धोखा- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

satikund men khile hue kamal vasnt ke dhime-dhime jhonkon se lahara rahe the aur pratahkal ki mnd-mnd sunahari kiranen unase mil-mil kar muskarati thin. rajakumari prabha kund ke kinare hari-hari ghas par khadi sundar pakshiyon ka kalarav sun rahi thi. usaka kanak varn tan inhin phoolon ki bhanti damak raha tha. mano prabhat ki sakshath saumy moorti hai jo bhagavanh anshumali ke kiranakaron dvara nirmit huee thi.

prabha ne maulasiri ke vriksh par baithi huee ek shyama ki or dekh kar kaha-mera ji chahata hai ki main bhi ek chidiya hoti.

usaki saheli uma ne muskara kar poochha-kyon

prabha ne kund ki or takate hue uttar diya-vriksh ki hari-bhari daliyon par baithi huee chahachahati mere kalarav se sara bag goonj uthata.

uma ne chhed kar kaha-naugadh ki rani aisi kitani hi pakshiyon ka gana jab chahe sun sakati hai.

prabha ne snkuchit ho kar kaha-mujhe naugadh ki rani banane ki abhilasha nahin hai. mere lie kisi nadi ka sunasan kinara chahie. ek vina aur aise hi sundar suhavane pakshiyon ke sngit ki madhur dhvani men mere lie sare snsar ka aishvary bhara hua hai.

prabha ka sngit par aparimit prem tha. vah bahudha aise hi sukh-svapn dekha karati thi. uma uttar dena hi chahati thi ki itane men bahar se kisi ke gane ki avaz ayi-

kar gaye thode din ki priti.

prabha ne ekagr man ho kar suna aur adhir ho kar kaha-bahan is vani men jadoo hai. mujhase ab bina sune nahin raha jata ise bhitar bula lao.

us par bhi git ka jadoo asar kar raha tha. vah boli-niahsndeh aisa rag mainne aj tak nahin suna khidaki khol kar bulati hoon.

thodi der men ragiya bhitar aya-sundar sajile badan ka naujavan tha. nnge pair nnge sir kndhe par ek mrigacharm sharir par ek gerua vastr hathon men ek sitar. mukharavind se tej chhitak raha tha. usane dabi huee drishti se donon komalangi ramaniyon ko dekha aur sir jhuka kar baith gaya.

prabha ne jhijhakati huee ankhon se dekha aur drishti niche kar li. uma ne kaha-yogi ji hamare bade bhagy the ki apake darshan hue hamako bhi koee pad suna kar kritarth kijie.

yogi ne sir jhuka kar uttar diya-ham yogi log narayan ka bhajan karate hain. aise-aise darabaron men ham bhala kya ga sakate hain par apaki ichchha hai to sunie-

kar gaye thode din ki priti.

kahan vah priti kahan yah bichharan kahan madhuban ki riti

kar gaye thode din ki priti.

yogi ka rasila karun svar sitar ka sumadhur ninad us par git ka madhury prabha ko besudh kiye deta tha. isaka rasgy svabhav aur usaka madhur rasila gan apoorv snyog tha. jis bhanti sitar ki dhvani gaganamndal men pratidhvanit ho rahi thi usi bhanti prabha ke hriday men laharon ki hiloren uth rahi thin. ve bhavanaen jo ab tak shant thin jag padin. hriday sukh svapn dekhane laga. satikund ke kamal tilism ki pariyan ban-ban kar mndarate hue bhaunron se kar jod sajal nayan ho kahate the-

kar gaye thode din ki priti.

surkh aur hari pattiyon se ladi huee daliyan sir jhukaye chahakate hue pakshiyon se ro-ro kar kahati thin-

kar gaye thode din ki priti.

aur rajakumari prabha ka hriday bhi sitar ki mastani tan ke sath goonjata tha-

kar gaye thode din ki priti.

2

prabha baghauli ke rav devichnd ki ekalauti kanya thi. rav purane vicharon ke rees the. krishn ki upasana men lavalin rahate the isalie inake darabar men door-door ke kalavnt aur gavaiye aya karate aur inam-ekaram pate the. rav sahab ko gane se prem tha ve svayn bhi is vidya men nipun the. yadyapi ab vriddhavastha ke karan yah shakti niahshesh ho chali thi par phir bhi vidya ke goodh tattvon ke poorn janakar the. prabha balyakal se hi inaki sohabaton men baithane lagi. kuchh to poorv-janm ka snskar aur kuchh rat-din gane ki hi charchaon ne use bhi is phan men anurakt kar diya tha. is samay usake saundary ki khoob charcha thi. ravasahab ne naugadh ke navayuvak aur sushil raja harishchndr se usaki shadi tajavij ki thi. ubhay paksh men taiyariyan ho rahi thin. raja harishchndr meyo kalij ajamer ke vidyarthi aur nayi roshani ke bhakt the. unaki akanksha thi ki unhen ek bar rajakumari prabha se sakshatkar hone aur premalap karane ka avasar diya jaye kintu ravasahab is pratha ko dooshit samajhate the.

prabha raja harishchndr ke navin vicharon ki charcha sun kar is snbndh se bahut sntusht n thi. par jab se usane is premamay yuva yogi ka gana suna tha tab se to vah usi ke dhyan men doobi rahati. uma usaki saheli thi. in donon ke bich koee parada n tha parntu is bhed ko prabha ne usase bhi gupt rakha. uma usake svabhav se parichit thi tad gayi. parntu usane upadesh karake is agni ko bhadakana uchit n samajha. usane socha ki thode dinon men yah agni ap se ap shant ho jayagi. aisi lalasaon ka ant prayah isi tarah ho jaya karata hai kintu usaka anuman galat siddh hua. yogi ki vah mohini moorti kabhi prabha ki ankhon se n utarati usaka madhur rag pratikshan usake kanon men goonja karata. usi kund ke kinare vah sir jhukaye sare din baithi rahati. kalpana men vahi madhur hridayagrahi rag sunati aur vahi yogi ki manoharini moorti dekhati. kabhi-kabhi use aisa bhas hota ki bahar se yah avaz a rahi hai. vah chaunk padati aur trishna se prerit ho kar vatika ki chaharadivari tak jati aur vahan se nirash ho kar laut ati. phir ap hi vichar karati-yah meri kya dasha hai ! mujhe yah kya ho gaya hai ! main hindoo kanya hoon mata-pita jise saunp den usaki dasi ban kar rahana dharm hai. mujhe tan-man se usaki seva karani chahie. kisi any purush ka dhyan tak man men lana mere lie pap hai ! ah ! yah kalushit hriday le kar main kis munh se pati ke pas jaoongi ! in kanon se kyonkar pranay ki baten sun sakoongi jo mere lie vyngy se bhi adhik karn-katu hongi ! in papi netron se vah pyari-pyari chitavan kaise dekh sakoongi jo mere lie vajr se bhi hriday-bhedi hogi ! is gale men ve mridul premabahu padenge jo lauh-dnd se bhi adhik bhari aur kathor honge. pyare tum mere hriday mndir se nikal jao. yah sthan tumhare yogy nahin. mera vash hota to tumhen hriday ki sej par sulati parntu main dharm ki rassiyon men bndhi hoon.

is tarah ek mahina bit gaya. byah ke din nikat ate jate the aur prabha ka kamal-sa mukh kumhalaya jata tha. kabhi-kabhi virah vedana evn vichar-viplav se vyakul hokar usaka chitt chahata ki sati-kund ki god men shanti loon kintu ravasahab is shok men jan hi de denge yah vichar kar vah ruk jati. sochati main unaki jivan sarvasv hoon mujh abhagini ko unhonne kis lad-pyar se pala hai main hi unake jivan ka adhar aur antakal ki asha hoon. nahin yon pran de kar unaka ashaon ki hatya n karoongi. mere hriday par chahe jo bite unhen n kudhaoongi ! prabha ka ek yogi gavaiye ke pichhe unmatt ho jana kuchh shobha nahin deta. yogi ka gan tanasen ke ganon se bhi adhik manohar kyon n ho par ek rajakumari ka usake hathon bik jana hriday ki durbalata prakat karata hai ravasahab ke darabar men vidya ki shaury ki aur virata se pran havan karane ki charcha n thi. yahan to rat-din rag-rng ki dhoom rahati thi. yahan isi shastr ke achary pratishtha ke masanad par virajit the aur unhin par prashnsa ke bahumooly ratn lutaye jate the. prabha ne prarnbh hi se isi jalavayu ka sevan kiya tha aur us par inaka gadha rng chadh gaya tha. aisi avastha men usaki gan-lipsa ne yadi bhishan roop dharan kar liya to ashchary hi kya hai !

3

shadi badi dhoomadham se huee. ravasahab ne prabha ko gale laga kar vida kiya. prabha bahut royi. uma ko vah kisi tarah chhodati n thi.

naugadh ek badi riyasat thi aur raja harishchndr ke suprabndh se unnati par thi. prabha ki seva ke lie dasiyon ki ek poori fauj thi. usake rahane ke lie vah annd-bhavan sajaya gaya tha jisake banane men shilp visharadon ne apoorv kaushal ka parichay diya tha. shrringar chaturaon ne dulahin ko khoob snvara. rasile raja sahab adharamrit ke lie vihval ho rahe the. antahpur men gaye. prabha ne hath jod kar sir jhuka kar unaka abhivadan kiya. usaki ankhon se ansoo ki nadi bah rahi thi. pati ne prem ke mad men matt ho kar ghoonghat hata diya dipak tha par bujha hua. phool tha par murajhaya hua.

doosare din se raja sahab ki yah dasha huee ki bhaunre ki tarah pratikshan is phool par mndaraya karate. n raj-pat ki chinta thi n sair aur shikar ki parava. prabha ki vani rasila rag thi usaki chitavan sukh ka sagar aur usaka mukh-chndr amod ka suhavana kunj. bas prem-mad men raja sahab bilakul matavale ho gaye the unhen kya maloom tha ki doodh men makkhi hai.

yah asambhav tha ki rajasahab ke hridayahari aur saras vyavahar ka jisamen sachcha anurag bhara hua tha prabha par koee prabhav n padata. prem ka prakash andhere hriday ko bhi chamaka deta hai. prabha man men bahut lajjit hoti. vah apane ko is nirmal aur vishuddh prem ke yogy n pati thi is pavitr prem ke badale men use apane kritrim rnge hue bhav prakat karate hue manasik kasht hota tha. jab tak rajasahab usake sath rahate vah unake gale lata ki bhanti lipati huee ghnton prem ki baten kiya karati. vah unake sath suman-vatika men chuhal karati unake lie phoolon ka har goonthati aur unake gale men hath dal kar kahati-pyare dekhana ye phool murajha n jayen inhen sada taja rakhana. vah chandani rat men usake sath nav par baith kar jhil ki sair karati aur unhen prem ka rag sunati. yadi unhen bahar se ane men jara bhi der ho jati to vah mitha-mitha ulahana deti unhen nirday tatha nishthur kahati. unake samane vah svayn hnsati unaki ankhen hnsatin aur ankhon ka kajal hnsata tha. kintu ah! jab vah akeli hoti usaka chnchal chitt ud kar usi kund ke tat par ja pahunchata kund ka vah nila-nila pani us par tairate hue kamal aur maulasiri ki vriksh-pnktiyon ka sundar drishy ankhon ke samane a jata. uma muskarati aur najakat se lachakati huee a pahunchati tab rasile yogi ki mohani chhavi ankhon men a baithati aur sitar ke sulasit sur goonjane lagate-

kar gaye thode din ki priti.

tab vah ek dirgh niahshvas le kar uth baithati aur bahar nikal kar pinjare men chahakate hue pakshiyon ke kalarav men shanti prapt karati. is bhanti yah svapn tirohit ho jata.

4

is tarah kee mahine bit gaye. ek din raja harishchndr prabha ko apani chitrashala men le gaye. usake pratham bhag men aitihasik chitr the. samane hi shooravir maharana pratapasinh ka chitr najar aya. mukharavind se virata ki jyoti sphutit ho rahi thi. tanik aur age badh kar dahini or svamibhakt jagamal viravar sanga aur diler durgadas virajaman the. bayin or udar bhimasinh baithe hue the. ranapratap ke sammukh maharashtr kesari vir shivaji ka chitr tha. doosare bhag men karmayogi krishn aur maryada purushottam ram virajate the. chatur chitrakaron ne chitr-nirman men apoorv kaushal dikhalaya tha. prabha ne pratap ke pad-padmon ko chooma aur vah krishn ke samane der tak netron men prem aur shraddha ke ansoo-bhare mastak jhukaye khadi rahi. usake hriday par is samay kalushit prem ka bhay khatak raha tha. use maloom hota tha ki yah un mahapurushon ke chitr nahin unaki pavitr atmaen hain. unhin ke charitr se bharatavarsh ka itihas gauravanvit hai. ve bharat ke bahumooly jatiy ratn uchchakoti ke jatiy smarak aur gaganabhedi jatiy tumul dhvani hain. aisi uchch atmaon ke samane khade hote use snkoch hota tha. age badhi doosara bhag samane aya. yahan gyanamay buddh yog-sadhan men baithe hue dekh pade. unaki dahini or shastragy shnkar the aur darshanik dayannd. ek or shantipathagami kabir aur bhakt ramadas yathayogy khade the. ek divar par guru govind apane desh aur jati par bali chadhanevale donon bachchon ke sath virajaman the. doosari divar par vedant ki jyoti phailanevale svami ramatirth aur vivekannd virajaman the. chitrakaron ki yogyata ek-ek avayav se tapakati thi. prabha ne inake charanon par mastak teka. vah unake samane sir n utha saki. use anubhav hota tha ki unaki divy ankhen usake dooshit hriday men chubhi jati hain

isake bad tisara bhag aya. yah pratibhashali kaviyon ki sabha thi. sarvochch sthan par adikavi valmiki aur maharshi vedavyas sushobhit the. dahini or shrringararas ke advitiy kavi kalidas the bayin taraph gambhir bhavon se poorn bhavabhooti. nikat hi bhartrihari apane sntoshashram men baithe hue the.

dakshin ki divar par rashtrabhasha hindi ke kaviyon ka sammelan tha. sahriday kavi soor tejasvi tulasi sukavi keshav aur rasik bihari yathakram virajaman the. sooradas se prabha ka agadh prem tha. vah samip ja kar unake charanon par mastak rakhana hi chahati thi ki akasmath unhin charanon ke sammukh sar jhukaye use ek chhota-sa chitr dikh pada. prabha use dekh kar chaunk padi. yah vahi chitr tha jo usake hriday pat par khincha hua tha. vah khul kar usaki taraph tak n saki. dabi huee ankhon se dekhane lagi. raja harishchndr ne muskara kar poochha-is vyakti ko tumane kahin dekha hai

is prashn se prabha ka hriday kanp utha. jis tarah mrig-shavak vyadh ke samane vyakul ho kar idhar-udhar dekhata hai usi tarah prabha apani badi-badi ankhon se divar ki or takane lagi. sochane lagi-kya uttar doon isako kahin dekha hai unhonne yah prashn mujhase kyon kiya kahin tad to nahin gaye he narayan meri pat tumhare hath hai kyonkar inakar karoon munh pila ho gaya. sir jhuka kar kshin svar se boli han dhyan ata hai ki kahin dekha hai.

harishchndr ne kaha-kahan dekha hai

prabha ke sir men chakkar-sa ane laga. boli-shayad ek bar yah gata hua meri vatika ke samane ja raha tha. uma ne bula kar isaka gana suna tha.

harishchndr ne poochha-kaisa gana tha

prabha ke hosh ude hue the. sochati thi raja ke in savalon men zaroor koee bat hai. dekhoon laj rahati hai ya nahin. boli-usaka gana aisa bura n tha.

harishchndr ne muskara kar kaha-kya gata tha

prabha ne socha is prashn ka uttar de doon to baki kya rahata hai. use vishvas ho gaya ki aj kushal nahin hai. vah chhat ki or nirakhati huee boli-sooradas ka koee pad tha.

harishchndr ne kaha-yah to nahin-

kar gaye thode din ki priti.

prabha ki ankhon ke samane andhera chha gaya. sir ghoomane laga vah khadi n rah saki baith gayi aur hatash ho kar boli-han yahi pad tha. phir usane kaleja mazaboot karake poochha-apako kaise maloom hua

harishchndr bole-vah yogi mere yahan aksar aya-jaya karata hai. mujhe bhi usaka gana pasnd hai. usi ne mujhe yah hal bataya tha kintu vah to kahata tha ki rajakumari ne mere ganon ko bahut pasnd kiya aur punah ane ke lie adesh kiya.

prabha ko ab sachcha krodh dikhane ka avasar mil gaya. vah bigad kar boli-yah bilakul jhooth hai. mainne usase kuchh nahin kaha.

harishchndr bole-yah to main pahale hi samajh gaya tha ki yah un mahashay ki chalaki hai. ding marana gavaiyon ki adat hai parntu isamen to tumhen inakar nahin ki usaka gan bura n tha

prabha boli-na ! achchhi chiz ko bura kaun kahega

harishchndr ne poochha-phir sunana chaho to use bulavaoon. sir ke bal dauda ayega.

kya unake darshan phir honge is asha se prabha ka mukhamndal vikasit ho gaya. parntu in kee mahinon ki lagatar koshish se jis bat ko bhulane men vah kinchith saphal ho chuki thi usake phir navin ho jane ka bhay hua. boli-is samay gana sunane ko mera ji nahin chahata.

raja ne kaha-yah main n manoonga ki tum aur gana nahin sunana chahati main use abhi bulaye lata hoon.

yah kah kar raja harishchndr tir ki tarah kamare se bahar nikal gaye. prabha unhen rok n saki. vah badi chinta men doobi khadi thi. hriday men khushi aur rnj ki laharen bari-bari se uthati thin. mushkil se das minat bite honge ki use sitar ke mastane sur ke sath yogi ki rasili tan sunaee di-

kar gaye thode din ki priti.

vahi hridayagrahi rag tha vahi hridayabhedi prabhav vahi manoharata aur vahi sab kuchh jo man ko moh leta hai. ekakshan men yogi ki mohini moorti dikhayi di. vahi mastanapan vahi matavale netr vahi nayanabhiram devataon ka-sa svaroop. mukhamndal par mnd-mnd muskan thi. prabha ne usaki taraph sahami huee ankhon se dekha. ekaek usaka hriday uchhal pada. usaki ankhon ke age se ek parda hat gaya. prem-vihval ho ankhon men ansoo-bhare vah apane pati ke charanaravindon par gir padi aur gadgad knth se boli-pyare ! priyatam !

raja harishchndr ko aj sachchi vijay prapt huee. unhonne prabha ko utha kar chhati se laga liya. donon aj ek pran ho gaye. raja harishchndr ne kaha-janati ho mainne yah svang kyon racha tha gane ka mujhe sada se vyasan hai aur suna hai tumhen bhi isaka shauq hai. tumhen apana hriday bhent karane se pratham ek bar tumhara darshan karana avashyak pratit hua aur usake lie sabase sugam upay yahi soojh pada.

prabha ne anurag se dekhakar kaha-yogi ban kar tumane jo kuchh pa liya vah raja rah kar kadapi n pa sakate. ab tum mere pati ho aur priyatam bhi ho par tumane mujhe bada dhokha diya aur meri atma ko kalnkit kiya. isaka uttaradata kaun hoga ?


tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah