उद्धार -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

hindoo samaj ki vaivahik pratha itani dooshit, itani chintajanak, itani bhaynkar ho gayi hai ki kuchh samajh men nahin ata, usaka sudhar kyonkar ho. birale hi aise mata-pita honge jinake sat putron ke bad bhi ek kanya utpann ho jay to vah saharsh usaka svagat karen. kanya ka janm hote hi usake vivah ki chinta sir par savar ho jati hai aur adami usi men dubakiyan khane lagata hai. avastha itani nirashamay aur bhayanak ho gayi hai ki aise mata-pitaon ki kami nahin hai jo kanya ki mrityu par hriday se prasann hote hain, mano sir se badha tali. isaka karan keval yahi hai ki dahej ki dar, din dooni rat chauguni, pavas-kal ke jal-veg ke saman badhati chali ja rahi hai. jahan dahej ki saikadon men baten hoti thin, vahan ab hajaron tak naubat pahunch gayi hai. abhi bahut din nahin gujare ki ek ya do hazar rupaye dahej keval bade gharon ki bat thi, chhoti-chhoti shadiyan panch sau se ek hazar tak tay ho jati thin; par ab mamooli-mamooli vivah bhi tin-char hazar ke niche nahin tay hote. kharch ka to yah hal hai aur shikshit samaj ki nirdhanata aur daridrata dinon-din badhati jati hai. isaka ant kya hoga eeshvar hi jane. bete ek darajan bhi hon to mata-pita ko chinta nahin hoti. vah apane oopar unake vivah-bhar ko anivary nahin samajhata, yah usake lie 'kampalsari' vishay nahin, 'apshanal' vishay hai. hoga to kar denge; nahin kah denge- beta, khao kamao, samaee ho to vivah kar lena. beton ki kucharitrata kalnk ki bat nahin samajhi jati; lekin kanya ka vivah to karana hi padega, usase bhagakar kahan jayenge? agar vivah men vilamb hua aur kanya ke panv kahin oonche-niche pad gaye to phir kutumb ki nak kat gayi; vah patit ho gaya, tat bahar kar diya gaya. agar vah is durghatana ko saphalata ke sath gupt rakh saka tab to koee bat nahin; usako kalnkit karane ka kisi ko sahas nahin; lekin abhagyavash yadi vah ise chhipa n saka, bhndaphod ho gaya to phir mata-pita ke lie, bhaee-bndhuon ke lie snsar men munh dikhane ko sthan nahin rahata. koee apaman isase dussah, koee vipatti isase bhishan nahin. kisi bhi vyadhi ki isase bhaynkar kalpana nahin ki ja sakati. lutf to yah hai ki jo log betiyon ke vivah ki kathinaiyon ko bhog chuke hote hain vahi apane beton ke vivah ke avasar par bilakul bhool jate hain ki hamen kitani thokaren khani padi thin, jara bhi sahanubhooti nahin prakat karate, balki kanya ke vivah men jo tavan uthaya tha use chakravridhdi byaj ke sath bete ke vivah men vasool karane par katibadhd ho jate hain. kitane hi mata-pita isi chinta men ghul-ghulakar akal mrityu ko prapt ho jate hain; koee sannyas grahan kar leta hai, koee boodhe ke gale kanya ko madh kar apana gala chhudata hai, patr-kupatr ka vichar karane ka mauqa kahan, thelamathel hai.

munshi gulajarilal aise hi hatabhage pitaon men the. yon unaki sthiti buri n thi, do-dhaee sau rupaye mahine vakalat se pit lete the; par khanadani adami the, udar hriday, bahut kifayat karane par bhi maqool bachat n ho sakati thi. snbndhiyon ka adar-satkar n karen to nahin banata, mitron ki khatiradari n karen to nahin banata, phir eeshvar ke diye hue do-tin putr the, unaka palan-poshan, shikshan ka bhar tha, kya karate! pahali kanya ka vivah unhonne apani haisiyat ke anusar achchhi tarah kiya par doosari putri ka vivah tedhi khir ho raha tha. yah avashyak tha ki vivah achchhe gharane men ho, anyatha log hnsenge aur achchhe gharane ke lie kam-se-kam panch hazar ka takhamina tha. udhar putri sayani hoti jati thi. vah anaj jo ladake khate the, vah bhi khati thi; lekin ladakon ko dekho to jaise sookhe ka rog laga ho aur ladaki shukl paksh ka chand ho rahi thi. bahut daud-dhoop karane par bechare ko ek ladaka mila. bap abakari ke vibhag men 400 ru. ka naukar tha, ladaka bhi sushikshit. stri se akar bole, ladaka to mila aur ghar-bar ek bhi katane yogy nahin; par kathinaee yahi hai ki ladaka kahata hai, main apana vivah n karoonga, bap ne kitana samajhaya, mainne kitana samajhaya, auron ne samajhaya, par vah tas se mas nahin hota. kahata hai, main kabhi vivah n karoonga. samajh men nahin ata vivah se kyon itani ghrina karata hai. koee karan nahin batalata, bas yahi kahata hai, meri ichchha. man-bap ka ikalauta ladaka hai. unaki param ichchha hai ki isaka vivah ho jay, par karen kya? yon unhonne phaladan to rakh liya hai par mujhase kah diya hai ki ladaka svabhav ka hathila hai, agar n manega to phaladan apako lauta diya jayaga.

stri ne kaha- tumane ladake ko ekant men bulakar poochha nahin?

gulajarilal- bulaya tha. baitha rota raha, phir uthakar chala gaya. tumase kya kahoon, usake pairon par gir pada; lekin bina kuchh kahe uthakar chala gaya.

stri- dekho, is ladaki ke pichhe kya-kya jhelana padata hai?

gulajarilal- kuchh nahin, ajakal ke launde sailani hote hain. ऍngareji pustakon men padhate hain ki vilayat men kitane hi log avivahit rahana hi pasnd karate hain. bas yahi sanak savar ho jati hai ki nirdvndv rahane men hi jivan ki sukh aur shanti hai. jitani musibaten hain vah sab vivah hi men hain. main bhi kalej men tha tab socha karata tha ki akela rahoonga aur maje se sair-sapata karoonga.

stri- hai to vastav men bat yahi. vivah hi to sari musibaton ki jad hai. tumane vivah n kiya hota to kyon ye chintaen hotin? main bhi kvanri rahati to chain karati.

2

isake ek mahina bad munshi gulajarilal ke pas var ne yah patr likha-

'poojyavar,

sadar pranam.

main aj bahut asamnjas men padakar yah patr likhane ka sahas kar raha hoon. is dhrisht ta ko kshama kijiega.

apake jane ke bad se mere pitaji aur mataji donon mujh par vivah karane ke lie nana prakar se dabav dal rahe hain. mataji roti hain, pitaji naraz hote hain. vah samajhate hain ki main apani zid ke karan vivah se bhagata hoon. kadachith unhen yah bhi sandeh ho raha hai ki mera charitr bhrasht ho gaya hai. main vastavik karan batate hue darata hoon ki in logon ko du:kh hoga aur ashchary nahin ki shok men unake pranon par hi ban jay. isalie ab tak mainne jo bat gupt rakhi thi, vah aj vivash hokar apase prakat karata hoon aur apase sagrah nivedan karata hoon ki ap ise gopaniy samajhiega aur kisi dasha men bhi un logon ke kanon men isaki bhanak n padane dijiega. jo hona hai vah to hoga hi, pahale hi se kyon unhen shok men dubaoon. mujhe 5-6 mahinon se yah anubhav ho raha hai ki main kshay rog se grasit hoon. usake sabhi lakshan prakat hote jate hain. daktaron ki bhi yahi ray hai. yahan sabase anubhavi jo do daktar hain, un donon hi se mainne apani arogy-pariksha karayi aur donon hi ne spasht kaha ki tumhen sil hai. agar mata-pita se yah kah doon to vah ro-rokar mar jayenge. jab yah nishchay hai ki main snsar men thode hi dinon ka mehaman hoon to mere lie vivah ki kalpana karana bhi pap hai. snbhav hai ki main vishesh prayatn karake sal-do-sal jivit rahoon; par vah dasha aur bhi bhaynkar hogi, kyonki agar koee santan huee to vah bhi mere snskar se akal mrityu payegi aur kadachith stri ko bhi isi rog-rakshas ka bhakshan banana pade. mere avivahit rahane se jo bitegi, mujh hi par bitegi. vivahit ho jane se mere sath aur kee jivon ka nash ho jayaga. isalie apase meri prarthana hai ki mujhe is bandhan men dalane ke lie agrah n kijie, anyatha apako pachhatana padega.

sevak,

hajarilal.

patr padhakar gulajarilal ne stri ki or dekha aur bole- is patr ke vishay men tumhara kya vichar hai?

stri- mujhe to aisa maloom hota hai ki usane bahana racha hai.

gulajarilal- bas-bas, thik yahi mera bhi vichar hai. usane samajha hai ki bimari ka bahana kar doonga to log ap hi hat jayenge. asal men bimari kuchh nahin. mainne to dekha hi tha, chehara chamak raha tha. bimar ka munh chhipa nahin rahata.

stri- ram nam le ke vivah karo koee kisi ka bhagy thode hi padhe baitha hai.

gulajarilal- yahi to main bhi soch raha hoon.

stri n ho kisi daktar se ladake ko dikhao. kahin sachamuch vah bimari ho to bechari amba kahin ki n rahe.

gulajarilal tum bhi pagal huee ho kya? sab hile-havale hain. in chhokaron ka dil ka hal main khoob janata hoon. sochata hoga abhi sair-sapate kar raha hoon, vivah ho jayega to yah gulachharre kaise udenge!

stri to shubh muhoort dekhakar lagn bhejavane ki taiyari karo.

3

hajarilal bade dharm-sndeh men tha. usake pairon men jabaradasti vivah ki bedi dali ja rahi thi aur vah kuchh n kar sakata tha. usane sasur ko apana kachcha chittha kah sunaya; magar kisi ne usaki baton par vishvas n kiya. man-bap se apani bimari ka hal kahane ka use sahas n hota tha, n-jane unake dil par kya gujare, n-jane kya kar baithen? kabhi sochata kisi daktar ki shahadat lekar sasur ke pas bhej doon, magar phir dhyan ata, yadi un logon ko us par bhi vishvas n aya, to? ajakal daktari se sanad le lena kaun-sa mushkil kam hai. sochenge, kisi daktar ko kuchh de-dilakar likha liya hoga. shadi ke lie to itana agrah ho raha tha, udhar daktaron ne spasht kah diya tha ki agar tumane shadi ki to tumhara jivan-sootr aur bhi nirbal ho jayaga. mahinon ki jagah dinon men vara-nyara ho jane ki snbhavana hai.

lagn a chuki thi. vivah ki taiyariyan ho rahi thin, mehaman ate-jate the aur hajarilal ghar se bhaga-bhaga phirata tha. kahan chala jaoon? vivah ki kalpana hi se usake pran sookh jate the. ah! us abala ki kya gati hogi? jab use yah bat maloom hogi to vah mujhe apane man men kya kahegi? kaun is pap ka prayashchitt karega? nahin, us abala par ghor atyachar n karoonga, use vaidhavy ki ag men n jalaoonga. meri zindagi hi kya, aj n mara kal maroonga, kal nahin to parason, to kyon n aj hi mar jaoon. aj hi jivan ka aur usake sath sari chintaon ka, sari vipattiyon ka ant kar doon. pitaji royenge, amman pran tyag dengi; lekin ek balika ka jivan to saphal ho jayaga, mere bad koee abhaga anath to n royega.

kyon n chalakar pitaji se kah doon? vah ek-do din du:khi rahenge, ammaji do-ek roj shok se nirahar rah jayengi, koee chinta nahin. agar mata-pita ke itane kasht se ek yuvati ki pran-raksha ho jay to kya chhoti bat hai?

yah sochakar vah dhire se utha aur akar pita ke samane khada ho gaya.

rat ke das baj gaye the. baboo darabarilal charapaee par lete hue huqqa pi rahe the. aj unhen sara din daudate gujara tha. shamiyana tay kiya; baje valon ko bayana diya; atishabaji, phulavari adi ka prabndh kiya, ghnton brahmanon ke sath sir marate rahe, is vakt jara kamar sidhi kar rahe the ki sahasa hajarilal ko samane dekhakar chaunk pade. usaka utara hua chehara, sajal ankhen aur kunthit mukh dekha to kuchh chintit hokar bole- kyon laloo, tabiyat to achchhi hai n? kuchh udas maloom hote ho.

hajarilal- main apase kuchh kahana chahata hoon; par bhay hota hai ki kahin ap aprasann n hon.

darabarilal- samajh gaya, vahi purani bat hai n? usake siva koee doosari bat ho to shauq se kaho.

hajarilal- khed hai ki main usi vishay men kuchh kahana chahata hoon.

darabarilal- yahi kahana chahate ho n ki mujhe is bndhan men n dalie, main isake ayogy hoon, main yah bhar sah nahin sakata, bedi meri gardan ko tod degi, adi ya aur koee nayi bat?

hajarilal- ji nahin, nayi bat hai. main apaki agya palan karane ke lie sab prakar se taiyar hoon; par ek aisi bat hai, jise mainne ab tak chhipaya tha, use bhi prakat kar dena chahata hoon. isake bad ap jo kuchh nishchay karenge use main shirodhary karoonga.

hajarilal ne bade vinit shabdon men apana ashay kaha, daktaron ki ray bhi bayan ki aur ant men bole- aisi dasha men mujhe poori asha hai ki ap mujhe vivah karane ke lie badhy n karenge.

darabarilal ne putr ke mukh ki or gaur se dekha, kahin jardi ka nam n tha, is kathan par vishvas n aya; par apana avishvas chhipane aur apana hardik shok prakat karane ke lie vah kee minat tak gahari chinta men magn rahe. isake bad pidit knth se bole- beta, is dasha men to vivah karana aur bhi avashyak hai. eeshvar n kare ki ham vah bura din dekhane ke lie jite rahen; par vivah ho jane se tumhari koee nishani to rah jayagi. eeshvar ne koee sntan de di to vahi hamare budhape ki lathi hogi, usi ka munh dekh-dekh kar dil ko samajhayenge, jivan ka kuchh adhar to rahega. phir age kya hoga yah kaun kah sakata hai? daktar kisi ki karmarekha to nahin padhe hote, eeshvar ki lila aparampar hai, daktar use nahin samajh sakate. tum nishchint hokar baitho, ham jo kuchh karate hain, karane do. bhagavan chahenge to sab kalyan hi hoga.

hajarilal ne isaka koee uttar nahin diya. ankhen dabadaba ayin, knthavarodh ke karan munh tak n khol saka. chupake se akar apane kamare men let raha.

tin din aur gujar gaye, par hajarilal kuchh nishchay n kar saka. vivah ki taiyariyan poori ho gayi thin. angan men mndap gad gaya tha; dal, gahane sndookon men rakhe ja chuke the. matri pooja ho chuki thi aur dvar par bajon ka shor macha hua tha. muhalle ke ladaqe jama hokar baja sunate the aur ullas se idhar-udhar daudate the.

sndhyam ho gayi thi. barat aj rat ki gadi se janevali thi. baratiyon ne apane vastrabhooshan pahanane shuroo kiye. koee naee se bal banavata tha aur chahata tha ki khat aisa saf ho jay mano yahan bal kabhi the hi nahin, boodhe apane pake bal ko ukhadavakar javan banane ki cheshta kar rahe the. tel, sabun, ubatan ki loot machi huee thi aur hajarilal bagiche men ek vriksh ke niche udas baitha hua soch raha tha, kya karoon?

antim nishchay ki ghadi sir par khadi thi. ab ek kshan bhi vilamb karane ka mauqa n tha. apani vedana kisase kahe, koee sunanevala n tha.

usane socha hamare mata-pita kitane adooradarshi hain, apani umng men inhen itana bhi nahin soojhata ki vadhoo par kya gujaregi. vadhoo ke mata-pita bhi itane andhe ho rahe hain ki dekhakar bhi nahin dekhate, janakar nahin janate.

kya yah vivah hai? kadapi nahin. yah to ladaki ko kuen men dalana hai, bhad men jhonkana hai, kund chhoore se retana hai. koee yatana itani dussah, itani hridayavidarak nahin ho sakati jitani vaidhavy aur ye log jan-boojhakar apani putri ko vaidhavy ke agni-kund men dal dete hain. yah mata-pita hain? kadapi nahin. yah ladaki ke shatru hain, kasaee hain, badhik hain, hatyare hain. kya inake lie koee dnd nahin? jo jan-boojhakar apani priy sntan ke khoon se apane hath rngate hain, usake lie koee dnd nahin? samaj bhi unhen dnd nahin deta, koee kuchh nahin kahata. hay!

vah sochakar hajarilal utha aur ek or chupachap chal diya. usake mukh par tej chhaya hua tha. usane atm-balidan se is kasht ko nivaran karane ka dridh snkalp kar liya tha. use mrityu ka leshamatr bhi bhay n tha. vah us dasha ko pahunch gaya tha jab sari ashaen mrityu par hi avalambit ho jati hain.

us din se phir kisi ne hajarilal ki soorat nahin dekhi. maloom nahin zamin kha gayi ya asaman. nadiyon men jal dale gaye, kuon men bans pad gaye, pulis men huliya gaya, samachar-patron men vigypti nikali gayi, par kahin pata n chala.

kee haphton ke bad, chhavani relave steshan se ek mil pashchim ki or sadak par kuchh haddiyan milin. logon ko anuman hua ki hajarilal ne gadi ke niche dabakar jan di, par nishchit roop se kuchh n maloom hua.

4

bhadon ka mahina tha aur tij ka din. gharon men saphaee ho rahi thi. saubhagyavati ramaniyan solahon shrringar kiye gnga-snan karane ja rahi thin. amba snan karake laut ayi thi aur tulasi ke kachche chabootare ke samane khadi vndana kar rahi thi. patigrih men usaki yah pahali hi tij thi, badi umngon se vrat rakha tha. sahasa usake pati ne andar akar use sahas netron se dekha aur bola- munshi darabarilal tumhare kaun hote hain, yah unake yahan se tumhare lie tij pathauni ayi hai. abhi dakiya de gaya hai. yah kahakar usane ek parasal charapaee par rakh diya. darabarilal ka nam sunate hi amba ki ankhen sajal ho gayin. vah lapaki huee ayi aur parasal ko hath men lekar dekhane lagi; par usaki himmat n padi ki use khole. pichhali smritiyan jivit ho gayin, hriday men hajarilal ke prati shradhda ka ek udgar-sa uth pada. ah! yah usi devatma ke atmabalidan ka punit phal hai ki mujhe yah din dekhana nasib hua. eeshvar unhen sadgati den. vah adami nahin, devata the, jisane mere kalyan ke nimitt apane pran tak samarpan kar diye.

pati ne poochha- darabarilal tumhare chacha hain?

amba- han.

pati- is patr men hajarilal ka nam likha hai, yah kaun hai?

amba- yah munshi darabarilal ke bete hain.

pati- tumhare chachere bhaee?

amba- nahin, mere param dayalu udhdarak, jivanadata, mujhe athah jal men doobane se bachanevale, mujhe saubhagy ka varadan denevale.

pati ne is bhav se kaha mano koee bhooli huee bat yad a gayi ho- aha! main samajh gaya. vastav men vah manushy nahin devata the.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah