रामलीला -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

idhar ek muddat se ramalila dekhane nahin gaya. bndaron ke bhadde chehare lagaye,adhi tangon ka pajama aur kale rng ka ooncha kurata pahane adamiyon ko daudate, hoo-hoo karate dekh kar ab hnsi ati hai; maja nahin ata. kashi ki lila jagadvikhyat hai. suna hai, log door-door se dekhane ate hain. main bhi bade shauq se gaya; par mujhe to vahan ki lila aur kisi bajr dehat ki lila men koee antar n dikhayi diya. han, ramanagar ki lila men kuchh saj-saman achchhe hain. rakshason aur bndaron ke chehare pital ke hain, gadaen bhi pital ki hain; kadachith navasi bhrataon ke mukut sachche kam ke hon; lekin saj-saman ke siva vahan bhi vahi hoo-hoo ke siva aur kuchh nahin. phir bhi lakhon adamiyon ki bhid lagi rahati. lekin ek jamana vah tha, jab mujhe bhi ramalila men annd ata tha. annd to bahut halaka-sa shabd hai. vah annd unmad se kam n tha. snyogavash un dinon mere ghar se bahut thodi door par ramalila ka maidan tha; aur jis ghar men lila-patron  ka roop-rng bhara jata tha, vah to mere ghar se bilakul mila hua tha. do baje din se patron  ki sajavat hone lagati thi. main dopahar hi se vahan ja baithata, aur jis utsah se daud-daud kar chhote-mote kam karata, us utsah se to aj apani penshan lene bhi nahin jata. ek kothari men rajakumari ka shrringar hota tha. unaki deh men ramaraj pis kar poti jati; munh par paudar lagaya jata aur paudar ke oopar lal, hare, nile rng ki bundakiyan lagayi jati thin. sara matha, bhaunhen, gal, thodi bundakiyon se rach uthati thin. ek hi adami is kam men kushal tha. vahi bari-bari se tinon patron  ka shrringar karata tha. rng ki pyaliyon men pani lana, ramaraj pisana, pnkha jhalana mera kam tha. jab in taiyariyon ke bad viman nikalata, to us par ramachandr ji ke pichhe baith kar mujhe jo ullas, jo garv, jo romanch hota tha vah ab lat sahab ke darabar men kurasi par baith kar bhi nahin hota. ek bar jab hom-membar sahab ne vyavasthapak-sabha men mere lie ek prastav ka anumodan kiya tha, us vakt mujhe kuchh usi tarah ka ullas, garv aur romanch hua tha. han, ek bar jab mera jyeshth putr nayab-tahasiladari men namajad hua, tab bhi aisi hi tarngen man men uthi thin; par inamen aur us bal-vihnalata men bada antar hai. tab aisa maloom hota tha ki main svarg men baitha hoon. nishad-nauka-lila ka din tha. main do-char ladakon ke bahakane men akar gulli-dnda khelane laga tha. aj shrringar dekhane n gaya. viman bhi nikala; par mainne khelana n chhoda. mujhe apana danv lena tha. apana danv chhodane ke lie usase kahin badhakar atmatyag ki zaroorat thi, jitana main kar sakata tha. agar danv dena hota to main kab ka bhag khada hota; lekin padane men kuchh aur hi bat hoti hai. khair, danv poora hua. agar main chahata, to dhandhali karake das-panch minat aur pada sakata tha, isaki kafi gunjaish thi, lekin ab isaka mauqa n tha. main sidhe nale ki taraph dauda. viman jalatat par pahunch chuka tha. mainne door se dekha , mallah kishti liye a raha hai. dauda, lekin adamiyon ki bhid men daudana kathin tha. akhir jab main bhid hatata, pran-pan se age badhata ghat par pahuncha, to nishad apani nauka khol chuka tha. ramachandr par meri kitani shrriddha thi ! apane path ki chinta n karake unhen padha diya karata tha, jisamen vah phel n ho jaen. mujhase umr zyada hone par bhi vah nichi kaksha men padhate the. lekin vahi ramachndr nauka par baithe is tarah munh phere chale jate the, mano mujhase jan-pahachan hi nahin. nakal men bhi asal ki kuchh n kuchh boo a hi jati hai. bhakton par jinaki nigah sada hi tikhi rahi hai, vah mujhe kyon ubarate ? main vikal ho kar us bachhade ki bhanti koodane laga, jisaki garadan par pahali bar jua rakha gaya ho. kabhi lapak kar nale ki or jata, kabhi kisi sahayak ki khoj men pichhe ki taraph daudata, par sab ke sab apani dhun men mast the; meri chikh-pukar kisi ke kanon tak n pahunchi. tab se badi-badi vipattiayan jhelin; par us samay jitana du:kh hua, utana phir kabhi n hua. mainne nishchay kiya tha ki ab ramachndr se n kabhi boloonga, n kabhi khane ki koee chiz hi doonga; lekin jyon hi nale ko par karake vah pul ki or laute; main daud kar viman par chadh gaya, aur aisa khush hua, mano koee bat hi n huee thi. ramalila samapt ho gayi thi. rajagaddi hone vali thi; par n jane kyon der ho rahi thi. shayad chnda kam vasool hua tha. ramachndr ki in dinon koee bat bhi n poochhata tha. n ghar hi jane ki chhutti milati thi, n bhojan ka hi prabndh hota tha. chaudhari sahab ke yahan se ek sidha koee tin baje din ko milata tha. baki sare din koee pani ko nahin poochhata. lekin meri shrriddha abhi tak jyon ki tyon thi. meri drishti men ab bhi ramachndr hi the. ghar par mujhe khane ko koee chiz milati, vah le kar ramachndr ko de ata. unhen khilane men mujhe jitana annd milata tha, utana ap kha jane men kabhi n milata. koee mithaee ya phal pate hi main betahasha chaupal ki or daudata. agar ramachndr vahan n milate to unhen charon or talash karata, aur jab tak vah chiz unhen n khila leta, mujhe chain n ata tha. khair, rajagaddi ka din aya. ramalila ke maidan men ek bada-sa shamiyana tana gaya. usaki khoob sajavat ki gayi. veshyaon ke dal bhi a pahunche. sham ko ramachndr ki savari nikali, aur pratyek dvar par unaki arati utari gayi. shrriddhanusar kisi ne rupaye diye, kisi ne paise. mere pita pulis ke adami the; isalie unhonne bina kuchh diye hi arati utari. us vakt mujhe jitani lajja ayi, use bayan nahin kar sakata. mere pas us vakt snyog se ek rupaya tha. mere mama ji dashahare ke pahale aye the aur mujhe ek rupaya de gaye the. us rupaye ko mainne rakh chhoda tha. dashahare ke din bhi use kharch n kar saka. mainne turnt vah rupaya la kar arati ki thali men dal diya. pita ji meri or kupit netron se dekh kar rah gaye. unhonne kuchh kaha to nahin; lekin munh aisa bana liya, jisase prakat hota tha ki meri is dhrishtata se unake rob men batta lag gaya. rat ke das bajate-bajate yah parikrama poori huee. arati ki thali rupayon aur paison se bhari huee thi. thik to nahin kah sakata; magar ab aisa anuman hota hai ki char-panch sau rupayon se kam n the. chaudhari sahab inase kuchh zyada hi kharch kar chuke the. unhen isaki badi fikr huee ki kisi tarah kam se kam do sau rupaye aur vasool ho jaen aur isaki sabase achchhi tarakib unhen yahi maloom huee ki veshyaon dvara mahaphil men vasooli ho. jab log a kar baith jaen, aur mahaphil ka rng jam jae, to abadijan rasikajanon ki kalaiyan pakad-pakad kar aise hav-bhav dikhayen ki log sharamate-sharamate bhi kuchh n kuchh de hi maren. abadijan aur chaudhari sahab men salah hone lagi. main snyog se un donon praniyon ki baten sun raha tha. chaudhari sahab ne samajha hoga yah launda kya matalab samajhega. par yahan eeshvar ki daya se akl ke putale the. sari dastan samajh men ati jati thi. chaudhari - suno abadijan, yah tumhari jyadati hai. hamara aur tumhara koee pahala sabika to hai nahin. eeshvar ne chaha, to yahan hamesha tumhara ana-jana laga rahega. ab ki chanda bahut kam aya, nahin to main tumase itana isarar n karata.   abadi. - ap mujhase bhi jamindari chalen chalate hain, kyon, magar yahan huzoor ki dal n galegi. vah ! rupaye to main vasool karoon, aur moonchhon par tav ap den. kamaee ka achchha dhng nikala hai. is kamaee se to vakee ap thode dinon men raja ho jaeenge. usake samane jamindari jhak maregi ! bas, kal hi se ek chakala khol dijie ! khuda ki kasam, malamal ho jaiega. chaudhari -  tum dillagi karati ho, aur yahan kaphiya tng ho raha hai. abadi. - to ap bhi to mujhi se ustadi karate hain. yahan ap-jaise kaniyon ko roj ungaliyon par nachati hoon. chaudhari - akhir tumhari mnsha kya hai ? abadi. - jo kuchh vasool karoon, usamen adha mera, adha apaka. laie, hath marie. chaudhari - yahi sahi. abadi. - achchha, to pahale mere sau rupaye gin dijie. pichhe se ap alaset karane lagenge. chaudhari - vah ! vah bhi logi aur yah bhi. abadi. - achchha ! to kya ap samajhate the ki apani ujarat chhod doongi ? vahari apaki samajh ! khoob; kyon n ho. divana bakare daravesh hushiyar ! chaudhari - to kya tumane dohari phis lene ki thani hai ? abadi. - agar apako sau daphe garaj ho, to. varana mere sau rupaye to kahin gaye hi nahin. mujhe kya kutto ne kata hai, jo logon ki jeb men hath dalati phiroon ? chaudhari ki ek n chali. abadi ke samane dabana pada. nach shuroo hua. abadijan bala ki shokh aurat thi. ek to kamasin, us par hasin. aur usaki adaen to is gazab ki thin ki meri tabiyat bhi mast huee jati thi. adamiyon ke pahachanane ka gun bhi usamen kuchh kam n tha. jisake samane baith gayi, usase kuchh n kuchh le hi liya. panch rupaye se kam to shayad hi kisi ne diye hon. pita ji ke samane bhi vah baithi. main mare sharm ke gad gaya. jab usane unaki kalaee pakadi, tab to main saham utha. mujhe yakin tha ki pita ji usaka hath jhatak denge aur shayad dutkar bhi den, kintu yah kya ho raha hai ! eeshvar ! meri ankhen dhokha to nahin kha rahi hain ! pita ji moonchhon men hns rahe hain. aisi mridu-hnsi unake chehare par mainne kabhi nahin dekhi thi. unaki ankhon se anurag tapaka padata tha. unaka ek-ek rom pulakit ho raha tha; magar eeshvar ne meri laj rakh li. vah dekho, unhonne dhire se abadi ke komal hathon se apani kalaee chhuda li. are ! yah phir kya hua ? abadi to unake gale men bahen dale deti hai. ab pita ji use zaroor pitenge. chudail ko jara bhi sharm nahin. ek mahashay ne muskara kar kaha , yahan tumhari dal n galegi, abadijan ! aur daravaza dekho. bat to in mahashay ne mere man ki kahi, aur bahut hi uchit kahi; lekin n-jane kyon pita ji ne usaki or kupit netron se dekha, aur moonchhon par tav diya. munh se to vah kuchh n bole; par unake mukh ki akriti chilla kar sarosh shabdon men kah rahi thi , ‘ too baniya, mujhe samajhata kya hai ? yahan aise avasar par jan tak nisar karane ko taiyar hain. rupaye ki hakikat hi kya ! tera ji chahe, ajama le. tujhase dooni rakam n de daloon, to munh n dikhaoon ! ‘  mahanh ashchary ! ghor anarth ! are, zamin too phat kyon nahin jati ? akash, too phat kyon nahin padata ? are, mujhe maut kyon nahin a jati ! pita ji jeb men hath dal rahe hain. vah koee chiz nikali, aur seth ji ko dikha kar abadijan ko de dali. ah ! yah to asharphi hai. charon or taliyan bajane lagin. seth ji ulloo ban gaye ya pita ji ne munh ki khayi, isaka nishchay main nahin kar sakata. mainne keval itana dekha ki pita ji ne ek asharphi nikal kar abadijan ko di. unaki ankhon men is samay itana garvayukt ullas tha mano unhonne hatim ki qabr par lat mari ho. yahi pita ji hain, jinhonne mujhe arati men ek rupaya dalate dekh kar meri or is tarah se dekha tha, mano mujhe phad hi khayenge. mere us paramochit vyavahar se unake rob men farq ata tha, aur is samay is ghrinit, kutsit aur nindit vyapar par garv aur anand se phoole n samate the. abadijan ne ek manohar muskan ke sath pita ji ko salam kiya aur age badhi; magar mujhase vahan n baitha gaya. mare sharm ke mera mastak jhuka jata tha; agar meri ankhon-dekhi bat n hoti, to mujhe is par kabhi etabar n hota. main bahar jo kuchh dekhata-sunata tha, usaki riport amman se zaroor karata tha. par is mamale ko mainne unase chhipa rakha. main janata tha, unhen yah bat sun kar bada du:kh hoga. rat bhar gana hota raha. tabale ki dhamak mere kanon men a rahi thi. ji chahata tha, chal kar dekhoon; par sahas n hota tha. main kisi ko munh kaise dikhaoonga ? kahin kisi ne pita ji ka zikr chhed diya, to main kya karoonga ? prat:kal ramachandr ki bidaee hone vali thi. main charapaee se uthate hi ankhen malata hua chaupal ki or bhaga ? dar raha tha ki kahin ramachandr chale n gaye hon. pahuncha, to dekha , tavayaphon ki savariyan jane ko taiyar hain. bison adami hasaratanak munh banaye unhen ghere khade hain. mainne unaki or ankh tak n uthayi. sidha ramachandr ke pas pahuncha. lakshman aur sita baithe ro rahe the; aur ramachandr khade kandho par lutiya-dor dale unhen samajha rahe the. mere siva vahan aur koee n tha. mainne kunthit svar se ramachandr se poochha , ‘ kya tumhari bidaee ho gayi ? ‘ ramachandr - han, ho to gayi. hamari bidaee hi kya ? chaudhari sahab ne kah diya ,  jao, chale jate hain. 'kya rupaya aur kapade nahin mile ?' 'abhi nahin mile. chaudhari sahab kahate hain , is vakt bachat men rupaye nahin hain. phir a kar le jana. 'kuchh nahin mila ?' 'ek paisa bhi nahin. kahate hain, kuchh bachat nahin huee. mainne socha tha, kuchh rupaye mil jaenge to padhane ki kitaben le loonga ! so kuchh n mila. rah-kharch bhi nahin diya. kahate hain , kaun door hai, paidal chale jao !' mujhe aisa krodh aya ki chal kar chaudhari ko khoob ade hathon loon. veshyaon ke lie rupaye, savariyan sab kuchh; par bechare ramachandr aur unake sathiyon ke lie kuchh bhi nahin ! jin logon ne rat ko abadijan par das-das, bis-bis rupaye nyochhavar kiye the, unake pas kya inake lie do-do, char-char ane paise bhi nahin. pita ji ne bhi to abadijan ko ek asharphi di thi. dekhoon inake nam par kya dete hain ! main dauda hua pita ji ke pas gaya. vah kahin taphatish par jane ko taiyar khade the. mujhe dekh kar bole , kahan ghoom rahe ho ? padhane ke vakt tumhen ghoomane ki soojhati hai ? mainne kaha , gaya tha chaupal. ramachandr bida ho rahe the. unhen chaudhari sahab ne kuchh nahin diya. 'to tumhen isaki kya fikr padi hai ?' 'vah jaege kaise ? pas rah-kharch bhi to nahin hai.' 'kya kuchh kharch bhi nahin diya ? yah chaudhari sahab ki beinsaphi hai.' 'ap agar do rupaya de den, to main unhen de aoon. itane men shayad vah ghar pahunch jaen.' pita ji ne tivr drishti se dekh kar kaha , jao, apani kitab dekho, mere pas rupaye nahin hain. yah kah kar vah ghode par savar ho gaye. usi din se pita ji par se meri shrriddha uth gayi. mainne phir kabhi unaki daaut-dapat ki parava nahin ki. mera dil kahata , apako mujhako upadesh dene ka koee adhikar nahin hai. mujhe unaki soorat se chidh ho gayi. vah jo kahate, main thik usaka ulta karata. yadyapi isamen meri hani huee; kin mera ant:karan us samay viplavakari vicharon se bhara hua tha. mere pas do ane paise pade hue the. mainne paise utha liye aur ja kar sharamate-sharamate ramachandr ko de diye. un paison ko dekh kar ramachandr ko jitana harsh hua, vah mere lie ashatit tha. toot pade, mano pyase ko pani mil gaya. yahi do ane paise le kar tinon moortiyan bida hueen ! keval main hi unake sath kasbe ke bahar tak pahunchane aya. unhen bida karake lauta, to meri ankhen sajal thin; par hriday annd se umada hua tha.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah