क्षमा -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

musalamanon ko spen-desh par rajy karate kee shatabdiyan bit chuki thin. kalisaon ki jagah masajiden banati jati thin, ghnton ki jagah ajan ki avajen sunaee deti thin. garanata aur alahamara men ve samay ki nashvar gati par hnsanevale prasad ban chuke the, jinake khndahar ab tak dekhanevalon ko apane poorv aishvary ki jhalak dikhate hain. eesaiyon ke ganyamany stri aur purush masih ki sharan chhodakar islami bhratritv men sammilit hote jate the, aur aj tak itihasakaron ko yah ashchary hai ki eesaiyon ka nishan vahan kyonkar baki raha ! jo eesaee-neta ab tak musalamanon ke samane sir n jhukate the, aur apane desh men svarajy sthapit karane ka svapn dekh rahe the unamen ek saudagar daood bhi tha. daood vidvanh aur sahasi tha. vah apane ilake men islam ko qadam n jamane deta tha. din aur nirdhan eesaee vidrohi desh ke any pranton se akar usake sharanagat hote the aur vah badi udarata se unaka palan-poshan karata tha. musalaman daood se sashnk rahate the. ve dharm-bal se us par vijay n pakar use ash‍tr-bal se parast karana chahate the; par daood kabhi unaka samana n karata. han, jahan kahin eesaiyon ke musalaman hone ki khabar pata, hava ki tarah pahunch jata aur tark ya vinay se unhen apane dharm par achal rahane ki prerana deta. ant men musalamanon ne charon taraph se gher kar use giraphtar karane ki taiyari ki. senaon ne usake ilake ko gher liya. daood ko pran-raksha ke lie apane sambandhiyon ke sath bhagana pada. vah ghar se bhagakar garanata men aya, jahan un dinon islami rajadhani thi. vahan sabase alag rahakar vah achchhe dinon ki pratiksha men jivan vyatit karane laga. musalamanon ke guptachar usaka pata lagane ke lie bahut sir marate the, use pakad lane ke lie bade-bade inamon ki vigypti nikali jati thi; par daood ki toh n milati thi.

2

ek din ekantavas se ukatakar daood garanata ke ek bag men sair karane chala gaya. sndhya ho gayi thi. musalaman nichi abaen pahane, bade-bade amame sir par bandhe, kamar se talavar latakaye rabishon men tahal rahe the. striyan saphed burake odhe, jari ki jootiyan pahane benchon aur kurasiyon par baithi huee thin. daood sabase alag hari-hari ghas par leta hua soch raha tha ki vah din kab ayega jab hamari janmabhoomi in atyachariyon ke pnje se chhootegi ! vah atit kal ki kalpana kar raha tha, jab eesaee stri aur purush in rabishon men tahalate honge, jab yah sthan eesaiyon ke paraspar vagvilas se gulazar hoga.

   sahasa ek musalaman yuvak akar daood ke pas baith gaya. vah use sir se panv tak apamanasoochak drishti se dekhakar bola- kya abhi tak tumhara hriday islam ki jyoti se prakashit nahin hua ?
   daood ne gambhir bhav se kaha- islam ki jyoti parvat-shringon ko prakashit kar sakati hai. andheri ghatiyon men usaka pravesh nahin ho sakata.
   us musalaman arab ka nam jamal tha. yah akshep sunakar tikhe svar men bola- isase tumhara kya matalab hai ?
   daood- isase mera matalab yahi hai ki eesaiyon men jo log uchch-shreni ke hain, ve jagiron aur rajyadhikaron ke lobh tatha rajadnd ke bhay se islam ki sharan men a sakate hain; par durbal aur din eesaiyon ke lie islam men vah asaman ki badashahat kahan hai jo hajarat masih ke daman men unhen nasib hogi ! islam ka prachar talavar ke bal se hua hai, seva ke bal se nahin.
   jamal apane dharm ka apaman sunakar tilamila utha. garam hokar bola- yah sarvatha mithya hai. islam ki shakti usaka antarik bhratritv aur samy hai, talavar nahin.
   daood- islam ne dharm ke nam par jitana rakt bahaya hai, usamen usaki sari masajiden doob jayngi.
   jamal- talavar ne sada saty ki raksha ki hai.
   daood ne avichalit bhav se kaha- jisako talavar ka ashray lena pade, vah saty hi nahin.
   jamal jatiy garv se unmatt hokar bola- jab tak mithya ke bhakt rahenge, tab tak talavar ki zaroorat bhi rahegi.
   daood- talavar ka munh takanevala saty hi mithya hai.
   arab ne talavar ke kabje par hath rakhakar kaha- khuda ki kasam, agar tum nihatthe n hote, to tumhen islam ki tauhin karane ka maja chakha deta.
   daood ne apani chhati men chhipaee huee katar nikalakar kaha- nahin, main nihattha nahin hoon. musalamanon par jis din itana vishvas karoonga, us din eesaee n rahoonga. tum apane dil ke araman nikal lo.
   donon ne talavaren khinch lin. ek-doosare par toot pade. arab ki bhari talavar eesaee ki halaki katar ke samane shithil ho gayi. ek sarp ki bhanti phan se chot karati thi, doosari nagin ki bhanti uthati thi. laharon ki bhanti lapakati thi, doosari jal ki machhaliyon ki bhanti chamakati thi. donon yoddhaon men kuchh der tak choten hoti rahin. sahasa ek bar nagin uchhalakar arab ke antastal men ja pahunchi. vah bhoomi par gir pada.

3

jamal ke girate hi charon taraph se log daud pade. ve daood ko gherane ki cheshtakarane lage. daood ne dekha, log talavaren liye daude chale a rahe hain. pran lekar bhaga; par jidhar jata tha, samane bag ki divar rasta rok leti thi. divar oonchi thi, use phandana mushkil tha. yah jivan aur mrityu ka sngram tha. kahin sharan ki asha nahin, kahin chhipane ka sthan nahin. udhar arabon ki rakt-pipasa pratikshan tivr hoti jati thi. yah keval ek aparadhi ko dnd dene ki cheshta n thi. jatiy apaman ka badala tha. ek vijit eesaee ki yah himmat ki arab par hath uthaye ! aisa anarth !

   jis tarah pichha karanevale kutton ke samane gilahari idhar-udhar daudati hai, kisi vriksh par chadhane ki bar-bar cheshtakarati hai, par hath-panv phool jane ke karan bar-bar gir padati hai, vahi dasha daood ki thi.
   daudate-daudate usaka dam phool gaya; pair man-man bhar ke ho gaye. kee bar ji men aya in sab par toot pade aur jitane mahnge pran bik saken, utane mahnge beche; par shatruon ki snkhya dekhakar hatotsah ho jata tha.
   lena, daudana, pakadana ka shor macha hua tha. kabhi-kabhi pichha karanevale itane nikat a jate the ki maloom hota tha, ab sngram ka ant hua, vah talavar padi; par pairon ki ek hi gati, ek kava, ek kanni use khoon ki pyasi talavar se bal-bal bacha leti thi.
   daood ko ab is sngram men khiladiyon ka-sa annd ane laga. yah nishchay tha ki usake pran nahin bach sakate, musalaman daya karana nahin janate, isalie use apane danv-pench men maja a raha tha. kisi var se bachakar use ab isaki khushi n hoti thi ki usake pran bach gaye, balki isaka annd hota tha ki usane katil ko kaisa zich kiya.
   sahasa use apani dahini or bag ki divar kuchh nichi najar ayi. ah ! yah dekhate hi usake pairon men ek nayi shakti ka snchar ho gaya, dhamaniyon men naya rakt daudane laga. vah hiran ki tarah us taraph dauda aur ek chhalang men bag ke us par pahunch gaya. zindagi aur maut men sirph ek qadam ka phasala tha. pichhe mrityu thi aur age jivan ka vistrit kshetr. jahan tak drishti jati thi, jhadiyan hi jhadiyan najar ati thin. zamin patharili thi, kahin oonchi, kahin, nichi. jagah-jagah patthar ki shilaen padi huee thin. daood ek shila ke niche chhipakar baith gaya.
   dam-bhar men pichha karanevale bhi vahan a pahunche aur idhar-udhar jhadiyon men, vrikshon par, gaddhe men shilaon ke niche talash karane lage. ek arab us chattan par akar khada ho gaya, jisake niche daood chhipa hua tha. daood ka kaleja dhakh-dhakh kar raha tha. ab jan gayi ! arab ne jara niche ko jhanka aur pranon ka ant hua ? snyog- keval snyog par ab usaka jivan nirbhar tha. daood ne sans rok li, sannata khinch liya. ek nigah par usaki zindagi ka phaisala tha, zindagi aur maut men kitana samipy hai !
   magar arabon ko itana avakash kahan tha ki ve savadhan hokar shila ke niche dekhate. vahan to hatyare ko pakadane ki jaldi thi. daood ke sir se bala tal gayi. ve idhar-udhar tak-jhankakar age badh gaye.

4

andhera ho gaya. akash men taragan nikal aye aur taron ke sath daood bhi shila ke niche se nikala. lekin dekha, us samay bhi charon taraph halachal machi huee hai, shatruon ka dal mashalen liye jhadiyon men ghoom raha hai; nakon par bhi pahara hai, kahin nikal bhagane ka rasta nahin hai. daood ek vriksh ke niche khada hokar sochane laga ki ab kyonkar jan bache. use apani jan ki vaisi parava n thi. vah jivan ke sukh-dukh sab bhog chuka tha. agar use jivan ki lalasa thi, to keval yahi dekhane ke lie ki is sngram ka ant kya hoga ? mere deshavasi hatotsah ho jayenge, ya adamy dhairy ke sath sngramakshetr men atal rahenge.

   jab rat adhik bit gayi aur shatruon ki ghatak cheshta kuchh kam n hoti dikh padi to daood khuda ka nam lekar jhadiyon se nikala aur dabe-panv, vrikshon ki ad men, adamiyon ki najar bachata hua, ek taraph ko chala. vah in jhadiyon se nikalakar basti men pahunch jana chahata tha. nirjanata kisi ki ad nahin kar sakati. basti ka janabahuly svayn ad hai.
   kuchh door tak to daood ke marg men koee badha n upasthit huee. van ke vrikshon ne usaki raksha ki, kintu jab vah asamatal bhoomi se nikalakar samatal bhoomi par aya, to ek arab ki nigah us par pad gayi. usane lalakara. daood bhaga. ‘katil bhaga jata hai !’ yah avaz hava men ek hi bar goonji aur kshan-bhar men charon taraph se arabon ne usaka pichha kiya. samane bahut door tak adami ka namonishan n tha. bahut door par ek dhundhala-sa dipak timatima raha tha. kisi tarah vahan tak pahunch jaoon. vah us dipak ki or itani teji se daud raha tha, mano vahan pahunchate hi abhay pa jayaga. asha use udaye liye jati thi. arabon ka samooh pichhe chhoot gaya; mashalon ki jyoti nishprabh ho gayi. keval taragan usake sath daude chale ate the. ant ko vah ashamay dipak ke samane a pahuncha. ek chhota-sa phoos ka makan tha. ek boodha arab zamin par baitha hua rehal par quran rakhe usi dipak ke mnd prakash se padh raha tha. daood age n ja saka. usaki himmat ne javab de diya. vah vahin shithil hokar gir pada. raste ki thakan ghar pahunchane par maloom hoti hai.
   arab ne uthakar kaha- too kaun hai ?
   daood- ek garib eesaee. musibat men phns gaya hoon. ab ap hi sharan den, to mere pran bach sakate hain.
   arab- khuda-pak teri madad karega. tum par kya musibat padi huee hai ?
   daood- darata hoon kahin kah doon to ap bhi mere khoon ke pyase n ho jayn.
   arab- ab too meri sharan men a gaya, to tujhe mujhase koee shnka n honi chahie. ham musalaman hain, jise ek bar apani sharan men le lete hain usaki zindagi-bhar raksha karate hain.
   daood- mainne ek musalaman yuvak ki hatya kar dali hai.
   vriddh arab ka mukh krodh se vikrit ho gaya, bola- usaka nam ?
   daood- usaka nam jamal tha.
   arab sir pakadakar vahin baith gaya. usaki ankhen surkh ho gayin; garadan ki nasen tan gayin; mukh par alaukik tejasvita ki abha dikhayi di, nathune phadakane lage. aisa maloom hota tha ki usake man men bhishan dvndv ho raha hai aur vah samast vichar-shakti se apane manobhavon ko daba raha hai. do-tin minat tak vah isi ugr avastha men baitha dharati ki or takata raha. ant men avaruddh knth se bola- nahin-nahin, sharanagat ki raksha karani hi padegi. ah ! jalim ! too janata hai, main kaun hoon. main usi yuvak ka abhaga pita hoon, jisaki aj toone itani nirdayata se hatya ki hai. too janata hai, toone mujh par kitana bada atyachar kiya hai ? toone mere khanadan ka nishan mita diya hai ! mera chirag gul kar diya ! ah, jamal mera ikalauta beta tha. meri sari abhilashaen usi par nirbhar thin. vah meri ankhon ka ujala, mujh andhe ka sahara, mere jivan ka adhar, mere jarjar sharir ka pran tha. abhi-abhi use qabr ki god men lita aya hoon. ah, mera sher, aj khak ke niche so raha hai. aisa diler, aisa dinadar, aisa sajila javan meri kaum men doosara n tha. jalim, tujhe us par talavar chalate jara bhi daya n ayi. tera patthar ka kaleja jara bhi n pasija ! too janata hai, mujhe is vakt tujh par kitana gussa a raha hai ? mera ji chahata hai ki apane donon hathon se teri garadan pakadakar is tarah dabaoon ki teri jaban bahar nikal aye, teri ankhen kaudiyon ki tarah bahar nikal paden. par nahin, toone meri sharan li hai, kartavy mere hathon ko bandhe hue hai, kyonki hamare rasool-pak ne hidayat ki hai, ki jo apani panah men aye, us par hath n uthao. main nahin chahata ki nabi ke hukm ko todakar duniya ke sath apani aqabat bhi bigad loon. duniya toone bigadi, din apane hathon bigadoon ? nahin. sabr karana mushkil hai; par sabr karoonga taki nabi ke samane ankhen nichi n karani paden. a, ghar men a. tera pichha karanevale daude a rahe hain. tujhe dekh lenge, to phir meri sari minnat-samajat teri jan n bacha sakegi. too nahin janata ki arab log khoon kabhi maph nahin karate.
   yah kahakar arab ne daood ka hath pakad liya, aur use ghar men le jakar ek kothari men chhipa diya. vah ghar se bahar nikala hi tha ki arabon ka ek dal dvar par a pahuncha.
   ek adami ne poochha- kyon shekh hasan, tumane idhar se kisi ko bhagate dekha hai ?
   ‘han dekha hai.’
   ‘use pakad kyon n liya ? vahi to jamal ka katil tha !’
   ‘yah janakar bhi mainne use chhod diya.’
   ‘ain ! gajab khuda ka ! yah tumane kya kiya ? jamal hisab ke din hamara daman pakadega to ham kya javab denge ?’
   ‘tum kah dena ki tere bap ne tere katil ko maph kar diya.’
   ‘arab ne kabhi katil ka khoon nahin maph kiya.’
   ‘yah tumhari zimmedari hai, main use apane sir kyon loon ?’
   arabon ne shekh hasan se zyada hujjat n ki, katil ki talash men daude. shekh hasan phir chataee par baithakar quran padhane laga, lekin usaka man padhane men n lagata tha. shatru se badala lene ki pravritti arabon ki pravritti men baddhamool hoti thi. khoon ka badala khoon tha. isake lie khoon ki nadiyan bah jati thin, kabile-ke-kabile mar mitate the, shahar-ke-shahar viran ho jate the. us pravritti par vijay pana shekh hasan ko asadhy-sa pratit ho raha tha. bar-bar pyare putr ki soorat usaki ankhon ke age phirane lagati thi, bar-bar usake man men prabal uttejana hoti thi ki chalakar daood ke khoon se apane krodh ki ag bujhaoon. arab vir hote the. katana-marana unake lie koee asadharan bat n thi. maranevalon ke lie ve ansuon ki kuchh boonden bahakar phir apane kam men pravritt ho jate the. ve mrit vyakti ki smriti ko keval usi dasha men jivit rakhate the, jab usake khoon ka badala lena hota tha. ant ko shekh hasan adhir ho utha. usako bhay hua ki ab main apane oopar kaboo nahin rakh sakata. usane talavar myan se nikal li aur dabe panv us kothari ke dvar par akar khada ho gaya, jisamen daood chhipa hua tha. talavar ko daman men chhipakar usane dhire se dvar khola. daood tahal raha tha. boodhe arab ka raudr roop dekhakar daood usake manoveg ko tad gaya. use boodhe se sahanubhooti ho gayi. usane socha, yah dharm ka dosh nahin, jati ka dosh nahin. mere putr ki kisi ne hatya ki hoti, to kadachith main bhi usake khoon ka pyasa ho jata. yahi manav prakriti hai.
   arab ne kaha- daood, tumhen maloom hai bete ki maut ka kitana gam hota hai.
   daood- isaka anubhav to nahin, par anuman kar sakata hoon. agar meri jan se apake us gam ka ek hissa bhi mit sake, to lijie, yah sir hajir hai. main ise shauq se apaki najar karata hoon. apane daood ka nam suna hoga.
   arab- kya pitar ka beta ?
   daood- ji han. main vahi badanasib daood hoon. main keval apake bete ka ghatak hi nahin, islam ka dushman hoon. meri jan lekar ap jamal ke khoon ka badala hi n lenge, balki apani jati aur dharm ki sachchi seva bhi karenge.
   shekh hasan ne gambhir bhav se kaha- daood, mainne tumhen maph kiya. main janata hoon, musalamanon ke hath eesaiyon ko bahut takaliphen pahunchi hain, musalamanon ne un par bade-bade atyachar kiye hain, unaki svadhinata har li hai ! lekin yah islam ka nahin, musalamanon ka kasoor hai. vijay-garv ne musalamanon ki mati har li hai. hamare pak nabi ne yah shiksha nahin di thi, jis par aj ham chal rahe hain. vah svayn kshama aur daya ka sarvochch adarsh hai. main islam ke nam ko batta n lagaoonga. meri oontani le lo aur raton-rat jahan tak bhaga jay, bhago. kahin ek kshan ke lie bhi n thaharana. arabon ko tumhari boo bhi mil gayi, to tumhari jan ki khairiyat nahin. jao, tumhen khuda-e-pak ghar pahunchave. boodhe shekh hasan aur usake bete jamal ke lie khuda se dua kiya karana.
      ×        ×          ×          ×          ×
    daood khairiyat se ghar pahunch gaya; kintu ab vah daood n tha, jo islam ko jad se khodakar phenk dena chahata tha. usake vicharon men gahara parivartan ho gaya tha. ab vah musalamanon ka adar karata aur islam ka nam ijjat se leta tha. 

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah