pichhe apane ghar lakhanoo chale aye the.

nasim ne uttar diya-shukr hai, apane pahachana to. kahie, ab to pau-barah hai. kuchh doston ki bhi sudh hai ?

kunvar-sach kahata hoon. tumhari yad hamesha aya karati thi. kaho, aram se to ho ? main rayal hotal men tika hoon, aj ao, to itminan se batachit ho.

nasim-janab, itminan to neshanal baink ke sath chala gaya. ab to roji ki fikr savar hai. jo kuchh jama-poonji thi, sab apako bhent huee. is divale ne fakir bana diya. ab apake daravaze par a kar dharana doonga.

kunvar-tumhara ghar hai, bekhatake ao. mere sath hi kyon n chalo. kya batalaoon, mujhe kuchh bhi dhyan n tha ki mere inakar karane ka yah phal hoga. jan padata hai baink ne bahuteron ko tabah kar diya.

nasim-ghar-ghar matam chhaya hua hai. mere pas to in kapadon ke siva aur kuchh nahin raha.

itane men ek tilakadhari pndit ji a gaye aur bole-sahab, apake sharir par vastr to hain. yahan to dharati-akash kahin thikana nahin. raghoji pathashala ka adhyapak hoon. pathashala ka sab dhan isi baink men jama tha. pachas vidyarthi isi ke asare snskrit padhate aur bhojan pate the. kal se pathashala bnd ho jayegi. door-door ke vidyarthi hain. vah apane ghar kis tarah pahunchenge, eeshvar hi janen.

ek mahashay, jinake sir par pnjabi dhng ki pagadi thi, gadhe ka kot aur chamaraudha joota pahane hue the, age badh aye aur netritv ke bhav se bole-mahashay, is baink ke phelyor ne kitane hi instityooshanon ko samapt kar diya. lala dinanath ka anathalay ab ek din bhi nahin chal sakata. usake ek lakh rupaye doob gaye. abhi pandrah din hue, main deputeshan se lauta to pandrah hazar rupaye anathalay kosh men jama kiye the, magar ab kahin kaudi ka thikana nahin !

ek boodhe ne kaha-sahab, meri to zindagi bhar ki kamaee mitti men mil gayi. ab kafan ka bhi bharosa nahin.

dhire-dhire aur log bhi ekatr ho gaye aur sadharan batachit hone lagi. pratyek manushy apane pasavale ko apani duahkhakatha sunane laga. kunvar sahab adhe ghnte tak nasim ke sath khade ye vipath kathaen sunate rahe. jyon hi motar par baithe aur hotal ki or chalane ki agya di, tyon hi unaki drishti ek manushy par padi, jo prithvi par sir jhukaye baitha tha. yah ek ahir tha jo ladakapan men kunvar sahab ke sath khela tha. us samay unamen oonch-nich ka vichar n tha, kabaddi khele, sath pedon par chadhe aur chidiyon ke bachche churaye the. jab kunvar ji deharadoon padhane gaye, tab yah ahir ka ladaka shivadas apane bap ke sath lakhanoo chala aya. usane yahan ek doodh ki dookan khol li thi. kunvar sahab ne use pahachana aur uchch svar se pukara-are shivadas idhar dekho.

shivadas ne boli suni, parantu sir oopar n uthaya. vah apane sthan par baitha hi kunvar sahab ko dekh raha tha. bachapan ke ve din yad a rahe the, jab vah jagadish ke sath gulli-dnda khelata tha, jab donon buddhe gaphoor miyan ko munh chidha kar ghar men chhip jate the, jab vah isharon se jagadish ko guru ji ke pas se bula leta tha, aur donon ramalila dekhane chale jate the. use vishvas tha ki kunvar ji mujhe bhool gaye honge, ve ladakapan ki baten ab kahan ? kahan main aur kahan yah ! lekin kunvar sahab ne usaka nam lekar bulaya, to usane prasann hokar milane ke badale aur bhi sir nicha kar liya aur vahan se tal jana chaha. kunvar sahab ki sahridayata men vah samyabhav n tha. magar kunvar sahab use hatate dekh kar motar se utare aur usaka hath pakad kar bole-are shivadas, kya mujhe bhool gaye ?

ab shivadas apane manoveg ko rok n saka. usake netr dabadaba aye. kunvar ke gale se lipat gaya aur bola-bhoola to nahin. par apake samane ate lajja ati hai.

kunvar-yahan doodh ki dookan karate ho kya ? mujhe maloom hi n tha, nahin athavaron se pani pite-pite jukam kyon hota ? ao, isi motar par baith jao. mere sath hotal tak chalo. tumase baten karane ko ji chahata hai. tumhen barahal le chaloonga aur ek bar phir gulli-dnde ka khel khelenge.

shivadas-aisa n kijie, nahin to dekhanevale hnsenge. main hotal men a jaoonga. vahi hajaratagnj vale hotal men thahare hain n ?

kunvar-han, avashy aoge n ?

shivadas-ap bulayenge, aur main n aoonga ?

kunvar-yahan kaise baithe ho ? dookan to chal rahi hai n ?

shivadas-aj savere tak to chalati thi. age ka hal nahin maloom.

kunvar-tumhare rupaye bhi baink men jama the kya ?

shivadas-jab aoonga to bataoonga.

kunvar sahab motar par a baithe aur draivar se bole-hotal ki or chalo.

draivar-huzoor ne vhaitave kampani ki dookan par chalane ki agya jo di thi.

kunvar-ab udhar n jaoonga.

draivar-jekab sahab baristar ke yahan bhi n chalenge ?

kunvar-(jhunjhala kar) nahin, kahin mat chalo. mujhe sidhe hotal pahunchao.

nirasha aur vipatti ke in drishyon ne jagadishasinh ke chitt men yah prashn upasthit kar diya tha ki ab mera kya kartavy hai ?

6

aj se sat varsh poorv jab barahal ke maharaj thik yuvavastha men ghode se gir kar mar gaye the aur virasat ka prashn utha to maharaj ke koee santan n hone ke karan, vnsh-kram milane se unake sage chachere bhaee thakur ramasinh ko virasat ka hak pahunchata tha. unhonne dava kiya, lekin nyayalayon ne rani ko hi hakadar thaharaya. thakur sahab ne apilen kin, privi kaunsil tak gaye, parantu saphalata n huee. mukadamebaji men lakhon rupaye nasht hue, apane pas ki milakiyat bhi hath se jati rahi; kintu har kar bhi vah chain se n baithe. sadaiv vidhava rani ko chhedate rahe. kabhi asamiyon ko bhadakate, kabhi asamiyon se rani ki buraee karate, kabhi unhen jali mukadamon men phnsane ka upay karate, parantu rani bade jivat ki stri thin. vah bhi thakur sahab ke pratyek aghat ka munhatod uttar detin. han, is khinchatan men unhen badi-badi rakamen avashy kharch karani padati thin. asamiyon se rupaye n vasool hote isalie unhen bar-bar rin lena padata tha. parantu qanoon ke anusar unhen rin lene ka adhikar n tha. isalie unhen ya to is vyavastha ko chhipana padata tha, ya sood ki gahari dar svikar karani padati thi.

kunvar jagadishasinh ka ladakapan to lad-pyar men bita tha, parantu jab thakur ramasinh mukadamebaji se bahut tng a gaye aur yah sandeh hone laga ki kahin rani ki chalon se kunvar sahab ka jivan snkat men n pad jaye, to unhonne vivash ho kar kunvar sahab ko deharadoon bhej diya. kunvar sahab vahan do varsh tak to anand se rahe, kintu jyon hi kalej ki pratham shreni men pahunche ki pita paralokavasi ho gaye. kunvar sahab ko padhaee chhodani padi. barahal chale aye, sir par kutumb-palan aur rani se purani shatruta ko nibhane ka bojh a pada. us samay se maharani ke mrityu-kal tak unaki dasha bahut giri rahi. rin ya striyon ke gahanon ke siva aur koee adhar n tha. us par kul-maryada ki raksha ki chinta bhi thi. ye tin varsh tak unake lie kathin pariksha ke samay the. aye din sahookaron se kam padata tha. unake nirday banon se kaleja chhid gaya tha. hakimon ke kathor vyavahar aur atyachar bhi sahane padate; parantu sabase hriday-vidarak apane atmiyajanon ka bartav tha, jo samane bat n karake bagali choten karate the, mitrata aur aiky ki ad men kapat hath chalate the. in kathor yatanaon ne kunvar sahab ko adhikar, svechchhachar aur dhan-sampatti ka jani dushman bana diya tha. vah bade bhavuk purush the. sambandhiyon ki akripa aur desh-bndhuon ki durniti unake hriday par kala chihn banati jati thi. sahity-prem ne unhen manav-prakriti ka tattvanveshi bana diya tha aur jahan yah gyan unhen pratidin sabhyata se door liye jata tha, vahan unake chitt men jan-satta aur samyavad ke vichar pusht karata jata tha. un par prakat ho gaya tha ki yadi sadvyavahar jivit hai, to vah jhonpadon aur garibon men hi hai. us kathin samay men, jab charon or andhera chhaya hua tha, unhen kabhi-kabhi sachchi sahanubhooti ka prakash yahin drishtigochar ho jata tha. dhan-sampatti ko vah shreshth prasad nahin, eeshvar ka prakop samajhate the jo manushy ke hriday se daya aur prem ke bhavon ko mita deta hai; yah vah megh hai, jo chitt ke prakashit taron par chha jata hai.

parntu maharani ki mrityu ke bad jyon hi dhan-sampatti ne un par var kiya, bas darshanik tarkon ki yah dhal choor-choor ho gayi. atmanidarshan ki shakti nasht ho gayi. ve mitr ban gaye jo shatru sarikhe the aur jo sachche hitaishi the ve vismrit ho gaye. samyavad ke manogat vicharon men ghor parivartan arambh ho gaya. hriday men asahishnuta ka udbhav hua. tyag ne bhog ki or sir jhuka diya, maryada ki bedi gale men padi. ve adhikari, jinhen dekh kar unake tevar badal jate the, ab unake salahakar ban gaye. dinata aur daridrata ko, jinase unhen sachchi sahanubhooti thi, dekh kar ab vah ankhen moond lete the.

isamen sndeh nahin ki kunvar sahab ab bhi samyavad ke bhakt the, kintu un vicharon ke prakat karane men vah pahale ki-si svatntrata n thi. vichar ab vyavahar se darata tha. unhen kathan ko kary-roop men parinat karane ka avasar prapt tha; par ab kary-kshetr kathinaiyon se ghira hua jan padata tha. begar ke vah jani dushman the; parantu ab begar ko bnd karana dushkar pratit hota tha. svachchhata aur svasthyaraksha ke vah bhakt the, kintu ab dhan vyay n karake bhi unhen gramavasiyon ki hi or se virodh ki shnka hoti thi. asamiyon se pot ugahane men kathor bartav ko vah pap samajhate the; magar ab kathorata ke bina kam chalata n jan padata tha. saransh yah ki kitane hi siddhant, jin par pahale unaki shraddha thi ab asngat maloom hote the.

parntu aj jo duahkhajanak drishy baink ke hate men najar aye unhonne unake daya-bhav ko jagrat kar diya. us manushy ki-si dasha ho gayi, jo nauka men baitha suramy tat ki shobha ka annd uthata hua kisi shmashan ke samane a jaye, chita par lashen jalati dekhe, shok-sntapton ke karun krndan ko sune aur nav se utar kar unake duahkh men sammilit ho jay !

rat ke das baj gaye the. kunvar sahab palng par lete the. baink ke hate ka drishy ankhon ke samane nach raha tha. vahi vilap-dhvani kanon men a rahi thi ! chitt men prashn ho raha tha, kya is vidambana ka karan main hi hoon ! mainne to vahi kiya, jisaka mujhe qanoonan adhikar tha. yah baink ke snchalakon ki bhool hai, jo unhonne bina poori jamanat ke itani rakam karz de di. lenadaron ko unhin ki garadan napani chahie. main koee khudaee faujadar nahin hoon, ki doosaron ki nadani ka phal bhogoon. phir vichar palata, main nahak is hotal men thahara. chalis rupaye pratidin dene padenge. koee char sau rupaye ke matthe jayegi. itana saman bhi vyarth hi liya. kya avashyakata thi ? makhamali gadde ki kursiyon ya shishe ki sajavat se mera gaurav nahin badh sakata. koee sadharan makan panch rupaye par le leta, to kya kam n chalata ? main aur sath ke sab adami aram se rahate. yahi n hota ki log ninda karate. isaki kya chinta. jin logon ke matthe yah that kar raha hoon, ve garib to rotiyon ko tarasate hain. ye hi das-barah hazar rupaye laga kar kuen banava deta, to sahastron dinon ka bhala hota. ab phir logon ke chakame men n aoonga. yah motarakar vyarth hai. mera samay itana mahnga nahin hai ki ghnte-adh-ghnte ki kiphayat ke lie do sau rupaye mahine ka kharch badha loon. faka karanevale asamiyon ke samane motar daudana unaki chhatiyon par moong dalana hai. mana ki ve rob men a jayenge, jidhar se nikal jaoonga, saikadon striyan aur bachche dekhane ke lie khade ho jayenge, magar keval itane hi dikhave ke lie itana kharch badha़na moorkhata hai. yadi doosare rees aisa karate hain to karen, main unaki barabari kyon karoon ? ab tak do hazar rupaye salana men mera nirvah ho jata tha. ab do ke badale char hazar bahut hain. phir mujhe doosaron ki kamaee is prakar udane ka adhikar hi kya hai ? main koee udyog-dhndha, koee karobar nahin karata jisaka yah napha ho. yadi mere purakhon ne hathadharmi, jabaradasti se ilaka apane hathon men rakh liya, to mujhe unake loot ke dhan men sharik hone ka kya adhikar hai ? jo log parishram karate hain, unhen apane parishram ka poora phal milana chahie. rajy unhen keval doosaron ke kathor hathon se bachata hai. use is seva ka uchit muavaja milana chahie. bas, main to rajy ki or se yah muavaja vasool karane ke lie niyat hoon. isake siva in garibon ki kamaee men mera aur koee bhag nahin. bechare din hain, moorkh hain, bejaban hain, is samay ham inhen chahe jitana sata len. inhen apane svatv ka gyan nahin. main apane mahattv ko nahin samajhata par ek samay aisa avashy ayega, jab inake munh men bhi juban hogi, inhen bhi apane adhikaron ka gyan hoga. tab hamari dasha buri hogi. ye bhog-vilas mujhe apane adamiyon se door kiye dete hain. meri bhalaee isi men hai, ki inhin men rahoon, inhin ki bhanti jivan-nirvah aur inaki sahayata karoon. koee chhoti-moti rakam hoti, to kahata lao, jis sir par bahut bhar hai, usi tarah yah bhi sahi. mool ke alava kee hazar rupaye sood ke alag hue. phir mahajanon ke bhi tin lakh rupaye hain. riyasat ki amadani dedh-do lakh rupaye salana hai, adhik nahin. main itana bada sahas karoon bhi, to kis birate par ? han, yadi bairagi ho jaoon to sambhav hai, mere jivan men-yadi kahin achanak mrityu n ho jay to yah jhagada pak ho jay. is agni men koodana apane sampoorn jivan, apani umngon aur apani ashaon ko bhasm karana hai. ah ! in dinon ki pratiksha men mainne kya-kya kasht nahin bhoge. pita ji ne is chinta men pran-tyag kiya. yah shubh muhoort hamari andheri rat ke lie door ka dipak tha. ham isi ke asare jivit the. sote-jagate sadaiv isi ki charcha rahati thi. isase chitt ko kitana sntosh aur kitana abhiman tha. bhookhe rahane ke din bhi hamare tevar maile n hote the. jab itane dhairy aur sntosh ke bad achchhe din aye to usase kaise vimukh hua jaye. phir apani hi chinta to nahin, riyasat ki unnati ki kitani hi skimen soch chuka hoon. kya apani ichchhaon ke sath un vicharon ko bhi tyag doon. is abhagi rani ne mujhe buri tarah phnsaya, jab tak jiti rahi, kabhi chain se n baithane diya. mari to mere sir par yah bala dal di. parntu main daridrata se itana darata kyon hoon ? daridrata koee pap nahin hai. yadi mera tyag hajaron gharanon ko kasht aur duravastha se bachaye to mujhe usase munh n modana chahie. keval sukh se jivan vyatit karana hi hamara dhyey nahin hai. hamari man-pratishtha aur kirti sukh-bhog hi se to nahin hua karati. rajamndiron men rahane valon aur vilas men rat ranapratap ko kaun janata hai ? yah unaka atm-samarpan aur kathin vratapalan hi hai, jisane unhen hamari jati ka soory bana diya hai. shriramachandr ne yadi apana jivan sukh-bhog men bitaya hota to aj ham unaka nam bhi n janate. unake atm-balidan ne hi unhen amar bana diya. hamari pratishtha dhan aur vilas par avalambit nahin hai. main motar par savar hua to kya, aur tattoo par chadha to kya, hotal men thahara to kya aur kisi mamooli ghar thahara to kya. bahut hoga, tallukedar log meri hnsi udavenge. isaki parava nahin. main to hriday se chahata hoon ki un logon se alag-alag rahoon. yadi itani ninda se saikadon parivaron ka bhala ho jaye, to main manushy nahin, yadi prasannata se use sahan n karoon. yadi apane ghode aur phitan, sair aur shikar, naukar-chakar aur svarth-sadhak hit-mitron se rahit ho kar main sahòon amir-garib kutumbon ka, vidhavaon, anathon ka bhala kar sakoon, to mujhe isamen kadapi vilamb n karana chahie. sahòon parivaron ke bhagy is samay meri mutthi men hain. mera sukh-bhog unake lie vish aur mera atm-snyam unake lie amrit hai. main amrit ban sakata hoon, vish kyon banoon ? aur phir ise atm-tyag samajhana bhi meri bhool hai. yah ek snyog hai ki main aj is jayadad ka adhikari hoon. mainne use kamaya nahin. usake lie rakt nahin bahaya. n pasina bahaya. yadi vah jayadad mujhe n mili hoti to main sahòon din bhaiyon ki bhanti aj jivikoparjan men laga rahata. main kyon n bhool jaoon ki main is rajy ka svami hoon. aise hi avasaron par manushy ki parakh hoti hai. mainne varshane pustakavalokan kiya, varshon paropakar ke siddhanton ka anuyayi raha. yadi is samay un siddhanton ko bhool jaoon, svarth ko manushyata aur sadachar se badhane doon to vastutah yah meri atynt kayarata aur svarthaparata hogi. bhala svarthasadhan ki shiksha ke lie gita, mil, emarsan aur arastoo ka shishy banane ki kya avashyakata thi. yah path to mujhe apane doosare bhaiyon se yon hi mil jata. prachalit pratha se badh kar aur kaun guru tha ? sadharan logon ki bhanti kya main bhi svarth ke samane sir jhuka doon ? to phir visheshata kya rahi ? nahin, main nanashns (vivek-buddhi) ka khoon n karoonga. jahan puny kar sakata hoon, pap n karoonga. paramatmanh, tum meri sahayata karo, tumane mujhe rajapoot-ghar men janm diya hai. mere karm se is mahanh jati ko lajjit n karo. nahin, kadapi nahin, yah gardan svarth ke sammukh n jhukegi. main ram, bhishm, aur pratap ka vnshaj hoon. sharir-sevak n banoonga.

kunvar jagadish sinh ko is samay aisa gyat hua, mano vah kisi oonchi minar par chadh gaye hain. chitt abhiman se poorit ho gaya. ankhen prakashaman ho gayin. parntu ek hi kshan men is umng ka utar hone laga, oonchi minar ke niche ki or ankhen gayin. sara sharir kanp utha. us manushy ki-si dasha ho gayi, jo kisi nadi ke tat par baitha usamen koodane ka vichar kar raha ho.

unhonne socha, kya mere ghar ke log mujhase sahamat honge ? yadi mere karan ve sahamat bhi ho jayen, to kya mujhe adhikar hai ki apane sath unaki ichchhaon ka bhi balidan karoon ? aur-to-aur, mata ji kabhi n manengi, aur kadachith bhaee log bhi asvikar karen. riyasat ki haisiyat ko dekhate hue ve kam-se-kam das hazar salana ke hissedar hain. aur unake bhag men kisi prakar ka hastakshep nahin kar sakata. main keval apana malik hoon, parantu main bhi to akela nahin hoon. savitri svayn chahe mere sath ag men koodane ko taiyar ho, kintu apane pyare putr ko is anch ke samip kadapi n ane degi.

kunvar mahashay aur adhik n soch sake. vah ek vikal dasha men palng par se uth baithe aur kamare men tahalane lage. thodi der bad unhonne jngale ke bahar ki or jhanka aur kivad khol kar bahar chale gaye. charon or andhera tha. unaki chintaon ki bhanti samane apar aur bhaynkar gomati nadi bah rahi thi. vah dhire-dhire nadi ke tat par chale gaye aur der tak vahan tahalate rahe. akul hriday ko jal-tarngon se prem hota hai. shayad isilie ki laharen vyakul hain. unhonne apane chnchal chitt ko phir ekagr kiya. yadi riyasat ki amadani se ye sab vrittiyan di jayengi, to rin ka sood nikalana bhi kathin hoga. mool ka to kahana hi kya ! kya ay men vriddhi nahin ho sakati ? abhi astabal men bis ghode hain. mere lie ek kafi hai. naukaron ki snkhya sau se kam n hogi. mere lie do bhi adhik hain. yah anuchit hai ki apane hi bhaiyon se nich sevaen karayi jayn. un manushyon ko main apane sir ki zamin de doonga. sukh se kheti karenge aur mujhe ashirvad denge. bagichon ke phal ab tak daliyon ki bhent ho jate the. ab unhen bechoonga, aur sabase badi amadani to bayaee ki hai. keval maheshagnj ke bazar ke das hazar rupaye ate hain. yah sab amadani mahnt ji uda jate hain. unake lie ek hazar rupaye sal hona chahie. abaki is bazar ka theka doonga. ath hazar se kam n milenge. in madon se pachis hazar rupaye ki varshik ay hogi. savitri aur lalla ladake ke lie ek hazar rupaye kafi hain. main savitri se spasht kah doonga ki ya to ek hazar rupaye masik lo aur mere sath raho ya riyasat ki adhi amadani le lo, aur mujhe chhod do. rani banane ki ichchha ho, to khushi se bano, parntu main raja n banoonga.

achanak kunvar sahab ke kanon men avaz ayi-ram nam saty hai. unhonne pichhe mud kar dekha. kee manushy ek lash liye ate the. un logon ne nadi kinare chita banayi aur usamen ag laga di. do striyan chinghad kar ro rahi thin. is vilap ka kunvar sahab ke chitt par kuchh prabhav n pada. vah chitt men lajjit ho rahe the ki main kitana pashan-hriday hoon. ek din manushy ki lash jal rahi hai, striyan ro rahi hain aur mera hriday tanik bhi nahin pasijata ! patthar ki moorti ki bhanti khada hoon. ekabaragi stri ne rote hue kaha-hay mere raja ! tumhen vish kaise mitha laga ? yah hriday-vidarak vilap sunate hi kunvar sahab ke chitt men ek ghav-sa lag gaya. karuna sajag ho gayi aur netr ashrupoorn ho gaye. kadachith isane vish-pan karake pran diye hain. hay ! use vish kaise mitha laga. isamen kitani karuna hai, kitana dukh, kitana ashchary ! vish to kadava padarth hai. kyonkar mitha ho gaya ! katu vish ke badale jisane apane madhur pran de diye us par koee badi musibat padi hogi. aisi hi dasha men vish madhur ho sakata hai. kunvar sahab tadap gaye. karunik shabd bar-bar unake hriday men goonjate the. ab unase vahan khada n raha gaya. vah un adamiyon ke pas aye, ek manushy se poochha-kya bahut dinon se bimar the ? is manushy ne kunvar sahab ki or ansoo-bhare netron se dekh kar kaha-nahin sahab, kahan ki bimari ! abhi aj sndhya tak bhali-bhanti baten kar rahe the ! maloom nahin, sndhya ko kya kha liya ki khoon ki kai hone lagi. jab tak vaidyaraj ke yahan jayn, tab tak ankhen ulat gayin. nadi chhoot gayi. vaidyaraj ne akar dekha, to kaha-ab kya ho sakata hai ? abhi kul baees-teees varsh ki avastha thi. aisa pattha sare lakhanoo men nahin tha.

kunvar-kuchh maloom hua, vish kyon khaya ?

us manushy ne sndeh-drishti se dekh kar kaha-mahashay, aur to koee bat nahin huee. jab se yah bada baink toota hai, bahut udas rahate the. koee hazar rupaye baink men jama kiye the. ghi-doodh-malaee ki badi dookan thi. biradari men man tha. vah sari poonji doob gayi. ham log rokate rahe ki baink men rupaye mat jama karo; kintu honahar yah thi. kisi ki nahin suni. aj sabere stri se gahane mangate the ki giravi rakh kar ahiron ke doodh ke dam de den. usase baton-baton men jhagada ho gaya. bas n jane kya kha liya.

kunvar sahab ka hriday kanp utha. turant dhyan aya-shivadas to nahin hai ! poochha-inaka nam shivadas to nahin tha. us manushy ne vismay se dekh kar kaha-han, yahi nam tha. kya apase jan-pahachan thi ?

kunvar-han, ham aur yah bahut dinon tak barahal men sath-sath khele the. aj sham ko vah hamase baink men mile the. yadi unhonne mujhase tanik bhi charcha ki hoti, to main yathashakti unaki sahayata karata. shok ?

us manushy ne tab dhyanapoorvak kunvar sahab ko dekha, aur ja kar striyon se kaha-chup ho jao, barahal ke maharaj aye hain. itana sunate hi shivadas ki mata jor-jor se sir patakati aur roti huee akar kunvar ke pairon par gir padi. usake mukh se keval ye shabd nikale-‘beta, bachapan se jise tum bhaiya kaha karate the.’-aur gala rundh gaya.

kunvar mahashay ki ankhon se bhi ashrupat ho raha tha. shivadas ki moorti unake samane khadi yah kahati dekh padati thi ki tumane mitr ho kar mere pran liye !

7

bhor ho gayi. parantu kunvar sahab ko nind n ayi. jab se vah gomati tir se laute the, unake chitt par ek vairagy-sa chhaya hua tha. vah karunik drishy unake svarth ke tarkon ko chhinn-bhinn kiye deta tha. savitri ke virodh, lalla ke nirasha-yukt hath aur mata ke kushabdon ka ab unhen leshamatr bhi bhay n tha. savitri kudhegi kudhe, lalla ko bhi sngram ke kshetr men koodana padega, koee chinta nahin ! mata pran dene par tatpar hogi, kya harj hai. main apani stri-putr tatha hit-mitradi ke lie sahòon parivaron ki hatya n karoonga. hay ! shivadas ko jivit rakhane ke lie main aisi kitani riyasaten chhod sakata hoon. savitri ko bhookhon rahana pade, lalla ko mazadoori karani pade, mujhe dvar-dvar bhikh mangani pade, tab bhi doosaron ka gala n dabaoonga. ab vilamb ka avasar nahin. n jane age yah divala aur kya-kya apattiyan khadi kare. mujhe itana aga-pichha kyon ho raha hai ? yah keval atm-nirbalata hai varana yah koee aisa bada kam nahin, jo kisi ne n kiya ho. aye din log rupaye dan-puny karate hain. mujhe apane kartavy ka gyan hai. usase kyon munh modoon. jo kuchh ho, jo chahe sir pade, isaki kya chinta. kunvar ne ghnti bajayi. ek kshan men aradali ankhen malata hua aya.

kunvar sahab bole-abhi jekab baristar ke pas jakar mera salam do. jag gaye honge. kahana, zaroori kam hai. nahin, yah patr lete jao. motar taiyar kara lo.

8

mistar jekab ne kunvar sahab ko bahut samajhaya ki ap is daladal men n phnsen, nahin to nikalana kathin hoga. maloom nahin, abhi kitani aisi rakamen hain jinaka apako pata nahin hai, parantu chitt men dridh ho janevala nishchay choone ka pharsh hai, jisako apatti ke thapede aur bhi pusht kar dete hain, kunvar sahab apane nishchay par dridh rahe. doosare din samachar-patron men chhapava diya ki mrit maharani par jitana karz hai vah ham sakarate hain aur niyat samay ke bhitar chuka denge.

is vigyapan ke chhapate hi lakhanoo men khalabali pad gayi. buddhimanon ki sammati men yah kunvar mahashay ki nitant bhool thi aur jo log qanoon se anabhigy the, unhonne socha ki isamen avashy koee bhed hai. aise bahut kam manushy the, jinhen kunvar sahab ki niyat ki sachchaee par vishvas aya ho parntu kunvar sahab ka bakhan chahe n hua ho, ashirvad ki kami n thi. baink ke hajaron garib lenadar sachche hriday se unhen ashirvad de rahe the.

ek saptah tak kunvar sahab ko sir uthane ka avakash n mila. mistar jekab ka vichar saty siddh hua. dena pratidin badhata jata tha. kitane hi pronot aise mile, jinaka unhen kuchh bhi pata n tha. jauhariyon aur any bade-bade dookanadaron ka lena bhi kam n tha. andajan terah-chaudah lakh ka tha. mijan bis lakh tak pahuncha. kunvar sahab ghabaraye. shnka huee-aisa n ho ki unhen bhaiyon ka gujara bhi band karana pade. jisaka unhen koee adhikar nahin tha. yahan tak ki sataven din unhonne kee sahookaron ko bura-bhala kah kar samane se door kiya. jahan byaj ki dar adhik thi, use kam karaya aur jin rakamon ki miyaden bit chuki thin, unase inakar kar diya.

unhen sahookaron ki kathorata par krodh ata tha. unake vichar se mahajanon ko doobate dhan ka ek bhag pa kar hi sntosh kar lena chahie tha. itani khinchatan karane par bhi kul unnis lakh se kam n hua.

kunvar sahab in kamon se avakash pa kar ek din neshanal baink ki or ja nikale. baink khula hua tha. mritak sharir men pran a gaye the. lenadaron ki bhid lagi huee thi. log prasannachitt laute ja rahe the. kunvar sahab ko dekhate hi saikadon manushy bade prem se unaki or daude. kisi ne ro kar, kisi ne pairon par gir kar aur kisi ne sabhyatapoorvak apani kritgyta prakat ki. vah baink ke karyakarttaon se bhi mile. logon ne kaha-is vigyapan ne baink ko jivit kar diya. bngali baboo ne lala saeendas ki alochana ki-vah samajhata tha snsar men sab manushy bhalamanas hai. hamako upadesh karata tha. ab usaki ankh khul gee hai. akela ghar men baitha rahata hai. kisi ko munh nahin dikhata. ham sunata hai, vah vahan se bhag jana chahata tha. parantu bada sahab bola, bhagega to tumhara oopar varnt jari kar dega. ab saeendas ki jagah bngali baboo mainejar ho gaye the.

isake bad kunvar sahab barahal aye. bhaiyon ne yah vrittant suna, to bigade, adalat ki dhamaki di. mata ji ko aisa dhakka pahuncha ki vah usi din bimar ho kar ek hi saptah men is snsar se vida ho gayin. savitri ko bhi chot lagi, par usane keval sntosh hi nahin kiya, pati ki udarata aur tyag ki prashnsa bhi ki. rah gaye lal sahab. unhonne jab dekha ki astabal se ghode nikale jate hain, hathi makanapur ke mele men bikane ke lie bhej diye gaye hain aur kahar vida kiye ja rahe hain, to vyakul ho pita se bole-baboo ji, yah sab naukar, ghode, hathi kahan ja rahe hain ?

kunvar-ek raja sahab ke utsav men.

lal ji-kaun se raja ?

kunvar-unaka nam raja dinasinh hai.

lal ji-kahan rahate hain ?

kunvar-daridrapur.

lal ji-to ham bhi jayenge.

kunvar-tumhen bhi le chalenge; parntu is barat men paidal chalane valon ka samman savaron se adhik hoga.

lal ji-to ham bhi paidal chalenge.

kunvar-vahan parishrami manushy ki prashnsa hoti hai.

lal ji-to ham sabase zyada parishram karenge.

kunvar sahab ke donon bhaee panch-panch hazar rupaye gujara lekar alag ho gaye. kunvar sahab apane aur parivar ke lie kathinaee se ek hazar salana ka prabandh kar sake, par yah amadani ek rees ke lie kisi tarah paryapt nahin thi. atithi-abhyagat pratidin tike hi rahate the. un sabaka bhi satkar karana padata tha. badi kathinaee se nirvah hota tha. idhar ek varsh se shivadas ke kutumb ka bhar bhi sir par pada, parantu kunvar sahab kabhi apane nishchay par shok nahin karate. unhen kabhi kisi ne chintit nahin dekha. unaka mukhamndal dhairy aur sachche abhiman se sadaiv prakashit rahata hai. sahity-prem pahale se tha. ab bagabani se prem ho gaya hai. apane bag men pratahkal se sham tak paudon ki dekh-rekh kiya karate hain aur lal sahab to pakke krishak hote dikhaee dete hain. abhi nav-das varsh se adhik avastha nahin hai, lekin andhere munh khet pahunch jate hain. khane-pine ki bhi sudh nahin rahati.

unaka ghoda maujood hai; parantu mahinon us par nahin chadhate. unaki yah dhun dekh kar kunvar sahab prasann hote hain aur kaha karate hain-riyasat ke bhavishy ki or se nishchint hoon. lal sahab kabhi is path ko n bhoolenge. ghar men sampatti hoti, to sukh-bhog, shikar, durachar ke siva aur kya soojhata ! sampatti bechakar hamane parishram aur sntosh kharida, aur yah sauda bura nahin. savitri itani sntoshi nahin. vah kunvar sahab ke rokane par bhi asamiyon se chhoti-moti bhent le liya karati hai aur kul-pratha nahin todana chahati.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah