ब्रह्म का स्वांग -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

stri -

main vastav men abhagin hoon, nahin to kya mujhe nity aise-aise ghrinit drishy dekhane padate ! shok ki bat yah hai ki ve mujhe keval dekhane hi nahin padate, varanh durbhagy ne unhen mere jivan ka mukhy bhag bana diya hai. main us supatr brahman ki kanya hoon, jisaki vyavastha bade-bade gahan dharmik vishayon par sarvamany samajhi jati hai. mujhe yad nahin, ghar par kabhi bina snan aur devopasana kiye pani ki ek boond bhi munh men dali ho. mujhe ek bar kathin jvar men snanadi ke bina dava pini padi thi; usaka mujhe mahinon khed raha. hamare ghar men dhobi qadam nahin rakhane pata ! chamarin dalan men bhi nahin baith sakati thi. kintu yahan a kar main mano bhrashtalok men pahunch gayi hoon. mere svami bade dayalu, bade charitravan aur bade suyogy purush hain ! unake yah sadgun dekh kar mere pitaji un par mugdh ho gaye the. lekin ! ve kya janate the ki yahan log aghor-pnth ke anuyayi hain. sndhya aur upasana to door rahi, koee niyamit roop se snan bhi nahin karata. baithak men nity musalaman, kristan sab aya-jaya karate hain aur svami ji vahin baithe-baithe pani, doodh, chay pi lete hain. itana hi nahin, vah vahin baithe-baithe mithaiyan bhi kha lete hain. abhi kal ki bat hai, mainne unhen lemoned pite dekha tha. saees jo chamar hai, berok-tok ghar men chala ata hai. sunati hoon ve apane musalaman mitron ke ghar davaten khane bhi jate hain. yah bhrashtachar mujhase nahin dekha jata. mera chitt ghrina se vyapt ho jata hai. jab ve muskarate hue mere samip a jate hain aur hath pakad kar apane samip baitha lete hain to mera ji chahata hai ki dharati phat jay aur main usamen sama jaoon. ha hindoo jati ! toone ham striyon ko purushon ki dasi banana hi kya hamare jivan ka param kartavy bana diya ! hamare vicharon ka, hamare siddhanton ka, yahan tak ki hamare dharm ka bhi kuchh mooly nahin raha.

ab mujhe dhairy nahin. aj main is avastha ka ant kar dena chahati hoon. main is asurik bhrasht-jal se nikal jaoongi. mainne apane pita ki sharan men jane ka nishchay kar liya hai. aj yahan sahabhojan ho raha hai, mere pati usamen sammilit hi nahin, varanh usake mukhy preshakon men hain. inhin ke udyog tatha prerana men yah vidharmiy atyachar ho raha hai. samast jatiyon ke log ek sath baith kar bhojan kar rahe hain. sunati hoon, musalaman bhi ek hi pnkti men baithe hue hain. akash kyon nahin gir padata ! kya bhagavanh dharm ki raksha karane ke lie avatar n lenge. brahman jati apane niji bandhuon ke sivay any brahmanon ka bhi pakaya bhojan nahin karati, vahi mahanh jati is adhogati ko pahunch gayi ki kayasthon, baniyon, musalamanon ke sath baith kar khane men leshamatr bhi snkoch nahin karati, balki ise jatiy gaurav, jatiy ekata ka hetu samajhati hai.

purush -

vah kaun shubh ghadi hogi ki is desh ki striyon men gyan ka uday hoga aur ve rashtriy sngathan men purushon ki sahayata karengi ? ham kab tak brahmanon ke gorakhadhndhe men phnse rahenge ? hamare vivah-pravesh kab tak janenge ki stri aur purushon ke vicharon ki anukoolata aur samanata gotr aur varn se kahin adhik mahattv rakhati hai. yadi aisa gyat hota to main vrinda ka pati n hota aur n vrinda meri patni. ham donon ke vicharon men zamin aur asaman ka antar hai. yadyapi vah pratyaksh nahin kahati, kintu mujhe vishvas hai ki vah mere vicharon ko ghrina ki drishti se dekhati hai, mujhe aisa gyat hota hai ki vah mujhe sparsh bhi nahin karana chahati. yah usaka dosh nahin, yah hamare mata-pita ka dosh hai, jinhonne ham donon par aisa ghor atyachar kiya.

kal vrinda khul padi. mere kee mitron ne sahabhoj ka prastav kiya tha. mainne usaka saharsh samarthan kiya. kee din ke vad-vivad ke pashchath ant ko kal kuchh gine-ginaye sajjanon ne sahabhoj ka saman kar hi dala. mere atirikt keval char aur sajjan brahman the, shesh any jatiyon ke log the. yah udarata vrinda ke lie asahy ho gayi. jab main bhojan karake lauta to vah aisi vikal thi mano usake marmasthal par aghat hua ho. meri or vishadapoorn netron se dekh kar boli ab to svarg ka dvar avashy khul gaya hoga !

yah kathor shabd mere hriday par tir ke saman lage ! ainthakar bola svarg aur nark ki chinta men ve rahate hain jo apahij hain, karttavy-hin hain, nirjiv hain. hamara svarg aur nark sab isi prithvi par hai. ham is karmakshetr men kuchh kar jana chahate hain.

vrinda dhany hai apake purusharth ko, apake samarthy ko. aj snsar men sukh aur shanti ka samrajy ho jayaga. apane snsar ka uddhar kar diya. isase badh kar usaka kalyan kya ho sakata hai ?

mainne jhunjhala kar kaha ab tumhen in vishayon ke samajhane ki eeshvar ne buddhi hi nahin di, to kya samajhaoon. is parasparik bhedabhav se hamare rashtr ko jo hani ho rahi hai, use moti se moti buddhi ka manushy bhi samajh sakata hai. is bhed ko mitane se desh ka kitana kalyan hota hai, isamen kisi ko sndeh nahin. han, jo janakar bhi anajan bane usaki bat doosari hai.

vrinda bina ek sath bhojan kiye paraspar prem utpann nahin ho sakata ?

mainne is vivad men padana anupayukt samajha. kisi aisi niti ki sharan leni avashyak jan padi, jisamen vivad ka sthan hi n ho. vrinda ki dharm par badi shraddha hai, mainne usi ke shastra se use parajit karana nishchay kiya. bade gambhir bhav se bola yadi asambhav nahin to kathin avashy hai. kintu socho to yah kitana ghor anyay hai ki ham sab ek hi pita ki sntan hote hue, ek doosare se ghrina karen, oonch-nich ki vyavastha men magn rahen. yah sara jagath usi paramapita ka virat roop hai. pratyek jiv men usi paramatma ki jyoti alokit ho rahi hai. keval isi bhautik parade ne hamen ek doosare se prithakh kar diya hai. yatharth men ham sab ek hain. jis prakar soory ka prakash alag-alag gharon men ja kar bhinn nahin ho jata, usi prakar eeshvar ki mahanh atma prithakh-prithakh jivon men pravrisht ho kar vibhinn nahin hoti ...

meri is gyan-varsha ne vrinda ke shushk hriday ko tript kar diya. vah tanmay ho kar meri bat sunati rahi. jab main chup hua to usane mujhe bhakti-bhav se dekha aur rone lagi.

stri -

svami ke gyanopadesh ne mujhe sajag kar diya, main andhere kuen men padi thi. is upadesh ne mujhe utha kar parvat ke jyotirmay shikhar par baitha diya. mainne apani kulinata se, jhoothe abhiman se, apane varn ki pavitrata ke garv men, kitani atmaon ka niradar kiya ! paramapita, tum mujhe kshama karo, mainne apane poojyapad pati se is agyan ke karan, jo ashraddha prakat ki hai, jo kathor shabd kahe hain, unhen kshama karana !

jab se mainne yah amrit vani suni hai, mera hriday atynt komal ho gaya hai, nana prakar ki sadkalpanaen chitt men uthati rahati hain. kal dhobin kapade lekar ayi thi. usake sir men bada dard tha. pahale main use is dasha men dekh kar kadachith maukhik snvedana prakat karati, athava mahari se use thoda tel dilava deti, par kal mera chitt vikal ho gaya. mujhe pratit hua, mano yah meri bahin hai. mainne use apane pas baitha liya aur ghnte bhar tak usake sir men tel malati rahi. us samay mujhe jo svargiy annd ho raha tha, vah akathaniy hai. mera antahkaran kisi prabal shakti ke vashibhoot ho kar usaki or khincha chala jata tha. meri nanad ne a kar mere is vyavahar par kuchh nak-bhaun chadhayi, par mainne leshamatr bhi paravah n ki. aj pratahkal kadake ki sardi thi. hath-panv gale jate the. mahari kam karane ayi to khadi kanp rahi thi. main lihaph odhe angithi ke samane baithi huee thi ! tis par bhi munh bahar nikalate n banata tha. mahari ki soorat dekh kar mujhe atynt duahkh hua. mujhe apani svarthavritti par lajja ayi. isake aur mere bich men kya bhed hai. isaki atma men usi prakar ki jyoti hai. yah anyay kyon ? kyon isilie ki maya ne ham men bhed kar diya hai ? mujhe kuchh aur sochane ka sahas nahin hua. main uthi, apani ooni chadar lakar mahari ko odha di aur use hath pakad kar angithi ke pas baitha liya. isake uparant mainne apana lihaph rakh diya aur usake sath baith kar bartan dhone lagi. vah saral hriday mujhe vahan se bar-bar hatana chahati thi. meri nanad ne a kar mujhe kautoohal se dekha aur is prakar munh bana kar chali gayi, mano main krida kar rahi hoon. sare ghar men halachal pad gayi aur is jara-si bat par ! hamari ankhon par kitane mote parade pad gaye hain. ham paramatma ka kitana apaman kar rahe hain ?

purush -

kadachith madhy path par rahana nari-prakriti hi men nahin hai vah keval simaon par hi rah sakati hai. vrinda kahan to apani kulinata aur apani kul-maryada par jan deti thi, kahan ab samy aur sahridayata ki moorti bani huee hai. mere us samany upadesh ka yah chamatkar hai ! ab main bhi apani prerak shaktiyon par garv kar sakata hoon. mujhe usamen koee apatti nahin hai ki vah nich jati ki striyon ke sath baithe, hnse aur bole. unhen kuchh padh kar sunaye, lekin unake pichhe apane ko bilakul bhool jana main kadapi pasnd nahin kar sakata. tin din hue, mere pas ek chamar apane zamindar par nalish karane aya tha. nissndeh jamindaron ne usake sath jyadati ki thi, lekin vakilon ka kam muft men mukadame dayar karana nahin. phir ek chamar ke pichhe ek bade zamindar se bair karoon ! aise to vakalat kar chuka ! usake rone ki bhanak vrinda ke kan men bhi pad gayi. bas, vah mere pichhe pad gayi ki us mukadame ko zaroor lo. mujhase tark-vitark karane par udyat ho gayi. mainne bahana karake use kisi prakar talana chaha, lekin usane mujhase vakalataname par hastakshar kara kar tab pind chhoda. usaka parinam yah hua ki, pichhale tin din mere yahan muftakhor muvakkilon ka tanta laga raha aur mujhe kee bar vrinda se kathor shabdon men baten karani padin. isi se prachin kal ke vyavasthakaron ne striyon ko dharmik upadeshon ka patr nahin samajha tha. inaki samajh men yah nahin ata ki pratyek siddhant ka vyavaharik roop kuchh aur hi hota hai. ham sabhi janate hain ki eeshvar nyayashil hai, kintu nyay ke pichhe apani paristhiti ko kaun bhoolata hai. atma ki vyapakata ko yadi vyavahar men laya jay to aj snsar men samy ka rajy ho jay, kintu usi bhanti samy jaise darshan ka ek siddhant hi raha aur rahega, vaise hi rajaniti bhi ek alabhy vastu hai aur rahegi. ham in donon siddhanton ki mukt knth se prashnsa karenge, un par tark karenge. apane paksh ko siddh karane men unase sahayata lenge, kintu unaka upayog karana asambhav hai. mujhe nahin maloom tha ki vrinda itani moti-si bat bhi n samajhegi !

vrinda ki buddhi dinondin ulati hoti jati hai. aj rasoee men sabake lie ek hi prakar ke bhojan bane. ab tak gharavalon ke lie mahin chaval pakate the, tarakariyan ghi men banati thin, doodh-makkhan adi diya jata tha. naukaron ke lie mota chaval, matar ki dal aur tel ki bhajiyan banati thin. bade-bade reeson ke yahan bhi yahi pratha chali ati hai. hamare naukaron ne kabhi is vishay men shikayat nahin ki. kintu aj dekhata hoon, vrinda ne sabake lie ek hi bhojan banaya hai. main kuchh bol n saka, bhaunchakka-sa ho gaya. vrinda sochati hogi ki bhojan men bhed karana naukaron par anyay hai. kaisa bachchon ka-sa vichar hai ! nasamajh ! yah bhed sada raha hai aur rahega. main rashtriy aiky ka anuragi hoon. samast shikshit samuday rashtriyata par jan deta hai. kintu koee svapn men bhi kalpana nahin karata ki ham mazadooron ya sevavrittidhariyon ko samata ka sthan denge. ham unamen shiksha ka prachar karana chahate hain. unako dinavastha se uthana chahate hain. yah hava snsar bhar men phaili huee hai par isaka marm kya hai, yah dil men bhi samajhate hain, chahe koee khol kar n kahe. isaka abhipray yahi hai ki hamara rajanitik mahattv badhe, hamara prabhutv uday ho, hamare rashtriy andolan ka prabhav adhik ho, hamen yah kahane ka adhikar ho jay ki hamari dhvani keval mutthi bhar shikshit varg hi ki nahin, varanh samast jati ki snyukt dhvani hai, par vrinda ko yah rahasy kaun samajhave !

stri -

kal mere pati mahashay khul pade. isilie mera chitt khinn hai. prabho ! snsar men itana dikhava, itani svarthandhata hai, ham itane din ghatak hain. unaka upadesh sun kar main unhen devatuly samajhane lagi thi. aj mujhe gyan ho gaya ki jo log ek sath do nav par baithana janate hain, ve hi jati ke hitaishi kahalate hain.

kal meri nanad ki vidaee thi. vah sasural ja rahi thi. biradari ki kitani hi mahilaen nimntrit thin. ve uttam-uttam vastrabhooshan pahane kalinon par baithi huee thin. main unaka svagat kar rahi thi. nidan mujhe dvar ke nikat kee striyan bhoomi par baithi huee dikhayi din, jahan in mahilaon ki jootiyan aur sliparen rakkhi huee thin. ve bechari bhi vidaee dekhane ayi thin. mujhe unaka vahan baithana anuchit jan pada. mainne unhen bhi la kar kalin par baitha diya. is par mahilaon men matakiyan hone lagin aur thodi der men ve kisi n kisi bahane se ek-ek karake chali gayin. mere pati mahashay se kisi ne yah samachar kah diya. ve bahar se krodh men bhare hue aye aur ankhen lal karake bole yah tumhen kya soojhi hai, kya hamare munh men kalikh lagavana chahati ho ? tumhen eeshvar ne itani bhi buddhi nahin di ki kisake sath baithana chahie. bhale ghar ki mahilaon ke sath nich striyon ko baitha diya ! ve apane man men kya kahati hongi ! tumane mujhe munh dikhane layaq nahin rakha. chhiah ! chhiah !!

mainne saral bhav se kaha isase mahilaon ka to kya apaman hua ! atma to sabaki ek hi hai. abhooshanon se atma to oonchi nahin ho jati !

pati mahashay ne honth chaba kar kaha chup bhi raho, besura rag alap rahi ho. bas vahi murgi ki ek tang. atma ek hai, paramatma ek hai ? n kuchh jano n boojho, sare shahar men nakkoo bana diya, us par aur bolane ko marati ho. un mahilaon ki atma ko kitana duahkh hua, kuchh is par bhi dhyan diya ?

main vismit ho kar unaka munh takane lagi.

aj pratahkal uthi to mainne ek vichitr drishy dekha. rat ko mehamanon ki joothi pattal, sakore, done adi bahar maidan men phenk diye gaye the. pachason manushy un pattalon par gire hue unhen chat rahe the ! han, manushy the, vahi manushy jo paramatma ke nij svaroop hain. kitane hi kutte bhi un pattalon par jhapat rahe the, par ve kngale kutton ko mar-mar kar bhaga dete the. unaki dasha kutton se bhi gayi-biti thi. yah kautuk dekh kar mujhe romanch hone laga, meri ankhon se ashrudhara bahane lagi. bhagavanh ! ye bhi hamare bhaee-bahan hain, hamari atmaen hain. unaki aisi shochaniy, din dasha ! mainne tatkshan mahari ko bhej kar un manushyon ko bulaya aur jitani poori-mithaiyan mehamanon ke lie rakhi huee thin, sab pattalon men rakhakar unhen de din. mahari thar-thar kanp rahi thi, sarakar sunenge to mere sir ka bal bhi n chhodenge. lekin mainne use dhadhas diya, tab usaki jan men jan ayi.

abhi ye bechare kngale mithaiyan kha hi rahe the ki pati mahashay munh lal kiye hue aye aur atynt kathor svar men bole tumane bhng to nahin kha li ? jab dekho, ek n ek upadrav khada kar deti ho. meri to samajh men nahin ata ki tumhen kya ho gaya hai. ye mithaiyan domadon ke lie nahin banayi gayi thin. inamen ghi, shakkar, maida laga tha, jo ajakal motiyon ke mol bik raha hai. halavaiyon ko doodh ke dhoye rupaye mazadoori ke diye gaye the. tumane utha kar sab domadon ko khila din. ab mehamanon ko kya khilaya jayaga ? tumane meri ijjat bigadane ka pran kar liya hai kya ?

mainne gambhir bhav se kaha ap vyarth itane kruddh hote hain. apaki jitani mithaiyan khila di hain, vah main mngava doongi. mujhase yah nahin dekha jata ki koee adami to mithaiyan khay aur koee pattalen chaten. domade bhi to manushy hi hain. unake jiv men bhi to usi ...

svami ne bat kat kar kaha rahane bhi do, mari tumhari atma ! bas tumhari hi raksha se atma ki raksha hogi. yadi eeshvar ki ichchha hoti ki pranimatr ko saman sukh prapt ho to use sabako ek dasha men rakhane se kisane roka tha ? vah oonch-nich ka bhed hone hi kyon deta hai ? jab usaki agya ke bina ek patta bhi nahin hil sakata, to itani mahanh samajik vyavastha usaki agya ke bina kyonkar bhng ho sakati hai ? jab vah svayn sarvavyapi hai to vah apane hi ko aise-aise ghrinotpadak avasthaon men kyon rakhata hai ? jab tum in prashnon ka koee uttar nahin de sakati to uchit hai ki snsar ki vartaman ritiyon ke anusar chalo. in besir-pair ki baton se hnsi aur ninda ke sivay aur kuchh labh nahin.

mere chitt ki kya dasha huee, varnan nahin kar sakati. main avakh rah gayi. ha svarth ! ha mayandhakar ! ham brahm ka bhi svang banate hain.

usi kshan se patishraddha aur patibhakti ka bhav mere hriday se lupt ho gaya !

yah ghar mujhe ab karagar lagata hai; kintu main nirash nahin hoon. mujhe vishvas hai ki jaldi ya der brahm jyoti yahan avashy chamakegi aur vah is andhakar ko nasht kar degi.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah