सुजान भगत -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sidhe-sade kisan dhan hath ate hi dharm aur kirti ki or jhukate hain. divy samaj ki bhanti ve pahale apane bhog-vilas ki or nahin daudate. sujan ki kheti men kee sal se knchan baras raha tha. mehanat to ganv ke sabhi kisan karate the, par sujan ke chndrama bali the, oosar men bhi dana chhint ata to kuchh n kuchh paida ho jata tha. tin varsh lagatar ookh lagati gayi. udhar gud ka bhav tej tha. koee do-dhaee hazar hath men a gaye. bas chitt ki vritti dharm ki or jhuk padi. sadhu-snton ka adar-satkar hone laga, dvar par dhooni jalane lagi, qanoonago ilake men ate, to sujan mahato ke chaupal men thaharate. halke ke hed kanstebal, thanedar, shiksha-vibhag ke aphasar, ek n ek us chaupal men pada hi rahata. mahato mare khushi ke phoole n samate. dhany bhag ! usake dvar par ab itane bade-bade hakim a kar thaharate hain. jin hakimon ke samane usaka munh n khulata tha, unhin ki ab 'mahato-mahato' karate jaban sookhati thi. kabhi-kabhi bhajan-bhav ho jata. ek mahatma ne daul achchha dekha to ganv men asan jama diya. ganje aur charas ki bahar udane lagi. ek dholak ayi, majire mngaye gaye, satsng hone laga. yah sab sujan ke dam ka jaloos tha. ghar men seron doodh hota, magar sujan ke knth tale ek boond bhi jane ki kasam thi. kabhi hakim log chakhate, kabhi mahatma log. kisan ko doodh-ghi se kya matalab, use roti aur sag chahie. sujan ki namrata ka ab paravar n tha. sabake samane sir jhukaye rahata, kahin log yah n kahane lagen ki dhan pa kar use ghamnd ho gaya hai. ganv men kul tin kuen the, bahut-se kheton men pani n pahunchata tha, kheti mari jati 1408 : manasarovar thi. sujan ne ek pakka kuan banava diya. kuen ka vivah hua, ygy hua, brahmabhoj hua. jis din pahali bar pur chala, sujan ko mano charon padarth mil gaye. jo kam ganv men kisi ne n kiya tha, vah bap-dada ke puny-pratap se sujan ne kar dikhaya. ek din ganv men gaya ke yatri a kar thahare. sujan hi ke dvar par unaka bhojan bana. sujan ke man men bhi gaya karane ki bahut dinon se ichchha thi. yah achchha avasar dekh kar vah bhi chalane ko taiyar ho gaya. usaki stri bulaki ne kaha —abhi rahane do, agale sal chalenge. sujan ne gnbhir bhav se kaha —agale sal kya hoga, kaun janata hai. dharm ke kam men minamekh nikalana achchha nahin. jindagani ka kya bharosa ? bulaki , hath khali ho jayaga. sujan , bhagavanh ki ichchha hogi, to phir rupaye ho jaenge. unake yahan kis bat ki kami hai. bulaki isaka kya javab deti ? satkary men badha dal kar apani mukti kyon bigadati ? prat:kal stri aur purush gaya karane chale. vahan se laute to, ygy aur brahmabhoj ki thahari. sari biradari nimntrit huee, gyarah ganvon men supari bnti. is dhoomadham se kary hua ki charon or vah-vah mach gayi. sab yahi kahate the ki bhagavanh dhan de, to dil bhi aisa de. ghamnd to chhoo nahin gaya, apane hath se pattal uthata phirata tha, kul ka nam jaga diya. beta ho, to aisa ho. bap mara, to ghar men bhooni bhang bhi nahin thi. ab lakshmi ghutane tod kar a baithi hain. ek dveshi ne kaha —kahin gada hua dhan pa gaya hai. is par charon or se us par bauchharen padane lagin , han, tumhare bap-dada jo khazana chhod gaye the, yahi usake hath lag gaya hai. are bhaiya, yah dharm ki kamaee hai. tum bhi to chhati phad kar kam karate ho, kyon aisi ookh nahin lagati ? kyon aisi phasal nahin hoti ? bhagavanh adami ka dil dekhate hain. jo kharch karata hai, usi ko dete hain. 1409 sujan mahato sujan bhagat ho gaye. bhagaton ke achar-vichar kuchh aur hote hain. vah bina snan kiye kuchh nahin khata. gnga ji agar ghar se door hon aur vah roj snan karake dopahar tak ghar n laut sakata ho, to parvon ke din to use avashy hi nahana chahie. bhajan-bhav usake ghar avashy hona chahie. pooja-archana usake lie anivary hai. khan-pan men bhi use bahut vichar rakhana padata hai. sabase badi bat yah hai ki jhooth ka tyag karana padata hai. bhagat jhooth nahin bol sakata. sadharan manushy ko agar jhooth ka dnd ek mile, to bhagat ko ek lakh se kam nahin mil sakata. agyan ki avastha men kitane hi aparadh kshamy ho jate hain. gyani ke lie kshama nahin hai, prayashchitta nahin hai, yadi hai to bahut hi kathin. sujan ko bhi ab bhagaton ki maryada ko nibhana pada. ab tak usaka jivan majoor ka jivan tha. usaka koee adarsh, koee maryada usake samane n thi. ab usake jivan men vichar ka uday hua, jahan ka marg kanton se bhara hua hai. svarth-seva hi pahale usake jivan ka lakshy tha, isi kante se vah paristhitiyon ko taulata tha. vah ab unhen auchity ke kanton par taulane laga. yon kaho ki jad-jagath se nikal kar usane chetan-jagath men pravesh kiya. usane kuchh len-den karana shuroo kiya tha par ab use byaj lete hue atmaglani-si hoti thi. yahan tak ki guon ko duhate samay use bachhadon ka dhyan bana rahata tha , kahin bachhada bhookha n rah jae, nahin to usaka roan dukhi hoga. vah ganv ka mukhiya tha, kitane hi mukadamon men usane jhoothi shahadaten banavayi thin, kitanon se daaud le kar mamale ka rapha-dapha kara diya tha. ab in vyaparon se use ghrina hoti thi. jhooth aur prapnch se koson door bhagata tha. pahale usaki yah cheshta hoti thi ki majooron se jitana kam liya ja sake lo aur majoori jitani kam di ja sake do; par ab use majoor ke kam ki kam, majoori ki adhik chinta rahati thi , kahin bechare majoor ka roan n dukhi ho jae. vah usaka vakyansh-sa ho gaya tha , kisi ka roan n dukhi ho jae. usake donon javan bete bat-bat men us par phabtiyan kasate, yahan tak ki bulaki bhi ab use kora bhagat samajhane lagi thi, jise ghar ke bhale-bure se koee prayojan n tha. chetan-jagath men a kar sujan bhagat kore bhagat rah gaye. sujan ke hathon se dhire-dhire adhikar chhine jane lage. kis khet men 1410 : manasarovar kya bona hai, kisako kya dena hai, kisako kya lena hai, kis bhav kya chiz biki, aisi-aisi mahattvapoorn baton men bhi bhagat ji ki salah n li jati thi. bhagat ke pas koee jane hi n pata. donon ladake ya svayn bulaki door hi se mamala tay kar liya karati. ganv bhar men sujan ka man-samman badhata tha, apane ghar men ghatata tha. ladake usaka satkar ab bahut karate. hath se charapaee uthate dekh lapak kar khud utha late, chilam n bharane dete, yahan tak ki usaki dhoti chhantane ke lie bhi agrah karate the. magar adhikar usake hath men n tha. vah ab ghar ka svami nahin, mndir ka devata tha. ek din bulaki okhali men dal chhant rahi thi. ek bhikhamnga dvar par a kar chillane laga. bulaki ne socha, dal chhant loon, to use kuchh de doon. itane men bada ladaka bhola akar bola —  amman, ek mahatma dvar par khade gala phad rahe hain ? kuchh de do. nahin to unaka roan dukhi ho jayaga. bulaki ne upeksha ke bhav se kaha —bhagat ke panv men kya mehndi lagi hai, kyon kuchh le ja kar nahin de dete ? kya mere char hath hain ? kis-kisaka roan sukhi karoon ? din bhar to tanta laga rahata hai. bhola , chaupat karane par lage hue hain, aur kya ? abhi mahngoo beng dene aya tha. hisab se 7 man hue. taula to paune sat man hi nikale. mainne kaha —das ser aur la, to ap baithe-baithe kahate hain, ab itani door kahan jayaga. bharapaee likh do, nahin to usaka roan dukhi hoga. mainne bharapaee nahin likhi. das ser baki likh di. bulaki , bahut achchha kiya tumane, bakane diya karo. das-panch daphe munh ki kha jaeenge, to ap hi bolana chhod denge. bhola , din bhar ek n ek khuchad nikalate rahate hain. sau daphe kah diya ki tum ghar-grihasthi ke mamale men n bola karo, par inase bina bole raha hi nahin jata. bulaki , main janati ki inaka yah hal hoga, to gurumntr n lene deti. bhola , bhagat kya hue ki din-duniya donon se gaye. sara din pooja-path 1411 men hi ud jata hai. abhi aise boodhe nahin ho gaye ki koee kam hi n kar saken. bulaki ne apatti ki , bhola, yah tumhara kunyay hai. phavada, kudal ab unase nahin ho sakata, lekin kuchh n kuchh to karate hi rahate hain. bailon ko sani-pani dete hain, gay duhate hain aur bhi jo kuchh ho sakata hai, karate hain. bhikshuk abhi tak khada chilla raha tha. sujan ne jab ghar men se kisi ko kuchh late n dekha, to uth kar andar gaya aur kathor svar se bola —  tum logon ko kuchh sunayi nahin deta ki dvar par kaun ghnte bhar se khada bhikh mang raha hai. apana kam to din bhar karana hi hai, ek chhan bhagavanh ka kam bhi to kiya karo. bulaki , tum to bhagavanh ka kam karane ko baithe hi ho, kya ghar bhar bhagavanh hi ka kam karega ? sujan , kahan ata rakha hai, lao, main hi nikal kar de aoon. tum rani ban kar baitho. bulaki , ata mainne mar-mar kar pisa hai, anaj de do. aise mudachiron ke lie pahar rat se uth kar chakki nahin chalati hoon. sujan bhndar ghar men gaye aur ek chhoti-si chhabadi ko jau se bhare hue nikale. jau ser bhar se kam n tha. sujan ne jan-boojhakar, keval bulaki aur bhola ko chidhane ke lie, bhiksha parnpara ka ullnghan kiya tha. tis par bhi yah dikhane ke lie ki chhabadi men bahut zyada jau nahin hai, vah use chutaki se pakade hue the. chutaki itana bojh n snbhal sakati thi. hath kanp raha tha. ek kshan vilamb hone se chhabadi ke hath se chhoot kar gir padane ki sambhavana thi. isalie vah jaldi se bahar nikal jana chahate the. sahasa bhola ne chhabadi unake hath se chhin li aur tyauriyan badal kar bola —  sent ka mal nahin hai, jo lutane chale ho. chhati phad-phad kar kam karate hain, tab dana ghar men ata hai. sujan ne khisiya kar kaha —main bhi to baitha nahin rahata. bhola , bhikh, bhikh ki hi tarah di jati hai, lutayi nahin jati. ham to ek vela kha kar din katate hain ki pati-pani bana rahe, aur tumhen lutane 141hm : manasarovar ki soojhi hai. tumhen kya maloom ki ghar men kya ho raha hai. sujan ne isaka koee javab n diya. bahar a kar bhikhari se kah diya , baba, is samay jao, kisi ka hath khali nahin hai, aur ped ke niche baith kar vicharon men magn ho gaya. apane hi ghar men usaka yah anadar ! abhi vah apahij nahin hai; hath-panv thake nahin hain; ghar ka kuchh n kuchh kam karata hi rahata hai. us par yah anadar ! usi ne ghar banaya, yah sari vibhooti usi ke shram ka phal hai, par ab is ghar par usaka koee adhikar nahin raha. ab vah dvar ka kutta hai, pada rahe aur gharavale jo rookha-sookha de den, vah kha kar pet bhar liya kare. aise jivan ko dhikkar hai. sujan aise ghar men nahin rah sakata. sndhya ho gayi thi. bhola ka chhota bhaee shnkar nariyal bhar kar laya. sujan ne nariyal divar se tika kar rakh diya ! dhire-dhire tambakoo jal gaya. jara der men bhola ne dvar par charapaee dal di. sujan ped ke niche se n utha. kuchh der aur gujari. bhojan taiyar hua. bhola bulane aya. sujan ne kaha —bhookh nahin hai. bahut manavan karane par bhi n utha. tab bulaki ne a kar kaha —khana khane kyon nahin chalate ? ji to achchha hai ? sujan ko sabase adhik krodh bulaki hi par tha. yah bhi ladakon ke sath hai ! yah baithi dekhati rahi aur bhola ne mere hath se anaj chhin liya. isake munh se itana bhi n nikala ki le jate hain, to le jane do. ladakon ko n maloom ho ki mainne kitane shram se yah grihasthi jodi hai, par yah to janati hai. din ko din aur rat ko rat nahin samajha. bhadon ki andhori rat men madaiya laga ke juar ki rakhavali karata tha. jeth-baisakh ki dopahari men bhi dam n leta tha, aur ab mera ghar par itana bhi adhikar nahin hai ki bhikh tak n de sakoon. mana ki bhikh itani nahin di jati lekin inako to chup rahana chahie tha, chahe main ghar men ag hi kyon n laga deta. kanoon se bhi to mera kuchh hota hai. main apana hissa nahin khata, doosaron ko khila deta hoon; isamen kisi ke bap ka kya sajha ? ab is vakt manane ayi hai ! ise mainne phool ki chhadi se bhi nahin chhua, nahin to ganv men aisi kaun aurat hai, jisane khasam ki laten n khayi hon, kabhi kadi nigah se 1413 dekha tak nahin. rupaye-paise, lena-dena, sab isi ke hath men de rakha tha. ab rupaye jama kar liye hain, to mujhi se ghamnd karati hai. ab ise bete pyare hain, main to nikhattoo; lutaoo, ghar-phoonkoo, ghongha hoon. meri ise kya paravah. tab ladake n the, jab bimar padi thi aur main god men utha kar baid ke ghar le gaya tha. aj usake bete hain aur yah unaki man hai. main to bahar ka adami. mujhase ghar se matalab hi kya. bola —  ab kha-pikar kya karoonga, hal jotane se raha, phavada chalane se raha. mujhe khila kar dane ko kyon kharab karegi ? rakh do, bete doosari bar khaynge. bulaki , tum to jara-jara-si bat par tinak jate ho. sach kaha hai, budhape men adami ki buddhi mari jati hai. bhola ne itana to kaha tha ki itani bhikh mat le jao, ya aur kuchh ? sujan , han bechara itana kah kar rah gaya. tumhen to maja tab ata, jab vah oopar se do-char dnde laga deta. kyon ? agar yahi abhilasha hai, to poori kar lo. bhola kha chuka hoga, bula lao. nahin, bhola ko kyon bulati ho, tumhin n jama do, do-char hath. itani kasar hai, vah bhi poori ho jae. bulaki , han, aur kya, yahi to nari ka dharam hi hai. apane bhag saraho ki mujh-jaisi sidhi aurat pa li. jis bal chahate ho, bithate ho. aisi munhajor hoti, to tumhare ghar men ek din bhi nibah n hota. sujan , han, bhaee, vah to main hi kah raha hoon ki devi thin aur ho. main tab bhi rakshas tha aur ab bhi daity ho gaya hoon ! bete kamaoo hain, unaki-si n kahogi, to kya meri-si kahogi, mujhase ab kya lena-dena hai ? bulaki , tum jhagada karane par tule baithe ho aur main jhagada bachati hoon ki char adami hnsenge. chal kar khana kha lo sidhe se, nahin to main ja kar so rahoongi. sujan , tum bhookhi kyon so rahogi ? tumhare beton ki to kamaee hai. han, main bahari adami hoon. bulaki , bete tumhare bhi to hain. sujan , nahin, main aise beton se baj aya. kisi aur ke bete honge. mere bete hote, to kya meri durgati hoti ? 1414 : manasarovar bulaki , galiyan doge to main bhi kuchh kah baithoongi. sunati thi, mard bade samajhadar hote hain, par tum sabase nyare ho. adami ko chahie ki jaisa samay dekhe vaisa kam kare. ab hamara aur tumhara nibah isi men hai ki nam ke malik bane rahen aur vahi karen jo ladakon ko achchha lage. main yah bat samajh gayi, tum kyon nahin samajh pate ? jo kamata hai, usi ka ghar men raj hota hai, yahi duniya ka dastoor hai. main bina ladakon se poochhe koee kam nahin karati, tum kyon apane man ki karate ho ? itane dinon tak to raj kar liya, ab kyon is maya men pade ho ? adhi roti khao, bhagavanh ka bhajan karo aur pade raho. chalo, khana kha lo. sujan , to ab main dvar ka kutta hoon ? bulaki , bat jo thi, vah mainne kah di. ab apane ko jo chaho samajho. sujan n uthe. bulaki har kar chali gayi. sujan ke samane ab ek nayi samasya khadi ho gayi thi. vah bahut dinon se ghar ka svami tha aur ab bhi aisa hi samajhata raha. paristhiti men kitana ulat pher ho gaya tha, isaki use khabar n thi. ladake usaka seva-samman karate hain, yah bat use bhram men dale hue thi. ladake usake samane chilam nahin pite, khat par nahin baithate, kya yah sab usake grih-svami hone ka praman n tha ? par aj use yah gyat hua ki yah keval shrriddha thi, usake svamitv ka praman nahin. kya is shrriddha ke badale vah apana adhikar chhod sakata tha ? kadapi nahin. ab tak jis ghar men raj kiya, usi ghar men paradhin ban kar vah nahin rah sakata. usako shrriddha ki chah nahin, seva ki bhookh nahin. use adhikar chahie. vah is ghar par doosaron ka adhikar nahin dekh sakata. mndir ka pujari ban kar vah nahin rah sakata. n-jane kitani rat baki thi. sujan ne uth kar gndase se bailon ka chara katana shuroo kiya. sara ganv sota tha, par sujan karavi kat rahe the. itana shram unhonne apane jivan men kabhi n kiya tha. jab se unhonne kam karana chhoda tha, barabar chare ke lie hay-hay padi rahati thi. shnkar 1415 bhi katata tha, bhola bhi katata tha par chara poora n padata tha. aj vah in laundon ko dikha denge, chara kaise katana chahie. unake samane katiya ka pahad khada ho gaya. aur tukade kitane mahin aur sudaul the, mano sanche men dhale gaye hon. munh-andhere  bulaki uthi to katiya ka dher dekh kar dng rah gayi. boli —  kya bhola aj rat bhar katiya hi katata rah gaya ? kitana kaha ki beta, ji se jahan hai, par manata hi nahin. rat ko soya hi nahin. sujan bhagat ne tane se kaha —vah sota hi kab hai ? jab dekhata hoon, kam hi karata rahata hai. aisa kamaoo snsar men aur kaun hoga ? itane men bhola ankhe malata hua bahar nikala. use bhi yah dher dekh kar ashchary hua. man se bola —  kya shnkar aj badi rat ko utha tha, amman ? bulaki , vah to pada so raha hai. mainne to samajha, tumane kati hogi. bhola , main to sabere uth hi nahin pata. din bhar chahe jitana kam kar loon, par rat ko mujhase nahin utha jata. bulaki , to kya tumhare dada ne kati hai ? bhola , han, maloom to hota hai. rat bhar soye nahin. mujhase kal badi bhool huee. are, vah to hal le kar ja rahe hain ! jan dene par utaroo ho gaye hain kya ? bulaki , krodhi to sada ke hain. ab kisi ki sunenge thode hi. bhola , shnkar ko jaga do, main bhi jaldi se munh-hath dhokar hal le jaoon. jab aur kisanon ke sath bhola hal le kar khet men pahuncha, to sujan adha khet jot chuke the. bhola ne chupake se kam karana shuroo kiya. sujan se kuchh bolane ki usaki himmat n padi. dopahar hua. sabhi kisanon ne hal chhod diye. par sujan bhagat apane kam men magn hain. bhola thak gaya hai. usaki bar-bar ichchha hoti hai ki bailon ko khol de. magar dar ke mare kuchh kah nahin sakata. sabako ashchary ho raha hai ki dada kaise itani mihanat kar rahe hain. akhir darate-darate bola —  dada, ab to dopahar ho gaya. hal khol den n ? 1416 : manasarovar sujan , han, khol do. tum bailon ko le kar chalo, main daaud phenk kar ata hoon. bhola , main snjha ko daaud phenk doonga. sujan , tum kya phenk doge. dekhate nahin ho, khet katore ki tarah gahara ho gaya hai. tabhi to bich men pani jam jata hai. is goind ke khet men bis man ka bigha hota tha. tum logon ne isaka satyanash kar diya. bail khol diye gaye. bhola bailon ko le kar ghar chala, par sujan daaud phenkate rahe. adha ghnte ke bad daaud phenk kar vah ghar aye. magar thakan ka nam n tha. naha-kha kar aram karane ke badale unhonne bailon ko sahalana shuroo kiya. unaki pith par hath phera, unake pair male, poonchh sahalayi. bailon ki poonchhen khadi thin. sujan ki god men sir rakhe unhen akathaniy sukh mil raha tha. bahut dinon ke bad aj unhen yah annd prapt hua tha. unaki ankhon men kritgyta bhari huee thi. mano ve kah rahe the, ham tumhare sath rat-din kam karane ko taiyar hain. any krishakon ki bhanti bhola abhi kamar sidhi kar raha tha ki sujan ne phir hal uthaya aur khet ki or chale. donon bail umng se bhare daude chale jate the, manon unhen svayn khet men pahunchane ki jaldi thi. bhola ne madaiya men lete-lete pita ko hal liye jate dekha, par uth n saka. usaki himmat chhoot gayi. usane kabhi itana parishram n kiya tha. use bani-banayi girasti mil gayi thi. use jyon-tyon chala raha tha. in damon vah ghar ka svami banane ka ichchhuk n tha. javan adami ko bis dhndho hote hain. hnsane-bolane ke lie, gane-bajane ke lie bhi to use kuchh samay chahie. pados ke ganv men dngal ho raha hai. javan adami kaise apane ko vahan jane se rokega ? kisi ganv men barat ayi hai, nach-gana ho raha hai. javan adami kyon usake annd se vnchit rah sakata hai ? vriddhajanon ke lie ye badhaen nahin. unhen n nach-gane se matalab, n khel-tamashe se garaj, keval apane kam se kam hai. bulaki ne kaha —bhola, tumhare dada hal le kar gaye. bhola , jane do amman, mujhase yah nahin ho sakata. sujan bhagat ke is navin utsah par ganv men tikaen hueen , nikal gayi sari 1417 bhagati. bana hua tha. maya men phnsa hua hai. adami kahe ko, bhoot hai. magar bhagat ji ke dvar par ab phir sadhu-snt asan jamaye dekhe jate hain. unaka adar-samman hota hai. ab ki usaki kheti ne sona ugal diya hai. bakhari men anaj rakhane ki jagah nahin milati. jis khet men panch man mushkil se hota tha, usi khet men abaki das man ki upaj huee hai. chait ka mahina tha. khalihanon men satayug ka raj tha. jagah-jagah anaj ke dher lage hue the. yahi samay hai, jab krishakon ko bhi thodi der ke lie apana jivan saphal maloom hota hai, jab garv se unaka hriday uchhalane lagata hai. sujan bhagat tokare men anaj bhar-bhar kar dete the aur donon ladake tokare le kar ghar men anaj rakh ate the. kitane hi bhat aur bhikshuk bhagat ji ko ghere hue the. unamen vah bhikshuk bhi tha, jo aj se ath mahine pahale bhagat ke dvar se nirash ho kar laut gaya tha. sahasa bhagat ne us bhikshuk se poochha—kyon baba, aj kahan-kahan chakkar laga aye ? bhikshuk , abhi to kahin nahin gaya bhagat ji, pahale tumhare hi pas aya hoon. bhagat , achchha, tumhare samane yah dher hai. isamen se jitana anaj utha kar le ja sako, le jao. bhikshuk ne kshubdh netron se dher ko dekh kar kaha —jitana apane hath se utha kar de doge, utana hi loonga. bhagat , nahin, tumase jitana uth sake, utha lo. bhikshuk ke pas ek chadar thi ! usane koee das ser anaj usamen bhara aur uthane laga. snkoch ke mare aur adhik bharane ka use sahas n hua. bhagat usake man ka bhav samajh kar ashvasan dete hue bole —  bas. itana to ek bachcha bhi utha le jayaga. bhikshuk ne bhola ki or sndigdha netron se dekh kar kaha —mere lie itana hi bahut hai. bhagat , nahin tum sakuchate ho. abhi aur bharo. bhikshuk ne ek pnseri anaj aur bhara, aur phir bhola ki or sashnk drishti se dekhane laga. 1418 : manasarovar bhagat , usaki or kya dekhate ho, baba ji ? main jo kahata hoon, vah karo. tumase jitana uthaya ja sake, utha lo. bhikshuk dar raha tha ki kahin usane anaj bhar liya aur bhola ne gathari n uthane di, to kitani bhadd hogi. aur bhikshukon ko hnsane ka avasar mil jayaga. sab yahi kahenge ki bhikshuk kitana lobhi hai. use aur anaj bharane ki himmat n padi. tab sujan bhagat ne chadar le kar usamen anaj bhara aur gathari bandh kar bole —  ise utha le jao. bhikshuk , baba, itana to mujhase uth n sakega. bhagat , are ! itana bhi n uth sakega ! bahut hoga to man bhar. bhala jor to lagao, dekhoon, utha sakate ho ya nahin. bhikshuk ne gathari ko ajamaya. bhari thi. jagah se hili bhi nahin. bola —  bhagat ji, yah mujh se n uth sakegi ! bhagat , achchha, batao kis ganv men rahate ho ? bhikshuk , badi door hai bhagat ji; amola ka nam to suna hoga ! bhagat , achchha, age-age chalo, main pahuncha doonga. yah kahakar bhagat ne zor laga kar gathari uthayi aur sir par rakh kar bhikshuk ke pichhe ho liye. dekhane vale bhagat ka yah paurush dekh kar chakit ho gaye. unhen kya maloom tha ki bhagat par is samay kaun-sa nasha tha. ath mahine ke nirntar aviral parishram ka aj unhen phal mila tha. aj unhonne apana khoya hua adhikar phir paya tha. vahi talavar, jo kele ko bhi nahin kat sakati, san par chadh kar lohe ko kat deti hai. manav-jivan men lag bade mahattv ki vastu hai. jisamen lag hai, vah boodha bhi ho to javan hai. jisamen lag nahin, gairat nahin, vah javan bhi mritak hai. sujan bhagat men lag thi aur usi ne unhen amanushiy bal pradan kar diya tha. chalate samay unhonne bhola ki or sagarv netron se dekha aur bole —  ye bhat aur bhikshuk khade hain, koee khali hath n lautane paye. bhola sir jhukaye khada tha, use kuchh bolane ka hausala n hua. vriddh pita ne use parast kar diya tha.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah