आहुति- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

anand ne gaddedar kursi par baithakar sigar jalate hue kaha-aj vishambhar ne kaisi himakat ki! imtahan qarib hai aur ap aj valantiyar ban baithe. kahin pakad gaye, to imtahan se hath dhoenge. mera to khayal hai ki vajifa bhi band ho jaega.

samane doosare bench par roopamani baithi ek akhabar padh rahi thi. usaki ankhen akhabar ki taraph thin; par kan anand ki taraph lage hue the. boli-yah to bura hua. tumane samajhaya nahin? anand ne munh banakar kaha-jab koee apane ko doosara gandhi samajhane lage, to use samajhana mushkil ho jata hai. vah ulate mujhe samajhane lagata hai.

roopamani ne akhabar ko sametakar balon ko snbhalate hue kaha-tumane mujhe bhi nahin bataya, shayad main use rok sakati.

anand ne kuchh chidhaqar kaha-to abhi kya hua, abhi to shayad kangres aphis hi men ho. jakar rok lo.

anand aur vishambhar donon hi yoonivarsiti ke vidyarthi the. anand ke hisse men lakshmi bhi padi thi, sarasvati bhi; vishambhar phooti takadir lekar aya tha. prophesaron ne daya karake ek chhota-sa vajipha de diya tha. bas, yahi usaki jivika thi. roopamani bhi sal bhar pahale unhin ke samakaksh thi; par is sal usane kalej chhod diya tha. svasthy kuchh bigad gaya tha. donon yuvak kabhi-kabhi usase milane ate rahate the. anand ata tha. usaka hriday lene ke lie, vishambhar ata tha yon hi. ji padhane men n lagata ya ghabadata, to usake pas a baithata tha. shayad usase apani vipatti-katha kahakar usaka chitt kuchh shant ho jata tha. anand ke samane kuchh bolane ki usaki himmat n padati thi. anand ke pas usake lie sahanubhooti ka ek shabd bhi n tha. vah use phatakarata tha; zalil karata tha aur bevakooph banata tha. vishambhar men usase bahas karane ki samathry n thi. soory ke samane dipak ki hasti hi kya? anand ka us par manasik adhipaty tha. jivan men pahali bar usane us adhipaty ko asvikar kiya tha. aur usi ki shikayat lekar anand roopamani ke pas aya tha. mahinon vishambhar ne anand ke tark par apane bhitar ke agrah ko dhala; par tark se parast hokar bhi usaka hriday vidroh karata raha. beshak usaka yah sal kharab ho jaega. sambhav hai, chhatr-jivan hi ka ant ho jae, phir is 14-15 varshon ki mehanat par pani phir jaega n khuda hi milega, n sanam ka visal hi nasib hoga. ag men koodane se kya fayada. yoonivarsiti men rahakar bhi to bahut kuchh desh ka kam kiya ja sakata hai. anand mahine men kuchh-n-kuchh chanda jama kara deta hai, doosare chhatron se svadeshi ki pratigya kara hi leta hai. vishambhar ko bhi anand ne yahi salah di. is tark ne usaki buddhi ko to jit liya, par usake man ko n jit saka. aj jab anand kalej gaya to vishambhar ne svarajy-bhavan ki rah li. anand kalej se lauta to use apani mej par vishambhar ka patr mila. likha tha-


priy anand,

main janata hoon ki main jo kuchh karane ja raha hoon vah mere lie hitakar nahin hai; par n jane kaun-si shakti mujhe khinche liye ja rahi hai. main jana nahin chahata, par jata hoon, usi tarah jaise adami marana nahin chahata, par marata hai; rona nahin chahata, par rota hai. jab sabhi log, jin par hamari bhakti hai, okhali men apana sir dal chuke the, to mere lie bhi ab koee doosara marg nahin hai. main ab aur apani atma ko dhokha nahin de sakata. yah ijjat ka saval hai, aur ijjat kisi tarah ka samajhauta (compromise) nahin kar sakati.

   tumhara-‘vishambhar’

khat padhaqar anand ke ji men aya, ki vishambhar ko samajhakar lauta laye; par usaki himaqat par gussa aya aur usi taish men vah roopamani ke pas ja pahuncha. agar roopamani usaki khushamad karake kahati-jakar use lauta lao, to shayad vah chala jata, par usaka yah kahana ki main use rok leti, usake lie asahy tha. usake javab men rosh tha, rukhaee thi aur shayad kuchh hasad bhi tha.

roopamani ne garv se usaki or dekha aur boli-achchhi bat hai, main jati hoon.

ek kshan ke bad usane darate-darate poochha-tum kyon nahin chalate?

phir vahi galati. agar roopamani usaki khushamad karake kahati to anand zaroor usake sath chala jata, par usake prashn men pahale hi yah bhav chhipa tha, ki anand jana nahin chahata. abhimani anand is tarah nahin ja sakata. usane udasin bhav se kaha-mera jana vyarth hai. tumhari baton ka zyada asar hoga. meri mej par yah khat chhod gaya tha. jab vah atma aur kartavy aur adarsh ki badi-badi baten soch raha hai aur apane ko bhi koee oonche daraje ka adami samajh raha hai, to mera us par koee asar n hoga.

usane jeb se patr nikalakar roopamani ke samane rakh diya. in shabdon men jo snket aur vyngy tha, usane ek kshan tak roopamani ko usaki taraph dekhane n diya. anand ke is nirday prahar ne use ahat-sa kar diya tha; par ek hi kshan men vidroh ki ek chinagari-si usake andar ja ghusi. usane svachchhand bhav se patr ko lekar padha. padha sirph anand ke prahar ka javab dene ke lie; par padhate-padhate usaka chehara tej se kathor ho gaya, garadan tan gayi, ankhon men utsarg ki lali a gayi.

usane mej par patr rakhakar kaha-nahin, ab mera jana bhi vyarth hai.

anand ne apani vijay par phoolakar kaha-mainne to tumase pahale hi kah diya, is vakt usake sir par bhoot savar hai, us par kisi ke samajhane ka asar n hoga. jab sal bhar jel men chakki pis lenge aur vahan tapedik lekar nikalenge, ya pulis ke dandon se sir aur hath-panv tudava lenge, to buddhi thikane avegi. abhi to jayajayakar aur taliyon ke svapn dekh rahe honge.

roopamani samane akash ki or dekh rahi thi. nile akash men ek chhayachitr-sa najar a raha tha-durbal, sookha hua nagn sharir, ghutanon tak dhoti, chikana sir, popala munh, tap, tyag aur saty ki sajiv moorti.

anand ne phir kaha-agar mujhe maloom ho, ki mere rakt se desh ka uddhar ho jaega, to main aj use dene ko taiyar hoon; lekin mere jaise sau-pachas adami nikal hi aen, to kya hoga? pran dene ke siva aur to koee pratyaksh phal nahin dikhata.

roopamani ab bhi vahi chhayachitr dekh rahi thi. vahi chhaya muskara rahi thi, saral manohar muskan, jisane vishv ko jit liya hai.

anand phir bola-jin mahashayon ko pariksha ka bhoot sataya karata hai, unhen desh ka uddhar karane ki soojhati hai. poochhie, ap apana uddhar to kar hi nahin sakate, desh ka kya uddhar kijiega? idhar phel hone se udhar ke dande phir bhi halake hain.

roopamani ki ankhen akash ki or thin. chhayachitr kathor ho gaya tha.

anand ne jaise chaunkakar kaha-han, aj badi majedar film hai. chalati ho? pahale sho men laut aen.

roopamani ne jaise akash se niche utarakar kaha-nahin, mera ji nahin chahata.

anand ne dhire se usaka hath pakadaqar kaha-tabiyat to achchhi hai? roopamani ne hath chhudane ki cheshta n ki. boli-han, tabiyat men hua kya hai?

‘to chalati kyon nahin?’

‘aj ji nahin chahata.’

‘to phir main bhi n jaoonga.’

‘bahut hi uttam, tikat ke rupaye kangres ko de do.’

‘yah to tedhi shart hai; lekin mnjoor!’

‘kal rasid mujhe dikha dena.’

‘tumhen mujh par itana vishvas nahin?’

anand hostal chala. jara der bad roopamani svarajy-bhavan ki or chali.

2

roopamani svarajy-bhavan pahunchi, to svaynsevakon ka ek dal vilayati kapade ke godamon ko piket karane ja raha tha. vishambhar dal men n tha.

doosara dal sharab ki dookanon par jane ko taiyar khada tha. vishambhar isamen bhi n tha.

roopamani ne mantri ke pas akar kaha-ap bata sakate hain, vishambhar nath kahan hain?

mantri ne poochha-vahi, jo aj bharati hue hain?

‘ji han, vahi.’

‘bada diler adami hai. dehaton ko taiyar karane ka kam liya hai. steshan pahunch gaya hoga. sat baje ki gadi se ja raha hai.’

‘to abhi steshan par honge.’

mantri ne ghadi par najar dalakar javab diya-han, abhi to shayad steshan par mil jaen.

roopamani ne bahar nikalakar saikil tej ki. steshan par pahunchi, to dekha, vishambhar pletapharm par khada hai.

roopamani ko dekhate hi lapakakar usake pas aya aur bola-tum yahan kaise ayi. aj anand se tumhari mulakat huee thi?

roopamani ne use sir se panv tak dekhakar kaha-yah tumane kya soorat bana rakhi hai? kya panv men joota pahanana bhi deshadroh hai?

vishambhar ne darate-darate poochha-anand baboo ne tumase kuchh kaha nahin?

roopamani ne svar ko kathor banakar kaha-ji han, kaha. tumhen yah kya soojhi? do sal se kam ke lie n jaoge!

vishambhar ka munh gir gaya. bola-jab yah janati ho, to kya tumhare pas meri himmat bandhane ke lie do shabd nahin hain?

roopamani ka hriday masos utha; magar bahari upeksha ko n tyag saki. boli-tum mujhe dushman samajhate ho, ya dost.

vishambhar ne ankhon men ansoo bharakar kaha-tum aisa prashn kyon karati ho roopamani? isaka javab mere munh se n sunakar bhi kya tum nahin samajh sakatin?

roopamani-to main kahati hoon, tum mat jao.

vishambhar-yah dost ki salah nahin hai roopamani! mujhe vishvas hai, tum hriday se yah nahin kah rahi ho. mere pranon ka kya mooly hai, jara yah socho. em0e0 hokar bhi sau rupaye ki naukari. bahut badha to tin-char sau tak jaoonga. isake badale yahan kya milega, janati ho? sampoorn desh ka svarajy. itane mahanh hetu ke lie mar jana bhi us zindagi se kahin badhaqar hai. ab jao, gadi a rahi hai. anand baboo se kahana, mujhase naraz n hon.

roopamani ne aj tak is mandabuddhi yuvak par daya ki thi. is samay usaki shraddha ka patr ban gaya. tyag men hriday ko khinchane ki jo shakti hai, usane roopamani ko itane veg se khincha ki paristhitiyon ka antar mit-sa gaya. vishambhar men jitane dosh the, ve sabhi alnkar ban-banakar chamak uthe. usake hriday ki vishalata men vah kisi pakshi ki bhanti ud-udaqar ashray khojane lagi.

roopamani ne usaki or atur netron se dekhakar kaha-mujhe bhi apane sath lete chalo.

vishambhar par jaise ghadon ka nasha chadh gaya.

‘tumako? anand baboo mujhe zinda n chhodenge!’

‘main anand ke hathon biki nahin hoon!’

‘anand to tumhare hathon bike hue hain?’

roopamani ne vidroh bhari ankhon se usaki or dekha, par kuchh boli nahin. paristhitiyan use is samay badhaon-si maloom ho rahi thin. vah bhi vishambhar ki bhanti svachhand kyon n huee? sampann man-bap ki akeli ladaqi, bhog-vilas men pali huee, is samay apane ko kaidi samajh rahi thi. usaki atma un bandhanon ko tod dalane ke lie zor lagane lagi.

gadi a gayi. musaphir chadhऩe-utarane lage. roopamani ne sajal netron se kaha-tum mujhe nahin le chaloge?

vishambhar ne dridhata se kaha-nahin.

‘kyon?’

‘main isaka javab nahin dena chahata!’

‘kya tum samajhate ho, main itani vilasasakt hoon ki main dehat men rah nahin sakati?’

vishambhar lajjit ho gaya. yah bhi ek bada karan tha, par usane inakar kiya-nahin, yah bat nahin.

‘phir kya bat hai? kya yah bhay hai, pitaji mujhe tyag denge?’

‘agar yah bhay ho to kya vah vichar karane yogy nahin?’

‘main unaki trin barabar parava nahin karati.’

vishambhar ne dekha, roopamani ke chand-se mukh par garvamay snkalp ka abhas tha. vah us snkalp ke samane jaise kanp utha. bola-meri yah yachana svikar karo, roopamani, main tumase vinati karata hoon.

roopamani sochati rahi.

vishambhar ne phir kaha-meri khatir tumhen yah vichar chhodऩa padega.

roopamani ne sir jhukakar kaha-agar tumhara yah adesh hai, to main manoongi vishambhar! tum dil se samajhate ho, main kshanik avesh men akar is samay apane bhavishy ko garat karane ja rahi hoon. main tumhen dikha doongi, yah mera kshanik avesh nahin hai, dridh snkalp hai. jao; magar meri itani bat manana ki qanoon ke pnje men usi vakt ana, jab atmabhiman ya siddhant par chot lagati ho. main eeshvar se tumhare lie prarthana karati rahoongi.

gadi ne siti di. vishambhar andar ja baitha. gadi chali, roopamani mano vishv ki sampatti anchal men liye khadi rahi.

3

roopamani ke pas vishambhar ka ek purana raddi-sa photo almari ke ek kone men pada hua tha. aj steshan se akar usane use nikala aur use ek makhamali phrem men lagakar mej par rakh diya. anand ka photo vahan se hata diya gaya.

vishambhar ne chhuttiyon men use do-char patr likhe the. roopamani ne unhen padhaqar ek kinare dal diye the. aj usane un patron ko nikala aur unhen dobara padha. un patron men aj kitana ras tha. vah badi hiphajat se raiting-baks men bandakar diye gaye.

doosare din samacharapatr aya to roopamani us par toot padi. vishambhar ka nam dekhakar vah garv se phool uthi.

din men ek bar svarajy-bhavan jana unaka niyam ho gaya. zalason men bhi barabar sharik hoti, vilas ki chizen ek-ek karake sab phenk di gayin. reshami sadiy़on ki jagah gadhe ki sadiy़an ayin. charakha bhi aya. vah ghanton baithi soot kata karati. usaka soot din-din barik hota jata tha. isi soot se vah vishambhar ke kurate banavaegi.

in dinon pariksha ki taiyariyan thin. anand ko sir uthane ki phurasat n milati. do-ek bar vah roopamani ke pas aya; par zyada der baitha nahin shayad roopamani ki shithilata ne use zyada baithane hi n diya.

ek mahina bit gaya.

ek din sham anand aya. roopamani svarajy-bhavan jane ko taiyar thi. anand ne bhaven sikodaqar kaha-tumase to ab baten bhi mushkil hain.

roopamani ne kursi par baithakar kaha-tumhen bhi to kitabon se chhutti nahin milati. aj ki kuchh taji khabar nahin mili. svarajy-bhavan men roj-roj ka hal maloom ho jata hai.

anand ne darshanik udasinata se kaha-vishambhar ne to suna, dehaton men khoob shoragul macha rakha hai. jo kam usake layaq tha, vah mil gaya. yahan usaki jaban band rahati thi. vahan dehatiyon men khoob garajata hoga; magar adami diler hai.

roopamani ne usaki or aisi ankhon se dekha; jo kah rahi thin; tumhare lie yah charcha anadhikar cheshta hai, aur boli-adami men agar yah gun hai to phir usake sare avagun mit jate hain. tumhen kangres buletin padhane ki kyon phurasat milati hogi. vishambhar ne dehaton men aisi jagriti phaila di hai ki vilayati ka ek soot bhi nahin bikane pata aur n nashe ki dookanon par koee jata hai. aur maja yah hai ki piketing karane ki zaroorat nahin padati. ab to pnchayaten khol rahe hain.

anand ne upeksha bhav se kaha-to samajh lo, ab unake chalane ke din bhi a gaye hain.

roopamani ne josh se kaha-itana karake jana bahuut sasta nahin hai. kal to kisanon ka ek bahut bada jalasa hone vala tha. poore paragane ke log jama hue honge. suna hai, ajakal dehaton se koee mukadama hi nahin ata. vakilon ki nani mari ja rahi hai.

anand ne kadavepan se kaha-yahi to svarajy ka maja hai ki jamindar, vakil aur vyapari sab maren. bas, keval mazadoor aur kisan rah jaen.

roopamani ne samajh liya, aj anand tulakar aya hai. usane bhi jaise astin chadhate hue kaha-to tum kya chahate ho ki zamindar aur vakil aur vyapari garibon ko choos-choosakar mote hote jaen aur jin samajik vyavasthaon men aisa mahanh anyay ho raha hai, unake khilaf jaban tak n kholi jae? tum to samajashastr ke pandit ho. kya kisi arth men yah vyavastha adarsh kahi ja sakati hai? sabhyata ke tin mukhy siddhanton ka aisi dasha men kisi nyoonatam matra men bhi vyavahar ho sakata hai?

anand ne garm hokar kaha-shiksha aur sampatti ka prabhutv hamesha raha hai aur hamesha rahega. han, usaka roop bhale hi badal jae.

roopamani ne avesh se kaha-agar svarajy ane par bhi sampatti ka yahi prabhutv rahe aur padha-likha samaj yon hi svarthandh bana rahe, to main kahoongi, aise svarajy ka n ana hi achchha. angreji mahajanon ki dhanalolupata aur shikshiton ka svahit hi aj hamen pise dal raha hai. jin buraiyon ko door karane ke lie aj ham pranon ko hatheli par liye hue hain, unhin buraiyon ko kya praja isalie sir chadhaegi ki ve videshi nahin, svadeshi hain? kam-se-kam mere lie to svarajy ka yah arth nahin hai ki jaaun ki jagah govind baith jaen. main samaj ki aisi vyavastha dekhana chahati hoon, jahan kam-se-kam vishamata ko ashray n mil sake.

anand-yah tumhari nij ki kalpana hogi.

roopamani-tumane abhi is andolan ka sahity padha hi nahin.

anand-n padha hai, n padhऩa chahata hoon.

roopamani-isase rashtr ki koee badi hani n hogi.

anand-tum to jaise vah rahi hi nahin. bilakul kaya-palat ho gayi.

sahasa dakie ne kangres buletin lakar mej par rakh diya. roopamani ne adhir hokar use khola. pahale shirshak par najar padate hi usaki ankhon men jaise nasha chha gaya. agyat roop se gardan tan gayi aur chehara ek alaukik tej se damak utha.

usane avesh men khadi hokar kaha-vishambhar pakad lie gaye aur do sal ki saza ho gayi.

anand ne virakt man se poochha-kis muamale men saza huee?

roopamani ne vishambhar ke photo ko abhiman ki ankhon se dekhakar kaha-ranignj men kisanon ki virath sabha thi. vahin pakada hai.

anand-mainne to pahale hi kaha tha, do sal ke lie jaenge. zindagi kharab kar dali.

roopamani ne phatakar batayi-kya digri le lene se hi adami ka jivan saphal ho jata hai? sara gyan, sara anubhav pustakon hi men bhara hua hai. main samajhati hoon, snsar aur manavi charitr ka jitana anubhav vishambhar ko do salon men ho jaega, utana darshan aur qanoon ki pothiyon se tumhen do sau varshon men bhi n hoga. agar shiksha ka uddeshy charitrabal mano, to rashtr-sngram men manobal ke jitane sadhan hain, pet ke sngram men kabhi ho hi nahin sakate. tum yah kah sakate ho ki hamare lie pet ki chinta hi bahut hai, hamase aur kuchh ho hi nahin sakata, hamamen n utana sahas hai, n bal hai, n dhairy hai, n sngathan, to main man jaoongi; lekin jatihit ke lie pran dene valon ko bevakooph banana mujhase nahin saha ja sakata. vishambhar ke ishare par aj lakhon adami sina kholakar khade ho jaenge. tumamen hai janata ke samane khade hone ka hausala? jin logon ne tumhen pairon ke niche kuchal rakha hai, jo tumhen kutton se bhi niche samajhate hain, unhin ki gulami karane ke lie tum digriyon par jan de rahe ho. tum ise apane lie gaurav ki bat samajho, main nahin samajhati.

anand tilamila utha. bola-tum to pakki krantikarini ho gayin is vakt.

roopamani ne usi avesh men kaha-agar sachchi-khari baton men tumhen kranti ki gandh mile, to mera dosh nahin.

‘aj vishambhar ko badhaee dene ke lie jalasa zaroor hoga. kya tum usamen jaogi?’

roopamani ne ugrabhav se kaha-zaroor jaoongi, boloongi bhi, aur kal ranignj bhi chali jaoongi. vishambhar ne jo dipak jalaya hai, vah mere jite-ji bujhane n paega.

anand ne doobate hue adami ki tarah tinake ka sahara liya-apani amman aur dada se poochh liya hai?

‘poochh loongi!’

aur vah tumhen anumati bhi de denge?’

siddhant ke vishay men apani atma ka adesh sarvopari hota hai.’

‘achchha, yah nayi bat maloom huee.’

yah kahata hua anand uth khada hua aur bina hath milaye kamare ke bahar nikal gaya. usake pair is tarah ladakhada rahe the, ki ab gira, ab gira.

tika tippani aur sndarbh

bahari kadiyan

snbndhit lekh


ahuti- premachnd

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah