अनिष्ट शंका -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

chandani rat, samir ke sukhad jhonke, suramy udyan. kunvar amaranath apani vistirn chhat par lete hue manorama se kah rahe the- tum ghabarao nahin, main jald aoonga.

manorama ne unaki or katar netron se dekhakar kaha- mujhe kyon nahin lete chalate ?

amaranath- tumhen vahan kasht hoga, main kabhi yahan rahoonga, kabhi vahan, sare din mara-mara phiroonga, pahadi desh hai, jngal aur bihad ke sivay basti ka koson pata nahin, un par bhaynkar pashuon ka bhay, tumase yah takaliphen n sahi jayngi.

manorama- tum bhi to in takaliphon ke adi nahin ho.

amaranath- main purush hoon, avashyakata padane par sabhi takaliphon ka samana kar sakata hoon.

manorama- (garv se) main bhi stri hoon, avashyakata padane par ag men kood sakati hoon. striyon ki komalata purushon ki kavy-kalpana hai. unamen sharirik samarthy chahe n ho par unamen yah dhairy aur sahas hai jis par kal ki dushchintaon ka jara bhi asar nahin hota.

amaranath ne manorama ko shraddhamay drishti se dekha aur bole- yah main manata hoon, lekin jis kalpana ko ham chirakal se pratyaksh samajhate aye hain vah ek kshan men nahin mit sakati. tumhari takaliph mujhase n dekhi jayegi, mujhe duahkh hoga. dekho is samay chandani men kitani bahar hai !

manorama- mujhe bahalao mat. main hath nahin karati, lekin yahan mera jivan apadh ho jayega. mere hriday ki dasha vichitr hai. tumhen apane samane n dekh kar mere man men tarah-tarah ki shnkaen hoti hain ki kahin chot n lag gayi ho, shikar khelane jate ho to darati hoon kahin ghode ne shararat n ki ho. mujhe anisht ka bhay sadaiv sataya karata hai.

amaranath- lekin main to vilas ka bhakt hoon. mujh par itana anurag karake tum apane oopar anyay karati ho.

manorama ne amaranath ko dabi huee drishti se dekha jo kah rahi thi- main tumako tumase zyada pahachanati hoon.

bundelakhnd men bhishan durbhiksh tha. log vrikshon ki chhalen chhil-chhil kar khate the. kshudha-pida ne bhakshyabhakshy ki pahachan mita di thi. pashuon ka to kahana hi kya, manav sntanen kaudiyon ke mol bikati thin. padariyon ki chadh bani thi, unake anathalayon men nity gol ke gol bachche bhendon ki bhanti hanke jate the. man ki mamata mutthi bhar anaj par kurban ho jati. kunvar amaranath kashi-seva-samiti ke vyavasthapak the. samachar-patron men yah romanchakari samachar dekhe to tadap uthe. samiti ke kee navayuvakon ko sath liya aur bundelakhand ja pahunche. manorama ko vachan diya ki pratidin patr likhenge aur yathasambhav jald laut ayenge.

ek saptah tak to unhonne apana vachan palan kiya, lekin shanaiah-shanaiah patron men vilamb hone laga. aksar ilake dakaghar se bahut door padate the. yahan se nityaprati patr bhejane ka prabandh karana duahsadhy tha.

manorama viyog-duahkh se vikal rahane lagi. vah avyavasthit dasha men udas baithi rahati, kabhi niche ati, kabhi oopar jati, kabhi bag men ja baithati. jab tak patr n a jata vah isi bhanti vyagr rahati, patr milate hi sookhe dhan men pani pad jata.

lekin jab patron ke ane men der hone lagi to usaka viyog-vikal-hriday adhir ho gaya. bar-bar pachhatati ki main nahak unake kahane men a gayi, mujhe unake sath jana chahie tha. use kitabon se prem tha par ab unaki or takane ka bhi ji n chahata. vinod ki vastuon se use aruchi-si ho gayi ! is prakar ek mahina gujar gaya.

ek din usane svapn dekha ki amaranath dvar par nnge sir, nnge pair, khade ro rahe hain. vah ghabara kar uth baithi aur ugravastha men daudi dvar tak ayi. yahan ka sannata dekh kar use hosh a gaya. usi dam munim ko jagaya aur kunvar sahab ke nam tar bheja. kintu javab n aya. sara din gujar gaya magar koee javab nahin. doosari rat bhi gujari lekin javab ka pata n tha. manorama nirjal, nirahar moorchchhit dasha men apane kamare men padi rahati. jise dekhati usi se poochhati javab aya ? koee dvar par avaz deta to daudi huee jati aur poochhati kuchh javab aya ?

usake man men vividh shnkaen uthatin; laundiyon se svapn ka ashay poochhati. svapnon ke karan aur vivechana par kee grnth padh dale, par kuchh rahasy n khula. laundiyan use dilasa dene ke lie kahatin, kunvar ji kushal se hain. svapn men kisi ko nnge pair dekhen to samajho vah ghode par savar hai. ghabarane ki koee bat nahin. lekin rama ko is bat se taskin n hoti. use tar ke javab ki rat lagi huee thi, yahan tak ki char din gujar ge.

kisi muhalle men madari ka a jana balavrind ke lie ek mahattv ki bat hai. usake damaroo ki avaz men khonchevale ki kshudhavardhak dhvani se bhi adhik akarshan hota hai. isi prakar muhalle men kisi jyotishi ka a jana marake ki bat hai. ek kshan men isaki khabar ghar-ghar phail jati hai. sas apani bahoo ko liye a pahunchati hai, mata bhagyahin kanya ko le kar a jati hai. jyotishi ji duahkh-sukh ki avasthanusar varsha karane lagate hain. unaki bhavishyavaniyon men bada goodh rahasy hota hai. unaka bhagy nirman bhagy-rekhaon se bhi jatil aur durgrahy hota hai. snbhav hai ki vartaman shiksha vidhan ne jyotish ka adar kuchh kam kar diya ho par jyotishi ji ke mahatmy men jara kami nahin huee. unaki baton par chahe kisi ko vishvas n ho par sunana sabhi chahate hain. unake ek-ek shabdon men asha aur bhay ko uttejit karane ki shakti bhari rahati hai, visheshatah usaki amngal soochana to vajrapat ke tuly hai, ghatak aur dagdhakari.

tar bheje hue aj panchavan din tha ki kunvar sahab ke dvar par ek jyotishi ka agaman hua. tatkal muhalle ki mahilaen jama ho gayin. jyotishi ji bhagy-vivechan karane lage, kisi ko rulaya, kisi ko hnsaya. manorama ko khabar mili. unhen turnt andar bula bheja aur svapn ka ashay poochha.

jyotishi ji ne idhar-udhar dekha, panne ke panne ulte, ungaliyon par kuchh gina, par kuchh nishchay n kar sake ki kya uttar dena chahie, bole- kya sarakar ne yah svapn dekha hai ?

manorama boli- nahin, meri ek sakhi ne dekha hai, main kahati hoon, yah amngalasoochak hai. vah kahati hai, mngalamay hai. ap isaki kya vivechana karate hain ?

jyotishi ji phir bagalen jhankane lage. unhen amaranath ki yatra ka hal n maloom tha aur n itani muhalat hi mili thi ki yahan ane ke poorv vah avasthagyan prapt kar lete jo anuman ke sath mil kar janata men jyotish ke nam se prasiddh hai. jo prashn poochha tha usaka bhi kuchh sootrasoochak uttar n mila. nirash ho kar manorama ke samarthan karane hi men apana kalyan dekha. bole sarakar jo kahati hain vahi saty hai. yah svapn amngalasoochak hai.

manorama khadi sitar ke tar ki bhanti thar-thar kanpane lagi. jyotishi ji ne us amngal ka udghatan karate hue kaha- unake pati par koee mahanh snkat anevala hai, unaka ghar nash ho jayaga, vah desh-videsh mare-mare phirenge.

manorama ne divar ka sahara le kar kaha bhagavanh, meri raksha karo aur moorchchhit ho kar zamin par gir padi.

jyotishi ji ab chete. samajh gaye ki bada dhokha khaya. ashvasan dene lage, ap kuchh chinta n karen. main us snkat ka nivaran kar sakata hoon. mujhe ek bakara, kuchh laung aur kachcha dhaga mnga den. jab kunvar ji ke yahan se kushal-samachar a jay to jo dakshina chahen de den. kam kathin hai par bhagavanh ki daya se asadhy nahin hai. sarakar dekhen mujhe bade-bade hakimon ne sartiphiket diye hain. abhi dipti sahab ki kanya bimar thi. daktaron ne javab de diya tha. mainne yntr diya, baithe-baithe ankhen khul gayin. kal ki bat hai, seth chndoolal ke yahan se rokad ki ek thaili ud gayi thi, kuchh pata n chalata tha, mainne sagun vichara aur bat ki bat men chor pakad liya. unake munim ka kam tha, thaili jyon ki tyon nikal ayi.

jyotishi ji to apani siddhiyon ki sarahana kar rahe the aur manorama achet padi huee thi.

akasmath vah uth baithi, munim ko bulakar kaha yatra ki taiyari karo, main sham ki gadi se bundelakhnd jaoongi.

manorama ne steshan par a kar amaranath ko tar diya ‘‘main a rahi hoon.’’ unake antim patr se gyat hua tha ki vah kabaree men hain, kabaree ka tikat liya. lekin kee dinon se jagaran kar rahi thi. gadi par baithate hi nind a gayi aur nind ate hi anisht shnka ne ek bhishan svapn ka roop dharan kar liya.

usane dekha samane ek agam sagar hai, usamen ek tooti huee nauka halakoren khati bahati chali jati hai. us par n koee mallah hai n pal, n danden. tarngen use kabhi oopar le jati hain kabhi niche, sahasa us par ek manushy drishtigochar hua. yah amaranath the, nnge sir, nnge pair, ankhon se ansoo bahate hue. manorama thar-thar kanp rahi thi. jan padata tha nauka ab doobi aur ab doobi. usane zor se chikh mari aur jag padi. sharir pasine se tar tha, chhati dhadak rahi thi. vah turnt uth baithi, hath-munh dhoya aur isaka irada kiya ab n sooongi ! ha ! kitana bhayavah drishy tha. param pita ! ab tumhara hi bharosa hai. unaki raksha karo.

usane khidaki se sir nikalakar dekha. akash par taragan daud rahe the. ghadi dekhi, barah baje the, usako ashchary hua main itani der tak soyi. abhi to ek jhapaki bhi poori n hone payi.

usane ek pustak utha li aur vicharon ko ekagr kar padhane lagi. itane men prayag a pahuncha, gadi badali. usane phir kitab kholi aur uchch svar se padhane lagi. lekin kee dinon ki jagi ankhen ichchha ke adhin nahin hotin. baithe-baithe jhapakiyan lene lagi, ankhen bnd ho gayin aur ek doosara drishy samane upasthit ho gaya.

usane dekha, akash se mila hua ek parvat-shikhar hai. usake oopar ke vriksh chhote-chhote paudhon ke sadrish dikhaee dete hain. shyamavarn ghataen chhayi huee hain, bijali itane zor se kadakati hai ki kan ke parade phate jate hain, kabhi yahan girati hai kabhi vahan. shikhar par ek manushy nnge sir baitha hua hai, usaki ankhon ka ashru-pravah saf dikh raha hai. manorama dahal uthi, yah amaranath the. vah parvat shikhar se utarana chahate the lekin marg n milata tha. bhay se unaka mukhavarn shoony ho raha tha. akasmath ek bar bijali ka bhaynkar nad sunayi diya, ek jvala-si dikhayi di aur amaranath adrishy ho gaye. manorama ne phir chikh mari aur jag padi. usaka hriday banson uchhal raha tha, mastishk chakkar khata tha. jagate hi usaki ankhon men jal-pravah hone laga. vah uth khadi huee aur kar jod kar eeshvar se vinay karane lagi eeshvar mujhe aise bure-bure svapn dikhaee de rahe hain, n jane un par kya bit rahi hai, tum dinon ke bandhu ho, mujh par daya karo, mujhe dhan aur sampatti ki ichchha nahin, main jhopadi men khush rahoongi, main keval unaki shubhakamana rakhati hoon. meri itani prarthana svikar karo.

vah phir apani jagah par baith gayi. arunoday ki manoram chhata aur shital sukhad samir ne use akarshit kar liya. use sntosh hua, kisi tarah rat kat gayi, ab to nind n ayegi. parvaton se manohar drishy dikhayi dene lage, kahin pahadiyon par bhendon ke galle, kahin pahadiyon ke daman men mrigon ke jhund, kahin kamal ke phoolon se laharate sagar. manorama ek ardhasmriti ki dasha men in drishyon ko dekhati rahi. lekin phir n jane kab usaki abhagi ankhen jhapak gayin.

usane dekha amaranath ghode par savar ek pul par chale jate hain. niche nadi umadi huee hai, pul bahut tng hai, ghoda rah-rah kar bidakata hai aur alag ho jata hai. manorama ke hath-panv phool gaye. vah uchch-svar se chilla-chilla kar kahane lagi ghode se utar pado, ghode se utar pado, yah kahate hue vah unaki taraph jhapati, ankhen khul gayin. gadi kisi steshan ke pletapharm se sanasanati chali jati thi. amaranath nnge sir, nnge pair pletapharm par khade the. manorama ki ankhon men abhi tak vahi bhaynkar svapn samaya hua tha. kunvar ko dekh kar use bhay hua ki vah ghode se gir pade aur niche nadi men phisalana chahate hain. usane turant unhen pakadane ke lie hath phailaya aur jab unhen n pa saki to usi sushuptavastha men usane gadi ka dvar khola aur kunvar sahab ki or hath phailaye hue gadi ke bahar nikal ayi. tab vah chaunki, jan pada kisi ne utha kar akash se bhoomi par patak diya, zor se ek dhakka laga aur chetana shoony ho gayi.

vah kabaree ka steshan tha. amaranath tar pa kar steshan par aye the. magar yah dak thi, vahan n thaharati thi, manorama ko hath phailaye gadi se girate dekh kar vah ‘han han’ karate hue lapake lekin karmalekh poora ho chuka tha. manorama premavedi par balidan ho chuki thi.

isake tisare din vah nnge sir, nnge pair bhagnahriday ghar pahunche. manorama ka svapn sachcha hua.

us premavihin sthan men ab kaun rahata. unhonne apani sampoorn sampatti kashi-seva samiti ko pradan kar di aur ab nnge sir, nnge pair, virakt dasha men desh-videsh ghoomate rahate hain. jyotishi ji ki vivechana bhi charitarth ho gayi.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah