विश्वास -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

un dinon mis joshi bambee sabhy-samaj ki radhika thi. thi to vah ek chhoti-si kanya-pathashala ki adhyapika par usaka that-bat, man-samman badi-badi dhan-raniyon ko bhi lajjit karata tha. vah ek bade mahal men rahati thi, jo kisi jamane men satara ke maharaj ka nivas-sthan tha. vahan sare din nagar ke reeson, rajon, raj-karmachariyon ka tanta laga rahata tha. vah sare prant ke dhan aur kirti ke upasakon ki devi thi. agar kisi ko khitab ka khabt tha to vah mis joshi ki khushamad karata tha. kisi ko apane ya apane snbndhon ke lie koee achchha ohada dilane ki dhun thi to vah mis joshi ki aradhana karata tha. sarakari imaraton ke thike; namak, sharab, aphim adi sarakari chijon ke thike; lohe-lakadi, kal-puraje adi ke thike sab mis joshi hi ke hathon men the. jo kuchh karati thi vahi karati thi, jo kuchh hota tha usi ke hathon hota tha. jis vakt vah apani arabi ghodon ki phitan par sair karane nikalati to reeson ki savariyan ap hi ap raste se hat jati thin, bade-bade dukanadar khade ho-hokar salam karane lagate the. vah roopavati thi, lekin nagar men usase badhakar roopavati ramaniyan bhi thin; vah sushikshita thi, vakchatur thi, gane men nipun, hnsati to anokhi chhavi se, bolati to nirali chhata se, takati to banki chitavan se; lekin in gunon men usaka ekadhipaty n tha. usaki pratishtha, shakti aur kirti ka kuchh aur hi rahasy tha. sara nagar hi nahin; sare prant ka bachcha-bachcha janata tha ki bambee ke gavarnar mistar jauhari mis joshi ke bina damon ke gulam hain. mis joshi ki ankhon ka ishara unake lie nadirashahi hukm hai. vah thietaron men, davaton men, jalason men mis joshi ke sath saye ki bhanti rahate hain aur kabhi-kabhi unaki motar rat ke sannate men mis joshi ke makan se nikalati huee logon ko dikhayi deti hai. is prem men vasana ki matra adhik hai ya bhakti ki, yah koee nahin janata. lekin mistar jauhari vivahit hain aur mis joshi vidhava, isalie jo log unake prem ko kalushit kahate hain, ve un par koee atyachar nahin karate.

bambee ki vyavasthapika-sabha ne anaj par kar laga diya tha aur janata ki or se usaka virodh karane ke lie ek virath sabha ho rahi thi. sabhi nagaron se praja ke pratinidhi usamen sammilit hone ke lie hajaron ki snkhya men aye the. mis joshi ke vishal bhavan ke samane, chaude maidan men hari-hari ghas par bambee ki janata apani phariyad sunane ke lie jama thi. abhi tak sabhapati n aye the, isalie log baithe gap-shap kar rahe the. koee karmachariyon par akshep karata tha, koee desh ki sthiti par, koee apani dinata par agar ham logon men akadane ka jara bhi samarthy hota to majal thi ki yah kar laga diya jata, adhikariyon ka ghar se bahar nikalana mushkil ho jata. hamara zaroorat se zyada sidhapan hamen adhikariyon ke hathon ka khilauna banaye hue hai. ve janate hain ki inhen jitana dabate jao, utana dabate jayenge, sir nahin utha sakate. sarakar ne bhi upadrav ki ashnka se sashastr pulis bula li. us maidan ke charon kone par sipahiyon ke dal dera dale pade the. unake aphasar, ghodon par savar, hath men hntar liye, janata ke bich men nishshnk bhav se ghode daudate phirate the, mano saf maidan hai. mis joshi ke oonche baramade men nagar ke sabhi bade-bade rees aur rajyadhikari tamasha dekhane ke lie baithe hue the. mis joshi mehamanon ka adar-satkar kar rahi thi aur mistar jauhari, aramakursi par lete, is jan-samooh ko ghrina aur bhay ki drishti se dekh rahe the.

sahasa sabhapati mahashay apate ek kiraye ke tange par ate dikhayi diye. charon taraph halachal mach gayi, log uth-uthakar unaka svagat karane daude aur unhen lakar mnch par baitha diya. apate ki avastha 30-35 varsh se adhik n thi; dubale-patale adami the, mukh par chinta ka gadha rng chadha hua; bal bhi pak chale the, mukh par saral hasy ki rekha jhalak rahi thi. vah ek saphed mota kurata pahane the, n panv men joote the, n sir par topi. is ardhdanagn, durbal, nistej prani men n-jane kaun-sa jadoo tha ki samast janata usaki pooja karati thi, usake pairon par sir ragadati thi. is ek prani ke hathon men itani shakti thi ki vah kshanamatr men sari milon ko band kara sakata tha, shahar ka sara karobar mita sakata tha. adhikariyon ko usake bhay se nind n ati thi, rat ko sote-sote chaunk padate the. usase zyada bhaynkar jantu adhikariyon ki drishti men doosara n tha. yah prachnd shasan shakti us ek haddi ke adami se tharathar kanpati thi, kyonki us haddi men ek pavitr, nishkalnk, balavan aur divy atma ka nivas tha.

2 apate ne mnch par khade hokar pahale janata ko shant chitt rahane aur ahinsa-vrat palan karane ka adesh diya. phir desh ki rajanitik sthiti ka varnan karane lage. sahasa unaki drishti samane mis joshi ke baramade ki or gayi to unaka praja-du:kh-pidit hriday tilamila utha. yahan aganit prani apani vipatti ki phariyad sunane ke lie jama the aur vahan mejon par chay aur biskut, meve aur phal, barf aur sharab ki rel-pel thi. ve log in abhagon ko dekh-dekh hnsate aur taliyan bajate the. jivan men pahali bar apate ki jaban kaboo se bahar ho gayi. megh ki bhanti garajakar bole-

'idhar to hamare bhaee dane-dane ko muhataj ho rahe hain, udhar anaj par kar lagaya ja raha hai, keval isalie ki rajakarmachariyon ke haluve-poori men kami n ho. ham jo desh ke raja hain, jo chhati phadakar dharati se dhan nikalate hain, bhookhon marate hain; aur ve log, jinhen hamane apane sukh aur shanti ki vyavastha karane ke lie rakha hai, hamare svami bane hue sharabon ki botalen udate hain. kitani anokhi bat hai ki svami bhookhon maren aur sevak sharaben udayen, meve khayen aur itali aur spen ki mithaiyan chalen! yah kisaka aparadh hai? kya sevakon ka? nahin, kadapi nahin, hamara hi aparadh hai ki hamane apane sevakon ko itana adhikar de rakha hai. aj ham uchch svar se kah dena chahate hain ki ham yah kroor aur kutil vyavahar nahin sah sakate. yah hamare lie asahy hai ki ham aur hamare bal-bachche danon ko tarasen aur karmachari log, vilas men doobe hue hamare karun-krandan ki jara bhi parava n karate hue vihar karen. yah asahy hai ki hamare gharon men choolhe n jalen aur karmachari log thietaron men aish karen, nach-rng ki mahaphilen sajayen, davaten udayen, veshyaon par knchan ki varsha karen. snsar men aisa aur kaun desh hoga, jahan praja to bhookhon marati ho aur pradhan karmachari apani prem-kridaon men magn hon, jahan striyan galiyon men thokaren khati phirati hon aur adhyapikaon ka vesh dharan karane vali veshyaen amod-pramod ke nashe men choor hon...'

3 ekaek sashastr sipahiyon ke dal men halachal pad gayi. unaka aphasar hukm de raha tha sabha bhng kar do, netaon ko pakad lo, koee n jane paye. yah vidrohatmak vyakhyan hai. mistar jauhari ne pulis ke aphasar ko ishare se bulakar kaha- aur kisi ko giraphtar karane ki zaroorat nahin. apate hi ko pakado. vahi hamara shatru hai. pulis ne dnde chalane shuroo kiye aur kee sipahiyon ke sath jakar aphasar ne apate ko giraphtar kar liya.

janata ne tyoriyan badalin. apane pyare neta ko yon giraphtar hote dekh kar unaka dhaury hath se jata raha.

lekin usi vakt apate ki lalakar sunaee di- tumane ahinsa-vrat liya hai aur agar kisi ne us vrat ko toda to usaka dosh mere sir hoga. main tumase savinay anurodh karata hoon ki apane-apane ghar jao. adhikariyon ne vahi kiya jo ham samajhate the. is sabha se hamara jo uddeshy tha vah poora ho gaya. ham yahan balava karane nahin, keval snsar ki naitik sahanubhooti prapt karane ke lie jama hue the, aur hamara uddeshy poora ho gaya. ek kshan men sabha bhng ho gayi aur apate pulis ki havalat men bhej diye gaye.

4 mistar jauhari ne kaha- bachcha bahut dinon ke bad pnje men aye hain, rajadroh ka mukadama chalakar kam se kam 10 sal ke lie andaman bhejoonga.

mis joshi- isase kya fayada?

'kyon? usako apane kiye ki saza mil jayagi.'

'lekin sochie, hamen usaka kitana mooly dena padega. abhi jis bat ko gine-ginaye log janate hain vah sare snsar men phailegi aur ham kahin munh dikhane layaq n rahenge. ap akhabaron ke snvadadataon ki jaban to nahin bnd kar sakate.'

'kuchh bhi ho, main ise jel men sadana chahata hoon. kuchh dinon ke lie to chain ki nind nasib hogi. badanami se to darana hi vyarth hai. ham prant ke sare samachar-patron ko apane sadachar ka rag alapane ke lie mol le sakate hain. ham pratyek lanchhan ko jhooth sabit kar sakate hain, apate par mithya dosharopan ka aparadh laga sakate hain.' 'main isase sahaj upay batala sakati hoon. ap apate ko mere hath men chhod dijie. main usase miloongi aur un yntron se, jinaka prayog karane men hamari jati sidhdahast hai, usake antarik bhavon aur vicharon ki thah lekar apake samane rakh doongi. main aise praman khoj nikalana chahati hoon jinake uttar men use munh kholane ka sahas n ho, aur snsar ki sahanubhooti usake badale hamare sath ho. charon or se yahi avaz aye ki yah kapati aur dhoort tha aur sarakar ne usake sath vahi vyavahar kiya hai jo hona chahie. mujhe vishvas hai ki vah shadayntrakariyon ka mukhiya hai aur main ise sidhd kar dena chahati hoon. main use janata ki drishti men devata nahin banana chahati, usako rakshas ke roop men dikhana chahati hoon.'

'yah kam itana asan nahin hai, jitana tumane samajh rakha hai. apate rajaniti men bada chatur hai.'

'aisa koee purush nahin hai, jis par yuvati apani mohini n dal sake.'

'agar tumhen vishvas hai ki tum yah kam poora kar dikhaogi, to mujhe koee apatti nahin hai. main to keval use dnd dena chahata hoon.'

'to hukm de dijie ki vah isi vakt chhod diya jay.'

'janata kahin yah to n samajhegi ki sarakar dar gayi?'

'nahin, mere khayal men to janata par is vyavahar ka bahut achchha asar padega. log samajhenge ki sarakar ne janamat ka samman kiya hai.'

'lekin tumhen usake ghar jate log dekhenge to man men kya kahenge?'

'nakab dalakar jaoongi, kisi ko kanonkan khabar n hogi.'

'mujhe to ab bhi bhay hai ki vah tumhen sndeh ki drishti se dekhega aur tumhare pnje men n ayega, lekin tumhari ichchha hai to ajama kar dekho.'

yah kahakar mistar jauhari ne mis joshi ko premamay netron se dekha, hath milaya aur chale gaye.

akash par tare nikale hue the, chait ki shital, sukhad vayu chal rahi thi, samane ke chaude maidan men sannata chhaya hua tha, lekin mis joshi ko aisa maloom hua mano apate mnch par khada bol raha hai. usaka shant, saumy, vishadamay svaroop usaki ankhon men samaya hua tha.

5 prat:kal mis joshi apane bhavan se nikali, lekin usake vastr bahut sadharan the aur abhooshan ke nam sharir par ek dhaga bhi n tha. alnkaravihin hokar usaki chhavi svachchh, nirmal jal ki bhanti aur bhi nikhar gayi. usane sadak par akar ek tanga liya aur chali.

apate ka makan garibon ke ek door ke muhalle men tha. tangevala makan ka pata janata tha. koee dikkat n huee. mis joshi jab makan ke dvar par pahunchi to n jane kyon usaka dil dhadak raha tha. usane kanpate hue hathon se kundi khatakhatayi. ek adhed aurat ne nikalakar dvara khol diya. mis joshi us ghar ki sadagi dekhakar dng rah gayi. ek kinare charapaee padi huee thi, ek tooti alamari men kuchh kitaben chuni huee thin, pharsh par likhane ka desk tha aur ek rassi ki alagani par kapade latak rahe the. kamare ke doosare hisse men ek lohe ka choolha tha aur khane ke baratan pade hue the. ek lamba-tadnga adami, jo usi adhed aurat ka pati tha, baitha ek toote hue tale ki marammat kar raha tha aur ek panch-chh: varsh ka tejasvi balak apate ki pith par chadhane ke lie usake gale men hath dal raha tha. apate isi lohar ke sath usi ke ghar men rahate the. samachar-patron men lekh likhakar jo kuchh milata use de dete aur is bhanti grih-prabndh ki chintaon se chhutti pakar jivan vyatit karate the.

mis joshi ko dekhakar apate jara chaunke, phir khade hokar usaka svagat kiya aur sochane lage ki kahan baithaoon. apani daridrata par aj unhen jitani laj ayi utani aur kabhi n ayi thi. mis joshi unaka asamnjas dekhakar charapaee par baith gayi aur jara rukhaee se boli- main bina bulaye apake yahan ane ke lie kshama mangati hoon kintu kam aisa zaroori tha ki mere aye bina poora n ho sakata. kya main ek minat ke lie apase ekant men mil sakati hoon.

apate ne jagannath ki or dekhakar kamare se bahar chale jane ka ishara kiya. usaki stri bhi bahar chali gayi. keval balak rah gaya. vah mis joshi ki or bar-bar utsuk ankhon se dekhata tha. mano poochh raha ho ki tum apate dada ki kaun ho?

mis joshi ne charapaee se utarakar zamin par baithate hue kaha- ap kuchh anuman kar sakate hain ki main is vakt kyon ayi hoon?

apate ne jhenpate hue kaha- apaki kripa ke siva aur kya karan ho sakata hai?

mis joshi nahin, snsar itana udar nahin hua ki ap jise galiyan den, vah apako dhanyavad de. apako yad hai ki kal apane apane vyakhyan men mujh par kya-kya akshep kiye the ? main apase zor dekar kahati hoon ki ve akshep karake apane mujh par ghor atyachar kiya hai. ap jaise sahriday, shilavan, vidvanh, adami se mujhe aisi asha n thi. main abala hoon, meri raksha karane vala koee nahin hai? kya apako uchit tha ki ek abala par mithyaropan karen ? agar main purush hoti to apase dayool khelane ka agrah karati. abala hoon, isalie apaki sajjanata ko sparsh karana hi mere hath men hai. apane mujh par jo lanchhan lagaye hain, ve sarvatha nirmool hain.

apate ne dridhata se kaha- anuman to bahari pramanon se hi kiya jata hai.

mis joshi- bahari pramanon se ap kisi ke antastal ki bat nahin jan sakate.

apate- jisaka bhitar-bahar ek n ho, use dekhakar bhram men pad jana svabhavik hai.

mis joshi- han, to vah apaka bhram hai aur main chahati hoon ki ap us kalnk ko mita den jo apane mujh par lagaya hai. ap isake lie prayashchitt karenge?

apate- agar n karoon to mujhase bada duratma snsar men n hoga.

mis joshi- ap mujh par vishvas karate hain?

apate- mainne aj tak kisi ramani par avishvas nahin kiya.

mis joshi- kya apako yah sndeh ho raha hai ki main apake sath kaushal kar rahi hoon?

apate ne mis joshi ki or apane saday, sajal, saral netron se dekhakar kaha- baeeji, main gnvar aur ashisht prani hoon, lekin nari-jati ke lie mere hriday men jo adar hai, vah us shradhda se kam nahin hai, jo mujhe devataon par hai. mainne apani mata ka mukh nahin dekha, yah bhi nahin janata ki mera pita kaun tha; kintu jis devi ke daya-vriksh ki chhaya men mera palan-poshan hua unaki prem-moorti aj tak meri ankhon ke samane hai aur nari ke prati meri bhakti ko sajiv rakhe hue hai. main un shabdon ko munh se nikalane ke lie atyant du:khi aur lajjit hoon jo avesh men nikal gaye, aur main aj hi samachar-patron men khed prakat karake apase kshama ki prarthana karoonga.

mis joshi ko ab tak adhikansh svarthi adamiyon hi se sabika pada tha, jinake chikane-chupade shabdon men matalab chhipa hua tha. apate ke saral vishvas par usaka chitt anand se gadh‌gad ho gaya. shayad vah gnga men khadi hokar apane any mitron se yah kahati to usake phaishanebul milanevalon men se kisi ko us par vishvas n ata. sab munh ke samane to han-han karate, par bahar nikalate hi usaka majak udana shuroo karate. un kapati mitron ke sammukh yah adami tha jisake ek-ek shabd men sachchaee jhalak rahi thi jo usake antastal se nikalate hue maloom hote the.

apate use chup dekhakar kisi aur hi chinta men pade hue the. unhen bhay ho raha tha ab main chahe kitani kshama magoon, mis joshi ke samane kitani saphaiyan pesh karoon, mere akshepon ka asar kabhi n mitega.

is bhav ne agyat roop se unhen apane vishay ki gum baten kahane ki prerana ki jo unhen usaki drishti men laghu bana den, jisase vah bhi unhen nich samajhane lage, usako sntosh ho jay ki yah bhi kalushit atma hai. bole- main any se abhaga hoon. mata-pita ka to munh hi dekhana nasib n hua, jis dayashil mahila ne mujhe ashray diya tha, vah bhi mujhe 13 varsh ki avastha men anath chhodakar paralok sidhar gayi. us samay mere sir par jo kuchh biti use yad karake itani lajja ati hai ki kisi ko munh n dikhaoon. mainne dhobi ka kam kiya; mochi ka kam kiya; ghode ki saeesi ki; ek hotal men baratan manjata raha; yahan tak ki kitani hi bar kshudha se vyakul hokar bhikh bhi mangi. mazadoori karane ko bura nahin samajhata, aj bhi mazadoori hi karata hoon. bhikh mangani bhi kisi-kisi dasha men kshamy hai, lekin mainne us avastha men aise-aise karm kiye, jinhen kahate lajja ati hai- chori ki, vishvasaghat kiya, yahan tak ki chori ke aparadh men kaid ki saza bhi payi.

mis joshi ne sajal nayan hokar kaha- ap yah sab baten mujhase kyon kah rahe hain? main inaka ullekh karake apako kitana badanam kar sakati hoon, isaka apako bhay nahin hai? apate ne hnsakar kaha- nahin, apase mujhe yah bhay nahin hai.

mis joshi- agar main apase badala lena chahoon, to ?

apate- jab main apane aparadh par lajjit hokar apase kshama mang raha hoon, to mera aparadh raha hi kahan, jisaka ap mujhase badala lengi. isase to mujhe bhay hota hai ki apane mujhe kshama nahin kiya. lekin yadi mainne apase kshama n mangi hoti to mujhase badala n le sakatin. badala lene vale ki ankhen yon sajal nahin ho jaya karatin. main apako kapat karane ke ayogy samajhata hoon. ap yadi kapat karana chahatin to yahan kabhi n atin.

mis joshi- main apaka bhed lene hi ke lie ayi hoon.

apate- to shauq se lijie. main batala chuka hoon ki mainne chori ke aparadh men kaid ki saza payi thi. nasik ke jel men rakha gaya tha. mera sharir durbal tha, jel ki kadi mehanat n ho sakati thi aur adhikari log mujhe kamachor samajhakar benton se marate the. akhir ek din main rat ko jel se bhag khada hua.

mis joshi- ap to chhipe rustam nikale!

apate- aisa bhaga ki kisi ko khabar n huee. aj tak mere nam varnt jari hai aur 500 ru. inam bhi hai.

mis joshi- tab to main apako zaroor pakada doongi.

apate- to phir main apako apana asal nam bhi batalaye deta hoon. mera nam damodar modi hai. yah nam to pulis se bachane ke lie rakh chhoda hai.

balak ab tak to chupachap baitha hua tha. mis joshi ke munh se pakadane ki bat sunakar vah sajag ho gaya. use dantakar bola- hamale dada ko kaun pakalega?

mis joshi- sipahi aur kaun?

balak- ham sipahi ko malenge.

yah kahakar vah ek kone se apane khelane ka dnda utha laya aur apate ke pas virochit bhav se khada ho gaya, mano sipahiyon se unaki raksha kar raha hai.

mis joshi- apaka rakshak to bada bahadur maloom hota hai.

apate- isaki bhi ek katha hai. sal-bhar hota hai, yah ladaka kho gaya tha. mujhe raste men mila. main poochhata-poochhata ise yahan laya. usi din se in logon se mera itana prem ho gaya ki main inake sath rahane laga.

mis joshi- ap anuman kar sakate hain ki apaka vrittant sunakar main apako kya samajh rahi hoon.

apate- vahi, jo main vastav men hoon- nich, kamina, dhoort...

mis joshi- nahin, ap mujh par phir anyay kar rahe hain. pahala anyay to kshama kar sakati hoon, yah anyay kshama nahin kar sakati. itani pratikool dashaon men padakar bhi jisaka hriday itana pavitr, itana nishkapat, itana saday ho, vah adami nahin devata hai. bhagavanh, apane mujh par jo akshep kiye vah saty hain. main apake anuman se kahin bhrasht hoon. main is yogy bhi nahin hoon ki apaki or tak sakoon. apane apane hriday ki vishalata dikhakar mera asali svaroop mere samane prakat kar diya. mujhe kshama kijie, mujh par daya kijie. yah kahate-kahate vah unake pairon par gir padi. apate ne use utha liya aur bole- mis joshi, eeshvar ke lie mujhe lajjit n karo.

mis joshi ne gadh‌gad knth se kaha- ap in dushton ke hath se mera udhdar kijie. mujhe is yogy banaie ki apaki vishvasapatri ban sakoon. eeshvar sakshi hai ki mujhe kabhi-kabhi apani dasha par kitana du:kh hota hai. main bar-bar cheshta karati hoon ki apani dasha sudharoon; is vilasita ke jal ko tod doon, jo meri atma ko charon taraph se jakade hue hai, par durbal atma apane nishchay par sthit nahin rahati. mera palan-poshan jis dhng se hua, usaka yah parinam hona svabhavik-sa maloom hota hai. meri uchch shiksha ne grihini-jivan se mere man men ghrina paida kar di. mujhe kisi purush ke adhin rahane ka vichar asvabhavik jan padata tha. main grihini ki zimmedariyon aur chintaon ko apani manasik svadhinata ke lie vish-tuly samajhati thi. main tarkabudhdi se apane stritv ko mita dena chahati thi, main purushon ki bhanti svatantra rahana chahati thi. kyon kisi ki pabnd hokar rahoon? kyon apani ichchhaon ko kisi vyakti ke sanche men dhaloon? kyon kisi ko yah kahane ka adhikar doon ki tumane yah kyon kiya? dampaty meri nigah men tuchchh vastu thi. apane mata-pita ki alochana karana mere lie uchit nahin, eeshvar unhen sadgati de, unaki ray kisi bat par n milati thi. pita vidvanh the, mata ke lie 'kala akshar bhains barabar' tha. unamen rat-din vad-vivad hota rahata tha. pitaji aisi stri se vivah ho jana apane jivan ka sabase bada durbhagy samajhate the. vah yah kahate kabhi n thakate the ki tum mere panv ki bedi ban gayin, nahin to main n jane kahan udakar pahuncha hota. unake vichar men sara dosh mataji ki ashiksha ke sir tha. vah apani ekamatr putri ko moorkha mata ke snsarg se door rakhana chahate the. mata kabhi mujhase kuchh kahati thin to pitaji un par toot padate- tumase kitani bar kah chuka ki ladaki ko danto mat, vah svayn apana bhala-bura soch sakati hai, tumhare dantane se usake atm-samman ko kitana dhakka lagega, yah tum nahin jan sakatin. akhir mataji ne nirash hokar mujhe mere hal par chhod diya aur kadachith isi shok men chal basin. apane ghar ki ashanti dekhakar mujhe vivah se aur bhi ghrina ho gayi. sabase bada asar mujh par mere kalej ki ledi prinsipal ka hua jo svayn avivahita thin. mera to ab yah vichar hai ki yuvakon ki shiksha ka bhar keval adarsh charitron par rakhana chahie. vilas men rat, kalejon ke shaukin prophesar vidyarthiyon par koee achchha asar nahin dal sakate. main is vakt aisi bat apase kah rahi hoon par abhi ghar jakar yah sab bhool jaoongi. main jis snsar men hoon, usaki jalavayu hi dooshit hai. vahan sabhi mujhe kichad men lathapath dekhana chahate hain, mere vilasasakt rahane men hi unaka svarth hai. ap vah pahale adami hain jisane mujh par vishvas kiya hai, jisane mujhase nishkapat vyavahar kiya hai. eeshvar ke lie ab mujhe bhool n jaiega.

apate ne mis joshi ki or vedanapoorn drishti se dekhakar kaha- agar main apaki kuchh seva kar sakoon to yah mere lie saubhagy ki bat hogi. mis joshi! ham sab mitti ke putale hain, koee nirdosh nahin. manushy bigadata hai to paristhitiyon se, ya poorvasnskaron se. paristhitiyon ka tyag karane se hi bach sakata hai, snskaron se giranevale manushy ka marg isase kahin kathin hai. apaki atma sundar aur pavitr hai, keval paristhitiyon ne usekuhare ki bhanti dhnk liya hai. ab vivek ka soory uday ho gaya hai, eeshvar ne chaha to kuhara bhi phat jayaga. lekin sabase pahale un paristhitiyon ka tyag karane ko taiyar ho jaie.

mis joshi- yahi apako karana hoga.

apate ne chubhati huee nigahon se dekhakar kaha- vaidy rogi ko jabaradasti dava pilata hai.

mis joshi- main sabakuchh karoongi. main kadavi se kadavi dava piyoongi yadi ap pilayenge. kal ap mere ghar ane ki kripa karenge, sham ko?

apate- avashy aoonga.

mis joshi ne vida lete hue kaha- bhooliega nahin, main apaki rah dekhati rahoongi. apane rakshak ko bhi laiega.

yah kahakar usane balak ko god men uthaya aur use gale se laga kar bahar nikal ayi.

garv ke mare usake panv zamin par n padate the. maloom hota tha, hava men udi ja rahi hai. pyas se tadapate hue manushy ko nadi ka tat najar ane laga tha. 6 doosare din prat:kal mis joshi ne mehamanon ke nam davati kard bheje aur utsav manane ki taiyariyan karane lagi. mistar apate ke samman men parti di ja rahi thi. mistar jauhari ne kard dekha to muskaraye. ab mahashay is jal se bachakar kahan jayenge? mis joshi ne unhen phnsane ki yah achchhi tarakib nikali. is kam men nipun maloom hoti hai. mainne samajha tha, apate chalak adami hoga, magar in andolanakari vidrohiyon ko bakavas karane ke siva aur kya soojh sakati hai.

char hi baje se mehaman log ane lage. nagar ke bade-bade adhikari, bade-bade vyapari, bade-bade vidvanh, pradhan samachar-patron ke sampadak apani-apani mahilaon ke sath ane lage. mis joshi ne aj apane achchhe-se-achchhe vastr aur abhooshan nikale hue the, jidhar nikal jati thi maloom hota tha, arun prakash ki chhata chali a rahi hai. bhavan men charon taraph se sugndh ki lapaten a rahi thin aur madhur sngit ki dhvani hava men goonj rahi thi.

panch bajate-bajate mistar jauhari a pahunche aur mis joshi se hath milate hue muskarakar bole- ji chahata hai tumhare hath choom loon. ab mujhe vishvas ho gaya ki yah mahashay tumhare pnje se nahin nikal sakate.

misez petit bolin- mis joshi dilon ka shikar karane hi ke lie banayi gayihain.

mistar sorabaji- mainne suna hai apate bilakul gnvar-sa adami hai.

mistar bharoocha- kisi yoonivarsiti men shiksha hi nahin payi sabhyata kahan se ati?

misez bharoocha- aj use khoob banana chahie.

mahnt virabhadr dadhi ke bhitar se bole- mainne suna hai, nastik hai. varnashram dharm ka palan nahin karata.

mis joshi- nastik to main bhi hoon. eeshvar par mera bhi vishvas nahin hai.

mahnt- ap nastik hon, par ap kitane hi nastikon ko astik bana deti hain.

mistar jauhari- apane lakh ki bat kahi mahntaji!

misez bharoocha- kyon mahntaji, apako mis joshi hi ne astik banaya hai kya?

sahasa apate lohar ke balak ki ungali pakade hue bhavan men dakhil hue. vah poore phaishanebul rees bane hue the. balak bhi kisi rees ka ladaka maloom hota tha. aj apate ko dekhakar logon ko vidit hua ki vah kitana sundar, sajila adami hai. mukh se shaury tapak raha tha, por-por se shishtata jhalakati thi, maloom hota tha vah isi samaj men pala hai. log dekh rahe the ki vah kahin chooke aur taliyan bajayen, kahin phisale aur kahakahe lagayen par apate mnje hue khiladi ki bhanti, jo qadam uthata tha vah sadha hua, jo hath dikhalata tha vah jama hua. log use pahale tuchchh samajhate the, ab usaserh eershya karane lage, us par phabatiyan udani shuroo kin. lekin apate is kala men bhi ek hi nikala. bat munh se nikali aur usane javab diya, par usake javab men maliny ya katuta ka lesh bhi n hota tha. usaka ek-ek shabd saral, svachchh, chitt ko prasann karanevale bhavon men dooba hota tha. mis joshi usaki vakchaturi par phool uthati thi?

sorabaji- apane kis yunivarsiti se shiksha payi thi?

apate- yunivarsiti men shiksha payi hoti to aj main bhi shiksha-vibhag ka adhyaksh n hota.

misej bharoocha- main to apako bhaynkar jntu samajhati thi?

apate ne muskarakar kaha- apane mujhe mahilaon ke samane n dekha hoga.

sahasa mis joshi apane sone ke kamare men gayi aur apane sare vastrabhooshan utar phenke. usake mukh se shubh snkalp ka tej nikal raha tha. netron se dabi jyoti prasphutit ho rahi thi, mano kisi devata ne use varadan diya ho. usane saje hue kamare ko ghrina ke netron se dekha, apane abhooshanon ko pairon se thukara diya aur ek moti saf sadi pahanakar bahar nikali. aj prat:kal hi usane yah sadi mnga li thi.

use is naye vesh men dekhakar sab log chakit ho gaye. kayapalat kaisi? sahasa kisi ki ankhon ko vishvas n aya; kintu mistar jauhari bagalen bajane lage. mis joshi ne ise phnsane ke lie yah koee naya svang racha hai.

'mitron! apako yad hai, parason mahashay apate ne mujhe kitani galiyan di thin. yah mahashay khade hain. aj main inhen us durvavy,vahar ka dnd dena chahati hoon. main kal inake makan par jakar inake jivan ke sare gupt rahasyon ko jan ayi. yah jo janata ki bhid men garajate phirate hain, mere ek hi nishane men gir pade. main un rahasyon ko kholane men ab vilamb n karoongi, ap log adhir ho rahe honge. mainne jo kuchh dekha, vah itana bhaynkar hai ki usaka vrittant sunakar shayad ap logon ko moorchchha a jayagi. ab mujhe leshamatr bhi sndeh nahin hai ki yah mahashay pakke vidrohi hain...'

mistar jauhari ne tali bajayi aur taliyon se haaul goonj utha.

mis joshi- lekin raj ke drohi nahin, anyay ke drohi, daman ke drohi, abhiman ke drohi...

charon or sannata chha gaya. log vismit hokar ek doosare ki or takane lage.

mis joshi- mahashay apate ne gupt roop se shastri jama kiye hain aur gupt roop se hatyae ki hain...

mistar jauhari ne taliyan bajayin aur taliyon ka daungada phir baras gaya.

mis joshi- lekin kisaki hatya? du:kh ki, daridrata ki, praja ke kashton ki, hathadharmi ki aur apane svarth ki.

charon or phir sannata chha gaya aur log chakit ho-hokar ek-doosare ki or takane lage, mano unhen apane kanon par vishvas nahin hai. mis joshi- maharaj apate ne gupt roop se dakaitiyan ki hain aur kar rahe hain... abaki kisi ne tali n bajayi, log sunana chahate the ki dekhen age kya kahatihai. 'unhonne mujh par bhi hath saf kiya hai, mera sabakuchh apaharan kar liya hai, yahan tak ki ab main niradhar hoon aur unake charanon ke siva mere lie aur koee ashray nahin hai.

pranadhar! is abala ko apane charanon men sthan do, use doobane se bachao. main janati hoon, tum mujhe nirash n karoge.'

yah kahate-kahate vah jakar apate ke charanon par gir padi. sari mndali stabhit rah gayi. 7 ek saptah gujar chuka tha. apate pulis ki hirasat men the. un par abhiyog chalane ki taiyariyan ho rahi thin. sare prant men halachal machi huee thi. nagar men roj sabhaen hoti thin, pulis roj das-panch adamiyon ko pakadati thi. samachar-patron men joron ke sath vad-vivad ho raha tha.

rat ke nau baj gaye the. mistar jauhari raj-bhavan men mej par baithe hue soch rahe the ki mis joshi ko kyonkar vapas laen? usi din se unaki chhati par sanp lot raha tha. usaki soorat ek kshan ke lie ankhon se n utarati thi.

vah soch rahe the, isane mere sath aisi daga ki! mainne isake lie kya kuchh n kiya? isaki kaun-si ichchha thi, jo mainne poori nahin ki aur isi ne mujhase bevaphaee ki. nahin, kabhi nahin, main isake bagair jinda nahin rah sakata. duniya chahe mujhe badanam kare, hatyara kahe, chahe mujhe pad se hath dhona pade, lekin apate ko n chhodoonga. is rode ko raste se hata doonga, is kante ko pahaloo se nikal bahar karoonga.

sahasa kamare ka dvar khula aur mis joshi ne pravesh kiya. mistar jauhari hakabakakar kurasi par se uth khade hue aur yah sochakar ki shayad mis joshi udhar se nirash hokar mere pas ayi hai, kuchh rookhe, lekin namr bhav se bole- ao bala, tumhari yad men baitha tha. tum kitani hi bevaphaee karo, par tumhari yad mere dil se nahin nikal sakati. mis joshi- ap keval jaban se kahate hain.

mistar jauhari- kya dil chir kar dikha doon?

mis joshi- prem pratikar nahin karata, prem se duragrah nahin hota. ap mere khoon ke pyase ho rahe hain; us par bhi ap kahate hain, main tumhari yad karata hoon. apane mere svami ko hirasat men dal rakha hai, yah prem hai! akhir ap mujhase kya chahate hain? agar ap samajh rahe hon ki in sakhtiyon se darakar main apake sharan a jaoongi to apaka bhram hai. apako akhtiyar hai ki apate ko kalepani bhej den, phansi par chadha den, lekin isaka mujh par koee asar n hoga. vah mere svami hain, main unako apana svami samajhati hoon. unhonne apani vishal udarata se mera udhdar kiya. ap mujhe vishay ke phndon men phnsate the, meri atma ko kalushit karate the. kabhi apako yah khayal aya ki isaki atma par kya bit rahi hogi? ap mujhe atmashoony samajhate the. is devapurush ne apani nirmal svachchh atma ke akarshan se mujhe pahali hi mulakat men khinch liya. main usaki ho gayi aur marate dam tak usi ki rahoongi. us marg se ab ap mujhe nahin hata sakate. mujhe ek sachchi astha ki zaroorat thi, vah mujhe mil gayi. use pakar ab tinon lok ki sampada meri ankhon men tuchchh hai. main unake viyog men chahe pran de doon, par apake kam nahin a sakati.

mistar jauhari- mis joshi! prem udar nahin hota, kshamashil nahin hota. mere lie tum sarvasv ho, jab tak main samajhata hoon ki tum meri ho. agar tum meri nahin ho sakati to mujhe isaki kya chinta ho sakati hai ki tum kis disha men ho?

mis joshi- yah apaka antim nishchay hai?

mistar jauhari- agar main kah doon ki han, to?

mis joshi ne sine se pistaul nikalakar kaha- to pahale apaki lash zamin par phadakati hogi aur apake bad meri. bolie, yah apaka antim nishchay hai?

yah kahakar mis joshi ne jauhari ki taraph pistaul sidha kiya. jauhari kurasi se uth khade hue aur muskarakar bole kya tum mere lie kabhi itana sahas kar sakati thin? kadapi nahin. ab mujhe vishvas ho gaya ki main tumhen nahin pa sakata. jao, tumhara apate tumhen mubarak ho. us par se abhiyog utha liya jayaga. pavitr prem hi men yah sahas hai. ab mujhe vishvas ho gaya ki tumhara prem pavitr hai. agar koee purana papi bhavishyavani kar sakata hai to main kahata hoon, vah din door nahin, jab tum is bhavan ki svamini hogi. apate ne mujhe prem ke kshetr men nahin, rajaniti ke kshetr men bhi parast kar diya. sachcha adami ek mulakat men hi jivan ko badal sakata hai, atma ko jaga sakata hai aur agyan ko mitakar prakash ki jyoti phaila sakata hai, yah aj sidhd ho gaya.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah