निर्वासन -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

parashuram- vahin-vahin, dalan men thaharo!

maryada- kyon, kya mujhamen kuchh chhoot lag gayi?

parashuram- pahale yah batao tum itane dinon kahan rahin, kisake sath rahin, kis tarah rahin aur phir yahan kisake sath ayin? tab, tab vichar... dekhi jayagi.

maryada- kya in baton ke poochhane ka yahi vakt hai; phir avasar n milega?

parashuram- han, yahi bat hai. tum snan karake nadi se to mere sath hi nikali thin. mere pichhe-pichhe kuchh der tak ayin bhi; main pichhe phir-phirakar tumhen dekhata jata tha, phir ekaek tum kahan gayab ho gayin?

maryada- tumane dekha nahin, naga sadhuon ka ek dal samane se a gaya. sab adami idhar-udhar daudane lage. main bhi dhakke men padakar jane kidhar chali gayi. jara bhid kam huee to tumhen dhoondhane lagi. basoo ka nam le-lekar pukarane lagi, par tum n dikhayi diye.

parashuram- achchha tab?

maryada- tab main ek kinare baithakar rone lagi, kuchh soojh hi n padata ki kahan jaoon, kisase kahoon, adamiyon se dar lagata tha. sndhyag tak vahin baithi roti rahi.

parashuram- itana tool kyon deti ho? vahan se phir kahan gayin?

maryada sndhyan ko ek yuvak ne akar mujhase poochha, tumhare ghar ke log kho to nahin gaye hain? mainne kaha- han. tab usane tumhara nam, pata thikana poochha. usane sab ek kitab par likh liya aur mujhase bola- mere sath ao, main tumhen tumhare ghar bhej doonga.

parashuram- vah adami kaun tha?

maryada- vahan ki seva-samiti ka svaynsevak tha.

parashuram- to tum usake sath ho lin?

maryada- aur kya karati ? vah mujhe samiti ke karyalay men le gaya. vahan ek shamiyane men ek lambi dadhivala manushy baitha hua kuchh likh raha tha. vahi un sevakon ka adhyayaksh tha. aur bhi kitane hi sevak vahan khade the. usane mera pata-thikana rajistar men likhakar mujhe ek alag shamiyane men bhej diya, jahan aur bhi kitani khoyi huee striyan baithi huee thin.

parashuram- tumane usi vakt adhy,ksh se kyon n kaha ki mujhe pahuncha dijie?

maryada- mainne ek bar nahin saikadon bar kaha; lekin vah yahi kahate rahe, jab tak mela n khatm ho jay aur sab khoyi huee striyan ekatr n ho jayn, main bhejane ka prabandh nahin kar sakata. mere pas n itane adami hain, n itana dhan.

parashuram- dhan ki tumhen kya kami thi, koee ek sone ki chiz bech deti to kafi rupaye mil jate.

maryada- adami to nahin the.

parashuram- tumane yah kaha tha ki kharch ki kuchh chinta n kijie, main apana gahana bechakar ada kar doongi?

maryada- nahin, yah to mainne nahin kaha.

parashuram- tumhen us dasha men bhi gahane itane priy the?

maryada- sab striyan kahane lagin, ghabarayi kyon jati ho? yahan kis bat ka dar hai. ham sabhi jald se jald apane ghar pahunchana chahati hain; magar kya karen? tab main bhi chup ho rahi. parashuram- aur sab striyan kuen men gir padatin to tum bhi gir padatin?

maryada- janati to thi ki yah log dharm ke nate meri raksha kar rahe hain, kuchh mere naukar ya majoor nahin hain, phir agrah kis munh se karati? yah bat bhi hai ki bahut-si striyon ko vahan dekhakar mujhe kuchh tasalli ho gayi.

parashuram- han, isase badhakar taskin ki aur kya bat ho sakati thi? achchha, vahan kai din taskin ka anand uthati rahin? mela to doosare hi din uth gaya hoga?

maryada- rat-bhar main striyon ke sath usi shamiyane men rahi.

parashuram- achchha, tumane mujhe tar kyon n dilava diya?

maryada- mainne samajha, jab yah log pahunchane ko kahate hi hain to tar kyon doon?

parashuram- khair, rat ko tum vahin rahin. yuvak bar-bar bhitar ate-jate rahe honge.

maryada keval ek bar ek sevak bhojan ke lie poochhane aya tha, jab ham sabon ne khane se inakar kar diya to vah chala gaya aur phir koee n aya. main rat-bhar jagati hi rahi.

parashuram yah main kabhi n manoonga ki itane yuvak vahan the aur koee andar n gaya hoga. samiti ke yuvak akash ke devata nahin hote. khair, vah dadhivala adhy.ksh to zaroor hi dekhabhal karane gaya hoga?

maryada- han, vah ate the; par dvar par se poochh-poochhakar laut jate the. han, jab ek mahila ke pet men dard hone laga tha to do-tin bar davaen pilane aye the.

parashuram- nikali n vahi bat! main in dhoorton ki nas-nas pahachanata hoon. visheshakar tilak-maladhari dadhiyalon ko main gurughntal hi samajhata hoon. to vah mahashay kee bar davaen dene gaye? kyon, tumhare pet men to dard nahin hone laga tha?

maryada- tum ek sadhu par akshep kar rahe ho. vah bechare ek to mere bap ke barabar the, doosare ankhen nichi kiye rahane ke sivay kabhi kisi par sidhi nigah nahin karate the.

parashuram- han, vahan sab devata hi devata jama the. khair, tum rat-bhar vahan rahin. doosare din kya hua?

maryada doosare din bhi vahin rahi. ek svaynsevak ham sab striyon ko sath lekar mukhy-mukhy pavitr sthanon ka darshan karane gaya. dopahar ko laut kar sabon ne bhojan kiya.

parashuram to vahan tumane sair-sapata bhi khoob kiya, koee kasht n hone paya. bhojan ke bad gana-bajana hua hoga?

maryada gana-bajana to nahin; han, sab apana-apana dukhada roti rahin. sham tak mela uth gaya to do sevak ham logon ko lekar steshan par aye.

parashuram magar tum to aj sataven din a rahi ho aur vah bhi akeli?

maryada steshan par ek durghatana ho gayi.

parashuram han, yah to main samajh hi raha tha. kya durghatana huee?

maryada jab sevak tikat lene ja raha tha, to ek adami ne akar usase kaha- yahan gopinath ki dharmashala men ek babooji thahare hue hain, unaki stri kho gayi hai, unaka bhala-sa nam hai, gore-gore lambe-se khoobasoorat adami hain, lakhanoo makan hai, jhabaee tile men. tumhara huliya usane aisa thik bayan kiya ki mujhe us par vishvas a gaya. main samane akar boli, tum baboo ji ko janate ho? vah hnsakar bola, janata nahin hoon to tumhen talash kyon karata phirata hoon. tumhara bachcha ro-rokar halakan ho raha hai. sab auraten kahane lagin, chali jao, tumhare svamiji ghabara rahe honge. svaynsevak ne usase do-char baten poochhakar mujhe usake sath kar diya. mujhe kya maloom tha ki main kisi nar-pishach ke hathon men padi jati hoon. dil men khushi thi ki ab basoo ko dekhoongi, tumhare darshan karoongi. shayad isi utsukata ne mujhe asavadhan kar diya.

parashuram- to tum us adami ke sath chal din? vah kaun tha?

maryada- kya batalaoon kaun tha? main to samajhati hoon, koee dalal tha?

parashuram- tumhen yah n soojhi ki usase kahatin, jakar babooji ko bhej do?

maryada- adin ate hain to budhdi bhrasht ho jati hai.

parashuram- koee a raha hai.

maryada- main gusalakhane men chhipi jati hoon.

parashuram- ao bhabhi, kya abhi soyi nahin, das to baj gaye honge.

bhabhi- vasudev ko dekhane ko ji chahata tha bhaiya, kya so gaya?

parashuram- han, vah to abhi rote-rote so gaya hai.

bhabhi- kuchh maryada ka pata mila? ab pata mile to bhi tumhare kis kam ki. ghar se nikali huee striyan than se chhooti huee ghodi hai jisaka kuchh bharosa nahin.

parashuram- kahan se kahan main use lekar nahane gaya.

bhabhi- honahar hai bhaiya, honahar! achchha to main jati hoon.

maryada- (bahar akar) honahar nahin hai, tumhari chal hai. vasudev ko pyar karane ke bahane tum is ghar par adhikar jamana chahati ho.

parashuram- bako mat! vah dalal tumhen kahan le gaya?

maryada- svami, yah n poochhie, mujhe kahate lajja ati hai.

parashuram- yahan ate to aur bhi lajja ani chahie thi.

maryada- main paramatma ko sakshi deti hoon, ki mainne use apana ang bhi sparsh nahin karane diya.

parashuram- usaka huliya bayan kar sakati ho?

maryada- sanvala-sa chhote dil ka adami tha. nicha kurata pahane hue tha.

parashuram- gale men tabijen bhi thin?

maryada- han, thin to.

parashuram- vah dharmashale ka mehatar tha. mainne usase tumhare gum ho jane ki charcha ki thi. us dusht ne usaka vah svang racha.

maryada- mujhe to vah koee brahman maloom hota tha.

parashuram- nahin mehatar tha. vah tumhen apane ghar le gaya?

maryada- han, usane mujhe tange par baithaya aur ek tng gali men, ek chhote-se makan ke andar le jakar bola, tum yahin baitho, tumhare babooji yahin ayenge. ab mujhe vidit hua ki mujhe dhokha diya gaya. rone lagi. vah adami thodi der ke bad chala gaya aur ek budhiya akar mujhe bhanti-bhanti ke pralobhan dene lagi. sari rat rokar kati. doosare din donon phir mujhe samajhane lage ki ro-rokar jan de dogi, magar yahan koee tumhari madad ko n ayega. tumhara ek ghar chhoot gaya. ham tumhen usase kahin achchha ghar denge jahan tum sone ke kaur khaogi aur sone se lad jaogi. jab mainne dekha ki yahan se kisi tarah nahin nikal sakati to mainne kaushal karane ka nishchay kiya.

parashuram- khair,sun chuka. main tumhara hi kahana man leta hoon ki tumane apane satitv ki raksha ki, par mera hriday tumase ghrina karata hai, tum mere lie phir vah nahin ho sakati jo pahale thin. is ghar men tumhare lie sthan nahin hai.

maryada- svamiji, yah anyay n kijie, main apaki vahi stri hoon jo pahale thi. sochie, meri kya dasha hogi?

parashuram- main yah sab soch chuka aur nishchay kar chuka. aj chh: din se yahi soch raha hoon. tum janati ho ki mujhe samaj ka bhay nahin hai. chhoot-vichar ko mainne pahale hi tilanjali de di, devi-devataon ko pahale hi vida kar chuka; par jis stri par doosari nigahen pad chukin, jo ek saptah tak n-jane kahan aur kis dasha men rahi, use angikar karana mere lie asambhav hai. agar yah anyay hai to eeshvar ki or se hai, mera dosh nahin.

maryada- meri vivashata par apako jara bhi daya nahin ati?

parashuram- jahan ghrina hai vahan daya kahan? main ab bhi tumhara bharan-poshan karane ko taiyar hoon. jab tak jioonga, tumhen ann-vastr ka kasht n hoga. par tum meri stri nahin ho sakatin. maryada- main apane putr ka munh n dekhoon agar kisi ne mujhe sparsh bhi kiya ho.

parashuram- tumhara kisi any purush ke sath kshan-bhar bhi ekant men rahana tumhare pativrat ko nasht karane ke lie bahut hai. yah vichitr bndhan hai, rahe to janm-janmantar tak rahe; toote to kshan-bhar men toot jay. tumhin batao, kisi musalaman ne jabaradasti mujhe apana uchchhisht bhojan khila diya hota to tum mujhe svikar karatin?

maryada- vah...vah...to doosari bat hai.

parashuram- nahin, ek hi bat hai. jahan bhavon ka snbndh hai, vahan tark aur nyay se kam nahin chalata. yahan tak ki agar koee kah de ki tumhare pani ko mehatar ne chhoo liya hai tab bhi use grahan karane se tumhen ghrina ayegi. apane hi dil se socho ki tumhare sath nyay kar raha hoon ya anyay?

maryada- main tumhari chhuee huee chizen n khati, tumase prithakh rahati, par tumhen ghar se to n nikal sakati thi. mujhe isilie n dutkar rahe ho ki tum ghar ke svami ho aur samajhate ho ki main isaka palan karata hoon.

parashuram- yah bat nahin hai. main itana nich nahin hoon.

maryada- to tumhara yah antim nishchay hai?

parashuram- han, antim.

maryada- janate ho isaka parinam kya hoga?

parashuram- janata bhi hoon aur nahin bhi janata.

maryada- mujhe vasudev ko le jane doge?

parashuram- vasudev mera putr hai.

maryada- use ek bar pyar kar lene doge?

parashuram- apani ichchha se nahin, tumhari ichchha ho to door se dekh sakati ho.

maryada to jane do, n dekhoongi. samajh loongi ki vidhava bhi hoon aur banjh bhi. chalo man! ab is ghar men tumhara nibah nahin. chalo jahan bhagy le jay!

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah