माँ -प्रेमचंद  हिन्दी देवनागरी में पढ़ें।

man -premachnd
manasarovar, bhag-1
lekhak munshi premachnd
mool shirshak man
mukhy patr karuna, adity, prakash
kathanak ek patni aur man ke manobhavon ka sookshm chitran
prakashak dilli pustak sadan
prakashan tithi janavari 01, 2008
ISBN 978-81-88032-23
desh bharat
prishth: 264
bhasha hindi
shaili saral, adarshonmukh yatharthavad
vishay nari manobhavon par adharit
vidha kahani
bhag ek
tippani premachnd bahumukhi pratibha snpann sahityakar the. premachnd ki rachanaon men tatkalin itihas bolata hai. premachnd ne kahani aur upanyas donon hi likhe hain. ve bharat ke shreshthatam kahanikar aur upanyasakar ke roop men jane jate hain.

aj bandi chhootakar ghar a raha hai. karuna ne ek din pahale hi ghar lip-pot rakha tha. in tin varshon men usane kathin tapasya karake jo das-panch rupaye jama kar rakhe the, vah sab pati ke satkar aur svagat ki taiyariyon men kharch kar diye. pati ke lie dhotiyon ka naya joda layi thi, naye kurate banavaye the, bachche ke lie naye kot aur topi ki ayojana ki thi. bar-bar bachche ko gale lagati or prasann hoti. agar is bachche ne soory ki bhanti uday hokar usake andhere jivan ko pradipt n kar diya hota, to kadachit thokaron ne usake jivan ka ant kar diya hota. pati ke karavas-dand ke tin hi mahine bad is balak ka janm hua. usi ka munh dekh-dekhakar karuna ne yah tin sal kat diye the. vah sochati- jab main balak ko unake samane le jaoongi, to vah kitane prasann honge! use dekhakar pahale to chakit ho jayenge, phir god men utha lenge aur kahenge- karuna, tumane yah ratn dekar mujhe nihal kar diya. kaid ke sare kasht balak ki totali baton men bhool jayenge, unaki ek saral, pavitr, mohak drishti hriday ki sari vyathaon ko dho dalegi. is kalpana ka annd lekar vah phooli n samati thi.

vah soch rahi thi- adity ke sath bahut se adami honge. jis samay vah dvar par pahunchege, jay-jayakar’ ki dhvani se akash goonj uthega. vah kitana svargiy drishy hoga! un adamiyon ke baithane ke lie karuna ne ek phata-sa tat bichha diya tha, kuchh pan bana diye the aur bar-bar ashamay netron se dvar ki or takati thi. pati ki vah sudridh udar tejapoorn mudra bar-bar ankhon men phir jati thi. unaki ve baten bar-bar yad ati thin, jo chalate samay unake mukh se nikalati thi, unaka vah dhairy, vah atmabal, jo pulis ke praharon ke samane bhi atal raha tha, vah muskarahat jo us samay bhi unake adharon par khel rahi thi; vah atmabhiman, jo us samay bhi unake mukh se tapak raha tha, kya karuna ke hriday se kabhi vismrit ho sakata tha! usaka smaran ate hi karuna ke nistej[1] mukh par atmagaurav ki lalima chha gayi. yahi vah avalamb[2] tha, jisane in tin varshon ki ghor yatanaon men bhi usake hriday ko ashvasan diya tha. kitani hi raten faqon[3] se gujarin, bahudha ghar men dipak jalane ki naubat bhi n ati thi, par dinata ke ansoo kabhi usaki ankhon se n gire. aj un sari vipattiyon ka ant ho jaega. pati ke pragadh alingan men vah sab kuchh hnsakar jhel legi. vah annt nidhi pakar phir use koee abhilasha n rahegi.

gagan-path ka chiragami lapaka hua vishram ki or chala jata tha, jahan sndhya ne sunahara pharsh sajaya tha aur ujjval pushpon ki sej bichha rakhi thi. usi samay karuna ko ek adami lathi tekata ata dikhaee diya, mano kisi jirn manushy ki vedana-dhvani ho. pag-pag par rukakar khansane lagata thi. usaka sir jhuka hua tha, karuna usaka chehara n dekh sakati thi, lekin chal-dhal se koee boodha adami maloom hota tha; par ek kshan men jab vah samip a gaya, to karuna pahachan gayi. vah usaka pyara pati hi tha, kintu shok! usaki soorat kitani badal gayi thi. vah javani, vah tej, vah chapalata, vah sugathan, sab prasthan kar chuka tha. keval hadh‌diyon ka ek dhancha rah gaya tha. n koee sngi, n sathi, n yar, n dost. karuna use pahachanate hi bahar nikal ayi, par alingan ki kamana hriday men dabakar rah gayi. sare manasoobe dhool men mil gaye. sara manollas ansuon ke pravah men bah gaya, vilin ho gaya.

adity ne ghar men qadam rakhate hi muskarakar karuna ko dekha. par us muskan men vedana ka ek snsar bhara hua tha. karuna aisi shithil ho gayi, mano hriday ka spndan[4] ruk gaya ho. vah phati huee ankhon se svami ki or takataki bandhe khadi thi, mano use apani ankhon par ab bhi vishvas n ata ho. svagat ya du:kh ka ek shabd bhi usake munh se n nikala. balak bhi god men baitha hua sahami ankhon se is knkal ko dekh raha tha aur mata ki god men chipata jata tha.

akhir usane katar svar men kaha- yah tumhari kya dasha hai? bilkul pahachane nahin jate!
adity ne usaki chinta ko shant karane ke lie muskarane ki cheshta karake kaha- kuchh nahin, zara dubala ho gaya hoon. tumhare hathon ka bhojan pakar phir svasth ho jaoonga.
karuna- chhi! sookhakar kanta ho gaye. kya vahan bharapet bhojan nahin milata? tum kahate the, rajanitik adamiyon ke sath bada achchha vyavahar kiya jata hai aur vah tumhare sathi kya ho gaye jo tumhen athon pahar ghere rahate the aur tumhare pasine ki jagah khoon bahane ko taiyar rahate the?
adity ki tyoriyon par bal pad gaye. bole- yah bada hi katu anubhav hai karuna! mujhe n maloom tha ki mere qaid hote hi log meri or se yon ankhen pher lenge, koee bat bhi n poochhega. rashtr ke nam par mitane valon ka yahi puraskar hai, yah mujhe n maloom tha. janata apane sevakon ko bahut jald bhool jati hai, yah to main janata tha, lekin apane sahayogi aur sahayak itane bevapha hote hain, isaka mujhe yah pahala hi anubhav hua. lekin mujhe kisi se shikayat nahin. seva svayn apana puraskar hai. meri bhool thi ki main isake lie yash aur nam chahata tha.
karuna- to kya vahan bhojan bhi n milata tha?
adity- yah n poochho karuna, badi karun katha hai. bas, yahi ganimat samajho ki jita laut aya. tumhare darshan bade the, nahin kasht to aise-aise uthae ki ab tak mujhe prasthan kar jana chahie tha. main zara letoonga. khada nahin raha jata. din-bhar men itani door aya hoon.
karuna- chalakar kuchh kha lo, to aram se leto. (balak ko god men uthakar) baboo ji hain beta, tumhare baboo ji. inaki god men jao, tumhen pyar karenge.

adity ne ansoo-bhari ankhon se balak ko dekha aur unaka ek-ek rom unaka tiraskar karane laga. apani jirn dasha par unhen kabhi itana du:kh n hua tha. eeshvar ki asim daya se yadi unaki dasha snbhal jati, to vah phir kabhi rashtriy andolan ke samip n jate. is phool se bachche ko yon snsar men lakar daridrata ki ag men jhonkane ka unhen kya adhikar tha? vah ab lakshmi ki upasana karenge aur apana kshudr jivan bachche ke lalan-palan ke lie arpit kar denge. unhen is samay aisa gyat hua ki balak unhen upeksha ki drishti se dekh raha hai, mano kah raha hai— 'mere sath apane kaun-sa kartavy-palan kiya?' unaki sari kamana, sara pyar balak ko hriday se laga dene ke lie adhir ho utha, par hath phail n sake. hathon men shakti hi n thi.

karuna balak ko liye hue uthi aur thali men kuchh bhojan nikalakar layi. adity ne kshudhapoorn, netron se thali ki or dekha, manon aj bahut dinon ke bad koee khane ki chiz samane ayi hai. janata tha ki kee dinon ke upavas ke bad aur arogy ki is gayi-gujari dasha men use zuban ko kaboo men rakhana chahie par sabr n kar saka, thali par toot pada aur dekhate-dekhate thali saf kar di. karuna sashnk ho gayi. usane dobara kisi chiz ke lie n poochha. thali uthakar chali gayi, par usaka dil kah raha tha- itana to kabhi n khate the.
karuna bachche ko kuchh khila rahi thi, ki ekaek kanon men avaz ayi- karuna!
karuna ne akar poochha- kya tumane mujhe pukara hai?
adity ka chehara pila pad gaya tha aur sans jor-jor se chal rahi thi. hathon ke sahare vahin tat par let gaye the. karuna unaki yah halat dekhakar ghabara gayi. boli- jakar kisi vaidy ko bula laoon?
adity ne hath ke ishare se use mana karake kaha- vyarth hai karuna! ab tumase chhipana vyarth hai, mujhe tapedik[5] ho gaya hai. kee bar marate-marate bach gaya hoon. tum logon ke darshan bade the, isalie pran n nikalate the. dekho priye, roo mat.
karuna ne sisakiyon ko dabate hue kah- main vaidy ko lekar abhi ati hoon.
adity ne phir sir hilaya- nahin karuna, keval mere pas baithi raho. ab kisi se koee asha nahin hai. daauktaron ne javab de diya hai. mujhe to yah ashchary hai ki yahan pahunch kaise gaya. n jane kaun daivi shakti mujhe vahan se khinch layi. kadachit yah is bujhate hue dipak ki antim jhalak thi. ah! mainne tumhare sath bada anyay kiya. isaka mujhe hamesha du:kh rahega! main tumhen koee aram n de saka. tumhare lie kuchh n kar saka. keval sohag ka dag lagakar aur ek balak ke palan ka bhar chhodakar chala ja raha hoon. ah!
karuna ne hriday ko dridh karake kaha- tumhen kahin dard to nahin hai? ag bana laoon? kuchh batate kyon nahin?
adity ne karavat badalakar kaha- kuchh karane ki zaroorat nahin priye! kahin dard nahin. bas, aisa maloom ho raha hai ki dil baitha jata hai, jaise pani men dooba jata hoon. jivan ki lila samapt ho rahi hai. dipak ko bujhate hue dekh raha hoon. kah nahin sakata, kab avaz band ho jaye. jo kuchh kahana hai, vah kah dalana chahata hoon, kyon vah lalasa le jaoon. mere ek prashn ka javab dogi, poochhoon?

karuna ke man ki sari durbalata, sara shok, sari vedana mano lupt ho gayi aur unaki jagah us atmabal ka uday hua, jo mrityu par hnsata hai aur vipatti ke sanpon se khelata hai. ratnajatit makhamali myan men jaise tej talavar chhipi rahati hai, jal ke komal pravah men jaise asim shakti chhipi rahati hai, vaise hi ramani ka komal hriday sahas aur dhairy ko apani god men chhipaye rahata hai. krodh jaise talavar ko bahar khinch leta hai, vigyan jaise jal-shakti ka udghatan[6] kar leta hai, vaise hi prem ramani ke sahas aur dhairy ko pradipt kar deta hai.
karuna ne pati ke sir par hath rakhate hue kah- poochhate kyon nahin pyare!
adity ne karuna ke hathon ke komal sparsh ka anubhav karate hue kaha- tumhare vichar men mera jivan kaisa tha? badhaee ke yogy? dekho, tumane mujhase kabhi parda nahin rakha. is samay bhi spasht kahana. tumhare vichar men mujhe apane jivan par hnsana chahie ya rona chahie?
karuna ne ullas ke sath kaha- yah prashn kyon karate ho priyatam? kya mainne tumhari upeksha kabhi ki hai? tumhara jivan devataon ka sa jivan tha, ni:svarth, nirlipt aur adarsh! vighn badhaon se tng akar mainne tumhen kitani hi bar snsar ki or khinchane ki cheshta ki hai; par us samay bhi main man men janati thi ki main tumhen oonche asan se gira rahi hoon. agar tum maya moh men phnse hote, to kadachit mere man ko adhik sntosh hota; lekin meri atma ko vah garv aur ullas n hota, jo is samay ho raha hai. main agar kisi ko bade se bada arshivad de sakati hoon, to vah yahi hoga ki usaka jivan tumhare jaisa ho.
yah kahate-kahate karuna ka abhahin mukhamndal jyotirmay ho gaya, mano usaki atma divy ho gayi ho. adity ne sagarv netron se karuna ko dekhakar kaha bas, ab mujhe sntosh ho gaya, karuna, is bachche ki or se mujhe koee shnka nahin hai, main use isase adhik kushal hathon men nahin chhod sakata. mujhe vishvas hai ki jivan-bhar yah ooncha aur pavitr adarsh sadaiv tumhare samane rahega. ab main marane ko taiyar hoon.

2

sat varsh bit gaye.
balak prakash ab das sal ka roopavan, balishth, prasannamukh kumar tha, bal ka tej, sahasi aur manasvi. bhay to use chhoo bhi nahin gaya tha. karuna ka sntapt hriday use dekhakar shital ho jata. snsar karuna ko abhagini aur din samajhe. vah kabhi bhagy ka rona nahin roti. usane un abhooshanon ko bech dala, jo pati ke jivan men use pranon se priy the, aur us dhan se kuchh gayen aur bhainsen mol le lin. vah krishak ki beti thi, aur gau-palan usake lie koee naya vyavasay n tha. isi ko usane apani jivika ka sadhan banaya. vishuddh doodh kahan mayassar hota hai? sab doodh hathon-hath bik jata. karuna ko pahar rat se pahar rat tak kam men laga rahana padata, par vah prasann thi. usake mukh par nirasha ya dinata ki chhaya nahin, snkalp aur sahas ka tej hai. usake ek-ek ang se atmagaurav ki jyoti si nikal rahi hai; ankhon men ek divy prakash hai, gnbhir, athah aur asim. sari vedanaen- vaidhavy ka shok aur vidhi ka nirmam prahar, sab us prakash ki gaharaee men vilin ho gaya hai.

prakash par vah jan deti hai. usaka annd, usaki abhilasha, usaka snsar usaka svarg sab prakash par nyauchhavar hai; par yah majal nahin ki prakash koee shararat kare aur karuna ankhen bnd kar le. nahin, vah usake charitr ki badi kathorata se dekhabhal karati hai. vah prakash ki man nahin, man-bap donon hai. usake putr sneh men mata ki mamata ke sath pita ki kathorata bhi mili huee hai. pati ke antim shabd abhi tak usake kanon men goonj rahe hain. vah atmollas, jo unake chehare par jhalakane laga tha, vah garvamay lali, jo unaki ankho men chha gayi thi, abhi tak usaki ankhon men phir rahi hai. nirntar pati-chintan ne adity ko usaki ankhon men pratyaksh kar diya hai. vah sadaiv unaki upasthiti ka anubhav kiya karati hai. use aisa jan padata hai ki adity ki atma sadaiv usaki raksha karati rahati hai. usaki yahi hardik abhilasha hai ki prakash javan hokar pita ka pathagami ho.

sndhya ho gayi thi. ek bhikharin dvar par akar bhikh mangane lagi. karuna us samay gooon ko pani de rahi thi. prakash bahar khel raha tha. balak hi to thahara! shararat soojhi. ghar men gaya aur katore men thoda sa bhoosa lekar bahar nikala. bhikharin ne abaki jholi phaila di. prakash ne bhoosa usaki jholi men dal diya aur zor zor se taliyan bajata hua bhaga.
bhikharin ne agnimay netron se dekhakar kaha- vah re ladale! mujhase hnsi karane chala hai! yahi man-bap ne sikhaya hai! tab to khoob kul ka nam jagaoge!
karuna usaki boli sunakar bahar nikal ayi aur poochha- kya hai mata? kise kah rahi ho?
bhikharin ne prakash ki taraph ishara karake kaha- vah tumhara ladaka hai n. dekho, katore men bhoosa bharakar meri jholi men dal gaya hai. chutaki-bhar ata tha, vah bhi mitti men mil gaya. koee is tarah dukhiyon ko satata hai? sabake din ek-se nahin rahate! adami ko ghamnd n karana chahie.
karuna ne kathor svar men pukara- prakash!
prakash lajjit n hua. abhiman se sir uthae hue aya aur bola- vah hamare ghar bhikh kyon mangane ayi hai? kuchh kam kyon nahin karati?
karuna ne use samajhane ki cheshta karake kaha- sharm nahin ati, ulte aur ankh dikhate ho.
prakash- sharm kyon ae? yah kyon roj bhikh mangane ati hai? hamare yahan kya koee chiz muft ati hai?
karuna- tumhen kuchh n dena tha to sidhe se kah dete; jao. tumane yah shararat kyon ki?
prakash- unaki adat kaise chhootati?
karuna ne bigadakar kaha- tum ab pitoge mere hathon.
prakash- pitoonga kyon? ap zabaradasti pitengi? doosare mulkon men agar koee bhikh mange, to kaid kar liya jay. yah nahin ki ulte bhikhamngon ko aur shah di jay.
karuna- jo apng hai, vah kaise kam kare?
prakash- to jakar doob mare, zinda kyon rahati hai?
karuna niruttar ho gayi. budhiya ko to usane ata-dal dekar vida kiya, kintu prakash ka kutark usake hriday men phode ke saman tisata raha. usane yah dhrishtata, yah avinay kahan sikhi? rat ko bhi use bar-bar yahi khyal satata raha.
adhi rat ke samip ekaek prakash ki nind tooti. lalaten jal rahi hai aur karuna baithi ro rahi hai. uth baitha aur bola- amman, abhi tum soyi nahin?
karuna ne munh pherakar kah- nind nahin ayi. tum kaise jag gaye? pyas to nahin lagi hai?
prakash- nahin amman, n jane kyon ankh khul gayi. mujhase aj bada aparadh hua, amman!
karuna ne usake mukh ki or sneh ke netron se dekha.
prakash- mainne aj budhiya ke sath badi natakhat ki. mujhe kshama karo, phir kabhi aisi shararat n karoonga.
yah kahakar rone laga. karuna ne snehardr hokar use gale laga liya aur usake kapolon ka chumban karake boli- beta, mujhe khush karane ke lie yah kah rahe ho ya tumhare man men sachamuch pachhatava ho raha hai?
prakash ne sisakate hue kaha- nahin amman, mujhe dil se afasos ho raha hai. abaki vah budhiya ayegi, to main use bahut se paise doonga.
karuna ka hriday matavala ho gaya. aisa jan pada, adity samane khade bachche ko arshivad de rahe hain aur kah rahe hain, karuna, kshobh mat kar, prakash apane pita ka nam roshan karega. teri snpoorn kamanaen poori ho jaengi.

3

lekin prakash ke karm aur vachan men mel n tha aur dinon ke sath usake charitr ka ang pratyaksh hota jata tha. zahin[7] tha hi, vishvavidyalay se use vazife[8] milate the, karuna bhi usaki yathesht sahayata karati thi, phir bhi usaka kharch poora n padata tha. vah mitavyayata[9] aur saral jivan par vidvatta se bhare hue vyakhyan de sakata tha, par usaka rahan sahan phaishan ke andhabhakton se jaun bhar ghatakar n tha. pradarshan ki dhun use hamesha savar rahati thi. usake man aur buddhi men nirntar dvandv hota rahata tha. man jati ki or tha, buddhi apani or. buddhi man ko dabaye rahati thi. usake samane man ki ek n chalati thi. jati seva oosar ki kheti[10] hai, vahan bade se bada upahar jo mil sakata hai, vah hai gaurav aur yash; par vah bhi sthayi nahin, itana asthir ki kshan men jivan bhar ki kamaee par pani phir sakata hai. atev usaka ant:karan anivary veg ke sath vilasamay jivan ki or jhukata tha. yahan tak ki dhire-dhire use tyag aur nigrah[11] se ghrina hone lagi. vah duravastha[12] aur daridrata ko hey samajhata tha. usake hriday n tha, bhav n the, keval mastishk tha. mastishk men dard kahan? vahan to tark hain, manasoobe hain.

sindh men badh ayi. hajaron adami tabah ho gaye. vidyalay ne vahan ek seva samiti bheji. prakash ke man men dvndv hone laga- jaoon ya n jaoon? itane dinon agar vah pariksha ki taiyari kare, to pratham shreni men pas ho. chalate samay usane bimari ka bahana kar diya. karuna ne likha, tum sindh n gaye, isaka mujhe du:kh hai. tum bimar rahate hue bhi vahan ja sakate the. samiti men chikitsak bhi to the! prakash ne patr ka uttar n diya.

udisa men akal pada. praja makkhiyon ki tarah marane lagi. kangres ne pidito ke lie ek mishan taiyar kiya. unhin dinon vidyalayon ne itihas ke chhatron ko aitihasik khoj ke lie lnka bhejane ka nishchay kiya. karuna ne prakash ko likha- 'tum udisa jao.' kintu prakash lnka jane ko lalayit tha. vah kee din isi duvidha men raha. ant ko silon ne udisa par vijay payi. karuna ne abaki use kuchh n likha. chupachap roti rahi.

silon se lautakar prakash chhuttiyon men ghar gaya. karuna usase khinchi-khinchi rahin. prakash man men lajjit hua aur snkalp kiya ki abaki koee avasar aya, to amman ko avashy prasann karoonga. yah nishchay karake vah vidyalay lauta. lekin yahan ate hi phir pariksha ki fikr savar ho gayi. yahan tak ki pariksha ke din a gaye; magar imtahan se phurasat pakar bhi prakash ghar n gaya. vidyalay ke ek adhyapak kashmir sair karane ja rahe the. prakash unhin ke sath kashmir chal khada hua. jab pariksha phal nikala aur prakash pratham aya, tab use ghar ki yad ayi! usane turant karuna ko patr likha aur apane ane ki soochana di. mata ko prasann karane ke lie usane do-char shabd jati seva ke vishay men bhi likhe- 'ab mai apaki agya ka palan karane ko taiyar hoon. mainne shiksha-sambandhi kary karane ka nishchay kiya hai isi vichar se maine vah vishisht sthan prapt kiya hai. hamare neta bhi to vidyalayon ke acharyon hi ka samman karate hain. abhi tak in upadhiyon ke moh se ve mukt nahin hue hain. hamare neta bhi yogyata, sadh‌utsah, lagan ka utana samman nahin karate, jitana upadhiyon ka! ab meri ijjat karenge aur zimmedari ka kam saupengen, jo pahale mange bhi n milata.
karuna ki as phir bndhi.

4

vidyalay khulate hi prakash ke nam rajistrar ka patr pahuncha. unhonne prakash ko inglaind jakar vidyabhyas karane ke lie sarakari vazife ki mnjoori ki soochana di thi. prakash patr hath men liye harsh ke unmad men jakar man se bola‌ amman, mujhe inglaind jakar padhane ke lie sarakari vazifa mil gaya.
karuna ne udasin bhav se poochha- to tumhara kya irada hai?
prakash- mera irada? aisa avasar pakar bhala kaun chhodata hai!
karuna- tum to svaynsevakon men bharati hone ja rahe the?
prakash- to ap samajhati hain, svaynsevak ban jana hi jati seva hai? main inglaind se akar bhi to seva kary kar sakata hoon aur amman, sach poochho, to ek majistret apane desh ka jitana upakar kar sakata hai, utana ek hazar svaynsevak milakar bhi nahin kar sakate. main to sivil sarvis ki pariksha men baithoonga aur mujhe vishvas hai ki saphal ho jaoonga.
karuna ne chakit hokar poochha- to kya tum majistret ho jaoge?
prakash- seva-bhav rakhanevala ek majistret kangres ke ek hazar sabhapatiyon se zyada upakar kar sakata hai. akhabaron men usaki lambi-lambi tariphen n chhapengi, usaki vaktritaon par taliyan n bajengi, janata usake juloos ki gadi n khinchegi aur n vidyalayon ke chhatr usako abhinndan patr denge; par sachchi seva majistret hi kar sakata hai.
karuna ne apatti ke bhav se kaha- lekin yahi majistret to jati ke sevakon ko sajaen dete hen, un par goliyan chalate hain?
prakash- agar majistret ke hriday men paropakar ka bhav hai, to vah narami se vahi kam karata hai, jo doosare goliyan chalakar bhi nahin kar sakate.
karuna- main yah nahin manoongi. sarakar apane naukaron ko itani svadhinata nahin deti. vah ek niti bana deti hai aur har ek sarakari naukar ko usaka palan karana padata hai. sarakar ki pahali niti yah hai ki vah din-din adhik sngathit aur dridh hon. isake lie svadhinata ke bhavon ka daman karana zaroori hai; agar koee majistret is niti ke viruddh kam karata hai, to vah majistret n rahega. vah hindustani tha, jisane tumhare baboo ji ko zara si bat par tin sal ki saza de di. isi saza ne unake pran liye. beta, meri itani bat mano, sarakari padon par n giro. mujhe yah mnjoor hai ki tum mota khakar aur mota pahanakar desh ki kuchh seva karo, isake badale ki tum hakim[13] ban jao aur shan se jivan bitao. yah samajh lo ki jis din tum hakim ki kurasi par baithoge, us din se tumhara dimag hakimon ka sa ho jaega. tum yahi chahege ki afasaron men tumhari nekanami aur taraqqi ho. ek gnvaroo misal lo. ladaki jab tak maike men kvanri rahati hai, vah apane ko usi ghar ki samajhati hai, lekin jis din sasural chali jati hai, vah apane ghar ko doosaron ka ghar samajhane lagati hai. man bap, bhaee bnd sab vahi rahate hain, lekin vah ghar apana nahin rahata. yahi duniya ka dastoor hai.
prakash ne khijhakar kaha- to kya ap yahi chahati hain ki main zindagi bhar charon taraph thokaren khata phiroon?
karuna kathor netron se dekhakar boli- agar thokar khakar atma svadhin rah sakati hai, to main kahoongi, thokar khana achchha hai.
prakash ne nishchayatmak bhav se poochha- to apaki yahi ichchha hai?
karuna ne usi svar men uttar diya- han, meri yahi ichchha hai.

prakash ne kuchh javab n diya. uthakar bahar chala gaya aur turant rajistrar ko inakari patr likh bheja; magar usi kshan se manon usake sir par vipatti ne asan jama liya. virakt aur viman apane kamare men pada rahata, n kahin ghoomane jata, n kisi se milata. munh latakaye bhitar ata aur phir bahar chala jata, yahan tak mahina gujar gaya. n chehare par vah lali rahi, n vah oj; ankhen anathon ke mukh ki bhanti yachana se bhari huee, oth hnsana bhool gaye, manon us inakari patr ke sath usaki sari sajivata, aur chapalata, sari saralata vida ho gayi. karuna usake manobhav samajhati thi aur usake shok ko bhulane ki cheshta karati thi, par roothe devata prasann n hote the.

akhir ek din usane prakash se kaha- beta, agar tumane vilayat jane ki than hi li hai, to chale jao. mana n karoongi. mujhe khed hai ki mainne tumhen roka. agar main janati ki tumhen itana aghat pahunchega, to kabhi n rokati. mainne to keval is vichar se roka tha ki tumhen jati seva men magn dekhakar tumhare baboo ji ki atma prasann hogi. unhonne chalate samay yahi vasiyat[14] ki thi.
prakash ne rookhaee se javab diya- ab kya jaoonga! inakari khat likh chuka. mere lie koee ab tak baitha thode hi hoga. koee doosara ladaka chun liya hoga aur phir karana hi kya hai? jab apaki marji hai ki ganv-ganv ki khak chhanata phiroon, to vahi sahi.
karuna ka garv choor-choor ho gaya. is anumati se usane badha ka kam lena chaha tha; par saphal n huee. boli- abhi koee n chuna gaya hoga. likh do, main jane ko taiyar hoon.
prakash ne jhunjhalakar kaha- ab kuchh nahin ho sakata. log hnsi udayenge. maine tay kar liya hai ki jivan ko apaki ichchha ke anukool banaoonga.
karuna- tumane agar shuddh man se yah irada kiya hota, to yon n rahate. tum mujhase satyagrah kar rahe ho; agar man ko dabakar, mujhe apani rah ka kanta samajhakar tumane meri ichchha poori bhi ki, to kya? main to jab janati ki tumhare man men ap hi ap seva ka bhav utpann hota. tum aj hi rajistrar sahab ko patr likh do.
prakash- ab main nahin likh sakata.
'to isi shok men tane baithe rahoge?'
'lachari hai.'
karuna ne aur kuchh n kaha. jara der men prakash ne dekha ki vah kahin ja rahi hai; magar vah kuchh bola nahin. karuna ke lie bahar ana jana koee asadharan bat n thi; lekin jab sndhya ho gayi aur karuna n ayi, to prakash ko chinta hone lagi. amma kahan gayin? yah prashn bar-bar usake man men uthane laga.

prakash sari rat dvar par baitha raha. bhanti-bhanti ki shnkaen man men uthane lagin. use ab yad aya, chalate samay karuna kitani udas thi; usaki ankhen kitani lal thi. yah baten prakash ko us samay kyon n nazar ayi? vah kyon svarth men andha ho gaya tha?

han, ab prakash ko yad aya- mata ne saph-suthare kapade pahane the. unake hath men chhatari bhi thi. to kya vah kahin bahut door gayi hain? kisase poochhe? anisht ke bhay se prakash rone laga.

shravan ki andheri bhayanak rat thi. akash men shyam meghamalaen, bhishan svapn ki bhanti chhayi huee thin. prakash rah-rahakar akash ki or dekhata tha, mano karuna unhin meghamalaon men chhipi baithi ho. usane nishchay kiya, savera hote hi man ko khojane chaloonga aur agar....

kisi ne dvar khatakhataya. prakash ne daudakar khola, to dekha, karuna khadi hai. usaka mukh-mndal itana khoya hua, itana karoon tha, jaise aj hi usaka sohag uth gaya hai, jaise snsar men ab usake lie kuchh nahin raha, jaise vah nadi ke kinare khadi apani ladi huee nav ko doobate dekh rahi hai aur kuchh kar nahin sakati.
prakash ne adhir hokar poochha- amman kahan chali gayi thin? bahut der lagayi?
karuna ne bhoomi ki or takate hue javab diya- ek kam se gayi thi. der ho gayi.
yah kahate hue usane prakash ke samane ek bnd liphapha phenk diya. prakash ne utsuk hokar liphapha utha liya. oopar hi vidyalay ki muhar thi. turant hi liphapha kholakar padha. halki si lalima chehare par daud gayi. poochh- yah tumhen kahan mil gaya amma?
karuna- tumhare rajistrar ke pas se layi hoon.
'kya tum vahan chali gayi thi?'
'aur kya karati.'
'kal to gadi ka samay n tha?'
'motar le li thi.'
prakash ek kshan tak maun khada raha, phir kunthit svar men bola- jab tumhari ichchha nahin hai to mujhe kyon bhej rahi ho?
karuna ne virakt bhav se kaha- isalie ki tumhari jane ki ichchha hai. tumhara yah malin vesh nahin dekha jata. apane jivan ke bis varsh tumhari hit kamana par arpit kar diye; ab tumhari mahattvakanksha ki hatya nahin kar sakati. tumhari yatra saphal ho, yahi hamari hardik abhilasha hai.
karuna ka knth roondh gaya aur kuchh n kah saki.

5

prakash usi din se yatra ki taiyariyan karane laga. karuna ke pas jo kuchh tha, vah sab kharch ho gaya. kuchh rin bhi lena pada. naye soot bane, sootakes lie gaye. prakash apani dhun men mast tha. kabhi kisi chiz ki pharamaish lekar ata, kabhi kisi chiz ki.

karuna is ek saptah men itani durbal ho gayi hai, usake balon par kitani saphedi a gayi hai, chehare par kitani jhurriyan pad gayi hain, yah use kuchh n najar ata. usaki ankhon men inglaind ke drishy samaye hue the. mahattvakanksha ankhon par parada dal deti hai.

prasthan ka din aya. aj kee dinon ke bad dhoop nikali thi. karuna svami ke purane kapadon ko bahar nikal rahi thi. unaki gadhe ki chadaren, khaddar ke kurate, pajamen aur lihaph abhi tak sandook men snchit the. prativarsh ve dhoop men sukhaye jate aur jhad ponchhakar rakh diye jate the. karuna ne aj phir un kapado ko nikala, magar sukhakar rakhane ke lie nahin, garibon men bant dene ke lie. vah aj pati se naraz hai. vah lutiya, dor aur ghadi, jo adity ki chirasngini thin aur jinaki bis varsh se karuna ne upasana ki thi, aj nikalakar angan men phenk di gayi; vah jholi jo barason adity ke kandhon par aroodh rah chuki thi, aj koode men dal di gayi; vah chitr jisake samane bis varsh se karuna sir jhukati thi, aj vahi nirdayata se bhoomi par dal diya gaya. pati ka koee smriti chihn vah ab apane ghar men nahin rakhana chahati. usaka ant:karan shok aur nirasha se vidirn ho gaya hai aur pati ke siva vah kis par krodh utare? kaun usaka apana hain? vah kisase apani vyatha kahe? kise apani chhati chirakar dikhae? vah hote to kya prakash dasata ki jnzir gale men dalakar phoola n samata? use kaun samajhaye ki adity bhi is avasar par pachhatane ke siva aur kuchh n kar sakate.

prakash ke mitron ne aj use vidaee ka bhoj diya tha. vahan se vah sndhya samay kee mitron ke sath motar par lauta. saphar ka saman motar par rakh diya gaya, tab vah andar akar man se bola- amma, jata hoon. bambee pahunch kar patr likhoonga. tumhen meri qasam, rona mat aur mere khaton ka javab barabar dena.
jaise kisi lash ko bahar nikalate samay sambandhiyon ka dhairy chhoot jata hai, ruke hue ansoo nikal padate hain aur shok ki tarngen uthane lagati hain, vahi dasha karuna ki huee. kaleje men ek hahakar hua, jisane usaki durbal atma ke ek-ek anu ko knpa diya. maloom hua, panv pani men phisal gaya hai aur vah laharon men bahi ja rahi hai. usake mukh se shok ya arshivad ka ek shabd bhi n nikala. prakash ne usake charan chhue, ashru jal se mata ke charanon ko pakhara, phir bahar chala. karuna pashan moorti ki bhanti khadi thi.
sahasa gvale ne akar kaha- bahoo ji, bhiya chale gaye. bahut rote the.
tab karuna ki samadhi tooti. dekha, samane koee nahin hai. ghar men mrityu ka sa sannata chhaya hua hai, aur manon hriday ki gati band ho gayi hai.
sahasa karuna ki drishti oopar uth gayi. usane dekha ki adity apani god men prakash ki nirjiv deh lie khade ho rahe hain. karuna pachhad khakar gir padi.

6

karuna jivit thi, par snsar se usaka koee nata n tha. usaka chhota-sa snsar, jise usane apani kalpanaon ke hriday men racha tha, svapn ki bhanti anant men vilin ho gaya tha. jis prakash ko samane dekhakar vah jivan ki andheri rat men bhi hriday men ashaon ki sampatti liye ji rahi thi, vah bujh gaya aur sampatti lut gayi. ab n koee ashray tha aur n usaki zaroorat. jin gooon ko vah donon vakt apane hathon se dana chara deti aur sahalati thi, ve ab khoonte par bndhi nirash netron se dvar ki or takati rahati thin. bachhadon ko gale lagakar puchakarane vala ab koee n tha, jisake lie doodh duhe, mattha nikale. khane vala kaun tha? karuna ne apane chhote-se snsar ko apane hi andar samet liya tha.

kintu ek hi saptah men karuna ke jivan ne phir rng badala. usaka chhota sa snsar phailate-phailate vishvavyapi ho gaya. jis lngar ne nauka ko tat se ek kendr par bandh rakha tha, vah ukhad gaya. ab nauka sagar ke ashesh vistar men bhraman karegi, chahe vah uddam tarngon ke vaksh men hi kyon n vilin ho jae.
karuna dvar par a baithati aur muhalle bhar ke ladakon ko jama karake doodh pilati. dopahar tak makkhan nikalati aur vah makkhan muhalle ke ladake khate. phir bhanti bhanti ke pakavan banati aur kutton ko khilati. ab yahi usaka nity ka niyam ho gaya. chidiyan, kutte, billiyan chinte chitiyan sab apane ho gaye. prem ka vah dvar ab kisi ke lie band n tha. us angul-bhar jagah men, jo prakash ke lie bhi kafi n thi, ab samast snsar sama gaya tha.

ek din prakash ka patr aya. karuna ne use uthakar phenk diya. phir thodi der ke bad use uthakar phad dala aur chidiyon ko dana chugane lagi; magar jab nisha yogini ne apani dhooni jalayi aur vedanaen usase varadan mangane ke lie vikal hokar chalin, to karuna ki manovedana bhi sajag ho uthi- prakash ka patr padhane ke lie usaka man vyakul ho utha. usane socha, prakash mera kaun hai? mera usase kya prayojan? han, prakash mera kaun hai? han, prakash mera kaun hai? hriday ne uttar diya, prakash tera sarvasv hai, vah tere us amar prem ki nishani hai, jisase too sadaiv ke lie vnchit ho gayi. vah tera pran hai, tere jivan dipak ka prakash, teri vnchit kamanaon ka madhury, tere ashru jal men vihar karane vala karane vala hns. karuna us patr ke tukadon ko jama karane lagi, mana usake pran bikhar gaye hon. ek ek tukada use apane khoye hue prem ka ek padachihn sa maloom hota tha. jab sare puraje jama ho gaye, to karuna dipak ke samane baithakar use jodane lagi, jaise koee viyogi hriday prem ke toote hue taron ko jod raha ho. hay ri mamata! vah abhagin sari rat un purajon ko jodane men lagi rahi. patr donon or likha tha, isalie purajon ko thik sthan par rakhana aur bhi kathin tha. koee shabd, koee vaky bich men gayab ho jata. us ek tukade ko vah phir khojane lagati. sari rat bit gayi, par patr abhi tak apoorn tha.
din chadh aya, muhalle ke launde makkhan aur doodh ki chah men ekatr ho gaye, kutton or billiyon ka agaman hua, chidiyan a akar angan men phudakane lagin, koee okhali par baithi, koee tulasi ke chautare par, par karuna ko sir uthane tak ki phurasat nahin.
dopahar hua, karuna ne sir n uthaya. n bhookh thi, n pyas. phir sndhya ho gayi. par vah patr abhi tak adhoora tha. patr ka ashay samajh men a raha tha- prakash ka jahaz kahin se kahin ja raha hai. usake hriday men kuchh utha hua hai. kya utha hua hai, yah karuna n soch saki? karuna putr ki lekhani se nikale hue ek-ek shabd ko padhana aur use hriday par ankit kar lena chahati thi.
is bhanti tin din gujar gaye. sndhya ho gayi thi. tin din ki jagi ankhen jara jhapak gayi. karuna ne dekha, ek lamba-chauda kamara hai, usamen mejen aur kursiyan lagi huee hain, bich men oonche mnch par koee adami baitha hua hai. karuna ne dhyan se dekha, prakash tha.
ek kshan men ek qaidi usake samane laya gaya, usake hath-panv men jnzir thi, kamar jhuki huee, yah adity the.
karuna ki ankhen khul gayin. ansoo bahane lage. usane patr ke tukadon ko phir samet liya aur use jalakar rakh kar dala. rakh ki ek chutaki ke siva vahan kuchh n raha, jo usake hriday men vidirn kie dalati thi. isi ek chutaki rakh men usaka gudiyon vala bachapan, usaka sntapt yauvan aur usaka trishnamay vaidhavy sab sama gaya.

prat:kal logon ne dekha, pakshi pinjade se ud chuka tha! adity ka chitr ab bhi usake shoony hriday se chipata hua tha. bhagn hriday pati ki snehasmriti men vishram kar raha tha aur prakash ka jahaz yoorop chala ja raha tha.

tika tippani aur sndarbh

  1. jisamen tej na ho ya abha na ho, utsahahin, sahasarahit
  2. ashray, sahara
  3. nirahar ya bhookha rahane ki avastha
  4. ruk rukakar aur dhire dhire hilana, dhadakan
  5. rajayakshma, kshayarog
  6. kholana, ugharana, prakat karana
  7. medhavi, tikshnabuddhivala, buddhiman, samajhadar, pratibhashali
  8. vidyarthi ko padhne men sahayata ke lie diya jane vala dhan, chhatravritti
  9. thoda ya kam kharch karana, mitavyayi hone ka bhav
  10. asambhav bat/kam
  11. avarodh, niyntran, rok, svachchhnd pravritti ka daman
  12. buri dasha, durdasha, daridrata ke karan hone vali hin dasha
  13. shasak, pradhan adhikari
  14. marane vale manushy ka antim kathan, marane ke bad dhanasampatti ke prabandh ke vishay men ya vyay ke lie jivan kal men diya gaya antim likhit nirdesh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah