बहिष्कार -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pandit gyanachndr ne govindi ki or satrishn netron se dekh kar kaha —mujhe aise nirdayi praniyon se jara bhi sahanubhooti nahin hai. is barbarata ki bhi koee had hai ki jisake sath tin varsh tak jivan ke sukh bhoge, use ek jara-si bat par ghar se nikal diya. govindi ne ankhen nichi karake poochha—akhir kya bat huee thi ? gyan. —kuchh bhi nahin. aisi baton men koee bat hoti hai. shikayat hai ki kalindi jaban ki tej hai. tin sal tak jaban tej n thi, aj jaban ki tej ho gayi. kuchh nahin, koee doosari chidiya najar ayi hogi. usake lie pinjare ko khali karana avashyak tha. bas yah shikayat nikal ayi. mera bas chale, to aise dushton ko goli mar doon. mujhe kee bar kalindi se batachit karane ka avasar mila hai. mainne aisi hnsamukh doosari nahin hi dekhi. govindi — tumane somadatt ko samajhaya nahin. gyan. —aise log samajhane se nahin manate. yah lat ka adami hai, baton ki use kya parava ? mera to yah vichar hai ki jisase ek bar sambandh ho gaya, phir chahe vah achchhi ho ya buri, usake sath jivan bhar nirvah karana chahie ! main to kahata hoon, agar stri ke kul men koee dosh bhi nikal aye, to kshama se kam lena chahie.   govindi ne katar netron se dekhakar kaha —aise adami to bahut kam hote . gyan. —samajh hi men nahin ata ki jisake sath itane din hnse-bole, jisake prem ki smritiyan hriday ke ek-ek anu men samayi huee hain, use dar-dar thokaren khane ko kaise chhod diya. kam se kam itana to karana chahie tha ki use kisi surakshit sthan par pahuncha dete aur usake nirvah ka koee prabndh kar dete. nirdayi ne is tarah ghar se nikala, jaise koee kutte ko nikale. bechari ganv ke bahar baithi ro rahi hai. kaun kah sakata hai, kahan jayagi. shayad mayake bhi koee nahin raha. somadatt ke dar ke mare ganv ka koee adami usake pas bhi nahin ata. aise baggad ka kya thikana ! jo adami stri ka n hua, vah doosare ka kya hoga. usaki dasha dekh kar meri ankhon men to ansoo bhar aye. ji men to aya, kahoon , bahan, tum mere ghar chalo; magar tab to somadatt mere pranon ka gahak ho jata. govindi — tum jara ja kar ek bar phir samajhao. agar vah kisi tarah n mane, to kalindi ko lete ana. gyan. —jaoon ? govindi — han, avashy jao; magar somadatt kuchh khari-khoti bhi kahe, to sun lena. gyanachndr ne govindi ko gale laga kar kaha —tumhare hriday men badi daya hai, govindi ! lo jata hoon, agar somadatt ne n mana to kalindi hi ko leta aoonga. abhi bahut door n gayi hogi. tin varsh bit gaye. govindi ek bachche ki man ho gayi. kalindi abhi tak isi ghar men hai. usake pati ne doosara vivah kar liya hai. govindi aur kalindi men bahanon ka-sa prem hai. govindi sadaiv usaki dilajoee karati rahati hai. vah isaki kalpana bhi nahin karati ki yah koee gair hai aur meri rotiyon par padi huee hai; lekin somadatt ko kalindi ka yahan rahana ek ankh nahin bhata. vah koee qanooni karravaee karane ki to himmat nahin rakhata. aur is paristhiti men kar hi kya sakata hai; lekin gyanachndr ka sir nicha karane ke lie avasar khojata rahata hai. sndhya ka samay tha. grishm ki ushn vayu abhi tak bilakul shant nahin huee thi. govindi gnga-jal bharane gayi thi. aur jal-tat ki shital nirjanata ka annd utha rahi thi. sahasa use somadatt ata hua dikhayi diya. govindi ne anchal se munh chhipa liya aur kalasa le kar chalane hi ko thi ki somadatt ne samane a kar kaha —jara thaharo, govindi, tumase ek bat kahana hai. tumase yah poochhana chahata hoon ki tumase kahoon ya gyanoo se ? govindi ne dhire se kaha —unhin se kah dijie. som. —ji to mera bhi yahi chahata hai; lekin tumhari dinata par daya ati hai. jis din main gyanachnd se yah bat kah doonga, tumhen is ghar se nikalana padega. mainne sari baton ka pata laga liya hai. tumhara bap kaun tha; tumhari man ki kya dasha huee, yah sari katha janata hoon. kya tum samajhati ho ki gyanachndr yah katha sun kar tumhen apane ghar men rakhega ? usake vichar kitane hi svadhin hon; par jiti makkhi nahin nigal sakata. govindi ne thar-thar kanpate hue kaha —jab ap sari baten janate hain, to main kya kahoon ? ap jaisa uchit samajhen karen; lekin mainne to apake sath kabhi koee buraee nahin ki. som. —tum logon ne ganv men mujhe kahin munh dikhane ke yogy nahin rakha. tis par kahati ho, mainne tumhare sath koee buraee nahin ki ! tin sal se kalindi ko ashray de kar meri atma ko jo kasht pahunchaya hai, vah main hi janata hoon. tin sal se main is fikr men tha ki kaise is apaman ka dnd doon. ab vah avasar pa kar use kisi tarah nahin chhod sakata. govindi — agar apaki yahi ichchha hai ki main yahan n rahoon, to main chali jaoongi, aj hi chali jaoongi; lekin unase ap kuchh n kahie. apake pairon padati hoon. som. —kahan chali jaogi ? govindi — aur kahin thikana nahin hai, to gnga ji to hain. som. —nahin govindi, main itana nirdayi nahin hoon. main keval itana chahata hoon ki tum kalindi ko apane ghar se nikal do aur main kuchh nahin chahata. tin din ka samay deta hoon, khoob soch-vichar lo. agar kalindi tisare din tumhare ghar se n nikali, to tum janogi. somadatt vahan se chala gaya. govindi kalasa liye moorti ki bhanti khadi rah gayi. usake sammukh kathin samasya a khadi huee thi, vah thi kalindi ! ghar men ek hi rah sakati thi. donon ke lie us ghar men sthan n tha. kya kalindi ke lie vah apana ghar, apana svarg tyag degi ? kalindi akeli hai, pati ne use pahale hi chhod diya hai, vah jahan chahe ja sakati hai, par vah apane pranadhar aur pyare bachche ko chhod kar kahan jayagi ? lekin kalindi se vah kya kahegi ? jisake sath itane dinon tak bahanon ki tarah rahi, use kya vah apane ghar se nikal degi ? usaka bachcha kalindi se kitana hila hua tha, kalindi use kitana chahati thi ? kya us parityakta dina ko vah apane ghar se nikal degi ? isake siva aur upay hi kya tha ? usaka jivan ab ek svarthi, dambhi vyakti ki daya par avalambit tha. kya apane pati ke prem par vah bharosa kar sakati thi ! gyanachndr sahriday the, udar the, vicharashil the, dridh the, par kya unaka prem apaman, vyngy aur bahishkar jaise aghaton ko sahan kar sakata tha ! usi din se govindi aur kalindi men kuchh parthaky-sa dikhayi dene laga. donon ab bahut kam sath baithatin. kalindi pukarati , bahan, a kar khana kha lo. govindi kahati , tum kha lo, main phir kha loongi. pahale kalindi balak ko sare din khilaya karati thi, man ke pas keval doodh pine jata tha. magar ab govindi har dam use apane hi pas rakhati hai. donon ke bich men koee divar khadi ho gayi hai. kalindi bar-bar sochati hai, ajakal mujhase yah kyon roothi huee hai ? par use koee karan nahin dikhayi deta. use bhay ho raha hai ki kadachith yah ab mujhe yahan nahin rakhana chahati. isi chinta men vah gote khaya karati hai; kintu govindi bhi usase kam chintit nahin hai. kalindi se vah sneh todana chahati hai; par usaki mlan moorti dekh kar usake hriday ke tukade ho jate hain. usase kuchh kah nahin sakati. avahelana ke shabd munh se nahin nikalate. kadachith use ghar se jate dekh kar vah ro padegi. aur jabaradasti rok legi. isi hais-bais men tin din gujar gaye. kalindi ghar se n nikali. tisare din sndhya-samay somadatt nadi ke tat par badi der tak khada raha. ant men charon or andhera chha gaya. phir bhi pichhe phir-phir kar jal-tat ki or dekhata jata tha ! rat ke das baj gaye hain. abhi gyanachndr ghar nahin aye. govindi ghabara rahi hai. unhen itani der to kabhi nahin hoti thi. aj itani der kahan laga rahe hain ? shnka se usaka hriday kanp raha hai. sahasa maradane kamare ka dvar khulane ki avaz ayi ! govindi daudi huee baithak men ayi; lekin pati ka mukh dekhate hi usaki sari deh shithil pad gayi, us mukh par hasy tha; par us hasy men bhagy-tiraskar jhalak raha tha. vidhi-vam ne aise sidhe-sade manushy ko bhi apane krida-kaushal ke lie chun liya. kya vah rahasy rone ke yogy tha ? rahasy rone ki vastu nahin, hnsane ki vastu hai. gyanachndr ne govindi ki or nahin dekha. kapade utar kar savadhani se alagani par rakhe, joota utara aur pharsh par baith kar ek pustak ke panne ulatane laga. govindi ne darate-darate kaha —aj itani der kahan ki ? bhojan thnda ho raha hai. gyanachndr ne pharsh ki or takate hue kaha —tum log bhojan kar lo, main ek mitr ke ghar kha kar aya hoon. govindi isaka ashay samajh gayi. ek kshan ke bad phir boli —  chalo, thoda-sa hi kha lo. gyan. —ab bilakul bhookh nahin hai. govindi — to main bhi jakar so rahati hoon. gyanachndr ne ab govindi ki or dekh kar kaha —kyon ? tum kyon n khaogi ? vah aur kuchh n kah saki. gala bhar aya. gyanachndr ne samip a kar kaha —main sach kahata hoon, govindi, ek mitr ke ghar bhojan kar aya hoon. tum ja kar kha lo. govindi palng par padi huee chinta, nairashy aur vishad ke apar sagar men gote kha rahi thi. yadi kalindi ka usane bahishkar kar diya hota, to aj use is vipatti ka samana n karana padata; kintu yah amanushik vyavahar usake lie asadhy tha aur is dasha men bhi use isaka du:kh n tha. gyanachndr ki or se yon tiraskrit hone ka bhi use du:kh n tha. jo gyanachandr nity dharm aur sajjanata ki dinge mara karata tha, vahi aj isaka itani nirdayata se bahishkar karata hua jan padata tha, us par use leshamatr bhi du:kh, krodh ya dvesh n tha. usake man ko keval ek hi bhavana andolit kar rahi thi. vah ab is ghar men kaise rah sakati hai. ab tak vah is ghar ki svamini thi ! isalie n ki vah apane pati ke prem ki svamini thi; par ab vah prem se vnchit ho gee thi. ab is ghar par usaka kya adhikar tha ? vah ab apane pati ko munh hi kaise dikha sakati thi. vah janati thi, gyanachandr apane munh se usake viruddh ek shabd bhi n nikalenge; par usake vishay men aisi baten jan kar kya vah usase prem kar sakate the ? kadapi nahin ! is vakt n-jane kya samajh kar chup rahe. sabere toofan uthega. kitane hi vicharashil hon; par apane samaj se nikal jana kaun pasand karega ? striyon ki snsar men kami nahin. meri jagah hajaron mil jaengi. meri kisi ko kya parava ? ab yahan rahana behayaee hai. akhir koee lathi mar kar thode hi nikal dega. hayadar ke lie ankh ka ishara bahut hai. munh se n kahen, man ki bat aur bhav chhipe nahin rahate; lekin mithi nidra ki god men soye hue shishu ko dekh kar mamata ne usake ashakt hriday ko aur bhi katar kar diya. is apane pranon ke adhar ko vah kaise chhodegi ? shishu ko usane god men utha liya aur khadi roti rahi. tin sal kitane annd se gujare. usane samajha tha ki isi bhanti sara jivan kat jayaga; lekin usake bhagy men isase adhik sukh bhogana likha hi n tha.karun vedana men doobe hue ye shabd usake mukh se nikal aye , bhagavanh ! agar tumhen is bhanti meri durgati karani thi, to tin sal pahale kyon n ki ? us vakt yadi tumane mere jivan ka ant kar diya hota, to main tumhen dhanyavad deti. tin sal tak saubhagy ke suramy udyan men saurabh, samir aur madhury ka anand uthane ke bad is udyan hi ko ujad diya. ha ! jin paudhon ko usane apane prem-jal se sincha tha, ve ab nirmam durbhagy ke pairon-tale kitani nishthurata se kuchale ja rahe the. gyanachandr ke shil aur sneh ka smaran aya, to vah ro padi. mridu smritiyan a-akar hriday ko masosane lagin. sahasa gyanachandr ke ane se vah snbhal baithi. kathor se kathor baten sunane ke lie usane apane hriday ko kada kar liya; kintu gyanachandr ke mukh par rosh ka chihn bhi n tha. unhonne ashchary se poochha—kya tum abhi tak soyi nahin ? janati ho, kai baje hain ? barah se oopar hain. govindi ne sahamate hue kaha —tum bhi to abhi nahin soye. gyan. —main n sooon, to tum bhi n soo ? main n khaoon, to tum bhi n khao ? main bimar padoon, to tum bhi bimar pado ? yah kyon ? main to ek janmapatri bana raha tha. kal deni hogi. tum kya karati rahin, bolo ? in shabdon men kitana saral sneh tha ! kya tiraskar ke bhav itane lalit shabdon men prakat ho sakate hain ? pravnchakata kya itani nirmal ho sakati hai ? shayad somadatt ne abhi vajr ka prahar nahin kiya. avakash n mila hoga; lekin aisa hai, to aj ghar itani der men kyon aye ? bhojan kyon n kiya, mujhase bole tak nahin, ankhen lal ho rahi thin. meri or ankh utha kar dekha tak nahin. kya yah sambhav hai ki inaka krodh shant ho gaya ho ? yah sambhavana ki charam sima se bhi bahar hai. to kya somadatt ko mujh par daya a gayi ? patthar par doob jami ? govindi kuchh nishchay n kar saki, aur jis bhanti grih-sukh vihin pathik vriksh ki chhanh men bhi anand se panv phaila kar sota hai, usaki avyavastha hi use nishchint bana deti hai, usi bhanti govindi manasik vyagrata men bhi svasth ho gayi. muskara kar sneh-mridul svar men boli —  tumhari hi rah to dekh rahi thi. yah kahate-kahate govindi ka gala bhar aya. vyadh ke jal men phadaphadati huee chidiya kya mithe rag ga sakati hai ? gyanachandr ne charapaee par baith kar kaha —jhoothi bat, roj to tum ab tak so jaea karati thin. ek saptah bit gaya; par gyanachandr ne govindi se kuchh n poochha, aur n unake bartav hi se unake manogat bhavon ka kuchh parichay mila. agar unake vyavaharon men koee navinata thi, to yah ki vah pahale se bhi zyada snehashil, nirdvandv aur praphullavadan ho gaye. govindi ka itana adar aur man unhonne kabhi nahin kiya tha. unake prayatnashil rahane par bhi govindi unake manobhavon ko tad rahi thi aur usaka chitt pratikshan shnka se chnchal aur kshubdh rahata tha. ab use isamen leshamatr bhi sndeh nahin tha ki somadatt ne ag laga di hai. gili lakadi men pad kar vah chinagari bujh jayagi, ya jngal ki sookhi pattiyan hahakar karake jal uthengi, yah kaun jan sakata hai. lekin is saptah ke gujarate hi agni ka prakop hone laga. gyanachndr ek mahajan ke munim the. us mahajan ne kah diya , mere yahan ab apaka kam nahin. jivika ka doosara sadhan yajamani hai. yajaman bhi ek-ek karake unhen javab dene lage. yahan tak ki unake dvar par ana-jana band ho gaya. ag sookhi pattiyon men jala kar ab hare vriksh ke charon or mndarane lagi. par gyanachndr ke mukh men govindi ke prati ek bhi katu, amridu shabd n tha. vah is samajik dnd ki shayad kuchh parava n karate, yadi durbhagyavash isane unaki jivika ke dvar n bnd kar diye hote. govindi sab kuchh samajhati thi; par snkoch ke mare kuchh n kah sakati thi. usi ke karan usake pranapriy pati ki yah dasha ho rahi hai, yah usake lie doob marane ki bat thi. par, kaise pranon ka utsarg kare. kaise jivan-moh se mukt ho. is vipatti men svami ke prati usake rom-rom se shubh-kamanaon ki sarita-si bahati thi; par munh se ek shabd bhi n nikalata tha. bhagy ki sabase nishthur lila us din huee, jab kalindi bhi bina kuchh kahe-sune somadatt ke ghar ja pahunchi. jisake lie yah sari yatanaen jhelani padin, usi ne ant men bevaphaee ki. gyanachnd ne suna, to keval muskara diye; par govindi is kutil aghat ko itani shanti se sahan n kar saki. kalindi ke prati usake mukh se apriy shabd nikal hi aye. gyanachandr ne kaha —use vyarth hi kosati ho priye, usaka koee dosh nahin. bhagavanh hamari pariksha le rahe hain. is vakt dhairy ke siva hamen kisi se koee asha n rakhani chahie. jin bhavon ko govindi kee dinon se antastal men dabati chali ati thi, ve dhairy ka bandh tootate hi bade veg se bahar nikal pade. pati ke sammukh aparadhiyon ki bhanti hath bandh kar usane kaha —svami, mere hi karan apako yah sare papad belane pad rahe hain. main hi apake kul ki kalnkini hoon. kyon n mujhe kisi aisi jagah bhej dijie, jahan koee meri soorat tak n dekhe. main apase saty kahati hoon... gyanachandr ne govindi ko aur kuchh n kahane diya. use hriday se laga kar bole —  priy, aisi baton se mujhe dukhi n karo. tum aj bhi utani hi pavitr ho, jitani us samay thin, jab devataon ke samaksh mainne ajivan patnivrat liya tha, tab mujhase tumhara parichay n tha. ab to meri deh aur atma ka ek-ek paramanu tumhare akshay prem se alokit ho raha hai. upahas aur ninda ki to bat hi kya hai, durdaiv ka kathoratam aghat bhi mere vrat ko bhng nahin kar sakata. agar doobenge to sath-sath doobenge; tarenge to sath-sath tarenge. mere jivan ka mukhy karttavy tumhare prati hai. snsar isake pichhe , bahut pichhe hai. govindi ko jan pada, usake sammukh koee dev-moorti khadi hai. svami men itani shrriddha, itani bhakti, use aj tak kabhi n huee thi. garv se usaka mastak ooncha ho gaya aur mukh par svargiy abha jhalak padi. usane phir kahane ka sahas n kiya. sampannata apaman aur bahishkar ko tuchchh samajhati hai. unake abhav men ye badhaen pranantak ho jati hain. gyanachandr din ke din ghar men pade rahate. ghar se bahar nikalane ka unhen sahas n hota tha. jab tak govindi ke pas gahane the, tab tak bhojan ki chinta n thi. kintu jab yah adhar bhi n rah gaya, to halat aur bhi kharab ho gayi. kabhi-kabhi nirahar rah jana padata. apani vyatha kisase kahen, kaun mitr tha ? kaun apana tha ? govindi pahale bhi hrisht-pusht n thi; par ab to anahar aur antarvedana ke karan usaki deh aur bhi jirn ho gayi thi. pahale shishu ke lie doodh mol liya karati thi. ab isaki samarthy n thi. balak din par din durbal hota jata tha. maloom hota tha, use sookhe ka rog ho gaya hai. din ke din bachcha khurra khat par pada mata ko nairashy-drishti se dekha karata. kadachith usaki bal-buddhi bhi avastha ko samajhati thi. kabhi kisi vastu ke lie hath n karata. usaki balochit saralata, chnchalata aur kridashilata ne ab tak dirgh, ashavihin pratiksha ka roop dharan kar liya tha. mata-pita usaki dasha dekh kar man hi man kudh-kudh kar rah jate the. sndhya ka samay tha. govindi andhere ghar men balak ke sirahane chinta men magn baithi thi. akash par badal chhaye hue the aur hava ke jhonke usake ardhanagn sharir men shar ke saman lagate the. aj din bhar bachche ne kuchh n khaya tha. ghar men kuchh tha hi nahin. kshudhagni se balak chhatapata raha tha; par ya to rona n chahata tha, ya usamen rone ki shakti hi n thi. itane men gyanachndr teli ke yahan se tel le kar a pahunche. dipak jala. dipak ke kshin prakash men mata ne balak ka mukh dekha; to saham uthi. balak ka mukh pila pad gaya tha aur putaliyan oopar chadh gayi thin. usane ghabarakar balak ko god men uthaya. deh thandi thi. chilla kar boli —  ha bhagavanh ! mere bachche ko kya ho gaya ? gyanachndr ne balak ke mukh ki or dekh kar ek thandi sans li aur bole —  eeshvar, kya sari daya-drishti hamare hi oopar karoge ? govindi — hay ! mera lal mare bhookh ke shithil ho gaya hai. koee aisa nahin, jo ise do ghoont doodh pila de. yah kah kar usane balak ko pati ki god men de diya aur ek lutiya le kar kalindi ke ghar doodh mangane chali. jis kalindi ne aj chh: mahine se is ghar ki or taka n tha, usi ke dvar par doodh ki bhiksha mangane jate hue use kitani glani, kitana snkoch ho raha tha, vah bhagavanh ke siva aur kaun jan sakata hai. yah vahi balak hai, jis par ek din kalindi pran deti thi; par usaki or se ab usane apana hriday itana kathor kar liya tha ki ghar men kee gauen lagane par bhi ek chilloo doodh n bheja. usi ki daya-bhiksha mangane aj, andhori rat men, bhigati huee govindi daudi ja rahi hai. mata ! tere vatsaly ko dhany hai ! kalindi dipak liye dalan men khadi gay duha rahi thi. pahale svamini banane ke lie vah saut se lada karati thi. sevika ka pad use svikar n tha. ab sevika ka pad svikar karake svamini bani huee thi. govindi ko dekh kar turnt nikal ayi aur vismay se boli —  kya hai bahan, pani-boondi men kaise chali ayi ? govindi ne sakuchate hue kaha —lala bahut bhookha hai, kalindi ! aj din bhar kuchh nahin mila. thoda-sa doodh lene ayi hoon. kalindi bhitar jakar doodh ka mataka liye bahar nikal ayi aur boli —  jitana chaho, le lo govindi ! doodh ki kaun kami hai. lala to ab chalata hoga ! bahut ji chahata hai ki jakar use dekh aoon. lekin jane ka hukum nahin hai. pet palana hai, to hukum manana hi padega. tumane batalaya hi nahin, nahin to lala ke lie doodh ka toda thoda hai. main chali kya ayi ki tumane usaka munh dekhane ko tarasa dala. mujhe kabhi poochhata hai ? yah kahate hue kalindi ne doodh ka mataka govindi ke hath men rakh diya. govindi ke ankhon se ansoo bahane lage. kalindi itani daya karegi, isaki use asha nahin thi. ab use gyan hua ki yah vahi dayashila, seva-parayan ramani hai, jo pahale thi. leshamatr bhi antar n tha. boli —  itana doodh le kar kya karoongi, bahan. is lotiya men dal do.   kalindi—doodh chhote-bade sabhi khate hain. le jao, (dhire) yah mat samajho ki main tumhare ghar se chali ayi, to birani ho gayi. bhagavanh ki daya se ab yahan kisi bat ki chinta nahin hai. mujhase kahane bhar ki der hai. han, main aoongi nahin. isase lachar hoon. kal kisi bela lala ko lekar nadi kinare a jana. dekhane ko bahut ji chahata hai. govindi doodh ki handi liye ghar chali, garvapoorn anand ke mare usake pair ude jate the. dayodhi men pair rakhate hi boli —  jara diya dikha dena, yahan kuchh sujhayi nahin deta. aisa n ho ki doodh gir pade. gyanachndr ne dipak dikha diya. govindi ne balak ko apani god men lita kar katori se doodh pilana chaha ! par ek ghoont se adhik doodh knth men n gaya. balak ne hichaki li aur apani jivan-lila samapt kar di. karun rodan se ghar goonj utha. sari basti ke log chaunk pade; par jab maloom ho gaya ki gyanachndr ke ghar se avaz a rahi hai, to koee dvar par n aya. rat bhar bhagn hriday dampati rote rahe. prat:kal gyanachnd ne shav utha liya aur shmashan ki or chale. saikadon adamiyon ne unhen jate dekha; par koee samip n aya. kul-maryada snsar ki sabase uttam vastu hai. us par pran tak nyochhavar kar diye jate hain. gyanachnd ke hath se vah vastu nikal gayi, jis par unhen gaurav tha. vah garv, vah atm-bal, vah tej, jo parnpara ne unake hriday men koot-koot kar bhar diya tha, usaka kuchh ansh to pahale hi mit chuka tha, bacha-khucha putr-shok ne mita diya. unhen vishvas ho gaya ki unake avichar ka eeshvar ne yah dnd diya hai. duravastha, jirnata aur manasik durbalata sabhi is vishvas ko dridh karati thin. vah govindi ko ab bhi nirdosh samajhate the. usake prati ek katu shabd unake munh se n nikalata tha, n koee katu bhav hi unake dil men jagah pata tha. vidhi ki kroor-krida hi unaka sarvanash kar rahi hai; isamen unhen leshamatr bhi sndeh n tha. ab yah ghar unhen phade khata tha. ghar ke pran-se nikal gaye the. ab mata kise god men le kar chand mama ko bulayegi, kise ubatan malegi, kisake lie prat:kal haluva pakayegi. ab sab kuchh shoony tha, maloom hota tha ki unake hriday nikal liye gaye hain. apaman, kasht, anahar, in sari vidnbanaon ke hote hue bhi balak ki bal-kridaon men ve sab kuchh bhool jate the. usake snehamay lalan-palan men hi apana jivan sarthak samajhate the. ab charon or andhakar  tha. yadi aise manushy hain, jinhen vipatti se uttejana aur sahas milata hai, to aise bhi manushy hain, jo apatti-kal men karttavyahin, purusharthahin aur udyamahin ho jate hain. gyanachndr shikshit the, yogy the. yadi shahar men ja kar daud-dhoop karate, to unhen kahin n kahin kam mil jata. vetan kam hi sahi, rotiyon ko to muhataj n rahate; kintu avishvas unhen ghar se nikalane n deta tha. kahan jaen, shahar men kaun janata hai ? agar do-char parichit prani hain bhi, to unhen meri kyon parava hone lagi ? phir is dasha men jaen kaise ? deh par sabit kapade bhi nahin. jane ke pahale govindi ke lie kuchh n kuchh prabndh karana avashyak tha. usaka koee subhita n tha. inhin chintaon men pade-pade unake din katate jate the. yahan tak ki unhen ghar se bahar nikalate hi bada snkoch hota tha. govindi hi par annoparjan ka bhar tha. bechari din ko bachchon ke kapade siti, rat ko doosaron ke lie ata pisati. gyanachndr sab kuchh dekhate the aur matha thok kar rah jate the. ek din bhojan karate hue gyanachndr ne atm-dhikkar ke bhav se muskara kar kaha —mujh-sa nirlajj purush bhi snsar men doosara n hoga, jise stri ki kamaee khate bhi maut nahin ati ! govindi ne bhaun sikod kar kaha —tumhare pairon padati hoon, mere samane aisi baten mat kiya karo. hai to yah sab mere hi karan ? gyan. —tumane poorv janm men koee bada pap kiya tha govindi, jo mujh-jaise nikhattoo ke pale padi. mere jite hi tum vidhava ho. dhikkar hai aise jivan ko ! govindi — tum mera hi khoon piyo, agar phir is tarah ki koee bat munh se nikalo. tumhari dasi ban kar mera janm suphal ho gaya. main ise poorvajanm ki tapasya ka punit phal samajhati hoon. du:kh-sukh kis par nahin ata. tumhen bhagavanh kushal se rakhen, yahi meri abhilasha hai. gyan. —bhagavanh tumhari abhilasha poorn karen ! khoob chakki piso. govindi — tumhari bala se chakki pisati hoon. gyan. —han, han, piso. main mana thode karata hoon. tum n chakki pisogi, to yahan moonchhon par tav de kar khayega kaun, achchha, aj dal men ghi bhi hai. thik hai, ab meri chandi hai, beda par lag jayaga. isi ganv men bade-bade uchch-kul ki kanyaen hain. apane vastrabhooshan ke samane unhen aur kisi ki parava nahin. pati mahashay chahe chori karake layen, chahe daka mar kar layen, unhen isaki parava nahin. tumamen vah gun nahin hai. tum uchch-kul ki kanya nahin ho. vah ri duniya ! aisi pavitr deviyon ka tere yahan anadar hota hai ! unhen kul-kalnkini samajha jata hai ! dhany hai tera vyapar ! tumane kuchh aur suna ? somadatt ne mere asamiyon ko bahaka diya hai ki lagan mat dena, dekhen kya karate hain. batao, zamindar ko rakam kaise chukaoonga ? govindi — main somadatt se ja kar poochhati hoon n ? mana kya karenge, koee dillagi hai ! gyan. —nahin govindi, tum us dusht ke pas mat jana. main nahin chahata ki tumhare oopar usaki chhaya bhi pade. use khoob atyachar karane do. main bhi dekh raha hoon ki bhagavanh kitane nyayi hain ! govindi — tum asamiyon ke pas kyon nahin jate ? hamare ghar n ayen, hamara chhua pani n piyen, ya hamare rupaye bhi mar lenge ? gyan. —vah, isase saral to koee kam hi nahin hai. kah denge , ham rupaye de chuke. sara ganv usaki taraph ho jayaga. main to ab ganv bhar ka drohi hoon n. aj khoob dat kar bhojan kiya. ab main bhi rees hoon, bina hath-pair hilaye gulachharre udata hoon. sach kahata hoon, tumhari or se ab main nishchint ho gaya. desh-videsh bhi chala jaoon, to tum apana nirvah kar sakati ho. govindi — kahin jane ka kam nahin hai. gyan. —to yahan jata hi kaun hai. kise kutte ne kata hai, jo yah seva chhod kar mehanat-majoori karane jae. tum sachamuch devi ho, govindi ! bhojan karake gyanachndr bahar nikale. govindi bhojan karake kothari men ayi, to gyanachndr n the. samajhi , kahin bahar chale gaye honge. aj pati ki baton se usaka chitt kuchh prasann tha. shayad ab vah naukari-chakari ki khoj men kahin janevale hain. yah asha bndha rahi thi. han unaki vyngoktiyon ka bhav usaki samajh hi men n ata tha. aisi baten vah kabhi n karate the. aj kya soojhi ! kuchh kapade sine the. jadon ke din the. govindi dhoop men baith kar sine lagi. thodi hi der men sham ho gayi. abhi tak gyanachndr nahin aye. tel-batti ka samay aya, phir bhojan ki taiyari karane lagi. kalindi thoda-sa doodh de gayi thi. govindi ko to bhookh n thi, ab vah ek hi bela khati thi. han, gyanachndr ke lie rotiyan senkani thin. socha , doodh hai hi, doodh-roti kha lenge. bhojan bana kar nikali hi thi ki somadatt ne angan men akar poochha—kahan hain gyanoo ? govindi — kahin gaye hain. som. —kapade pahan kar gaye hain ? govindi — han; kali mirjee pahane the. som. —joota bhi pahane the ? govindi ki chhati dhad-dhad karane lagi. boli —  han, joota to pahane the. kyon poochhate ho ? somadatt ne zor se hath mar kar kaha —hay gyanoo ! hay ! govindi ghabara kar boli —  kya hua, dada ji ! hay ! batate kyon nahin ? hay ! som. —abhi thane se a raha hoon. vahan unaki lash mili hai. rel ke niche dab gaye ! hay gyanoo ! mujh hatyare ko kyon n maut a gayi ? govindi ke munh se phir koee shabd n nikala. antim 'hay' ke sath bahut dinon tak tadapata hua pran-pakshi ud gaya. ek kshan men ganv ki kitani hi striyan jama ho gayin. sab kahati thin , devi thi ! sati thi ! prat:kal do arthiyan ganv se nikalin. ek par reshami chundari ka kafan tha, doosari par reshami shal ka. ganv ke dvijon men se keval somadatt sath tha. shesh ganv ke nich jati vale adami the. somadatt hi ne dah-kriya ka prabndh kiya tha. vah rah-rah kar donon hathon se apani chhati pitata tha aur jor-jor se chillata tha , hay ! hay gyanoo !!

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah