सुभागी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

aur logon ke yahan chahe jo hota ho, tulasi mahato apani ladaki subhagi ko ladake ramoo se jau-bhar bhi kam pyar n karate the. ramoo javan hokar bhi kath ka ulloo tha. subhagi gyarah sal ki balika hokar bhi ghar ke kam men itani chatur, aur kheti-bari ke kam men itani nipun thi ki usaki man lakshmi dil men darati rahati ki kahin ladaki par devataon ki ankh n pad jay. achchhe balakon se bhagavan ko bhi to prem hai. koee subhagi ka bakhan n kare, isalie vah anayas hi use dantati rahati thi. bakhan se ladake bigad jate hain, yah bhay to n tha, bhay tha - najar ka ! vahi subhagi aj gyarah sal ki umr men vidhava ho gayi.

ghar men kuharam macha hua tha. lakshmi pachhaden khati thi. tulasi sir pitate the. unhen rote dekhakar subhagi bhi roti thi. bar-bar man se poochhati, kyon roti ho amman, main tumhen chhodakar kahin n jaoongi, tum kyon roti ho ? usaki bholi baten sunakar mata ka dil aur bhi phata jata tha. vah sochati thi eeshvar tumhari yahi lila hai ! jo khel khelate ho, vah doosaron ko du:kh dekar. aisa to pagal karate hain. adami pagalapan kare to use pagalakhane bhejate hain; magar tum jo pagalapan karate ho, usaka koee dnd nahin. aisa khel kis kam ka ki doosare royen aur tum hnso. tumhen to log dayalu kahate hain. yahi tumhari daya hai !

aur subhagi kya soch rahi thi ? usake pas kothari bhar rupaye hote, to vah unhen chhipakar rakh deti. phir ek din chupake se bazar chali jati aur amman ke lie achchhe-achchhe kapade lati, dada jab baki mangane ate, to chat rupaye nikalakar de deti, amman-dada kitane khush hote.

2

jab subhagi javan huee to log tulasi mahato par dabav dalane lage ki ladaki ka ghar kahin kar do. javan ladaki ka yon phirana thik nahin. jab hamari biradari men isaki koee ninda nahin hai, to kyon soch-vichar karate ho ?

tulasi ne kaha- bhaee main to taiyar hoon; lekin jab subhagi bhi mane. vah kisi tarah raji nahin hoti.

harihar ne subhagi ko samajhakar kaha- beti, ham tere hi bhale ko kahate hain. man-bap ab boodhe hue, unaka kya bharosa. tum is tarah kab tak baithi rahogi ?

subhagi ne sir jhukakar kaha- chacha, main tumhari bat samajh rahi hoon; lekin mera man ghar karane ko nahin kahata. mujhe aram ki chinta nahin hai. main sab kuchh jhelane ko taiyar hoon. aur jo kam tum kaho, vah sir-ankho ke bal karoongi; magar ghar basane ko mujhase n kaho. jab mera chal-kuchal dekhana to mera sir kat lena. agar main sachche bap ki beti hoongi, to bat ki bhi pakki hoongi. phir lajja rakhanevale to bhagavan hain, meri kya hasti hai ki abhi kuchh kahoon.

ujadd ramoo bola - tum agar sochati ho ki bhaiya kamavenge aur main baithi mauj karoongi, to is bharose n rahana. yahan kisi ne janam bhar ka thika nahin liya hai.

ramoo ki dulhan ramoo se bhi do angul oonchi thi. matakakar boli- hamane kisi ka karaj thode hi khaya ki janam bhar baithe bhara karen. yahan to khane ko bhi mahin chahie, pahanane ko bhi mahin chahie, yah hamare boote ki bat nahin.

subhagi ne garv se bhare hue svar men kaha- bhabhi, mainne tumhara asara kabhi nahin kiya aur bhagavan ne chaha to kabhi karoongi bhi nahin. tum apani dekho, meri chinta n karo.

ramoo ki dulhan ko jab maloom ho gaya ki subhagi ghar n karegi, to aur bhi usake sir ho gayi. hamesha ek-n-ek khuchad lagaye rahati. use rulane men jaise usako maja ata tha. vah bechari pahar rat se uthakar kootane-pisane men lag jati, chauka-baratan karati, gobar pathati. phir khet men kam karane chali jati. dopahar ko akar jaldi-jaldi khana pakakar sabako khilati. rat ko kabhi man ke sir men tel dalati, kabhi usaki deh dabati. tulasi chilam ke bhakt the. unhen bar-bar chilam pilati. jahan tak apana bas chalata, man-bap ko koee kam n karane deti. han, bhaee ko n rokati. sochati, yah to javan adami hain, yah kam n karenge to grihasthi kaise chalegi.

magar ramoo ko yah bura lagata. amma aur dada ko tinaka tak nahin uthane deti aur mujhe pisana chahati hai. yahan tak ki ek din vah jame se bahar ho gaya. subhagi se bola- agar un logon ka bada moh hai, to kyon nahin alag lekar rahati ho. tab seva karo to maloom ho ki seva kadavi lagati hai ki mithi. doosaron ke bal par vahavahi lena asan hai. bahadur vah hai, jo apane bal par kam kare.

subhagi ne to kuchh javab n diya. bat badh jane ka bhay tha. magar usake man-bap baithe sun rahe the. mahato se n raha gaya. bole- kya hai ramoo, us garibin se kyon ladate ho ?

ramoo pas akar bola- tum kyon bich men kood pade, main to usako kahata tha.

tulasi- jab tak main jita hoon, tum use kuchh nahin kah sakate. mere pichhe jo chahe karana. bechari ka ghar men rahana mushkil kar diya.

ramoo- apako beti bahut pyari hai, to use gale bandh kar rakhie. mujhase to nahin saha jata.

tulasi- achchhi bat hai. agar tumhari yah maraji hai, to yahi hoga. main kal ganv ke adamiyon ko bulakar bntavara kar doonga. tum chahe chhoot jav, subhagi nahin chhoot sakati.

rat ko tulasi lete to vah purani bat yad ayi, jab ramoo ke janmotsav men unhonne rupaye karz lekar jalasa kiya tha, aur subhagi paida huee, to ghar men rupaye rahate hue bhi unhonne ek kaudi n kharch ki. putr ko ratn samajha tha, putri ko poorv-janm ke papon ka dnd. vah ratn kitana kathor nikala aur yah dnd kitana mngalamay.

3

doosare din mahato ne ganv ke adamiyon ko jama karake kaha- pncho, ab ramoo ka aur mera ek men nibah nahin hota. main chahata hoon ki tum log insaph se jo kuchh mujhe de do, vah lekar alag ho jaoon. rat-din ki kich-kich achchhi nahin.

ganv ke mukhtar baboo sajanasinh bade sajjan purush the. unhonne ramoo ko bulakar poochha- kyon ji, tum apane bap se alag rahana chahate ho ? tumhen sharm nahin ati ki aurat ke kahane se man-bap ko alag kiye dete ho ? ram ! ram !

ramoo ne dhithaee ke sath kaha- jab ek men gujar n ho, to alag ho jana hi achchha hai.

sajanasinh - tumako ek men kya kasht hota hai ?

ramoo - ek bat ho to bataoon.

sajanasinh - kuchh to batalao.

ramoo - sahab, ek men mera inake sath nibah n hoga. bas main aur kuchh nahin janata.

yah kahata hua ramoo vahan se chalata bana.

tulasi - dekh liya ap logon ne isaka mizaj ! ap chahe char hisson men tin hisse use de den, par ab main is dusht ke sath n rahoonga. bhagavan ne beti ko du:kh de diya, nahin mujhe kheti-bari lekar kya karana tha. jahan rahata vahin kamata khata ! bhagavan aisa beta sataven bairi ko bhi n den. 'ladake se ladaki bhali, jo kulavnti hoy.'

sahasa subhagi akar boli - dada, yah sab bant-bakhara mere hi karan to ho raha hai, mujhe kyon nahin alag kar dete. main mehanat-majoori karake apana pet pal loongi. apane se jo kuchh ban padega, tumhari seva karati rahoongi; par rahoongi alag. yon ghar ka bara-bant hote mujhase nahin dekha jata. main apane mathe yah kalnk nahin lena chahati.

tulasi ne kaha- beti, ham tujhe n chhodenge chahe snsar chhoot jay ! ramoo ka main munh nahin dekhana chahata, usake sath rahana to door raha.

ramoo ki dulhan boli- tum kisi ka munh nahin dekhana chahate, to ham bhi tumhari pooja karane ko vyakul nahin hain.

mahato dant pisate hue uthe ki bahoo ko maren, magar logon ne pakad liya.

4

bntavara hote hi mahato aur lakshmi ko manon penshan mil gayi. pahale to donon sare din, subhagi ke mana karane par bhi kuchh-n-kuchh karate hi rahate the; par ab unhen poora vishram tha. pahale donon doodh-ghi ko tarasate the. subhagi ne kuchh rupaye bachakar ek bhains le li. boodhe adamiyon ki jan to unaka bhojan hai. achchha bhojan n mile to ve kis adhar par rahen. chaudhari ne bahut virodh kiya. kahane lage, ghar ka kam yon hi kya kam hai ki too yah naya jhnjhat pal rahi hai. subhagi unhen bahalane ke lie kahati - dada, doodh ke bina mujhe khana nahin achchha lagata.

lakshmi ne hnsakar kaha- beti, too jhooth kab se bolane lagi. kabhi doodh hath se to chhooti nahin, khane ki kaun kahe. sara doodh ham logon ke pet men thoons deti hai.

ganv men jahan dekho sabake munh se subhagi ki tariph. ladaki nahin devi hai. do maradon ka kam bhi karati hai, us par man-bap ki seva bhi kiye jati hai. sajanasinh to kahate, yah us janm ki devi hai.

magar shayad mahato ko yah sukh bahut din tak bhogana n likha tha.

sat-ath din se mahato ko zor ka jvar chadha hua tha. deh par kapade ka tar bhi nahin rahane dete. lakshmi pas baithi ro rahi thi. subhagi pani liye khadi hai. abhi ek kshan pahale mahato ne pani manga tha; par jab tak vah pani lave, unaka ji doob gaya aur hath-panv thnde ho gaye. subhagi unaki yah dasha dekhate hi ramoo ke ghar gayi aur boli- bhaiya, chalo, dekho aj dada n jane kaise hue jate hain. sat din se jvar nahin utara.

ramoo ne charapaee par lete-lete kaha- to kya main daktar-hakim hoon ki dekhane chaloon ? jab tak achchhe the, tab tak to tum unake gale ka har bani huee thin. ab jab marane lage to mujhe bulane ayi ho !

usi vakt usaki dulhan andar se nikal ayi aur subhagi se poochha- dada ko kya hua hai didi ?

subhagi ke pahale ramoo bol utha- hua kya hai, abhi koee mare thode hi jate hain.

subhagi ne phir usase kuchh n kaha, sidhe sajanasinh ke pas gayi. usake jane ke bad ramoo hnsakar stri se bola - triyacharitr isi ko kahate hain.

stri - isamen triyacharitr ki kaun bat hai ? chale kyon nahin jate ?

ramoo - main nahin jane ka. jaise use lekar alag hue the, vaise use lekar rahen. mar bhi jayen to n jaoon.

stri- mar jayenge to ag dene to jaoge, tab kahan bhagoge ?

ramoo - kabhi nahin ? sab kuchh unaki pyari subhagi kar legi.

stri - tumhare rahate vah kyon karane lagi !

ramoo - jaise mere rahate use lekar alag hue aur kaise !

stri - nahin ji, yah achchhi bat nahin hai. chalo dekh aven. kuchh bhi ho, bap hi to hain. phir ganv men kaun munh dikhaoge ?

ramoo - chup raho, mujhe upadesh mat do.

udhar baboo sahab ne jyon hi mahato ki halat suni, turnt subhagi ke sath bhage chale aye. yahan pahunche to mahato ki dasha aur kharab ho chuki thi. nadi dekhi to bahut dhimi thi. samajh gaye ki zindagi ke din poore ho gaye. maut ka atnk chhaya hua tha. sajal netr hokar bole - mahato bhaee, kaisa ji hai ?

mahato jaise nind se jagakar bole- bahut achchha hai bhaiya ! ab to chalane ki bela hai. subhagi ke pita ab tumhin ho. use tumhin ko saunpe jata hoon.

sajanasinh ne rote hue kaha- bhaiya mahato, ghabadao mat, bhagavan ne chaha to tum achchhe ho jaoge. subhagi ko to mainne hamesha apani beti samajha hai aur jab tak jioonga aisa hi samajhata rahoonga. tum nishchint raho. mere rahate subhagi ya lakshmi ko koee tirachhi ankh se n dekh sakega. aur kuchh ichchha ho to vah bhi kah do.

mahato ne vinit netron se dekhakar kaha- aur kuchh nahin kahoonga bhaiya. bhagavan tumhen sada sukhi rakhe.

sajanasinh - ramoo ko bulakar lata hoon. usase jo bhool-chook ho kshama kar do.

mahato - nahin bhaiya. us papi hatyare ka munh main nahin dekhana chahata.

isake bad godan ki taiyari hone lagi.

5

ramoo ko ganv bhar ne samajhaya; par vah antyeshti karane par raji n hua. kaha, jis pita ne marate samay mera munh dekhana svikar n kiya, vah mera n pita hai, n main usaka putr hoon.

lakshmi ne dah-kriya ki. in thode se dinon men subhagi ne n jane kaise rupaye jama kar liye the ki jab terahi ka saman ane laga to ganvavalon ki ankhen khul gayin. baratan, kapade, ghi, shakkar, sabhi saman ipharat se jama ho gaye. ramoo dekh-dekh jalata tha. aur subhagi use jalane ke lie sabako yah saman dikhati thi.

lakshmi ne kaha- beti, ghar dekhakar kharch karo. ab koee kamanevala nahin baitha hai, ap hi kuan khodana aur pani pina hai.

subhagi boli- babooji ka kam to dhoom-dham se hi hoga amman, chahe ghar rahe ya jay. babooji phir thode hi avenge. main bhaiya ko dikha dena chahati hoon ki abala kya kar sakati hai. vah samajhate honge in donon ke kiye kuchh n hoga. unaka yah ghamnd tod doongi.

lakshmi chup ho rahi. terahi ke din ath ganv ke brahmanon ka bhoj hua. charon taraph vah-vahi mach gayi.

pichhale pahar ka samay tha; log bhojan karake chale gaye the. lakshmi thak kar so gayi thi. keval subhagi bachi huee chizen utha-uthakar rakh rahi thi ki thakur sajanasinh ne akar kaha- ab tum bhi aram karo beti ! sabere yah sab kam kar lena.

subhagi ne kaha- abhi thaki nahin hoon dada. apane jod liya kul kitane rupaye uthe ?

sajanasinh - vah poochhakar kya karogi beti ?

'kuchh nahin yon hi poochhati thi.'

'koee tin sau rupaye uthe honge.'

subhagi ne sakuchate hue kaha- main in rupayon ki denadar hoon.

'tumase to main mangata nahin. mahato mere mitr aur bhaee the. unake sath kuchh mera bhi to dharm hai.'

'apaki yahi daya kya kam hai ki mere oopar itana vishvas kiya, mujhe kaun 300/- deta ?'

sajanasinh sochane lage. is abala ki dharm-buddhi ka kahin varapar bhi hai ya nahin.

6

lakshmi un striyon men thi jinake lie pati-viyog jivan-srot ka bnd ho jana hai. pachas varsh ke chir-sahavas ke bad ab yah ekant jivan usake lie pahad ho gaya. use ab gyat hua ki meri buddhi, mera bal, meri sumati mano sabase main vnchit ho gayi.

usane kitani bar eeshvar se vinati ki thi, mujhe svami ke samane utha lena; magar usane yah vinati svikar n ki. maut par apana kaboo nahin, to kya jivan par bhi kaboo nahin hai ?

vah lakshmi jo ganv men apani buddhi ke lie mashahoor thi, jo doosare ko sikh diya karati thi, ab baurahi ho gayi hai. sidhi-si bat karate nahin banati.

lakshmi ka dana-pani usi din se chhoot gaya. subhagi ke agrah par chauke men jati; magar kaur knth ke niche n utarata. pachas varsh hue ek din bhi aisa n hua ki pati ke bina khaye khud khaya ho. ab us niyam ko kaise tode ?

akhir use khansi ane lagi. durbalata ne jald hi khat par dal diya. subhagi ab kya kare ! thakur sahab ke rupaye chukane ke lie dilojan se kam karane ki zaroorat thi. yahan man bimar pad gayi. agar bahar jay to man akeli rahati hai. unake pas baithe to bahar ka kam kaun kare. man ki dasha dekhakar subhagi samajh gayi ki inaka paravana bhi a pahuncha. mahato ko bhi to yahi jvar tha.

ganv men aur kise phurasat thi ki daud-dhoop karata. sajanasinh donon vakt ate, lakshmi ko dekhate, dava pilate, subhagi ko samajhate, aur chale jate; magar lakshmi ki dasha bigadati jati thi. yahan tak ki pndrahaven din vah bhi snsar se sidhar gayi. antim samay ramoo aya aur usake pair chhoona chahata tha, par lakshmi ne use aisi jhidaki di ki vah usake samip n ja saka. subhagi ko usane ashirvad diya, tumhari-jaisi beti pakar tar gayi. mera kriya-karm tumhin karana. meri bhagavan se yahi araji hai ki us janm men bhi tum meri kokh pavitr karo.

mata ke dehant ke bad subhagi ke jivan ka keval ek lakshy rah gaya sajanasinh ke rupaye chukana. 300/- pita ke kriya-karm men lage the. lagabhag 200/- mata ke kam men lage. 500/- ka rin tha aur usaki akeli jan ! magar vah himmat n harati thi. tin sal tak subhagi ne rat ko rat aur din ko din n samajha. usaki kary-shakti aur paurush dekhakar log danton tale ungali dabate the. din bhar kheti-bari ka kam karane ke bad vah rat ko char-char paseri ata pis dalati. tisaven din 15/- lekar vah sajanasinh ke pas pahunch jati. isamen kabhi naga n padata. yah mano prakriti ka atal niyam tha.

ab charon or se usaki sagaee ke paigam ane lage. sabhi usake lie munh phailaye hue the. jisake ghar subhagi jayagi, usake bhagy phir jayenge. subhagi yahi javab deti, abhi vah din nahin aya.

jis din subhagi ne akhiri kist chukaee, us din usaki khushi ka thikana n tha. aj usake jivan ka kathor vrat poora ho gaya.

vah chalane lagi to sajanasinh ne kaha- beti, tumase meri ek prarthana hai. kaho kahoon, kaho n kahoon, magar vachan do ki manogi.

subhagi ne kritgy bhav se dekhakar kaha- dada, apaki bat n manoongi to kisaki bat manoongi. mera to royan-royan apaka gulam hai.

sajanasinh - agar tumhare man men yah bhav hai, to main n kahoonga. mainne ab tak tumase isalie nahin kaha, ki tum apane ko mera denadar samajh rahi thin. ab rupaye chuk gaye. mera tumhare oopar koee ehasan nahin hai, ratti bhar bhi nahin. bolo kahoon ?

subhagi - apaki jo agya ho.

sajanasinh- dekho inakar n karana, nahin main phir tumhen apana munh n dikhaoonga.

subhagi- kya agya hai ?

sajanasinh- meri ichchha hai ki tum meri bahoo banakar mere ghar ko pavitr karo. main jat-pant ka kayal hoon, magar tumane mere sare bndhan tod diye. mera ladaka tumhare nam ka pujari hai. tumane use baraha dekha hai. bolo, mnjoor karati ho ?

subhagi- dada, itana samman pakar pagal ho jaoongi.

sajanasinh- tumhara samman bhagavan kar rahe hain beti ! tum sakshath bhagavati ka avatar ho.

subhagi - main to apako apana pita samajhati hoon. ap jo kuchh karenge, mere bhale hi ke lie karenge. apake hukm ko kaise inakar kar sakati hoon.

sajanasinh ne usake mathe par hath rakhakar kaha- beti, tumhara sohag amar ho. tumane meri bat rakh li. mujh-sa bhagyashali snsar men aur kaun hoga ?

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah